Sunday, March 22, 2009

حتى جمال العمر عند نفسه وطني

تحديث

قبل ما كنا نسولف عن الانتخابات وايد
لانه المفروض بين فتره و فتره
لكن الحين لألأ صارت الانتخابات كروز ..
السنه الي فاتت كروز 2008
هالسنه كروز 2009 !!

و احنا نبتلش في التخلف الي نشوفه وعدم التوعيه
البلوة يا ناس مو في الانتخابات
البلوة ان كل من يعتقد ان يحب الكويت
جمال العمر لما يرشي و يرتشي كان يعتقد انه وطني لانه اخذ و شرا لمصلحه الكويت
عشان يمشي البلد
و علي الخلف لما يحول نص اهله من الجهراء لي الخالديه ما كان في نظره تلاعب كان يعتقد انه هالشي وطني
وانه بزيد كفه الناس الي تخليه يفوز عشان يصير نائب خدمات لانه يحب الكويت
و منظور هذول هالناس ان دام الشيوخ تحبني
و تبخني
و تعطيني سيوله عشان اوقف و اوزع على خلق الله
فشي طبيعي اني وطني ..
لما المرشح يكون معارض لكل صور البوق والحرمنه و الطرق غير السويه للوصول للمقعد
هذا في منظوره انه يحب وطنه و يحب الكويت

لما البدوي يوقف مع ولد عمه ويقدمله خدمات و يستفيد من الكويت و يشفطون البلد شفاط
هم هذولا عند نفسهم وطنين..
مثل ما الحريتي يوم سمع في الاستقاله قبل لا يقدمها
وظف له في هذاك اليوم 15 واحد غير العشرين الي كان موظفهم في اليوم الي قبله
و لما ديوان الخدمه المدنيه يرشح موظفين و يجحتهم الوزير و يقول غير صالحين للعمل عشان يوظف عيال عمه
هذا عند نفسه وطني لانه اهو فاج بابه للناس و اهو زير فهذا قاعد يخدم البلد


المشكله ان الكل في مفهومه الخاطئ يعتقد انه يحب الكويت
و انه وطني و انه يعمل من اجل الكويت و الكل عند نفسه صح

لكن الدور و الباجي علينا الحين
هل نصدق اجذوبهم؟؟
و هل احنا مقصه
و لي متى ؟؟
في ظل هذي الظروف الصعبه شغلوا مخكم يا ناس
منو بتعطون؟
الاسلامي الي يتكلم عن الامانه و اهو يسحب من تحت الطاوله؟
والا الي شارينه الشيوخ و حاطينه في مخباتهم و يدفعون له بدال الالف مليون
والا الليبرالي الي كلا معارض و بس على الزين و الشين معارض
والا البدوي الي لو شنو ماراح يخلي القبلي الي مثله
والا التاجر المناجر الي من يصرخ يدفعون له و يسكتونه

لا تخلون الديره ظايعه بالطوشه معاكم
وتعلموا تفكرون صح
وتعرفون منو بتعطون ..


قالت لي وحده من رفيجاتي
انها قرت خوش مقاله في الشرق الاوسط امس
و رحت اقراها حبيت حبيت انكم تقرونها
لانها عجيبه
احنا مو بس نحقق الديمقراطيه في بلدنا احنا اكبر مثال لدول الخليج
الانطلاقه منا و البدايه من الكويت

19 comments:

Kwaitiyya said...

لو تتكلمين من الحين ليه بعد امية سنه
اللي مخه إمصيّن خلاص مستحيل يتعدل

التركيبة السكانية الحين غير عن ايام اول , فا الله يستر من اللي بنقونهم

Sweet Revenge said...

صباحج عسل
فطومة ليكون علي بالج هذول مايعرفون خطا الي قاعدين يسوونه
ولا ماتشوفينهم يبررون بهالطريقة
الله كريم ان شاء الله
وما ادري ليش عندي احساس ان هالمرة غير

chandal/danchal!! said...

موضوعك ممتاز

ويالله صباح خير

:)

فعلا... معظم الطغاة يظلمون نفسهم بدون ما يعرفون انهم ظالمين!

الله يكافينا شر الغفلة!

Barrak said...

انا بقول اللي بقلبي


يقول انفخ ياشريم قال مامن برطم

فارس هوى الكويت said...

السلام عليكم

صح السانج اختي وبارك الله فيج هذا الكلام الي المفروض الواحد يستوعبه ويفهمه بس ما قول الا الله كريم

وعلى طاري علي الخلف ... ترى معروف باسم علي باجر :)

تحياتي وعساج على القوه :)

ARTFUL said...

الله يستر على الديرة

!!!!!!!!!!!!

nikon 8 said...

عزيزتي لوير
النماذج اللي ذكرتيها ترا كلهم من الشعب
بمعنى العيب منا وفينا
وإلا محد مجبور يرشي ويرتشي ويراكض ورا مصالحة... وبعدين يقول كله من الحكومة
!!!!
الحياة تكون بإختيارنا والنتائج أيضا بسبب إختياراتنا
وأسوأ ما في الوزراء المنتخبين اللي هم إختيارنا أيضا هو أن قراراتهم دائما بسبب مصالح إنتخابية

المقوع الشرقي said...

لوير
جمال العمر شعاره المهم الكويت
شوفى البجاحه
هالمرتزقه اللي يطلعون لنا بكل المناطق وراهم مرتزقه مثلهم امطلعينهم
وسمى ما شئتى من مرتزقه دين ..مذهب..فلوس00 قبليه00خدمات
وعليك ياللى ما تضيع
لا يستهبلون على عقولنا ويقولون وطنيه
والوطنيه منهم برااااااااء
تحياتى

Hashemy said...

اهو كل واحد وطني هذا مافيه خلاف

الخلاف في معنى الوطنيه عند كل واحد

وشكرا لوير

نبي قصه يديده
:P

enter-q8 said...

في ظل الوضع الحالي
غسلي ايدك تلاقين احد بصورة كاملة منو عنده فلوس ينزل انتخابات
اوكي يمكن اشوفك زينة و اقولك نزلي لكن الماده تعيقك
و بهالحالة الناخب بيطبق نظرية افضل الاسوء و هالمه جره و روووووح

الصاروخ said...

ماأعتقد ان اي شخص يقوم بعمل لا اخلاقي وغير قانوني يكون بينه وبين نفسه مصدق انه يسوى الصح بس تراه يبرر حق نفسه ، لان الخطأ واضح والصح واضح ، البوق والرشوة والتزوير والطائفية والقبلية على حساب الوطن كلها اشياء يتفق على عدم صحتها كل من لديه عقل ، اما المجانين فلا حرج عليهم ، بس الخوف ان الميانيين عندنا اكثر من الصاحين

Kuwait said...

@@
انا وانتي المو وطنين والي ما نخاف على الديره تدرين ليش ؟
لان انا افتر اصورهم ..
وانتي فاتحه بلوقج وتتحلطمين ;p

طز بالرجالة said...

انا اقول خل شبكشي يستريح

مرات احس انها فرصة و يبي يشبع فيها البعض لطم

خل نشوف كتاباته عن الوضع الداخلي عنده
عن الفقر و الظلم و الديكتاتورية المتأصلة


ردي على التدوينات الخفيفة
ما نبي سياسة...كل المدونات صارت سياسية وين نتنفس؟

sologa-bologa said...

صج الحريتي موظف أهل قبيلته؟؟

كنت حاطه ضمن اللستة اللي ممكن أصوت لها!!

The Simper said...

صوتي لج
صوتي لج
صوتي لج
صوتي لج


4 times as long as they are 5 ;)

اجار الدين كشمش said...

ماااادااام كل ما تحااجي احد

قالك انا مسستقل؟؟؟؟؟

اذا جذي انا اقووول انتخبواااااااااا

اسسسسيل العوضي و صالح الملا
في الثالثه

انا هذا رايي الشخصي ..ماني مطرش من احد
انا حر بكيفي
والبابجي ننطر ونشوف منهم احسن المستقلين الجدد

فمالله

lawyer said...

كويتيه

اي والله
صااااااجه

واي تعالي شوفااااي النماين الي تمر في المحاكم ذييج الساعه تقولين التركيبه السكااااااانيه تدل على اننا في المريخ من امهات قواطي الروب









سويت
صبااااااااحج فل

انشاااااء الله ياربي غيييييير
اتمنا لا تنسووووون

دعوااتكم للكويت بالخير








جندل
هههههههههه يالله صباااااحج ورد

امييييييين يارب


ها نويتي من بتعطين؟؟









برااااااااااااك

صاااااااااااااج
ما من برررررررطم

اويلاه على ديرتي يا برااااك






فارس هوى الكويت
وعليكم السلام و الرحمه
هههههههههه

عبالي بس عندنا يسمونه على باجر
اثااااااري هذا اسم الشهره هااااا


الله يحفظك








ارتفل
ادعواااااا للديره
و زيدوا وعي الي حوالينكم








نيكون
الغاليه نيكون
مجلس الامه في وقتنا الحاضر عباره عن مسرح عرايس

يلعبونه فقط 4 شيوخ


كل شيخ ظامن له عشر او 15 واحد يظرب الثاني فيهم


وهات يا استعراض


احنا ماعندنا مانع بنختار الافضل بس الافضل اليوم مايكون الافضل باجر








المقوع

عااااااادي اشفيييج اصلا الكويتين و هذا طبيعه الشعب الكويتي كل ما زادت اغلاطه تبقققققح






هاشمي
أأأأأأأأأأأأأأأأأأأأأه
ياقلبي

الاسبوع الي فات راح كل شي مع المذر بورد الي ظرب

كاتبه قصتيييييييييين
حدي تعبانه فيهم
وحده اصلا تعبااااااانه عليها حييييل من 4 اجزاااء


و الثانيه بوووووووووووست ينسييييييينا هم الانتخابات من جمال تصويري في التأمر و التفاصيل




كلااااا ذهب مع الريخح ويا الظربه







انتر كويت
و هذا احنا شماعه السيوله معلقين عليها الدنيا كلها

lawyer said...

الفضي
والله انك صاج بس قاعد ندورلهم مبرر عشان نفهم مخيهم العويه







كويت
هههههههههههههههههههه
صاجه
يالله نبيييييييييج توثقيييييين عدل بليز








طز بالرجاله
شبكشي قال كلام جدا جميل
حتى الراشد ياريت لو تقرينه
بغض النظر عن جنسيه الكاتب و لكن بالنظر الى ما يقول








سلوجا
يعني ما تدري
؟






سمبر
ههههههههههههه


صج ضحكت






اجار الدين
فعلاااااااااا كلامك عين العدل
انا هذولا الاثنين حاطتهم في حسبتي


اسييييل تستاهل
ولازم تطلع مره الحين للمجلس

Unknown said...

http://www.alwatan.com.kw/Default.aspx?tabid=164&article_id=493519&AuthorID=987