Sunday, July 20, 2008

لا شعور

امر بمرحله الاشعور
اللا احساس
هابه في صديق جديد .. نفسي !!

صايره كلا قاعده بروحي
مالي خلق ناس
ولا لي خلق اجامل احد

حتى الطلعه و المشاوير
مليت من سالفه ادز مسج حق البنات اقولهم خنروح المكان الفلاني
او السينما

صاحباتي ما يقصرون وايد مرات اهم يقترحون الطلعه بس الغالب انا

والكل صار لاهي و مشغول..
ومابي بصراحه كلش كلش اقول حق اي احد حتى اقرب الناس لي

لما قعدت اكتب لاحظت اني غلطانه
لاني امي مسكينه الف مرا قالت لي قبل لا تسافر تبي تروح مكان معين و انا مالي موود

مممممممم اي هذي اهي مالي مود شي
بس مصاحبه نفسي و صايره وايد وايد ما احط بخاطر عمري
ولا احد يكسر بخاطري
ما ارضى على نفسي


هذاك اليوم اخذت خط فحيحيل (( طريجي المفضل )) و كنت ناويه اروح ماربل سلاب لاني كنت مواعده صديقتي بسويلها مفاجاه بس صار لها ظرف و ماقدرت

قمت خذيت الخط السريع و ظبطت الاي بوود و مشيييييت
كنت المفروض اروح الكوت بس ما وعيت نفسي الا عند شعيبه

كملت الخط لي خلصت الاغنيه

تقريبا قربت يم بنيدر اطالع الساعه الا 9 وربع
رحت ماك بنيدر وطلبت بطاط

ورديت فحيحيل رحت الكوت خذيت اكبر حجم ايس كريم
من ماربل سلااااب
خلطتي العجيبه (( كاكاو و فرش ستروبري)) و مرات اضيف مانجاا

رديت على العشر و نص بقمه الهدووء و السلااااااام

والاهم من ذلك كله لا شعوووور

صايره 24 ساعه اطلب افلام
و اجابلهم بروحي
حتى الشوبينج انا قبل ما اروح بروحي لازم وياي احد
لا هالمرا برووحي

الشي الغريب الي سويته اول مرا اجرب سينما ليلى جاليري الي فوق
البالكون .. في الويك اند الي فات
مالي خلق اسوي شي
قمت الظهر
شفت اكو موفي عربي
دشيت الموقع و حجزت و رحت
ونااااااااااسه

قبلها مريت فوشون خذيت ماج حق الدوام و كاكاو حق قهوتي العصاري
طلبت قهوه تركيه لذيذه عندهم وايد

وتالي دشيت الموفي

رحت شريت كتاب من جرير و رديت

مرحله الهدوء او الي انا اسميها لا شعور الي ما صار يهمني شي
ولا يفرق وياي شي
ولا صار يأثر فيني شي .. شنو تفسيرها؟

قبل لما احد ينرزفني ....اقول اطلع الي في قلبي
الحين مالي خلق .. احس ما يسوى حتى اقرب الناس لي
احس ما يسوى شي اقولهم او يكون لي اي رده فعل تجاه تصرفاتهم..تجاه خذلانهم

ويا صديقي الغالي اجار الدين الدين
وخر عني نغزاتك هاليومين
تراااااااااااا دمعتي على طريف
لا تقولي السبه جزا البارحه جفني عن النوم
لاني صارله يومين جازي
الي معور قلبي
ان ماكو شي صار يفرق وياي ليش؟
الي معور قلبي ماصار اكو شي ابيه
ليش؟
سؤال؟
تروحون سينما بروحكم؟
الي يشوف افلام في البيت انقذوني في افلام حلوة
شطبت على الافلام كلها ..
شنو اخر موفي حلو شفتوه؟؟

32 comments:

Anonymous said...

فترة التيه المرحلية !

secret said...

حتى لا يطير الدخان

مادري بس يه على بالي

Shather said...

كل انسان يحتاج فتره سلام و هدوء مع ذاته

=\ و الافلام مادري عن هوى دارهم
انتي اذا شفتي شي حلو قوليلنا

:P

7osen said...

البوست مالج حده عجييب
خليج على طول جذي

ذكرتني بوضعي الحالي مالي خلق أي شي
مالي خلق بس أطالع أفلام

محبط بشكل مجنون

اجار الدين كشمش said...

احم احم ..وعليكم السلام ورحمة الله

دخلوها دخلوها
لأ لأ لا تقطت عباتها ..باجر يبلشوني بالشعوذه

يااافاطمه يا بنت لوييير ..تسمعيني
ردي علي صرخي ما اسمع.....هلا بالاخو !!!1
تفوا عند الله سعه...
لا حوووول لله ..اطلللع اشتبي

اااامر اذييييت البنيه

خليتها تشتري ايسكريم من فحيحيل .. والديره متروسه ايسكريم

اططططلع ااامر قووول اشتبييي

ابي اروح لندن ابي افلام ليستر سكوير وماركات سلوون ستريت ونيو بوند ستريت وبيتزا بهرودز..واطلع منها

حاااضرين حاااضرين
حسسسسسسسسسسبي يالله عليك

اول يني كلاس جذي يمر علي !!!1

سلامات سلامات يا ام فاطمه

مايبي شي جايد الحمد الله ..طلع اليني يحب الاتحاد الاوربي كله

فاطمه مافيها إلا فرووور

اخذو منها سويج السياره

وحجزولها اوربا قبل اليني ...ولا تخافون عليها
اكو بروفسور ...يدور اوربا كلها انا دارس عنده ..اتصلوا فيه
على تيلفون الثريا ..اسمه اجار الدين بيكيلز

يًطلع اليني ..بغمضة عين

ويدش مكانه !!1 اسبوع بس ترا
مايضر
لاااتخافون
وسسسسلامات اخذوا بنتكم

وعليكم السلام ورحمة الله وبركاته

و فمالله

Unknown said...

والله شوقتينا على هالبرد شكله عجيب
بالنسبه للسينما اكره سينما الكويت لانه من التقطع ما افهم شي و ذاك من ذاك اشوف فلم


=)

mo3ath said...

حالة الإحباط الي تحوشج يبيلها قفزة نوعيه بالروتين ، كل واحد تحوشه هالحاله ويحس انه زهد الدنيا وربعه بس مرده يستوعب ان الإنسان اجتماعي بطبعه ولازم يفقد ربعه ويشتاق لهم

صدقيني سحابه صيف وتعدي :)

بالنسبه للأفلام انا من الناس الي تنزل من النت وتجابل بس بالفتره الأخيره انشغلت للأسف ، خليني ازهب لج لسته وادزها لج وان شالله تفيدج بس انتي شنو نظامج مع الأفلام بالضبط ؟

Blog 3amty said...

كتبي ثروتج بسمي وفكري بالإنتحار !

Super Woman said...

فتره وتعدي
صدقيني

Anonymous said...

عيل أنا حياتي كلها لا شعور ;P~

هالحالة ملازمتني عمري كله، توني إدري ان وضعي صعب ;D

بس اني أدش موفي بروحي.. ممم جنها شوي قوية والا ودي أسويها !

احب اروح السوق بروحي، أصلا أحس بمتعة لا تضاهيها متعة :)

وأحب أحوس بالسيارة وأقضي مشاويري بروحي.. وأستغرب من الناس اللي ما يطلعون الا ومعاهم قلص أمه محمد..
لا حده ازعاج !

عموماً الوحدة شي جميل والله، هدوء وراحة.. وريلاكس.

وحدج حدج.. شهيتيني على الايس كريم، تشوكليت وستروبيري فريش يااامي.. حده ماي مووود :)

يبيله الحين فحيحيل ;P

تعالي..
شفتي The Heartbreak Kid ?
إذا ما شفتيه شوفيه عجيب..

وأمس في الهوم سينما شفت فيلم Evan Almightyقصة سفينة نوح بس على كوميدي هم حلو شوفيه.

o have aniCe day ;)

Sn3a said...

اخيه
وانا كل مايحوشني مود
اما اقراه عند استكانه
او عندج

ودي اجرب سينما بروحي

اهم شي انج رايحه ماك بنييدر
عاد تدرين
انا استمتع بطريج الشاليه ان حجزنا

للحين متعيزه اروح جرير اشتري ذا سيكرت وسكس اند ذا سيتي
معني اوصل ابعد من حولي
بس حولي مجرد التفكير اني بدخلها يضيق خلقي

تدرين
انا وايد اظلم امي
قبل
كنت كله ادور الطلعه ويا رفيجاتي
ومن امي تقول بتروح المكان الفلاني اقولها يما وقت ثاني مالي خلق
وكله تتحلطم بصوت خفيف اتقول كل واحد لاهي بربعه
والحين لا قمت اخلص كليه ادق اغديها مرات عاد صج تستانس

يعطيج العافيه خيتي

violinist_q8 said...

انصحج بفلم
OTHELLO
و
CITY OF ANGELS
و
فلم ماترن لورنس اليديد ماعرف اسمه بس حلو مو الي عنده بنت ويوديها الجامعه لا واحد ثاني

Unknown said...

ما روح السينما الا مع المدام
حتي ربعي ما اروح وياهم

ثاني شى انصحج بسفرةحتي لو فيلجا

والا جربي تحدقين راح يصير وضعج اوكيييي

haifa said...

Welcome in the club

عين السيح said...

عاد تدرين
وايد أمر بهالحاله
أبي وقت حق نفسي
مالي خلق أحد
ما أبي أحتك بأحد حتى أقرب رفيجاتي
ما أبي اضيق خلقهم
حزتها إن طلعت حدي أروح
nail bar
بس ودي أروح السوق بروحي
وإلا أقعد بقهوه بروحي
أو كلش كلش "يمكن بمرحلة متقدمة من الحاله" أروح فلم بروحي
بس للأسف ما عندي الجرأه

فريج سعود said...

اعرف دكتور نفساني وااايد شاطر
تبين رقمه ؟
قولي الصج مع البطاط بيج ماك وسيزر سلط وميني برجر جنج ما تدرين
صح ؟؟

f7ee7eely said...

allah yejzaach khaiiir ya njood boodai ba6alty marble slab belf7ee7eel hehehehe


elle tabe takel ice cream bs moo lagyah a77ad yakel weyyaha tara 7athreen :P

mantovani said...

اروع الاوقات
لما اكون فيها بروحي
اتكلم مع ذاتي
و حوارات و نقاشات

و صمت ...

=======

بس مرة ثانية لا تروحين بعيد و انا اخوج ترى الطريج مخطور و الوقت متسبب

=========

مانتوفاني

mantovani said...

في فلم حلو حق عادل امام

وصاني عله (سيكرت) قبل
اكثر من 7 سنوات , و كل ما اشوفة
اكتشف فيه اشياء يديدة


احنا بتوع الاوتوبيس
عادل امام

مانتوفاني

U-Turn said...

:)

الله يعيينج ويهون علييج

والله وايد أمر بهل حالات مالي خلق أحد

بس ترى شي طبيعي
فترة وتعدي إن شاء الله

ووخري عن الأفلام هاليومين ترى إهي مسببتلج حالة إحباط :p
وخاصه الدراما
إذا رعب عادي :D


وخووش مدونه إستانست وأنا أقرا البوستات :p
ما بقى شي وأشطب عليهم كلهم

5roofa said...

ناسه ابي انا اصير بدون شعور

لانه الشعور الله وكييلج يخصصصصصصصصصصصصصصصصصبق

ويع ويع يصير

لووووووول تصدقين والله احنا ولا شي عاجبنااااا

ودي اروح السينما بروحي
بس مرة رحت طلبت اكل بروحي قالو عني مينونه

و الي بالمطعم شكو فينيي

و شوفي شوفي

شدعوووووووووووووة خووو باكل بروحي يعني لازم واحد قبالي يعلف

لوووول احم معصبه عادي


انشاللله فتهر و تعدي

و افلام والله انا هابه بالهندي

salamz dear...

strawberry cheese cake said...

tra ana nafsch 7oot..nafs el a3raa'6 tyeene wayed..

w aroo7 el cinma wayed broo7y 3adee w 7eta bara lq8 akthr b3ad cuz 3adee mo methl ahnee yshbhroon...bs la troo7en awqaat el leel cuz ayeech a7baa6 mn el couples kel wa7da m3rda b rayel'ha chena be6eer ..roo7y afternoons.

w mara saweet'ha b lebnan i ate dinner alone(cuz knt msafra broo7y) ma bogha 6awla ma ltaftat 3alay(il7mdela makan fe bo 5looj wela chan 6boo b7'6nee)..7lqt 3ala athoone ma a3eed ha..room service w anthbrr.

kuwaitya_7saweya said...

اي عادي وايد تصير فيني
بس اهي فتره وتعدي وياما رحت السينما بروحي
حتى مطاعم كنت اروح بروحي

بـنـت بـطنـهـا said...

امبيه انا قاعدة اقرا المدونة جني قاعدة اسمع نفسي اكلم نفسي لول .. هذي ثالث مدونة ادخلها وكلنا نحس نفس الاحساس والغريب ان بنفس الفترة علامنا ؟؟ شصاير لنا اللهم يا كافي .. على فضاوتج مري على مدونتي صفحة غربة وطن وراح تشوفين شنو اسوي بأوقات مثل هذي
عسى الله يهدي وينولج اللي فبالج يا رب

JooJ o MaJooJ said...

والله كلنا نفس حالتج...
ماره فيها من قبل..
اقوول.. عسى مو هذه اعراض الكبر و الشيخوخه.. يا حسره!!
المهم.. انا وحده تعودت دايما امر بهالمرحله..
وتصدقين احبها وايد.. ارتاح، لأن في هالحاله حتى كلامي ما اثمنه ولا لي خلق افكر شبقول فأتجنب الناس عشان ما اذيهم..
شوفي عشان تكسرين هالموود.. يبيلج طلعة فصله اتهلقين فيها و تضحكين لين
تقولين بس
انتي و ربعج..
تالي بترجعين فاطمه الي تعرفينها
Good luck 7abibty :*


MaJooJ :)

Diver said...

الهدوء الذي يسبق العاصفة

lawyer said...

صبااااااااحكم ووووووورد

شنوووووو السحر الي في القهوه

الي يخليني اقدر ابطل عيوني و مخي وغيرهاا اي كاااااااانت



محسد

يسسسسس هذي اهي بالظبط



سيكرت
ماااااااااحب عادل اماام

ابي اجنبي دراما




شاذر

واااااي انا اتعب اعطييج لسته
شوفاي سكس اند سيتي اهم شي
و شوفي
دفنتلي مايبي




حسين

ولككككككككم تو كلاب




اجااااااااااااااااااااار
يااااااااااااااا اجااااااااااااار

يالي تحضر ارواااااح

يااااااااااا ساااااااحر

ياااااااااالي فااااااااهمني و ماغيرك عارفلي




اسسسسسسسسسمع




ابي اروح لندن ابي افلام ليستر سكوير وماركات سلوون ستريت ونيو بوند ستريت وبيتزا بهرودز..واطلع منها

قمت اصااااااااااارخ
منك يا اجاااااااااار

الله يسااااامحك اججت مشاعري

من عقب بريدااااات الحب و المحبين
يبوووووووووووووووووني اجابل يهال في مونترووووووو بروووحي

ليششششششش
ما اعبر تراااااااا على الشقاا

يااااااا اجااااااار

قلتها لك الف مرااااااااا

يااااااااااااااااا
هالمرككككككككككككككب
يا مااااااااااااا اركب
شوووووووووفولي حل


تسمعني
يااااااا هالمركب يا ماااااركب




المشكله البيت كله مسكون باالاتحاد الاوربي
و اناااااااا ابي ارووووح مكان ثاني

اجار وددددني نيويوووورك ممكن؟؟





قطوطه
اي صاااااااجه يقطعون بطريقه ممله
بسسسسسسس مرااااات الواحد يمل
وانا احب طلعه السينماا


معااااااذ
انا نظامي
رومانس درامى
اجتماعي
او جريمه
سيااااااسي

لكن رررررررررعب انسى
خيااااااااال مالك امل
فضاااء و مراكب و ديره مافيها احد يموتون مدري شنو ماوااطن






بلوق عمتك
راس مالي بلوقي تبيه؟





شلالااااااااااااات
قطيني في هالشلالااااات الي ترد الروووح

وصدقيني بتعدي





ليدي رين

اي اعرف ناااااس صج كلا قلص وياهم
كوووووكش

هههههههههه

اي شاااايفه الفيلمييييييين

بالنسبه للايس كريم


لازم تجربيييينه




سنعه
في ناس مثلي تتعسر من ايبون طاري حولي ؟؟

روحي السينما انصحج





فيولينست
سيتي اوف انجل من شهر رديت شفته

بس OTHELLO
مو شايفته
بطلبه و اقولك




مشاري
توني راده من سفره تزرووقاا
بو يومين

مممممممم

عندي سفرتين بس متعسره
البلوة مو في السفر
او تغير الجو

البلوة اذا مودك متعكر
ومالك خلق شي


بخاطري احدق
الحداقه مسافريييييييين



هيفا

ولكمممممممم تو كلااااااب هاااا
مممممممممممممممم

اكو شي بالمود والا الجو؟



عين السيح

صصصصصصصح كلامج
أبي أحتك بأحد حتى أقرب رفيجاتي
ما أبي اضيق خلقهم


لازم تجربين فيلم بروحج
انا اقولج شي
الحين السينما اذا رحتاي ويا رفيجتج تسولفين؟
كلكم ساكتين

انزين اشفيها اذا حجزتي سينما ليلى في البالكون فوق
و دشيتااااااي اندعستاااااي بالسوفا هناك و تبطحتاي

وجابلتي فيلم

جربي تسوين شي ما سويتيه




فريج سعود
هههههههههههه
شوي مو وايد ما كثرررررت
ماكثرررررررررت

;ppPpP



فحيحيلي
مشاءا لله عليييييييييك

اخبار الكويت كلها عندك
انا كل ما تميت خذيت منه ما دري انه مال نجود بودي


اييييييييييه ناس واصله مو مثلنا بس نعلف


elle tabe takel ice cream bs moo lagyah a77ad yakel weyyaha tara 7athreen :P


يعتمد منو الي يعزم منو؟؟

اذا علي العزيمه مالك امل
اذا علييييييييييك
بالمرااااااا انادي الرفيجات كلهم


انت انطرنااااا هناك انزين
و كلمه السر
غسلووووو حوشكم
;ppP



مانتوفاني
انت مثل امي
كلااااااا تقول بعيد و الوضع يخرع
بس انااااااا كلا اقول يعني الي ساااااكنين في ام الهيمان ما يطلعون

الي ساكنين في الاحمدي و دواماتهم بالديره

يااااااااربي اشمعنا انااااا كلا يقولون لي بعيد

و في ناس عايشه وضع طبيعي عررررررفت


وعلى الفيلم ولو اني ماشتهي عادل اماااااااام

بس بشوووووفه اذا حصلته

هاااااا اكو سفره والا لسه؟




يوتيرن
ههههههههههههههههههه
ماوااااااااطن الرعب
ترااااااا اخاف من صج

ههههههههههههه

و اتحلم

و اتخيييييل

شي شي


وخووش مدونه إستانست وأنا أقرا البوستات :p
ما بقى شي وأشطب عليهم كلهم

انا اكتشفت ان الناس الي عندها امتحانات او بتنام اوووووووو ايااان كان اهي تتسلط على رووووووحها و تجابل بلوقي

ههههههههههههههههههه هذره 3 سنييييييييين ما تخلص

الله يعيييينج على قرقتتتتتي



خروفا
وييييييييييييييي عادي
ماكوووووووووووو الا العافيه
سواااااااااي سوااااااااي و لا تحطين في بالج
افا عليييييييييييج



بيبي
اي الظاهر هذي الحاله اتيي وايد لاحظت في اكثر من رفيجه هالشي

اما على طاري المطاعم انا ليش كلا اسافر بروحي
او عشت فتره دراسه بروحي
فالمطعم بروحي شي جدااااااااا عادي

و السينما بعد

و السوق

بس ماكنت اروح السينمااا في الكويت كسرت القاعده مؤخراا


اما عن الروم سيرفس

اقولج شي

احلى لحظاااااااااااات عمري
في اوتيل رووووووعه

اترس الباااااتبووووو
و افتح التيفي بس عشان الحس

و اقعد استرخي

و اذا خلصت طلبت اكل في الروووم سيرفس و جابلت موفي ونمت

شي خيال

اول مرا سويت هالشي بروووووحي

كنت في الثانوي

او اولا جامعه
كنت راجعه الكويت بروحي
و سكنوووووووني اهلي في اوتيل كمبنسكي المطار في ميووونخ

هذي اول تجربه اعيشهها برووووووحي

ولا انساهااااا

و من يومها صرت صديقه الروم سيرفس




كويتيه حساويه
اشووووووووووووووووة انا طبيعيه:))




بنت بطنها
من الصبح قريت كومنتج و رحت قريت البوووووووست


انا اسوي الباااااث في حماااااااام اوتيل يديد روعه مو متعوده عليه
بس في البيت مالي خلق

بالسفر بجرررررررررررب


خوش بوست

ثانكيو

امييييييييين




دايفر
خلصت العاصفه بسلااااام
;)

الوتين said...

مرحبا
انا الحين حدي معاج في اللا شعور
من كثر اني ما احس بشي و ما يفرق معاي شي التزمت الصمت يعني مستانسة مابي اتكلم و لا اضحك زعلانة بزعل بروحي و مجد له شغل فيني
بس ساعات احس اني آلة اسوي كل شي بدون احساس
اروح السينما بروحي و البحر و كل مكان عاااااادي
مع الشكر

kuwaitawy said...

الصيف ومايسوي

:)

strawberry cheese cake said...

laa ana al7en 9adeeqt el lobby..qbil knt astaa7sh anzl el lobby a5aaf anf'hm '3la6 y7sboonee mn hathel ele 5brch..ga3da broo7y ate9ayd...bs al7en 3adee anzil waya my book w laptopy w reel 3ala reel w chna l3eed wele mo 3ajba y6q rasa b6oofa.

العـجــوز said...

يمه هذا وين صاير خل اروح له

lawyer said...

الوتين
اي والله سكتااااااااااي
انا مو مصدقه ان اغلب الناس في هالصيف مثل شعورنا

حياااااااج الله
نورتي



كويتاوي
لااااااااااحظت!؟؟





بيبي
مكاني المفضل اللووووووووووووبي


هههههههههههههههههه





العجوووووز
حياااااااج الله

هذا ايس كريم

برد برد من فحيحيييييييييل


خل دريييييييييولج الدرووووووووووو
ايييييييييييييبه لج
بدااااااااال ماهو مجااااابل الخدم حق اللبحه

اشووووووووفكم مكبرين الكرش

كدشييييييييهم

هههههههههههههههههههه

العيووووووز

خوش كركتار