Tuesday, July 15, 2008

الا ليت الشباب يعود يوما


هالايام قاعده ادور صور معينه
عندي بوكس البومات و صوري من يوم انا ياهل لي اخر سفره حمضت فيها افلام من يت
هالديتجتال خرطي كلا بالجهاز بعدين يختفون
المهم
طايحه على صور ظيييييييييييييييم
اتلوع الجبد
حقي و حق رفيجاتي
ابي صوره سنعه حقي
قاعده مثل الناس ماكو
صوري بالسفر يااا مايعه ياسايحه يا متسدحه
"فيني عرج سوداني الظاهر "

و صوري بالمصور كل ويه غييييير
تكفون تذكرون مصور العصيمي الي بالصالحيه
وييييييييييييييع شاللقطاات !! انا ورفيجاتي بالارض
و صايره بس اصور ام ام اس و ادز اوري رفيجاتي الصور
يدقون يصرخوون
وييييييييييييع فطييييييم حرقيهم
الي ضعفت
الي سوت الخشم
الي تفخت
الحوااجب الحواااااجب قاتله
اما انااااا عندي صورة لو يشوفها واحد يهون مايفكر حتى يعلق عندي في بلوق بعد

بلندن في الهايد بااااااارك بعد التحرير
تذكرون هبينا في قمصان فرساتشي المشيرين الحرير الي عليهم برنت سلااااااسل
قميص حرير ومثله ليقيينج و حزاااااام موسكينوو !!! مووووووووولايق
الله لا يوريكم الحزااااام
هذا كلاا صوب و الحمرا العنابيه و شواااااااربي قااااتله !!
والقذله قذله
القذله هبينا فيها بلندن هذيح السنه
جان اقوم اشتري مقص من الصيدليه و اقصها في حمام الكمبرلاااند !!
ليششششش فطيم ليشششششش

واي مت مت ضحك
تذكرون هبه الدانتيل الي نلبسهم تحت القمصان ؟؟
ابييييييييييه
اتيييييييييكم هالحاله اتشوفون صوركم تقولون ويع ويييييع
على طااااري الايام هذيج لقيت لكم خوش اغنيه
تذكرني في الايااااام الخوالي

31 comments:

secret said...

ييييو
حمره عنابية و شوارب؟

انا كل ما اسأل عليها ..

Kwaitiyya said...

وااااااااي !! ويييع وييييع أكره القميص الفرساتشي وحزام الموسكينو اللي كلنا هبينا فيهم مادري ليش !!!
والحمرة السودة ايه ليش اشهالهبه

وتذكرين الجينزات الضيجه والبوت الأسود الجلد وبالطو أسود وتحته قميص أبيض ! مادري ليش هاللبس ياربي مادري !!

ويع كنا وايد هيلق ويع ويع
حقبه زمنيه قاتلة هذي

lawyer said...

سيكرت
لوووووووووووووووول

احنا جيل الحمرا و الشوااااارب

كاااااااك

اذا بخاطرك تشوف المنظر شوف هنديتكم يوم الاحد او الهنديه بالمطااااااار

هههههههههههههههه

تجاوبني عييييينها





كويتيه
اااااااااااااااااي
بوالطوووووووو اليلد
الطوييييييله



واي تذكريييييين المداااابق الي لبساانهم ملوت ماركسبنسر

هوووولنا لين قلنا بس

سسسسسسسكتي محتره من هالجيل الكاااااااشخ
شعوووووووور و سسسسسنع

اعمارهم على 15 مسوين عمليات و متسنعييييييين

هذولا بيضحكون على عمرهم ؟
ماظنتي

Kwaitiyya said...

اقول جنه محد علق ؟؟ انحاشو الناس لووول

الزمن تغير يا لوير مو مثل قبل
قبل ماكو الا الاسطورة وكيدزستور

وين اول وين الحين

SolaimaN said...

لوووووووووول

يا هويله لا اتهولين

والله يا بنيه عندي صور ،،انا اطالعهم ومفتشل

شلون لو اوريهم احد ؟؟؟

علوووووووم والله،،يا تشوفين اليبهه!! كوميديا

شوقتيني توشا ،، وريني وحده

;)

Super Woman said...

لوووووووووووووول


اي انا كل ما اشوف الصور القديمه اموووووووووت من الضحك

ودي اقطهم كلهم بس متحسفه !!؟

JooJ o MaJooJ said...

لووووووووووول...
واااي ليش اطلعين المآسي يكفي صيف و غبار و لوعه بعد اذكرينا بالذي مضى

وحياتج شفتي هالصور كلهم لازقتهم ببرواز كبير و حاطتهم بالدار و كل ما ادش اتحسر.. ليش يا ربي مراهقتي كانت جذي :(
بس اتصدقين جان زين ترد.. كانت ايام اتونس ما ظنتي الي بهالجيل استانسوا نفسنا.. الحين كل شي متوفر و سهاله.. اول حتى الجمعيه تكشخين لها و فرحانه بهالطلعه
واااي ايااااااام


MaJooJ

Unknown said...

شوارب @@ ؟

ليش؟

انا قايل هالبنت غاسل ايدي منها من زمااااااااان
:)))

تري اتغشمر بعد مو تاخذينها صج
خوش بوست حجية فاطمة

haifa said...

تذكرون هبينا في قمصان فرساتشي المشيرين الحرير الي عليهم برنت سلااااااسل
قميص حرير ومثله ليقيينج و حزاااااام موسكينوو !!! مووووووووولايق
الله لا يوريكم الحزااااام
________________

فطيم لحزام حلقة عودة بالنص ويصغرون لي نص الخصر لووووووووول .. انتي كبري فالكوارث الي هببناها نفسها .. تذكرين البيرم وتنفيش الكشيش .. كفرت بشعري اتذكر حتن ليمون حطيت عشان ينفش وماينام .. والا التعجف بالليل ونبطله ثاني يوم قالك كيرلي ..

والا الروج العنابي والبراون يالطييف فامبايرز

(روح) said...

فطوم حزنت ع حالي :(

بجد مآسي :(

ع فكرة لحقت انا ع كيدز ستور
ومبسوطين ع موسكينو :$
وفي شي ثاني قبيح ناسية اسمه
اسأل أمي عليه..
قلت لك من زمان احتاج حبوب نسيان :(

ربي يسامحك داخلة بوقت ضايق صدري
:(

لووووول لا مااقدر

اول ماارجع البيت ضروري اشووووف
البوكس السري حق الصور


اشتقت لك دبة

(روح) said...

فوم ذكرت لأمي صور
سنة 96
او 95


حاطة الليب ستك العناابي
ومطفي بعد

وانا الكيرلي حقي
مسوي هااالة حوالينا :(


ليه لازم كيرلي وسبراي :(


انا لسه زعلانه :(

Eng_Q8 said...

الحمدلله ان ما عندنا مثل موضة لبس البنات

انا ما يضحكني الا موضة الستريتش

enter-q8 said...

قاعد اوراي كاركوتا بو طارق صورنا ورى التحرير بالقاهرة
انصدم

وريته صورنا قبل الغزو هم انصدم

طبعا انا اتكلم عن الشباب

تذكرون هبة التفله

والا الشنب كأنه سكان جاري
انزين تتذكرون بالثمانينات
البكله
لما كنا نطنز علىاللي مسوي قدله طامره لجدام

اما الذوق يا فطيم
لو اواريك اللون اللي كنا هابين فيه

ثلاثتنا قاعدين بهيلتون النيل

وكل واحد شاري تي الشيرت والا القميص بدون علم الثاني
تدرين شنو اللون

الله يديم النعمة

بنفسجي


ويييع


بس عجيبة الحمره العنابية

بس عسى الحواجب مو شنب بنغالي

Fahad Al Askr said...

فطيم يا ماما عيزت وأنا أقولج، الصور مالت قبل التحرير حرقيهم، وقتها ما كان فيه ديجيتال وفوتوشوب، وهالصور يا لوير وأنت عارفة، ما كانت تعكس إلا الحقيقة، فمن المنطقي جدا إنها تطلع ظيييييييييييييم، لأن الحقيقة ظييييييم أيضا

فإذا انت الحين لوعة، عيل قبل شلون كنتي تشوفين ويهج كل يوم، أشوة إني عرفتج على كبر، وإلا لو من قبل جان من أمه الحين أداوم ببيت التمويل، يزاك الله خير

Sn3a said...

موتيني ضحك
عيل لاتشوفين صورتي انا وبنت خالتي واحنا لابسين بربريز قبل وييع والله ويع اقول حق امي شلون شاريته تقول حزتها كنتو طايرين فيه
وقذله وغصب اخلي القذله نفس الفيديو كليبات
مثلللللج بكمبرلاند بس ماقصيتها, بس كنت كل خمس دقايق استشورها عشان زاويه التقوس لاتخترب

هذا غير صوري مع المغنيين والممثلين بكل حفله وكل مسرحيه كاااشخه يعني

وعندي جم صورة تعرفين يعني انا الكول لااا مو صج والله كنا نضحك

غير الليجنز اللي كان جنه جينز اموت من الضحك من اذكره

طبعا غير نظام التنورة الجينز القصيره ويا بوت اسود وقميص ابيض
زييين ليش هبينا بهاليونيفورم ماادري
كنا مسوين فاشن كرايمز والله


خوش بوست

فريج سعود said...

لج امية دينار بس حطي الصورة
وقبلها تحذير طبعا

lawyer said...

كويتيه

ااااااااااااااي والله الزمن تغيييييييير

تذكروووووووووووووووون بيبلووووووووس
هاهاهاهاها

ابييييييييييييه غبااااار
انا غبااااااااااااار







سليماااااااااان
ههههههههههههههههه

كلناااااااااا اصحاب ماضي عريق في الصووووووور

اورييييييييييك هههههههههههههههههههههه

ليششششششششششششش شالثثثثثثثقه الي فيني عشاااااااان اطلع الصوره من البووووووووووووكس ههههههههههههههه







شلالاااااااااات
لااااااااااااااااا
حرااااااااااااااااام
لا تقطييييييييينهم

اصلا كل وووووووووقت له خلاجيييييينه

لا تقطييييييين حرااااام




جوج و مؤجووووووج

اي والله اياااااااااااااام






مشااااااااااااااري

اشدراااااااااااني في امي
الله يهداهااااااا لبستني بس ماااااااسنعت الويه هههههههههههه


كان عيب عيب نرووووح الصالون نسوي شي

يعني برااااااءه !!



هيفاااااااااااا

لووووووووووووووول
مت ضحك


انا كششششششششششششتي خلقه

مني وفيني ماسوي شي

الليمون كنت احطه ويااااا البيره عشااااان يشششششقر الشعر عشتوووووو


وااااااااااااي تذكرين هلاقه
اغنيه
saturday night
loooooooooooooool

لألألألألألألأ كانت مراهقه ما يعلم فيها الا الله




روووووووووووووح
افااااااااااااا
اشفييييييييييييييج
عسى ماشر


من ايششششششششش مضايقه

طفش؟؟؟؟؟




انجنير
ياااااااااااااابختم
امبلاااااااااا عندكم
نظارااااااااات ريبان
و بيبلوووووووس الظيم
وووووووووووو القمصااااان

و الجينزات العنابيه
و هم انتوووووووو كانت عندكم مووووووووضه البنطلون اليلد
لوووووووووووووووووول





حاكي عقااااااااااالي

ووووووووووووووووووورني الصوووووووووور


هههههههههههههههههه بنفسجي ليششششششششششششش


زووووووووووووووووليه !!


اصلا البنقاااااااااالي
املط
ماعنده ششششششنب


قووووووول حواجب فلونا
خيوووووووط لابجين






بوعسكر

لوووووووووووووووووووووووووووول
لوووووووووووووووووووووووووووول

لووووووووووووووووووووووووول

ابيييييييييييييييه
ضحكت ضحك مو طبيعي




الحقييييييقه ظيييييييييييم هاااااااااااا

انزييييييييييييين انزييييييييييييين

الحين مو انت مدليني على مال التجمييييييييل

الي سنع ويهي

كل هالزين و العمليات و التتفخ



ايييييييييييييييييه
ياوليدي

مااااااااااااااعليه
ماعلييييييييييييه

هذا الكومنت رضاااااااوة ؟؟

هههههههههههههههههههههههههه


هههههههههههههههههههههههههههه






سنعه
اقوووووووووووووولج سر؟؟

السبراي و المشط في جنطتي
و الاستشواااااااااااار مال الحماااااام

هههههههههههههههههههه
اش اش اش اش


وااااااااااااااي الليقنج
ظيييييييييييم
اسووووود
و القميص مشيييييير
و حزام عريض

بوووووووووووهلاق






فريج سعود

ممممممممممممم
زيد شوي


يمكن افكر
ههههههههههههههههههههههههههههههه

Mok said...

:) راحت ايام فرتستاشي
على فكرة كنت هناك لرما صادفتك في ذلك الوقت

:)

وتوج صغيره

Bronzeya_Na3oma said...

واااااااااي الحين ردو تر على الحمره العنابيه و على الليقنز و على الحزم
واي اليوم انا حاطه حمره عنابيه لا تحبطوني :\
بس الصراحه صدقتي
انا اسوء مرحله مريت فيها مرحلة المراهقة المبكره
شوارب و حواجب مخلطه و حمره نحط قوات عين خخخخخخخخخ بس الحمدالله انا ماما الله يخليها لي و يطولي بعمرها لحقت علي بصالون و الصراحه بعد بابا فيه جرأه كان ينغز من تقول ماما بروح الصالون قال اخذي بنتج معاج :\\\\
وااااااااااااااااااااي وا فشيييييييلتااااااااااااه يخزياااااااااااااااااااااه

why me said...

انا ما صادفت هالموضه توني كتكوته

لووووووووووول




بس ايام المراهقه كنت احط حمره ادعم


ويع ويع ويـــــــــــــــع

وشعري كيرلي




كنت بحرق اصوري


بس امي خذتهم مني وخشتهم علشان الذكرى


من زين الذكرى الحين


ظيييييييييييييييييييييييييييم




شيشتيني بروح ادورهم واحرقهم

بس مادري امي وين خاشتهم

:(

5roofa said...

لوووووووووووووووووووووووووووووول

امبييييييييييييي بدعتيييييييييييي

والله صج ايام القذله كانت ويييع ولا انا عشتو تحجبت ايام المراهقه
و لاااااااااااا تشووووووووفييييييييين

القذله بره الحجااااب جنه قرون زهيوييييييييي

و الحجاااااااب زاانطه في عمريييييييييييي

و الرقبه طاااااالعه

بعاااد ليش الحجااب مادري لووووول

وااي لا صج و ايام الي نتيمع في بيت يدتي لازم صووورة لنااا صابين حولة
ولا منسدحيين و نافشين الشعوووور يعني حركاات اغراء

ويع ويع وييييييييييع لوول صج اياااام حلوووة بس مالدااعي نذكرها بالصور لووول

:p

و الاغنيييية تيييييييييينن

مشكووورة فطووم

salamz sis...

joy said...

وااااااااااااااااااايييييييييييييييي


فطييييييييييييييييم
ذكرتيني باللذي مضى وحولت انساه
الحمرة العنابية جنه ماكلين ياهل مالت يودي شوب
وحزام الموسكينو امبيه كانت هالماركة شي كشخة حدنا


ياكرهج اشذكرج بالدانتيل اللي تحت القميص فاشن نا ولازم هاي نك
ووويييييييييييييييععععع
وشكلهم بيردوون عليها لانه بدو يردوون عالجيليهات
الله يستلا صرنا كبار لدرجة الازياء صارت ريترو ونشوفها مرة ثانية؟؟

Purplecious said...

لووووووووووووووووووووووووووول
لووووووووووووووووووووووووووووول
لووووووووووووووووووووووووووووووووول

لالالالالالالا يا معودة الشباب اللي جذي لا يعوووووووووووود

دفعة مردي
ههههههههههههههههههه

واااااي قمصان الفيرساتشي
امبييييييييييييه
ايييييييييييه

أيام القز بالخيرا على أيام عزه

بس الحمره أنا الحمدلله ما كنت أحط العنابيه
كله نيود أو على روز شوي

موديلي ماكو ميك اب جمال رباني عشتوا
لووووووووووووول

لوير انا كان موديلي قميص و فيست و بنطلون
و القميص يكون وسييييييع
و مجفسه الجم

ويييييييييييييييييييع

ههههههههههههههه

بس والله بحزتها كنا ستايل لأن كل الناس كانت جذي تلبس

يعني اتوقع حتى الحين هالجيل ممكن بعد 10 او 15 سنه ممكن يضحون على اشكالهم ما تدرين

Purplecious said...

ايييي لحظه نسيت اقول شي


شفييييييييييه البنفسجي؟؟؟؟

هاااااااااااااا؟؟؟؟

ترى ما أرضى عليه

أصلا هو الموضه الحين

يا زينه و يا حلاته

:))))

mo3ath said...

انا وصلت نص البوست وقلت يامعاذ وقف ولاتحاول تتخيل موزين على صحتك لوووووول

انزين حطلي لنا صوره تقرب الوضع صراحه تعبت وانا احاول اركبها

تدرين اشلون انا هونت من بعد رد سيكرت
"حمره عنابية و شوارب؟"

lawyer said...

موك

لربمااااا

تطلع واحد من الي الي نزوووووغ عليهم في الهايدبارك والا البيكادلي

والا قهاوي الوايتليز
والكوينز واي
مايندرى هههههههه




برونزيااا
كلنا مرينا في هالمرحله الظييييم

ياحلو ابوووووج يثبت

لا انا اخواني هههههههه



واي مي
لاااا لاااااا
ششتحرقينهم
عشااان تشوفين مراحل تطوووور الجماااال

والذكرى تنفع المؤمنيييين




خروفا
ابييييييييييه حتى انتو عندكم يمعات تالي الليل في بيت اليده
و نسوووووووووووووي الهوايل

انا ليش فيني حور

اقووووووم اصب حوله

و اموووووووووووت هوايتي هوااااااتي
احط ميك اب ارقوزااااات
و جني هويله
و اروووووووح اجابل يدي و يدتي

ههههههههههههههههه


والله يحليلي صج موسعه صدرهم
هووووووووله
و شيطانه و لا اخليهم ينامون

بسسسسسسس موسعه صدرهم





جوي
سسسسسسسسسكتي ببجي
جنج قاريه افكاري
يوم شفت الجوليهات في اتش اند ام
و البنات يلبسونهم
قلت هذولا هابيييين فيهم لين قلنا بس

كبرنا لي هالدرجه
لاااااااااا لااااااا
اششدعوة توني صغار

خيولووووووون زين هالجيل البايز
ماعاشوووو ايامنا الي تشرح الصدر

ماعاشو الكشخه
والصالحيه و شارع الحب

جييييييل مفهي يحوسون بالافنيوووو
عباس على درباس

اويلا على ايام قبل
انقي عيالنا نقوووة

لاحظي فطيم ماتعبر خلت موضوع اللبس و لفت على الريايييييييل و المغازل


هههههههههههههه



بربلووووووش
يااااااااااااربي والله انا اموت على البنفسجي

اعشششششقه
بسسسسسسس يختج بنفسجي على رياييل في مصر

كومووووووون سمحيلي يعني

و يقووووولج بكل بكل

ههههههههههههههههه بربل ياااااااابت انتي يا كوووووووول
ياكووووووول يا ام قمصااااااان امجفسسسسه

وييييييه جمال رباني
عيل لازم اوريج خط الايلااااينر الي بطول الدائري السااادس
ههههههههههههههههه

lawyer said...

معاااااااااااااااذ

هااااااااااااو يا حااااااافظ
هذاااااااك اول اووووووووووووول

الله يعافي الليزر
سسسسسسسسسسسسنعنا

يدتي تقول الله يرحم الي سوا التكييييييف
واحنا نقول الله يحلل الي سوااااااا الليزر
ههههههههههههههههههههههه


انا اقولك الوضع لا تتخيل

اذا صار الويك اند انشاء الله اخذ واحد من ربعك و روح المطار

طيااااااره بنقلادش
تلاقي
كشييييييييش
و حمراااااااا حليه حمراا

هذا بالظبط كان شكلي

وحده هالطووووووول
بزعه
في المتوسط غصب مسويه نفسهاااااا
مرااااااااااااا ههههههههههه

the tooth.fairy said...

loool

allah yeg6a3 bleesich

nagsech 3a9eer cocktail oo eghneyyat 3bdilkereem ma3a il qamees il versace, wil gathla, wil 7umra wil shuwareb

LOOL

Barrak said...

دايما اشوف صورّي القديمه

واشوف المنظره واقول


الحمد لله على كل حال

enter-q8 said...

وليييه ردينا على البنفسجي

يوبا هذا اللي كان دارج و بعد شسوي ورى التحرير ماكو محلات بالكويت

و بعدين ترى ماخذينه من بينتون ايام عزه بالقاهرة شنو نسوي
مو ملابسنا بالكويت حتى القديمة انترست نقط سود من الدخنه و النفطية

lawyer said...

تووووووووث
اي وووووووووالله
عصير الضاحيه و بيب بييييييب

لوووووووووووووووووول




براااااااك
هاهاهاهاهاهاهاهاهاهاها

مادري ليش طرى في باااااااااااالي
موضوع الصلعه

ههههههههههههههه يمكن السبب ضايق خلقك على شعرك هااااااااا






حاكي عقالي
هههههههههههههههههههههههه
لووووووووووووووووووول


اقعد بعد بنتوووووووون مو هييييييييييين

قبل حدنا نكشششششششششخ فيه

ايااااااااااااااااام