Friday, June 09, 2006

9-6-2006 DEUTSCHLAND


صيف 2006
احداث رياضيه ساخنه

و سياسيه اسخن

احنا مجتمع غريب

او حدتنا ظروف غريبه

كل سنه في هالحزه يكون الحديث الغالب عن

العروس و الخطب

و السفر

و نحشه الخدم الي تتسلط على الحريم حزه الامتحانات

لكن هالمره غير

ظروفنا اختلفت

يومياتنا انعفست

صارلنا شي لا على البال و لا على الخاطر

احنا تفاجئنا و رياايلنا انصدموا في فزعتنا

تابعنا الساحه السياسيه اشد من الريايل

حماسنا على طمس الفساد في هالبلد

ثورتنا ضد الخراب و الفساد السياسي

تعبنا من الوضع وايد تعبنا

بتسألوني ليش كتبت هالبوست

تعبني وايد حديث وحده من العياييز امس في الصالون

لما شافت بنت لابسه تي شيرت برتقالي مكتوب عليها نبيها 5

قالت وي مالت عليكم شاطين نفسكم عبالكم اكو في الكويت معارضه

ترا المعارض في الكويت يعارض فقط لنقل الصفقه من فلان لي فلان

و كل ما صرخ المعارض عشان يطالب بمبلغ اكبر لسكووته

كلام يجرحنا احنا الشباب النظيف

الي ما انخرطنا في دهاليز الفساد السياسي

و لا احنا الي غرتنا هالدنيا

والله ما نبي شي

نبي كويت نظيفه

نبي كويت بلد متطور

نبي نرتقى

بني نكون حالنا حال غيرنا من دول الخليج

ليش تبون تقتلون حلمنا و طموحنا

كويتنا هذي ما انساوم في حبها و لا نساوم في غلاتها

ماراح ترجعين يا كويت لي ورا

بنشيلج في ايدنا و قلوبنا

ما همنا الي يقولون

و لا الي يدفعون

و لا حتى الي يسامون

رجال للاسف

باعوا نفسهم وبيبعون الكويت

عبالهم الكويت للبيع

باعوا اسمهم و مستقبل اعيالهم

و عبالهم بتغرنا هالدنيا مثلهم

معاج يا كويت للاخر

كلنا لج

بدون شعارات

و بدون كلام فاضي

بدون مزايدات

طلعت من الصالون متكدره

بس ما راح تاثر فيني وحده محبطه

سامح الله كل من واقف ضد هالبلد

قائم على نشر الفساد

بالع خير هالديره يحسب الكويت حقه و حق عياله بس

و طرت علي هالاغنيه

اغرااب

اسفه نكدت عليكم يوم تاريخي مثل هذا

يوم كاس العالم

اتمنى لكم متابعه سعيده

و عسى كاس العالم هذا يبرد علينا حراره الاجوا ء السياسيه

و الصيفيه

اغراااااااااااب



24 comments:

Enter-Q8 said...

نبي كويت نظيفه

نبي كويت بلد متطور

نبي نرتقى

بني نكون حالنا حال غيرنا من دول الخليج

بكل اسف يالغالية اقوك

حاكي عقالي

تبين الكويت نظيفة بمعاشات بنغاليه على 40 دينار

تبين تطورين

بدون افكار فاشله لمن يتربع على مناصب القمة والاستفاده الا على طاري التطور شخبار الحكومة الالكترونية والفلوس اللي اندفعت بسنغافورة مقابل هالشي

حدك بس تعرفين مخالفاتك والرقم المدني


نرتقي وين يعني تبين مثلا دعم الثقافة العربية من اموال خاصة مثل البابطين على حسابة والا دار سعاد الصباح اللي على حسابها

والا علميا لما يكون دكتور ينجح بمجاله و يعرقله وكيل وزارة عايش الدور

والا لما يكون موظف يفهم اكثر من مدير ادارة
والا قصدك نرتقي بطبيعة التعامل
تكفين شوفي مجلس الامة واعضائه

اما نكون حالنا كحال دول الخليج

شسالفة سكتي لا يزيدون علينا الضرايب والخصومات والا اسعار المواد الاستهلاكية والا البنزين والا المواد البترولية والكيماويةواحنا دول منتجة للمشتقات النفطية

والا والا والا

والا لما مستثمر كويتي يبني مدينة كامله ببلد عربي من الى ويقوم اهل البلد بزيارة مشروع هالمستثمر بالدولة اللي اشتغل فيها وبناها


بس اشق هدومي

lawyer said...

حاكي عقالي انت زدت الطين بله علي مثل ما يقولون

بسي احباط

كل من يحبط فيني من صوب

ابي كويت نظيفه من الفساد و البلاوي
نظيفه من الافات و المخدرات

نظيفه من الرشاوي
نظيفه من المرتزقه

نظيفه من كل شي يرجعنا لي ورااا

NewMe said...

لا للانكسار ولا للهزيمه
بتبقى ديرتكم نظيففة طول ما فيها بنات وشباب مثلكم
أنتو أمل بلادكم في التغيير
تمنياتي القلبية لكم بكل ما هو أفضل

عــــاشــــه said...

مافي شي إسمه مستحيل

المستقبل فيكم إنتوا
ودام في رغبة صادقة وأرواح طاهره مثلكم
ماراح يكون في شي صعب

بس لاتخلون الإحباط يغلب عليكم

وخلوا أملكم بالله كبير

عاشه
www.7rouf.com

EsTeKaNa said...

ازيك يا قمييل؟
وحشتيني اوي
:pP~

في ناس هوايتهم التحبيط
كل امل فينا يقتلونا
بس امانه قولي لي في شي مستحيل؟
اذا في قلوب طيبه ومخلصه في حبها
اذا في ضمائر حيه ما ماتت
اذا في ناس نظيفه،تصلي وتدعي حق ديرتها

ادعي عسى ربي بس يحفظ هالديرة من كل شر،ويوفق كل شخص مخلص فيه خير حق هالديره

تدرين اانا وايد احترم وطنتيج
وطنيه انسانه صادقه مخلصه
:)

PearL said...

موضوعج يعور القلب

نبي نرتقي صح
نبي نرجع ونكون بالصدارة صح
نبي الكويت نظيفة صح

بس المشكلة كل واحد لما يوصل المنصب ينسى هالشي
كل واحد ما يفكر الا بنفسه

وما يفكرون الا بالفلوس
ما يفكرون شلون يطورون هالديرة
في حسد بشكل مو طبيعي
شركات تبي تشتغل تبي ترفع اسم الكويت فوق فوق فوق
بس الحسد ماكل قلوبهم
ما يبون تمشي معاملات هالشركات ولا يبون المشاريع تمشي

شي يعور القلب بصراحة

hager mater said...

اعتقد انها محاولها جديده وجريئه فى عرض تلك المشكله التى تخص الكيت والتى تخص العرب فى كل مكان فكلمتى لا للمستحيل
هاجر مطر

NaDiA AnZa7a said...

لوير اشفيج قمتي اتخورينا !!! اشلون اتقولين نبي يكون حالنا حال غيرنا من دول الخليج وانتي اتنادين بالاصلاح؟؟
!!!!1
احنا احسن دوله خليجية اتمارس الديموقراطية .. انسب واتكلم وانتذمر على راحتنا بدون محد يمنعنا
صلي على النبي وهدي بالج ترى للحين ديرتنا بخير
:))

Al-fala7 said...

لوير .. انظري للجانب المشرق وتفائلي ...

نادية .. عسى ماشر ؟ شفيها مدونتج ؟

Diver said...

نبي نبي نبي
ما كل ما يتمنى المرأ يدركه و اكيد تعرفين الباجي انا كان عندي سؤال قديم كتبته مرة في احد المواضيع في شهر فبراير و كان المحرك حق الكتابة اهو انتي بعد اقريه و ردي على السؤال
الموضوع باللنك
http://mrdiver.blogspot.com/2006_02_01_mrdiver_archive.html
عنوانة سؤال يطرح نفسه

mishal said...

مرحبا لوير

وصلتني افلام يوم المظاهره التي قام بها الفريق البرتقالي(نبيها خمس) ا
ماقام به الفريق البرتقالي شي مؤسف

هل تقصدين إندفاع البنات هو الرقص وهز الوسط
افلام البلوتوث بدأت تنتشر لذاك اليوم المخزي

فتيات يرتدن ملابس قصيره تصفير وتصفيق ورقص شرقي

لكن الفريق الازرق عجبني وخلاني اغيّر رايي بعد المسخره اللي شفتها

لقد كنت وقتها في السعوديه وكان حديث الشارع السعودي هو مجلس الامه الكويتي
كانت المحطات العربيه تنقل مايدور في الشارع الكويتي
كان الكل يتحدث عن البلبله التي اثارها فريق نبيها خمس في وقت كان الشارع الكويتي في امس الحاجه للهدوء
كان الكل يستعد للاختبارات النهائيه
طلبة الجامعه وطلبة الثانوي وايضاً انشغال اولياء الامور بتدريس ابنائهم
كان الوقت صعب جداً

اتمنى عدم اندفاع البنات مره اخرى

=======
انا مع الخمس او العشر بشرط ان تكون عادله
الخطه التي تم عرضها لم تكن عادله
كيف يخرج من دائره 4 اعضاء ودائره اخرى 10 اعضاء
يعني فيه ناس لهم يملكون عشر اصوات وناس اربع اصوات
اين العدل في التوزيع

=============

اليوم انتبهت لفرق الاسعار بعد ماخلصت الكميات اللي كنت مخزنها

الصراحه فرق مو شويه
فيه بعض السلع ارتعت 50% وبعضها 75% والله يعين المواطن العادي

=============
السعوديه :ارخص بنزين في العالم بعد ان قام الملك عبدالله بتخفيض اسعار مشتقات البترول 30% الله يهنّيهم ..(غبط مو حسد):)ـ
=============
شركة ام تي سي وشركة الوطنيه للأتصالات رفعوا اسعار الرسائل القصيره الدوليه
من 20 فلس إلى 50 فلس

والارباح تذهب لتنميّة قطاع الاتصالات في الدول الافريقيه


اووووووه شقول شخلي
كل شي بإنحدار

======
قطع المياه عن المواطنين واستمرار تدفقه إلى البصره

=======
لكن كأس العالم جا بوقته

Enter-Q8 said...

اختي المحامية

والله مو أحباط لكن واقع

أنا نزلت موضوع ابيك تشوفينه شيئ من لا شيئ

http://enter-q8.blogspot.com/2006/06/blog-post.html

أما اختي إستكانة
ياريت الدنيا وردية نفس ما تعتقدين لكن مو بالتمني بالافعال
مثل ما قالوا

الجنه يبيلها شغل

مش شكرم بكرم

أما اختي الفاضلة نادية أنزحا

نعم تكلمت أننا لدينا ديموقراطية ولنا حرية الرأي
ونقدر نتكلم ونتظاهر و و و

لكن بالأخر كله كلام تحت قبة البرلمان

ما في اي تفعيل لمواد الدستور
الا للأسوء

يعني شوفي الاستجوابات

هل أطاحوا بشرار لا
اطاحوا بالدكتور الجار الله

وشتان بين الاثنان

نبي فعل مو بس كلام

لا نقعد انقارن بس حرية التعبير بالكلام واحنا لدينا دستور يشيل ويحط ويسنع

والدول الثانية ما عندها نفس اللي عندنا بس قاعده تسبقنا و صرنا بالنسبة لهم
كديـــــش

تحلطم تحلطم تحلطم

شنو خذينا من التحلطم

خلنا ننفض عن نفسنا الغبار
غبار الفساد والمحسوبية والنبرة الطائفية والعنصرية
و شوفوا فعلا اللي بيصير

بس خلاص بروح اشرب شاي

lawyer said...

menew
تسلمين حياتي
اميييييين يا رب
اشكرج لدعائج الحار

قرموشه
اي والله املنا في الله كبير

استكانه
حمدلله على السلامه
عسى يبتيلي حمام؟؟
اميييييييييين يا رب يحفظ ديرتنا

شكرا عمري



لؤلؤ
اي والله هذا الكلام انا قلته بنفسي
لكثير من الملرشحين وواجهتهم فيه
قلت له اذا فزت اول وحده بتوقفلك انا و بحاسبك على كلامك

اي والله حسد
البلوه البيروقراطيه الي تعاني منها وزاره التجاره و قوانين و شرووط البنك المركزي المعقده

سكتي سككككككككككتي شفت بعيني محدش آآلي


هاجر مطر
شكرا لك
اي والله لا للمستحيل



ندويا
ردييييييييييييييييت عليج عدل من صباح الله خير


الفلاح
بحاول بس ماني قادره كلش


دايفر
بروح الحين اشوف الموضوع



مشعل
ليش شفت بس الرقص من البنات
ليش ما شفت تعبهم في هالحر
ليش ما شفت دبجتهم
ليش ما قدرت وقفتهم للاصلاح

ليش شفت بس رقص البنات و لا شفت نتيجه تكاتف الشعب الكويتي
شي اللي يخلي 29 عضو يتحد و لاول مرا مو الشارع الكويتي
و الشعب الي هو الي حرك المجلس
بس للاسف بدال ما يصلحونها عموها

يا ريت يا اخوي لا تصير انت مثل عدسه كاميرا الجزيره الي ما تشوف غير الشين

و قدر ان نتيجه تحرك نبيها خمسه اهو الي حل المجلس و خلانا الحين انظف المجلس من الحراميه

انتر كويت
لحظه لحظه اشدعوه يا حافظ وياك كلاص شاي الله يهينك بوووستك يبيله شاي كشري عشاان اقراه
برووح الحين اقرا الي انت كاتبه

شكرا لك

mishari said...

فطووم لا تتحبطين ولا شى
المشكلة مو في الشباب المشكلة بالناس اللى ما تبى التغير

لما واحد يكون عايش وتحته 10 مليار ليش يطلب التغيير ؟
لما واحد يكون عنده فكرة وتحبط لان ممكن هالفكرة تصعد من مستواه
الوظيفى علشان ايبون ولد فلان

احنا مجتمع عزل نفسه عن كل شى وركز بس كالتالى
ريايل يركزون على المادة وحريم يركزون على الموضة
وقلة مثقفة تسعى للتقدم المجتمع شنو تتوقعين يصير

~ se3loah ~ said...

فطوم انتم جيل اليوم .. بيدكم كل شي بيتغير ان شاء الله

a7La eNG said...

يعطيج العافية

حرقة قلبج واصلة بكل حرف

اللي يذبحني شي واحد

رغم الفساد رغم الضجة و الصراخ و استشراف اكبر الحرامية فجأة


شي واحد استفزني لانه صار ظاهرة

لاحظت .. اغلب من يتحدث عن شراء الذمم ضرووري يتكلم عن النساء

و كأن الحريم اللي بسم الله الرحمن الرحيم امس ماخذين هالحق اهما اللي متحكمين بأسعار الصوت

اختزلوا سنين الفساد كلها

من عمر الدنيا و في ناس تبيع

الحين صار عيني عينك برضا الحكومة

و الا ماكو اشطر من مباحثنا و امن دولتنا


يعني يتكلمون بسخافة عن الحريم

اللي يقول جناط شانيل

واللي يقول دراريع

!!


ان شالله فهمتي علي لان عصبت فجأة اخاف مو مرتب كلامي


المرأة أمل الرجل لكنه ما يعترف

فا رجاء اي احد يسمع رأي ظريف مدسوس السم فيه .. و ريحة الطعن او التبلي على ذمم النساء .. لا يسكت يرد عليهم بقوة و يقول عيب الحين صاروا الحريم اللي مخربين الانتخابات

!!!


مشكورة طلعت حرتي شوية

Abdou Basha said...

بالتوفيق يا شباب..
أهم شيء الناس
إنه يكون الاعتماد عليهم
وانه يتم تغيير الأفكار التقليدية السيئة اللي تساعد على أي فساد أو تراخي .

بالتوفيق يا محامية..
على فكرة كاس العالم ده أصاب المتحمسين لكرة القدم بالإحباط بسبب التشفير .

mishari said...

وبعدين ابى اقولج شى ترى انتى وايد ظالمةالرياييل
امس قاعدين والا رولا دشتى دازة مسج تفضلوا بمشاهدة مباريات كأس العالم فى مقرنا الانتاخبى يوميا ؟

شنقول يعنى :)

كأس العالم كل اربع سنوات والناس تهتم من الجنسين والانتخابات عندنا ماصخة واغلب الناس تدري منو راح تعطى
زيارة المقرات مرة او مرتين بالاسبوع شئ كافى شنو المطلوب اكثر

بعدين البشر اللى قاعدين بالمقرات اكثرهم شياب اليوم مريت المليفى والا تقول داش دوانية الصيايدين كلهم شياب
خفى علينا يا معودة عسى الله يرزقج ريل سنع وتعرفين صج شلون الرياييل يفكرون :P
يا شقووووووول :P

Q8Lioness said...

يارب احمي الكويت من كل مكروه واجعله بلدا آمنا مطمئنا

نون النساء said...

اي والله موضوعج ايعور القلب
يا فطوم

حرام هالمشاعر الصادقة اللي بقلوب الشباب
ماتلقى لها صدى


لكن دام اكو ناس قلوبها ما دنسها الفساد

فصدقيني مافي شي مستحيل


:)

NaDiA AnZa7a said...

فلاح:
انا لغيت بلوقي خلاص
باب يجيك منه الريح سده واستريح


لوير:

اي رديتي علي الصبح اكلتيني بقشوري
ما بغيت الا عمري
:)))
بس اتمونين يالغالية

lawyer said...

مشاري

اذا الناس ما تبي التغيير عيل الي قاعدين انعفس عليه الدنيا هذا شنو مو مطالبه بالتغيير


بس بصراحه معاك حق على مثل بو عشره مليار



اي والله عزلنا نفسنا بغرووور لين رجعنا لي وراا



سعلوه
انشاء الله يا رب قوووووووولي امين


احلى انجنير

حياااااااااااااتي انتي
اشوه حاسين فيني

لا تخافين فهمت شنو تقصدين

انا مثلج لما اشتط ما ادري شقوول




عبدو باشا
بالعكس عندكم اشتراك الاي ارتي ارخص من الكويت بكتيييييييير

بس احلى حاجه شوفوها على الاهاوي





مشاري
وي وي وي وي وي وخزيتااااااااااااااااااااااااااااه من شجها

والله فشله

يا حسرتناااااااااا


هذا مقر و الا خيمه رمضانيه ؟؟؟؟


كويت ليونز
اميييييييييييييين
شكرا على المشاركه
:)



نون النساء
اكيييييييييييييييد
ماكو مستحيل
اكييييييييد

الله معانا




ناديه
ههههههههههههههه

حياتي انتي
امووووووووووووووت عليج

يختج ما اعرف لازم اتغزل فيييييييج الصبح على الريج
ههههههههههه

بعدين لا تقولين جدام الناس كليتيني بقشوري لا تبينين جدامهم اني نسره
اخاف واحد ماار معجب شي شيااات
يقب ينحاش
برستيجي الله يعافيييييييييج

تكفين ما بقى في قطار العمر ترا بدا العد التنازلي

3ateeja said...

حاسه فيج والله يا وخيتي لأنج مثلاتي اشتط من صجي وقلبي ينحمس ..يمكن انا بارده في كثير من الاحيان ولكن بهالمسئله لألألألألأ والف لأ
الفرق بيني وبينج اني ارد وما استحي
سواء عيوز
شايب
اللي اهوه المهم ارد مو عشان اللي تحجت
علشان اللي داير مدارها ما يقتنعون بكلامها
وبطبعي ادخل الظحك بالموضوع

cargo said...
This comment has been removed by a blog administrator.