Saturday, March 03, 2007

ديره ..بكيف يهالهاا !!


صبااحكم عسل
ورد
و غبار مؤذي في المكاتب
ياربي هذي بالله
ديره العيد الوطني فيها يومين
و الناس قبلها بسبوووع تحتفل و تسكر الشوارع
و يهال يغيبون
و مدارس تعطل
و عقبهاااا بسبووع
هم عطله و لويه
لي متى احنا جذي متى انتسنع
كان المفروض ان المدارس ووزاره التربيه تكون حازمه في مسأله غياب الطلبه
و المدرسين
و البلبله الي صارت
و مشكورين وزاره الداخليه ما قصروا في تنظيم الطرق
هم ما بيدهم شي في هالشبااب الي عفس علينا شارع الخليج
ووقف اشغالنا للسالميه و البحر
ولكن اشرايكم في الي صار ؟؟
مدارس عطلت 4 ايام
شوارع وقفت
زحمه مو طبيعيه
عفسه
اسمها العيد الوطني؟؟
بس جد ليش ما احتفلو يومين
25 و 26 فبراير بس ؟؟
ليش احتفلو من الثلاثاء الي فات
لي امس اليمعه ؟؟؟

26 comments:

The Simper said...

good morning.. how about no vacation for 25 and 26th??

فركاش said...

lawyer:
ماتدرين ليش؟؟
لأنه احنا في بلد البطيخ..

ايام المدارس اذا صارت كذي عطلة المدرسين يقولون لا تداومون..تلومين الطلبة؟؟
..........
تدرين في اخر احصائيا لليونسكو شتقول؟؟
تقول انه الطالب الكويتي الأقل دواما في العالم
ابتسمي انت في بلد البطيخ :)

Kwaitiyya said...

صباحج ورد وياسمين
شلون كانت عطلتج؟؟ عسى ارتحتي؟

والله يا لوير أنا وحده من اللي انرفزت من هاللوية والزحمة اللي على غير سنع
إحنا إنتظمنا بالمدارس وودينا اليهال... السايق قطهم الساعه 7:30... الساعه 9 داقين علينا (تعالوا إخذونا وباجر ماكو دوام قالت لنا الوكيله ليش ييتاو؟؟ باجر خلاص غيبوا لاتيوون) شرايج؟
اللي يلتزم شوفي شيسوون فيه

وبالنسبة حق الشوارع والإحتفالات... أنا خبري من الأربعاء اللي طاف وإهما يحتفلون ... ليه أمس والناس شغالين فومات وأعلام الكويت

جذي أحد يحتفل بالعيد الوطني ؟؟؟ هل هذا هو حب الوطن؟؟؟

lawyer said...

good morning simper
:)

انا مو ضد العطله بسسسسسس اليهال عفسوووووو علينا الدنيا
!
و الا انت اشرايك





فركاش
اييييييييي والله بطيخيييييييييين بعد مو بس بطييييييييخ واحد

انعم و اكرم




كويتيه
ويييييييييي

طاع الوكيله !!!!!!


من صجها
ماكو على وكيلات قبل

يطقوونه طق
و نموت انتراعد منهم !!!!!!

Cr8ivia said...

الشرهه مو بس على الطلبه و الاهالي
مدارسنا صارت اردى
اخوي الثلاثا اللي فات من عند باب المدرسه الصبح قالولهم رجعوا

يعني اصلا مجهزين ان مافي دوام مو داوموا عادي و ما ياو الطلبه لا المدرسه مجهزه نفسها مافي دوام

هيا قت على المدارس و الغيابات
الله كريم

Breeze said...

صباح الخير

بإختصار ماكو شغل !!! ما أدري فقرة هياته وإلا فقرة لوية وأذية !!

الله والعيد الوطني !!! ودي اشوف مظهر من مظاهر العيد غير الفومات والزحمة ؟؟

:\

شنقول شنحجي .. ديرة بطيخ !!

لكن الحمدالله على الصحة والعافية

:P

nEo said...

lawyer

الاجابة لكل تساؤلاتك تختصر في كلمة واحدة هي : الهيلق !! كل ما زادوا الهليق زاد التردي بهذا المجتمع

nEo said...

بعدين علامج ؟

منتي قد الفصلة اللي فصلتيها ؟


ليش مسحتي البوست اياه ؟


ص ع ص ؟

:\

lawyer said...

كراتيفيا

وااااااااااااااي

اشهالحااااااااااااااله

خرابيط هالمدارس

لا ابشرج انا اخوي ما كلف حاله

يقول المدرسين العرب قايلين لهم بسافرون
و الكويتين بروووحون الصمان !!!!!






بريز

اهلا اهلا

هههههههههههههههههه
شفتي الكويت كلها تقول ديره بطيخ

عيل من عاجبه الوضع!!



neo

لاااااااا لا تخاف البوست موجود
بسسسسس في ناس تفهم غلط

انا فصله خلقه من الله

يايعه الدنيا

بس المثل يقول عشان عين تكرم مدينه

مرات الواحد يداري خاطر ناس عشان ما يبي يخسرهم

او يكبر عقله
عشان الحياه تمشي :)

بنت الشاميه said...

lawyer:

حل المشكلة بسيطة .....القيادة

اذا كانت ضعيفة تكون النتيجة شذي تسيب فى تسيب..... قيسي هالكلام كله على كله من الدولة والوزارات والمدارس الى البيت والخدم.....الخ... الخ

وبعدين ليش بالشين اليهال حرام نظلمهم اللي شفناهم ريايل مشوربه عتاونه قولوا عقولهم صغار....اليهال بريئين منهم

ايام اول من يجراء ويغيب عن المدرسة اللي فى امها خير ختغيب تصير عبرة لمن يعتبر...... اصلا ما يصير الامتحان الا قبل العطلة......هذول المدرسات اللي ننحني لهم ونحترمهم لانهم مربيات ومدرسات فاضلات........!ة
اختي لوير

السوس بداء ينخر بالعظام وياب نتيجة
حسافه عليش يا الكويت

Unknown said...

who cares if they goto school or not if their parntes are morons.

you failed to mention the Spaghetti & the foam that what pisses me of

Kuw_Son said...

وانتي صاجة .. الديرة بكيفهم !! متى ما بغوا دوام داوموا !!
وديرة بطيخ .. سبهللة !!

عــــــابره said...

اهلين لوير

انا جدا مدمنه على كتاباتك الي توسع الصدر وقلت اول ماسوي لي مدونه اعلق على كتاباتج .. الي تونسي حيل

واحسج قاعده معاي وتسولفين لي قريبه حيل منا ... وانا سعوديه

لازم ازور مدونتج واقرى كل المواضيع الي فاتتني

جعلك ذخرا لنا في عالم المدونات :)

Q8LoVeR said...

العيد عيدين
اظرب في 2 يطلع معاج السبب

charisma said...

اى الحمدالله والشكر

جنهم محبوسين ومسجونين

وديرنهم ما فيها شى يونس فينطرون الشاره

ما ادرى انا شهالحاله

هل اهو مخلفات الغزو اثرت على نفسياتهم ولا شنو بالضبط!!

عيل هاى وى خط سريع يرشون عليج فوم
صارلى شخصيا هالموقف
وقبل 25 فبراير

كل ماله واحنا فى تخلف ورجعيه مع الاسف

والله يعز على اتكلم بهالطريقه عن ديرتى وعيال ديرتى بس هذا الواقع المرير الصراحه

أُكتب بالرصاص said...

كل عام وانتم بخير



عيد سعيد

Dr. Saleh said...
This comment has been removed by a blog administrator.
Dr. Saleh said...

أطفال وماكو قانون رادع من الدولة أو الأسرة

expired said...

الله يونسك بالعافية
فرحتي قلبي بهالبوست
عاد مريني
توني يديدة ومستانسة اني اول مرة واخيرا قدرت اعلق عندك

MANAF said...

السلام ..

ادري انه تعليقي ياي متأخر
بس ودي استأذنكم بتعليق بسيط
لاحظت انكم متذمرين من الاشياء اللي
حصلت بالعيد الوطني وعيد التحرير
انا لي غير رايكم .. ما انكر انكم تحبوون هالديره الحلوه :) يا جماعه
خلو الناس تعبر عن فرحتها بالطريقه اللي تريحها ولو تلاحظوون انه ظاهرة الرغوه ما استخدمووها اثنين او ثلاثه
كل العالم قاعده ترش رغوه ومستانسين
عليهم بستسسن عافيه .. كنت في تايلاند وصدف انه عندهم عيد اسمه عيد الماي
ما تتصوروون شكثر وناسه لما تشوفوون الكل يحبل حق الثاني عشان يكب عليه ماي او يكفخه في بالووونه مترووسه ماي
لي درجة حتى الموظفين اللي بالريسيبشن كانو مجهزين بالونات ويحذفونهم على عملاؤهم واكيد سامعين عن عيد الطماط في هولندا وشلوون استغفرالله يحذفوون نعمة الله على بعض او برتقال وللعلم انا مو مع هذي التصرفاات لأني اقدر انه النعمه زواله واكبر دليل اني استغفرت!! بس اللي اقصده انها وسيله عندهم للتعبير عن فرحتهم .. يالربع خلو الناس تستانس والكويت تستاهل واذا على وصاخة الشوارع فشركاات التنظيف من له محطوطه .. وتعيش الكويت
وتعيشوون يا رب



الخاطر

lawyer said...

حبااااااااااايبي بطيت عليكم و على بلوقي
لاني كنت حدي لاهيه امس

سوووووووري

لحظه اقرا التعليقات !!

من الطياره الي فيني داشه على الكومنت و نسيت

ويت ويت



بنت الشاميه

اي واالله صاااااااجه
بذمتج تذكرين مدرساتنا الفلسطينيات

ياااااااااربي عليهم

يطقون

و حتى مدرسات الحساب و العلوم
شي شي

نموت خوف منهم

الا تعالي ليش مدرسات الحساب كلا ما يكشخون
و ابلات الاجتماعيات تشميييين بخورهم من الاداره !!!

اي والله حسسافه



موسااااان

اي والله صااااااااااااج

اذا الاهل خرطي

اسمع هالسالفه

امي في الشاليه
وسيرت عليهم وحده من الشاليهات الي يمهم

المراااا حاطه بناتها ويا السايق يوديهم المسيره

و الام راكبه قاري !!!
و ترششششششششش



الامممممممممممممممممممممم في قاري !!!!
و لابسه شماغ

و البنات ويا الخدم و السايق!!

طاحت بلساااان منو!!

امي المربيه الفاضله
و استلم



كويت سن
اي سبهلله

اخوي بالثانوي
يقوول
مدرس العلوم سغير
ما يدرسنا
كلا في البورصه

و مدرس البدنيه
يحصر جلسات مجلس الامه
و بلا بلا بلا !!

بغيت اسأله ما عندكم مدرس بلووجر بعد !!

lawyer said...

my sold

اهلا اهلاااااا فيييييج

نورتي حياتي
و مشكوره على كلامج الطيب :)

والله احرجتيني

عاد انا كنت بنزل بوست عني انا وصديقاتي السعوديات

ههههههههه
احس راح يعجبج و تموتين ضحك :)

اتمنالج وقت ممتع ويانا



كويت لوفر
اييييييييي حسبتك صح
:)




كاريزما
انتي ما قلتي الا الصصصصصصج

بعد يا ربي هذااااااااا الصج

شنسسسسسسسسسوي
عيالنا يفشلووووووووون




اكتب بالرصاص
مشكوووووووور و تسلم و انت بصحه و سلامه




د.صالح
عندك خبر بقرون انشاء الله قانون جديد لحمايه الطفوله

يعني باجر اطق ولدك
يروح يشتكي عليك
او اذا بلغ المدرسه عليك
او شافك واحد بالشارع
يوديك المخفر


بمشووووووووونا الزعاطيط على كيفهم

lawyer said...

expired

اهلا اهلااااااا
نورتي
مشكوووووووره على تعليقج

صورتج وايد حلوه

و ريحتج مو غريبه :))




الخاطر
احترم وجهه نظرك
بسسسسسسسسسس

لو يرشون الرغوه في يوم واحد احترم رايهم

لكن اسبووعين
وايد وايد

q8y_saint said...

قوه
الحين انتي شحارج خلي الناس تستانس الديره مسكره و كلها ظلمه الناس تدور اي فرصه عشان تستانس و تطلع
ملو من المطاعم و السينمات
وبعدين اقصاها اسبوع في السنه خليهم يفرحون فيه
ويطلعون مشاعرهم الوطنية و ان كانت مشوهه (تنكتب جذيه صح)
على الطاري الوطنية ليش اغانينا الوطنية قبل حلوه و الحين مالقه ما فيها طعم و باسجة
و دمتم

q8y_saint said...

فطوم اي بوست ما شفته شنو مسحتي اعترفي شلون كل قرائج يدرون عنه إلى انا لا
وين البوس اطالب بوضعه في التو و الساعة

lawyer said...

كويت سااااايت

اطرشه لك ايميل

:)