Wednesday, March 18, 2009

انا انسانه طبيعيه ..


توني وانا اعلق عليكم تذكرت شغله اني انطر مكالمه من الشركه
عشان يقولون لي شنو العله الي في لابتوبي
اتفاجئ وللمره الثالثه !!!!
ان السبب !! الماذر بورد
ابييييييييه ماذر بورد مرا عاشره ليش!!
وبنطر اسبوعين
و على ما يطلبونه و على ما يوصل !!
كلش مالي خلق شي يعسرني بروحي متعسره من امس
ابيه على طاري امس
انا انسانه يمكن مو وايد حساسه
ممممممممم
لا وايد حساسه
لألألألأ
صبر اشرح عدل

انا ماعندي شعور واحساس ابدا و اطلاقا مع الناس العاديين
فيشوفوني الناس اني طبيعيه

و حساسه جدا جدا جدا بطريقه مو طبيعيه
مع الناس القراب حيل مني والي احبهم
ولاني اذا حبيت احب وايد و اسوي وايد فاتوقع ان اكو مقابل
واذا كان اكو مقابل بس هذا المقابل عكس تصوراتي ازعل
يعني انا مو دلوعه بس امس كنت اعسر مخلوق في الدنيا
و سويت جنازه محد عارف شنو فيني
و جرحت مشاعر اقرب الناس لي و الي كلهم كانو المفروض يكونون سبب في سعادتي
بدال ما اشكرهم عكننت عليهم

ياربي انا انسانه طبيعيه
وانا امس كنت متعسره
من الطبيعي اني لما اتعسر و يضيق خلقي بكون خارج حدود العقل و المنطق

غير اهلي
اقرب الناس لي شخصين..
شخص الله ابتلاني و خذاه مني
و انا مؤمنه في قضاء الله و قدره و كان امس اول مناسبه تمر بدونه
فكانت الدنيا سوده جدا من قبل شهر و كنت اكره هذا اليوم ايي مو عشان الكبر و الخرابيط
لألأ بس لاني ما ابي هاليوم ايني يذكرني في السنه الي فاتت ..
وشخص ثاني كان من المتوقع جدا و كالعاده ان نكون ويا بعض او في الاحرى انا كنت ابي اكون معاه اهو فقط ...
و عشان انا انسانه ماعندي خرابيط ان يوم ميلادي و لازم يدقون فانا من الصبح دقيت.. و محد رد
صار بعد ساعه دقيت محد رد
شوي و الا داقين علي بوصلون لي هديه للبيت .. من هذا الشخص و حدي استانست
فدقييييييت للمره الثالثه هم محد رد
فعادي
سويت شغلي و طلعت صارت الساعه 3
مو شي طبيعي ان الساعه 3 ومادق !
المهم اتصلت و حدي مشتطه
اندقرت ان هذا الشخص طالع من الصبح و لويه ومعاه ناس و طالع و عفسه
واهو اقرب الناس و ماقالي كل عام وانتي بخير و لو في مسج و لا حتى رد علي
قلت له اوكيه اخليك..
بس انا مندقره
و لا شعوريا دموعي تصب
دزيت مسج .. شدعوه فلان انا يور فريند ليش ماتقولي كل عام وانت بخير ولا اتصلت علي
يتني مسج ..
لازم ندق يعني دزينالج احد !!

بين اي اثنين حيل حيل حيل قرااااااب
تكون هذي المسج تضحك و حدها عاديه و بين اي اثينين وايد ميانه حيل على بعض و اخوان او خوات
انها مسج طبيعيه
بس لاني اصلا امس كنت غير قابله لاي تصرف او كلمه ولاني مدقوره و مجروحه وايد
ولاني صج حسيت الدنيا مافيها خير ..
عصبت و انفجرت بالتلفون وصرخت و تهاوشت
بس كنت مو في وعيي من الي فيني
دقيت على الي بوصلون الهدايا وصرخت عليهم واهما مالهم ذمب
و قلت لهم انا مو قابله الهديه ولابي شي ولا بي من احد شي
و هم في قلبي حره
دقيت عليه و طلعت الانفجار الي في قلبي كله
للمره الالف اقول اني ادميه طبيعيه فيني حره
فيني غضب
فيني الف و ستميه عله و فجرتها في المكان الغلط
ونادر ما انفجر جدام الناس لاني ما اعرف انفجر مع الناس الي حواليني حاليا
ففيني غضب مو عارفه اوديه وين..

و لاني صديقي وايد انسان من الداخل
ووايد يفهمني ووايد انا ادري اني شي كبير عنده بس اهو امس مصدوم انه اهو في هذا الحجم عندي
طيب خاطري في هديه روعه .. وصلتني بالليل متأخر مع السواق
بس لاني كنت صج في بقايا انهياري
ظليت طول الليل اصيح ولا قدرت حتى اتشكر على الهديه
ووديتها حق امي تشوفها
و تقولي ليش تبجين
قلت لها يما مابي شي مادي
مابي هديه مع سايق تتوصل و تنقط
ولا ابي فليبيني يدق يقولي هابي بيثرداي
يما تعبت من التعامل المادي بين الناس
يما كانت احلى هديه راح توصلني من هذا الانسان
لو انه داق و قايلي اشدعوه فطيم ماصار الا العافيه ماكو شي يستاهل انج تبجين
وكلمتين طيبه خاطر لو في مسج

انا ادري اني انسانه طبيعيه
لي وقت اكون وايد زينه
ووقت انفجر
والحمدلله لي ناس تتحملني اذا انفجرت

اعتذر لكل انسان انفجرت عليه دون قصد امس
اعتذر لنفسي اني خربت عليها هاليوم
اعتذر لربعي الي مو مطلوب منكم تفهموني ولا ملزومين انكم تتحملوني
بس هذا تسونه كله من طيبكم



انا انسانه طبيعيه
بس انفجرت

17 comments:

ARTFUL said...

واااااااااااو

طبيعية بس انفجارج عنيييف جدا

ما يخالف شي صار وراح

نبدي من يديد احسن لا تكدرين عمرج

حطي الف عذر حق اللي جدامج

يمكن يكون الشي مثالي بس احنا نستانس لما يحطون لنا اعذار ومرات نستحي من عذر الناس لنا

على طاري الحساس

قبل كنت حساسيمكن ماني نفس الحريم

بس حساس ، يعني أتضايق من شغلات بنظر الناس بسيطه

مع الأيام كرهت هالطبع بنفسي وقلت لازم اغيره

وقمت ادوس على قلبي بعنف ما تعود عليه

ما قمت اهتم باحد ولا ازعل من احد

ولا اتشره على احد

وجبني ذكرني ما ذكرني عطاني ما عطاني

عند يدي ولا همني احد

لما تخلصت من هالشعور بشكل مطلق

الحين بديت احس اني جاسي شوي

خوف يوم هالقسوة والجفا اللي فيني يخربون حياتي

بس هم اقول انشالله ما كو الا العافية

الله يحفظج ويسعدج يا رب

-------
عيل طلع ((الشخص العزيز عليج)) داز الخرافي يقولج كل عام وانتي بخير

والله مهو هيييين

;p

---------
على فكرة ما عرفت الرابط بين الكومنت اللي كتبته وبين بوستج

;p

أتيت متاخرة said...

فطيم حبيبتي أنتي
كل وأنتي بألف ير وصحة وسلامة ويارب العمر كله

:
:
أنتي طبيعيةجدا جداجدا
ووااااااااااااااااااايد جدا
حاسة بالي تقولينه حرف حرف
السنة اللي فاتت انتظرت كل اخواني وخواتي وصديقاتي والمدعو زوجي من الصبح ليما الساعة 12 نهار ثاني
تصدقين
نسيونيييييييييي
دزيت لهم مسج بعد ماخلص اليوم
وكتبت فيه
كل عام وآنه بخير
وان شاء الله العمر كله
وخمدت
وبس
:
صعب أنتي تنطرين أحد من الصبح يقول لج كلمة من قلب
وما توصل
بس يا حبي أنتي تطالعين الموضوع من كونج امرأة
وهو يطالعه منكونه رجل
فتفكيرج عاطفي بحت
وتفكيره عقلاني عملي بحت
فطيم قلبي ما صار الا الخير
فديتج لا تكدرين روحج
كافي الانفجار خلص بدون خسائر في الارواح

nikon 8 said...

والله لو أدري جان هاجمه على بيتكم أنا وطيراني وحبايبي ونغني لك
ونشيل لكم الفريج شيل
:)))
أفا عليج إش ورا الحساسية الزايده غير ضيقة الخلق
:(
لا تكدرين على روحج في يوم عيد ميلادج
وونسي روحج بروحج
!!!!
وإن جتج أناسة زياده من ناس إعزاز هم زين على زين
صدقيني كل اللي فيج إنج فاقده الشخص اللي صار سنه ومنتي عارفه إشلون تعوضين فقدانه في هذه المناسبة لأنها يمكن أول مناسبة تمر من دونه
الله كريم
وكل عام وأنتي بألف خير
:)

daggero said...

لوير

عادى جدا اللى صار
وبهذه المناسبة أهديك هذه الأغنية
المشهورة عن المناسبات

http://www.youtube.com/watch?v=4mBTAqXU0FI&feature=related

وكل عام وانتى بخير

um.alzain said...

كل عام وانتي بألف خير
تحصل
والشرهه على قد المحبه
ولكن بكل غلطه تعلومه
يعني المره الجايه الله لايعيدها من زعل كتمي غيضج
وخلج حكيمه بردود فعلج
والله لايعيد الزعل

The Simper said...

yes u are ;)

حسافتج يا كويت said...

هدي أعصابج


ووسعي بالج


وصلي على النبي


وانتي انسانة طبيعية

U know WHO said...

Hi Lawyer..

معاج حقق ونتي طبيعية 100 % بس هلـ أيام الناس ماكو إحساس
ويحسبوون كل شي مادي أونس!! منو قال
المادة مو كل شي في الدنيا

عيد ميلاد سعيد
وسلامتج ماتشووفين شر

إذا ممكن أسأل
شنو برجج؟؟

وسمحي لي عال مروور :)

عاجـل said...

لا تنفجرين وايد


ما عدا من الضحك

jory said...

لوير كل عام وانتي بخير حبيبتي

انشالله ماكو الا العافية

كلنا نمر بساعات ضعف نحتاج نفرغ اللي داخلنا

وكل واحد وآليته :))

والحمدلله ان عندج ناس اتقبلونج بكل حالاتج يا عسل

وترا هذي بحد ذاتها نعمه :)

الله يتمم عليج عقلج وصحتج وعافيتج

وانتي انسانه طبيعية مليون بالميه :)

lawyer said...

عذرا اخواني و خواتي الي مانشرت تعليقاتهم

لان تسيئ بشخص صديقي او ممكن تجرح مشاعره


..



ارتفل
انت تقول في تعليقك عند استكانه ان ممكن المرأه تمد البوز حتى لو كنتاو زينين لان بتقولك اشمعنا ماقلتلي اليوم اشفيج او اشسويتاي

اي اتيناااا عرااات تدلع و مده بوووز

بس انا بزوده ههههههه


يابختك على طبعك اليديد

اقدر اسويه مع الكل
الا الناس القراب الي وياااااي








اتيييييت متأخره

اشووووووه فهمتاي قصددددددددي


اي اي اي يحروووووووونج مرااااات
و سويت الف قصه و قصه

بجييييييييييي
وحالتي حاله من التعب الي فيني








نيكون
وانتي بصحه و سلااااامه

تحليلج جدااااااا سلييييييم و كلامج منطقي مليون بالميه


:))))





داجيرو
ههههههههههههه
اتييييييييين الاغنيييييه
اتز ماااااااي بااااارتي

جيك على الكورااااال







ام الزين
هلا فيج و انتي بصحه و سلامه

ههههههههههههه صاجه على قد المحبه






سمبر
ادريييييييييي
اني طبيعيييييييييه

وادري انك اكثر واحد تدري اني طبيعيه
:PPpP




مبيوووووق
اللهم صلي وسلم عليه




اشكرك الحين ارتحت


:))






يو نو هو
اهلا اهلا حياج الله

ممممم نبدي في البرج
حووووووت

بتحليلين شخصيتي

؟؟
عاد قولييييييلي ابي اعرف

حيااااااج
بيتج و مكانج

Sweet Revenge said...

مافيج الا العافية فطومة عااااااااادي تصير باحسن العائلات
كل واحد منا تمر عليه هاللحظات وتمر والصراحة بيني وبينج معاج حق السالفة مو هدية السالفة احساس واهتمام مو اشخاص لهم قدر عندج
انا جذي كثر المعزة يكون زعلي
بس في شغله لازم تشزفين لها حل


"ففيني غضب مو عارفه اوديه وين"


هذي المشكلة وهالغضب لازم تتخلصين منه شوفي شنو الي مضايقج بالضبط وحليه ولا راح ظلين جذي علطول وهالشي مو زين حبوبة

الله يوفقج ويسعد ايامج ان شاء الله وكل عام وانت بخير :)

صبا said...

ههههههههاي

امبي فطييييم

كنت حدي مندمجه معاج
وضاق خلقي ...
نزلت بعلق وبقلبي حجي
والا عيني على الليبل
انتي شكااااتبه
هههههههههه
هههههههههه

امبي مت من الضحك ونسيت شكنت بقول
الله يقطع سوالفج
من صجج اول مره تشوفين المربع الي
تحت قبل البوبليش
:***

As YoU LiKE said...

من العصبية ماشفتي الليبل

قلب طفله said...

اي انسانه طبيعيه
و طبيعيه جدا جدا
كل انسان طبيعي ينفجر لفاض فيه و ماعاد يقدر يكتم
ولحتاج لاحساس حبايبه فيه
عادي فطيم شكثر انفجر و ارد ارتب البعثره اللي سببها انفجاري

صباحج ورد

:))))

lawyer said...

عاجل


انشاء الله
:))



جوري
ثانكيو و انتي بصحه و سلامه
فعلا
اي الف الحمدلله

ثااااااااانكيوووووووووووووو



:)))))








سويت
اي والله هذا الي حرني
ياربي السالفه مو هديه تنقط ويا السايق يالله قوم وصلهاااااا
ولا السالفه كلمه اقولها و بعدين اصرخ ليش انفهمت غلط

السالفه احتواااااء الغظب
واهم شي المشاااااعر و الاحتواااء

وفي ناس للاسف ماعندهم اي اهتمااام ولا يعرفون يقدرون مشاعر الاخرين





امييييييين يارب وانتي بصحه و سلامه يارب






صبا
اييييييييييي
سكتاي ضوفاي بوكس التعليق بعد شنو كاتبه فيه

بس احتريت كل من يعرف و كل من يحط

شوفيني اخر الايام افنتق
يعني اعرررررررررررف


الا بتعلم
ملييييييييت من بس بوست و ببلششششششش



ههههههههههههه






از يو لايك
و من الطياره
كلا في السوق ينادوني يشقون ليبل الهدووم بعد
ههههههههههههه





قلب طفله

صاجه ينفجر اذا فااااااض فيه
ياحلووووووووو الانفجار و البعثررررره بس


لكن الاهم انج تنفجرين مع الناس الي تسواا
وتحطين الانفجار في مكانه الصح

مرات بعد الانفجار اتحسييين ان هذا الانسان كان في رده فعله كلش ما يستااهل تعبج و حرقه مشاعرج


و لازم تعاملييييييينه بالمثل

ولا تشرهين و لا تحترينن لانه اناني
و صديق للوناسه و بس

SHAHAD said...

حدددج طبيعية
وحددي فاااهمتج
لأني نفسج بالضبط لوول

ما عليه هدي أعصابج
وطالعي الموضوع من زاوية حلوة
مسكين كان مشغول ولوية عنده وعفسه
ومع ذلك ما نساج والدليل الهدية : )

وكل عاااام وإنتي بخييير يا حلووة