Friday, June 16, 2006

ركائز فقدت احد ركائزها

اتقدم بخالص العزاء لاهلهم و ذويهم
و عسى الله يعوضهم خير بالاخره
ان لله و ان اليه راجعون
الحمدلله على الاسلام و الصلاح
اليوم الصبح و انا اتصفح الجريده
قريت الخبر
قلت عسى الله يصبر قلب امهم
قالي اخوي ان عبدالله كبره
و معاه في البدنيه
كان وايد ضايق خلقه اخوي
قلت له شفت الواحد ما يدري متى بيموت
لكن الواحد يموت و اهو راضي ربه
شفت انشاء الله هالولد الصالح المصلح
انشاء الله في جنات النعيم
يالله ربي يحفظ عيالنا
و يرحم موتانا و موتاكم
قلبي معورني وايد
والله الواحد ما يدري شيقول
بس عسى تكون وفاتهم عبره
لكثير من الشباب
عسى الله يتقبل حسناتهم و يتجاوز عن سيئاتهم

7 comments:

EsTeKaNa said...

الله يرحمه وعساه بجنات النعيم
.
.
اليوم كنت اقرا الجريده وقريت خبر وفاته وتعازي ركائز والجميع له
دمعت عيني وغبطته على الذكر الطيب وحسن الخاتمه وحب الناس له
ولد صغير بانجازات كبيره
وناس كبار بلا انجازات تذكر
الله يحسن خاتمة الجميع
.
.
في نفس الصفحة تحت هذا الخبر كان في خبر لشاعر غنائي مشهور كان سكران واعتقد عمل حادث:
سبحان الله فعلا الفرق واضح
الله يهدينا ويثبتنا ويختم بالصالحات اعمالنا

mishal said...

إن الذين آمنوا وعملوا الصالحات كانت لهم جنات الفردوس نزلا

الله يرحمه ويغفر له
ويسكنه الفردوس الاعلى

Charisma said...

انا لله وانا اليه راجعون ، بليز فطومه الواحد شيبى من هالدنيا !! حسن الخاتمه والذكر الطيب بعد الموت ..وطاعيهم ماشاءالله عليهم حسن خاتمه باذن الله وذكر طيب ماشاءالله

الله يرحمنه برحمته ويحسن خاتمتنه، ولا يفظحنه لا بدنيه ولا اباخره ، والله يصبر اهلهم على هالمصيبه وياجرهم يا رب


الله يسامحج قمتى قلبى فهالغربه بس ابى ارجع ابى عيالى وولهت عليهم :(((((((((

NaDiA AnZa7a said...

إنا لله وإنا إليه راجعون
الله يرحمهم برحمته والله يا فطوم على الرغم اني ماعرف الريال بس ادمعت عيني لما قريت تعليقات ربعه عليه وقلت الله يصبر امه .. بس اللي يهون عليها ان انشالله ريال صالح والحمدالله
اللهم اعفو عنه ووسع مدخله ونور قبره اللهم جازيه بالاحسان احسانا وبالسيئات عفوا وغفرانا
اللهم اغسله بالماء والثلج والبرد ونقه من الخطايا كما ينقى الثوب الابيض من الدنس
اللهم ثبته عند السؤال

ويالله حسن الخاتمه
ادعوله اهو محتاج الدعاء الحين
:((

فطوم اذا مت قبلج ابيج تكتبين بوست عني

lawyer said...

امين الله يرحمه

mishari said...

استغفر الله
عسى الله يرحمهم برحمته
اللهم الحقهم بالصالحين والشهداء

نون النساء said...

الله يرحمه ويغمد روحه الجنه

ويغفر له ويرزقه الجنه
آمين