Sunday, April 26, 2009

برشلونه التي رأيت


قبل لا اوريكم الصور
خلوني اقولكم شغله بسيطه
انا طول عمري اسمع عن اسبانيا و اسبانيا و الناس مستذبحين عليها
ولاني كلش مو مقتنعه ان اسبانيا حلوه
فكنت داشه اسبانيا بشري
و متخصره و كل شي مو عاجبني !!
عشان اكون صريحه الديره نوت باد
الانطباع الاول للمكان يعطيك انها بلد عربيه
بلغه غجريه !
رحلتي لبرشلونه كانت كم يوم
الجو كان روعه ..
وبرشلونه عباره عن بيس اوف ارت ..
اهي حلوه كمعمار
واو كتصميم بش شعبها غجري
يلوع الجبد ..
اول شي خلوني اعترف في شي يضحك
ترا انا كلش مو حليوه بالسفر مع التكاسي و الجرسونز
يعني انا اصلا مستفزه!
اشلون؟؟
انا اتكلم خليجي و اهم يكلموني اسباني
ولا افكر اني اتكلم انجليزي لانهم ماراح يفهمون
فمجرد اني اتكلم كويتي هالشي يفجر اعصاب اي انسان بقدملي خدمه
وصلنا برشلونه مطارهم عباره عن ماراثون مشي
على ماخذينا الجناط و ركبت تاكسي
انا ورفيجتي بتكسي واحد و الباجي بتكسي ثاني ..
انا فيني طبع كلا اركب جدام
توني راكبه و ابتسم ابتسامه لان الحمدلله التاكسي طلع ويه سفر
انا : تعرف اتسووق !
ودنا اوم اوتيل
التاكسي يطالعني و علامات طراقات على ويهاا !
جات اصرررررخ اسوي نفسي اعرف اسباااني
بأعلى حسي جني هيلقيه
لاااااااااااا اووووووووووم اوتيييييييييل جراسيااااااااااااااااا ستريييييييييييييييت
يعني مقطعه الاكسنت الاسباني !!
اهني اهو اسفهل و قالي جراسيا بلا بلا بلا بلا
ولوعت جبده كل شويه التفت عليه واقوله
اقوول ديرتكم جنها مصر
شالهدوم المشروره في البلكونات
اقول علامه ريحتك بسرعه فاحت
اقول اتدل و الا بتعور فينااا ترا مالي خلق
اكتشفت ان اصلا الي ما ادل ولا شي بس بتفلسف و بتحلطم!!
المهم وصلنا الاوتيل بسلام
خلوني الحين اوريكم الصور
و اعلق عليها
وياكم


حبيت ابدى في هالصور عشان بس اوضح لكم ان الديره فجأه بالليل تصير وايد رومانسيه و هذي شي يعذبني
فعشان جذي يمكن كرهتها لاني احس فيها بالوحشه

لوبي الاوتيل














فيني عرج هنود حق حبي للورد و البوكيهات





يحليله ترا اهو بانيه بنفسه هالبيت





هالساحه في الحي الكوتي
مدخلها من لاراملا وتطلع بعدين على الكاتدرال
حلو هالمكان مطاعم و قهاوي










الكنسيه الكاتدراليه بس فيها ترميمات و تصليحات شبيت شمعه و صورت فيها
وشربت من النافوره




هذا داخل الكنيسه






هذا من برا








اهني السكيك في الحي الكوتي مدري القوثيك







وليل علينا الليل
انشاء الله في البوست الياي اوريكم باجي الصور
و البورت و نادي برشلونه
الصراحه احلى شي عجبني شارع جراسيا ( غششتني جندل و قالت جارسيا )الي اهو متفرع من الديجونال
و يعتبر احسن مكان
انا مشكلتي وايد قريت وسويت سيرج بس الي في المنتديات يكتبونه حلو كلش ما يعجبني
مثلا شارع الارامبلا كلش ما يازلي ويع
بس التجربه كانت حلوه ومكان كان بخاطري اشوفه
الي بيروح برشلونه لا يفكر يسكن الا في البورت
لان احلى شي
وشرح
كالعاده في كل رحله لازم تعلق وياي اغنيه
وفي برشلونه طول الرحله كنت بس اسمع و اغني هالاغنيه


29 comments:

Yin مدام said...

بالعافية عليج الرحلة
ولازم في السفر أماكن تغث وأماكن تسر

بس في النهاية الرحلة حلاتها بذكرياتها والمواقف اللي الواحد يمر فيها مع رفقاء السفر
:))

لووول
ضحكتيني على سالفة ما تتكلمين إلا كويتي
لوووول

الإنجليزي ينفهم في أي مكان سياحي ليش التعذيييييييييييييييبب
لوول

أحلى دولة زرتها بأوروبا كانت النمسا
وبعدها الريف الألماني

أسبانيا ما رحت
وروحة إيطاليا ندم في ندم في ندم


ناطرين باجي الصور وأهم شي نادي برشلونة
:))

`~MnO YeNSa! ~` said...

عشت معاج
توه اخوي
ياي.. ليش الرياييل ما يقولون هال
details
:*
انشالله .. you had fun ?

وااااااو
Love the song
وكل مكان



ابي اروح
Now
:(
تعالي معاي :P
ولا

جنون إحساس said...

عجبتني الصورة الأخيرة عذاب
أحب هالأجواء الظلمة

بات وومن مو جنون إحساس
وبالعافية

lawyer said...

مدااام

الله يعافيييج

صاجه اي والله

بس اهو ماكو شي يغث لكن المشكله فيني مايازتلي عرفتي



اييييييييييييي ابدا ما ييتكلمون انجليزي كلشششششششششششششش
فليش اعور قلبي

كويتي ينفع ههههههههههه


مره واحد طردني بقولج قصته بعدين ههههههههههههه







اووووووووووووه الريف الالماني قاتل
رحتي هامبورج و كولون و بادن بادن و الريف الي حوالينهم؟؟


و الريف الي عند البافاريا ميونخ و جارمش و لي النمساااا

هذا الشي القاتل










منو ينسى

من صصصصصصصصصصصصصججج انتي الرياااااااااايل كلش لا يعرفون يبردون القلب و لا يقولون و يلا يهتمون

كلا زين زين زين و بسسسسس
عطيييييييه بلووووووق و شوفيه ساعتين يكتب بوست بس في البيت انساااااي



اروح وياج اي مكان الا اسباااااااانيا








جنون احساااااااااااس

ايييييييييي يعني تصبحون على خير اخر صوووووووره

بس خلاص اصر الليل

بالليل تصيرر واااااااااااااايد رومانسيه حييييييييييييييييل

وبراااااااااااااااااد

وتعذيب و عواااااااااااار قلب

و انا اكفخ حظي مالت عليييييييييييييييه

Ansam said...

Tara ana amoot 3ala Spain
bes sarli bain fatra o fatra ga3da akteb 3an re7lti to Cairo eb 7alqaat... wisalt 7alqa 4 hehehe

bes Spain is my love... my dad shara shiqa min akher el 1970s o lail7een 3indina o wayed enroo7 its an acquired taste i guess hehehe

chandal/danchal!! said...

Holaaaa Fatima... que tal muchachaaaa?

looooooooooooooooool

أول هام: عليج بالعافية... والله يونسكم بالعافية

:)

زيييين تسوين بتكاسيهم السكة... وصاجة ريحتهم تعط الله ياخذهم... عصابات

بين 1000 اسباني تلاقين واحد يتكلم انجليزي... مرة واحد يبي يدرب لغته الانجليزية ويبي يقولي متى يسكر محلهم... يقول: نايك... نايك سيرتي!

:)


يا زينها من ديرة ويا زين اهلها واصوات حريمهم اليهرة



والطرب والمزاج كله بهالديرة... خصوصا العم جيبسي كينج

:)

أقووول في غلط مطبعي

الشارع اسمه جارسيا مو جراسيا
.
.
.

لا تبطين وباشرينا بالصور بليز


estoy esperando

يعني بالانتظار


buenas noches mi amiga

:)

Yin مدام said...

لووووووول
يرحم لي والدينكم ووالدي والدينكم لا تقولون لي مداااااااام

لوووول
أحس أنا المعزبة وأنتوا الخدم
لووووووووووووووووووووووووول

كلش مو خوش شعور !!!

YIN
YIN

انا حطيت مدام عشان العالم تفرق بيني وبين يانغ ولا كل شوي واحد من الزملا المدونين قايل لي يا حبيبي!!


ناطرة سالفة الطردة
وضحكت قبل لا تقولينها
لوول

يا الله الريف الألماني
بادن بادن
الريف اللي عند ميونخ
أياااام

دزلدورف والريف اللي حواليها لا يوصف
!!!

يبيله رحلة لألمانيا
:))))

عمري ما زرت عاصمة عجبتني بس فيينا غييييييررر

جمال ونظافة ومتاحف وووووو كل شي فيها حلو

شكرا على تنشيط شريط الذكريات يا لوير
:))

Dalal Arch said...

Gothic = qo6y ;) that was the way it was translated back in school. Although I'm not a very big fan of the football team, Barcelona looks charming :)

fatto said...

حمد الله على سلامتج ماقلتي بتروحين .. جان رزيت ويهي معاكم لوووول

بس الصراحه شكلج اتونسين بالسفر احب الي يفصلون لوول :)



__________________________


ابي اناااااااااااام مادري اشفيني النومه طايره مني مادري ليش :(

الزين said...

فطيم


من اصبحت وانا لايعة جبدي من الوضع العااام

ابي اسافر


قومي خل نسافر

:$

lawyer said...

صباااااحكم ورد

الحاله الي مريت فيها اليوم لازم اكتب فيها بوست واشوفلي فيها حل



بس ارجع حق برشلونه


انساااااام


ونااااااااسه جابلت بوستاتج الاربع في مصر عجيبييييييين
شوقتيني وايد
اموت على مصر و قريبا انساء الله بروح لها في الويك اند

شوقتيني حداااا

بو السيد هذا مطعمي المفضل يم شقتي وناسه واحب ادرس في القهوه الي يمه

ااااااااااه انتي ذكرتيني في ايام احبها في الزمالك

كنت معتمده فيها على نفسي و مسؤليتي بنسبه الف بالميه

ابي ارد اعيش بروحي مستقله بحياتي






جندل

ولااااااااااااااج احجي كويتي
لا ترطنيييييييين علي من الصبح
ههههههههههههههههههه



ايييييييي حدا اطفر الي يما يتطفر اصلا
انا ما طحت على ولا احد هناك يتكلم انجليزي الا مالت الفرير الي باعتني فروووو تقولي مينك و يطلع ارنب



على طاري اصوات حريمهم صاااااجه
رحنا فلامنجو شي شي
هههههههههههههههه





وي طلع اسمه جارسياااااااا

يلا ميخالف اشدعوه عاد غلط مطبعي انا اصلا انطقهااااااا غلط ههههههههههههههه

ARTFUL said...

الله الله الله

آيه ده يا قدعان

متى سافرتي متى رديتي؟!؟!

الحمدالله على السلامه

اسبانيا ودي اروحلها

ماني متحمس وايد

احس مافيها شغلات كثيرة

بس لازم امرها يوم من الايام ما يصير اخليها

انا مريت اغلب الدول السياحية الاوروبية بس باجيلي جم وحده منهم اسبانيا

تسوى تروح اوروبا بس حق اسبانيا والا تمر معاها جم دولة بطريجك؟؟

يمدحون برشلونه

يقولون خوش ابني اقصد خوش جو ومباني

يعني التمشي فيها غير نمونة

;p

والله شوقتينا بالسفر يا فاطمة

:)

الحمدالله على السلامة

lawyer said...

ييييييييين


هههههههههههههههه

مت مت مت مت من الضحك

ابييييييه عيل انا قاصه على نص الي يشتغلون معاي و ينادوني مدااااام


قولي ليششششششش

لان اذا دروا اني انسسسسسه وايد يسوون روحهم طيبيييين و كل واحد يبدي يقووول
وين الريااااايل عنج
انتي لسسسسسه ما اتجوزتيييش دول حقيقي ماعندهمش نززززر


فبداااااال ما اخذ و اعطي معاهم مداااام و بسسسسسس




اووووووووه فينا قاتله
يقولون بالصيف مو حلوه انا جربتها بالشتاااااااا

رووووووووووووعه
مو صج جنج قاعده في فيلم او حفله اوبرا
و السنوووووو و الكستن و النااااااس الراقيه شي مو طبيعي


انتي الي مشكوره انج ذكرتيني







دلال

اي ما تشوفيني مرا اقول كوتي و مره قوووووثيك

ههههههههههههههه

اي والله لها سحرها

بسسسسسس تعسرت لاني برد لندن هههههههه








فاتو

الله يسلم عمرج

انااااااا كلا جذي اخطف خطفات سريعه من غير ما اقوووووول
بس اذا رديت مرات اييب الطاري و مراااات لألأ


ههههههههههه

اي افصل بس مرااااااات وايد افشششششششل يعني يعتتمد على الي وياااااج

اوووووووخ لي الحين مانمتاااااي

الله يعيييييييينج باجر









زيونا
صبااااااااااااااحج عسل يا حبي

يالااااااااااا بساااااافر

ليكون احد قااااااثج من الصبح؟؟

lawyer said...

ارتفل

اي يسوا تروح اسبانيا بروحهااا بس بشرط انك تقعد يومين في كل منطقه ..

لان لازم تمر الحمرا و تمر اماكن وايد حاطتهم في الخطه

اما بناتها انا ماشفت الا غجر و شعور خايسه ماشفت حلويين

لان الحلوين مو صووب برشلونه الي يشوفون الحلوين يكونووووون يمكن في ماربياااا
او بره مدري


لان اصلا برشلووووونه ترا فيها وااااااايد قصور و كنايس و ارت و معماار مو طبيعي

اذا انت تحب جذي ..

بس انا انصدمت قول ليش عبالي منطقه مثل اوربا حلوه

طلع اهي بلد شرحه بس كلش مافيها طبيعه
و طابعها غير

يبيلهاااااا يمعه حلوه و تروووووح


وتوكل على الله

ARTFUL said...

احس المدن الاوروبية

اللي مافيها طبيعه يبيله تروحلها آخر الشتا او عز الربيع

علشان تستانس وانت اتمشى

عليج بالف عافيه

:)

lawyer said...

ارتفل

صااااااج فعلا ..
وهذا الي صااار معانا
كانت درجه الحراره هناك حزتها 8
ومرات العصاري 12


الحين انا الي شكلي بسااافر تشوقت

Manal said...

لوير
بالعافية السفرة
:)
والحمد لله على السلامة

هذي من الدول الي ان شاء الله بزورها
:)

بس سالفة الكلام بالكويتي تذكرني بالوالدة لي زارتني بريطانيا

اقول لها ما يفهمونج
الاخت تكمل وتقول بعد شسوي
:)

وتعالي شوفي الضحك

طلعتي انتي بعد من الهنوع

بس انا ما خليتها
دخلتها كورس انجليزي

وشكلي بدخلج انتي بعد

:)

بانتظار الصور الباقية
:)

I7na 3shagnaha said...

Buenas tardes seniorita :)

بلاد الاندلس لا يعلى عليها

وبرشلونة حلوة

بس الاحلى الجنوب الاسباني

احبها بجلحتها و ملحتها

وحرها و رطوبتها

Salah said...

بالعافية عليكم السفرة

شوقتينا...

ما رحتوا مباريات؟

Sn3a said...

تصدقين حتى انا اسبانيا كلش مو بخاطري
يعني ان كنت بروح راح اروح لان وايد مدحوها
بس شكلها عاجبتج قولي الصج;p


بس ضحكتيني وانتي تكلمينهم كويتي
احس صج ودي اسافر وياج شكلج وايد ونيسه بالسفر;p

lawyer said...

منااااااااال
هههههههههههههههههههههههه

لا لا لا امج تصير وايييييييييييد متطوره عني

انا بمثااااااااااابه يده امج بعد ههههههههههههههههههههههه



انشاء الله تزورينها

اكيد راح تيووووز لج بس ترا كل شي في الشتاااااا مسكر

يعني الكنايس قاعد تترمم و النوافيييييير الي تتميز فيهاااااا برشلونه مسكره من شهر 1 لي نص مارس

و التلفريك يسكر و الملاهي بعد عشان سووووووء الاحوال مرات تسكككككككر
فاحلى وقت شهر 5 يمكن








احنا عشقناها
اهلا اهلاااااااااا

اوووووووووووووووووه ونااااااااااااااااااااسه كلكم تتكلمون اسباااااااااااني

علامي اناااااااا اشفييييييني لا بلعتها و لا عرفت ارطن فيها شي


بسسسسسسسسسسسسسسسسس راح تعرفون السر قريباااااااااا انشاء الله


انزين نبي بوستاااااااات عن مغامراتكم الشباااااااااااااابيه في ماربيااااااااا


اوكيييييييه
:))))))))))))))))








صلاح

الله يعافيك
لألألألألأ للاااااسف كان وقتنا فيه مبارات بس مو في برشلونه فمارحنا و اليوم الي سافرنا فيه كان فيه مبارات قويه يقولون









سنعه

يوووووووووو مووووووووووووووور ذااااااااااان ويلكم


حياااااااااج

بسسسسسسسسسسس ترا انا مزاجيه بالسفررررررررررررر

هههههههههههههههههههه
يعني عادي عادي 3 ساعات متواصله ما اقول ولا كلمه و اطلع طلعه كامله و انا حتى ما فجيت حلجي و اكووووووووووووون حدي عادي و مافيني شي


و مرااااااااااااات احس ان فيني طاقه الدنيا كلها

بس مدري اشفيني صااااااارلي فتره اعيش حاااااااااااله
خققااااااااااان

تعرفين شنو حاله خققااااااااان ههههههههههههههه

Nikon 8 said...

بإنتظار باقي الصور
وكثري من وصف إنطباعك بالرحلة والأماكن لأني مثلك دائما أنصدم من اللي ينكتب في المنتديات والمواقع السياحية
!

أتيت متاخرة said...

حمد الله على السلامة

وعليج بالعافية .... بس مرة ثانية خذونييييييييييييييي وياكم ما يصير بس آنه دوام وانتواو تسافرون عني

chandal/danchal!! said...

تم تم

على طاري المغامرات والفلامنكو

http://sharbatandco.blogspot.com/2009/02/flamenco.html

check this old post

:)

y viva Catalunia

:)

zajel said...

صباح الخير


عليج بالعافية...

كل اسبانيا في صوب واشبيلية في صوب

لا مدريد ولا برشلونه ...ولا حته تانيه

كنت في زيارة إلى اشبيلية لمدة 48 ساعة ومن محبتي لها جعدت شهرين في اشبيلية



وهنا ف عُمان كلش مناظر حلوووه مره

lawyer said...

يا صبااااااح الاشطه البلدي


طبعا لا طباح و لا بطيخ انا موااااااصله او في الاحرى مو نايمه الا ساعه وحده





لان فجأه قب جسمي طول الليل و قام ياكلني و عفست الدنيا يوم صار الصبح ناديت الخدامه و من الساعه 6 الصبح طلعو الداااااار و كلوركس و ديتول و صنوبر الجراثيم
و الستااااير لوندري و الدنيا دنياااااا

حمله تعقيييييييم عشان اقدر انام مطمنه










ام الجناادل
سؤاااااااااال اشطاري عليج اسم جندل دنجل ؟؟

اشلون نقيتيه ؟؟


شغله ثاااااااااانيه قريت بووووووست الفلامنجو واااااااااو لازم لازم احطلج صورنا هناااااك صوووره بمليون دينار هاهاهاهاهاهاها

بهديييييج اياااهم








زاجل
صصصصصصصصصصصصج اشبيليه حلوووووووووه ؟؟

واي مدري ليش مارحنااااا

يا زييييييييييين عمان و يا زين اهلهااااااااااا يكفي انت فيهممممممم


:)))))

اشلون سفرتك؟؟

lawyer said...

نيكوووووووون

ابييييييييييه سكتاي انصدمت مو انا عشتو مثقفه

اطططططلع على الاخبار عبر الشبكه العنكبوتيه و دشييييييييت منتدى
الله لا يوريج كلشي يقولون عنه يطلع ظييييييييم


اهم شي قالوو ان شارع لا راملا وايد حلووووووو و عجييييب و بلا بلا بلا

طلع ظييييييييم

ويقولون به من الاشياااء المسليه لكم

الاااااا الي تقث

ابيييييييه سكتاي خنظحكج
الراملا هذا ما طلعت منه بشي مفيد الا جنطه

دشيت محل بشتري جنطه هاند باق لان الي عندي بتنفجر

دشيت المحل و سألت : رفيييييييق هذا جم فلووووووس؟؟

ارطنت علي المره اسباني و الا اشوووف الجناط على 70 و 100 يورو طبعا انا بسحبهااا من المطار لي مطار هيثرو بعدين يحذفهاااااا

المهم اذيتهم اقولها ابي جنطه ب 10 يوروووووو

رفيجااااااتي كلهم طاحو من الضحك وانحاشووووووو

اكاسرهاااااا و يننتهم اخر شي خذيت منهم جنطه عجييييييبه الي طايحه كانت من عيني اهي الي كفت كل خلاجيني و حمرررررررررررره جني بدويه في باريس


انشاء الله هالويد اليوم بالليل احط الصور


:))




لا لا لا انا بدعت في برشلونه الصراحه








اتيت متأخره
الله يسسسسسسلم عمرج
اهلا اهلا


انشاااااااااااااااء الله من عيوني افا علييييييييج

باذن الله :))))))))

U know WHO said...

Lawyer..
يسعد لي هـ الصباح
شوقتيني على برشلووونة
على روحاتي أسبانيا
ولا طبيتها

على قولتج غجررر
الأسبان هيلق أوربا

لا لغة ولا أسلوووب بالمرررة
زين سويتي يم تكلمتي كويتي
ما ينفع وياهم إلا العين الحمره
@@

مادري تهقين متأثرين بـ غزو العربوو
؟؟
؛)

يلا ناطرين بارت 2

danderma said...

تونسي و عليك بألف عافية
تروحين و ترجعين بالسلامة!

عاد فيها يقولون وايد آثار إسلامية و أغراض ودي أروح لها يوم إنشاء الله أشوف الكومنيشن الأورو إسلامي لأني لين يومك مو مصدقة