من أين ابدأ لا اعلمعام مضى لي مع السابعه و العشرين
فماذا اضاف لي ؟
و ماذا اضفت انا لتاريخي فيه
اعتقد اني تعلمت الصبر
و مع قليل من التسامح
كان للنضج الحاصل الاكبر لي في هذه السنه
اعتقد اني نضجت
اذا تبون الصج
النضج يخوف
كثير من الهدوء
و قليل من التهور
و خوف من المجهول يكسره التوكل على الله
كيف مر عمري السابع و العشرون
مررت بمراحل عده
على الصعيد الاجتماعي
فكان لحالات الوفاه الحاصل الاكبر
و الفراق مزقني
على فكره اليوم مريت بيتج و غرفتج
خدامتج جوزفين موجوده
و سايقج موجود
و مريت عليج اليمعه المغرب على العاده بس انتي مو موجوده
ادري انج مو هناك بس ريحتج تكفيني
و على منحنى اخر من الفراق
فكان للوفاق بيني و بين كثر نصيب
انخطبت مرتين
مرا كانت سريه و بتكتم
على قوله امي خوفا من العين لان كان عريس برفكت
بس وايد ناس ظاهرهم شي و باطنهم شي ثاني
حتى انا الي قاعد تقرون بوستي اكيد وايد ناس تقولي ظاهري شي
و باطني شي.. و بسرعه انفلت الخطبه قبل الصيف
الخطبه الاولى كانت تجرح اكثر من الثانيه .. لان انا تقبلت عيوبه
ولكن اهو ماتقبل عيوبي.. ماراح اتفلسف عليكم و اقولكم انا فليت الخطبه
لا بصراحه انفلت و كانت خيره على سبب تافه و ناس قالتلي ان رد على مرته
الخطبه الثانيه علمتني اكثر بس كلش ما جرحتني
علمتني اني مستحيل اسوي شي عشان الناس
و مستحيل ارضى اهلي على حساب نفسي
و الملايين ما تسوي ريال
و اهم شي في هالزمن الصدق
بس للاسف كانت المسجات تتناقل من موبايل لي موبايل
فكان القرار صعب علي
ياكره الناس و كلامهم كان مثل القيد الي يربطني
الخطبه الثانيه انا فليتها الساعه 12 باليل لاني ماقدرت انام يوم واحد و انا مرتبطه فيه
تبون الصراحه محد كاسر خاطري الا امي لانها كانت في ميلانو اتجهز
و تحديدا كانت في منطقه اسمها فيروناتبعد ساعه عن ميلانو رايحه مشغل حق مصممه ايطاليا تخيط بدلات عروس
و على الصعيد العاطفي
قررت و اتخذت قرار
و احمد الله الف حمد و شكر ان وفقني للي كنت مقررته و الحمدلله ربي عطاني على قد نيتي
كنت مقرره بعد الدمار النفسي الي صارلي في السنين الي فاتت و بعد ما اتخذت قراري مع نفسي
باقفال باب الحب و تشميعه بالشمع الاحمر.. و ان ما يمر عمري 28 الا و انا طير حر
لا تربطني باي شخص كان علاقه او حب بطيخي ..
فحبيت منو.؟؟
حبيت نفسي
فتعلمت الانانيه
و الجشع في المشاعر
سوري ما اقدر اعطي اكثر
استنزفت مشاعري في السنين الي فاتت
و لا ابي احب غير نفسي
و لي ما اردت من الله
فها انا معكم حره
و لا يربطني سوا حبي لنفسي و لربي و للناااس
اعتقد حب الذات يعلم الانانيه
و لكن اشلون بحب الناس اذا ما احب نفسي
و اشلون بعيش اذا ما ادلل عمري
على الصعيد الشخصي
طنشت كل الكويتين
و القيل و القال و عشت ظاربه بكل الالتزامات
اسوي الي ابي اسوي
اقول الي ابي اقوله
وايد ناس ظايقهم تصرفي
وايد ناس تعبت مني هالسنه
بس انا في خط فاصل مابين فتاه مثاليه
متعبه عمرها
و فتاه شاريه دماغها و طاف بالناس
فاخترت نفسي
وبعت القيود
و على احلى صعيد و هو المزاجيه
تغير ذوقي شوي
فماصرت اسمع الا قناه
92.5 في الاف ام
هدوء و ريلاكس
في السياره و البيت
و على الصعيد المهني
الحمدلله توفيق من الله
و بركه دعاء اهلي
ولكن مازالت ابحث عن بزنس خاص
و اخيرا وليس اخرا
اشكركم لقراءه بوستي الطويل
اتمنى لكم انكم تسامحوني في هذا اليوم
على اي شي بدر مني لكم
و على اي كلمه جرحتكم
او على اي تصرف او بوست ضايقكم
احبكم
كل عام و انا و انتو بخير
56 comments:
كل عام وانتي وبخير وان شاء الله الله يعطيج الصحة والعافية ورضا الوالدين
==
وزين سويتي انج فكرتي بعقلج وفليتي هالخطوبات ماتدرين شالصالح فيه والحمدالله الله مايسوي الا كل خير لكن بني آدم دائما مستعجل ومايشوف ابعد من ارنبة انفه
وشدي حيلج
Happy Sweeet 28 !
أحلى شي بهالبوست انج عارفة نفسج و عارفة شنو تبين ... و حلو الواحد يراجع نفسه و يتصفح حياته بيوم مثل هذا .
::
تمنياتي لج بسنة أجمل من أحلامج
wish you a happy 28th.. :)
and the years after :)
u said:
فحبيت منو.؟؟
حبيت نفسي
فتعلمت الانانيه
و الجشع في المشاعر
and i like it :D c'est moi :D
Dear Lawyer,
كل عام و انت بألف خير و صحة و عافية و بين أهلج و أصحابج و حبايبج..
و الله يعطي طولت العمر لكل الي تحبينهم
......
انا معاج قلبا و قالبا في فكرة
"شراء الدماغ"
النا س ما لهم الا القيــــــل و القـــال...
و بيّض الله ويهج و ما بدر منج الا كل خير و أحلى بوستات
و شكراك;)
اخيرا لوير
من زمان وانا ناطرة بوست من النوع اللي عودتينا عليه
كل يوم ادخل اشيك
وبعدين اقول
يمكن بكرة
كل عام وانتي بخير
كل عام وانتي صادقة مع نفسك
كل عام وانتي افضل من اللي فاته
وكل عام وانتي بلوقر
lawyer:
haaaappy birthday wa 3oqbal 100000000000000 sina :D
لا يهمونك هلي فليتي منهم انشالله الله يوفقك باللي احسن منهم بألف مره :)
و على طاري ( ما اتخذت قراري مع نفسي
باقفال باب الحب و تشميعه بالشمع الاحمر) انا اعارضك هني..الدنيا لين الحين فيها و الطيبين وايد فتحي قلبك حق الناس يفتحونلك قلوبهم :)
( مستحيل ارضى اهلي على حساب نفسي
و الملايين ما تسوي ريال) صدقيني ماكو احد تزوج غصبن على اهله الله موفقه..من الظاهر شي و من الباطن شي..يمكن ما يبين عليهم بس داخل بيوتهم الله يعلم..0
و الفلوس ئي والله صدقتي عمرها ما سوت ريال شنو فايدة الفلوس اذا الريال منحط!!!؟
بالنهاية الله يوفقك إنشالله بحياتك الإجتماعية و العملية :)
لوير ! كل عام وانتي بخيييير حبيبتي
عقبال 10000000 سنة حلوة وسعيد يارب
وانشالله هالسنة غير علييج وتتحققلج أحلامج وتوصلين حق اللي تبينه ياربي
28 ؟؟؟ كلش ما يخرع هالعمر
انا توني الشهر اللي طاف صرت 28
بس والله ما أحس اني بهالعمر ! انا من زمان وقفت عن الحسبة ! العمر بس رقم! التفكير والروح والشخصية وايد ما تبين إني بهالعمر... وانتي بعد أحسج مو هالكبر من شخصيتج ونفسج الحلوة وسوالفج
أكو ناس صغار بالعمر بس الدنيا وهمومها خلتهم جنهم كبر أمي ! مساكين
وأكو ناس كبار مشالله أشكالهم أصغر مني ! كله من النفسية وراحة البال
ووايد أعجبتيني بهالجملة
مستحيل ارضى اهلي على حساب نفسي
و الملايين ما تسوي ريال
صاجه ! مستحيل توافقين على ريال عشان ترضين أهلج وانتي من داخلج مو قادره تتقبلينه ! هذا الدمار بعينه واعلمه
يالله الحمدلله على كل شي
وانشالله تشوفين الخير أكثر بهالسنة
وكل سنة وانتي بخير مع أهلج وأحبابج وربعج
و ياليت الأيام تجمعني فيج لول !
أحب اللي قلبهم أبيض وسنعين و طيبيين.. ماكو مثلهم هالأيام وإذا لقيتهم ما أهدهم!
الله يهنيج ويحفظج
سلمييلي على أمج ! أحسها أمس على سالفة التجهيز بروحها لوول
أحسها أمس = أحسها أمي
يا علج العافيه ...هالبوست الوحيد اللي وانا اقراه احس اني اقرى نفسي الى درجه ان عيني اليمين دمعت دمعه وحده ... قرارات اتخذتها وترى رقم 28 احلى رقم صدقيني ...
اما بالنسبه للخطبتين ...مونصيبج ...ومتأكده ان الله بيرزقج احسن منهم ...وعلى قد نيتج ويفرح اميمتج قولي امين
دايم احس بينا ارتباط وشوي شوي اكتشفه بالينون
بالجرأه
قرب تاريخ الميلاد
والحين صار القرارات
كل عام وانتي بخير حبيبتي
وابتسمي
ترى انتي في الزبيييير
رحت قريت الكومانت مالج
اللي حدر
وحش التاوه اللي يسلمنا وياج ...هذا البيديان
بس بلزبيري
شكو وحش مادري
عاشت أيامج يا لوير
كلّهـــا ورد وعـبير
جابـني قلـــبي ببارك
كـل عـام وانـتي بخـير
..................
سمعت مشمعه قلبج بالشمع الأحمر
قلت يمكن عارضه فيه أحباب تقليد
نفس المحل ايّاه اللي بالصالحيه
مادري صج والا جذب
المهم حياه سعيده وعمر مديد
يا رب عيل نشوفج اليوم
بنينو .. بصراحه انا اي مطعم
اليوم فيه عيد ميلاد بروحله
لعلّي اراهم أو ارى من يراهمو
طابت سنينج
كل عام وإنت بخير وصحة وسلامة
ونتمنالك كل خير في حياتك العملية والإجتماعية والعاطفية
كل عام وأنتم بخير
واستقرار نفسي واجتماعي واقتصادي
سؤال يطرح نفسه
ليش لما ينكسر الإنسان يبدأ
يفكر بنفسه
؟؟؟
والانكسار مو بس على المستوى العاطفي
على جميع المستويات
السياسية والثقافية والاقتصادية والفكرية
؟؟؟
ودمتم بحب وسلامة وصحة وعافية
ومرة أخرى
عقبال 1000 سنة كلها سعادة
ورخاء ودعة وحبور
كل عام و انتي بخير
:)
و السنين الحلوة يا رب بقبال
حبيبة وغالية يا لوير
كل عام وانتي بخير
عاد تصدقين أول ما شفت العنوان ياني احساس إنج بتتكلمين عن العمر
عاااااادي جدا ... لا يخرع ولا شي
حسيت هالبوست بالذات حزايني .. شي طبيعي الإنسان دايما مابين صعود ونزول
يا حياتي يا لوير الخطبة إلي ما تمت تأكدي .. وحطي ببالج إن ممكن هالإنسان ما يستحقج ... وما تدرين يمكن خيرة و آنا متأكدة إن خير .. لأن كل شي إيي من رب العالمين يا محلاه ... وبعدين راح تكتشفين .. وتقولين الحمدلله
انتي دائما قريبة يا لوير بكل بوستاتج وكلامج ومواضيعج
ربي يحفظج ... ويخليج .. وانشالله أيامج كلها خير وسعادة .. آمين يا رب
انا شفت ناس يتكلمون بصراحه
بس جذيه ماشفت
مااحسدك لا
اهنيك
واهني نفسي اللي تعرفت على مدونه فيها هالكم من الصراحه
دمتي راقيه
واااااااااااااي
ربعي احبكم ونااااااااااسه
كتبت البوست و طلعت رديت لقيييييت 17 كووووووووووووومنت يا بختي
ونااااسه
اول شي خلوني اقولكم شنو سويت
الحين الساعه 3 ونص
رحت الدوام عادي
و خلصت شغلي الساعه 10 و طلعت
تالي رجعت البيت بدلت
ورحت سباااااااا تايم احتفل في روحي
عطيت نفسي هديه مسااااج و ريلاكس
وونااااااسه
رجعت البيت توني فتحت النت
يالله خلوني ارد عليييييكم :))
كاراكاتو
و انت بصحه و سلاامه الله يخليك و يحفظك يا رب
امييييييين
بروووووك
الحمدلله اهم شي الواحد يتصافا مع نفسه
بعد رووووووحي انتي
انشاء الله اجمعيييييييين
سمبر
مشكووووووووووووووووووور
مشكوووووووووووووووور
وايد مشكوووووووووور
ادري فييييييييييك
هههههههههههههههههههه
اكيد حبيت هالجمله احلى شي
رفلكشن
يا بعد روووووووووووحي
اي والله صاجه
يارب و يبض ووووويه كل مؤؤؤؤؤؤؤمن يا رب
نجله
حياتي انتي بس تار حتى البوست الي فات كان فضفضه و هلوساااات
وبوووووووح
و انتي بصصصصحه
و راااااحه يا رب
فركاااااش
مشكووووووووووووور
مشكوووووووووووووور
يا رب اجمعين
كلاااااامك يششششرح القلب
و يبررررررررررررد اليووووووف
مشكوور
اجمعين
كويتيه
حبيبتيييييييييييي انتي ايييييي بلييييز
بردي على قلبي و قوليلي ما يخرررررررع
اشتبييييييييييييين ما تصدقين اذا قلت لج
اليوم لبست ترينيج
نوووووووو ميك اب
فلااااااااااات
ورحت الفرع قبل سبا تايم
قاااااااااالتلي مدرسه في ثانويه قرطبه
وااااااااي يا حلوج فطامي هذا انتي ما تغيرتي
اااااااااااااااااالله يا انا تشققت
قلت لها ابله اليوم عيد ميلادي !!
هههههههههههههههههههه
شكووووووووووووووو
شكوووووووووووو رازه عمري قصب
الله يديمها علينا راحه بال يا رب
و انا لي الشرف اتعرف عليج
افا علييييييييج
دزيلي ايميل بسسسسسسسسسس
امشي خنروووووووح شوكلت باااااار
فينييييييي بلعه
مسويه رجيم و ظاعفه بكاااااافئ عمري
:))
عتيييييييجه
حياااااااااااااااااااااتي
انتي والله هذاااااااا بس مو ذوووووووقج
واخرتهااااااا طلع بيدياااااااااااااان
ههههههههههههههههه
ههههههههههههههههههههههههههه
وااااااااااااااااااي تكفين سويلي شي لذيذ و طرشووووووووووووووولي نقصه
لا تخافين اطرش الساااااايق
الخاطر
تسسسسسسسلم الله يحفظك
بسسسسسسسسسسسس
نينوووووو انا ما اروووووح الا ويا وحده من البنات و اهي مرييييييييضه يا عمري ععمرها
وبعدييييييييين انا عكرررررررره اشكبري
اي كيييييييكه اتكفي 28
اشششششششش
اشششششششششششش
لا تعلم
بذمتك من يحتفل في 28
خل الطبق مستوووووووور بس
د.صالح
و انت بصحه و سلامه و الف خير يا رب
اجمعييييييييييين انشاء الله
سلوجا
و انت بصحه و سلاااامه يا رب
اميييييييييييييين
بس كثر من الاقتصادي خنفتك من الفيزا بليز
ههههههههههههههههههههه
اي والله مدري ليششششششش
بن ادم اخر ما يفكككككككككر في عمره
و المفروووووووض العكس
الحين انا مدلله عمري
و الناس مو عاجبهاااااااااا
و لما كانت حياتي للنااااااااس كانو يشوفوني هم مقصصصصصصصره
فشريت روووووووحي
طائر بلا وطن
و انت بصصصصصصصجه و سلامه يا رب
اجمعييييييييييييييين
شيز كيك
و انتي بصحه و سعاده يا رب
اي فعلااااااااااا
الزواج سعاده في كل مكان الا الكويت
الزواااااااج مصح يندفن فيييييه الواحد
و يطلع مينوووووووووون
المااااااس
يا بعد قلبي انتي
و انتي اغلى يا حبي
كلامج يشششرح القلب و درر مثل الماس
اسم على مسمي
والله ريحتي قلبي
و خجلتيني
خصوصا لمااااااا قلتي انج تحسين بوستاتي قريبه
الحمدلله يا رب
الي من القلب يوصل القلب
على طول
براك
لااااااااااااااااااااا
انت ختامهم مسك في التعليقاااااااات
ادمعت عيوني
كلكم تعليقاتكم احلى و اقرب
اشكرررررررررررررررررك
والله اشكرررررررررررررك من كل قلبي
الله يسلمك و يحفظك يا رببب
انا لي الشششرف فييييييييييييييكم كلكم
kelll 3aam wenty ebalaaf 5air :)
walaah sorry 7alte alnafseyaa maly 5elg laa a3alg walaa aktb shy bs walaah gelt 3ashaanch lazem adesh oo bareklch
yamken laay allail alnafseyaa tet3adl eshway alah kaream :)
keel 3am wenty eb5air
وهل تؤكل الفاكهة قبل ان تنضج ؟
كل عام وانتي بألف خير
وعقبال مية سنة
الحمدالله مرت 27 سنة على خير
والحمدالله تعلمتي منها وايد اشياء
وبرايي ا كلها صح
:)
حبي نفسج قبل كل شي
ولا تسوين شي الا وانتي مقتنعة فيه
كل عام وانتي بألف خير
happy birthday
كل عام وانتي بألف خير
والعمر المديد لج يارب
ويسعدج ويفرحج وينولج مرادج
و28 مايخرع اللي يخرع 82 لووووووول
وانشاءالله ماتخلص هالسنه الا
:)
وانتي في عش الزوجيه
lawyer,
Happy belated birthday
بس أقولج شي
إذا كان 28 يخرع
بس نطري شوي
وراح تكتشفين إن رقم 30
مرعب ويسبب الذبحة الصدرية المؤقتة
وكل عام وانت بخير
happy b.daaaaaaaay ;**
ليش يخرع
احلى عمر هذا استانسى واستمتعاى بالطريقه الى ترتاحين فيها مع نفسج
كل عام وانت بالف خير يا لوير
انا ابغي عنوان " المشغل " الي في فيرونا الي جنب ميلانو الي في إيطاليا ..
بس :)
كل عام وانتي بالف خير وانشاءالله سنه 28 تكون سنه خير وسعاده وانشاءالله تحققين كل الي تبينه يارب
كل عام ونتي بخير :) يا العيوزة
لا لا وين عيوزه ياريت ارد لي 28 ويه جان علوم تصير
على العموم بما انه انتي صاحبت الميلاد المجيد فنرجع لج
كل عام ونتي بالف و اربعميه و خمسه و اربعين الف خير يارب
الحلو في الانسان انه كل سنه يحس نفسه انضج و اتمنى انه تخشين هل بوست و تقرينه السنه القادمه عشان تعرفين شنو الاختلاف الي صار بين 28 و لـ29
اتفق معاج في مو ضوع انه النضج او الكبر يبعد الانسان عن التهور و المغامره ليش ما ادري
معنه المفروض العكس او على الاقل حسب رايي الشخصي انه الي كبر شبع من الدنيا فيقدر يغامر ويتهور براحته
بس للاسف ولي اكتشفته و انا على اعتاب 32
انه كل ما نعيش بهل دنيا كل ما نتمسك فيها اكثر و اكثر
ويخف تهورنا وتضمحل جرائتنا
قناه
92.5 في الاف ام
اختيار اكثر من موفق اهنيج عليه
في الختام نصيحه من اخ متهور سابق وناضج حالي
التقدم بالعمر ليس مبرر لارضاء الغير أو اتخاذ قرارات فقط لانه الي بعمرنا ماخذينها
صدقيني
ودمتم :)
وين الايميل ما دزيتيلي اياه مال البوست الملغي
:)
العمر كله لك
وكل عام وانت بخير
فعلا البوست كان طويل
بس مش عارف ايه اللي صبرني لقراءته حتى النهاية
رغم انه ليس لي لا
في التور
ولا في الطحين
:)
ولكن
سعدت بقراءئته
شكرا جزيلا
طموح
حياج الله مشكوووره وايد على كلامج الرقيق :))
نورتي
كوزيم
ابيييييييه علامك اشفيييييييييييك؟؟؟
عسى ماشر
هونهااااااااااا و تهووووون
عسى نمت عدل بالليل؟؟
عاجل
ااااااااااااااااااااااالله يجبر بخاطرك على هالكلمه
اييييييييييييي والله
قمه النضج
:)
مشكووووووووووور
ياربي صج في ناس ترفع المعنويات جذي:)
حياتي بيرل
وانتي بصحه و سلامه يا رب
الله يحفظج
الحمدلله هذااااااا من الله :))
الوفا طبعي
حيااااااااااج الله عمري
مشكوووووووووووووره و انتي
بخير و صحه و رخاء يا رب
انشاء الله في بيتي الي اشترييييييييييه
مو عش الزوجيه
مابي قصر الزوجيه ابييييي الراحه بسسسسسسس والله
بلوجلس
جني ببجي الحين؟؟
السالفه ترا بدت اتصير تغييرات نفسيه هرمونيه مع دخوول الثلاثين !!
امسسسسسسسسسسسسس اخوي يقولي كملتي 30
ققققققققققلت لااااااااااااااا
28
قالي 28 دشيتي 29
يعني اشبقا على الثلاثييييين
ياااااااااربي
بغيت انتحر
:\
ام مدعاب عمري
thaaaaaaaaaanks baby ;*******
كارزما
وانتي بخير
قطعه 13
لووووووووووول يما منج ما يطوفج شي
العنوان يوصلج انشاء الله افا عليج
بس اهم شي ما تقولين حق احد
لاني بقوول هوت كوتيور ارماااااني
مو تخربين السالفه علي
بنت الكويت
حياتي انتي مشكووره :)
و انتي بصحه و سلامه
اجمعين يا رب
ما قصرتي :)))
كويتي
مااااااااااااااااااااااااااااااني عيووووووووووووووووووووووووووووووز
انا شاااااااااااااااااابه يافعه
ياربي هالريال بيرفع ظظظظظظظظظظظظظظظغطي
بطرشلك الاميل
بسسسسسسسسس بعاقبك يوم واحد بعد
عشاااااااان
كلمه عيووووووووز
خليت انا كل شي و وقفت على العيوز
هههههههههههههههههههه
اي والله ترا النضج شوي مليق
و يخلي وايد شغلات مالها طعم!!
اكتب بالرصاص
هههههههههههههههههههههه
الله يصبرك علينا شنسوي
اخذ اجر اجر
هههههههههههههههههه
وانتي بخير يا رب
و بصحه و سلامه
:))))))))
مرحبا لوير =)
كل عام وانتي بخير وبعافية وبصحة وسلامة
أول مره أدش بلوقج وان شالله بزوره دايماً ,,
كل شي في هالدنيا خيره يمكن
حزتها ماندري شنو اهيا الخيره
لكن كل شي يبين بعدين
وأهم شي الواحد يكون مرتاااح
عارف شيبي من الدنيا وشنو سوى فيها
وعؤبال المليون سنه لوير
فطوووووووووومه
بما ان أمس عيد ميلادج
فما راح أقولج
Happy birthday
بس راح أقووووووول
Happy first day in 28
(",)
بيني و بينج
أنا ما أحسبها جذي
الواحد أو الواحده فينا متى تبدي توعى للي حواليها ؟
بالخمس او ست سنين؟
و هذا يعني يا عزيزتي ان عمرج الحقيقي اللي عشتيه هو
23
:))
شراااااااااااايج
فييييييينييييي؟؟
هههههه
اول شي كل عام وانتي بخير ثاني شي ترى والله توج صغيرة والله..تصدقين كل اللى اعرفهم تزوجو عقب الثلاثين كلهم ماشالله خذو رياييل مسوينهم يا دهينة لا تنكتين ومهنينهم ويابو عيال بسرعة ماشالله ..مو وحدة ولا ثنتين كذا وحدة.. سبحان الله ..الله يعطي الوحدة على صبرها ومحافظتها على نفسها..فأنا اقولج ياوخيتي لا تستعيلين على روحج :) توني قبل جم اسبوع رايحة عرس العروس فيه فوق الاربعين وماشالله عليها كلش مو مبين انها فوق الاربعين وريلها اينن وولد مو مو متزوج من قبل..توج صغيرة لا تحاتين :)
جنون احساس
مشكووره على الزياره و على تعليقاتج الي هني و الي في البوستات القديمه استمتعت في قرائتها و قلت ارد عليج اهني
مشكووره وايد و حياج الله نورتي
بربل
اهلاااااااااااااا
اهلااااااااااااااااا
شوفي عشان اكون صادقه وياج
انا فتحت عيني بعد التخرج في مصر
يعني انا عمري بالظبط على حسبتج
يكووووووووون
خمس سنواااااااااااااات
هياااااااااا
حدي حبيتج
بلووووووووووووووووووووووووووووجر
لا تنسووووووووووووووووووون عمري بس خمس سنوات
:))
تكانه
اهلا فيج
حياج الله و مشكوره على تهنئج
وزيارتج المشرفه لي
مشكووره وايد على مشاعرج الطيبه
و مشكووره على دعمج لي
و انشاء الله ماتكون الزياره الاخيره
حياج
منوره :))
كل هذا خوف من الثلاثين !
:P
المره القويه أحسن
:)
KIL 3aaam wintay ib alf khair inshallla! sektay ya lawyer ana 22 wo mikhtar3a bes metnaqtha y3nee marra akhtere3 wo mara agoool TAWNeeee shfeene mekhtar3a 3indi wayed ashya abee asaweeeehum sara7aaa;p
happy birthday sweeeeeeeeeeeeeeeeeety
enjoy enjoy o enjoy it !
28 or 40
all same
أهم شي إللي داخلنا لا يكبر
كل عاااام وانتي بخير يافطومه
رائع ماتعرفينه عن نفسك وتستطيعين البوح عنه بكل دقه وشفافيه
Happy Be-lated birthday dear :)
wish you all the best on your b-day :) I hope you enjoyed it
28 isn't scary :) trust me , i'm already there and enjoying it sooooooooooooo much
6anish ...t3ish ....tanta3ish :P
ENJOY LIFE TO THE FULLEST :)
oo ba3dain who cares age ain't nothing but a number :) aham shay enich you feel young and happy :)
كل عام وانت كما انت
مشرقة
صادقة
محبة
شفافة
قراراتك اتفق معاها واحدة تلو اخرى
لعل الايام القادمة لا تحملل لقلبك الطيب
ما يجرحه او ينكد صفوه
تستحقين حياة هانئة كيفما تريها انت
لا الناس
اطيب الامنيات
دومي بحب
تحياتي
لوير...نحن من الجيل الاكبر منج ماني قايلج اشكثر....حتى لا يكون قياس....لان العمر ليس هو القياس........كنا 4شباب و6 بنات....كانت حياتنا اكثر بكثير من الاخوه....تخرجنا ورجعنا الكويت تزوج 4 منا من بعض وبقى شابين و4 شابات..............وطافت السنين ونحن نلهث لاثبات الذات بتحدي نحن راغبينه.....ونسى الجميع.....الزواج................................................للعلم فقط مو من قل ماحاولنا نحن الشباب ولا من قل ما جاء خطاب للشابات.......لكن اقتنعنا جميعنا اذا لم يكون الزوج او الزوجه هو اوهي بنفس المواصفات الي احنا اعتدنا عليها.....والا الحياة الزوجيه زي قلتها والحريه والاستقلال هي بلسم حياتنا......وتعرضنا جميعنا للنقد العائلي و المجتمع.....حتى انفتحت الحياة في ال35 لاولنا و39 لاخرنا وهي بالمناسبه ينت.....ولا زلنا نتجمع.....بالسنه 4 الى 5 مرات............................والنتيجه الني اتفقنا عليها كلنا.....واريدك ان تحفضيها و هي ظل الحيطه التي تحميك ليس الرجل...انما هو "قوي مركزك الاقتصادي " من عملك.......سوف يضعف اي رجل امامك....وخاصة الجمبازيه واللئماء منهم.......اما ان يكون...سنع وريال والا هو اللذي يقضب الباب وبروح عند امه...................................................وسوف تواجهين......صعوبات وضغط نفسي من نظرة المجتمع....ولكن....تميزك وجديتك في خلق شخصيتك.....وتقوية مركزك الاقصادي....يجعلك تعبرين الجسور بسهوله.....................................................ولعلمك....3 من زميلاتنا اليوم اغنى من اخوانهم......واحدى زميلاتنا راتبها قارب 8الاف دينار .................................وفي النهايه ......وفقك الله على نفسيتك المرحه وهي مفتاح الحياة.......افا يافطيم 28 شنو ........للحين توج...اذا مايجي صح احسن لج لا يجي..............................بس عيزت وانا اكتب....مابي يضيق خلقج......ونسيت اقولج لا طوفين اي سفره....طقي جنطتج وركضه.....المطار.
كل عام و انتي بخير
و وايد متأخر اكتشفتي ان تحبين نفسك افضل من التضحية
انا اكتشفت هالشي قبل ست سنين و الأشياء ماشية تمام من يومها
بعد التحية
هو لا يخرع .. و لا شئ ..
انا اتفاؤل بالاعداد الزوجية .. و اكره الفردية ك 37 و 35 39
كلامك منطقي .. و من حق الواحد انه تسايره الظنون ..
بس عفوا انتي مو محتاجه حب ..
أظنك عديتي هالمرحلة ...
أنتي محتاجه صديق/صديقه بما تحمله هذه الكلمه من معني ..
صديق يرسم البسمه و صديقه تصدقك القول .. لا تجامل و لا تنافق على حساب صداقتكم ...
كم هو صعب الحصول على صديق صدوق في هذا الزمن ...!
بنظري هذا كل ما تحتاجينه الآن .. اما سالفة الزواج فاللي الله كاتبه بيصير .. و نصيبج بييج بييج...
عذريني على الاطـــالة
بركان ثـــائر
اخواني و اخواتي البلوجر
الى كل من يقرا مدونتي
اشكركم جزيل الشكر من اعماق قلبي
والله كلامكم و تعليقكم يثلج صدري و يعطيني دافع كبير
يمكن عشان انا فعلا احس بالتواصل وياكم
و احبكم..
ولكن القضيه هو خوفي من العمر و التقدم بالسن
وهذا شي طبيعي
وجود الرجل بحياتي في هذا الوقت غير مناسب لاني ماراح اوفيه حقه
و لا راح اعامله مثل ما يتمنى
لذا اعترفت لكم فاني حاليا مشمعه نفسي
و غير قابله لا للحب و للزواج
و لكن لقيت الكثير و اغلبكم
ركز على فكره ارتباطي
الي انا اصلا بالاساس مأجلتها ...
لان الحياه عندي الحين مفهومها تغير بكثير
و لا اكو شي يسوا ....نسويه من اجل الطرف الاخر
neo
اي خووف والله خوف
لاني ما ابي احس اني كبرت
و لا ابي يبين علي الكبر :))
بدون خبث
اي والله احسن شي المرأه القويه
الي توقف في مهب كل عاصفه تطسر الظهر
شكشكه
الله يعطينا طولت العمر
و بذكرج اذا صار عمري 28
بشوووووووف اشلون يمر عليج
ريما
عاد انتي اكثر وحده اتعرفيني اني من الداخل يستحيييييييييييل
اكبر
بذمتج بذمتج
اناااااااااااااااا
ماااااااااااااااااال 28
;)
سالفه قلب
شكرا لك و انتي بصحه و سلامه
اي والله رائع و الاروع ان يكون حوالينا انااس لهم قلوب بيضااا
مثلج و شرواج يفهمون الشفافيه و يقدرونهااااا
دمتي يا سالفه قلب
بكل صفاء
ورده
الله يا انااااااااااااا شاريه دماغي و مطنشه
هههههههههههههههههه
ناس اتبقبق الحين
هههههههههههههه
اي والله مستمتعه
و القلب خضرررررررر
نيو مي
انا فعلا الان نيو مي
جديده
تعلمت من خبرات الغير
احببت نفسي قبل كل شي
ليقدرني الاخرون
اعطيت بما فيه الكفايه
جاء دور نفسي
التي سيحاسبني عليها ربي
اشكرك من اعماق قلبك على طيب ثنائك
د.انريشبل
مشكووووووووووووره عمري
و انتي بصحه و سلامه يا رب
مممممممممم 1000 سنه مابي اصير محروله
عيوووووز
ههههههههههههههههه
هههههههههههههههه
:)))))
اجار الدين كشمش
تعليقك قريته والله اكثر من اربع او خمس مرات
اتصلت في اقرب الناس لي يقرونه معاي
لعلنا نستفيد من تجاربكم
اشكرك من كل كل قلبي
اشكرك بكل ما تعنيه الكلمه
انك عطيتني تجربه عمر
وقدمتها لي
مو عشان شي
بس عشان تبي اخت لك مثلي تستفيد
يشرفني اقرا الي كتبته
و يشرفني ان يكون صدقك الي مسجل في تعليقك عندي
احببت كلامك
و انشاء الله بستفيد منها
ماراح اقدر على اعلق
عليك و لكن كل الي اقدر
اني اشكرك
مو عشان شي
بس لانك انسان بهالقدر من العطاء
انشاء الله بحاول
اطبق الي قلته
و انا بصدد قرارات معينه
ما ابي اتكلم عنها
قبل اوانها
بس الله يعطينا طوله عمر
و تعرف
و ابشرك فيها
و اقولك اخوي اجار الدين
مشكور على النصيحه تذكر هذاك اليوم الي قلت لي فيه كيت و كيت
عطاني دافع كبير
و خلاني اسوي شغلات كنت ناويتها بس حسيت ان يا وقتها الحين
اشكرك
فعلا في هالزمن نحتاج ناس كبار ناضجين
يعطونا من تجاربهم
اشكرك فوق ما تتخيل
كلامك لمس قلبي و هو بطريقه لعقلي
:)
مطقوق
و انت بصحه و سلامه
انا كنت متأخره؟؟
والله اتصدق للاسف بديت متأخر
بركان
اهلا اهلا فيك
و انت بصحه و سلامه
اقولك شي ما تصدقه
والله يا بركان امس بالليل قاعده اسولف مع صاحبتي عن هالموضوع
ان الحين الحب فعلا ماله قيمه
لانه لا يقدر
ولكن الي يبقى اهم ربعي
لاني ماراح اخسرهم
انا ما اتكلم عن صداقات عابره
اتكلم عن رفيجات عمر
مشينا درب ويا بعض
ذهب ما يتبدلون
و ربعي اصدقائي اعرفهم من 1998
و 2000 ما ابدلهم بالماس
النصيحه تطلع منهم من قلب
خوف
تقدير
و كثير من الحب
فعلا كلامك في محله
اشكرك
بس عندي سؤال
في هالزمن هذا
وبعد هالعمر
مو المفروض الزوج اذا طق بابي لازم يتوقع بوجود ربع و اخوان اعزهم مثل اخواني
دايما افكر هل الصديق يعتبر خيانه للزوج؟؟
هل الزوج الكويتي
راح يفهم هالشي
بصراحه
ما اتوقع
حاضرين يالشيخه لوير بس هذا من نفسيتك المرحه......مانبي احدى زميلات البلوغرز يضيق خلقها وتندقر......................................................انا استلمت ايملات كثيره على هالتعليق وشكرا لكم كلكم.......تستاهلون انتوا ولوير ......ويسالون ماهو المقصود طقي جنطتج وسافري.........................اعتقد المعنى واضح ان الانسان اذا انهمك بالعمل......يثقل ويحاتي الشغل وايد......ودائما يرفض دعوات السفر.......العائليه....او الاصدقاء.....بحجة الخوف على انجاز العمل.....وهذا الرفض يكسر مجاديف الانسان......مالازم ان يستسلم له......والا وجد نفسه بعد مده.....قلق حنى وان سافر
كـــــــل عام وانتي بخير لوير
وتعوده كل سنه بالصحه والعافيه ان شالله
الحمدالله انج بلغتي هذا العمر بصحتج وعافيتج و سلامه اهلج ان شالله
وراحتج تسوى الدنيا ومافيها
ومايصير الا الي يطيب خاطرج ان شالله
:)
Hi ... It's my 1st time Being Here , I liked your Posts ... Especially the One About Zurich :-) ,ما أدري ليش الناس تحتفل بعيد ميلادها ؟؟!! ، ow could someone who -gust -lost a Year of His life ... Celebrate ?? ، أنا أقول 28 سنة مرت بكل مواقفها ولحظاتها ... الحلوة ، المضحكة ، الجميلة ، أيام الثانوية ، الجامعة ، مصر ، الإتحاد ، السكن ، السفارة ، أبلة شريفة ، التخرج ،الشغل ، المحكمة ، الزملاء ، ... وأيام لا تنسى أيام lausanne , Montreux وجمعة السفر ، وبعد الثانوية الذهاب إلى القاهرة - أحلى أيام !! - والتعرف على اللي يسوى واللي ما يسواش :-) ، you surly had your moments , gust remember , after all .. still young , Creative , Lovable Person , Intelligent and You Got a Wonderful Job!! ... ليش ضايق خلقج ؟؟!! ، By the Way ... Don't take any - and i meen any - advice from seniors :-) , cause their were loosers :-)
اجار الدين كشمش
صباحك ورد
الا الناس اشعرفها في ايميليك
يا حافظ انت مو حاطه في البروفايل
وراااااي انا ماعندي ايميلك
يا حافظ
:))
طقي جنطتج و سافري الكويتي
يعني استانسي:))))))))
الله يونسك بالعافيه يا رب
mysold
و انتي بصحه و سلامه يا رب
:))
مشكووووووووووووره حبي ما قصرتي
عم صبحي
الاسم برووحه عم صبحي قصه
ذكرتيني في بوابنا
هههههههههههههههههههه
اي والله ايام و ذكريات
يا عمري
و انتي بصحه و سلامه
مشكوره على مرورج
و مشكوره وايد على كلامج الطيب
مشكووره حبيبتي
اماااااااااااااااا
ابله شريييييييفه
بليييييييييييييييييز
خليها على كتر
اخر ما سويت
قلت لها انا حاطه محمي
و وقعت اني سحبت اوراقي من السفاره
لاني دارسه على حسابي
و قطعت علاقتي بالسفاره تماماااااااااا
شي
شي اياااااام
والحمدلله
ذكريات
و اروع مافيهاااا صحبتي
و احبتي
:)
Happy belated Birthday
you grow gracefully ;*
كل عام وانتي بخير لوير
أول مرة اشارك معاج وصراحة بوستج طريقة كتابتج اهيا اللي شجعتني اشترك
معاكم
ادري اني متاخره
بس ان تصل اخيرا خيرا من الا تصل ابدا
^_^
Post a Comment