Saturday, February 28, 2009

Jade Goody "'Now I'm ready to go to heaven'"




عاده لا اهتم لاخبار الفنانين ولكن ماحدث في زواج جاد من جاك و تأثيره النفسي عليهم


خلاني وايد افكر فيه و فيها


اكثر الاخبار ضجه في الصحف الاجنبيه الي غطا على اخبار الاوسكار هو حفل زواجهم


لسبب اصابتها بالكانسر .. و الي خلى حبيبها يقرر في الارتباط منها عشان يحقق لها حلم الزواج




الممثله عندها ولدين .. ولكن يمكن كنوع من السبورت كانت تحلم في حفل الزواج


وان تعبت بعده




اثر فيني الخبر جدا ..


عور قلبي الكلام الي قالته


والكلام الي اهو قاله




ماتابعت الخبر من الناحيه الفنيه و لكن تابعته من الناحيه الانسانيه


ليش احنا عندنا المريض في اي مرض ماله حق الحب و الزواج و تحقيق احلامه قبل وفاته؟؟




ليش احنا نرفض زواج الشخص المريض او زواج المريضه مع انهم اكثر الناس في حاجه الى رحمه




قطيت المجلات و انزويت في احد المقاهي افكر فيه و فيها


استعدادها للتخلى عن الحياه


و استعداد الي يحبها للفراق




الجو كان بارد جدا


وحتى قهوتي الي نسيت اشربها




استوقفني كلام زوجها ..




You're a special woman,


I love you and I would be honoured


to call you my wife




و استوقفني ردها بعد حفله الزواج




'Now I'm ready to go to heaven'








سبحان الله على الرغم من ان احنا دينا دين رحمه ولكني لا اجد اي رحمه و شفقه في معامله المرضى


و خصوصا مرضى الكانسر


يعاقبونهم بوأدهم في اردى المستشفيات و بتكريس طقوس البدع


و الطب الشعبي و يعشمونهم بالحياه بين عسل اسود و حياه قايسه و ألم


غير مكترثين ابدا لا في النفسيه و لا في روح هذا البشر




كم مريض في مجتمعنا منحوه حق ممارسه حياته كبشر طبيعي بعيدا عن الشفقه




رساله الى كل مريض


عيش حياتك مثل ما انت تبي لا مثل ما اهم يبونك تعيشها




رساله الى كل بيت فيه احد مريض


عاملوه على انه انسان طبيعي حققوله رغباته




رساله الى كل حبيب لديه مريض


الله يعينك على احلام الفقد










19 comments:

7osen said...

الإنسان اهو الإنسان

بمرضه وحاجته ومعاناته

يبقى إنسان

قصة مؤثرة

اهم بكل صراحة او ( البعض منهم ) عندهم إنسانية أكثر منا بمراحل

يقدرون الإنسان بجميع احواله
وهذا إللي المفروض أحنا نتعلمه من دينا

لكن للأسف مو قاعدين نشوف هالشي

بوست جميل
فيه حس إنساني

ZooZ "3grbgr" said...

اففففففففففففففففف

انا بروحي قاعده الهي نفسي بالمدونات

بروحي بنسى

الله يهداج كلش مو وقته هالبوست

حبيبتي ادري مالج شغل وما تدرين شالسالفه

بس كل بقلبه شقى الليله

الله يشافي الجميع ولا يخلي احد يمر بهالمرض

:/

أستاذ حمام said...

تابعت الخبر..

الكل كتب عنه الا جرايدنا المعدنية..

اشكرج على هذا الاطراء.. والله يصبرنا على ظلم عالعادات لنا

Enter-Q8 said...

استغفر الله هالمرض بالذات شوفتي للي مصابين فيه تخليني فعلا ازهد بالدنيا
عسى الله يشافيهم و يريحهم

مركبنا said...

ممتاز ما قلتي

يعجني في ثقافة العم سام
هو تاف=قلم مع المصائب والتعايش معها

وكان حديث الرسول صلى الله عليه وسلم ماانزل علينا بل انزل عليهم

(وامره كله خير ان اصابه خيرا شكرا وان اصابه شرا صبر

حياتي هدف مو عبث said...

اتصدقين أخوي أصغر واحد
عنده مرض بقلبة وريله
أمي دايماً تعامله غير
انقولها يمه ما يصير خليه نفس لا اتحسسينه انه مو طبيعي
بس للأسف ما اسمعت لنا
وهالشي راح يضرة واهي تدري
لكن تقول لأ اخوكم مريض
ما اتخليه يعيش حياته عادي

لو كان عندي ياهل مريض راح أعامله عادي
لأن لما يشعر إن نفسي ونفس أي إنسان صاحي
راح ينعكس على نفسيته
والصحة النفسية أول طريق للعلاج من أي مرض كان

|:| DUBAI |:| said...

: (

No comments !

Blog 3amty said...

عشان تعرفين أشكثر أحنا نضحي

:$

Barrak said...

دايما حساسة المشاعر


انا صارلي اسبوع اتابعها الا تزوجت الا ركبوا الهلكوبتر

القصه باختصار تصوير قصة حب صادقه

السؤال اللي يدور بذهني

ليش عند الغرب اللي مايعرفون دين نلقى عندهم اصول الدين بالتعامل بالعطف على الفقير

وايضا العكف على المريض


الله يبعد عن مجتمعاتنا الامراض



والله يشافي الجميع

بوست مؤثر


اشكرك

Diver said...

يا اختي التخلف اذا دخل ما يقتصر على الحياة العادية لا يمتد حق كل مناحي الحياة في الدولة

التخلف مصيبة المصائب في بلدنا

الله المستعان

AK-47 said...

الله يعطيج العافية ويشفي الجميع

بوست اكثر من رائع

thanx :)

TruTh said...

مسكينة

عسى الله يشافيها و يشافي كل مريض بهالدنيا

ويعطيج الف عافية على البوست الانساني جدا

lawyer said...

حسين

شفت اشلون
اسلام من غير مسلمين و احنا مسلمين بلا اسلااااام للاسف


فعلا عندهم الانسانيه لبشر و الحيوان

وهذا دليل رقيهم








عقر بقر

الله يكون في العون







استاذ حمام
حياك الله

اي والله كل المجلات و الجرايد و حتى التلفزيون يابو طاريهم الا احنا








حاكي عقالي

ومرات اتييك لحظات ضعف اتقووووول ابي اشوووووفه جذي احسن من انهم يروحون






مركبنا

اشكرك جزيل الشكر








حياتي هدف
بعد قلبي امج
ترا انا حاسه فيها ترا ماتنلام
اهي ام مسكينه

ودها تكون اقوى من جذي ولكن هي بالنهايه ام

يبقى الدور عليكم انكم اتحسسونه انه واحد منكم و مثلكم



دبي
:)



بلوق عمتي

يطلع منكم والله








براك

The Simper said...

read about the actor Patrick Swayze.. i saw a TV interview with him about his cancer.. and he was saying that he is living his life the way he wants and he IS defeating the cancer! he is tough..

and also professor: Randy Pausch. man he is strong.. he passed away.. yet he was great with what he did when he knew he would die!

lawyer said...

براك

ابيييييه تكفا شفتها يوم الهيلكبوتر عورت قلبي

شفت اشلون تتصنع الابتسامه عشان فعلا من قلب تبي تفرح؟

شفت اشلون ريلها يطالعها شفت عيونه

فعلااااااااا كلامك عين الصصصصصصصح
كنا نشوف فيلم لايف قصه انسانيه جداا

بغض النظر عن الجرايد الي يقول حبها عشان فلوسها والا مدري شنو

يكفي ان حقق لها سعادتها و يكفي ان حقق لها الي تبيه و يكفي ان عيشهاااا يومين حلوين
ورد روحها و حسسها انها انسانه طبيعيه

عطاها الي ماقدرت الفلوس اتييبه



باختصار عندهم اسلام من غير مسلمين

ماتصدق اذا قلتلك اشلون مجابله النت
و التيفي
و انسايدر و اي تيفي
بس اتابع اخبارهاا


اتمنى من اقصى قلبي ان الله يشفي كل مريض
و كل انسان في هالدنيا حياته جدا قصره فلابد ان يبحث عن الفرح و يعيشها

هناك نعم تستحق الشكر
فليش نعيش حياتنااااا بس بالغلقه و ظيقه الخلق

الله يحب يشوف عبده مرتاح و سعيد و راضي شكور

ابيه براااااااااك
فتحت لك قلبي و كل الي فيني قلته لك







دايفر
تخلفها مثل السوس ينخر و يردنا لي وراا







47
احسااااااااسك ورقته اكيد اهم اكثر من رائعين والا جان ما اثر فيك البوست
فقط دليل احساسك الراقي للناس





تروث
اميييييييييين
يارب

مثل ما قلت حق اخواني انتوا الي اكثر من رائعين و شفافين و احساسكم صادقه وداخلكم انسانيه كبيره عشان جذي لمستوا انسانيه البوست





سمبر
الحين بقرا عن باتريك

بس عن البروفسور فهذاااااا شي اكثر من رائع
اصلا الي سوااااااه مدرسه

لازم الكل يتعلم منها

Dalal Arch said...

I remember watching a Spanish movie based on a true storey called "the sea inside", it takes about mortality and quality of life. its quite the opposite from this case, an ill person wanted to in his life for lack of quality while Jade wanted to make the most out of her life although she's in a very poor shape. I guess what I'm trying to say is people decide what they want to do in their remaining days in this life not society, and not even doctors.

lawyer said...

dalal

صبحج الله بالخير

فعلا كل انسان في نهايه المطاف اهو الي يقرر شلون يبي يعيش


حمستيني على الفيلم

شكلي بطلبه و بشوفه


:)

Mishari said...

أول شى الله يكافيج شر الامراض انتي ومن تحبين ابسطها واعقدها
لكن بخصوص هالممثلة بالذات اختلف معاج
والسبب لأني أتفق مع وجهة نظر واحد ثاني

اقري هالمقالة

http://www.akhbar-alkhaleej.com/ShowArticle.aspx?X=7A5470547554715476547C6475547E647764282YOLO2170717C717471747171717878287A5470547554715476547C6475547E647764

ولكن اللى اتفق معاج فيه أن صج عندنا يحسسون الواحد لما يمرض أن أيامه خلصت والوالدة يخلونها طريحة فراش 600 يوم وروووح
ثقافة مجتمع بالاخير لازم تتغير

lawyer said...

مشاااااااااري

هاااااااااااااااااااااي

ابيه انت وين تغط و تختفي؟؟؟


واي عاد مشاري كلش كلش تعليقك ابدا ما يتناسب ويا شخصيتك

انت واااااااااااايد طيبه و احسك حيل انساااااااااني
وتتعاطف مع الناس بعض النظر عن خلفياتهم لانهم بشرررررررر
صح



قريت المقاله
وعلى الرغم من قساوتها

الا اني اشوفك اطيب من جذي بواايد




كيفي انا اعرف انت وايد رقيق من الداخل وفيك رحمه