Wednesday, February 18, 2009

عن خيرك بسك جذب لوعت جبدي !


مندقه مندقه مندقه من كميه الجذب الي تارسه البلد
ابييييه شبابنا بسكم جذوب
بسكم نفاق
كل يوم و الثاني اسمع مصيبه من مصايب الزمان و يكون اساسها الجذب !!
والله والله ان البلوة انهم يجذبون في اشياء ما تستااهل يعني شضر الريال يقول الصج

واي واي والله العظيييييم الله يخليكم يالرياييل قولولي ليش تجذبون؟؟

بقولكم قصه وحده من رفيجاتي اوك
يه
وياها واحد في الشغل بس اهو في مبنى و اهي في مبنى و بحكم الشغل اهي اعلى منه فاهي لمده سنتين
راح تكون مسؤله عليه على مشروع معين .. فيوم عرف هالشي حاول يظبطها ..او انا استنتجت انه هذا السبب
المهم قام يدق عليها عشان الشغل و يدش في سالفه العوايل.. و الاهل و خوالج و عمامج و بلا بلا بلا
و قام يدزز مسجات و يبدى يتقرب .. الرياااااااااااال شكله وايد برئ و حليييييييو و سسسسنع (( هذا بالشكل)) فقط و اجتماعيا وياقراتنا في هالاجتماعيا ! ان يتناسب وياها .. المهم اشتغل مشوااااار الجذب
ابييييييييييييه والله والله عننننننننننننن خيييييييره ما يتعطل الجذب ابدااااا و في كل بروود
كل شي كل شي يجذب فيه !!

مثال على الجذب في بدايه الايام !
يقولها يالله عن اذنج بنزل الكلاس و قاص عليها قايلها ان يدرس ماستر في كليه ماستخرت و يطلع يدرس مسائي ثانويه !!

قايلها بيتهم في الشاميه و يطلع بيتهم في اليرموك !! بذمتكم اليرموك فيها شي !!!!! جان زين عندي بيت في اليرموك

قايلها مواليد 1976 يعني اكبر منها بسنه يطلع مواليد82 !!!
يعني اصغر منها !!

في الصيف يسكر جهازه و يقولها بسافر لندن و كان يطلع في الشاليه ما سافر !! اصلا علييييه منع سفر !

من اول شهر قالها انا الصراحه ذاكرينج لي و حبيت اتعرف عليج و يلمح لها للزواج و على اساس هالشي اهي اصلا تعرفت علي ويستمر وياها

هذي الاساسيات مجذب فيها او الاشياء الي اهي قدرت تجكها .. البلوة ان مومهتم و البلوة ان ياخذ الامور بكل برود
لان متعود على الجذب !!
واتيييييييييكم الطامه الكبرى
بكل بقاحه يقولها عقب سنه .. اناا صج كنت ابي اتزوجج لانج اتناسبين اهلي و عاجبتني يعني .. بس لألألأ اذا بتقعدين لي على الوحده ترا انا ما اتحمل ! و بعدين انتي انتي صج زينه بس من قالج انا ابي اتغيير !! وانا راح اتزوج و اتغير !!

يا حسرررررره قلبي على هالرياييل
انا قلت حق رفيجتي اكيد ماراح يتزووج لانج مو بس جكيتي كل بلاويه لانج اتذكرينه في نقصه كل يوم

راح يتزوج وحده بس راح يتزوج وحده اقل منه في شي ,, عشان كل ما يطل فيها يقولها هااااااا حمدي ربج انا ماخذج
والا انتي من يبييييييج !! وحده يحس وياها انه طبيعي او غبيه بقره !!

رساله الى كل ريال مريض جذاب فيه عقد النقص
انت ماتدري ان تتنافى الرجوله ويا الجذب .. واذا المرأه عرفت ان الريال الي وياها جذاب يطيح من عينها
لانك لما تجذب قاعد تعترف لها بانك تشوف نفسك ناقص .. فتغطي هالنقص بالجذب
لما الريال يجذب يعني اهو طايح من عين نفسه
انزين شنو السبب الي يخلي الريال يجذب اذا اصلا المرأه لما تحب الريال بتحبه في كل بلاويه
ما تسمعون عن كويتيات تزوجوا بنقالي !! المرأه راح ترضى فيك متى ماكنت انت واثق و فخور في نفسك

هناك رجال صغار في تفكيرهم يشعرونك بانك صغير معاهم
و هناك رجال كبار في محتواهم و تفكيرهم يشعرون المرأه الى عندهم انها كبيره ..
ليش تدخل علاقه اساها جذب !
ليش اتفشل نفسك جدام البنت
ليش تخلي الناس تستحقر رجولتك !

في مجتمع سخيف سطحي مثل الكويت تعود الناس على الجذب و النفاق
الكل يجذب عشان يجمل نفسه و ينسى ان الجمال متى ما ملئك من الداخل ظهر على خارجك البسيط
وصار عادي اللعب في المشاعر والجذب حتى في الحب و استغلال الناس باسم الحب...

يوم انا قفلت ويااااااي سالفه رفيجتي حدها قمت قلت لها فلانه خلاص انتي باااااااايعه !!
يعني اذا خذيت السمااااااااااعه الحين و سمعته حجي يسسم بدنه سنيييييين عمره كله و يبجي على رجولته الي فقدها بسبب كلامي ماراح تزعلين !
انتقمت لرفيجيتي بطريقه قاتله قاتله و بردت قلبي فيه ...
ابسط شي قلت له : ان في مثل حالتك هذا انا اقدر اساعدك في انك تشوف دكتور نفسي تعالج فيه لانك مسكين مو راضي عن نفسك من الداخل و انت الظاهر مريض نفسي بس لا تخلي عمرك جذي
انت رابي في مجتمع خلوك اتحس انك قليل جدا و اكسروا رجولتك فانت قمت اتحس ان الرجوله بيت ... وشهاده و خرابيط شكليات تافهه بعدين لما بط جبدي هلقت فيه شوي .. ..
الله يخليكم يا الرياييل الي فيكم امراض يكفينا الي فينا مالنا خلق نعالجكم ..

و راح اقولكم باجي السوالف بعدين لازم ادش اجتماع الحين اخلص شغلي قبل الاجازه

42 comments:

Blog 3amty said...

تبين الصج !

رفيجتج مشتهية ومستحية ماكو شي غصب!

الزين said...

والله يا فطيم ما تغشمرين

سيده رفعتي التليفون

:)



ههههههههههههههه

تدرين ليش قاعده اضحك صح؟

lawyer said...

بلووووووووق عمتي

اهي مسكينه ما اكتشفت الا عقب

ليششششششش يجذب خلنا من اي شي ثاني

ليشششششش الجذووب؟؟


شكلك ياييزلك وضع الجذب؟






الزين

اي والله رفعت التلفووووووووون
و سفلت في امن يابت ابووووووه

سويييييييته حشره




ادري ليش ميته من الضحك

ادري شتقولين بقلبج
ههههههههههههههههههه

KQ8 said...

هالحمير حشاج كاثرين هلايام ولا عيال الاياويد ماعندهم هالسوالف

يامعوده الحمدالله الله فكها منه

وماعليه حسوفه

|:| DUBAI |:| said...

خاطري أسوي شرى البتان والهنود
شفتي كيف يبطلون باب السيارة
و احم على الارض

هايل جي يستاهلون

استغفر الله

مال أول

الجذب

و هاي السوالف

يا ربي

متى يعقلون الشباب

متى بيطورون


!!

SHAHAD said...

واللله زييييين تسووووييين فيييه
أكره هالنوعياااااات من البششر
هذيلاا لازم دكتور نفسي !
صدقيني لااااااازم دكتوور نفسي !

والله لو اقولج سالفة رفيجتي .. تطقيين على راااااسج

تخيلي ابو ريلهاا .. قااعد بينهم ويرن تلفوونه ويقول اي اي انا بمكتتب الوزييير الفلاااني ويسوي نفسه قااعد يسلم على السفير .. يقوول هلا هلا بسعادة السفير ويرد يتكلم بالتلفوون يقول يللا انا مشغول مع السفير الحين !!
والله رفيجتي طقتها البوووهة
تقوول لهالدرجة فيهم نقص !!!!!

الله لا يبلييييينااا

Blog 3amty said...

يا بنتي أهو جذب عشان باجر لما يصارحها تحترم شجاعته !


بالله عليج أشلون ممكن يقولها

"حبيبتي سامحيني"

بدون لا يكون جذب عليها؟



فكري بالمنطق بتشوفين الجذب شي صحي لبناء علاقة مستقبلية صحيحة خالية من الجذب !!




بعدين اذا على رفيجتج ..

مستعد أتزوجها وأستر عليها !!




(هذي جذبة تازة)
:P

ma6goog said...

عندنا و عندكم خير

حتى البنات مو مقصرين بالكلك

خليني ساكت بس

مركبنا said...

يابها ولد عمتنا

مشتهيه ومستحية
ولا كل هالسوالف وعادي

nanonano said...

هاهاهاهاهاهاهاهاهاهاهاها

ما أقدر أزيد شي على اللي كتبتيه

غسلتي شراع الرياييل مضبوط

mo3ath said...

لا يحوشك تطيح بلسان لوير :D

اذا عرف السبب بطل العجب ، اهو من الاول ليش مجذب إلا وراه بلوه وموداش لله

يعني لاتلومينه : الغاية تبرر الوسيله ، انتي قولي الناس الي غرضهم نظيف ليش يجذبون !!

سبمبوت said...

عشرات ومئات وآلاف من البنات مرّوا بتجارب خايبة مثل هذي ؟؟ أنا وصديقتي قاعدين ذاك اليوم نحلل ظاهرة الإختفاء .. إللي لما يقولها يالله آنا رايح بيت عمتي اخلص وادق عليج وبسسسسسس هذا آخر شي تسمعه منه .. تدق وتدز مسجات بس ما كو فايدة ولا اكو أثر للحبيب

أحاول اشرح لها انه شايفله شوفه ثانية او لمح بالزواج وتوهق .. وهي تقول انزين شايف شوفة ثانية خليقول باي باي، خليصير ريال ويتوكل على الله .. ومن قال له من الأصل اجيب طاري الزواج ..

يا بنات خلونا نتحد ونسوّي دراسة فاحصة ماحصة عن هذه الحركات إللي فعلا فعلا فعلا ملينا منها وافقدتنا كل ذرة ثقة بالشباب !

(( اغلبهم مو كلهم )))

هذي دعوة مني .. ولازم نسوي خطة

violeta said...

ترا صح اذا اهو يجذب اكيد فيه عقده ولا يحس بنقص!!

وأحسن شي انج هديتاي فيه وقطيتيها بويهه

ناااااااااااس ما تختيشيش
:p

lawyer said...

كاركوتا

للاسسسسسسسسسسف ينقال عنه ولد اياويد اهله سنعين و اهوووووو المفروض سنع
والبلوة لي سألت عنه بالدواوين كل من يقووووووولك والنعم

بس مرضضضضض الجذب مرضضضضضضض


قبل اذا شفنا مسكين بدون يتقلقس و يكشخ و يسوي نقول فيه نقص

لكن ولد الناس و العوايل ليشششششش يجذب؟








دبي


اييييييييييييييييي نعم
تفله على الويه

اناااااااااااااااااا سويت ازود من التفله

اناااااااااااا عطيته محاضره تتناااااااسب مع جرمه

خليته يكرررررررررهني لابد الابدن

خليته خقييييييير جدا امام نفسه
احسه وده يطق روحه بنعال ليش جرأ بتصرفاااااته ان ينقاله جذي









بلوق عمتي

يولي يولي يولي

امرااااااااااضه هذي يعالجها بعيد عن بنات الناس


احلى شي لما قلت له الانساااان الي يسوي كل شي بكيفه و ما يحس بالناس هذا انسان بلا عقل

تعرف شنو الي يخلي امره بكيفه ومايحسب حساب الدين و العقل و المنطق هذاااا حيوان
والا انت ماسمعت الايه الكريمه الي تقوول

ارأيت من اتخذ اللهه هواه .افأنت تكون عليه وكيلا ..ام تحسب ان اكثرهم يسمعون او يعقلون ان هم كالانعام بل هم اضل !!


مدري اصلااااااااااااااا اشلون طلعت وياااااااااااااااااي بس التسسسسسسسفل مرات يطلع المواهب







مطقوووووووووق
اعرف وحده مجذبه على واحد سنه و نص متعرف عليها في منتدى مجابلها ليل و نهار طلعت متزوجه و بموووووت من القهر
هم هذي عليها قدره جباره في النصب اقولكم سالفتها في الحلقه اليايه!!








مركبنا
مسكيييييييييييينه البنت ماتدري ما اكتشفت هالشي الا تااااااااالي و عقب فتره و سفلت و مشششششششت


اهي لو تدري ما تمت ثانيه وحده اهوووووو طلع خياسه عقب ما اخذ منها المصلحه و هم مجذب بسسسسسس انجك


من صصصصصصصصصجج اكووووووووووو ادميه بتم ويا واحد نصاااااب

الي تتم ويا واحد ناقص اهي ايين منه







نانو

اخخخخخخخخخخخ لو شابكتج ويااااااااي في المكالمه

سنه جداااااااااااام تضحكييييييييييين

ما بحيااااااااااتج ابدا سمعتي انتقاااااااااام الجبابره ؟؟


انا انتقممممممممممممت بكل هدوووووووووووووووء


هاهاهاهاهاها

البلوة رفيجتي تقوووووووووولي واي احسج بردتي قلبج في الرياييل

قلتهاااااا انا انتقممممممممم في هذي المكالمه لكل ريااااااااااااال جذاب
لووووووووووول









معاذ
لووووووووووووووول


بالظببببببببببببببببببط

ليششششششششششش تجذب وتسوي فيلم


اتصدق انا احترررررررم الريال القليل الي يعترف في قله و ابداااااااااااااااااااا ما اعبر اشوف ريال فيه نقص و يثريني بنقصه



ابيه اسمع السالفه الاسبوع الي فااااات بغيت اقلب الطاوله على واحد

نصااااااااااااااااااااب

ما يعرف يتحجى كلمه كويتيه وحده

بدووووووووووي جنقلي مال العرااااااااااااق

عرفت خكرررررررررره العراق شي شي شي شي لا يطاااااااااااااااق


و ساعه يقوووووووووولي و بفهمني ان يده نووووووووووخذه و احنا نواخذه !!



بغيييييييييت اقوله عمى بعيييينك الله ياخذك ششششششششششفت ويهك انت !!

انت قبل امس ياي من العراق بعرباااااانه !! ليشششششششششششش تجذب ! ليششششششششششش



واي امراااااااض






سبمبوووووووووووت


يخلصصصصصصصصصصصصصص العمر و ما تخلص الاسباب و العقد

ايييييييييييي اتحدااااااااااو و سوااو دراسه و قوووووولينا الاسباااااااااااااااااب

خنستفيييييييييد

بالظبط
شنوووووووووو المشششششكله في ان الريال يقوووووووووووول حق وحده مابيييييج او يروح بكل ادب


انتي تدرين شنو المصيبه ان الريال يكون مسسسسسسستذبح عشان يتعرف عليها
وبعدين يرووووووووح قبل الجذبه ما تكتمل



بس الله يفك البنات




انا بفتح مكتب جاسوسيه قريييييييييييب



انا رفيجتي تدق على خطيبها توهم مالجيييييييييييين ايام الملجه يقولها عن اذنج عندي خط ثاني الاهل ويروووووووووح يكلم اهله 4 ساعات بالتلفون
تششششششخل التلفون كلا ويتينج !!


وما يرد عليها و يرد عقب عشر ساعات في كل برووووووووود هاا داقه !!

واااااااااااااي

شالمسسسسسسسستوى

شالمذله


ليششششششششششششششش


اذا بسولفلج عن بلاوي ما اخلصصصصصصص من الامثله
ماتصدقين ان هذا في الكويت و محيييييييط المجتمع الداخلي

احنااااااا مو في مصر والااااااا سودان الا الديره اشكبرها و محد يعرف و يتواصل ويا احد


ياحمااااااااار ياغبي احنا في الكويت بدقيقه ينجك الواحد و هم يجذب!!

qesat_5ayal said...

غبي!

يعني أخرتها بينكشف ..!


حدي حاسة شكثر أنتي منغثة
تشبه ملامح المرأة الأولى في بوستي الأخير


وصحيح .. الرجل في حينها يطيح من عينها، تستصغره، يصبح لا شيء
!

Eng_Q8 said...

انا عندي الي يجذب مو ريااال

سواء جذب على بنيه والا على ريال جذبه بيضه والا سوده عيب الريال يجذب

وبعدين رفيجتج مو صاحيه بصراحه شكو اتصدقه ؟!؟!؟

انا انصح بنات ديرتي مالكم شغل بهالسوالف ونصيبها بييها بييها لا تستعيلون واتقطون روحكم على هالهيلق

واذا اهي مو بالها زواج بس وناسه كيفها محد ملزوم فيها

ودمتم سالمين

اييييي نسيت قوليلها تتزوج عبدالعزيز الشمري :p

ابن الذين حاط الميم اشكبرها اخر شي طلع محاااسب

اللهم لا اعتراض

TruTh said...

فعلا الجذب يعبر عن نقص بالشخصية

الله لا يبلانا بهذي الصفة الشنيعة

انا رايي ان الوحدة لازم ما تثق في اي ريال غريب عنها و مو يايها بصفة رسمية

اللي يدخل البيت من بابه اهلها راح يسألون عنه و يعرفون عنه كل شي اما اللي تتعرف عليه من برة هذا راح يلعب بإيده و ريوله و يشتغل عليها افلام و يقزر معاها شوية وقت و بالآخر يمل منها و يشوف غيرها

و بجذي ما راح تحصل من هالعلاقات غير خراب السمعة

و تحياتي لج

kuwaitawy said...

لووووووووووووووووووول


والله ما تسوى عليه


صدقيني لو يقرا هالكلام راح يصير خوش ولد



لووووووووووووووووووووووول


وما يجذب مره ثانية

kuwaitawy said...

وين تعليقي

The Simper said...

"الله يخليكم يا الرياييل الي فيكم امراض يكفينا الي فينا مالنا خلق نعالجكم "

LOOOOOOL.. wain el 3iyada ya sister :P

ShLaLaT said...

ياااااااااااااااا كثرهم


!!



فطووووووووووومه
قصتي مع بلوقج قصه طوييييله
بس احلى شي فيها انج رديييتاااااي

:*************

another day said...

طبيعي الجنسين لما يجذبون إنه فيهم نقص
وبعدين لاتنسين البيئه اللي تربوا فيها

لها دور كبير
المفروض البنت ماتعطي الثقه لأقرب الناس لها فما بالج الغريب
يستدرجها لين يآخذ مبتغاه

طبعا مو الكل
لوخليت ل خربت
الريال لازم يواجه بكل الأمور سواء مع المرأه أو الرجل
لازم يعيش الواقع ويعطي كل ذي حق حقه



بي السؤال إلحين
في ريال بالعالم ماشي سييييييييييده؟؟؟

vancouver said...

عن خير خييييييره

ياختج اكو نماااااااااااااااين عجيبه
ياكلون جذب يشربون جذب ينامون ويصحون جذب

بس الشرهة على اللي يصدقهم لي الاخير
يعني اللي اعرف

لا يمكنك الكذب على كل الناس كل الوقت

لاااااازم الجذاب ينكشف
بس بعض البنات الله يهديييييهم يقصون على اعمارهم

قولي هذا يبي يضبط البنت
شتقوووووولين فطومه بالبنات اللي يجذبون على رفيجاتهم وكل جذبه اكبر مالثانيه
???


كنت اعرف وحده مده 3 سنين
اكتشف فيهم انها على الاقل جاذبه علي في خمس او ست شغلات
اسااااااااسيه
جذب موووو طبيعي
من خوفي منها لما بالصدفة اكتشفت كل جذباتها
قططططططططعت علاقتي فيها نهائيا نهااااائيا
والله حسيت انها سايكو
ممكن تسوي فيني شيء
لانه الجذب لاااااا يعقل ولا له اي مبرر
تخيلي وحده تجذب في تخصصها و خطوبتها وزواجها
و و و و اموووووور ما تتخيلينها لوير

لييييييش ما ادري
??

--


وعلى سالفة السعووووديه
والله فرحنا لهم بهالانجازات
وعلى قوله رفيجتي السعوديه
تقولي

عطيتونا جابر




وعطيناكم
.
الله يبارك في ملكهم
بس المشكله الشعب مو مساااعده
ترى التيار الاقوى اهوه اللي يشدهم لي ورى
اتوقع لو يستمر الملك عبدالله فتره طويله بالحكم
راح يسوي اللي ما تسوى بعشرين سنه

يستاااهلون كل خير
وحيالله مراسلتنا من بريده
:))

vancouver said...

بعد اذنج لوير


كاراكوتا
ترى الجذب ومرض النقص مااااااااااا يعرف ولد اياويد ولد هيلق

احيانا ننصدم بعيال الاياويد اكثر
لانه ما كو شيء يبرر اخلاقهم الزفت

السنع ماله ليبل يا كراكوتا

--

لوير

حطي رقمج للبنات اللي ودهم ينتقمون من الحشرات اللي حسروا فيهم
ترى تنفعيييين ماشاء الله
زين ياتلج الشجاعة وتماسكتي
هههههههه

انا اخاف
هههههههه

صبا said...

للأسف

للأسف

للأسف

يا فطيم ...مجتمعنا يعاني من أمراض إجــتـمـاعـيـه , وحــســد ,اللهم يا كافي
الناس صارت تجذب عادي ولا على البال
وكأنهم قاعدين يشربون ماي
بكل سهوووووله ...يقولون الجذب بالمخبه ...يعني ما يحتاج الواحد يفكر علشان يغش الطرف الآخر

المصيبه الدثوي الغبي قاعد يجذب بحقائق مكشوفه اول وتالي بينجك
ماااالت عليه وعلى رجولته هذا اذا كان عنده ذرة رجوله
حسبي الله عليه

عندي قصص كثيره مشابهه لقصصج

الله لا يبلينا

تحياتي القلبيه
:***

إيكاروس said...

تبين الصج ..ومن غير زعل

بناتنا إخفاف!!0

بس ..يقولها الواحد أحبج
الاخت ذابت!!0


بعض الاحيان و من واقع تجربة

بس

يكون الشاب ذرب بالتعامل مع البنت شوي
الحجية تبتدي ..ترسم بخيالها قصص

لكن

صاحبكم هذا حدى
ما يعرف يجذب!!0

أحد يجذب بعمره و شهادته
حق مسئولته!!0

المعلومات هاذي موجوده في ملفك
يا غبي!!0

ARTFUL said...

الشرهه على البنت اللي معطيته ويه!!!

مبينه من اول شي خل تخلي يوللي!!!

والجذب عمره ما نفع
الريال اذا جذب بحسس البنت ان في نقص


شفيها اليرموك

زينة المناطق

الله يبعدها عن الطامعين

;p

Enter-Q8 said...

اللحين الرياييل اهم اللي جذي بس

marshmallows said...

اغلبهم صار الجذب عندهم شي اساسي
كنت اعرف شخص انفصل عن الي يحبها
جان يقولي ويي مالي خلق الحين ابدي علاقه يديده و اجذب
قلت ليش تجذب جان يقول اصلا هذا شي اساسي عندنا ماكو شغل اقولها الصج
عاد بعدين كيفها بتجك ولا لا انا ماني قايل لها


والله صار ينخاف منهم

Ni3Na3aH said...

yadres masa2ee o 3aleh man3 safer.. lo26ah..akeed bechatheb!!@@
3moman.. aghlab el nas ychathboon lel2asaf..reyayeel o 7areem!

Kuwait said...

@@
ويــح قلبــي
لويــر انتي انتهـى دورج الحين دوري طرشيـه حقي أحذفه بشحاطه عشان أبرد جبدي ;p
لوووووووووووووووول
<-- عنيفه

lawyer said...

qesat khyaaaal

Offff 7adaha 6aye7 mn 3enhaaa
he is NOTHING da7enna


eng q8

waaaay klamik 3adel o yebard algaaaaalb
klaaaaam ryayeeeeeel sej


tra 7aaadek bardt galhaba o galby
eee walla madre liash ha alchethb be aldenyya








truth
yesssss klamech 3ain alsaaaaa7
now ay wa7d yaby ay bent fe ha alzeman ely yekhre3 lazm yedesh mn albaaaaab









kuwaitaaaawy

khaywaaaaly 3amma fe 3enna hatha wenna o wain albloggaaaaaaat

yalla yethb6 boggaaar







sim sim

tadreeeee wain be althab6 9ayra al3eyadda :P








shalalaaaaat

abeeeeeeeeey a3ref sheno alghe99aaaaa
tharooooooooory
Okkkkkkkk







another day
shoddaaaay ana 3eny now qana33a ena abadan mako ryaaal sedda abadan ,, ma3lich mn ely yegol law kholyat o khorabat o she3arraaaat








vancover
waaaaaaaaay waaaaaaaaaaaaay

NOOOOO waay bent o etchethb fe shethy swaliiffffff
liashhhhhhh ballaaaaaaah !!

zaaaaag yezegahaaaa hathy mo refejjaaaa
hathy ma9la7chya maretha saykooooo


la yewlly ana ma akhaaaaf
o ba3den may3rfny :pPpP






9abba
eeeeeeee alaaaah yaeby yaksheffa
alaaaah yeftha77a
marrat 3balich hatha wow o 6aaal ye6la3 arda alnas mno ely yewrch enah arda alnas rabech ely yaksheffaaaaa

The Simper said...

is that a statement or a question? ;)

Common_Sense said...

لوول والغبي ما صكر التلفون بويهج وانتي تهزئينه ؟

ماعليه بس البنية يابت هالشي حق روحها لما تحط نفسها بمثل هالمواقف

نايس بلوق

Splash said...

Greetings,

Just for your information, if you like to expand your blog and get more traffic, add it to the new Kuwait Directory www.Q80.biz you can add your Blog under Social category.

Good Luck

mowa6en said...

قصة من قصص النصب الغير مستبعده !!

الانسان انسان لو كان ذكر أو انثى ، الفروق تكمن في ذواتنا وليس في جنسنا

اجار الدين كشمش said...

اشدعوه

لوير ..احم احم خليني اربط الكرافات

ماكو داعي فضايح
السسستر زين

هذا مو جذب لا لا
هذا تلطيييف للقعده

والله الواحد مايدري وين يودي ويييه ..منكم

يعني الواحد اشلووون يصييدكم ؟؟

لازم اشويه بهارات ,, كريم شانتييه ,, دقوس بودييج

انتوا تبون الواحد صجمه!!!1
خلوووه ينفس ..اشويه
اصلا اهو بروحه يصييد رووحه
بس ...يقعد ..يتفتق بنطلووونه
انتو ...بس حقرووه
وكعكعووواااا
فمالله

صبا said...

فطيم

وييييييييييينج
لييييييييييش
مخلييييييييييييييا
المدووووووووووووونه
ومهيتتهااااااااااا
ردااااااااااي
بسرعه
ولهناااااااااااااااا
عليييييييييييج
واااااااااااااااااااايد
وكل عام والكويت بخير
وعسى الله يحفظها من كل شر يلرب
ويحفظج يااارب

...........

اشرايج فيني وانا اقلدج بالكتابه
ونااااااااااااااااااااسه
جني رااااايحه الدوااارف
أطير
:*****

lawyer said...

enshalla raaaa7 ard 3alikom kilkoom



sabbaaaa ana fe london o ma3ref 7ag macbook mako arabik ma a7ebba

awal ma ared kwt ard 3alikom kilkoom



LUVIIIIICH :**

fatmaqatar said...

صرااااحه طلعتي كل الي في جبدي عليهم >_<"

إمـرأة لا تُنسـى said...

الجذب عند اغلب الرياييل عادة
إلى درجة انه يجذب الجذبة ويصدقها
ويعيش فيها بدون ادراك للحقيقة

وبصراحة، عند بعض البنات نفس الشي، لكن الرياييل بـ زودة وعلى غير سنع وبدون مناسبة

والريال اللي يجذب بشي صغير عادي يجذب بأشياء كبيرة،، وإذا اكتشفتيها بعدين يا يتأسف وإلا يقول لج انا كنت اتغشمر


والله دينا :)

Manal said...

سوالف ما تخلص

ويظلون الرياييل يحامون حق بعض



:)