Sunday, June 04, 2006

ابكتب

ابكتب ليلتي كلمه و بنزف ما احس سطور

حروف صاغها دمعي و نثرها في مسافاتك



وقفت بعبرتي مخنوق اصارع دمعه المقهور

بكيت احساسي الصادق وحلمي و كل كذباتك



كسرت بداخلي قنديل ضويته من بقايا النور

كسرته و انا من بعدك رميته في مسافاتك



انا يا صاحب البالين حويتك ,,بالحنايا شعور

زرعتك في شراييني وتبعت بحب خطواتك



وهبتك كل ما املك ,, وجيتك هايم مسحور

حضنتك ضعف بايديني ومسحت بدمعي عبراتك




انا مالوم احساسك ولا انت بالعطا مجبور

ولا اعتب على عينك ,, الا حنت لنزواتك



انا اعتب على انك تمثل دورك المبتور

وتلبس لي قناع الود و انت تنكره لذاتك


تبي مني العطا دايم و انت بالعطا معذور ؟؟؟

تبيني بعض من يومك و فصل من رواياتك



اسفه ما اقدر اكون العاشق المغدور

و لا انا مثل غيري اجاري بخبثي غايتك



و لا انا اللي بهرها الصيت و لا من سكن القصور

و لا انا اللي اسوم الود و ارفع زيف راياتك



ابرحل و انت بتلاقي ملايين تباري السور

ولكن ما اعتقد تلقى ,,بلسم يجلي ظلماتك

بلسم الروح

21 comments:

kila ma6goog said...

قوي

شي قوي

مسحت بدمعي عبراتك

قويي

NaDiA AnZa7a said...

عجيب الشعر اينن
صح السانج وهذا اهداء مني
...........
بيني وبينك غربة كنها الليل
ماعاد يذكرنا مكان التلاقي

ارحل مع النسيان وارحل مع سهيل
ماعاد لك في القلب اليوم باقي

مااقول لك عود كما كنت بالحيل
شلون ترضى النفس شرب البواقي

شوقي كما شوقك محته الغرابيل
وحبي كما حبك خذته السواقي

ذللت قلبي للصبر منك تذليل
ياغربة ايامي وكل احتراقي

ذكراك في دنيا وذكراي في ويل
عيش العذاب وذوق طعم الفراقي

lulu said...

صح السانج فطووم
حده قووى طالع من القلب بعد عمرى والله
:)

NewMe said...

روعة
كلمات آلمتني وأعادتني لذكريات مره

فضحت الحقيقة ورسمتها دون زيف أو خداع
ألف تحية

mishari said...

كتابة راقية طالعة منج صح هالمرة يبتيها

تحياتى :)

The S. S. said...

سلام عليكم
خووش ابيات يستحقها الزوج
صاحب البالين كذاب أما ثلاثة فموظف حكومي
بس سالفة صاحب البالين دائما كداب على قولة اخوانا السعودين
وان شالله بعلك مايكون كداب
الا عاد يمدح في زوجته واهي جيكره ويتقبل طباخها اللي مافيه ريحه ولا طعم فهو مقبول
لحبيبت قلبي
وان جيت احكي بعبرتي مخنوق ولولا الوصل ماتنطفي نار الاشواق

نون النساء said...

رووعه يا لوير

الأحاسيس المكتوبة وايد وايد روووعه


وطريقة اح=خراجها بالشعر عطتها


صدى وايد حلوو


;)

BaLqEeS said...

ماشاء الله عليج
مبدعه بانتقاء كلماتك

صح لسانج

lawyer said...

كله مطقوق

اي والله تعبير قوي

ناديه

اهداااااااااااائج فظيع

لولو

اي والله قوي و من القلب هذي رفيجتي الي قلت لج عنها
الي توفى زوجها



نيومي
مدري ليش دايئما احنا سريعين في استرجاع الماضي
و تجديد الحزن

مشاري

ايييييييي عشتو مسنعتها هالمره في الورد

اس اس
هالله هالله بنااااااااار الاشواق



نون النسوه والله انتي الاورع بكلماتك الرقيقه يا اختي


بلقيس
بعض مما عندكم

layal said...

الله يعطيج العافيه كفيتي ووفيتي
الصوره زادت الطين بله

lawyer said...

ليال
ااااااااااااااااااخ اكوووووو احد حااس فيني يا لياااااااال

اي والله انا اجابل هالصوره و يعورني قلبي

PearL said...

اححح

شعور يعور القلب
ماقدرت اكملها كلها

قلبي عورني

يعطيج العافية

arwa said...

لوير ...رااااائعه
احساس رائع وصادق للغاية ..ولامست كلامتك وجداني
ابدعتي

Яeema said...

allaaaaaaaaaaaaaaah


بكيت احساسي الصادق وحلمي و كل كذباتك

---------

من كاتبها!!!؛؛

دمعت عيوني

كل بيت يحتوي قصة إبروحة

3ateeja said...

صحت السنتكم
انتي وبلسم :)

Diver said...

يا الربع انا ادعوكم للفرح خلو عنكم النكد ترى الي يبي النكد بديرتنا ما ينطر الحب ترى الوضع كلا نكد بس مع هذا انا ابيكم تضحكون و خصوصا لوير و ريما ضحكوا و لا التجاعيد ترى ماهي بعيدة و في اشعار حلوة و فيها احساس كبير بس تونس و التكلم عن الحب
:)

Dr. Saleh said...

تبي مني العطا دايم و انت بالعطا معذور ؟؟؟

تبيني بعض من يومك و فصل من رواياتك

Dr. Saleh said...

تبي مني العطا دايم و انت بالعطا معذور ؟؟؟

تبيني بعض من يومك و فصل من رواياتك

The only thing that I can say here is

Sa7 elsanich o looking for more

lawyer said...

بيرل
احسايج حي اكييييييد و انتي تقرين عمري
الله يعافيج

شكرا لج

اروى
اهلا اهلا
شخبااااااااارج
بصراحه كلماتج رقيقه
مادري اشلون ارد عليج

تسلمين

ريما
:****************
****************


عتيجه
تسلمين عمري



دايفر
انا تخصرت لك و عطيتك نظره
عطووني الحب و تالي اتكلم عنه
فاقد الشي لا يعطيه


د.صالح
اوووووووووووووووووووووووووول مرا تمدحني
ما بغييييييييييييينا
شكرا شكرا
انشاء الله في اكثر
اي بلييييييييز كلا شجعني مو تفشلني و تجعمني
استاااااااااااااااانس من الكلام الطيب انا

Lord Bin Sleet said...

لوير

مبدعة كعادتك

تحياتي

hager mater said...

ارى ان فى كتابتك شى ساحر جدا وارى ا ن هناك شئ ليس بالهين

هاجر مطر
http://hagermater.blogspot.com/