Tuesday, September 02, 2008

اللهم لك صمت وعلى رزقك أفطرت


ايـــــــــــــــــــــــــــــــــــــــــــــــــــــــــه
خلص الشهر الفضيل
هذي الكلمه يقولها الوالد طول الله عمره على الفطور من اول يوم رمضان
ارد عليه : واااي يباااااا حرام عليك لا تخرعنا تونااا مامدانا اول يوم ..
*******
سبحان الله انا حاطه في بالي ان هالشهر بكون صعب علينا خصوصا اليوم الاول لان حر
بس الف الحمدلله وايد طبيعي و خفيف ...
دواماتكم الساعه جم ؟ انا من 9 الا ربع لي 12 و نص
ههههههه وناسه ماكو جلسات اصلا
المهم اول يوم رمضان جدا جدا خفيف
الف الحمدالله
ياربي رمضان له نكهه غير
احب البينتو و ما ارضى احد يعيب علي يقولي قولي فيمتو
احب الاكل الكويتي القح اوكيه اسوي خرابيط
بس احب و اقدس المجابيس
و احب التشريب
و كل شي كويتي احبه
وفي رمضان احب الاشياء الي تنزرط
تعرفون شنو يعني تنزرط
مدري اشلون اشرحها
اي يعني الاشياء اللينه الي بسرعه تنبلع
تشريب
شوربه


*****


شنو قصه دوري كوت بوسته و دوري الكره و دوري البلاي الستيشن ؟؟
هذي الاشياء ليش يلهون الشباب فيها برمضان؟؟


****


لازم تتذكرون شغله ان الله سبحانه و تعالى قال ايكم احسن عملا
مو ايكم اكثر عملا
قاعد اشوف سباق رالي عجيب و تنافس على ختم القران
هذا الشي لو الواحد قرا بتعمن

شنو الحكمه من ختم القران ؟؟
ان احنا انتبدر الكلام
ان احنا نخشع
ان احنا نوقف في عند كل ايه تنطبق علينا و نفكر
لما نقرا عن اهل النار نستعيذ من النار
لما نقرا عن الجنه نسأل الله الجنه لنا و لاموات المسلمين


*****


لا تحقر اي عمل صغير
الابتسامه صدقه
مساعده الزوجه فيها اجر
تقبيل يد الام قبل الفطور
احترام زملاء العمل فيها اجر
الصبر على الحر
مساعده الخدم ... و تذكرو لا نخلي خدمنا يكرهون هذا الشهر منا
بالعكس ...
خلوهم يحبونه و خلونا انتقرب منهم بمساعدتهم اكثر


*******


الاطفال و رمضان
اليهال من اهم صغار علموهم على الصيام
بس فهموهم مو عشان الربع بالمدرسه يصومون لأ
ولكن لانهم مسلمين
ولانها فريضه
وخلوهم يحبون رمضان بهديه تقدمونها لهم
انا من واقع خبرتي البسيطه في تعليم اخواني الاصغر مني الصيام
كانت طريقه بسيطه بس سهله و لي الحين يذكرونها لي ..
شوفوا مو تقولون لي جرام الجذب
بس هذولا يهال و بعلمهم كنت
ما انسى اول يوم صام فيه اخوي الي اصغر مني ..
كان حزتها في اولى ابتدائي
ياني من الصبح قعدني
فطووما فطومااااا يوعان بس انا صايم
انا : الكورن فليكس ما يفطر روح اكل
مسكين طااااااااار راح ياكل
رد علي قالي فطوماااااااا فطوما بروووووووووح الحمام يصير ؟
قلت الحمااااااام ما يفطر رووح عادي
رد علي قالي البينتو يفطر ؟؟
قلت له طبعاااااااااا يفطر البينتوو
بس اشرب ماي الماي ما يفطر
ههههههههههههه
مسكين
وشوي شوي تعلم الصياااام


متى بلشتوا تصوموووون ؟؟
انا مجرمه صمت كبيره
اشكبري اصووووم بالمدرسه و ارد البيت افطر يسوولي بيض طماااط
ههههههههههههه

23 comments:

صبا said...

مبارك عليج الشهر
اي والله صاجه اول يوم رمضان مر خفيف ولا حسينا فيه
وابوي مثل ابوج بس من يمر اسبوع يقول خلص رمضان
وانا اقوله تو الناس
بسم الله الرحمن الرحيم

وانا اموت علي التشريب
واااااااايد شي مو طبيعي
جنه شعر بنات تذكرينه بسرعه يذوب بالحلج

واتذكر اني صمت يوم كان عمري 10
وبضمير ومن دون تزرق بالاكل
ويوم عمري 9 صمت بس رايحه وراده علي الثلاجه
؛)))))))))

واحلف واجذب اني صايمه
اي نسيت احب القيمات
واااايد من ايد امي

:)

mowa6en said...

يا سلاااام بوست لطيف .

ضحكتيني على على سالفة الأبو مع كلمته المعهوده .. جنج تدرين ، أنا كل رمضان أسمعها

:)

أحسن عملا ، جميله الملاحظة .. مشكلة بعض الناس أن فهموا شعائر الاسلام على أنها طقوس ونسوا ما هو أهم وهو روح العبادة وروح الشعيره .
انا أعتقد انها مشكلة كبيره ، لازم تكتبين فيها موضوع باسلوبج الراقي

بارك فيكِ الرب
:)

SHAHAD said...

هلا لووير
تقبل الله طاعتج
وكلمة بينتو هذي يدتي تقولها لوول
عيزنا واحنا نقولها فيمتو فيمتو بس ماكو فايدة لوول

في وايد بنات لما اشوفهم يسألوني ها جم مرة ختمتي القرآن ؟ عاد انا اجاوبهم ان توني بالسورة الفلانية يقولون ويي انا ختمت اربع مرات !
كأنه سبااااق !!
هو حلاته قراءة القرآن بخشوعه بالتأني بالتفهم بالتدبر مو بالسرعه !!

وعجيبة طريقة تعليمج لاخوانج لووووول

يمكن انا صمت عمري 12 سنة

why me said...

لووووووووووووووول


لا انا صمت وانا كتكوته



ماكنت ارضى اكل


يعني كبيره لووول

esTeKaNa said...

خزيااااااااااااااااااااه
فاطرة وبيض طماط
!!
هههههههههههههههصج ضحكتيني
انتي يا لوير الطنطاوي
وتفتين بعد
ما يفطر الماي؟
مشالله الفتوى تيك اواي جنها
:))
بوست اليوم يشرح القلب
وسبحان الله انا كاتبه بوست شبيه له
وكلمة ابوج مثل جدي رحمه الله عليه
فعلا تقارب افكار عجيب
:**
الله يبارك لنا بالوقت ويتقبل منا ومنك صالح الاعمال يارب

kuwaitawy said...

مساء الخير


والله بالنسبة لأول يوم

انا كنت خايف منه اكثر منج

قلت يا كويتاوي الله يعينك 18 ساعه نهارهم ودوامك الساعه 9 الصبح وما يخلص الا الساعه 5 العصر والفطور الساعه 8 ونص



لكن سبحان الله

مشى الوقت والله يسّرها


انا بلشت اصوم من عمري 10 سنين تقريبا

secret said...

احنا دوامنا (المفروض) من 9:30 الى 2:30

و لكن تدرين الدين يسر و ماهو عسر، فيصير الدوام من 10 الى 2
:))))

بصراحة صج اول يوم الحمدلله كان خفيف، مو انا العادة آخذ اجازة برمضان، لكن الشغل تكود هالسنة بس الحمدلله سهالة

على الفطور ما اقدر آكل وايد

:)

حسام بن ضرار said...

انا بديت اصوم من ثانية ابتدائي

واحنا بالابتدائي الوالد الله يحفظه و يطول عمره كان يعطينا عن كل نصومه دينار

والدينار كان يسوي شغل هذيج السنين

بأولى متوسط صمت 22 يوم و من ثانية متوسط قمت اصوم كل رمضان - بدون الدينار طبعاً :)

والحمدلله ما نقول إلا الله يتقبل منا

عــــــابره said...

ونااااااااسه

انا اول وحده ارد .. باول يوم رمضان

ايه والله هذا كلام الوالد بعد يخلص رمضان من اول يوم

وياحلو الاكل الشعبي برمضان له نكهه غير
حتى الحلويات الشرقيه الي مو ذاك الزود انا معها بالعاده ياحلوه اذا تيمعنا

واييييييييد حلوه ولها طعم غير

**
اول يوم ياحلوه وياحلو كل شي فيه

شهر رمضان في تشجيع لاعمال الخير الي طعمها غير في هذا الشهر

وسالفه وين وصلتي باي جزء بالقران ياكرهم ..

ايه والله احنا مو بسباق القراءه لله

عسى بس ربي يتقبل

اما سالفه اليهال كانت بويه امي مالي شغل انا

بس اذكر انها تفطراخواني اذا اذن العصر او الظهر

بس انا عشتو السنعه اكمل للمغرب

ويعطيج العافيه لوير..

وتعودينه كل سنه

السنه اليايه ببيت البخت ونشوووووووووووفج طباخه ماهره من الى

خخخخخخ

مُحَسّدْ said...

مبارك عليج الشهر

وعساج من عواده

اسف عالتأخير

يوميات مغتربة said...

انا هذا اول رمضان لي بالغربه و اول يوم اكن اوكي الحمدلله

الله يعيننا و يقدرنا على صيام الشهر كله :)

و صج فاقده وايد اشياء

اولهم صوت الاذان

:)

يزاج الله خير حبيبتي لوير :*

AK-47 said...

مبارك عليج الشهر
خوش بوست

الزين said...

سوالفج على الصبح ترد الروح

صباحج خير يارب

Najmah said...

بوستج يشرح القلب

انا ماعندي دوااام
:))

بس مالاحظتي شلون اليوم طار بسررررعة

ابيه امس اخوي الصغير
كل دقيقة يقول لي هذا يفطر
هذا يفطر
وانا اقول له اي
آخر شي قتله
خلاص كيفك عادي تاكل
كان على اذان العصر
وكل مايسئلونه عالفطور صايم؟
يقولهم اييي
:Pp

انا مااذكر والله متى بديت اصوم
كلش ما اذكر
ذاكرتي رايحة فيها
:P

feelingstalk said...

مبارك عليج الشهر ... وابوج صاج ماشاءالله ما يمديه يبدي تلاقينه خلص

ممممم

انا دوامي من 10-2:15 ... ركزي على ربع ساعه ما ادري ليش

والله انا صمت الشهر كامل يمكن كا عمري 12 او 13 ما اذكر

كنا نكسر خاطر امي

kila ma6goog said...

بينتو؟

اسمه فيمطو

ShLaLaT said...

يا حلوج ويا حلو سوالفج


انا ما اذكر بالضبط متى اول مره صمت

بس اذكر كنت اصوم الصبح واذا رديت من المدرسه امي توكلنا انا واخوي لوول
اقولها صاااااااايمه تقولي لا عادي انتي صغيره صيامج لي صلاة الظهر بس

لوول

:)

الله وكيلج امس ابي اكل
ماااااااكو يا ربي من اشرب الشوربه تنسد نفسي

:)

هذي فرصه حق الرشاقه

قلب طفله said...

مبارك عليج الشهر

و عساج من عواده :)

اي و الله خفيف ما شاء الله اول

يوم و ثاني يوم راح رمضان عساه

ما يروح لنا بغالي يارب

بالنسبه لدوامي يبدي 8ونص

و يخلص 1و20 دقيقه

و اتذكر اول يوم صمت فيه كان

عمري 10 سنين و قبله طبعا محاولات

بس ما اكمل للمغرب :p

الحين اختي عمرها 6 سنين تصوم
عن كل شي الا العصير لا و بعد
اعصب عليها اقول صومي مره وحده
مجرمه حدي لوووول

kazmawy said...

هلا بالمحامية وغلا ومبارك عليج الشهر
احنا دوامنا مثلكم تقريبا نطلع على الوحدة..:)
تصدقين احاتى دوام المدارس شكله بيصير زحمة الله يعينا...
عساج من عواده..واذا عليج شهور ما صمتيها اما تصومينها واما تطعمين عنها والله العلم ماافتى لج بس هذا الى اعرفه

lawyer said...

صباااااا
علينا و عليج

يااااااااازين اللقيماااااات شوقيتيني
اااااااايه اشوة يعني في مثلي يزرقووووون اكل يوم كانو يهال هههههه







مواطن
الله يخليلنا ابهاتنا انشاء الله

اييييي والله روح العباده

يزاك الله خير







شهد
يه يه حطيتاااااااي صووووووره
مناومنج
اااااااااي اخواني تدرجت وياهم في الصياااااام

يا زينها من ايام والله







واي مي
عفييييييييييه عفيييييييه






استكانه
قبل لا انسسسسسسسسسسسسسسسسسى مشكورة وايد وايد على فكتوريا كيك كل يوم عقب الفطوووووووووور ادعيلج

عجيبه

اااااااااااي شسوي فاطره بيض و طمااط وبعدين اذكر يوم كنت في رابعه ابتدائي او اولى متوسط

كان حزة صيف ربيع بس امشي و اكل فقع !!

اااااااااااي وينج
الفتوا بمخبااااااااتي قبل

بس انا من ربع القرضاوي
كل شي حلال

اميييييييييين اميييييييييييييين يارب لا تنسووووووونا بالدعاء






كويتاوي
اااااااااااااااااااااااالله يعيييييينك

8 و نص !!

ربي يعيييييييييينك و ياجرك انشاء الله

اذا رديت من الدوااااااام نام
او اطبخ
عشان يعدي الوقت



اشلون فطوركم؟؟




سيكرت
اي والله اول يوم خفيف
بس بلشششششششش الصداع وياي بسبب الرطوبه و الحساسيه من امس و اليوم

ماشوف الدنيا من العوار






حسام بن ضرار
شششششششششششفت انا ذكيه بالفطره
كنت اصومهم قطاعي و اعيطهم هدايا

بس اناااااااا ماعندي فلوس انا كنت اسوي لهم حلو البسكوووووووت
بالكاكاو






عابره
يااااااا هلا فيج
اي والله الحلو في رمضان هذا السنه ان انا مرابطه في الببيت امس و قبله عشان الناس و صداااااع راسي بعد الفطور


يا زين الحلو
اللقيمات و صب القفشششششه


برب

ههههههههههههههه

عابره شووووقتيني

ترا خليتيني ادق على خالتي اقولهاااااااا ابي صب القفشششه لا تنسيني ههههههههه


ما احب صب القفشه الا من ايد خالتي سبحان الله


الله يخليهاااااااا لي يارب احن خاله بالدنيا






محسد
عليناااااا و عليك انشاء الله تعوده و انت باتم الصحه و العافيه




يوميات مغتربه
في البوست الي قبله حااااااااااطه لكم موقع
شوفيه يدز لج مسج بحزة كل صلاه
و حطااااااااااي الاذان في موبايلج و لاب توب او السااااااعه الي فيها اذااااان


رمضااااااان من غير صوت الاذااااان و صوت الصلواااااات ما يصير رمضان







47
ثانكيوووووووووووو مشكووووووووووور






زيونا
صباااااااااااااحج اللقيمات

عطشاااااااااااانه

:**








نجمه
لا تقولين لي ما عندج دواااااااااام

لاني اغااااااار

هههههههههههههههههههههه


الله يعيني اول رمضاااااااان بحياتي في الشغل اداومه كله

ماعندي اجازة


عفيييييييييييه
شششششششجعيه هالصغير خيصووووووم

lawyer said...

feelingstalk

اي ليششششش الربع ساعه هذي ما ادري
انا انصصصصصصحج في انج تزرقينهااا هههههههه


بس ها باذن المسؤل عشاااان ما يصير هههههههه


ترا العيال كلا يكسرون خاطر الامهاااااااات





مطقووووووووق

ههههههههههههههههه

فيمطوووو
اشوووووله ؟؟

متعلم من فليبينيه !!

هههههههههههههه







شلاشلات

كلنااااا طلعنا نصوووووم بونص يووووووم

ههههههههههههه



واي شلالات انا اول يوم انسدت جبدي

ثااااااني يووووووووم انفتحت
وبغيت اموت من التخمه
لاني اشرررررب سوااائل اكثر من الاكل







قلب طفله
علينا و علييييييج

اميييييييييين يارب ما يروح لنا بغالي انشاء الله

ههههههههههههههههههه
ياختي على هالبنات
فناااااااااتق

يعني تصوم الا عن العصير
ههههههههههههه

6 سنين توها صغيييييييره

تتعوووووود

وكلوها
تراااا اليهال يبوووووون يصومون عن المفيد و ياكلون خرابيط


يايهم القرقيعان بعد






كظماوي
اووووووووووه جنك تدري حتى انااااا احاتي الدارس
بس مادري متى


احنا ليش ماعندنا احد بالمدرسه كلنا كباااار

فماعرف


لاااااااا الحمدلله ما عندي دين ولا يووووووم

يعني كنت اصوووووم قطاعي لي 2 متوسط بس من كبررررررررت الحمدلله و لا مرا فطططططططططرت

5roofa said...

مبارك عليج الشهر

سامحيني على القصور و التاخيير

salamz sweetee...

3bady said...

لووووووووول الاعتراف بالحق فضيلة :P

ليش الشباب يحبون الدورات برمضان ؟

علشان يضيعون وكت على ما ايي الفطور :)

ووو مبارك عليج الشهر اختي ^_^