من الدريشه

من الدريشه نطل عليكم اليوم

تعبانين ...سهرانين ... عسفه امس و لويه امس في الدوائر متعبه جدا جدا

..شفنا شغلات غريبه و تصرفات من الناس غريبه

استذباح على الكرسي غير طبيعي

....

خلونا من امس

علينا من اليوم و النتايج

بعد ما طلينا من الدريشه

خيبه امل كبيره لجاسم الخرافي

ماكان يبي احد من الاسره يهنيه الا بعد ما تطلع النتايج النهائيه

لانه ما يحسب حساب الفوز يحسب حساب الرئاسه

الحسبه تغيرت الحين

صالح الفضاله و مشاري العنجري

و احمد السعدون و يمكن الخرافي للرئاسه

يعني لازم الي يفوز يحصل على الثلثين

و بعدها تجنيب الرابع و الثالث

و تكون بين الاول و الثاني

الحكومه في مأزق

محكوره شوي

من وين اتييب

هل راح تلعب مع الجدد في شرائهم؟؟

يمدي؟؟

او انها ماراح تعادي احمد السعدون من الحين

لانها ما تبي تخسره

مجلس ملئ بالمفاجآت

بالامس كنا ننتظر النتايج

اليوم ننتظر نتيجه رئاسه المجلس

في الاخير

احب ابارك لكل من من فاز بالاستثناء جمال العمر و خلف دميثير

و الخرينيج

بكييييييفي ما ابي اباركلكم

و حسافه يالنيباري حساااااااافه

حسافه على باسل الراشد

من الدريشه

حرام حرام حرام

يخسر جمال العمر في العديليه و السره

و يطلع بصعود صاروخي في الجابريه

من الدريشه

%33

نسبه مشاركه المرأه في الانتخابات

نسبه مخيبه للامل بصراحه

اشكر خواتي و اخواني الي امس بالليل يننتهم في الاتصالات لمعرفه النتايج من الداخل

شكرا لكم يا الداخيله على الاسلكي التعبان الي كل شوي يقوولنا تصحيح

و تصحيح

ذبحنا الداخيله لعب في اعصابنا

اتمنى لكم عطله نهايه اسبوع ممتعه

انا عن نفسي برتاح طول اليوم

جهازي مسكر

اذا صار بالليل بروح سبا تايم

مساااااااااااااااااااااااج

من بعد هالتعب

شكر خاص لكل البلوجرز

الي عرفنا معدنهم الذهب و الطيب في الازمه الي فاتت

وأشكر كل اخواني و خواتي البلوجرز الي تعرفت عليهم

و الي تشرفت في التعارف عليهم

و متابعه كل الاخبار معاهم

بلييييييييييز اخواني و خواتي خلاص الحين برجع لتقوقعي محد يعرفني

ههههههههههههههه

ااذا احد سألكم قولو ماندري عنها

;)

احبكم

اليك يا حبيبتي الكويت...

بدا العد التنازلي

باقي ساعات قليله

فكروا عدل

راجعوا نفسكم

حاسبوها عدل

رحجو العقل

تركوا العواطف على كتر

خلو عنكم المصالح الشخصيه

و المحسوبيات

تركوا عنكم الطائفيه

و الاحزاب

الحين يوم العقل

احنا في مرحله صعبه نحتاج رجال مواقف

و ليس رجال خدمات و علاقات

نحتاج فكر سياسي صح

دورك اياها الاب:

انصح اعيالك و انت اتسلمهم الجنسيه

طول عمرك نصوح لابنائك

مثل ما خفت عليهم و تعبت في تربيتهم

علمهم يخافون على الكويت صح

دورك ايها الرجل :

قبل ان اذكرك بدورك ايها الرجل

اريد اشكرك في وقفتك معانا

لولاك ايها الرجل ماكنا اليوم نحن النساء نمارس هذا الحق

مثل ما وقفت معانا وقفه رجل

اوقف مع نفسك اليوم

الورقه في ايدك الحين

لا تلوم المجالس السابقه لوم نفسك لان باختيارك يحدد المجلس

لا تسوي شي تندم عليه بعدين

دورج يا امي :

الى كل ام خافت الله في اعيالها

ربتهم و كبرتهم عشان يكونون رجال لهذا البلد نصحيهم

شوري عليهم بمخافه الله

و نصحي بناتج ترا كلمتج يا امي لها اثر كبير

الى اختي و اخوي الكويتي

الله الله في ضميركم

الله الله في اختياراتكم

نبي مجلس يعين

نبي رجال يوقفون شوكه بعظم الفساد

فكروا صح

راجعوا نسفكم

رساله الى اخ و اخت

بتهاون في استعمال حقه

متنازل عن صوته بحجه ان ماله خلق

او ان مافي احد يستاهل

او محد بيفيده

اقولهم صوتكم هذا مو للشخص

صوتكم هذا لبلدكم

صوتكم هذا لنفسكم

لمصلحتكم

الكويت عطت الكثير

ماتبي شي منكم

تبي وقفتكم كلكم في هذا اليوم

يالكويتين الي حافظتوا على البلد في الغزوا

و مابعد الغزوا

اتى يومكم

اتى دوركم

عسى الله يوفق كل شخص في مصلحه للكويت

عسى الله يحبط كل اعمال الفساد و المفسدين

اشكركم اخواني

خواتي

امهاتنا

جداتنا

و اشكر لكل شخص اخلص النيه لله

العيار الي ما يصيب يدووش

أول تحقيق في رشوة انتخابية في الدائرة العاشرة

ابن مرشح وابن عمه ل 3 ناخبات: ألف دينار وحقيبة فاخرة لكل ناخبة

في اول شكوى تقدم للنيابة العامة عن الرشاوى الانتخابية منذ صدور قانون الجرائم الانتخابية، حققت النيابة العامة من الثانية ظهرا حتى السادسة من مساء امس مع ثلاث نساء قدمن بلاغا ضد احد مرشحي الدائرة العاشرة (العديلية) يتهمنه بعرض رشوة انتخابية عليهن. وستقوم النيابة العامة باستدعاء المرشح، وهو نائب سابق، وابنه وابن عمه قريبا جدا. وفي تفاصيل القضية الواردة في البلاغ المقدم للنيابة العامة التي استمعت لشكوى النساء، ثم طلبت منهن تقديمها للنائب العام، وهو ما تم امس، اكدن انهن، وفي مساء يوم الثلاثاء من الأسبوع الماضي، واثناء تجوالهن في منطقة العديلية وقفن لتوزيع نشرات توعوية تجرم عملية شراء الاصوات، وهي تتضمن فتاوى لعميد كلية الشريعة د.محمد الطبطبائي والمرجع الشيعي علي السيستاني، ولدى اقتراب النساء من مقر المرشح المعني في العديلية اقترب منهن ابن المرشح وابن عمه وطلبا منهن عدم توزيع المنشورات. وأبلغهن (ابن العم) في البداية انه ضابط مباحث ولا يجوز لهن توزيع المنشورات، لكن النساء رددن بأنهن يقمن بالتوعية لعدم جواز بيع الاصوات مقابل المال. في هذه الاثناء، أبلغهن ابن النائب السابق والمرشح الحالي ان كل المرشحين يقومون بشراء الاصوات، وكان رد النساء عليه ان هناك مرشحين شرفاء، وهنا ضحك ابن المرشح قائلا: 'ان هذا الكلام غير صحيح خربانه، خربانة'، وقال لهن 'ما رأيكن بدلا من توزيع المنشورات ان تأخذ كل واحدة منكن 500 دينار وتتركن امر توزيع المنشورات؟!'. ولما رفضت النساء العرض وقلن للشابين: 'لو عرضتما علينا اي مبالغ فلن نرضى'، احتدم النقاش بين الطرفين، فعمد اقرباء المرشح الى رفع العرض من 500 دينار الى المبلغ مع شنطة فاخرة، ثم الى الف دينار وشنطة. ثم عرض الابن وابن العم عليهن الذهاب الى منطقة الجابرية، حيث مقر المرشح، لاستلام المبلغ والحقائب. فقالت احدى النساء ساخرة: 'قد تكون الحقائب تقليدا'. فأقسم ابن المرشح انه هو شخصيا ذهب بنفسه الى باريس لإحضار الشنط وسعر الواحدة 800 دينار. وكشف الابن عن هويته قائلا: 'انا ابن النائب السابق، وهذا ابن عم والدي'. لكن السيدات تمسكن بموقفهن المبدئي. وقالت إحداهن لابن المرشح: 'ألا يؤنبك ضميرك من جراء شراء الأصوات؟'، فكرر القول 'خربانة.. خربانة.. ان سمعتنا اصبحت في الحضيض جراء هذه الممارسات، وانني كلما ادخلت ناخبا او ناخبة الى المقر واقسم او اقسمت امامي بعد قبض الثمن اشعر بالعبرة تخنقني'. الجدير بالذكر ان نيابة العاصمة استمعت الى الشاكيات الثلاث كل على حدة، وسجلت اقوالهن بحضور المحامي ناهس العنزي. وعندما انتهى التحقيق حوالي السادسة حولن الى الادارة العامة للمباحث الجنائية، وكان برفقتهن الخبير الدستوري د. فيصل الفهد ورئيس اللجنة العليا لشفافية الانتخابات المستشار انور الرشيد. حيث استقبلهم المدير العام للإدارة العامة للمباحث الجنائية العميد عبدالحميد العوضي. وتم تقديم ملف التحقيق على ان يستكمل في وقت لاحق اليوم (الخميس).

.....فايق عبدالجليل درب كلن ماشي فيه

يلاحقني الورق

تاخذني هموم الوقت من وقتي

اسكت والسكوت أنتِ

أحاول والحلول أنتِ

شسولفلك..وانت سالفة صمتي

بسمرت الشفايف

بين صمت وصمت

تحديت الزمن

حتى نساني الوقت


خطيتك على الإصرار


على التكرار

وشلتك في سكوت

الحب

حبيبة آخر المشوار

حبي فوق تعريفي

حبي فوق تحريفك وتحريفي

وأنا ملزوم اتصبر

نسيانك مهو بكيفي

وعيونك نجوم الليل

كل الليل في صيفي

أحارب عالم عيونك

أحارب ينكسر سيفي

أبحر فيك يا حلوة

تغرقني مجاديفي

أنا بصحرا سكوتي انتحر وحدي

أعاني الصمت

أعاني الخوف

أعاني وجدك ووجدي

بهاجر من جديد أبدي

بحارب بالجمر بردي

بصمم أوفي في وعدي

وأصمم أحكي ما عندي

ولما يرتفع صوتي

أحيّ حتى الورق ضدي

أنا المقسوم للسكته أنا المقسوم

أنا العايش..أنا المعدوم

أنا غيمة مطر

وأنا العطش كل يوم

كنت آكل من اشعاري

كنت أشرب من اشعاري

وكنت أعزم على المقسوم

كنت أتعاطى هم الناس

كان ( بيتي ) بيوت الناس

وياما بدفتر بيوتي

طاردني السهر والنوم

وياما بليلي ضاع الليل

في سكة قمر مهموم

وياما بشعري وأشعاري

غفت ياما كثير نجوم

أمشي في شوارع ليل

غريب حتى عن ثيابي

غريب حتى عن احساسي

عن اعجابي

أضيع في غربة الألوان

أسير الصمت وأعصابي

أضيع تحت المطر غابة

ارفضتني أصغر أعشابي

أضيع مثل الطفل في البر

حزن الليل ألعابي

أمشي..أمشي..طول الليل

الماضي يوقفني

الذكرى تصادفني

أمشي .. أمشي ..طول الليل

تتعب مني أتعابي

أمشي .. أمشي ..طول الليل

يبكي دربي وترابي






الله يرحمك يا رب

فايق عبدالجليل


على الهامش

لحظه بس عني لا تروح

فكر فيني بالالم و الجروح

انا من حبي للبلد مابغيت الا ترابها

و انت تطرد بهمك تسرح و تمرح و تروح

مدري شقول !!! اصدق روحي و الا اصدق الناس

امتنع عن الاعتراف بأي شي

لا تسحب مني كلام

ما راح اعترف او انطق

راح التزم الصمت

صمـــــــــــتي

بالله هالرفيجه شتردون عليها!!!!!!!

في بوستي الي فات كتبت عن خبر وفاه
وردت علي رفيجتي ندوووووووووووووووي
في هالتعليق
بالله رفيجه مثل هذي شرد عليها

بجيت بجي
موكاااافي انا منقمت قلبي ان اليوم يمعه و سامعه هالخبر
و رفيجتي تقول اذا مت كتبي فيني بوووووست
بالله انتي في القبر اشتبين في البوست
الله يسااااااااااااااااامحج ندوي كلش مو وقته

لا تخافين يا ناديا حقج كبير عندي بس عسى الله يطول عمرنا في طاعته
و يجمعنا في الدنيا و الاخره على كل خير يا رب
بس خلاص اذا صكينا ال30 لازم نعتزل الهبال و هالسوالف
و نعتكف نجابل ربنا و اخرتنا شوي

ركائز فقدت احد ركائزها

اتقدم بخالص العزاء لاهلهم و ذويهم

و عسى الله يعوضهم خير بالاخره

ان لله و ان اليه راجعون

الحمدلله على الاسلام و الصلاح

اليوم الصبح و انا اتصفح الجريده

قريت الخبر

قلت عسى الله يصبر قلب امهم

قالي اخوي ان عبدالله كبره

و معاه في البدنيه

كان وايد ضايق خلقه اخوي

قلت له شفت الواحد ما يدري متى بيموت

لكن الواحد يموت و اهو راضي ربه

شفت انشاء الله هالولد الصالح المصلح

انشاء الله في جنات النعيم

يالله ربي يحفظ عيالنا

و يرحم موتانا و موتاكم

قلبي معورني وايد

والله الواحد ما يدري شيقول

بس عسى تكون وفاتهم عبره

لكثير من الشباب

عسى الله يتقبل حسناتهم و يتجاوز عن سيئاتهم

http://www.alwatan.com.kw/Default.aspx?MgDid=412269&pageId=35

attaged by lyal

tagged by layal

افتح أقرب كتاب إليك، على الصّفحة 18، السّطر 4

الله يهداج يا ليال سؤال صعب تدرين ليش لاني انا قاعده في الصاله و ماكو يمي كتب فرحت لغرفتي و يبت اول كتاب طاحت عليه عيني

و كان على فراشي هذا الكتاب

للامل اجنحه يحط بها في الروح فيغني بلا كلمات و لا يتوقف عن العزف و الغناء

باستثناء صوت الكومبيوتر، أيّ صوتٍ تسمع؟

صوت امي تتكلم بالتلفون مع مرت اخوي تاخذ منها مقادير كيكه التفاح

و المذيعه في التلفزيون بقناه العربيه

و ازعاج تصفير الكاسكو

شفتي الهدوء الي انا فيييييييييه

...متى خرجت من المنزل للمرّة الأخيرة؟ ماذا كنت تفعل؟؟

امس بالليل

كنت رايحه اعتصام قناه نبيها تحالف

و كانت طلعه جدا ممتعه في الويك اند

بالضبط حسيت في خيبه امل لما تكون هذي طلعاتنا في الويك اند لهذي الدرجه

تغيرت الكويت

أيّ موقعٍ كنت تتصفّح؟

بلوج ساحه الصفاه و موقع

net-a- porter

قمه التناقض

ههههههههههههههه

للجانب اليمين في عقلي طلبات و الجانب اليسار في عقلي احكام

...متى آخر مرّة ضحكت؟ضحكت من الاعماق؟؟

اتصدقين قعدت افكر وايد

بس ما ذكرت

انا بطبعي كريكره اضحك وايد بس ضحك من الاعماق و من القلب و شغل دمووع

ما اذكر بسسسسسسسسسسس اكيد كان مع ريما او ناديا انزحا

ايييييييييييييييييه ذكرت ذكرت

مع ناديا بس السبب امتنع عنه لان الموضوع ما ينقال

...ماذا فوق جدران الغرفة حيث تجلس؟

ديكوور السقف و فتحات السنترال

...هل لاحظت شيئاً غريباً مؤخّراً؟

بلدي تغير

شعبي تغير

كل افكارنا تغيرت

ما رأيك في هذا الاختبار؟

بسيط ممتع لو كان في وقت مختلف كان راح يكون متعه

لكن الجد يغلب عليه

لاحساس غريب في داخلي

ما آخر فيلم شاهدته؟

walk in the line

عجيييييييييييب

ممتع

يونسسسسسس

اموت على الريال الي يستذبح على وحده

شي شي

صدقت نفسي انا

إذا أصبحت فاحش الثّراء، فماذا تشتري؟

كل شي بخاطري

بس بشرط يكون معاي ناس ممتعين

لان اي مكان من غير صحبه ممتعه يكون ظيييييييييم

...أخبرني شيئاً أجهله عنك.؟؟؟؟

انسانه اخاف من المجهول

...إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟

كل ما فكرت في شي يطلع يا سياسي

او احد المعاصي

فتغير اجتماعي يكون سياسي

او متعلق ب الدين و المعاصي

تغيير شغلات وايد بس مدري من وين ابدي

اغير بعض الاقدار بس ما ودي اتكلم فيها

لان اؤمن في حكمه الله في كل شي

جورج بوش؟

ابي جم بير بتروول منك

لو كان وليدك الأوّل صبيّاً، فماذا تسمّينه؟؟؟؟م

محمد او فهد

محمد لان ابوي سماني فاطمه على بنت الرسول صلى الله عليه و سلم فدائما يسموني ام محمد من صغري

فهد لان اهوووووووووووو حبيبي و اخووووووووووي و اغلى شي عندي في هالدنيا

تفكّر يوماً في العيش بالخارج؟

وايد وايد وايد

و جربت ادرس برا

و لما رجعت الكويت لاعت جبدي

انا ما احب اعيش بين مجتمع متناقض مثل مجتمعنا

كل شي عيب و مو عيب

كل شي فشله و مو فشله

الحلال حرام و الحرام حلال

تناقض تناقض

و اتذكر مقوله شارل ديجول الشهيره

لا العداوه تدوم و لا المحبه تدوم ما يدوم هو المصالح

ماذا تتصوّر أن يقول لك الله عندما تقف بين يديه؟

الله يسامحج على هالسؤال

شي يتعبني نفسيا

انا عند حسن ظن عبدي بي

شكرا لج لياااااااااااااااااااااااااال

مرت سنه وياكم ....

من جم يوم جيكت على تاريخ بدايتي في عالم البلوجرز


اكتشفت ان يصادف يوم 12يونيو


حطيت مسج ريمايندر


عشان اتذكرني


يوم اليمعه العصر رن المنبه ...سكرته و قررت ان يوم الاحد اعتكف


لا اطلع ولا اروح العصر اي مكان


ارتاح في البيت بس عشان شي واحد


اكتب بوست


احتفل بنفسي في هذا اليوم


صار العصر شفت فيلم رومنسي


ترا هذي احدى طقوسي للكتابه


يا اسمع اغنيه


او اشوف فيلم


والله مو مودرتنا الا هالرومانسه الزايده


الي عاد كلش ما اتبين علي لا شكلا و قالبا


المهم خلوني من التحلطم على نفسي


ما طلعت اليوم بس عشان استريح و اكتب عدل


سوري شوشو ما رديت عليج


سوري مرامي حقرتج


بس ما ابي اخلي احد يشوش افكاري


و لا عندي فلوس عشان اطلع ارووح السوق فليش اشيل التلفون و تطلعلي شوشو امشي

وديني السووق

ابيييييييه اشفيني بس اتحلطم


فطيم بلييييييييز


ركزي في بوست الاحتفال الاول و مسكي المكرفون و تحجي عدل


بلا شغل عيايز و تحلطم


حمدلله و الشكر هذا يزا رفيجاتج داقين يسؤلون عنج!!!



بصراحه خواتي و اخواني


فتحت بوستي الاول


ضحكت على نفسي وايد


طريقه الترتيب


طريقه الكتابه


كنت صج وقتها اجهل وايد شغلات


لكن الي كنت متأكده منه


هو رغبتي في الكتابه


دخل التدوين حياتي بمحض الصدفه


تسألوني اشلون


كنت اكلم رفيجتي فجر


قالتلي انها اتابع شي اسمه بلوج


قلت لها شنو يعني


عطتني الموقع و ادمنته


و كان بلوج الاخت حناحينو


و صرت اتابعه كل يوم


لين قررت اني افتحلي انا بعد بلوج


و يكون خاص لي بس محد يعرفه غيري انا و فجر


و فعلا كونت لي صداقات و ربع


و ناس افتخر في معرفتهم وايد


و ناس وايد ازعلت مني......



استمتعت في التدوين وايد وايد


و الكتابه كانت متنفسي الوحيد


كلش ما كنت ابي يكون لي ربع وايد او طريق للتعارف


كثر ما ابي يكون عندي متنفس


محد يعرفني فيه....


فضفضه .. تحلطم



الي اهو ..


سنه كامله شفت فيها وايد شغلات


ناس غالبا ممتازه و بعض الناس الشينه الي ينعدون على الاصابع


عرفت من خلالها خبرات وايد ناس غيري


اهتمامات ناس


استفدت من كتب


من قصص


من مشاكل مواقف


استمتعت وايد


اعترف اني ادمنت البلوج


من الناس الي حبيتهم وايد و كان اهني المدخل الي ان يكون عندي ربع


الاخت استكانه


تذكرين استكانه لما كنت امدح زعفرانج الي بالشاي


ههههههههههه


كنت وايد احب ناس و ما زلت احبهم



فعلا احبكم


صدقوني


احب كل شخص يخليني ادخل عالمه البسيط اقرا و استمتع


احب كل بنت و احس في دمعتها


احس في آهات بنات و هموم بنات مثلي


احب كل شخص احترمني او حتى ما احترمني



يكفي انه تقبلني


احب كل شخص نصحني


و نكر افكاري السوده


و وسوسه شيطاني


احب كل واحد ووحده انتقدني


تدرون ليش لانها ضيعت من وقتها و عطتني اياه


انا ما اهتم حق شنو يقولون عني وايد,,,,,, كثر ما اقدر انهم عطوني من وقتهم



احب كل شخص تابعني و ما علق


احب كل شخص يرسلي ايميل يعلق فيه


احب كل وحده وواحد صريح و بطها في ويهي


و قالي فطيم برستيجنا ما يسمح انعلق في

مدونتج خصوصا في مواضيعج الجريئه


و من الناس الي كنت ادخل و ما زلت اتابعهم و لكن الي صج اثرو فيني الاخت برووك


برووك انسانه تتقلب معاي في كل مود


على الرغم من ان سطورها قليله


و ما تحب الاضواء


و لكن سطورها تخليني ابكي مرات


وايد ناس تعرفت عليهم ...عن طريق تعليقهم في بوستي



اشكرهم .....فعلا اشكركم كلكم


ترا وايد احبكم والله العظيم


مرت سنه الحين

فيها احداث بحياتي كبيره

افراح و احزان


مدري ليش ماني ذاكره الفرح الحين


لكن دمعت عيوني على الاحزان


وفاه بابا جابر الله يرحمه


هز كياني هز


هذا الانسان الي عمري في حياتي ماراح انسااااااه لو شنو


بظل طول عمري احبه و لا راح اكف عن الدعاء له بصلاتي


احبك بابا جابر انت احبك و يمكن ااكثرهم



فراقك صعب


مو مسأله حاكم و شعب


بس فراقك ضييييعه والله ضييعه


سببت لنا فرييييييييه كبيره


محد قادر يسد مكانك و لا يمليه


تشتتنا من بعدك شتاات الايتام


انا ما اعرف في عالم الاموات وايد


بس اكيد انت حاس فينا

يالله يا رب اذا الاموات يحسون فينا يا ربي لا تخلي بابا جابر يشوف حالنا

و ضياعنا من

بعده

خله يا ربي مرتاح في مماته


شقيناااااااه طول عمرنا في حياته


يا ربي ريحه في مماته


بابا جابر احتاجك


و احبك اكثر مما احتاجك....


هذا غير اكثر من حاله وفاه قريبه لي في العايله


خلتني احس انه عام حزن و لكن الله كريم الف حمد و شكر....



خلوني اروح اشرب ماي و ارتاح لاني احتاج اخذ راحه


عرفتو ليش الحين ما طلعت اليوم لان ادري بطول وايد في هالبوست



بااااااااااااك


عوده لكم اخواني و خواتي


رحت تعشيت و رجعت


اكمل لكم هذي ذكرياتي هالسنه


اجمل ما في ذكرياتي انها مسطره يوم بيوم


حبي

جنوني

ضحكي

مودي التعبان

كله مسجل و موجود

غضبي

حنيني

ولهي

هم موجود

قصائدي

مشاعري تجاه من احب


هذا سجل واحد في الدنيا


الله يعينه على الاخره


اخواني و خواتي


اسفه طولت عليكم وايد وايد


لكن كل الي بوصله لكم


حبي لكم


سعادتي في وجودكم


و معاكم


ترا انا بالذات السعاده عندي لها معنى اخر


شغلات بسيطه تخليني اضحك لساعات


مسج ممتعه من وحده اتضحكني


سعادتي تكون في مع لمه حلوه في مكان سكه مثل المباركيه


او شي بسيط


كل شي بسيييييييط يسعدني و يمتعني


تمشي في السياره


و حركاتي الي اسويها حق راعي الباص لما

اطلع نص جسمي من الدريشه و انا اصرخ عليه و


ريما تسحبني مفتشله ادخلني تخليني اضحك وايد


و تغير يوومي


ريوقي يوم الخميس مع ريما في بيتنا على فول كناري و بصل


يخلي ويك اندي ممتع جدا


هوشه في الكومنت مع مشاري


تضحكني و تسببلي سعاده


شغلات وايد مالها اول و تالي



مثل تأجيل مباراه كره اليد بسبب عطل المكيف


خلاني اموت من الضحك


و خلاني افتشل و اضحك طول اليوم


تناقض كلام عصام الدبوس و ربكته امام خالد الفضاله


شغلات وايد تضحكني


احبها

تسعدني

و هذي سبب محبتي لكم


في النهايه قبل لا اشكركم


اعتذر حق كل شخص سببت له ضيق او كدر من غير قصد


او على غشمره


اعتذر لكم


اشكركم لوجودكم في حياتي


في عالمي


في هلوستي و بين سطوري.....


نهايه...


و لكن بالنسبه لريما


ما حبيت يكون شكري لج مع كل ربعي


انتي لج شكر ثاني من نوع اخر شكر خاص


اشكرج اولا على انج عرفيتيني في نفسج


اشكرج على انج دخلتيني عالمج


اشكرج يا ريما على كل شي سويتيه


على كل طلعه حلوه


مسج حلو


تمشينا بالسياره

مغامراتنا

ضحكنا و مشاويرنا

حتى الجمعيه وياج غير


لحد يعتقد فيكم ان انا و ريما 24 ساعه متجابلين و ضحك


اصلا انا كلا متعسره و لي مزاج خاص


اول ساعه ساكته


ثاني ساعه سرحانه


ثالث ساعه انا في البيت


شفتو اشكثر متحملتني هالبنت

؟؟؟

احبج و هذي اول مرا اقولها لج


صح؟؟

احب عيالج

و بنتج



احب كل الناس الي عرفيتي عليهم و اشكرج عليهم


ريما اعتذر لاي شي صدر مني


ضايقج بسبب او بغير سبب


اي لا تستغربون انا وايد اضايقها


لاني كلا مفشلتها


في السوق و جدام الناس


عادي اكاسر في الجمعيه


عادي و اهي تقيس البدله في غرفه التبديل انا اكون متهاوشه ويا الي تبيع و اخرب عليها


عادي ....


اشكرج على كل شي


و اكثررررررررررررررررررر شي في هالدنيا اشكرج عليه اهو اختي الحبيبه الي اموت

عليها


ناديه انزاحاا


ريما يالله باي خلصت قلتلج وايد كلام حلو


الحين بستلم ناديا


حياااااااااااااااااااتي ندويا


انتي عاد عالم الفكاهه الي انا مصدعه راسج


احبج وايد و ماراح اشكرج على الخساير الي خسرتيها في دفع فواتير الموبايل


الي نقعد نسولف بالساعات ويا بعض


هاهاهاهااها


مسكينه ايا ناديا متحملتني كل يوم انصااص الليل اهذر على راسج بالساعات


والله انتي حنوووووووووووونه

و مظلووووومه وايد


للاسف يا ناديا وايد ناس ما اعرفو قدرج تدرين ليش لانج دره و محد


يستاهل رفجتج


الا الي صج يحبج من قلب


قصتي مع ناديا فلم مصري


ادق عليها كل يوم الساعه 12 بالليل اصك راسها لين تصدع و تروح تنام


شوفو انا ما استحي انزين !!


عقب ما اهذر و اخلص



اقولها ندويا

ترا مو حلوه باجر واحد يبي يخطبني يدق على

الوطنيه يشوف عندي مكالمات نص اليل يقولون له

اي ........!!!!!!!!!!!!!!

تصرخ علي من قمه راسها

والله محد طقج على ايدج و قالج دقي علي!

هاهاهاهاهاهاهاههاا

حيااااااااااااااتي هالبنت

مشكووووووووووووووووره عمري

اثبتيلي وايد ان معدنج ذهب

اصيييييييييييييييله

و اشكركم ربعي كلكم


و احبكم

ملاحظه :
بوستي طويل يحتاج 3 ايام تقرونه

يومين تستوعبونه

لاني دشيت في مليون سالفه

احلى اهدااء

9-6-2006 DEUTSCHLAND

صيف 2006

احداث رياضيه ساخنه

و سياسيه اسخن

احنا مجتمع غريب

او حدتنا ظروف غريبه

كل سنه في هالحزه يكون الحديث الغالب عن

العروس و الخطب

و السفر

و نحشه الخدم الي تتسلط على الحريم حزه الامتحانات

لكن هالمره غير

ظروفنا اختلفت

يومياتنا انعفست

صارلنا شي لا على البال و لا على الخاطر

احنا تفاجئنا و رياايلنا انصدموا في فزعتنا

تابعنا الساحه السياسيه اشد من الريايل

حماسنا على طمس الفساد في هالبلد

ثورتنا ضد الخراب و الفساد السياسي

تعبنا من الوضع وايد تعبنا

بتسألوني ليش كتبت هالبوست

تعبني وايد حديث وحده من العياييز امس في الصالون

لما شافت بنت لابسه تي شيرت برتقالي مكتوب عليها نبيها 5

قالت وي مالت عليكم شاطين نفسكم عبالكم اكو في الكويت معارضه

ترا المعارض في الكويت يعارض فقط لنقل الصفقه من فلان لي فلان

و كل ما صرخ المعارض عشان يطالب بمبلغ اكبر لسكووته

كلام يجرحنا احنا الشباب النظيف

الي ما انخرطنا في دهاليز الفساد السياسي

و لا احنا الي غرتنا هالدنيا

والله ما نبي شي

نبي كويت نظيفه

نبي كويت بلد متطور

نبي نرتقى

بني نكون حالنا حال غيرنا من دول الخليج

ليش تبون تقتلون حلمنا و طموحنا

كويتنا هذي ما انساوم في حبها و لا نساوم في غلاتها

ماراح ترجعين يا كويت لي ورا

بنشيلج في ايدنا و قلوبنا

ما همنا الي يقولون

و لا الي يدفعون

و لا حتى الي يسامون

رجال للاسف

باعوا نفسهم وبيبعون الكويت

عبالهم الكويت للبيع

باعوا اسمهم و مستقبل اعيالهم

و عبالهم بتغرنا هالدنيا مثلهم

معاج يا كويت للاخر

كلنا لج

بدون شعارات

و بدون كلام فاضي

بدون مزايدات

طلعت من الصالون متكدره

بس ما راح تاثر فيني وحده محبطه

سامح الله كل من واقف ضد هالبلد

قائم على نشر الفساد

بالع خير هالديره يحسب الكويت حقه و حق عياله بس

و طرت علي هالاغنيه

اغرااب

اسفه نكدت عليكم يوم تاريخي مثل هذا

يوم كاس العالم

اتمنى لكم متابعه سعيده

و عسى كاس العالم هذا يبرد علينا حراره الاجوا ء السياسيه

و الصيفيه

اغراااااااااااب

نور هالدنيا........ بدرها

نورهالدنيا ...بدرها


كيف احبه؟؟

دعني اعدد لك ..كيف

احبه ملئ كل يوم

اسعى اليه بحريه كما يسعى الرجال لحقوقهم

بطهاره المتعبد بعد الصلاه

باحزاني القديمه ..وبايمان الطفوله


بكل القديسين الذين رحلوا

بدموعي و ابتساماتي

وان شاء الرب

سأحبه اكثر بعد الممات

...........


تاخذني الايام

و الساعات

انشغل عنك

وابخس بحقك

ولكن صدقني لو اقعد عمري كله اكتب

ما اوفيك حقك

الي حبيبي

الى هوى الفؤاد

الي جوى القلب

الي حياتي

و نظر عيني

الى احلى ماضي

الى ابتسامه اشرقت حياتي

الى رووح روحي

احبك
........


الى حنيني ...صبري

غيرتي

اعصابي

اليكم عني
.........


باختصار

اسطر اعترافي هنا
.......

تاخذني هالدنيا

انشغل

انسى

الهى

و ارد لبيتك

ارد لاحضانك


ارد لقلبك

لعيونك

لانفاسك
......

ما سبب هذه الكلمات

و لماذا اخفي الكثير بين السطور

.......
اليوم و انا اسمع قصيده لاسير الشوق و الي يقول فيها

اقوم من ليلي و اصبح على ليل .. حسيت ان حياتي كلها ليل مظلمه

ينقصها بدر يضيئ

بيتي بحاجه لعامود اساسه

انشغل عنه و ينشغل عني

بعيد هو بالمكان

لكن بداخلي موجود

بعيوني هايم

اخذ نفس عميق

اسحب بعض ابيات لنزار قباني

اليوم عاد

كأن شيئا لم يكن

وبراءه الاطفال في عينيه

ليقول لي اني رفيقه دربه

وبانني الحب الوحيد لديه


حمل الزهور الي

كيف ارده!!

وصباي مرسوم على شفتيه

ماعدت اذكر و الحرائق في دمي

كيف التجأت الي زنديه

خبأت رأسي عنده
وكأنني طفل اعادوه الى ابويه


حتى فساتيني التي اهملتها

فرحت به ..رقصت على قدميه


سامحته و سألته عن اخباره

وبكيت ساعات على كتفيه

وبدون ان ادري

تركت له يدي

لتنام كالعصفور بين يديه

و نسيت حقدي كله في لحظه

من قال اني قد حقدت عليه

كم قلت اني غير عائده له....ورجعت

ما احلى الرجوع اليه
......



آه يا نزار سامحك الله على هذه الكلمات التي ابكت قلبي

احتضن وسادتي .....آه بقايا عطره موجود

و اتذكر ابيات اخرى لاسير

حنيني غصب يدفعني و ياخذني الوله يمك و ابد ما اظن تمنعني مسافات الضما عنك

تراك انت الوحيد الي بقا لي و..همي .. ليتني همك

......

حياتي

روحي

عمري

قلبي

عشقي

جنوني

حكمتي

سعادتي

دنيتي

بدايتي

نهايتي

جمعت لك كل الكلمات

ولم تفي بحقك

للاسف

فلا شي يقارن بنور البدر


لذا انت نور هالدنيا يا بدر


احبك

ابكتب

ابكتب ليلتي كلمه و بنزف ما احس سطور

حروف صاغها دمعي و نثرها في مسافاتك



وقفت بعبرتي مخنوق اصارع دمعه المقهور

بكيت احساسي الصادق وحلمي و كل كذباتك



كسرت بداخلي قنديل ضويته من بقايا النور

كسرته و انا من بعدك رميته في مسافاتك



انا يا صاحب البالين حويتك ,,بالحنايا شعور

زرعتك في شراييني وتبعت بحب خطواتك



وهبتك كل ما املك ,, وجيتك هايم مسحور

حضنتك ضعف بايديني ومسحت بدمعي عبراتك




انا مالوم احساسك ولا انت بالعطا مجبور

ولا اعتب على عينك ,, الا حنت لنزواتك



انا اعتب على انك تمثل دورك المبتور

وتلبس لي قناع الود و انت تنكره لذاتك


تبي مني العطا دايم و انت بالعطا معذور ؟؟؟

تبيني بعض من يومك و فصل من رواياتك



اسفه ما اقدر اكون العاشق المغدور

و لا انا مثل غيري اجاري بخبثي غايتك



و لا انا اللي بهرها الصيت و لا من سكن القصور

و لا انا اللي اسوم الود و ارفع زيف راياتك



ابرحل و انت بتلاقي ملايين تباري السور

ولكن ما اعتقد تلقى ,,بلسم يجلي ظلماتك

بلسم الروح

تناقض رجل .....

قفلي انا اكلمك
...و يأتيني اتصااله سريعا

انا: الوووووووووو هلا و غلا طويل العمر اشلوونك افا عليك اشدعوه ...
عمي : هلا بشييخه الزين كله لا مو القصد بس تدرين فيني انتي و الهنا ما احب ابد انتو تكلموني لاني اطول كثير و استرسل في حديثي و الا ما تبين اسولف؟
انا : افا علييييييييك حلالي كلا لك بس لا تخاف ماعندي حلال
هههههههههههه انا تمام بخير طيبه زينه
كل شي زين فيني بسسسسس حدي ولهانه عليك
هو: نصابه انتي طالعه للنذل خويك ..انتي كلا ما تسألين و لا تفكرين تكلمين الا من السنه لي السنه و هو ما يفكر يكلم الا اذا يبي قروش
انا : عمي بدون مقدمات ... شنو احلى شي في هالدنيا
هو: والله شوفي طال عمرك احلى شي في هالدنيا المرأه
بس مش اي مرأه عرفتي

انا : شنو احلى لحظات تكون فيها مع المرأه عمي؟
هو: احلى شي في هالدنيا يا بنتي ان جسمك يلامس جسم امرأتك الي تحبها
انا : اوكييييييي (يعني كمل)بصوت مستغرب
هو: شوفي يا الشيخه الرجل بعد عمري هذا يكون شاف جميع اصناف الحريم و جميع اشكالهم الحمرا ..و البيضه و السمرا بدون استثناء
و صدقيني في حريم ندفع لهم من غير ما نلمسهم من كثر ما الواحد يتقزز منهم
انا : ويييييي!!
هو: طبعا على زمنا ووقتنا ماكان في شي في شبابنا قبل ما غير بنت عمك و بنت خالك و بس و لما تزوجك ام دحيم و هي بنت عمي هايم فيها قبل لا اشوفها
كنت وقتها انا في حايل عند خوالي و هي في الرياض و كان سفري للرياض مثل الحلم
رحت و سافرت و تزوجتها و كانت هي كل الدنيا في نظري
حبيتها حب لا يوصف و كل سنه احبها اكثر من الي قبله
لكن الحين بعد هذا العمر بعد 38 سنه زواج يكون الحب الاحترام اكبر و التقدير و اموووووور الحياه الي غيرت الحب و خلته شي اكبر و كل يوم يكبر
انا : اشلون؟؟؟؟؟؟؟؟؟
هو: طبعا يابنتي الدنيا هذي دروس و عبر ...بعد ماشفنا الخير ولعبنا في الفلوس لعب ولعبنا في الحريم اكثر من الفلوس
كنت اخونها جنسيا كثير بس يشهد ربي ما قد خانها قلبي
انا : نظريه جديده هذي عمي ؟؟؟
هو: لا يا بنتي .. الشباب و طيشه و الفلوس و السفر و الشرب كان لازم مع كل ليله تمر فينا
مزاج يديد مع وحده جديده
و كنت في كل مره ارجع فيها من السفر القى ام دحيم هي هي زيها ما تغير حبها و ما تغيرت معاملتها لي على الرغم من انها كانت تدري اني اخون و اني ازنى بس كانت تسمعني صووت دعائها كل ليله و اهي تدعي ربها لي بالصلاح و الثبات على طريق الخير و هي ماشافت فيني خير بس ثقتها فيني باني احسن رجال في الدنيا و كانت تقول عني اني احسن واحد بين رجال العايله و كانت تسميني بختها و ماتناديني الا يا يا بختي ..
كنت لما اشرب ... تقولي بكره ربي بيصلحك
انا: الله يعينها
هو: فعلا ربي عانها علي و عاني انا لخدمتها
اسمعي القصه هذي تستغربين منها .. من ست سنوات و انا كنت موصلها مع الخدم لباريس .. و انا رايح باريس على اساس اهي قريبه من المغرب .. و قدام الناس انه هي مسافره معي و انا مبيت النيه لاغادير.. و اهي تدري اني اسافر لشغل بس حي تحس .. طيب
قلت لها يا ام دحيم تراني مسافر بعد يومين للعمل و بتركك لحالك مع الشغالات هنا لين يجونك البنات
قالتلي سم و ابشر و عسى الله يعطيك على قد نيتك....
اتعرفين و ايش الي صار؟؟
انا : شنوووووو؟؟
هو: في نفس اليوم رحت سهرت و شربت كثير على الرغم من انه الاطباء ناصحيني كثير..
شربت لين الصبح .. استفرغت دم ... جتطني جلطه 3 ايام ما غير بس افتح عيني الاقيها تقرا قرآن او تصلي جمبي او تدعيلي
طبعا انا مستحقر حالي كثير لاني كنت بروح العب في المغرب و انبسط و هي هنا جالسه تحت رجلي تقرا و تدعيلي
و اعيالي الي هم اولادي مافيهم واحد فكر يكلم
يقولون و اش انسوي به هو كذا طول عمره سكران!!!
و من بعدها يابنتي و انا ما اناظر في هالدنيا غير رضاها
و تعلمت درس كبير في الحياه
الحين اقدر احط عيني في عينها
بالاول كنت لما اغلط في حقها و اهي تقابل اسائتي باحسن من الاحسان والله كانت تكسر عيني
يا بنتي و لا يغرك الرجال تراااااه يبان في عينه
الزين و الشين يا بنتي يبان
انا: اي اشعقبه بعد ما يضيع شبابها
هو: لا ضاع و لا شي قسم بالله هي في عيني احلى من ذي الودره هيفا التلبينيه
انا : عمي فيلبينيه مووو تيليبنيه
هو: الي هوووووو
انا : عمي ييعني ليكون انت مستانس بس !!! اشعقبه بعد ما صك عمرك تسعين
هو: تسعييييييييييييييين جني يركبك قل امين .. هو ولدي منحاش منك من شوي من طوولت السانك
معذووووور لما يقول عنك قصيميه ما ينكسر باسها
انا : احم احم
والله ولدك لعووبي اكثر منك و سرسري
داشر مافي امل ينصلح ابد
هو: ادعيله الله يصلحه
انا : الله يصلحه و يخليه لشبابه بس بعيد عني الله يعافيه
هو: صدقيني والله انا داري انك مثل امه معدنك ذهب و غيرتي فيه كثير بس مو وجهه نعمه
بس خلاص هو عارف قيمتك من زمان
انا: ادري فيه اشووفه يدززلي مسجات يقولي بتجين جنيف هالسنه
هو: الاااااااااااااا على هالطاري عرفتي اخر خبر؟؟
انا: خير لألألألألأ؟؟!!!!
عمي: ماقالوولك عارض البيت للبيع ..وبشتري في ايفيان
انا : اكووووو احد يبيع بيت في لوزان و يشتري في ايفيان !!
هو: اييييييييي اسكتي يا شيخه ما صدقت قالتلي بيعه
انا :منو.. خالتي ؟؟
هو: اييييييييي هي كل خواتها شروا في ايفيان ..طيب.... جتني قالتلي انا كبرت و ما ابي اجلس لحالي في لوزان و مافيها الا ضيقت الصدر
قمت قلتلها ابشري و سمي ماطلبتي الا عزك و ايش تبين ؟؟ ابيع بيت لوزان و احطلك احسن شقه في ايفيان .. هي مستغربه
و ماتدري اني بفتك من ضرايب هالبيت ايفيان ما تجي ربع الضرايب و ارخص اشجاب الي جاب
بسسسسس خليها على فالها
مو تقولين لها
خابرك زين ترفعين عليها السماعه الحين و تقولين لها صايره يا كافي ام هلااااال
ماتصدقين تسمعين خبر الا طرتي صليتي في اذنها
انا : اااااااااااااااناااااااااااا حرااااااااااام علييييييييييييييييييييييك يا عمي
ليش اشوف انا ماقلت لها على سوالف الخط الثاني و لا قلت لها على رفيجتك العراقيه
عبالك بتمشي علي دووووووووووووور الزوج المناضل من اجل الاخلاص
هو: الله يلعنك من قالك ؟ قسم بالله هذي العراقيه مدري عنها و لا شفتها هي مكلمه بالغلط
قسم بالله والله احلف لك جد و لا ادري عن احد
انا : اقووووووووووول عمي هااااااا طلعت ام هلال انا ؟؟
هو: يا شيييييييخه قسم طلعتي انتي عمتي و تاج على راسي بس حسك تجيبين خبر لام دحيم والله تروح فيها
انا : هووووووووووووو اشقالولك مينونه خبله
بس انا اقول يوم انك صرت شريف روما اضبط الدور عليها مو علي
اخراجك ضعيف عندي انا عارفه البير و غطاه
هو: والله اقولك ما اعرفها اشفيك انتي ....
انا : اشدراني عنك انا خايفه على خالتي تحط على راسها مرا
هو: يخسوووووووووووووووووون كل حريم هالدنيا ما عاشت و لا كانت الي تكون لا حشى ما احط عليها مرا ثانيه و انا بعقلي
و حيلي
يابنتي والله اذا الله بلغك و حبيتي و حبك رجلك انشاء الله
بتشووفين ان في اشياء اكبر من الحب اهو احترام لقدرها
لا اكثر و لا اقل
بعد هالعمر ما اسوي في بنت عمي ابد كذا
هذي ام دحيم
اهي جنتي في هالدنيا
انا : عمي اتصدق انتوا الرياييل غريبين ...
و يقطع حديثنا ان دخل عليه ضيف
سكرته منه على عجل
مدري حتى اذا قالي مع السلامه
بس خلاني استغرب من شغلات وايد
الحب القديم
تركيبه الرياييل
تناقضهم
يموتون على حريمهم
و يحبون باجي الحريم للنظر و المتعه و تكحيل العين
اسأله تدور في بالي وايد راح اعرفها من العم بودحيم
بس في اتصالي مرا ثانيه


على هالطاري ترا اهو مو عمي بس احتراما له اناديه عمي
اهووووووووو صديقي اكثر من انه عمي
بس لانه عمره فوق ال 66 و كلا قاص علي يقولي 30
هم هذا شي ثاني الحين في الرياييل وايد يخفون اعمارهم

البيت
الزوجه
المال
الاستقرار
النساء
المتعه
الحب
كلها تناقضات يعشقها الرجل
الله يصبر قلوبنا