Friday, October 30, 2009

swine flu !


يوم الاثنين العصر حسيت اني دايخه
بس قاومت و قلت ما ابي امرض
يوم الثلاثاء شلت روحي قصب و رحت الدوام و مت برد هناك من التكييف !
يوم الثلاثاء الظهر نمت لي يوم الخميس من التعب
حراراه
نشله
كحه
بلاعيم
فلونزا كامله بس هالمره الي اختلف علي ان مسرع ما تنك الصدر
و جسمي 4 ايام بلياليها ما نشف
24 ساعه اغير هدوومي من العرق هذا غير النفاضه
طلب مني الدكتور اسوي فحص سواين فلو !
اليوم الضحى سويت
طلعت النتيجه !
والا بوزتف !
يعني فيني فلنزا الخنازير
طبعا عزل تام في داري
تعقم البيت كله تعقيم تااااام
اخواني كلهم بنامووووووون بالشاليه
;(
وابوي طلع وايد يحب عياله !! يقولي لا اتحاجين احد من اخوانج
اذا تبين اي شي ناديني
لا احد يقرب منج!!

و امي طلعت واااااااايد مضحيه مسكينه عفست داري من التعقيم و حطتلي عند الباب جميع انواع مستحضرات الديتول
دشيت بكمامي البيت والا امي تركض تبشرني
فطييييييييييييم وحده امس كبرج توفت من فلونزا الخنازير !!


قلت لها لا عيل ابشرج الدكتور يقولي ان في وحده كبري بالعنايه المركزه داشه بريلها و الحين اهي تعبانه لان فيها ربو
وبما ان انا معاي ربو فالله يعين
رفيجتي تقوووووووووولي ياحسرتنا عليج فطيم
قلت لها لا تخافين ماراح امووووووت ما ابي اموت
عندي ثار في حياتي لازم اخذه
:D
الحين انا نايمه بفراشي من يوم الثلاثاء لي اليمعه 4 ايام ماحسيت
بس من قصبوووووووووووني و صار حجر علي بداري و عزل ضاق خلقي
الشوتايم ظيم
الاوربت تعيس
الله يصبر قلبي ويعدون هالجم يوم على خير
الله يعافي المزرعه في الفيس بوك مقزره علي الوقت

يالله ربعي البلوقر كتبوا مواضيع سنعه لانه المدونات صايره تلوع الجبد
و آزززززززززرووووووووووووني
و جابلوووووووووووووني
اسبوع كامل ماراح اداوم !!
الله يصبر قلبي


البلوه ماكو امكانيات تساعد
العين سكراب ما اقدر اهوس عليها وايد
و الاذون تعورني صمخه ما اقدر اسولف في التلفون و الظهر اخرطي مو زين انسدح وايد
و ما اعبر اتحرك امشي !
لان داري مو من كبرها !

بس انا سألت الدكتور قلت له اشلون اطيب ؟
قالي مالج الا اتهاجرين كنداا
:ppPP


39 comments:

Q80 Blogger said...

كندا !!!!!!!!

اعوووذ بالله



وبعدين ليش ماتحطين تحذييييييير
انا داش المدونه مستانس .. اطلع مرييييييييييييييض ؟


الله يسامحج بس

وتقومين بالسلامه ان شاء الله .. تره سهالات .. مثل اي مرض غيره

star said...

:(

ما تشوفين شر أن شاء الله .. خلي العلج المر يعجل في بيتكم ..وأدعي اللهم انت الشافي اللهم أنت المعافي اللهم داوني بدوائك اللهم أشفني بشفائك
اللهم أغنني بفضلك عن من سواك

وما عليك الا العافية

~ هند ~ said...

:(

حبيبتي فطييييييييييم ..
الله يعافيج حياتي
ما تشوفين شروإن شاء الله اطيبين بسرعه..

لاحظتي اسم الدوا؟
اسمه تامي يعني يدلعونج


لا لاتهاجرين كندا انتي ما تحبين البراد :p

H said...

hahahahahahaha !

sorry bas el shay y'9a7ek ;p going to Canada !

la enshalla u will be better ! i know people yahom el flue w el 7mdella 5az 3anhom because 3aljaw 3marhom mn wagt ;D

enshalla ma2joraa hunii w 2d3e rabch ena yfk ele feech ;*

matshofen shar hunii

xo,H

الاوركيده said...

ياحياتي

ماتشوفين شر انشاء الله

وخطاج السو

اسم الله عليج من الموت الله يحفظج حق شبابج وتعدين هالمرحلة وانتي بصحة وعافية يارب

:)

Nikon 8 said...

سلامات وما تشوفين شر
كلش مو خبر حلو
الله يفكج من شر الأمراض
اللي صارت فيهم السواين فلو
يقولون كلها جم يوم وطابوا مع العزل
في الغرفة
إنشاء الله في العدو

بنت الشاميه said...

ما تشوفين شر يالعاليه
حمد الله على سلامتج اجر و عافيه
خنت حيلي المهم انت الحين احسن
عندي خوش موضوع بمدونتى

وما راح يكمل الا بتعليقج
يالله قومي تنشطي وزوريني
ما تلقين الا اللى يسرج
حياج الله
سلامات

أتيت متاخرة said...

أسم الله على الحلوين

عادي يا فطيم ياما أوادم صادتهم وقاموا ولا كأن صايدهم شي

أسم الله على قلبج
ماكو فيج الا العافية
بلا سوين فلو بلا بلا

بنتي النتفة اللي تشابهج يوم الاربعا هم حاشها فلو وسخونه وشكوا فيها
وسوا لها طلع نيجاتف

بس قلتها حبيبت قلب امج انتي
تبوس وتلصق في ماما وحمودي ممنوع
بعدين حمودي يصيده فلو

ربي يمن عليج بالصحة والعافية

جنة الحواس said...

مو خوش خبر !

بعد قلبي ..الله يعينج

أجر و عافية إن شاالله .. الله يهون عليج ويمر الأسبوع أسرع مما تتوقعين

:*

Hessa H. said...

as'al Allah al3atheeim rab al3arsh el3a'6eim an yashfeeich :)
this is my 1st comment after 1 yr mota3aba ;)
matshofeeein shar

Hamad said...

ma tshoofin shar inshallah .. ma'ajoora oo allah yeshafeech ya rab

enter-q8 said...

ما قدرت امسك نفسي من الضحك بصوت عالي علىاللي كتبتيه بنهاية البوست
وحده كبرج ماتت و اااي يا قلبي
قاعد اتخيل شكلك
هههههههههه

لا يوبا ما تشوفين شر و ازمة و تعدي

اقول دزيلي بقر و اشتغلي تسميد بزرع خلق الله ترى فيه اكس بي وايد
اي صج عقب السلحفاة اطلعوا بشغله يديده شنو تتوقعين
قطاوة

7osen said...

فطووم ماعليج منهم
مافيج إلا العافية
كلها يومين وتطيبين

عاد تصدقين ترستن صابته هالانفلونزا وأنا يومين معاه طول اليوم ووديته الطبيب وأهو منشول .. بس ماعداني فحصت طلع مافيني شي

واليوم قالوله خلاص طبت مع إنه مريض بس ماحس بأي شي مافيه إلا العافية شوية نشلة وراحت بيومين

فلا تخافين
أخذيلج يومين راحة سلبية .. ونامي قد مافيج .. وريحي نفسج على الأخر

وأصلاً وناسة علشان لما تروح منج إن شاءالله خلاص ترتاحين لأنها ماترجع مرة ثانية

:)

Salah said...

سلامات وما تشوفين شر

Barlamany said...

لوير

ألــــــــــــــــف لا باس عليج و ما تشوفين شر ان شاء الله...

ماكو الا العافيه لا تحاتين ... ولا تخلينا نحاتيج .. طمنينا عليج خلال هالاربع أيام أمانه ..

نبي كل يوم بوست أبديت ولا عليج أمر !

أجر وعافيه يالغاليه

تحياتي

شقران said...

الغالية لويــــــــر


ألف لاباس عليك يالغالية ، وربي يديم عليك الصحة والعافية


كثري من السوائل ومن المشروبات الساخنة حسب ماسمعنا من النصايح

وطمنينا على حالك موتغطين ونقعد نحاتيك
:)


لكِ مني أطيب التمنيات وأعذب التحايا

chandal/danchal!! said...

الف لا باس عليج... وتقومين بالسلامة يا طماطم


مت من الضحك على كلام امج الله يحفظها


انتي شمربية بهالمزرعة؟... شكله يتلج الفلو منها!

:p

نون النساء said...

ويييييييييي
لوووير

ماتشوفين شر يا عمري
عسى عمرج طويل هههههههههههههههه
الله يهديها الوالدة من خرعتها عليج مو عارفه شلون تعبر





أول امس بايستني وحده من الأهل
أبوها بالمستشفى كان فيه نفس الأعراض اللي عندج وطلعت الخنازير
الحين بنته منشوله
وبايستني أول أمس

مايندرى عنها بعد
عاد قلتلها لا تبوسين ياااربي مو لازم تعبرين عن اشتياقج لي ترا موغصب

ههههههههههههههههههههه

lawyer said...

ربعييييييييييي


بما اني وايد احبكم و بماااااااا اني ممنوعه من شووووووووووووووفه الناس

فبجابلكم



الصدددددددددددددددددددر مراويس

جنه غلايه بصدري من التفور

بس يالله ميخااااااااااااااالف






حبايبي ربعي

راح ارد على كومنتاااتكم كلها ببووووووووست بنزله الظهر



برووووووح احين اجابل المززززززرعه



انا طيبه الحمدلله
و قاعد اعااند صدري الي ذابحني



يعورني كيفه
متنك كيفه

ماني معبره اتنسسسسسسسم كيفه


بسسسسسسسسسسسسسسسس ما اروح المستشفى مابي




انا قوووووووويه صح ؟؟

Sn3a said...

ويه خنت حيلي سلامات ماتشوفين شر
ربي يشافيج يارب

ديريبالج شربي اعشاب وسوائل وايد
زين يصير انا وياج مرافق؟;p

نون النساء said...

اقووول
لا تستهين بالصحه يا شقووووول

والله كسرتي خاطري

.
.
.


انزين دامج مجابلة المزرعه


حطيلي فيرتلايزر أهووووووووو


@:

lawyer said...

نووووووون

شنو فيرتلايزر هذي الي ماااااااااني عارفتها كلششششششششش

haifa said...

ماتشوفييييييييييين شر
وتقومين بالسلامة انشالله

بس نصيحة طرشي اي احد اييبلج روايات عبدة خال
اي شي لعبدة خال روعة
الطين
فسوق
نباح
الموت يمر من هنا
الخ

ودامج تحبين تركي الحمد فبتعشقين عبدة خال صج بيدخلج جو ويشوقج ويشدج وهذا الشي الي انتاي محتاجة له بسبب الملل والحبسة

صبا said...

ألف لاباس عليج يا فطيم

حبيبتي انتي
:**


لا تحاتين دام انج ماخذه كل احتياطاتج
اهم شي الراحه والعلاج لا تطوفين حبه

وما تشوفين شر يالغاليه




والله انا شاكه بهالمزرعه عسى بس ما فيها خنازير ...هديهم على الاعداء كثري من الجوري الاحمر والمشموم والقرنفل



الا كندا لا تهاجرين
برررررررد صقعه وما فيج شده
:(

الخال من بعضه
!!

اسم الله عليج الله يحفظج يارب
وطمنينا عليج كل شوي بدش اجيك بالردود

:****

نون النساء said...

سماد سماد


بس لازم تدشين مزرعتي
اذا طلعلج طبعا

:P~

محـــــارة said...

سلامات يالغاليه آلف لابأس عليج .. ماكو إلا العافيه بعون الله بس أنتي توكلي على ربج وأدعي وأقري والمرض مو لي هالدرجه خطير بس تهويل إعلامي لأغراض تجاريه وسياسيه

شروا المصل ويبون يخرعون البشر عشان يفتكون من 3 مليارات الي شروا فيها هالدواء وماتحاسب الصحة

عموما المهم عندنا سلامتج آمني بربج وتوكلي عليه وابن آدم ماراح يموت إلا بيومه هالمرض حاله حال أي مرض ثاني قاوميه بالدعاء والأدويه وفتنمين سي وتعقيم بالصابون والماي

بهالفتره أقري إذا تحبين تقرين خمي مسحي بهالدار سوي أي شيء يسيلج داخلها يبلج ألعاب يهال تركيبه أي شيء يقزر الوقت بدون مايأخذ جهد منج .. طاعي توم & جيري راح تضحكين وتنسين وتتسلين صدقين الأمور الاتفهه أهي الي تغير مودنا لأن تعقدنا من هالمخ ةمن كثر مايحلل ويفكر

بلأخر أحنا كلنا لج وصوبج وبعون الله بالقريب العاجل راح اطمنينا عن سلامتج حافظج الرحمن وبليز لاتغيبين طمنين عنج كل يوم

سلام وبأمانة الي ماتنام عينه

daggero said...

لوير سلامات


تدرين أنتى لازم تشوفين الجانب الأيجابى للمرض

يعنى لبنت أمورة فى عمر الزواج مثلك راح تكون ميزة أضافية

الأهل الحين يقدرون يقولون للى يسائلون عنج

ترا بنتا ماراح يجيها السواينفلو أبد لان عندها مناعة


سلامات مرة ثانية

وماتشوفين شر

aL-NooR . said...

يا حبيبتي :*
ما تشوفيـــــــن شر عادي انتي قدها ..وايج ناس صارت فيهم ..امس كان عندي حفلة ووحدة ادري انا فيها سواين فلو ..و ما وعيت الا ياية ..انصدمت ..حفت علي و على هالابني ..باجر يرفعون علي قضية مو وقته
;p
جان تقول لا لا مسوية تحليل قبل لا اتيي انها ماكو فيها شي و صارت زينة

بس ويوه الاوادم لما دشت فلم ..لانهم يدرون انها ماراح اتيي وانها مرضة
محد سلم عليها

;p
و يخزوني

ما تشوفين شر
و بشرينا عنج ..كتبي كل ابديت
ترى نحاتيج سويتي :*

**********************8
*********************

Nikon 8 said...

عزيزتي لوير
والله كسرتي خاطري
وقاعدة أفكر إشلون نساعدج بالعزل
معرض الكتاب فاتح إذا تبين أي كتاب علميني وأنا أجيبه لج
وإذا كنتي من محبي المسلسلات التركية مثلي
فعندي فلاش مسجل عليه جميع حلقات الجزء الثاني من مسلسل ويبقي الحب
أحداث المسلسل صايره وايد تشوق وخبرج ما فيني صبر
لازم أعرف شنو بيصير
:)
إذا موافقة على الإقتراحات شوفي طريقة التسليم اللي تناسبج
كلش كلش أطرشهم مع التاكسي
ما يدري عنج فيج فلونزا الخنازير
لووووووول
عموما راح تفتكين منها ويبقى الدور علينا اليوم الجرايد بشرونا كلنا بتحوشنا
ما تشوفين شر يا الغالية
:)
ناطرة الرد

SHOOSH said...

سلامــــــــــــات

:)

إسأل مجرب و لا تسأل طبيب

:)

ما عليج شر

آنا خذيت تقريبا 8 آيــام يالله شوي قدرت أصحصح

امشي عالعلاج و اخذي باندول أو أولفن للحراره

و عالحكره عادي

آنا ما طلعت من داري كلش

حتى صينية الأكل يحطونها عند الباب و يدزونها تحت

وخري عن الشاشه

آنا كانت تصدع راسي أكثر من الصداع اللي فيني

آنا أقول سوي نفس ما آنا سويت

فجي كبتج

و قطي الهدوم اللي ما تبينها

سوي جرد

:)

عــــــابره said...

ماتشوفين شر ان شاء الله ماجورة

وتقومين بالسلامة

MeSsY said...

لاباسِ يالمحبوب روحي تفـدَّاك
لاباس يامضنون عينـي حبيبـي
ياعلِّ ربَّي ياهوى البـال ياقـاك
مِن كلِّ شر وكلِّ جرحٍ عطيـبِ
ياليتني خذت المرض عنك ماجاك
وتصير من بدَّ الخلايـق طبيبـي
تـرى حياتـي ماتِهنَّـى بليـاك
ليتك دوامٍ عِندِ عينـي قريـبِ
ياليتني نِسمة صباحٍ بـدنيـاك
ألثم جبينك عقب طول المغيـبِ
أو ليتني طيفٍ يزورك بـممساك
وأشاهِدك وأقول يانفس طيبـي
بالحيل أحبَّك وأعشقك وأتمنَّاك
يشهد على ما أقول دمعٍ سكيبِ
أنا دخيلك لاتطـوَّل بفرقـاك
رد لعيوني نومها الَّلـي حريـبِ

http://abdu-music.org/original/full/CD522-Shift_Khelli/real/04-La_Bas.rm

إيكاروس said...

ما تشوفين شر ان شاء الله


بس ..لا يكون مربية خنازيز
في المزرعة

:)


اقترح عليج
تسوين مثل ما سوى
سامي جابر
لما صار فيه نفس المرض



حجزله اكشخ فندق بالمملكة السعودية

واكل.. شارب ..نايم
معزز مكرم
مع خدمة فايف ستار

وعازل نفسه عن العالم

Barlamany said...

ان شاء الله أحسن؟؟

|:| DUBAI |:| said...

والله فطيم شر البلية ما يضحك

الله يقومج بالسلامة

و يعافيج من كل مكروه

هلا هلا بعمرج

سمعي شوري

سيري المباركية

و عليج بالبصل الابيض

و خبز وقافي

و كباب خصوصي

و يفج عنج المرض

خخخخ

بعد جبدي .. ريحي

و ان شاء الله خير

: )

ARTFUL said...

سلامات ما تشوفين شر


يقولون البلوق يعادي


يالله نشوفج على خير


بندعيلج لا تحاتييين

;p

ما عليج الا العافيه شلونج احسن؟؟

Sweet Revenge said...

حبيبتي ماتشوفين شر
وياربي يشفيج ويعافيج
ماعليج من احد وجابلي روحج
اكو وايد كتب تقدريت تنزلينها من النت
نزليها وعليج فيها
تبين بعد احنا بالشوفة بس قولي لي اي نوع من الكتب تحبين

lawyer said...

نيكووووووون



بعد قلبي مشكوووووره
يابولي امس كل جنطه كومااااااااااار

عشان اتابعها

قااااااااازر الوقت حياتي :**

مشكوووووووووووووووره انا وايد خجلانه منكم











ربعي راح عليكم عقب ما اكتب البوست
لان عندي شويه طااقه بخليها لكتابه البووووووووست

Anonymous said...

لوبر !!
توني اشوف البوست !!
ماتشوفين شر ان شالله، الف ﻻ باس عليج.
شلونج الحين ان شاء الله احسن ؟
طمنينا عليج.