Tuesday, July 08, 2008

الامل المجروح


هما قصيدتين ...قضيتين ...قلبين محطمين
قصيدتين قديمتان واحده منهما بعنوان 'أبعتذر'للشاعر بدر بن عبد المحسن
والثانية 'تقوى الهجر' أو 'لا تعتذر' للشاعرة.
..كما لقبت نفسها... الأمل المجروح!
والإشاعة اللي تداولها الكثيرون
عنهم هي أن الأمير ((بدر بن عبدالمحسن)) كان يريد أن ينفصل عن
زوجته التي هي ((الأمل المجروح))لكنه لم يجرؤ
على أن ينطق بذلك أمامها ..
!!فأرسلها لبيت أهلها ..
وبعد مرورأيام طويلة
بعث لها هذه القصيدة
مع أحد السائقين وعندما قرأت قصيدته أغمي عليها
وفهمت منها أنه
طلقها مع العلم بأن 'البدر'كان يعشقها بجنون ..ولكن الفراق كان بسبب ظروف خاصة


البدر
أبعتذر..
الأمل المجروح
لا تعتذر!!
البدر
أبعتذر عن كل شي إلا الهوى
ماللهوى عندي عذر.
. أبعتذر .. عن أيشي..إلا الجراح.. ما للجراح إلاالصبر
...الأمل المجروح
دام الهوى ماله على قولك
عذر...والجرح ياجرحي يداويه الصبرليه العذر؟!

البدر
ولو ضايقك إني على بابك أمر فيليلة ألم
. . واني على دربك مشيت
عمري وأنا قلبي القدم .
.أبعتذرأبعتذر
كلي ندم أبعتذر
عن كل شيءإلا الهوى مال الهوى عندي عذر.
.أبعتذر عن أي شي إلا الجراح ماللجراح إلا الصبر..

الأمل المجروح
لالا تعنى لي وتمر وتبغى الصبر..وين الصبر؟
جــرحــي
عـــمـــيــــق والقلب في دمه غريق
!وتبغى الصبر؟!
ويلاه من وين الصبر
.. مهما تقول لا تعتذر
، مهماتقول من الأغاني والجمل . .
مايحتمل قلبي فديا جبر الألم
يمشي معك درب الندم
ما يحتمل ، يكفي
عليه منك احتمل كذب وغدر، حبك
سراب ضيعت وقتي اتبعه يكفي عليه ..

البدر
تصدقي ما اخترت أنا أحبك
محد يحباللي يبي
يا حبي المر العذب
سكنت جروحي غصب
، ليت الهوى وأنتي كذب ..

الأمل المجروح
يكفي عليه منك احتمل كذب وغدر ،
حبك سراب ضيعت وقتي اتبعه ،
وسط الضباب صوتك ينادي أسمعه صرت أتبعه..

البدر
أبوعدك كان الطريق بيبعدك . .أبمشي في طريق ..


الأمل المجروح
تمشي في طريق . . وين الطريق اللي يوديني لبعيد عنك؟
يا أول رفيق البعد يعفيني المزيد ..


البدر
أبوعدك كان الجحود بيسعدك . . مالي رفيق ..


الأمل المجروح
وين الوفا والتضحية . . وينك رفيق..؟؟!

البدر
أبجمع أوراق السنين وأودعك
. الأمل المجروح
بتجمع أوراق السنين . .
لا تنسى تجمع جروحي
ودمعي وآهاتي معك
وقلبي بعد ما قتلته
يا رفيقي ماعاد يقدر يمنعك ..



البدر
أبعتذر أبعتذر كلي ندم أبعتذر
عن كل شيء إلا الهوى مال الهوى عندي عذر
الأمل المجروح
وين الندم بين السطور .
.عمر العدم ماله ظهور .
. ترى هذا غرور .
. هذاغرور ..!!!


منقول
قمه في الرقي حبهم
انفاصلهم
وعتبهم

31 comments:

secret said...

تقوى الهجر أغنية قديمة حق خالد عبدالرحمن

lawyer said...

سيكرت

اي اغنيه ابعتذر لمحمد عبده

وتقوى الهجر خالد عبدالرحمن
مكتوب حتى في الايميل انه اخذ 3 شهور في تلحينهاا ...

تبي الصج ما كنت وايد احبها بس عقب ما قريت القصيده و القصه قمت اسمعهاااااااا بصوره ثانيه

kuwaitawy said...

لوير

انا كنت اعرفها الاغنية واعرف بعض كلماتها

بس بعد ما قريت موضوعج

اعتقد اني راح اندمج اذا سمعت الاغنية مرة ثانية


مشكوووووووره عالموضوع

والله نايس

secret said...

اي طبعا لما الواحد يكتشف ان كلمات الاغنية تعود لقصة حقيقية المعاني تكبر جدامه

خصوصا لما تحتوي القصة على بهارات تبيّنها من قصص ألف ليلة و ليلة

و يا كثر ما يسوونها

lawyer said...

كويتاوي

اعرررررررررف شعورك بالظبط انصحك اتنزل الاغنيه على الاي بووووووود و تاخذ الخط السريع او الدوام و تسمعهااااااااا

راح تندمج اكثر

و تفككككككر




سيكرت

واااااااااااايد فوق ما اتخل

اشدراااااااك اني اصلا سوييييييييت فيلم !!

لا توصي حريص


لاني اعرف ناس شرحولي شغلات اكثر من الكلام الي قلته لكم شي ما ادري اذا مسموح لي اقوله

عرفت انها تطلقت لان هالشي مثل ما تقول امر اميري

ظغطو عليه اهله يطلقها


احس اهي اشذمبها مسكينه

عورت قلبي
و اهو بعد ما ينلااااام


اسكت لا يسكرون بلوقي ابتلششششششش

Barrak said...

لوير



صارلي اسبوع احوس على اغنية سدرة العشاق ببلوجج


ماكوشي

ابي حل

لو سمحتي


على فكره يقال ان قصه ابعتذر غير صحيحه

lawyer said...

براااااااااك

http://gulf.salmiya.net/songs/shadee/

رووح موقع السالميه

حط على خليجي

و روووووح عند شادي الخليج و نزل الاغنيه اذا ما صااااااارت وياك قولي

why me said...

حلوه

؛)

layal said...

صدقت القصه ولو اني نادر ما اصدق كلام الايميلات

لم ادخل البلوق مالج او تعليقاتج دايم اذكر القصه اللي كتبتيها ((ضياع لولو))
:-) معلقه وياي
تحياتي

Sn3a said...

تصدقين ما اندمج الا بالكلمات
ولو اسمعها اغتيه جان ماحبيتها

بس جد روعه

هالبوست عجيب

خاصه
الأمل المجروح
تمشي في طريق . . وين الطريق اللي يوديني لبعيد عنك؟
يا أول رفيق البعد يعفيني المزيد
يعفيني المزيد!

ولما تقول
ترا هذا غرور
هذا غرور

صج حبيت البوست
ثانكس لوير

مفعـــــوصة said...

يعطيك العافية
توني ادري
تحفة تركيبة ابيات الشعر تحفة
..
في رياييل تحب شذيه
انا راضية
صج شاعر حتى بالطلاق كلاس

Najmah said...

خنقتني العبرة
!!
اول مرة احس بالكلمات واندمج فيها

لوووووووير
سؤال خارجي ممكن؟
بالرجيم القلاص ماي نشربه قبل الاكل
على طول ولا قبل فترة؟
وآسفين عالازعاج
:))

Blog 3amty said...

@@

Eng_Q8 said...

خوش كلمات


المهم انا بعلق على الموضوع الي حدر

يبا ما يصير عطينا اسامي يزاج الله خير نبي انعرف ترى انا لي الحين ضايع بالطوشه من سالفتج الاولى

بس الموضوع الثالث الي بالبوست الي طاف عرفته لوووووووووووووووول

الزين said...

^
^
^
^
^
فطيم اعلمه؟؟

lawyer said...

why me

حلاات دنياج

لياااااااال

يااااااااااااااااااااه
فيييييييييييييييج كل الخير في هالمرور الطيب الكرييييييييييم

لولو
من احلى القصص الي كتبتها
مجنونه هي و مجنونه انااااا بطرح جرأتها

:)
يسسسسسسعد صباحك و صبااحي

توه وصلت قهوتي
على قوله المصرين حمااتج بتحبج

:*



سنعه

حياااااااج الله
ابيييييه مو صج تعور القلب
مو اتحسيييييين ان يوم وصلتها طاحت من طوولها

و طلع الكلام من قلبها ؟؟
من حرتهاااااا


انا مثلج
احب اقرا الكلمات تالي اسمع الاغنيه

:)




مفعوصه
حياج الله
اي شششششفتاي
كلااااااااس




نجمه
قبل لا تاكلين تشربين الماي
على طول يعني تشربين وتالي تاكلييييييين

لان الهدف منه يتفخ البطن و من يطب شي في حلججج ينهضم ويا الماي
وو هم كلاس ماي اثناء الوجبه و بعدها في ليمونه
بسسسسسسسسس انا كنت لاغيه القلاص اثناء الوجبه لاني ما اعبر بطني يصيييييييييير رقيه!!




بلوق عمتي
يااااااازتلك؟




انجنير
عاااااااااااد تصدق
رقم 3 بالذااااات
والله ما قصدت فيه بنت معينه

لان ماااااااكنت اعرف حزتها اذا في بلوقر مدرساااات

بس من خياااااااالي

لكن في جم شي من الواقع
ههههههههههه





زيووووووووووونا
حبيييييييييبتي
مامااااااااااااااااتي
ابوووووووووووووووي انتي

سدي حلجج لا تفضحينه
ههههههههههههههههههههههه

عرفتي الي عظيت على براطمي و خذييييييتج دااخل
ههههههههههههههههههههه

فشششششششششلتنا البنت يا ناااااااااس سامحوني
توهاااااااااا صغيره صغيييييييره

ههههههههههههههههههه

:*****

سؤال زيوووووووونا

ذكريني في شششششسمه مال الجم يوم

haifa said...

فطيم غاليتي

الكلمات روعه .. وابعتذر من الاغاني الي ربينا عليها وعشقناها من صغرنا ..

بس لاول مره احس بالارف منها .. كرهتها .. انا اكره الرجل الهش .. الضعيف .. واللي ممكن يضحي بحبيبته لاي ظرف .. هذا اشترى نفسه وباعها ..والمصيبة الاكبر انها زوجته بعد !!

ادوارد الثامن تخلى عن عرش بريطانيا الامبراطورية التي لاتغيب عنها الشمس من اجل ان يتزوج المرأة التي يحبها .. المراة التي رفضها القصر كونها مطلقة !!

بدر بن عبدالمحسن لاننكر انه امير لكن لا سلطة له بالاساس او منصب يخاف عليه وايضا لامجال للمقارنه بين بريطانيا والسعودية .. اي ان ظروفه افضضل من ادواراد الثامن .. ومع ذلك تخلى عن حبيبته .. ولا اعتقد ان لزوجته ضلع بالموضوع .. لان من شاهد بدر بالسنوات الاخيرة بباريس شاهده مع زوجته الصغيرة وطفلهما

حقيقة ابعتذر عن كل تقديري للكلمات سابقا .. لانها بدت لي اليوم هشه كهشاشه كاتبها

الزين said...

الشسميييييييه الشيسامووووونيييييه مال جمن يوم ما يصلاااااح ابوي انتي

باااااااااييييييت

:)))))))))))

5roofa said...

:'(

انزين ما ردو حق بعض عقب؟؟؟

واااي ليش والله تحسفت عليهم

salamz sweetee....

elq87obi said...

gmحلو :)

انا سامعها من قبل بس يوم قريتها ببلوقج احس اني توني سامعها :)

يعطيج العافيه لوير

سلامي لج :)

PearL said...

قمة في الرقي



قريت الشعر قبل فترة وعجبني

لكن اول مرة اقرا شعر الامل المجروح

Blog 3amty said...

(قلبج متروساه)


:P

NewMe said...

قصيدته مليئة بالأنانية
وقصيدتها تنضح كبرياء
تعجبني المرأة القوية
ولن ينفعه اعتذاره شيء
دومي بحب
تحياتي

الزين said...

تصدقين كنت احب بدر بن عبدالمحسن

الحين كرهته

ضعيف

وانا ما احب الريال الضعيف

lawyer said...

الغاليه هيفا

للمرة الالف اسأل عنج

تنقطعين و تردين
وين تختفين؟

انا الي خلاني احط هذا البوست مو عشان نكره بدر بن عبدالمحسن
ولكن لنعلم ان مهما كان الحب كبير

في مرات ظروف اقوى منه

انا ما اعرف تفاصيل وايد
بس لو كانت هذي الزوجه الثانيه

او لو كانت نزوة

هل تتعاطفون ويا الزوجه الاولى و البيت و العيال؟

لو كانت الامل المجروح حب زواج وقتي

هل الشي يختلف ؟؟

مدري شنو الظروف بس الي اعرفه انهااا بامر تطلقت

مراات الريال يحسبها بالعقل صح

كلامي اليوم منطقي
مو لايق علي الا اني اكون محاميه الحب

وووووووووولكن الدنيا ورتني ان فيها ظروف كثيره


زيونا
شيكي الكالندر




خروفا

اهليييييييييييييييين

شلوونج سافرتي ؟

لا ماردووووووووووو

هههههههههه مدري والله





الكويت حبي

جود افتر نون
اي عقب القصيده والقصه
تسسسسسسسسمعها بشي ثاني

سلامي لك :))





بيرل
صصصصصصصج اسمها راقي
امل

مجروح

تعور القلب




بلوق عمتي
اشدرااااااك



نيومي
حياااااااج الله
يالغاليه

وصلج سلاااااامي صح :)

لن و لم تنفع

تحيااااات
مليئه بعطر الياسمين

المرا الياااااايه اذا وصلتي دارنا طقي الباب


ترا عندنا شاي و ماي انضيفج مو بخلااااااا احنا لا تخافين

:))




الزين


قلبج يكره؟؟

مممممممم ماصدقج

بسألج عقب ساعه بتكونين نسييييتاي و سامحتاي

:**

NewMe said...

واصلة يا أحلى لوير
بس
ارسلتي سلام مع احد اعرفه
والا في مدونة؟
ما اذكر ياني شيء
زيارتي كانت من شهرين ونص
بس اكيد بكررها
وادري بكم ما تقصرون
أسيل شالتني بعيونها
وأمها بعد تينن وايد احبها
يا حلو الكويت ويا حلو اهلها
دومي بحب
تحياتي

lawyer said...

اي وصلت سلامي
مع اسيل الغاليه

والمرا اليايه عندي انشاء الله

اتشرف فيج و في كل بحريني يخطي تراب الكويت

انتي غاليه
و بعد بحيرينه

لج شي بالقلب و الخاطر بقلووووب الكويت

NewMe said...

حبيبتي وصلني سلامج
المرة الياية
بخبرج قبل لا اوصل
وانشوف اشلون بنرتبها
وهم انتي
مو تزورين البحرين
وما تخبرين
كلج ذوق
دومي بحب
تحياتي

haifa said...
This comment has been removed by the author.
haifa said...

غاليتي فطيم

انا موجودة وغايبة بنفس الوقت
دوامي مستنزف وقتي وجهدي بشكل كبير لدرجة ماصار لي مزاج اكتب حتن بوست رغم الاحداث المستفزة ..

خلينا من بدر الخاين بو الحريم .. بوستج الاخير .. ادري ماتبين احد يعلق ماتبين تسمعين شي كلام وغصة وجرح وحنين سطرتيهم وبس .. بس اكو شي كبير اذهلني .. دايما كل ما اقرالج ابتسم للتشابه الكبير ببعض الظروف والتصرفات بيني وبينج.. لكن هالبوست ذبحني .. نفس الغصة على نفس الانسانة الي لها نفس الاسم وفراقها صار له نفس المدة تقريبا .. بس صدقيني ظروفج وااااااااايد افضل مني انا الي جرحني ماكنت يمها شهور ماشفتها بحكم المسافة وهذا الي مدمرني

الله يرحمهم جميعا ويعينا على فرقاهم

lawyer said...

هيفا

ياااااااااه
لي هالدرجه انتشاااااااابه

شررف لي يالغاليه

اااااااااخ عورتي قلبي

ما شفتيها عيل ؟

الوعد الجنه قولي امين