Wednesday, April 08, 2009

بلشه هالريوق في الدوام


ادري الناس ظهر مدري ضحى بس توني افضى من اللويه

سؤال محيرني صج


شنو اتريقون في الدوام؟؟


ريوقي بالدوام مشكله

خمس ايام في الاسبوع

مليت من كاسبر و شاي نعنع و بونجورنو و مابي فطاير!!


ودي اصير من هذيل الي مايكلون في الدوام بس مرات يهفني اليوع

اوكيه مو كل يوم ريوق

بس على الاقل 3 مرات في الاسبوع

وودي اصير من هذولا الي يفزعون الساعه خمس الفير او 6 الصبح يسون لهم ريوق حق الدوام

بس هم ماعندي وقت



شتريقون بالدوام؟؟



و سؤال ثاني

شنو احلى مطعم فلافل بالكويت ؟؟

63 comments:

Fahad Al Askr said...

كرتون حليب خالي الدسم من التموين وعلبتين كورن فليكس ومق مع قفشتين لفزيهم بالدرج التحتاني، وكل ما هفتج نفسج سفي منهم

أما أحسن فلافل بالكويت تحصلينها عند ماكدونالدز

نون النساء said...

انا كنت اتريق
بفك بو سفينة وعصير
ومرات فطيرة حلوم


انواع الطنازة لما اتصير ايدي بجيس البفك ويطيحون علي وانا اكله

قطييييييعه
ترا ماكو شي يضحك

X_X



اما الفلافل
كان محل اسمه السبع الجائع محل كانت اتلوع جبدي وانا اروحله لان مدعوس بنص سوق شعبي
ايام كنت بالثنوي والمتوسطة
كان عليه فلافل عجيييييييييييييبة
بس الحين صاير اي كلام


الحين ما قمت اكل فلافل
كبرت عليها ومعدتي حايشها داء الأنفة ماتاكل أي شي
ههههههههه

lawyer said...

هاهاهاهاهاهاها


والله قاعد اقولبها براسي




اي والله صاااااج يازين الفيجي عندهم في ماكدونالدزززز

اسمها فيجي فيجي مو فلافل

هههههههههههههههههه

غيره ابي فلافل لذيذه مثل مالت امستردام وين احصلها؟

chandal/danchal!! said...

فلافل شرف



لوير

ميتة يوع

اليوم ريوقي توت احمر وأسود!... مادري شطاري علي... عسى مو نساة يا حسرتي


والحين متقطعة من اليوع! وبادي يعور فيني راسي!


أنا من الناس اللي تفزع وتسوي ريوقها:)

lawyer said...

نون النساء

عوااااااافي احب البفك ليش تضحكووووووووووووون


حدا ماكو شي يضحك لاني صج احبه


انا تخيلاي فيني غولووون و هم احب الفلافل امووووووووت عليها







جندل
ويييييييييييين فلافل شرف خنطلب حق العشااااا



دليني وييييييييينه



عوافي توووووووت اسوووود شوقتيني
امس كنت في دين اند ديلوكا خالص

اي فاكهه من الصبح يا اتنسيييييين يا ديتوكس

enter-q8 said...

نفس ما قالت المرشده السياحية
فلافل شرف

جنة الحواس said...

أنا مثلك .. مليت من كل اللي ذكرتيه

هالأيام هابة .. يسوون لي سلطة من الليل يزهبونها لي

و اذا بغير ..روب أكتيفيا أخلطه مع

All bran


::

أما مطاعم الفلافل .. فهي تخصصي

هذي أحسن 10 مطاعم فلافل بالكويت

http://7awaas.blogspot.com/2007/11/blog-post_8149.html

زيدي عليهم مطعم زين الزاد ..اكتشاف يديد .. عنده فلافل محشية معبوج .. خيالية

هذا رقمهم

2481117

chandal/danchal!! said...

detox afa 3aleech

:)

فلافل شرف جبال مجمع دسمان

عند تقاطع بن عاقول
:p

بس نسمي سيارتج 3 ايام ورا بعض وشبي ياوي لأن ريحة الفلافل تصبغ بالسيارة!

الزين said...

صباحو

فطيم

انا ما اتريق

اشرب هالكوفي واركض المكتب

واذا صار الضحى اكل لي فاكهه او تمره مع قهوة عربيه



بس هالأيام طباختنا تالفتني بالكوكيز

:$


وما تسويه حالي وايد عشاني
خبرج ما اداني الحلو


اما عن الفلافل
فعندج فلافل على كيفك بحولي
الفلفوله الوحده قد اللقمة وعلى شكل قلب الحب
ويعطيج معاها صلصه عشان تغمسين وتلهمين


جربيه جود ايوز لج

lawyer said...

انتر كويت

شوقتوني
اليووووووم بدز الساايق اييبه حق العشاا








بروووووووك
وااااااااااااي يا حلو البوووووست

قلبي على قلبج
!!


اعششششششق الفلافل اتصدقيين


اانا كان عندي ثلاجه صغيره في الدوام الحين شالوها و من يوووووومها ابتلششششششت




برووك الرقم غلط او ناقص


لان ما يطلع وياي







جندل
انتي جذيييييييييييي شوقيتيني حيييييييييييييل حيييييييييييييل




انا شاريه كتابين ملوت الديتوكس و ادويه و وايد اشيااااااء

بس اهم شي عسى مسويه النظام الي اسبوع قبل الديتوكس

لان اذا كنتاي عادي و سويتي فجأه ديتوكس يسوي شووووك حق يور بودي عرفتاااي


و بعدين الديتوكس مو زين حق الحريم وايد خصوصا الي تولد و ترضع و جذي ..


شرباااااااي وايد مااي و قطعاي اللحم و الدياي 3 اسابيع يغنيييييج عن الديتوكس



احنا الحمدلله جسمنا مافيه كحول و النظام هذا سووه حق الناس الي تشرب وايد عشان ينظفون جسمهم من السموووووووم

Eng_Q8 said...

كاسبر و شاي نعنع و بونجورنو و مابي فطاير

هالاشياء من المستحيلات بدوامي

انا ما اتريق اشرب قهوه و زقاير ليييين اقول بس واذا يعت قزرتها برينقلز

وبعدين انتي مو بتسوين رجيم ليش تاكلين ؟؟

Mohammad Al-Yousifi said...

نوارة

Sn3a said...

احسن فلافل فلافل دودو

اما الريوق
انا ريوقي الموحد نسكافيه
لاني ماحب اكل الصبح

KQ8 said...

انا متعود من صغري اني ما اطلع من البيت الا متريق..اي ريوق

لكن مرات اطلع مبجر وايد فأمر على مكدونالد واخذ الريوق منه

chandal/danchal!! said...

لول انتر!
.
.
.
لوير TamTam

الديتوكس حدي نص يوم معاه

اذا كنت خايرته بالعشاء!


تروالي كيكة البارحة اردا من سموم الكحول!!!


المفروض احييب شهر عقبها



التنويع مطلوب بالريوق... بروح الدوام ممل!


يوم ليندا ويوم ليزا واليوم يومج انتي يا حلوة!
.
.
.

by the by

شرف نوعه يفتح من الفجر لي ال 11 الصبح وبعدين يرد يفتح من ال 4 العصر لي 11 بالليل

اخاف بعد اتعنين له ويطلع مسكر!

lawyer said...

خلييييييت البلووووق

وقعدت ارتب الكبت الصغير الي في مكتبي الي كله ملفاااااات

و اشيل الفولدرااات عشان بفضيه و بسوييييه كبت ماجله


اي عاااااااادي بسويلي كبت ماجله
ماتكفيني يراااااره وحده بس شاي و قهوه



بحط بساااااكيت و بطااااط و عصاااير و كرتووووون حلييييييب و كورن فليكس

باختصار بسوي مطبخ صغيييييييير












زيونا
يسسسسسسسسعدلي هالصبااااااح

بحط في الكتب تمر بعد

صااااجه قاعده اسجل بورقه شنو ابي اغراض




تعالي اشلووووووووون طباخها؟؟

طرشيها لنا يعلمها طباخنا كيكه التمر مافيها سكر بس حلاااااات التمر لذيذه كل من يطلبها مناا



واذا تبين دولمه و اللزي منوووووه






وين الفلافل صاير اي صووووب ؟؟










مهندسناااا

ليششششششششش مستحيلات في دوااامك ؟؟


ويييييييي طلعت مو هيلثي مو زين برووحك تدخن و هم ما تتريق!!

على الاقل عووووووض بشي



اي اي اي اي بسووووووووووي رجييييييييم و صكيت حلجي بس مت من ضيقه الخلق فررت اني اكل شي صحي و ابتعد عن العييييين و امارس الرياضه وبس








مطقوق
شكلي بقزرها كل يوم عشا فلافل
عشااااان اجرب مقترحاتكم








سنعه
اي دودوووو عجييييييب من الذ الفلافل الي اعشقهااا
بس اكله في الويك اند ريووووق




يابختج على النسكافيه ما اتيوعيييييين؟؟







كراكوتا

انت مثل الوالد و يغصبنا انتريق بس انا ما اشتهي يادوووبك بلاك كوفي و من يصير السعه 9 ابلش اشتهي ريوووووق


صارلي جم يوم منويه على فزعه الفير واني ما ارد انام بعد الصلاه و امشي و ارد اتريق

بسسسسسس طل

احلام الليل يمحيها النهار

جنة الحواس said...

sorry

24811117

جنة الحواس said...

لا تنسين مكسرات الرفاعي

:P

Blog 3amty said...

باجة أو بلاليط وبيض

Snow White said...

أنا من اللي يفزعون من الصبح ويسوون لهم ريوق حق الدوام :)

لأن كنت أطلب من أكل المطاعم وجم مره تلوع جبدي ويحوشني وسواس أن الأكل مو نظيف فقررت أييب أكلي من البيت ..

تروالي أحلى فلافل عند مطعم شرف مقابل مجمع دسمان .. أشتري فلافل منه وأسوي طحينه بالبيت مع خبز لبناني صغار وطماط وخيار مكعبات وبالهنا والشفا :)

ANGEL HEART said...

اممم صج وهقه المشكله انا شكلي بداوم دوام طويل فاحاتي مو الريوق لاني نسكافيه واذا كلش بسكت :)احاتي شاكل طول اليوم @@

انزين اخذيلج يراره صغيره وحطي فيها كورن فليكس وبسكوت مع قهوه ولا شاي يمشي الحال

وعن الملل نوعي بربعج
كاسبر وشاي بنعنع

والفلافل من حبي لها اي شي عندي حلوو وقاعده اطالع الردود واستفيد لول

Anonymous said...

انا عاد الفلافل مقدسة عندي

و أحلى فلافلات بالترتيب بالكويت عندي

شرف
الكلحة سوبر فلافل
كناري
الجولان

و هابة هالأيام في صاج فلافل من 55 بعد زينة

أما عن الريوق فتفاحة بالدوام مع قهوة تركية كافي... بس الجماعة كل دقيقة طاقين الباب فطاير و صمون و أغراض!!!! خلاص رحمونا

lawyer said...

بروووووووك

مشكووووره بعد قلبي


اي والله صاجه بشتري الموند زيييييين
مفيد







بلوق عمتي
بلاليييييييييط وبيض هم صاااااااااج فعلااااااااااا


اقعد ابسططططط الصبح في دوامي و افرش اكل بلالييييط شاي حليييييييب و تفوووح ريحه الزعفرااااان و الهيل

ابرك من البصل


هههههههههههههههههه








سنو وايت
اول شي ماشاء الله ماشاء الله
الله يباااااااااااااااكرلج في قومه الصبح

فلافل شررررررف من كثر ما شوقتوني بغيت اتغداهااااا بس تكسر

بطرش السايق اييب منها للعشاااااا

و اعطيكم الننتااااااااايج بالليل :))






انجل هارت
اول شي مبروووووووك الوظيفه اليديده مقدماااااا



اي كاني اليوم فظيييت رف كامل بالكبت الصغير شلت كل الفازاات و مواعين الحلو الفاضيه الي ادزونهاا
و حطيتهم ديكور بس عشان افضي مكاان حق خرابيط الريوووق و من باجر انشاء الله ارتبهم و افتك من مشكله الريووووق


بلوتي اروح الجمعيه اخمط ككاااااااوات و اعيش عليهم







دندرمه
اهلا اهلاااااااا


اوووووووه انا بعد اعشق الفلافل
امووووووت على سوبر فلافل الكلحه عجيييييبه
اصلا اذا طلبتها اهم شي وياها فلفل بوديييييج
اووه اغيب



على حبي للفلافل
اشفيكم كلكم تعرفوووووووون فلافل شرف الا اناااااااا!!!!




حسستوني توني زايره الكويت !


شكلي بهب فيييييييه

حياتي هدف مو عبث said...

اللي قالت عنه الزين

يم جامعة الخليج بحولي

عند الدوااار

:)

وعن الريوق يا أتريق بالبيت
أو بس أشرب قهوة

ARTFUL said...

سيّرنا مو تقولين ما تدرين عنا

;p

انا اتمنى اني اقوم امبجر واتريق

بس اذا قمت امبجر اكون ما نمت شي ابد

فأقوم حده حده

اذا مداني سويتلي صمونه على السريع

واذا ما مدا أطلبلي صاج بالدوام

تدرين مشروع تخفيف

بس اذا اشتهيت بونجورنو يا عيني على التيركي او الحلوم

وازينهم زيناااه

وعلى طاري الفلافل عندج شرف عندج يالي القمر بحولي
عندج فلافل صاج مطعم 99
طعم الفلافل عادي بس عليهم طحينه
تذبح

وعندج فلافل سوق الصفاة فيه كفتريا طلبي منه فلافل بصمون طويل

لا تاخذين مدور هم طيبه

شرايج بالمعلومات الثرية اكلنا اكل فقارة

ويقولون فينا بذخ

;p

SHAHAD said...

نسكافيه وبسكوت دايجستف
وإذا حبيت أغير
عصير وأي نوع من البطاط من مقصف المدرسة لووووول

وأما الفلافل
قسمنا كل يوم فلافل
خبرج قسم اللغة العربية كله مصريات لوول ويموتون ع الطعمية :/
والله من كثر ما اشوف الفلافل .. عفته :/

joe said...

الحل عندي وانا بو هندي
خو سويلج من بليل صمونه (سندويجه) قيمر وعسل او اي شي و الصبح سخنيها بالمكرويف

سهالات صح ؟

مركبنا said...

لوير ذكرتيني في الي مضى

حمدي ربج ماعندكم عزايم الدوام والريوق الجماعي
خررررررررررربا ودمار تفخنى خوش تفخة

Kuwait said...

يازين القهوه تسد الجبد ست ساعات :D
امبيييييه لويرررر والله لو تشوفين البنات عندنا بالدوام شنو يتريقون تموتين ضحـك ..
والله مره وحده يايبـه برياني والله ما صدقتها الا لما شفته بعينــي ماشاء الله عليـهم عفيـه جبود من الصبح عيش :\

Anonymous said...

لوول شلون ما تعرفين فلافل شرف؟؟؟

وين دار العوضي؟ أذا دار العوضي على أيدج اليمين و مكملة سيدة للإشارة و كأنك تبين تلفين يمين عند الإشارة عشان تروحين ساسو و كيو كافيه

راح تلاقين أزمة مرورية عند الإشارة و زحمة

هذي الزحمة الله يسلمك إهي فلافل شرف

إحنا اللي علمنا عليه أبوي يقول من الستينات او من 1900 و حطبة موجود لكن أمي ما تحبه مادري ليش

ايي

أكو ناس يحبون فلافل جاد بس أنا ما يعجبني وايد

إذا تعجبك فلافل الكلحة راح تعجبك فلافل شرف

اي و فلافل نوارة هم زوين

و أكو الله يسلمك محل فلافل موديرن أسمه فلافل أند كو من كثر ما انا متشوقة أذوقه صار لي سنتين انطر و يوم ما صار جان أحتر و اكتب بوست!!! ناطرة اليوم باكر لين الله يسهل و يفتح!!!!

بوست فلافل أند كو

Gee™ said...

انا ما اتريق بالدوام
وماني ذاك الزود مع الفلافل
بس مره رفيحتي ودتني مطعم بالديره يصير ورى مطعم العقل
جنه اسمه القاهره
جربيه
;p

Dalal Arch said...

I would agree with most... falafel sharaf is on the top of my list, a7s'ha the falafel with the most vegetables in it. o matsawy 7arej min 9ba7 alla khair 3aks falafel jad. 7ata falafel shahryar bel khaldiyah zinaaa, they serve in on a plate with labnah inside each piece.

Anonymous said...

ماكو على الباكه
ريوق الابطال

والفلافل عند دودو او فلافل بوعلي بالزور بس مرات تييب الاسهال

و تقبلي مروري

QiYaDiYa said...

اتمنى من كل قلبي
اني اقعد قبل محاضرتي او شغلي
و اتريق نفس الناس
و اطلع على رواااء

دايما اقعد
و ركضة ركضة ركضة !!!
جنه احد لاحقني !!


هذي امنية من امنيات الحياة
مادري متى تتحقق ;p

اما بالنسبة الى الريوق
انا جذي مليت من المطاعم
اشرب حليب كاكاو الصبح
في بعض الاحيان اذا كملتها بقهوة فتفي بالغرض

انطر لي الغدا مرة وحدة و خلاص ..

و على الفلافل
بالنسبة لي الضاحية و كناري

;p

|:| DUBAI |:| said...

انا قبل ما اتريق
بس كوفي
و ميودة عمري
لين ما ارد البيت
و اتغدى
الحين البنات معودين على الريوق والغداء بعد
اذا على الريوق
ترى مرات ناكل كوستا
و مسوين لنا ستين ألف مطعم في الدوام
يعني انسي انج في دايت
ايطالي
على مكسيكي
على هندي
على أهل السوشي
: )

و اليوم طالبين من برع برجر
وحدة بتعرس
مسوين لها حفلة
عاد تخيلي برجر
ما عندهم 1 2
هالاجانب
!!

chandal/danchal!! said...

صباحو
TamTam


فلافل اند كو راح يفتح 15 الشهر

هذا اللي سمعته منهم!

شكله فعلا خطير وراح ينعز كل محلات الفلافل


وكلنا بالانتظار!

lawyer said...

صبااااااااااااحكم خير

يازين القهوه اليووووووم

قاعد اشوووف السمااااا انشاء الله يطق مطر يارب





امس تعشيييييييييييت فلافل


وراح اكتب بوست عن تجربه الفلافل الي امس




حياتي هدف
خلاص انشاء الله اليووووووم بالليل بجربه شوقتووووووني والله


ياااابختج ما اعبر بس قهوه يهفني اليوووووع








ارتفل
اييييييييييييييييييييي
:DDDDDDD

انا بعد كلش ما احب اقوم مبجر
كلا حده حده
خصوصا ان صلاه الفير الحين مبجر فلازم الواحد يرد ينام

ابوووووووي يقولي امشي رياضه و تريقاااي عقب صلاه الفير
قلت انشاء الله لما اتقااااااعد


والله خوض فكره مالت سوق الصفاه اذا سيرت على رفيجتي في الدواام بقولها تطلبلي

وعليه علينااااااا وين بذخ يازين الفلافل اغلى فلافل بالكويت بربع دينار و العادي 100 فلس

مو بره الكويت بدينارين !!









شهد
اوووووووخ طلعتاي مدرسه !

وابله عربي

حددددددددددددددي حبيتج انا صاره احب العربي وايد و حدي فخوووووووووره اتصدقين اني اعرف كويتيه ابله عربي

العاده مصريااااااات

ماشاء الله اكيييييد كنتاي شاطره







المباركيه
يااااااازين القيمر و العسل ويا الايراني بالويك اند


وي وي وي ماوااااااااااكن مايكرويف و هالسوالف احسسسسسسه مضر ما ادخله بيتنااااا اصلا








مركبا
لااااااااا عندنااااااا بس انا وايد بزي ما اقعد ولا اتريق وياااااهم

انا ضد العزايم في الدواااااام

حق المتن يووووووووم كيك و يووووووووم كناااافه و يوووووووم مدري شنوووو لا لا لا متعب الاكل جذي








كويت
اصددددددددددددقج
قولي ليشششششششششش؟؟

شايفه شوووووووووفه عيني وحده متريقه بيج ماااااك الساااااعه 9 الصبح

و دولمه و في قسم بادارتنااا
اكلااااات لازانيا و بلا بلا بلا


عادي







دندرمه

وااااااااااي ما اصدق اكو وحده بالدنيا مثلي تروووووووح و ترد على فلافل اند كوووووووو الا بجربه

ابييييه قريت بوستج انصصصصصصصعقت

لوووووووووووووووول


انا البلوه قايليلي حدا لذيذ

يووووووووم لقيته مسكر ادق على وحده وحده اسألهم من قاااااااااااااالكم اصلا مافج !!



عرفت فلاااااااافل شرف امس

وجربته

ورااااااااااح اكتب بوست عنه و بحط صووووره


بسمي البوست تجاربي ويا الفلافل

هههههههههههههه



شكلي بطلب ريوق فلافل الي قالت عنه بروووووك








جي

وييييييييييه قطو طقيته في مصيييييير

فلافل و من محل القاهره


احبهم اهم الاثنيييييييييييين







دلال

اتصدقين ماجربت فلافل جاد الي كل من يسولف عنها


فلافل شهرياااااار اي مجربتها صااجه اتييين خفيفه


احلى شي بالبوووست ان التجارب كلها عن فلافل الله يديييييييم الرخص هههههههههه







مقهور

لوووووووووووووووول

يوم انها اتيييييييب الاسهاااااااااااال
علامك ناصحني فيهااااا

هههههههههههههههه



ترا هذي ثاني مره اقولها لك الصوره هذي تخروووعه تخرووووووعه



صاج فالفل دودووووو لا يعلى عليييييييييه
لانه نظييييف

و مقلي صح و ريحه الخضرا طاغيه على الثوم






قياديه

اقوووووووولج شي تدرين متى تحققتلي هالامنيه ايااااااام الامتحانات لاني اصلا اكووووووون قاعده من الفير ادرس

وبعدين اقولهم يسولي ريووووق

بس ايام محاضرات و دوااااام عادي الحين ابداااااااا ابداااا


اصلا كلا حدا حدا

عمرج شفتاي وحده جنطه المكياج وياها بالدواااااام اتدش الحمام عزج الله اتحط كريماتها و ميك ابها !!!

هذي اناااااا

اخوي اذا قمت الضبح يسميني

بييييييييييب بييييييييب









دبي

دواااااااامج هذا دماار شااااااامل مو دوااام


اكل و مطاااااااعم

لا يامعووده خليني على البسكوته ابرك صح


احنا عندنا ستار بكس بس ماحب اكله عييييييييين

احب البانيني مرات

lawyer said...

جندل

يسسسسسعدلي هالصباااااح



وييييييي هذا البشااااااره



يالله الوعد هناااااااك

مو تخلوووووووووون بنات كلنا في فلافل اند كووووووو




دندرمه سمعتااااااي بفجون فالفل اند في 15 الشهر

Anonymous said...

15555555

ما أدرييييي

متى 15؟

أقل من أسبوع!!!!!!

أنا بعد كوشة بنات قالولي حلووو و حلوو... ذقتوه قالوا لا سامعين... بس بازار حاطين عنه!!!!

خلاص! إنشاء الله يوم 15 إستئذان من الدوام أو وقفة عند باب فلافل أند كو!!!! عسى بس مو إبدعوة رسمية و إفتتاح!!!!

Traveleer said...

أنا هالايام ريوقي تمر و لبن أو تمر و قهوة. جربي.

بس ليه حبيت أغير يسولي توست مع حلوم أو لبنة في البيت
لااا للفطاير

و أحلى فلافل من دودو اللي بالسالمية

Kwaitiyya said...

قهوة و مرات دونت مو دايما

ومرات آكل توسته بالسيارة .. والضحى العود اشرب قهوة


مو من محبي الفلافل

lawyer said...

دندرمه


هاااااااااااو حقووووووق الاعلان عندنااااااا اهني

كيفناااااااااا احنى اولى من الدعواااااات صح و الا لألأ

يكفي نطرررررررررتنا و مشاويرنا الي كل مره تروووووووح علينا










ترفلييييير
اهلا اهلا


اليوووووووووووم جربت التمر

انا احب التمر وايد وايد

بس التمر و القهوه العربيه شي لا يعلى علييييييييييييييه



من امس باليل سويتلي ماعوووووون تمر مرتب و يبته الدوام و كل شوي تمره و قهوه



فلافل دودووووووووو قاتله تشم ريحه الخضره و يكفي نظافتها








كويتيه
انا امووووووووووووووت على الفلافل


اتصدقين عاد اني ماكنت احبه وايد بسسسسسسسس اخر جم سنه لاااا

عشق عشششششق


توني حاطه طالبه من ستاربكس قهوه بسسسسسس تبين الصج ماعلى العربيه و التمر

جنون إحساس said...

آنا مقزرتها ويا رفيجاتي ستاربكس كل يوووم الساعه 7 الصبح إحنا صافطين
بس والله توني احس إن ماعندنا سالفه كل يوووم قاطين 3 دنانير قيمة الريوق على الشخص

Manal said...

احلى فلافل نوارة

واحسن ريوق بيض مفيوح مع السلطة

او سلطة جبن مع المكسرات

:)

ريجيم يعني
اكلي ما فيه خبز
:)

وبين الوجبات روب بانواعة
بالفراولة
او اي نوع فواكة

فواكة

:)

وعندي وايد اقتراحات بس بخشها حق موضوعي اي قاعدة اكتب فيه صارلي مدة

:)

صبا said...

حرااااااااااام عليج فطييييم

مت من اليوع وانا اقرا

يوووعانه

من زمان ما اكلت فلافل
والحين شوقتيني
... ؟؟

شكلي باجر بروح اكل فلافل
اتصدقين عاد ..لو اقولج عمري ما تعنيت علشان الفلافل وما ادل..أطلب وييبولي ..من وين ..ما اسئل ..بس آآآآكل
:)

والحين عرفت من بوستج
باجر بروح بنفسي


إي صح فلافل الكلحه توني ذكرت
هذا الوحيد الي ادله وحلو
الباجي عرفته من البنات
والا الشباب الحلوين يبون باجه
؛)

Unknown said...

:( والله يبه قزران الحكومة

ريوق وشاي ونعنع

اهيا قهوة وتفاحة على الساعة 12 وجني ما تدري تخش جيس مكسرات شرط بدون تقشير او تكسير سيدة من الجيس لى البطن وفمان الله

مطاعم الفلافل عندي لان تخصص مطاعم فقارة
عندج شرف
دودو توووووووووب بالسالمية
وفي واحد ما ابي اقولج عنه لأن لي اليوم ما شفت مرة واقفة عنده وري حديقة السالمية بس خطير

جربي دودو بالليل وشرف الصبح تكونين بالسليم

fatto said...

احلا مطعم فلافل ( دودو ) السالميه :) لذيييذ .. وبالنسبه لقومه الفير انسي انا اقومها انشاءالله حادني اقوم صباح الله خير .. يالله اقوم للدوام .. وانا بعد نفسج مليت من الاكل الي اكله .. انا اقولج شتريقين .. طبعا هالاشياء الي بقولج اياها لازم اتسوينها بالبيت .. بس لاتحاتيين كلششش ماتاخذ وقت .

الاحد : ييبيلج باديه البلاستك الي من ايكيا بوغطا ازرق :) حطي فيها كورن فلكس وشكر جان تبين زييبيلج حليب كي دي دي .. خل اسخنونه لج بالدوام جان تبينه حار ويلا صبيه عليه على طول جان تبينه بارد

الاثنين :كلوب ساندويج .. توست بالتوستر مع خس وماستر ومرتديلا ومايونيز وخيار .. اخخخ لذيييذ


الثلاثاء : خل الخدامه اتقصصلج سلطه

الاربعا : جم بسكوته مه جاي اوحليب

الخميس : على بونه نهايه الاسبوع ووناسه طلبي من بره :)

اشرايج :)

Sn3a said...

لا ما ايوع والله
يسد اليوع النسكافيه
حتى مرات اشربه المغرب لين يعت
لاني بحاله رجيم لول
وصراحه شفت من الرجيم فايده وقمت اتشرط بالسوق ماعاد يعوقني شي تقريبا فقلت خل اكمل اطيحلي جم كيلو سبير

بس ولهت عالباستا
اخ لو يسوون باستا مافيها كالوري

lawyer said...

واااااااااااي يا زين الريووووووووق في البيت زيناااااااااااااه



قمت الصبح حطيتلي القهوه و يووووووووم اذن الظهر شربتلي عصير برتقاااااال


ماكووووووو مهايل و يووووووووووع



امس غداي و عشااااااااي فلاااااااااافل لووووووووووول








جنون احساااااس

واي عليج بالعافيه لا اتعديييييييييين مو زين

عليج بالف عافيه اهم شي البلعه و الريوووووووق انه شي يووووووووونس



اذكر وحده من ربعي كل يوم الصبح تاخذ قهوتهااااااا من ستاريكس

ماوعيت الا الفلبينيه الي تبيع تقولها انتي تشربين كل يوووووووم قهوه وبدينار ونص بالشهر يعني مدري جم المهم احسبتهاااااا لها

متناااااااا خرعا


قلت لها عمى بعييييييييييييييينج ماخذين حلال ابوووووووووووج



ياربي حتى الي يبوعون يطالعون !!






شلالااااااااات

انا اول وحده بس غيري الموعد









منااااااااااااال

ما هذه الخياناااااااااات يا مناال

رجيييييييييييييم و سلطااااااااااات


و اذا صاااااااااار في مطبخج عطيتيناااااااا ذيخ الاكلااااااااات الي اتتتتتتتتتتتتتفخ


افا يا منااااااااااااااااال تقصين علينا بالاكل الي اييييييييين و انتي تسوييييييييييين رجييييييييييييييييم



سوييييييييييييت الباااااااستنا بالسالمووووووووووون
لازم انزل الصووووور و اورييييييييييييج قاتله

قااااااااااتله



تسبكت بالفررررررن يا منااااااااال وااي شي مو صصصصصصصصج


محد مصدق اصلا انها سسسسسسسمج من ريحه التتبيله و البصل


شي خيالي لازم ادزها لج ايميل انشاء الله








صبااااااا
بعد روحي

اكلاي فلافل الكلحه سوووووبر فلافل
او من زين الزااد محشى بالمعبوووووج او اللبنه شي قااتل






مشاري



ماعلي منك ما علي منك
انت تحححححححححححب رووووووووووحك

مسوي ريجيييييييييم

تفااااااااااااحه و قهوه و نادي و مدري شنوووووووووووووووو


من صصصصصصصصصصصصصصصجك

جان اطق الاواادم


انااااااااااا اذا هفني اليوع في الدوام و ماكليت شي ايي البييييييييييت اقوووووووول حق امي فيني فخوووووووذ فخووووووووووذ باكلج يما بحطج بالقنجه و باكل




آآآآآآآآآآآآآآآآآآل تفااااااااااحه آآآآآآآآآآآل




:pPpppP








فاتووووووووووو

واي ويييييييييينج من زماان
والله تعالي سمعيني اوصي خدامتنااااااا


طلعتلي اللنج بوكس جني ياهل

و قلت لهااااااااااا كتباي سويلي جدول ما يصير جذي اكل مطعم مو هيلثي ولا نظييييييييف

عاد اشوفها كسرت خاطرها راحت سوتلي جتني

بس مو شغل باللبنه مال كويتين لألألأ جوز الهند و فلفل و معجون الزنجبيييييل

يحرق و لذييييييذ



ثانكيووووووو على النصيييييييحه المفيده جدااا






سنعه
اها ماشاء الله


جربتي مال ارض الطبيعه

البرااااون اكيد هذا طبيعي زين


عاد اكلوووووووووووووووووو يا حافظ رجيييييم موووووووو اتموتون يووووووووووع

اجار الدين كشمش said...

هههههههه
يا البو تنبه انتي زاهبه حق البلعه !!1 ترا
الفلافل تخلي الخدود متفخه جنها حليبه طايشه
شششوفي اول شئ انا اموووووت على الفلافل
بس لازم تعرفين ان الفلافل اللبنانيه الذ لانها من النخي
وهذا ..موجود بس في احسن مطعم بالكويت الي قالته سنعه ..دوودووو
في شارع بغداد بس لازم تقولين له يحط بقدونس

اما المطعم الثاني القديم جدا وهو اشرف بشرق مقابل مجمع دسمان على الاشاره بالضبط
هذا فلافلته باجله.. وهذه الطريقه المصريه
بس هذي لازم تشرب وراها 2كولا والا ما تنام
تلظي من العطش

اما الثالثه فلافل ال كناري هي الطريقه الفلسطينيه خلطه نخي وباجله
وفلافلته يجب ان تاكلها بوقتها حاره لاتبرد

"""""""""
اما الريوق
كنفوليكس ماركة post
موجووود بمركز سلطان او الافينيوز

واذا انتوا من محبين اللبنه ...موجوده ب كارفور زيرووو فات
علبته تب لونه برتغالي
هو اقرب الي الكوتج جييز

""""""""""""
اما خارج حدود الوطن
احسن فلافل في لبنان عند مطعم صهيون في الاشرفيه شارع مونرو
مطعم مساحته متر في متر

والثاني في ظبيه على طريق الرابيه والزلقه بس ناسي اسمه
وفي الاردن اللد والرمله
اما في مصر وسسوريه سد حلجك واتفل بعينهم ولا تاكل شئ الا في الاوتيل غششاااششين من ايام
عمر ابو العاص ومعاويه والي اليوووم

وفماللله

lawyer said...

اجاااااار الدين


واي يا انتي يني ياااااااا انت سيد و الارجح انك سيد او فيك عرج اسيااااااااد


اشدراااااك اني قاعد البس بروووووووووح مركز سلطان !!!!!!




خلاص بضيف في اللسته ماركه بوست السيريال فود




و مثل ما تفضل شخصك الكرييييييييم ان احلى فلافل بالكويت اهي دودو


بس جرب زين الزاد الي محشينهاا معبووووووج

وعط الوالده و الخوات اذا داحرووووووووك
ههههههههههههههههههههه





الكلحه ليش انه مطعم اردني فالفلافل عندهم قاااااتله



راح اكتب بوووووووست عن تجربتي ويا الفلافل




لان الحين عندي اسبوووووووووع الفلااااااااافل


ريوووووق غدا عشااااااا فلااااااااافل



لا علج الباااااان يلحق
ولااااااااا الوووونج تي و لا جرين تي


القولووووووووووووون ظارب



والمعده خاااااااااست من الثوم

kazmawy said...

انا اتريق بالبيت قبل الدوام حليب وبخصم ودرابيل وجبن وساعات خبز ايرانى والحمدلله كل خير")
انتى تستغربين من الى يتريقون مبجر عيل ابى اعرف الى يقعدون من فير الله ويحطون مكياج شهالخللللللق عووووع

kazmawy said...

احسن فلافل بالكويت بالسالمية بشارع الفنار ماغيره
تخلين الفنار على يمينج وتمشين سييده قبل اللفة فوق تحت فى مطعم والله مشهور بس نسيت شسمه
له قعدة مميزة وتشوفينه دورين لكن صغير
بس ذوقي الفلافل الى عنده وقوليلى صاج يالكظماوى :))
و بالعافيه مقدما

Unknown said...

انا عطيتج برمضان اللى طاف أسم محل الكنافة وما تندمتي

جربي دودو وادعيلي

lawyer said...

كظماااااااااااااااوي انت بتخيليني اقووووووووول فضايحي


اسمع يباااااااا انا وحده اقووووووووم من النوم اغسسسسل و اروح الدوام يادوووووووبك يادوبك احط كريم النهار و السيروم عشان يشيل تفاخ الويه


اماااااا الي يحطون مكيااااااااااج انا فعلا مدري من وين لهم وقت
لاني الله يسلمك اخذ جنطه الميك اب وياي الدوام و ادش بنظاره تغطي ويهي و اندعس التواليت احط كحلتي و تالي ارووووووح المكتب


ميك اب و شدووووووووو و كل عاير في الويه لووووووووون كلش ما يدور عندي




هذا مطعم الفلافل الي تقول عنه اسمه نواره الي بالسالميه

عرفته كنت اكل منه فلافل









مشاري
ادري اعرفه دودووووووووووووو من سنييييييييييييين من قبل لا الناس تعرفه



احبببببببببببببه لذييييييذ و ريحه الفلافل نظيفه و خضرااا اما اغلب مطاعم الفلافل ريحه الفلافل دهن

Ansam said...

etha in Kuwait city jarbay Falafil sharaf (shakelhom doughnut) or el kal7a (yewasloon 25717151) wetha tabeen menus always check

MENUS

lawyer said...

انسااااام

هلا فيييييييج
والله شكلي بجاابل المنيووووو و كل يوم بسويلي شي


لان من امس استعديييييييت و سويتلي جدول

اليوم خذيت اكل خفيف وياي

وباجر كوووورن فليكس



7 سنيييييييين عايشه على ريوووووق المطاعم بس مليييييييت



:))

lawyer said...

اجااااار الديييييييين



عسى الله لا يخلينا منك ولا يحرمني من افكااااااارك




الكورن فليكسسسسسس اييييييييينن

عجييييييييييب

انا خذيت الي في الروزبري و الموند وايد احسسسه هيلثي و انيييين طعمه عجيب

chandal/danchal!! said...

الغالية تم تم

حاسة بمعاناتك من الريوق برة

شوفي عزيزتي

يوم بس تمر ويستحسن يكون ناشف ويا حلاته اذا صقعي... مع لبن اكتيفيا!

يوم ترويئة من العائلة التوتية!


جربتي مطعم الرحى؟؟ مو طبيعي... والزين فيه قام يوصل... اذا ودك تطلبين منه قوليلي اعطيك رقمة وشنو احسن شي عنده... اكله اورجانيك بس طيب

يوم اكتفي بزيبرا من كاريبو:p


ويوم شاي وحليب هنوووووود مع بسكوت نايس!!! حق السحنة!

lawyer said...

جندل
فعلاااااا صاااجه يا حلو اكل الرحى وايد احبه



اكلهم ترف و اورجانك انا قبل كنت اخذ منهم خبز و احطه بالفريزر وعندهم خبز بالخضرا جنه خبز عرووق لذيييذ


الله يذكره بالخير الي يشتغل على التاوه هنااك علمني على شاي بالريحاااان




اي والله عطيني رقمهم لان ماعندي ايااه وكلا اطرش السايق اييبلي اشياااء و يروح و مايحصلها على الاقل ادق قبلهاااا ...



اقوووول جندل بقولج شي بس لا تضحكييييييين

دامكم بتروحون القادسيه هالله هالله في خضرتهم شهر 4 ينزلوووون ورق عنب الفريششششششش


كراتييييين

كوداااااااو منهم

chandal/danchal!! said...

looooooooooooooooooool

يختي هالبنت قلبها على قلبي

امي طايحتله بالدولمة الفريش

وصاجة جمعية القادسية خضرتها وفاكهتها لا يعلى عليها




تصدقين ذاك اليوم كنت في بيت خالتي مع امي

ومادري شتسلط علي اصلي يمهم واهم يسولفون

امي توصف طريقة سلطة مع الدريسينج

وتقول توها شاريه مادري جم شدة ورق عنب فريششش

وخالتي تقولها وانتي تلفين قصصي مكعبات قمردين ... لفي وحطي لفي وحطي!

وتعالي شوفي الطعم... حامض حلو

اخيييييييييه..... صلاتي قزرت عل دولمة والقمردين




اليك الرقم عزيزتي

22549106

:)

lawyer said...

جندل

خلااااااااااص عرفتلج انا الحين

لووووووووووووووول


اتيييييين الدولمه الفريش


قووووووولي حق خالتج لا نحط قمر دين ختحط اراسيااااااا


شي مو طبيعي


هههههههههههههه


العرج الزبيري القاتل الي يعشق الدولمه و حوامضهااااااااااامفششششششلنا ياربي مفشششلنا و مطلع ابداعناااااااا في التنططططع و التشهوووووي

chandal/danchal!! said...

looooooooooooooool


عاش بو-زبر

:)))


نجرب الاراصيا شورانا!



اي والله صاجة.... ما حجوتنا الا البلع

اللي يسمع يقول الوحدة ما تدش من الباب!