Tuesday, March 31, 2009

هذيان قبل النوم



مطر امس كان قاتل غسل قلبي و مسح عليه
عسى الله يغسل قلوبكم و يمليها بالفرح
لابتوبي وصل اخيرا من الورشه
فقعدت اعيد و ازيد في البرامج بس مليت الحين خلاص
و انا انزل لقيت صور لندن
من قبل 3 اسابيع تقريبا كنت في لندن كانت رحله سريعه و جميله في نفس الوقت





اول ما وصلت كنت احن وايد على ان اول شي اسويه اروح دار الساقي


بس ما مدانا فرحت من باجر و دشيت خمطت اشكثر كتب و روايات


الي اعتقد ان نص الوزن كان كتب


ابيه انا هالايام عايشه مع كتبي


حياتي كلها العصاري و بالليل مجابله الكتب و لا راضيه تخلص


اروع لحظات حياتي تلك الاوقات الي اتسحب فيها من امي و انزوي في داري افتح كتابي و اعيش جو القراءه


احس بعدها بهدوء و راحه


الحياه جدا جميله مع كتاب و اولونج تي


..
بعد لندن رحت برشلونه
(( ماراح اتكلم عنها الحين عشان ما يخترب المود))

الي عرفته خلال هذي السفره حقيقه وحده
الله يخلي لي ديرتي بس لازم لازم اشتري عقار بره الكويت
لاني احب الخضرا و البريدات
و ابي بيت في الجبل و ابي فيه فيو و حديقه اشكبرها
و ابي بقر
اي اي اي ابي بقر و ابي صخيلات
و ابي حديقه
و ابي اعيش الدنيا ريلاكس
فيني نقص من نظام بيوت الكويت
الي انعدم من الحوش و البيوت المسكره
فيني نفاهه
في السفر مجابله السكوير و اشرب قهوتي الصبح و اتنطع في خضار ديرتهم
ليش في السفر اذا من فير الله تمشينا نشم ريحه الخضرا و الندى و الضباب و المطر
و في الكويت اذا طلعنا الصبح نشم ريحه بيض و حمسات؟؟
و اذا صار الضحى و الظهر نشم ريحه طباخ
و بالليل ما يصير نفج الدرايش يكشفونا الي برا !!
و تاليتها يعني
...
رساله الى اي شخص عايش او موجود الحين في لندن
انكم اذا صار الساعه 7 الصبح
تاخذون باص 15 و تنزلون عند النهر و تتمشون و تاخذون قهوتكم
وتجابلون لندن بريدج
و اتثوبولي
نداء اخير لاصحاب القلوب الرحيمه
لو سمحتوا ابي الميموري كارد مال الكاميرا بنزل باجي صور لندن
و بس بروح انام
تصبحون على خير

........

حرضتني لندن على كتابه هذه القصه


كتبتها و رميتها في ارشيفي


وستكون قريبا في مدونتي





Grosvenor House
فندق الحب
فندق الخطايا
ومن منا عاش حب بلا خطيئه



24 comments:

Fahad Al Askr said...

عاد أول صورة حسيت إنها دارج بعد التنظيف

ومبروك على الموتر اليديد، يعطيج خيره ويكفيج شره

إذا ما عليج كلافة، بس واللي يسلمج، أطق فيه فرة عالحب، متراهن مع وحدة تقول لي حامض على بوزك فطيم تعطيك سيارتها، بس أنا قلت لها حطي إيدج على شواربج، وحطت والحين الكرة بملعبج طال عمرج، عاد يا أنا أحلق شواربي، أو اهي، وشكلي ما أدري ليش أحس إني أنا اللي بحلق

Mohammad Al-Yousifi said...

للمحبين قانونهم الخاص

ليس فيه من الخطايا الا عدم الجرأة عليها

chandal/danchal!! said...

عليج بالعافية

:))

احنا بالليل لما امشي بالممشى تهفني روايح المقالي... سمبوسك على بطاط على بيديان

خفايف لوووووووووول

شهالديرة اللي كلها حمسة


ما رحتي دار
borders
مع دار الساقي؟

:)))

Sn3a said...

تصدقين مع اني من وصلت لندن قلت يلا متى ارد الكويت
رغم كل شي حلو فيها مارتاح الا بغبرتنا وريحه الحمسات لوول

وحمدلله على سلامه لابتوبج

المقوع الشرقي said...

هاهاها
على عسارتج من برشلونه
يا كره البلد لما الواحد يتنسى فيه
اعرف ها الشعور
:)
حرام عليج قلبى قام يتكتك
باشوف لندن
تحطين الساقى
ليش التعذيب
!!!!
وآه يا غروفنر
ترى انا صايره ظيجت حظيره
بسسسسسسسسسرعه البوست لو سمحتى

لا تطلع براسى انخله
:))

The Simper said...

te9bi7een 3ala khair :)

ZooZ "3grbgr" said...

فطوم
توني فاتحه اللابتوب
قلت بشغل سورة البقرة حق امي
جان اشوف بوستج
من زمان ما قريت شي
قريته واستانست

انشاالله بس تطيب امي اوديها هناك
باص 15 لي لندن بردج
واخليها تدعيلج ولعيالج

بس لازم 7 الصبح يعني؟؟

:")

Anonymous said...

ان شاء لله
رحلة موفقة

انا ناوية اسافرلها بعد فترة

اهم شي راحت البال ياختي
بالديرة ولا برا

بس ما كو احلى من ديرتنا

بحرها
ورطوبها
وغبارها

موفقة

Haya said...

Allah LANDAAn Ya 7loohaa oo l3ch eb 1000 3afia ,,,, plz momkin bas etwa9fin lemkan dar esaqi
oo mashkora ;***

why me said...

عسى دوم مرتاحه ويا كتبج

القراءه عالم جميل




وعلى البوست اللي طاف شنو قدوتي روبي
ويع ماكو شغل


انا انتحر ولا هذي اتصير قدوتي لوول

اقول مدحيني مو طيحي سوقي
لووووووووووووووووووووول

بذبحج بس أشوفج

;pp

vancouver said...

الحمدلله عالسلااااااااامة


فطوووومة


:))

وباتنظار القصة

--

مرة ثااااااااااااانيه
لما تيي وحده تسئلج متزوجة او لا
??
قوليلها

سنججججل
سمعتي


بطلي هالحركاااااااات
فطوم

يعني لو ذاك المزيون الشاب اللطيف
اللي بمكتبج
شاف ام نونة معقوده
وعقب طلع من المكتب
وقال بس الصراحة اللي دشت خاطري
البنيه اللي نادتها
زييييييين لما يقولووووون له ام عيااااااااال
!!!!
بالله بالله لما الحين قاعد يفكر فيج
??
بالله بالله دشيتي خاطره اكثر من ام نونة معقوده
شلووووون الحييييين

??

Mustafa Şenalp said...

Çok güzel site.:)

Blog 3amty said...

الحب أيي بعد الخطايا !

lawyer said...

صبااااااااح القهوه القاتله


ياشيني اذا سويييييييت نفسي مدير و داومت متأخر الساعه 8 او 8 و ربع

اووووصل الاقي الدنيا معفوسه !!





فهد العسكر
لاااااا هذي دار الساااااقي
ياريتهااااا داري في ذاك المكان ومع هالكتب



ومبروك على الموتر اليديد، يعطيج خيره ويكفيج شره

لوووووووووووووووول
بوعكسر حبيب قلبي
ممكن عنوااااااانك
عشان بطرش لك الساااايق يعطيك سويييييج الجاك

خبررررررك سيارتي هذي مو بالكويت في قصري الي في ويييييلز

عشان جذي حاطتهااااا

عسى تدل ويلز بس؟؟



لألألأ لألألألأ الناس ماخذين عنك فكره جدا خاطئه ليش يقولون لك حامض على بووووووزك افااا ما يدرون بين الاخوااان ماكووو فرق


(( اشرايك فيني ))

يالله عطني سويييييجك الحين

لان انا اصلا حدي حدي اذا بكششششخ اسووووق لاداا







مطقوووووووووووق

فاهمني صح

:))





جندل
الله يعافيج
اييييييييي والله سكتاي
مرات امشي في قرطبه استانس الممشى كلا حدايق و الساوند تراااك جلاااااب
فجأه و اذا بي اششششششم ريحه بزاليااا


و اذا مشيت في الاكويرياام لي المارينا تعالي شماااي الشيشه و ريحه المشاوي و القطاره الي اتخطرف يمين و يسااااار


اي حبي رحت بوردر
شريتلي منه رفيجتي كتاب عن اللو اوف اتراكشن








سنعه
ياريتني مثلج


الله يخليلي ديرتي و يعدل ناسها و جوهااااا
بس احب السفر

وابي بيت برااا









المقوع

سكتااااااااي اول ما وصلت
جان اقول حق رفيجتي الحين نرد طقطقت بالنت تشوف التذاكر قالت راح نزيد التذاكر 600 باوند قعداي بس قعداي


اعتقد ان بالج صار ضيج تأثرا في صاحبه البلوق الي يا متهاوشه يا طايره
وصلتلكم عدوتي هاا


عاد ما حطيت من الصور شي لانه في كاميرات رفيجتي








سمبر
صبااااااااحك بلاك كوفي

lawyer said...

زوووووووووز
واااااااااااي حبيبتي الوالده سلميلي عليها
و اذا وصلتوا النهر ادعولي

هههههههههههه مو لازم الساعه 7 الصبح بس انا يومي يبدي في لندن الساعه 5 الفير فالساعه 7 عندي الضحى العود اروح احضر الشروق


و اصور الشرووق
بس اهو اي وقت حلوو

عليكم بالعافيه

مدري انتي وين ساكنه بس قوليلي اي مكان في لندن عشان اقولك الاشياء القريبه منكم تودين الوالده تستانس
شغل جمعيات و اماكن مافيها ناس


الله يوقمها بالسلامه








حجر كريم
اي والله راحه البااااااال المهم

ديرتنا نحبهااا عشان اهي ديرتنا
بس ديرتنا مو جميييييله شكلاااا

الكويت شرحه بس مو سياحيه و لا فيها عراقه الدول الاوربيه و لا حضاراااات

الكويت شرحه مريييحه
بس مخربينها الاجانب






هيا
حياج الله

شوفاي وانتي يايه من صوب الكوينز واي
يصير الوايت ليز على يسارج تلفين يساااار وتمشين شواي سيدا تلاقين دار الساقي على ايدج اليسار
واذا بتروحين في تاكسي
قوليله

26 Westbourne Grove
هذا رقم تلفونهم
(+44) 020 7221 9347





واي مي
لحظه لحظه
ابيييييييه مت ضحك
الحين صوره البنت الي انتاااااي حاطتها هذي الي منسدحه حاطه ايدها على خدها مو رووبي؟؟؟


والله عبااااااااالي روووووووبي
هههههههههههههههه


بمدحج بمدحج
افا علييييييييج


ابيه طلعت اضضضضضضضضحك
العتب على النظظظظظظر
بس والله ترا شكلها جنها روووووبي


منو هذي؟؟








فانكوفر

ههههههههههههههههههههههههههه
ابييييييييييييييه انتي مثل خاااااااااااالتي
دقيت اقولها الساااااالفه
جان تقووووووووولي نفس الكلاااااام

بس الحمد حبيت اطمنج تراااااااااااا الولد مواليد 85
ههههههههههههههههه
يعني من طقه عيالي
هههههههههههههههه


لا مينوووووووووووونه اقول حق خطابه
اني مو متزوجه مالي خلق هالاشكال

تعالي شووووووووفاي دوامنا اكشششششخ واحد يشووووووف بنت يااااااي في عبريه



صرتاي مثل رفيجاتي و مثل امي و خالااااااااااااااتي


ههههههههههههههههههههههههههه




ابي فانكووووووفر
انا اعتقد محد في الكويت عباله انا مو متزوجه
هههههههههههههه لاني يا اطلع ويا كوكش يهال وتعالي شوفيني في الويك اند شاقلتهم هالجمعياااات او اذا طالعه بروحي كلا احوس في محلات اليهال اشري حق بنات خالتي اووووو اهلي
هههههههههههههههههههه
فاعتقد ان اطلاقااااا محد يفكر اني مومتزوجه هههههههههههههههههه








مصطفى
ازيييييييك
حاجني عربي ما اعرف وش تقول

lawyer said...

بلوووق عمتي


الله يسااااامح الزمن الي ماعاد الحب فيه اييييييي الا بعد الخطايا

صبااااااااااااحك جمييييييل بقدر جمااااااال الاوتييييييل

SHAHAD said...

من منا عاش حبا بلا خطيئة

ايييه والله : )

kalakchi said...

انا قبل ثلاثث أسابيع كنت بلندن!!

شفت وحده حلوه مزيونه كلمتها ما لقتني ويه!!

عسى مهي انتي؟!؟

;p

يا زين لندن زيناه

فطوم ليش لما نسافر نفزع من الصبح مع ان ما ورانا شي

والدوام كله متأخرين؟!؟!

انا اليوم تقول رئيس مجلس الادارة مع ويهي

ياي الساعة 9
!!!

عندي سؤال ثاني ليش الانجليز لما يقومون من الصبح يقعدون بالقهوة ويقرون جرايد ويروحون الدوام المزاج رااايق

واحنا من المخدة لي المكتب!!!!

العيون متفخة والنفس اللهم يا كافي!!!

;p

Dalal Arch said...

Over the years i developed a great love story with London. I might change my mind for few days when i visit new cities but there love seems to fade after a while....
the best journey I could have in London is walking in the Southbank starting from waterloo, then visiting the British film institute, the royal festival hall and the National theater, then later after walking further east I reach TATE modern one of the nicest buildings i've ever experienced.

shawgteny !!

TruTh said...

ماشاء الله عليج شلون تقدرين تطلعين بلندن 7 الصبح؟

تصدقين انا بروحاتي الاخيرة لندن كله نومي معفوس فوق حدر

ما انام الا 5 او 6 الصبح و اقوم متأخر طبعا و اتعييز اطلع
تقريبا صارت اغلب طلعاتي بس حق العشا،و طبعا اموووت قهر لأن لندن احلى مافيها النهار و التمشي بالهايد بارك و سلفريجيز ونايتس برِج
عموما لندن ما ينشبع منها
احنا اذا وصلنا لندن نلزق لزقة عنزروت نطلع قيمة ال
service charge
اللي ندفعه حق شقتنا لووول
:)

ناطرين صورج

و تحياتي لج

Hashemy said...

ذكرتيييييييييينا بايااااام لندن

يا سلام وصفج لوير عجيييييييب

وكلماتج اعجب

ومن منا عاش حب بلا خطيئه


الحمدلله على السلامه وناطريين قصتج في اقرب وقت ممكن

lawyer said...

صبااااح الخير


ملاحظه للاخت هيا .. تلاقين دار الساقي على ايدج اليمين مو اليسار ..

بعد ما تلفين يسار عند الوايت ليز ..

عندي مشكله عنيفه مع اليساااااار و اليمين لووول










شهد
ايوااااا يا شهد طلعي الابداع الي عندج
;)










كلكجي
كلشششششش مو انا
لاني مووووووو حلوه و لا مزيووووووونه ابدا

ههههههههههههههههه
لا لا لا مو انااااااا



مدري مدري
حدا مدري ليش افزع من الفير


يمكن عشاااااااان شعور سفر بقووووم استانس والا لان كل شي هناك يحرض على الفزعه

وبعدين انا نوعي الساعه 8 نايمه من الفراااااره




انا اقولك ليش

لان دوامهم ماعندهم كرت يطقونه من الساعه 7 !!

ولان اهم نظام ساعات يعني الحياه في العمل تبدي 9 8 ونص
مدارس عيالهم يقطونهم الساعه 8 ونص و ياحلوهم مو عيالنا مساكين يتقعدون الساعه 6






دلال
واااااو انتي الي حدج شوقتيني
اذا المره اليايه بتسافرين حسبااااااي حسابي وياج
انا الصراحه ما عرفت كويتيه تطلع من الماي فير و النايس بريدج و كلا شغل سلفرج و هارودز و لادوريه

تلاقيني سوالف النهر و التمشي عند البيج بين و الستي كلا بريحاااااتي

ابيه فعلا المباني المودرن و البانكينج هناك اجابلهم وانا منبهره جدااااا


هااااااا من شوق الثاني الحين؟







تروووووث
اصلا لندن ماحلاتا بالسهر اشلووووووون تسهرين

الفزعه احلى شي

السفففففر حلاته بالريوق و الفزعه و التمشي الي مبجر

انا اقعد الباصاااااات ههههههههه



انشاء الله اول ما توصل الميموكارد انزلهم

Dalal Arch said...

lawyer, ana model min 6ag 6ablah gal ana gablah bel sefar, ma taqhrny elthroof...... 7ata elmadyaaah ;) if you're ever planning on going bas goolely,

breakfast in Notting hill, ba3deen meshtarah elmachlah eb Borough Market, afterwards some antique shopping in Portobello street.....

lawyer said...

دلال

صااااااااااااااااار

يالله ههههههههههههههههههه


انتي على الصبح ما شوقتيني بس الااااااااااااااااااااا ذبحتيني

ببججججججججججججي