Friday, March 13, 2009

اوسكارهم و خلاجين لبنان









































لما اتابع حفله الاوسكار اكثر ما يبهرني دقه اختيار اللجنه من تفاصيل جدا مبهره
تخليني بعد كل حفله ارد اشوف الافلام المرشحه لمتابعه تلك التفاصل
واكثر شي احبه في الاوسكار
الرد كاربت واحب جدا ان اتابع شكل الفنانات و متابعه ازيائهم و تسريحاتهم
و كل تفاصيل اللوك الجميل
واجمل ما يميز فنانات الرد كاربت في هوليود انهم يظهرون بشكل جدا جميل
يبهرنا و على كثر جمالهم على كثر بساطتهم في الجمال و الشكل
بعكس فناناتنا وخصوصا هالسنه
امسك الريموت اقلب المحطات اتابع حفلات ليالي فبراير
انبهر في وحش طلع على الشاشه
اسمي بسمالله الرحمن الرحيم و اكتشف انها احلام!!
لفت الجسم بطاقه خام ترصصت فيه بشكل مؤرف
و مقطت الويه و تفخت الشفايف
وطيرت الحواجب
مو بس احلام
وايد فنانات عربيات و لبنانيات ..
السنين الي فاتت كنا ننطر حفلات هلا فبراير و غيرها من الحفلات عشان نشوف شكل نوال الزغبي
ونجوى كرم و لوك اليسا و نانسي عجرم و ملابسهم و مجوهراتهم
ولكن للاسف الان انتفى الجمال منهم
ومابقى الا بواقي عمليات تجميل .. و تسريحات شعر داثره ..

الصراحه مو مدحا في بنات الكويت ولكن لو دخلنا الان عرس راقي من اعراس الكويت
نلاقي بناتنا ينافسون فنانات الرد كاربت في حفلات الاوسكار

والا الفنانات العربيات راحت عليهم






33 comments:

RoOra said...

صاااجه والله
واااي امبيه احلااام صايره هوله @@
و تسطثين حتى بالرد كاربت ما تجذبني ازيائهم
احسهم وايد سمبل اللي سخيف ما يسوى
نفااانيف بناتنا شي مو صج حده اللي تنبهرين
حتى التسريحات مو صج
لووول عاد انا قاعده احوس ابي نفنوف حق استقبال اختي
اذا حصلتي موديل زوغه لحقيني فيه
و كسبي فيني اجر ;p~

enter-q8 said...

الصراحه مو مدحا في بنات الكويت ولكن لو دخلنا الان عرس راقي من اعراس الكويت
نلاقي بناتنا ينافسون فنانات الرد كاربت في حفلات الاوسكار
!!!!!!!!!!!!!!

خير ان شاء الله و ينافسونهم بعد بأجسامهم

يا معودة بناتنا الوحده فيهم بعد ثاني ولاده تقولي رقيب بالجيش متقاعد

الزين said...

راحت عليهم من قلب

Fahad Al Askr said...

المشكلة يا فطيم إن الناس حسبالها لما تسوي عمليات تجميل وترقع وتتفخ وتشيل، إن هذا راح ينعكس على الجينات، بس ما تدري إن اليهال بعد إذا طلعوا شواذي يا على أبوهم أو أمهم

وإذا أبوهم فقير مسكين ما يسوي عمليات ملزوم ياخون جينات الأم ويطلعون عليها

شنسوي، ناخذ شهادة ضمان وإلا شهادة منشأ، حتى هذه عادي تيي مضروبة من مصر

nanonano said...

هاهاهاهاهاهاهاهااااهاهاهاهاها

أنا أتفق معاج قلبا و قالبا

أشيــــــــــــــــاب!!!؟؟

أدري الحين المدونين بيحترون

و يقولون شالثقه

بس هذا الصج

و اللي مو عاجبه

خل يشرب من البحر

Sn3a said...

كافي بس تشوفين نفانيف عيوز النار سارا جيسكا باركر
وتراجي انجلينا
تدرين شريت نفنوف اسود
وبدور نفس اللون تراجي بس ارخص طبعا على مود اني ادش بمود انجلينا:(

uaeee said...

صباحج سكر لوير :)
اول شي ثيم روعه
ثاني شي.. بوستات حلوة كالعادة
ثالث شي شفتي حلق انجلينا جولي يخبل :)
اخر شي..
الموضة الدارجه ألحين البساطه في كل شي.. المكياج التسريحات وقصات الفساتين..
أهم شي الجسم المتناسق و الويه السمح :)))

Fahad Al Askr said...

فطيم شوفي لج صرفة، ترى التعليقات اللي وراي تييب القامت، وأنا ما لي بالعادة أعلق مرتين على نفس الموضوع

وشخصيا ما ألوم اللي علقوا على أنجلينا جولي بس ودي أوضح لمعشر المعلقين إن ريلها براد بت، واللي محترة من الموضوع ترى البنت مالها ذنب، أهو الي ميت عليها، وهد مرته علشانها

أما سارة جسيكا باركر فتبقى حبي القديم، وثنتينهم خط أحمر عندي، وقسما بالله ترى بفعل المادة 102 مع أي أحد يمس بنات الحمايل

lawyer said...

هاهاهاهاهاهاهاها ابيييييييه غشيييييييييت من الضحك


لوووووووووووووول


فهد علامك!!



نانوووووووووووو صاجه يوم قلتي محد بعجبه
هاااااااااااج اخذااااااي شوفاي فهد مو عاجبه !!




سنعه لج مطلق الحريه في النجره و الغشمرررررررره وياااااا فهد رداي عليه هههههههههههه



اشوف فهد جنه مو ياييزين لك ;Pppp





لي عوده على التعليقااااات بس ماقدرت امسك نفسي من الضحك على تفعيل الماده !

Nachla said...

مشالله خوش بلوق حده حلو ووايد راقي
الثيم مو طبيعي مبروك على النيو لوك
:)
اخيرا احد يوافقني
زوغة طبيعيين وبدون تكلف بعد
لوعو جبدي بناتنا لو حلوين بس
ليش الالماس صاك على الرقبة
والمكياج كيلو
خصوصا اللي غصب بتصير بيضة
ليش الفاونديشن جنه طحين

الله يفكنا من لبنان وشماطيطهم محد قاص على بناتنا غير تفاهتهم
وجذوب هاللبنانيين

الله يعافيك بردتي قلبي

Sn3a said...

انا ماقلت شي يافهد لوول
انجلينا تعتبر الالجنت ايكون لو مهما سوت وانا ابي تراجيها!!!
واصلا مايعجبني براد تستاهل احسن منه;p

وساره جيسيكا عيوز النار ماقلت شي غلط
بس عندها ذوق عجييييب ودي بس اخذ نص كبتها!!

لووول شفيكم عالماده 102
صارت موضه اشوف

The Simper said...

"LESS is MORE" :)
even my comment ;)

أتيت متاخرة said...

قريت البوست ومنوصلت لأسم أحلام ما قدرت أكمل
يمه هاذي شمسوية بروحها
ومصدقة بعد
لوير ترى اشتطيت آنه
من تيي سيرتها انقمت وتصيدني بقة
الغريب أسمها احلام
قولي اسمها كوابيس
ما يسوا علينا صارت مطربة
الله خير وايد مطربات أكو بس مو مسوين بروحهم جذيه
لوير ارتفع ضغطي
فمان الله
ولا عاد تيبين طاريها ترى ما تشوفين رقعة ويهي

بنت الشاميه said...

اصلا فنانات العرب
صااااروا يتشابهوووون
الخشم وااااحد
الحاجب وااااحد
والشفايف....وحده
وتتفخخ الخدود حده
جنهم اشباح ما فيهم روح
والممثلات الاجانب ما عليهم قاصر بالعمليات التجميل
بس يعرفون شلون يحطون المكياج
والاجسااااام عجبه
والاهم يعرفون يلبسووون
والشعور طايره طبيعيه....حدها سشوار
ماااا فيهم هالتصنع اللى نشوووفه عندنا

امااااا عن بناتنا والله وانت صااااجه
احلى منهم كلهم
نشجع المنتج المحلي
لووووول

فطييييم شفيه بو عسكر
كله شايش عليناااا
والله بناتناااا يهبلوووون من حلاتهم
بس هم ماااا يشوووفونهم
لانهم فى بيوتهم مخشوشيييين
هههههههههههه

daggero said...

لوير

ياريت حاطة صورة أحلام علشان الواحد يقدر يقارنها مع الفنانات الأوسكاريات

وبعدين لبنان فيها مصممين عالميين الحين
أشهرهم
أيليا أبو ماضى

Amphibious said...

هاهااااهاااا
صح في بنات بالكويت ينافسون
10% بس

ويمكن اقل الباقي تمشي مع ريلها مكتوب على ظهره خدعوه

lawyer said...

ابييييييييييه امس بالليل رديت علييييييييييييييكم كلكم ويييييييييييين كووووووووووووومني



ببجي

nanonano said...

محاميتنا

لو سمحتي

أنا أبيـــــــــــــــه

بو عسكر

أنجلينا جولي..حراميه..بواقة الرياييل ما تستحي على ويها

أصلا أهيه قلبها بربعه لا يرجع براد حق جينيفر

و يــــــــــــــا رب يرجع

بس عشان يهمش حبة الساحره أجلينا

اللي ما لها سالفه الا البنى بهاليهال

و بنتها الصجيه مهيتتها

و مخليه براد خنت حيلي يضوط فيها

أنا الحين أبي يرد علي

Barrak said...

انا مع

Enter-Q8

ARTFUL said...

والله صدقتي انا أحب البساطه

ما احب المكياج

ما أحب الكعوب

دايما أحب الشي الجميل في بساطته

وهذا شي صعب

أحب النفانيف البسيطه أحب تسريحة الشعر البسيطه
أحب لبس السبورت على البنت


بس في نقطه أثارها بووليد

جسم المره الكويتية

ليش اهم عقب الولادة ولا جنه شي صار

واحنا عندنا تطلع الكريشة؟!؟!

رياضة؟؟!

أدوية؟؟
مادريي!!!

أفيدونا أفادكم الله

ARTFUL said...

وبعدين يا فاطمة

نبي غااااااااااااااانية


في غانية بالديرة؟؟

اذا في قوليلي مابي أتزوجها بس ابي اشوفها

غانية رشيقة القوام والقد

سحابة الأردان يوسفية المعاني

شوفي اقري هالشعر واذا لقيتيها قوليلي
بس ابي اشوفها

;p

والخشم منصوب كأنه سيف رومانـي،،مدتـه مـده وحـده حـد جنبـيـه

واخدود حمراء طريـه ورد ريحانـي،،داخـل بساتيـن مكنونـه ومحميـه

والثغر فيه العسل مشنـون جردانـي،،فيه الدواء للكبـد وامـراض مخفيـه

كلما تبسمت يبـرق بـرق رشانـي،،تحسبه بارق برق في راس منشيـه

والعنق عنق الغزاله عنـق ظبيانـي،،مرصوعه رصعه ذهب واحجار ماسيّه

والصدر بستان فيه احبـوب رمانـي،،والبطن طاقه حريـر الهنـد مطويـه

والخصر تلتف عليه الخمس ليمانـي،،والعجز سمبوك رسى فـي شواطيـه

واقدام بالنقش مرسومـه وسيقانـي،،كل ما دحق في بلد غبراء ضوت حيه

والطول والـوزن مايحتـاج ميزانـي،،موزون جسمك طلع ميه علـى ميـه


وسلامتج وتعيشين

ووالنعم في بناتنا

وفي بنات الحمايل
;p

lawyer said...

ههاهاهاهاهاهاهاهاهاهاهاهاهاهاها


ابداااااااااااع

انا اصلا كل كلمه في هالقصيده فيني بس مو الحين بالجنه انشاء الله

لوووووووووووووووووووول

lawyer said...

رورا

يعتمد اذا استقبالكم بسيط والا كبير يعني بدله سهره او بسيطه ممممممممم
شوفااااااي انجارو او فيراونج شغلهم روعه




انتر كويت
انتووووووووووووو بدون يهاااااال اتكرشوووووووووون

وبعدين هذاك اول الحييييييييييييين البنات تعدلوا
ههههههههههههه








الزين
منذ مبطي















فهد !!!!!!!!!!!!!!!!

ماكووووووووووووو ابدا اي ظمااااااااان

الخنااااااافس خنافس

و القواطي روب تنتج قواطي مثلهااااااااا








نانووووووو
صاااااااااااااجه والله

وييييييييي
تعالي شوفااااااااي فهد عشتوووووووو حدااااااااا شااااااااااايش







سنعه

ههههههههههههههههههههههه

لا تقولييييييييييين كلمه عيوز في هذا البلوووووووق لانه صاحبته عيوووووزه فعليك مراعاااااه نفسيتي و انا اقرا هالكلمه
هههههههههههههههه


شوفاي الفارس اكيد قلدهم








اماراتيه
ثانكيووووووووووو حبي

اي كل شي بسيييييط راقي

ياربي الناااااس مدري ليش تحب الخبه و التخرع


الويع السمح عندي
بس الجسسسسسسسسسسسسم مو عندي
هههههههههههههههههههه





فهد
هاهاهاهاهاهاهاهاههاهاه


من زين براااااااااد بت بسسسسسسسس


ويييييييييي الريال بفعل مواد الدستووووووووووور على حجوه هههههههههههههه

AseeL said...

لحظة هذا البوست يبيله معلقة تنكتب فيه

بناتنا في العروس ينافسون فنانات الرد كاربت؟

على شنو عالخبة والمكياج وزحمة النفنوف والمباهاة اللي مالها لزمة يغطون فيها الدثرة؟

فنانات الرد كاربت يتباهون باجسامهم واشكالهم فما يلبسون مثل بنات الكويت ولا يحطون كيلو مكياج ولا طقم واصل لى الركب

ما يفهمون معنى الانوثة؟

ما يفهمون شي اسمه نعومة؟

ما يفهمون شي اسمه كلاس؟

انا ابي افهم سر الشعر الاشقر على السمرة للحين مو قادرة افهم!!
ومو قادرة افهم لا مسحوا ويوهم شبيطلع ويا الاشقر؟
ترى حتى الملامح ما تركب مع الاشقر مو غصب
هذا الموديل من كنت بالجامعة اشوفه ولازال قائم

ذيك المرة جرسون لبناني يقول حق وحدة.. اكيد انتي كويتية؟

يوم سئلته ليش.. يقولها بنات الكويت شعرهم كله مسشور مانه طبيعي وسمر يصبغوا اشقر وكتير بيعجئو بالميك اب وبيحبوا الالوان كتير

هذا الكلام ينسمع خمسيمة مرة بالسنة لما صار واجب مدرسة وانحفظ وين ما تمشين داخل وبرة الكويت.. بس عاد!!

تسمعينه لما ينسم ابدنج.. بناتنا صاروا مصخرة حق اللي يسوى واللي ما يسوى!؟.. وشذنب القلة تنغث ابهالكلام كل يوم والتالي؟!

ليش بناتنا يخلونا نصير ديرة هُزُء؟

المشكلة ان في ديرتنا الشباب صارت اشكالهم املح وارتب من البنات والسبة ان البنات يعورون بعمرهم

::::::

اما على اللبنانيات صاجة مصخوها صاروا كلهم بلاستيك وشكل واحد وكل وحدة فيهم خمسيمة عملية مالهم نكهة ابد

تكفين شوفي اصالة في كليبها الاخير

بس ترى احب نانسي لحد يطب فيها :)


:::::::

اما احلام لا تيبين طاريها انا من شفتها بالتلفزيون مو قادرة انام من الخرعة كل يوم اتحلم فيها

::::::::

صراحة اضم صوتي لصوت فهد اللي يبرد القلب والحب نتشلة

اما انتر كيو إيت فأقوله ترى النوادي عليها دوس لا تظلمهم بس مادري وين المشكلة حتى انا مو فاهمة

وبعدين قبل لايطبون الرياييل فـ بنات الكويت خل يطالعون نفسهم.. من يعدي الواحد فيهم الثلاثين يربي كرش والصلعة تدبي خل يجابلون عمرهم بعدين يطبون فيهم

كيفي عاد ماني مخلية احد :P

لوير مواضيعج من المطبخ لى الرد كاربت كلها...

مستفزة

Anonymous said...

عاشت لوير ‏:D
صاجه والله بسالفه بناتنا في العروس زوغه وستايل وذرابه بس مو أي عروس لازم الهاي كلاس لأن غير جذي بتشوفين العجب العجاب :P‎~‎
وبنات الكويت من عمر الدنيا معروفين بالأناقه والذوق إلا الله يهداهم هالفئه اللي مادري من وين دخلت علينا وخفست بأم الأناقه وصارت الفئه الغالبه للأسف !
لوير..
مواضيعج كالعاده شيقه :D

enter-q8 said...

وليه اشوف اسمي تكرر
ايه هواللي يقول الحق في البلد دي ضايع و الا ايه
يوبا احنا نصلع من القهر و اللي نشوفه
ابي وحده فيكم تروح تراجع بكم وزارة و خلها تحط شنب و تلبس عترة وعقال و الا تروح ديوانية و تعالوا قولي لي ليش ما نصلع
اما الكرش ما ادري مو كأنكم خواتنا و الا حريمنا و الا امهاتنا طايحين دق فينا و تزغط تقول بط اكيد بعد الدوام و هالجو و الواحد يوصل البيت هلكان شنو تتوقعون و انتم حاطين له المكابيس و يمه معبوج نووي على بو انه واين فاتح شهيه
يا شيخه حرامي عليكي

Kwaitiyya said...

I agree with u
بناتنا أحلى منهم بوااااااااااايد
وصح ينافسونهم بالأجسام
أنا دايما أقول بنات الكويت أرقى وأحلى من الاجانب
وأجسام بناتنا وايد أحلى من هاللبنانيات والفرنسيات
بس طبيعي عقب الياهل الرابع يخترب جسمها يعني مسكينة شتبونها تصير ؟ صباح مثلا؟؟؟؟

عجبني بوستج اليوم .. والله ماكو على بناتنا يا زينهم

lawyer said...

نجله
مشكووووره بعد قلبي

اييييييييييي
واي سكتاااااااي في خلاجين هوايل

احلى شي البساااطه



عسااااااا قلبج بارد دوووووووم







سنعه

ههههههههههههههههه

لوووووووووووول


اي موووووووووووضه









سمبر
;)







اتيييييييت متأخره

سووووووووووووووري
سوووووووووووووري


ماعووودهاااااا ياباااااا مرت اللووووووخ










بنت الشاميه
بالظظظظظظظبط

نفس البرطم ينتفخون ويا بعض و يفشوووووون ويا بعض

جنهم جنااااااين والدات






ماعلييييييييييج من بوعسككككككككر
مجااااااااابل هالمصبغااااااات هالشقر ويقااااااااارن من زيييينهم هالنيسااااااات
عيل الفرنسيه و البوووووووووولنديه ينقال عنهم بنات حمايل








داقيرو
لوووووووووووووووووول
اش اش اش اش اششششششش


فشللللللللللتنا جدام ربعي
تعااااااال اساااااااسرك
اييلي صعب ايلي صصصصصصصصعب يمااااااا مو ابوماااااااضي









47


لوووووووووووووووووول
اشوفهم وياد في الافنيوووووووووو









نانوووووووو

حيييييييييييييلج فيييييييييه










براااااااااك
ماعليك من حاكي عقالي

خلك في نظر المرأه الكويتيه الشااااااعر الحنون لا تنقد ولا تخسسسسسسر شعبيتهم ههههههههههههههه

lawyer said...

ارتفل
لووووووووووووووووول


هااهاهاهاهاهاهاهااهاها
الله يااااااا الموضوووووووووووووووع برد قلبك


اهي في النفاااااااس ماعندهااااااا قبوووووط و لحم و خاله تقووووولها اكلي لهووم عشااااان ولدي
و ام تقوووولها اكلي لحم خضرا عشاااان ترضعين
ولا عندهااااااااا سطره 30 يوم في الفراش و استقباااااال و كل يوم ناس بيووووون و تعال يا طبااااخ سووووو معجبنااااات و كبب و حلوووووووو

ولا عندهاااااا ريل عقب الولاده 24 ساعه بالدوانيه و الخط ويتينج وقااااثهااااا فتحط حرتهاااااا في البلعه



واذا ردت من الاربعييين كلش ماعندها ريل يسهر على المسن و هااااادهااا و اهي تسهر على اليااااهل و تقوم تداوم

عرفت يمااااا ليش

ARTFUL said...

على النفاس اهو شكو الريال

انتوا بليتوا نفسكم!!

بس واايد ريايييل ما يهدون حريمهم ويعاونونهم

بس بالنهاية نفس الشي

صبه حقنه لبن!!!

ANGEL HEART said...

مادري اهلق عالبوست ولا عالتعليقات

تبين الصج لووير احس هالمقارنات المفروض مانفكر فيها وااي شياااب اصلاا

الاجانب ستايلهم عموما ناعم وذربييييييين خام ناعم ويتفننون بالاكسسوارات وميك اب خفيف هذا بالحفلات بسس .. واحنا هني اذا بيروحون دوامات ولا محاضرات مادري جم كيلو ميك اب وحق الصبح نفس الليل واذا دشيتي عرس ولا حفله مايدوور شي ناعم لازم لووويه والاصباغ تهول!!

وانامادري ليش بصف ويا تعليقات الشباب بس لاحد يطقني لول

اتفق اتفااااااااق تااام مع فهد العسكر

انجلينا ماباقته شكو كله البنت اهي الحراميه والريال واعليه مسكين يات وقصت عليه وخذته من زوجته شدععععوه انامشكلتي احب جنيفر بس هم اتعاطف ويا انجليناا لان حبو بعض الحب ومايسوي :)

lawyer said...

صباااااحكم ورد

ههههههههههههه ابي التعليقاااااات عجيبه



ارتفل

غانيييييييه ممممممممممم

سبحان الله سبحان الله هالقصيده هذي والابياااااات الشعريه سبحااااااان الله قااااااااعد توصفني

اصلا انا مبهوره اشلووووون الشاااااعر اسهب في تفاصيلي

هههههههههه

يالله صبااااااح خير ترا اقص عليك







اسيل
لووووووول
برداي قلبج

فعلا بنات الكويت اكسروا قاعده قاتله في الموضه بحجاباتهم ام القواطي
و خلاجينهم

لازم اكون مستفزه لاني منبطه جبدي منهم






لييدي رين
اهلا اهلا
الله يساااااامحها الي امس عفستني بالدوااااااام

الله يساااااامحها هههههههه



واي تشوفين مخرعات الازياء الي يقابلهم في التلفزيون يطلعون صوووووووره مشوهه للازياااااااء و الذوق العام










انتر كويت
لوووووووووووول تسمك متكرر بس من غلاتك :pppppPPPPPp

ياااااااااربي ديره كاكله مافيها حق اشمعنا انت بتقول الحق و على احسااااابنا






كويتيه
ياهلا ياهلااااااا
وينج من زمااااااان

طبعاااااااااا بناتنا احلى مو من زين ريايييييلنا








ارتفل
ههههههههههههههه

انا بخلي المدام اليوم تسويلك استجوااااااب










انجل هااااارت
حياااااج الله
ههههههههههه
مت ضحك يوم قلتاي لاحد يطقني
ياااااااربي ديره عنف
الي يقووووووول رايه يتحاسب عليه


هههههههههههه

اي والله يازين النعومه بسسسسسسس

ARTFUL said...

صباااااااااح الخيييييير

----------

أقص علييييك!!!

شدعوه بصدقج مع الويه

;D


لا يا معوده لا تخربينها علي

هالأيام راضية علي المعزبة

وكلنا مرتاحين

تعوذي من ابلييييييييييييس

;p