Saturday, September 20, 2008

وابيضت عيناه من الحزن فهو كظيم


صارلي جم يوم ايي اكتب بوست
اكثر من بوست
سوي سيف و ارد احفظه ولا انزله
حاسه بشعور الي ماعندي رغبه في الكتابه
او ماعندي رغبه في اني انزل بوست
حاسه اني تعبانه
يمكن عشان اليومين الي فاتوا متعبتني الفلو
بس هالمرا قلت بكتب الي اكتبه و انزله بدون ما امسح ولا احفظ
قمت سويت لي مج حليب دافي
بالهيل و الزعفران و الشاي
و عليه شوي عسل يحليه
هاليومين عايشه حال حب مع سوره يوسف
الكل يحبها
بس انا من كثر حبي لها ابجي من ابدي لي انتهي
فيها عبره
فيها روعه بالقصص
فيها صبر
تحمل
غربه
فراق
ألم الفراق يذبح
ان تفارق انسان ميت
تتعبت عشانه يوم يومين
شهر شهرين
ولكن تعيش بفراق انسان حي
ولا تدري متى ممكن يرد
فهذا اقسى انواع الفراق و العذاب
كان ابو سيدنا يوسف عنده أمل في الله
عنده صبر
كان دائما يردد
صبرا جميل و الله المستعان
يارب صبرا جميل والله المستعان
كان يعلم ان سيدنا يوسف عايش
و كان عنده امل بالله
وكان يدري
ولكن ما كان يدري متى بشوفه
كان يبعد عنه اميال
و دياااار
كان بعيد
ولما اخوان سيدنا يوسف يلومون اباهم في ان شغل حياته في التفكير في
ابنه
كان يرد عليهم
اني اعلم من الله مالاتعلمون
فكان على ثقته بربه
رزقه ربه ورد بصره في ابنه
فمن شده حزنه و بكائه ابيضت عيناه من الحزن فهو كظيم
فردوا ابنائه يلومون ابوهم انه سيهلك من الحزن
ولكن رد الانبياء لنا فيه عبره
" قال انما اشكوا بثي و حزني الى الله و اعلم من الله مالاتعلمون "


حزن الفراق و لوعته من اشد انواع الحزن
لان ابن ادم مايدري ابد متى ربي يجمعه بمن فارقه

ربي لا تجعلني سبب في عذاب احد
ولا تجعلني سبب في تعاسه احد
ربي لا تفرقني
اللهم اجمعنا ولا تشتتنا
اللهم يا جامع الناس ليوم لا ريب فيه
اجمعناا ولا تفرقنا

اللهم اسألك باسمك السميع العليم المجيب
القادر المقتدر القوي
القريب المحيط
جامع الناس
ان تجمعنا ولا تفرقنا
و ترد غائبنا
و تشفي مرضانا
فان الفراق هلكنا
و شتت شملنا و ضعف قوتنا
فانت القادر و ليس بقادر سواك
اللهم قد بلغ مني الالم حتى احترق الفؤاد و القلب
وابيضت العين من الحزن
اسألك بقوتك و ضعفي
فانه لا يملك امري الا انت
لا اله الا انت سبحانك اني كنت من الظالمين

10 comments:

mo3ath said...

" قال انما اشكوا بثي و حزني الى الله و اعلم من الله مالاتعلمون "


الفراق عذاب وخصوصا في حالة فراق الاحياء :(

آمين

صبا said...

كلامج ذكرني
بانسان مفقود

والله يرده لنا بالسلامه يارب

ويفرح قلب اهله واحبابه

والكويت كلها انشالله

يارب ترحمه برحمتك

وتفك عوقه

وترحمنا اجمعين

فراق الاحياء يقتل الاحباب

صج الانتظار اشد من الموت

















الله يرد حسين الفضاله بالسلامه

Najmah said...

آمين يارب العالمين

هالسورة وايد تأثر فيني وايد
لأن فيها اصعب انواع الابتلاءات

اليوم اقول حق اختي ودي لو يقرا الامام سورة يوسف
ويوم صلينا قراها

يارب
هب لنا يقين منك يصبرنا على مصايب الدنيا

falorita said...

أكثر شي فاقدينا بهالزمن هو الصبر
و مو أي صبر
الصبر الجميل
اللي فيه ايمان بحكمة الله سبحانه و ثقه ان الله لا يمكن ينسى عبده
و ان الله مع الصابرين

الله يرد كل غائب لأهله
و يصبرنا على فراق أحبابنا

أتيت متاخرة said...

لوير
دمعت عيني وآنه أقرا البوست
صعب تفارقين الي تحبين ومو عارفة متى بتلتقين وياه ووين
ويمكن تمر السنين وما يكتب لكم الله اللقا

يا رب
الهمنا الصبر والقناعة بقضائك

ShLaLaT said...

سبحان الله سورة يوسف جنج تقرين قصه
وتتخيلين الموقف وتعيشينه

كل ما اتذكر شلون سيدنا يعقوب عليه السلام بهذا الحنان
شلون كان يدعي ليل نهار ان الله يرد ابنه
جنه مو مصدق باجي عياله
!!



يا رب تلهمنا الصبر في مصائبنا
وترزقنا رضاك يا رب العالمين

اذا مافيج كتابه لا تكتبين
روحي فضفضي عند ربج
وربج كريم

بس انا ولهت عليج
:*

lawyer said...

معاذ
يس اي والله فراق الاحياء
و بعدهم عنك بمكان بعيد
و تعبك على الفراق
وماتدري حياتك شنو بتكون عقبهم و لا تدري شنو حياتهم الحين


شي يذبح








صبا
اميييييين يارب

والله اهو واهله معورين قلبي
دايما اسأل عنهم امي

نظت قلوبهم






نجمه
مصليه في مسيد البابطين :P








فلوريتا
الف الحمدلله
اميييييييين يارب

امييييييييين

قلتيها الصبر الجميل


لان مرات في صبر يولد الانفجار










اتيت متأخره

فعلا كلامج صح
صعب جدا على بني الادم ان يتحمل

ربنا لا تحملنا مالا طاقه لنا به










شلالات

اميييييييين يارب

اميييييييييين

حياتي انتي :*

لا عرفتاي لما تحوشج حاله تكتبين وايد و تصيحين و تسوين سيف و بس


هذا شعوري

Najmah said...

ماعرف اسمه
اذا بقرطبة ايي
:))

lawyer said...

نجمه


اي في قرطبه

هههههههههههههههههه

نص البلوقر مصلين في هالمسيد

اخرتها امام المسيد بيدعي اللهم اهدي البلووووووقرز و البلوقرات



نص البنات هناك و الشباب بلوقر

مسيد البابطين الي في قطعه 4 هههههههههههه

Najmah said...

لووووووووووووول يالفضيحة انزين سكتي

:Pp

انا اول مرة اصلي فيه

خذيت فرة على كل مسايد قرطبة
كل يوم اصلي بواحد
:P