Saturday, February 18, 2006

ضياع لولو..الجزء الثالث..


لولو .. تسحب حمني يرقص وياها.. يسحبها و يرفض يرقص
يقولها اتركي عنك المسخره و اش الهبال..مالقيتي الا انا ارقص جدام خلق الله..
تضحك عليه لولو ههههههههههه اي هبال عيل انت ياي شرم ليش..؟؟
يرد عليها بندر جايين انشعبن ..!! تعطيه نوره نظره !!مستغربه انها مافهمت ..يقولها بندر بصوت عالي
جايين انشعبن !! احنا في شهر ايش؟؟ شعبان و قدامن ايش رمضان و راح نمسك نفسنا في رمضان و حنا في شهر شعبان عندنا شي اسمه انشعبن ..
عاد انا وخوي الفقير لله دحيم جايين انشعبن في ...!!!
تغمز لولو لنوره ..حركاااااااااااات مو هينين بعد..
تزف لولو ..حمني و بندر ...الحين انتو خربتو علي السالسا و خربتو علي الرقص .. و ماتعرفون شالقراده ..
بسسسسسس خلاص حريتوني كرهتكم..
...
يسحب حمني الكرسي للولو و نورا .. و يقعدون..في قهوه الفيشاوي..تطلبون 4 شاي كشري ..و نورا تبي شيشه ... و تنط لولو انا بعد ابي مثلكم شيشه... يبتسم بندر ..و يطلب حمني من الجرسون 4 شاي كشري و بس !!!
لولو تنادي الجرسون هاييييييييي انت ابي شيشه !!!
يرد عليها حمني
اقووووووووووووووووول اهجدي بس و اتركي عنك شيشه جدام الناس و احنا بزران قدامك
انا نفسي ما شيشت عشان ماتاخذين مني...
خلي لك برستيجك قدام الناس ..
عشان محد يتعرض لك ..
نورا اهني تستاااااانس لانها لقت شخص يرد لولو عن الافكار الجنونيه ..
تقووووووووووول لولو توقف على حيلها ,,
و تقوووووووووله
هييييييييييي انت من صصصصصجك و الا تتغشمر لألألألأ تكفى قولي ان من صجك
انا ابيك تقولي صج ليكوووووووون عبالك اخوي او ابوي و الا ليكووووون عبالك من صج تقولي ما تشربين شيشه ببووووووس ايدك و بقولك تسلملي خايف علي!!!
حمني يتلفت يمين و يسار ..يسحب ايدها .. يساسرها ...تضحك ...
يقوله بندر اشفيها !!
يساسر حمني بندر و يقوله ..مرات الرجال يستلزم عليه انه يقول كلمتين .. للمهابيل الي زيهم .. الي ينقال عنهم حريم..
تبوووووووون تعرفون شنو قال حق لولو خلاها تطخ؟؟ قالها ..ما اقدر اشوفج اتشيشين ما اقاومج!!!
تطلب نورا من لولو انهم يتمشون في الدكاكين الي في الشارع و يدخل بندر مع حمني في نقاش عقيم عن العلمانيه و الشريعه السمحاء ..بندر من الناس الي ينادون في العلمانيه و بتحرر زياده ..
و حمني انسان متحرر هو لنفسه و لكن لا يريد للسعوديه التحرر و لا يريد حقوق المرأه و لا يريد الا شي واحد و اهو انتشار الهيئه ..يتباهى حمني في ان من الافضل للمرأه انها ما تسوق سياره .. و معلل ذلك ان اريح لها لجت تروح السوق يذبها السواق .. من هالكلام
بينما ينادى بندر بضروره اعلان صفارات التحرر .. و الى متى السعوديه منغلقه داخل السعوديه فقط
عبدالرحمن من الناس الي تحب تقرا للدكتور العشماوي و بندر من انصار تركي الحمد..
وغازي القصيبي ...
يرجعون لولو ونورا ,, وكل وحده فيهم مابقى شمطووطه و تي شيرت ما شروها..
تتحلطم نورا..وااااااااااي انتو للحين علمانيه و راس ماليه و اشتراكيه .. بسكم سياسيه بسكم عراق بسكم امريكا و ايران..
يسأل حمني نورا..:تقرين؟؟
ترد نورا ...لا يا امي انا كافي علي المناهج ما صدقت على الله اتخرج ..
خلينا القرايه حق لولو..!
يستغرب بندر ..و يتطنز....اجل ام شوشه ذي تقرا؟؟
و تقرين ايش يا حلوه ... تقرب يمه لولو وتعفس ويها و حركه اطنازه تقوله اقرا ميكي و بطووووووووووط يا عمري..
يسألها حمني بكل جديه ..تقرين يا لولو..
ترد عليه..:اي والله اقرا للكل و احب القراءه مو لشخص معين..ولكن للقراءه بذاتها..احب اقرا ترجمات جرير و احب اقرا كل الكتب الي تتعلق في الماركتين..و الاداره السليمه..
اقرا روايات غازي القصيبي .. احلام مستغانمي فاطمه المنيسي ..محمد شكري..
جبران خليل جبران..و اقرا الكف بعد ههههههههههههههههه
تقول نورا ..على فكره يا جماعه ..انا يوعانه اشرايكم نعزمكم على العشا بما ان مافي ريايل يعزمونه..؟؟
يرد عليها حمني..
طيب خلاص خلينا نرووووح الاوتيل نغير ثيابنا..و نشوفكم بعد ساعتين..او ساعه و نص ..
ترد عليه نورا خلاص ...انشووفكم بعد ساعه و نص احسن ساعتين وايد...عند المسبح ننطركم....
و بطريج الرجعه...يدندن حمني ...للولو..الله يخليك يا اعز انسان ..الله يخليك ياني بولهان ..
تسأله نورا ..منو اغنيته هذي محمد عبده صح..
يرد بندر اي ... بس اسكتي خليه يكملها ..
يرد حمني ... الله لا يقطع الخلفه .. قطعتي حبل افكاري ..انتوو وجهه حد يغنيلكم ..
يرد بندر .. اييييييه شوف كشه العنز و احلب ...قبل لا يكملها تسسسسحب لولو صديقتها نورا...احنا عنز يا تيسسسسسس الفريج..
هييين انا اوريك
عقابا لكم روحو شوفي بنات يسهرون وياكم... مالت مو كفوووووووووو..
ينادي حمني لولو و نوره تعالي يا دبه زعلتي .. يا شيييينك.. صدقتي .. وهو الواحد ما يمزح؟؟
و يسمع صفقه باب الدار ..
يدخلون الثنتين و ميتين من الضحك .....
اتهقين صدقوا ان احنا زعلنا؟؟
مدري بس اشرايج انبدل بسرعه و نطب عليهم....
نشوفهم شيسون في الدار ...
يخلصون بسرعه بسرعه...
ويركضون غرفه بندر وحمني... يلاحظون ان بندر في دار بروحه و حمني برووح ..يدخلون من سور الحديقه ..للبلكونه..وتطل لولو على دار ..تلاقي فيها بندر ...حاط بطاط شبس .. وبيره...و يتكلم في التلفون...
الدار الي يمهم ... يطلون يلاقون صووت برنامج في قناه الجزيره..واصل لي البحر .. و حمني يدخن و مندمج..
يطقووووون باب البالكونه بسرعه يفتح حمني و يأشر لهم سكتو سكتو... مندمج حده !!!!
لولو اتحوس في اغراضه ..تتعبث .. في التسريحه .. تشم العطور.. تلاقي مشط ..تأشر حق نورا و تكلمها بالشاره .. هذي الي اسمها فرشه صح؟؟ و يضحكون ..يرد حمني يخزهم ..و يقولهم شوي بس ..
يمد حمني ايده للولو..يقولها خوذي الموبايل حقي فيه فولدر اسمه رومانسيات خوذي ارسلي لجوالك مسجات .. مرا حلوه حقات بنات..
و يرد يندمج..في البرنامج...يدخل عليهم ..بندر مضايق شوي ..يحاول يخفي ملامحه المعصبه...
يسألهم يقولهم يالله بنات خلونا نطلع دحيم اذا جابل الجزيره ما يقوم ابد و اذا بتستنون مالكم امل في الطلعه...
يقولهم حمني
اي رووحو و اذا خلص البرنامج .. اكلم اشوفكم وينكم فيه ..و اجيكم..
و على انغام السالسا و الاتينو ,, تطامر لول بروحها .. نورا قاعده ويا بندر ..يسألها .. نورا خويتك تحب صح؟؟ تقوله وايد مو شويه ...و تصرفاتها ذي حقيقه .. و الا رده فعل ..؟؟
تقوله اهي توها فاله خطبتها من بعد خمس سنوات علاقه حب جنونيه ...تموت عليه وايد وايد و تسامحه وايد كان يخونها و مسبب لها عقده يخونها مع بنات وايد متحررات و فري ..فنوعا ما تبي تنتقم من نفسها ..تبي تعيش جو هالبنات تبي وايد اشياء بس متعبتها...
و ليه متعبتها..؟؟يسأل بندر
ترد عليه نورا ..لانها طول الليل تبجي لي يومنا هذا..لا تطالع ضحكتها ترا اهي تخفي هموم وايد...
يرد بندر اي والله اني حاس فيها من شفت قلت البنت ذي فيها شي
و قلت لدحيم تراها فيها شي ..قالي لا ياشيخ الكويتيات هم كذا مسترجات مره ..الجلسه معهم فله حجاااج ..
انتي عارفه يا نوره و اش الفرق الي بيني و بين دحيم ..اناا من اسره متحرره فكريا قبل اجتماعيا .. ودحيم من اسره نجديه ..قح صحيح هم ناس كاش ... بس مش منفتحين ابد و لا عمره راح يفهم وجهه نظر التحرير و الانفتاح..انتي عارفه ان خواته لجو يسافرون في الصيف ما يكشفون وجههم بعكس خواتي يطلعون سفور كذا زيك...لكن امي تلبس تايور مدري تايير مدري و اش اتسمونه و ومسفع..
اترد عليه نورا ..اها غريبه..
ينظم لهم حمني على اخر السهره..
و يتعشى ..و يرجعون الفندق ...
قبل لا يدخلون لولو و نورا الغرفه ..يخططون عند الباب ان من باجر الصبح راح يقومون يكونون الساعه 10 في البحر ..و فعلا من الساعه10 .. البنات في البحر ..و ما يقومون حمني و بندر الا الساعه 2 الظهر...
تصرررررخ لولو من البحر ..حمني ..حمني ....تعااااااااااااااااااااال كاني ....تزعج كل الاجانب الي في البيتش يتشمسون بصراخها و اهي تنادي....نورا في البحر تسبح على ظهرها و تتامل السما
يطلعون من البحر ..تحلف لولو على حمني انه يركبها باراشوت ...
بلييييييييييييز حمني خنسوي براشووتينج بلييييييييييييييييييييز..
يموت ضحك بندر من طلب ..لولو ..مالقيتي الا حمني يركب براشوت...!!
ليششششششششششششششششششششش ؟؟ تستغرب لولو..فيه فوبيا المرتفعات !!!
يقولها حمني ..مش فوبيا و بس الا ازود
...يطمن بندر لولو و يقولها انا بركب معك...
يالله و لا تزعلين...
لولو وبندر في البراشوتينج و نورا منسدحه في البحر ..يمرون عليها صراااااخ لولو شايب شرم الشيخ كلها...
واي بندر الحقني بطيرررررررر بطيررررررررررر
بموووووووووووووت من الوناااااااااسه بطير...
وبعد مغامره البراشوتيج يغسلون ويبدلون و يتغدون و على المغربيات يركبون بقيات ((دبابات )) للناطقين باللغه السعوديه..
و يسهرون سهره بدويه في الليل و يرقصون ويستانسوون في البر ... بندر و حمني .. و لولو نورا يصفقون ..و فجأه اتيي مسج حق بندر تعكر مزاجه ..و يسرح..
ياخذ منه الموبايل حمني ..و يسوي نفسه بيشوف الساعه ... يدق على اخر رقم ,,ويفتح الخط شوي و يتعمد يكلم البنات و يسكره وبعدا يسكر الموبايل..
بسرعه يرد الموبايل .. وبحركه عفويه ..يمسك حمني ايد لولو و يقولهم عن اذنكم ... ابيها شوي..
لولو ,,, ابيك تكلمين نورا انها ما تحط امال على بندر عشان ما تنجرح او تعشم نفسها او تظن انه مستلطفها ..تراه و لا جمبها..
تستغرب لولو ..و تقوله ليش تعتقد ان احنا نفكر انكم تبون تتعرفون..علينا او بنحب بعض او حتى اي شي ...يقولها ,, بقولك على سر..
ترا بندر متزوج و عنده اولاد و يموت في شي اسمه زوجته ..و انا جايبه غصب اهني .. مرته انسانه شايفه حالها مسويه لنفسها برستيج من ولا شي ,,, لاجت تسافر في الصيف تروح لحالها و لا جت الرياض ما تدري عنه هي دايقمته ,, ماسكه عليه انه يحبها و مستغليته
انتي ما تدرين و اش هي زوجت بندر .... قويه مرا و اهو ضعيف جدامها لانه يحبه
عارفه اشلون انا ابي يحرق قلبها
انا الي اسويه فيه عشانه اهو لانه خويي و لا ابيها تضحك عليه الناس ..
انا اتصلت فيها من جواله و سمعتها صوت الضحك و الموسيقى و الحريم و فتحت الخط سمعتها ثم قفلت
ابي احرقها عليه شوي عشان تصحى
تششششششششششهق لولو و انت شكو فيه اشعليك منه دام اهو راضي بيكفه
يرد و يدافع اهو مو راضي بس اهو يحبها ..
حمني لا تخرررررررررررب بيوت ..!!
لا تخافين ما يخرب بيتهم انا عارف و اش اسوي
بسسسسسسسسسس انتي فهمي نورا لا تظن اي شي فيه
..ترد عليه تطمن نورا ما تبيه اصلا اهي مستانسه عشان احنا كابلز رجه على قولتكم
يرجعون..الفندق
و ينامون و من باجر الصبح يقوم حمني يتريق ويا البنات برووحه و يسبح وياهم شوي ...وبعدها ..يتفق حمني ان بيرجع القاهره ..ويا البنات و بندر راح ياخذ الطياره لجده ...ويرجع
يسلم عليهم بالمطار ...
و يقولهم فرصه سعيده اني تعرفت عليكم ...
استروا على ما واجهتوو,,وحللونا
حمني يرجع معاهم القاهره...
يسكن في نفس الفندق معاهم..
تربطه علاقه مع لولو ..يبدا يحبها بطريقه عجيبه و سريعه..
يحن عليها .. يعوضها بحنانه و حبه و بطريقته الرجوليه
ابدا ماكان فيه طيش الشباب يحاول يغير من شخصيتها وايد ..
يتقبلها في كل عيوبها ..
يحن عليها يعطف عليها
يفاجها بين فتره و فتره انه اهو في مطار الكويت
يعرفها على اهله .. و تربطها علاقه عجيبه مع امه
يسألها لما يا عندها اخر مرا الكويت ..
لولو تتزوجيني ؟؟
تستغرب من الطلب..
صاعقه مفاجئ
ترد عليه ..من صجك ؟؟
اي والله و انا عند ربي صادق تتزوجيني؟؟
ترد عليه مدري بس انت صدمتني
عطني فتره افكر و اعطيك الجواب بعد ما اقرر
توازن لولو بين حياتها في الكويت و هل تقدر انها تستقر في الرياض ؟؟
و هل تقدر تتعايش مع فكره الحياه هناك
تدق عليه لولو..
حمني انا قررت..
ما اقدر اخلي امي و ابوي و اهلي و دراستي و شغلي ..و ايي اعيش في الرياض ..بدون شغل بدون حيات
انت في الرياض تشتغل من الساعه 8 الصبح لي الساعه 5 العصر وبعدين عندك عملك الخاص ,,و مصالحك و انا لا وظيفه لا اهل لا ناس و لا حيات
شغلتي الوحيده اني انطرك لين اتتي
انت فعلا رجل حياتي
و لكن الظروف ما اجمعتنا صح
انت لو تقدر تعيش في الكويت جان خذيتك و لا انا ابي اكون زوجه في الكويت و انت في الرياض..
اسفه حمني
يمكن ما حبيتك بدرجه التضحيه بس اكيد انت شي كبير بحاتي .. و عوضتني و رديت الثقه لنفسي ..و رديت ثقتي بالرياييل..
بس زواج و استقرار برا الكويت ما اقدر و بعيد عن اهلي ما اقدر..
و تستمر الحياه ...
ليس كل ما يتمناه المرأ يدركه ..
تفضلو بقبول القصه بكل ما فيها من اخطاء املائيه

32 comments:

Яeema said...

nice ending , and not happylee ever after :(


allah ya36eech el9e77a wel3afya 7abebty :)


mashroo3 kateeba ;)

Яeema said...

what happends to the rest?

neseeet as2elich

lawyer said...

الله يعافييييج انا ماحبيت تكون نهايه افلام هنديه
حبيتها تكون جدا واقيعيه لان هذي الحياه

Lord Bin Sleet said...

اهنيك هذا الجزء متعوب عليه بقوة
شي مميز وقصة رائعة

bo_sale7 said...

مشروع كاتبة ....بس الله يعينج على النقد

ii said...

والله انتي غطيتي على رجاء الصانع
المفروض تكتبين روايه تسمينها بنات الكويت
:P

الله يعطيك العافيه
من جد روايتك حلوه نبي وحده ثانيه

meo said...

تسلم ايدج

جميلة

lawyer said...

عزيزي لورد بن فليت :
ماقصرت ..و اكيد انها لامست اي شاب يسافر و يصادف بنات مو بشرط يسمع و يمكن شاف جدام عينه...
شغلات وايد اكثر من الي قلته ..

lawyer said...

اختي نوف
اهي فيها شي من الواقع و شي من الخيال
اي بنت في هالدنيا تتعرف على شاب او تسافر تصادف شباب .. و يكون بينهم لقاء صيفي مثل ما يقولون
احداثها خياليه نوعا ما
ولكن قصه الحب الي فيها واقعيه بالرغم من اختلاف الزمان و المكان

lawyer said...

بوصلوح
شكرا بس انا طالما نشرت فاتحمل الي ايني و انا كلي اعتزاز باي نقد و حياهم الله

lawyer said...

سعلوه
رجااء الصانع اكتب واقع و انا كتبت واقع مر ..
في فرق ما بين الواقع الطبيعي و الامر

تصدقين ان ريمااا قالتلي يبيييلج تكتبين روايه عن بنات الكويت
بسسسسسس تبين الصج راح اظلم بنات الكويت
لان هذي القصه يمكن ما تمثل الا فئه قليله
الحمدلله بناتنا مو لهدرجه بالعكس بناتنا اكثر ناس يتمسكون في ربهم وقت الازمات
يكونون راهبات

lawyer said...

meo
الله يسلمك ..من ذووووقك والله بس

Diver said...

ما أقدر اقول الا انج تفوقتاي على نفسج
قصة جميلة بسرد و تواصل جميل يحس القارئ انها ممكن تحصل في حياتة من البصاطة بالطرح و عدم التعقيد نفس الروائيين مالوت هالايام
يعني اسلوبج السهل الممتنع
اتمنى اني اقرا مثل هالقصة اكثر و اكثر و ان شاء الله منها لعلى

Anonymous said...

تابعتها للنهاية

ألحين أعرف مشروع كاتبتين كويتيتين


و الجميل في القصة الجرأة في نوعية المواضيع
إلى يرفض مجتمعنا قرائتها على الورق
بينما هي حديث المجالس و أشرطة المحاضرات

قواج الله

و تحياتي لج

lawyer said...

عزيزي دايفر
انت كنت من اكثر الناس الي شجعوني
ما قصرت وايد ... يمكن كلمات بسيطه بس تكون مؤثره

lawyer said...

بن علي
حياااك الله تشرفنا فيك
ويسعدني اشوفك اتابع القصه
ما اظن اني اوطل لدرجه كاتبه ولكن شي بسيط من الهموم تكتب ..
اي وايد طرحي جري اقوشك شي ما تصدقه
خليت امي تقراها.. قال كلش ما عجبها الي كتبته و زفتني على المشروب..و المسخره و الرقص و شالمستوى لكن الغريب انها اسألتني عن الجزء الثالث اذا خلص او لألألأ
هل احنا مناقظين نفسنا
مدري
لكن الاخ بوصالح
فسرلي هالشي
قالي كل شخص له وضعه الخارجي و خصوصيه في حياتها يسوي فيها الي يبي من غير ما يضر غيره
و كانت خصوصتي اهي الكتابه ..
اتمنى انكم استمتعوا فيها ..

lawyer said...

بن علي سامحني تعليقي كلا اغلاط ....

اقوشك:اقولك
اوطل :اوصل
قال: قالت

سامحني هذا دليل ان ابله الاملااااااء كانت ما تدري عني

الاء سعود المجيبل said...

يا ليتها تزوجت السعودي..:)

يعطيج العافيه...:)

lawyer said...

كويتيا كل شي قسمه و نصيييب
مو نصيبها

طائر بلا وطن said...

مساء الخير

أدري حدي متأخر بس كنت مشغول شوي

قريت الجزء الثاني و الثالث و بصراحة السرد
عجيب و مفصل من غير ما يحسسنا بملل

عندج ملكة واضحة في القدرة على صياغة السيناريو و ترتيب الأحداث

انتهت القصة هني في المدونة لكنها بالواقع
مفتوحة

و محد يقدر يضمن ان لولو تعلمت من الدرس
أحس جذي .. و جايز يكون احساسي غلط
و انشالله غلط
:)

سلام

lawyer said...

حياك الله طائر بلا وطن
بيتك و مكانك في كل وقت مو متأخر
شكرا وايد على كلامك و شعورك الطيب بس لو انا بقرا الجزء الثاني و الثالث راح امل
ماشاء الله عليك

لكل حصان كبوه يا طائر و انشاء اله تعلمت لولو او بالحرى تعلمت كل بنت مرت في نفس ظروف لولو

lulu said...

مشكوره وماقصرتى القصه صج حلوه وايد اعجبتنى يعطيج العافيه

متفرغ said...

قصة حلوة و اسلوبج في الكتابة حلو و بسيط .... يعطيج العافية :)

3ateeja said...

ما شا الله عندج اسلوب اختصار عجيب غريب ...يعني تصلحين لنشرة الاخبار والله
عساج تضحكين بالينه >> على سليمه تصكها ..........
لكن معرفة بندر لولو انها مجروحه كان نابع من احساس مشترك بيناتهم ....كأن هالقصه صجيه والله
...........................
ومبين ولا تقولين ام مضحي اتدخل في خصوصياتي ان عندج اهل بالسعوديه او عندج ربع وايد سعوديين لأن نص الحجي اللي قلتيه ما فهمته تصلحين مترجم لهجات ........................
بس حمدالله ترى لولو ما ضاعت يعني اللي صارلها بمصر صحيح انها ارتكبت اغلاط وايده لكن ردها لصوابها نوعا ما شوفي مع العلم انه حمني شافها وهي في قمة خرابيطها مع انها مو راعيه خرابيط الا انه اصر على الارتباط فيها يعني حاليا لو يتقد ريال سنع للولو تقدر توافق عليه ولله الحمد ......................
خليني اقولج شغله حلوه سويتيها ..ما بني على باطل فهو باطل صبرها التافه والبايخ والغير ناضج على طلال ..خلاه يشوفها تحت ريله ..والريال ما تقوله المره احبك الا مره وحده بالشهر ..هذا بالكثير اي انها ما ما تعطيه كل حبها ..
الود ودي اني احكر هذا اطليل بزاويه واعطيه ذاك الراشدي اللي يرنجف مخه باط جبديييييي
..........................
هذا القصه مو صج وجذي الله يعين لو صج جان لبسته قضيه
اي والله يحسبون بنات الناس لعبه
اشاره اخيره :اي كلام يوجه للقصه نفسها معناته كلام لج لأنج انتي اللي كاتبته ويدل على المتابعه منا وتشوقنا لرؤية البقيه يا وخيتي

Anonymous said...

تسمعيني وأناأصفق؟

lawyer said...

Lu Lu
حيااااااااااااج الله عمري تو ما نور المكان

lawyer said...

متفرغ ما قصرت
يبيلي اكتب عن لندن صصصصصح و الله بلاااااش

Tamer Nabil Moussa said...

كلام اكثر من رائع مكتوب بطريقة ادبية جميلة تسلمى عليها نتظر جديدك وشكر على الموضوع الاكثر من رائع

lawyer said...

عتيجه
اشكرررررررررج من كل قلبي على الكلام الطيب
و على طاري السؤال
انا عندي اهل و عندي رفيجات
بس ما الي احتكاك في الاهل بسسسس صديقاتي وايد علاقتي قويه وياهم

اي والله كلامج عدل
اي حيييلج في طلال عندج ايااااااه
هههههههههههههه
تسلمين عمري على مشاعرج الطيبه

lawyer said...

الزين
وااااااااااااااااي بردتي قلبي حياتي
شكراااااااااااااا

جوووزه
الله يسلم قلبج حبي

غريب said...

شي عجيب عجبني أسلوبك

lawyer said...

غريب
حياك الله نورت
و مشكوووور والله من ذووقك ..