Wednesday, February 15, 2006

ضياع لولو ...الجزء الاول

لولو :الو اخت منيره ..شلونج شخبارج ..بغيت احط موعد لي مكياج عندج ..اي اوكيه ..انا عرووسه الموعد بعد شهرين بالضبط..
مشكوووووره اخت منيره باجر اي الصبح واحط عربون ..ابي تسويلي ميك اب حق التعارف و الخطبه و الملجه و العرس اي اربع مناسبات
مشكووووووووووووره اخت منيره ....
وهذي منيره خلطنا منها .. بقى الحين الشعر ..و المصوره اهم شي .. و الباجي على امي ..
ماما ماما ....ماما ..
ترا حجزت الصالون و حجزت كل شي ...
وبطلع الحين ويا نورا ..تبين شي ..؟
الام: لا سلاماتج بس مو تتأخرين
تركب لولوه سيارت رفيجتها نورا ,,ومندمجين في الاغاني و تتذكر لولو انها مادقت على خطيبها اليوم..
يرن التلفون يرن التلفون محد يرد
تتحلطم ..لولو مدري اشفيه ما يرد شكله نايم من امس ما كلمته ..
ترد لولو البيت بعد ماتخلص مشاويرها ..
الام تبجي في الصاله .. يمااااااا اشفيييييييييييييييييج !!!
لامافيني شي بس تعالي يا لولوه و اشوه انج موجوده يا نورا ..

شوفي يا لولو انا امج و احبج ومحد يحبج كثر اهلج
و الدنيا هذي كل شي فيها قسمه و نصيب
و من شوي دقت ام طلال تقول ماكو نصيب
سألتها شنو السبب ..قالتلي اهم متفاهمين ..!!
لولو تشهق من الخررعه
يما شتقولييييييين ...من صصصصصصصصصجج !! طلال ..انا مستحييييييييييييييل طلال يموت علي
طلااااااااااااااال !!
يما من صجج

تتصل لولو على طلال ما يقارب 10 مرات في الدقيقه الوحده ..
تبجي تصرخ يدخل اخوها في ايده جوازات السفر ..لولوووووووه هااج جوازاتج فكينا ذلفي سافري ماصار عرس!!
يتفاجأ في عيونها و ربكتها وموبايلها و الا تصيح
الاخو يصرررخ شالسالفه !!!
حاجووووني فيكم شي
الام ترد عليه لا ماكو شي !! دقت ام طلال تقول ماكو نصيب !!
الاخ في لحظه وحده ينصدم يحترق يسأل عن السبب و عن اشقاعده تسوي هالمينونه !!
لولوووووووو شتسوين

ادق على طلال !!
شنهوووووووووووو شديقين علين خليه يولي قالج ماكو نصيب !!!
من صصصصصجج انتي

يخمط منها الموبايل
شوفي ما تدقين لو شنو ..فهمتني
ترد تاخذ منه الموبايل ..و تقوله مالك شغل فيني هذا ريلي وانا حره خلك في نفسك بدال ما انت عارف تسوي شي زين فكني من صراخك مو ناقصتك انا
يدخل الابو ..تركض لوولو تضرخ و تبجي يبا طلاااااااااااال راح طلااااااااااال راح
الابو كان يدري في الموضوع ..لانه الام متصله عليه من قبل و مبلغته قبل لاتبلغ البنت
يمسح على راسها و يلمها
الله كريم و عسى ان تكرهواشيئا و اهو خيرا لكم ..
يمسك ايدها و يدخلها الدار و يحاول يهديها و اهي تبجي تبجي ...
تطلب منهم انها تروح دارها تهرب من عفسه البيت تدخل الدال تلاقي رفيجتها نوره تبجي ..
يلمون بعض ..
تواصل لولو الاتصال في طلال
تدز له مسح
بليز طلال انا ما ابي منك شي بس بغيت اعرف شغله وحده الحياه قسمه و نصيب و انا مالي قسمه وياك هذا شي مكتوب بس ابي اكلمك دقيقه ..و سؤال واحد لاني لو ماعرفته الحين بسأل روحي العمر كله
تحاول تدق مرا مرتين الثالثه يرد طلال..
لولو:طلال شالسالفه ؟؟ انا سويت شي انا قلت شي انا يقاطها طلال
انتي مالج شغل بس انا شفت انه احنا لو نفترق الحين وايد احسن خصوصا ان احنا في اول الطريج
و الحمدلله يت على جذي
انا ما اقدر اكمل وياج !!
تقوليه و اهي تبجي
ليش؟؟
يرد عليها حسيت ان احنا ما نصلح حق بعض
تدافع عن نفسها
و ما حسيت الا بعد خمس سنوات
ما حسيت الا لما قربت الملجه !!!
على العموم يا لولة الكلام ما راح يفيد احنا مو يهال و انا اتخذت قراري ووصلج عن طريق الوالده و انتي الله يوفقج
و تسووء حالت لولو يوم بعد يوم
يقترح الاب على الام انها تاخذ لولو في سفره بسيطه حق اي مكان تستانس فيه ..و طلب منها ان تستأذن اهل نورا عشان تاخذهم يميع
وفعلا و تتم السفره بعد سبوعين
و لولو حالتها حاله بس الي مهون عليها انها نوت اتغير جو و تبعد عن حجي الناس ..و تكون مع رفيجتها ..
شوفو يا بنات ترا انا بروح افتح شقتي وبنظفها و بسكن فيها ..وانا ماراح اروح وياكم الفندق ..وفعلا تسكن لولو ونورا في فندق و الام في الشقه ..عشان لولو تغير جو و تشوف الناس
...يدخلون الفندق الساعه 6 في توقيت القاهره
الغرفه مطله على النيل
تشرح الصدر تدخل لولو تاخذ شاور و طول الفتره تحن عليها نورا
نورا: يالله يا لولو خلصي ابي الحمااااام حرام عليج ماسكه نفسي من الصبح يالله بدخل ..
نطري الدنيا مو طايره و اذا بتموتين روحي نزلي حمام اللوبي تحت ..!!!!
تتحلطم نورا ..
تطلع لولو ..و اهي عافسه الحمام بالبخار و المياها ..
انا قررت ..تقول لولو..
يامعوده سوي الي تبينه بس خندش الحمام
..تصرخ لولو من ورا الباب على نورا
انا قررت
ماراح ابجي بعد اليوم
و اني بستانس و اني بغير جوووووووو
و راح تكون هالسفره نقله في حياتي
راح انطلق انطلق و انطلق
راح اسوي كل شي في حياتي ما سويته
و انا من اليووووووووم وحده ثانيه ..
تطلع نورا من الحمام ..
الحمدلله و الشكر صج دخول الحمام مش زي خروجه ..
و اشبتسوين بالله ..؟؟؟
راح افصل ..راح اعطي مخي اجازه وقلبي تقاعد و راح افجررررررر الدنيا..
الخطوه الاولى راح نسهر اليوم لي الصبح ..
ترد نورا يا معوده فيني النوم خليها باجر
اقووووووووووووولج راح نسهر يعني راح نسهر..
و راح اوريج شي ماشفتيه ....
الوووووو رووم سيرفس ...ابي واحد فودكا مستورد مع 3 كولا ...اي ازازه مش كبايه ؟؟
و تسحب لولو فوطه شعرها و تدورها في الهوااااااا
سأنلطق

16 comments:

3ateeja said...

خبله هذي ...افصخت الحيا ...لو كل بنت يصيرلها هالشكل تسوي جذي عيل الدنيا اختربت
لا يكون الدنيا ريال وانا مادري
الله يثبتنا بالعقل يا وخيتي
وتالي شصار عاد
؟؟؟؟؟؟؟؟؟؟

ii said...

نعم؟

Expatriate said...

هذي صج مو صاحية

اتوقع اللي مثلها بالديرة ينعدون على الاصابع

الاء سعود المجيبل said...

الله يعينها...:)

يقولج في ناس اذا صارت لهم صدمات بحياتهم وصدمات قويه يا يعقلون مرة وحده او يختربون مرة وحده...:)

الله يعينها ويهديها...:)

ناطرين التكملة حبي...ويعطيج العافيه...^___*

bo_sale7 said...

نو تعليق !!

lawyer said...

عتيجه
انشاء الله راح اقولج شنو صار

سعلوه..
انشاء الله بتعرفين

اكسبا
كل بنت يهدها واحد من غير سبب لازم تنتقم اذاتها و انوثتها وهذا اكبر سبب يخلي البنت تكلم اكثر من واحد
تلاقيها ماحبت الا واحد و اهي كلمت مليون تبي تترس الفراغ الي خلفه
و موشرط كل بنت بتسافر يمكن بالديره

كويتيا
اي والله الله يثبتنا
انشاء الله نكون من نوعيه الي اذا انقرص مرا يتعلم

بوصالح
انا ادري ليش نو كومنت

cozy said...

3ateeja "el7ayat mo rayal" yazatli :)
she's sooo hart broken !

Anonymous said...

gawach allah 7ajiya :)

tadreen innich rowa2iya momayaza, dayman t5allena mindamjeen bil8i9a o ga3deen 3ala 6araf elkirsy, lich mosta8bal fy halmajal o hathy moo mojamala ;)

bas 3indy so2al ... shino tabeen tgooleen? "yawmiyat shab kuwaiti", "'9aya3 lolo"? antay tabeen tsal6een e'9oo2 3ala '6awaher o mashakil fy el-mojtama3 o t7awleen t7illeenha or simply this is the way you see the world around you?

7af'6ich allah 7abeebty ... big bosa for you all ... on second thought for the ladies only ;p

kuwaite said...

مالنا حجي لين تخلص القصة

بالانتظار

lawyer said...

كوزي
..
اي والله الحياه مو ريال انا دايما اقول حق رفيجاتي المتزوجات هالكلام بس اقوله و انا اكابر عشان ما احس بالنقص
لكن بيني و بينك الحياه مالها طعم من غير الريال
الريال اهو الي يسعد و يكدر
صدقني لا الفلوس و لا السفر و لا العمل و لا الدنيا تسد الفراغ الي يسببه الرجل



الزين كله
شكرا على كلامج الطيب والله
كلامج يطمني
و احس اول مرا احد يفهمني انا فعلا اطتب عشان ابي شغلات وايد في بالي و اقربها اني اكتب عشان اهي ظاهره تحتاج ان نوقف عندها و نحاول حلها

كويت
انشاء الله

طائر بلا وطن said...

لحظة الضعف مصيبة يا لوير مصيبة
و أحلى شي بهالمواقف و احسن حل هو السجادة
و الصلاة والله

ناطرين
:)

Lord Bin Sleet said...

ايوه كملي القصة

lawyer said...

طائر ..لورد بن سليت
انشاء الله

متفرغ said...

ازازة مش كباية..... صج خبلة ناوية على روحها.... صج الموضوع يكدر بس ما ينحل بالازازة :(

lawyer said...

متفرغ
هههههههههههه
موتني من الضحك بتعليقك
...

نوف
اي والله الرجوع لله وهذا سبب تسميتي للقصه ضياع لولو..



جواهر..
لا تضيقين صدرج...

Q8LoVeR said...

حراااااااام لووووووووووووول مسكيينه
عاد ماعندك رقم طلال خندق عليه
قصه صجيه ولا من تأليفج ؟