Thursday, March 09, 2006

شكرا

شكرا مشاري و شكرا ريما وايد على مساعدتكم لي
لولاج يا ريما ما كنت ادري شنو بسوي و شنو بيصير فيني
شكرا لك مشاري
من لا يشكر الناس لا يشكر الله
احبكم اصدقائي و كل من وقف وياي في مشكلتي
احبكم فوق ما تتصورون
اخوي قلم جاف انطر مني ايميل جديد اعطيك تفاصيل فيه
انا ما اقول الا الله يهني اهلج فيج يا ريما
امج عرفت تربي صح
و انت يا مشاري عسى الله يوفقك و يبعد عنك اعيال الحرام

13 comments:

Anonymous said...

عفوا :)

و لو أنه اسمي مب مكتوب
بس معاليه اعتبرت نفسي وياهم :)

حشرة مع ناس عيد:P

lawyer said...

هههههههههه
حياك الله يا بن علي
انا شكرتك
و قلت شكرا لكم كل الي احبهم كا ربعي و اصدقائي اسمك معانا لا تخاف

انت دخلت السحب

Diver said...

شالسافة انا خبري علقت على النكتة
صار هواش و بجي
الواحد لازم ما يغط عنكم
المهم ترى احنا بالشوفه و تحت الأمر و بين الأيادي نوقف معاج للآخر ولي ما يوقف مع الناس ما فيه بركة
على فكرة ترى انا مو قاعد اظبط:) (قشمرة علشان يحترون الي خبرج) انا متزوج و مرتاح و سعيد و عندي ولد بالدنيا و الحمد لله من قبل و من بعد
و اخيرا يا طويلة العمر أقولج ألا بذكر الله تطمئن القلوب

Яeema said...

العفو بس أمبيييييييه
ليييييش كل هذا

و إنتي ماكو شي ما ينقال اهنيه

أحبك في الله

و أحب مشاري في الله بعد

بعض الأحيان الكلمات لا تعبر مافي داخل القلب من معزة و إحترام


الله يخليكم يا رب

مشاري أنا بشكرك بعد
لأنا خذينا من وقتك

الله يخليلك مرتك و إعيالك يا رب


أقول ما أحب أعبر جدام الناس
بس جنا قلبتي مدونتج الحسين
هاهاهاهاهاهاها

ما أعرف الجد بهالمواقف
إتبجيني

Яeema said...

diver :
إنت خوفك من المتزوج
هاهاهاهاهاها

Anonymous said...

حظنا ردي
ما نفوز

لو اسمي كومار
جان فزت بسيارتين لكزس

و كليو غرام ذهب

و لو اسمي حنفي جان فزت بثلاجة و مكيف طن و نص

و لو اسمي فتحية جان فزت بساعة ذهب

و لو اسمي...و لا بلاش
ما بحصل شي ملوية

Diver said...

ريما حرام عليج
اذا على جذي بعد الواحد خوفة من المتزوجات و الا بهاذي ماكو مساواة المساواة بس في الحقوق السياسية

طائر بلا وطن said...

لووووووووول

الله يغربل بليسج

فلم هندي
:)

بن علي
:

يشهد الله اني احترمك و اقدرك
و ادري انك كبير و عقلك كبير

لوير
:
تدرين الطلعة كلها تكنسلت
شايفة الجو
بدال ستار بكس و الهوت موكا
و الستيك و النودلز
و أضواء المارينا و امواج شرق
قزرناها صح بسوق الديرة
بين الخام و المسابيح
و الفلافل و السمبوسة
و الحليب و الشاي المخدر
:)

المهم اني استانست .. مع تمنياتي بالوناسة للجميع

سلام

Unknown said...

اول شى انا زعلان منج لوير لان عمرى ما سويت شى وانطر شكر وهالشى من اخلاقى والحمدالله اتوقع الحين عرفتينى عدل وتخف النجرة اللى بينى وبينج
مشكلتى اعرفها عدل ان الناس دايما فاهمتنى غلط وان رايى صريح جدا جدا وهالشى الناس ادرى ما تحبه بس عندى قناعة اذا مقتنع بالشى ان يرضى ربي ويرضى قناعتى اقوله حتى لو جدام صباح الاحمد
نادية:حبيت ارد عليج اهنيه مشكورة على تعلقيج فى بوست ريما بس انتى ما تعرفينى علشان تقعدين تشوتين اوت جنج فايز الفليج لاعب العربى السكة اللى قول على نفسه

متفرغ said...

الحمد لله على السلامة :)احلى شي ان الواحد يختلف مع الثاني وللحين يحترمه و يقدره و ما تنقلب السالفة و تصير مثل بعض القنوات اثنين مختلفين ايبونهم و يتذابحون و يتهاوشون مع بعض جدام الله و خلقه و الله اعلم شيصير من بعد المقابلة من طق و هواش:)

qalm-jaf said...

الحمدالله على السلامه
.
.
.
.
.احب القمر حيث القمر ينبعث به نور
وأخص الليالي البيض تزهاه ويزهنه
.
.
وأحب الهوى لاهب من خايع ممطور
وريح النفل حيث النفل طيًب الخنًه
.
.
وأحب الجماله والجماله عمل مبرور
وأحب الغناه وعز نفسي عن المنًه
.
.
وأحب الصراحه والصراحه بها مسرور
حيث ان الصراحه تقطع الشك والظنُه
.
.
وأحب الكريم اللي يفرج عن المعسور
اليا من عطا حتى هله ما دورا عنًه
.
.
وأحب الرجال العارفه وأكره المغرور
من أغتر فى بعض المظاهر يغرًنًه
.
.
.

lawyer said...

دايفر

عسى الله يسعدك يا رب

ريما
بعد عمري بس خلاص ترا بجيت بما فيه الكفايه



بن علي
الحال من بعضه

ناديه

افا علييج بعد عمري انتي
بس فهمتج شنو الموضوع


طائر
والله الديره و السمبوسه و المباركيه و الرهش و هالسوالف اونسسس
انا اموت على الطاعات الخفيفه الي البس فيهم تريننج

الله يا انا امووووووووووووووت على التخلقن


اس اس

ما قصرت
اميييييييييييييييييين
الله لا يحرمنا من كلامك الطيب

مشاري
اذا انا اشكرك
مو معناتها ما اناجرك
اصلا المناجر ويك اهو بهارات البلووج

سوري سامحني ما راح ابطل نجره
و بعدين لازم انشوف موضوع انتهاوش عليه

متفرغ
الله يسلمك و يخليييييك يا رب


قلم جاف
يغرنه
اي والله يغرنه

Lord Bin Sleet said...

اقوووووووووووووووول
وش السالفة؟