من زمان ما تيمعت ويا صاحبات السفر (( صديقات الصيف اسميهم ))
انا في السفر دايما طلعاتي روحاتي اغلبها ويا البنات
و تقريبا كلهم سعوديات و الباجي جم وحده كويتيه ...
و بما ان رفيجاتي سعوديات من عوايل زبيريه ..
فبسرعه فطيييييييييم تقلب تتحجي زبيري..
و اذا يوم بنروح اي رحله و غالبا ما اكون انا اول وحده في محطه القطار
و مظبطه الشغل ..
فمن اي وحده تسأل : هاااا فطوووووووومه هذا القطار رايح وين ؟؟
الاجابه : زبيررررررر
رفيجتي : هااااو و لااااااااج من جد انا احجي ...
و كلا ميننتهم .. قبل لا ننزل من القطار .. يالله يالله نزلووووا نزلووووو
وصلنا زبير ...هاهاهاهاهاها
و هذا احنا طول السفره انشاء الله لو القطار رايح باريس هم اقوووول زبير ..
و لو القطار رايح ميلانو هم اقوووووول زبير...
الي خلاني اكتب هذا البوست
ان من كثر ما الوع جبدهم في زبير
دزتلي وحده مسج تقولي
فطيم هذا احنا جايين عندكم زبير !!
يعني يايين الكويت يالله من فظلك هلا فبراير
وناااااسه رفيجاتي مو بس تقبلوا غشمرتي الا مع الوقت رسخت في عقلهم الباطن
و تأقلموا وياااي
عاد انا صج الوع جبدهم
من يقولون اشعندكم مطاعم يديده في الكويت
اقولهم وييييييي طافكم
عندنا مطعم مرق شبزي عجيييييييييييب
و اخر شي موديتهم وسابي
قبل لا اشتط وياكم في السوالف
خلوني اقولكم تعريف زبير عند الزبيرين
هي منطقه ريفيه سويسريه تقع على حدود الكويت و العراق تلقب بزيورخ عند الزباره
(( طل لا على الحدود و لا شي و لا هي ريفيه و لا بطيخ صبخه بيوت من طين ))
الاكلات المشهوره لمنتجع زبير السياحي
مرقه حجي احمد (( كوسه))
مرق شبزي
خبز عروق و شكر
الدولمه (( الي متروسه شكر ))
الدليل السياحي للزباره
اذا دشيت مكان و لقيت فيه عشر حريم يسولفون بصراخ مرا وحده و عشرتهم يسمعون بعض
فتأكد انك في زبير
اذا لقيت مرا عيوز في مقعد حريم لابسه على ايدها اليسار ساعه رولكس و على اليمين شوبارد فتأكد انها زبيريه لا سيما اذا كانت الجنطه شانيل
اذا كنت مظيع و قاعد مع حريم
و سمعت الحريم يشتكون
والله ما طلعنا
و الله ما رحنا
و الله ما سافرنا
والله ما درينااااااااااا
فاعلم علم اليقين انهم زبيريات
و لكن لا تنصدم اذا لقيتهم
اول ناس طايرين
لانهم يخافون من العين
و كلا ما يعرفون و اهم شاقين القاع
و تأكد لو انك رحت المريخ
بتلاقي زبيري ينطرك
مواصفات المراه الزبيريه
طيبه لدرجه بايخه
ادلل ريلها بزياده و مصاخه
24 ساعه اتسفط كبتات و اتلفز
و هدومها من عشرين سنه ما قطتهم
كلا متحسفه على شغلها
حق العروس تلبس بدله كفالي
و الجوتي سيرجيو روسي
و الطخم من الفارس اشكبره لي سرها طايح
لا تتعجب و حسبالك انها اكشخت وصارت منهم
لانها بعد ساعتين بترد البيت و تلبس بجامات مكه الي شاريتهم من التكارنه (الافريقيات)
بعشره ريال
و تنقع المره و تعلج لبان و تنام
مواصفات الشابه الزبيريه
من عمرها خمس سنين و اهي اتجهز عمرها حق الريل
مواصفات الشاب الزبيري
العب بعيد عن الزبيريات
اذا كان سعودي
يحرص حرص شديد على انه يكلم سعوديه مو زبيريه عشان ما ينكشف
و اذا كويتي... سوا نفسه قصب نيدي (( و اهو توا ياي من زبير))
مواصفات الرجل الزبيري
من اول سنه زواج يحلم بالزوجه الثانيه لي يموت المسكين
مخلوق يموت خوف من زوجته
طيب مع عياله
و لكل قاعده شواذ
والله المستعااااان
فالي ودها في ريل
تاخذ زبيري يدللها
و الي يبي يتزوج
ياخذ زبيريه تطيره السمااااااا
و اذا شابه ودها تلعب في ذيلها اقولها تطمني الزبيري ما يفضح
و دمتم
ملاحظه : لاحد يعصب و يقوم علي و يقولي تطنزتي علينا
لا تخافووووووووووووون يدتي زبيريه
و حدي ولهانه عليها
و هذي معلومات كنت كل يوم اطفر فيها يدتي الله يرحمها
لييين توفت
حبيبتي ولهانه على خبز عروق و الشكر
27 comments:
عشيتي البلابل..ويبتي العيلان
احلى ناس اهل زبير خفة دم وحجي حلو ماعليه
ثلاثة ارباع اهل الكويت من زبير
ماني شايف مشكله
المشكله اللي يتبرى من اصله
ولااااااااااااااااك عشيتهن هذاااااااني
توني قااضيه
منهن و ووزيت العشاااااااا الباجي لبوالعيلاااااان
رايح العزبه سهرااااااان مارااااااااد
اي طبعا راس المال
اموت عليهم
يكفي يدتي
و رفيجات عمري
دقيت عليهم
قلت لهم يقرون البوست
قالولي هيييييييييين
تعالي الريااااااض بس
ولااااااااااج لوووييييير
اش هاذيـــــــــــيء!! ولاج فضحتــــي الجــمـــــاعـــــــــاءءءء!!
ترى انا غشيانة من الضحك و مو معبرة أعلق لووووووووووووووووووول
ارجع لج وقت ثاني
لوووووووووووووول
بطبع البوست و اوزعه على خالاتي هههههههههههه لوووووووووول
كلش ما توقعت القى بوست عن هالموضوع لوووووول
واى....واى... مومعقول البوست اتحدى ان يكون اى احد يطرا عليه يكتب مثل هالموضوع!! شلون تطرا عليج هذه الفكره !!بالرغم ان معظم الكويتيين اصولهم زبيريه لكنهم يتبرون منها ويفولون انهم نياده..المهم انا اليوم وايد كنت افكر فيج وفى خفت طينتج واقول لنفسى حرام هذى البنت تكون محتكره من قبل قراء المدونات فقط!!!لازم يكون انتشارج اكثر من جذى تحياتى لج والله يوفقج
من بعد اذن اختي لوير...
أخي\أختي شتاء2007
اذا سمحتلي اود ان اصحح معلومة بأن أغلب من كانوا في الزبير هم من أصول نجدية، عندما اصابهم القحط، العديد من العوائل النجدية توجهوا الى البصرة و الزبير بسبب الأرض الخصبة و الخير الوافر انذاك.
و هذا الشي معروف عند العراقيين نفسهم، كانوا يسمون من في الزبير بالنجادة،
في حين كانت الكويت عايشة بفقر و على الله و على الغوص و ذلك قبل اكتشاف النفط.
اما مسألة انهم يتبرون من أصلهم فهذا غير صحيح بسبب ان اصلهم نجدي و ليس زبيري، فالزبير كانت مرحلة انتقالية تجارية.
وسبب التحفظ على هذه المرحلة ، هي تهديدات الأنظمة السياسية لاستقرار الكويت و سيادتها، فيخشون انهم يذكرون سيرة العراق لا يشككون بوطنيتهم.
اسفة على الاطالة و شكرا
yaaaaaaaaaaaa 7lew doooooolmat,hum ;**
المعروف إن معظم أسر الزبير ترجع بأصولها إلي نجد وإلى قبائل عربية أصيلة
ولكن معظم هذه الأسر هاجرت إلي الكويت والسعودية بعد تغير الحكم السياسي في العراق وخاصة بعد إنقلاب عبدالكريم قاسم على الحكم الملكي
وشوقتينا إلى سماع لهجتهم
إستغلي وجود صديقاتك وسجليلنا شريط
ويعطيك العافية
لووووووول......الحقيقه بوست خفيف الروح والنكه....خالي من الحساسيه والعقد......صج يعبر عن نفس زكيه صافيه حبيبه الله يهني امج وربعج........عسى مايزعلون منج بسعوديه وبالكويت........ويدقون على امج.....وج وج وج وج.......بعدين تقولين شسوي من اجل عين تكرم الف عين.......وتشيلينه......لان هالايام محد برضى بالغشمره.............المهم اطلب منج تخلينه شهر......لاني متوقع للبوست الشهره والاكنساح......حتى بزبير نفسها........مبروك مقدما الرياده......وتستاهلين.......كافي روحج المرحه الله يهني ربعج.................................................................................................................اما راي كراكاتوا وشتاء ان الكويتيين اغلبهم زباره ويستحون.....ها ها ها......لايكون شيوخنا ونواخذتنا واهل الغوص والسفر وعريبدار وعوازمنا ورشايدتنا......ومن عربنا ومن عيمنا.....صرنا للزباره طماشه وحنا ماندري...... على قولة فهد بورسلي......يهديكم الله......تركوا خرابيطكم........واستانسوا مع شيخة البوستات لويروووونا.
بوكشمش
ليش، علبالك انك لما تكون زبيري مسبه؟؟!!
وبعدين انا ماقلت يستحون
انا قلت المشكله في اللي يتبرى من اصله
وهذا الصج
وتفسير الاخوان في ان نزوح بعض اهل الكويت الى زبير كان نتجيه لبعض العوامل الاقتصادية صحيح مرحلة انتقالية مثل ماسموها
حنا شكو بالرشايده والعوازم و و و باقي القبائل
الله يهداك خلطت الطين بالطحين
:)
رفلكشن
ههههههههههههههههه
ههههههههههههههههههه
ولكم تو كلاااااااب
هههههههههههههه
اي خو خبرج انا انبر في المواضيع
تخصص مواضيع حساسه
شتاء 2007
يا هلا يا هلا منوره
لا شوفي خليني اقولج الصراحه
الحريم اهم الي يتبرون من ايام زويرخ عفوا ايام زبير
بس الريايييل الي اعرفهم يغنون على ايام زبير
و يموتون بالبصريااااات
هههههههههههه لا يسمعونا الحريم يطقوني
رفلكشن اذنج معاج
بس ترا في صج ناس ما تعرف شنو يعني الزباره
عرفتي
فشكرا لتوضيحج
و بعدين النياده بس راحوا زبير محد راح البصره الا الابراهيم و المالك الصباح
ام مدعاب
طرشي عنوانج في الايميل و توصلج هذييييييييج
البرااااااق
الدولمه السنعه
الي يحجوون فيها زبير كلهم
فركاش
لا ما زعلت بس انت كلا تفهم بوستي و كلامي غلط
أحسك كنتي وايد فاظية
في كلمه شوي احلى منها مثلا يعني كنتي بروحج و ماله
احسج
و بعدين تعليقك اليوم
لا لوير حرام عليج الزباره خوش ناس
و كأني انا طبيت فيهم
و كأنك تبي تخليني الناس تشيش علي
على الرغم من ان الكل فهم من البوست اني احبهم
و ان فيني عرج زبيري
عرفت فركاش شنو الي يضايق ؟؟
د.صالح
رفيجاتي ما يتحجووووووووووون زبيري للاسف بس اسجلك مكالماتي مع يداتهم
عشاااااااان تستمتع
اجار الدين كشمش
مشكوووووور على اطراااااائك
ما لقيت عاد الا الرياييل الي فيهم عرج زبيري
يستحوووووووووووون مالك امل هذولا يتنطعوووووووووون في ايام الصبا و اياااااااام زبيرررررر
الحريم بس الي فيهم عقده
كراكاتو
صبااااااااحك ورد :)
الله يرحم يدتج ..
والله خوش سالف عن الزباره لووول ;p
أنا أسميهم (( طاطاو )) لووول
يعني كاسور ;p
لفتة حلوة منج
على فكرة الزبارة ناس طيبين
جيراننا في المنطقة إلي كنا ساكنين فيها قبل زبارة .. ناس ينحطون عالراس من طيبهم وأخلاقهم الحلوة
الله يذكرهم بالخير
دانه 23
حياج الله نورتي :)
هههههههههه عاد اتصدقين
قبل على ايام يمعات البر
يوم انا كنت صغيره
كلا دنابكي وياي من مصر ايبهم
مادري اشموديلي ويا الدنابك
ههههههههههههه
يعني صبيك يكووووووووون
المااااااااس
مشكووووووووره
اكيييييييييد طيبيييييييين
يدتي طينه الينه اصلا
فعلااااا واصلين و جيرتهم كلها نقصااااااات
:)
اوخ @@ اثاري البلوقرز كلهم زباره !! ياهلىىىى ياهلىىىى
جو نلعب بالمرااااااغههه
... اقوول بس تراااا الزبارره فييهم نحاسىىىىىىىىى ماقلتي البوووووينت .. لوووووويييير وراا ماعلمتيينىىىى انىى فييج ريييحة الحباااييييييب ..
هههههههههههههههههههههه
هههههههههههههههههههههههههههه
هههههههههههههههههههه بدعتي بدعتي بهالبوست
فطومه بيبج حق خالتي
عشان تقولج ولااااج
حسره علينا النومه
دار الدراسه فيها اوراق عمج
ياربي اش هالقشوله ليت احد ياخذها
خالتي ماتحب التلفز خصوصا الجرارات ماتحب فيها شي بس 24 ساعه اتمشها
هذي امثال خالتي:
صبّح قنا يطلع لبن
يعني سووه والا ماسووه نفس الشي
يوم طبيناها صارت عماد
يعني عقب ماسنعناها اختربت
التسريحه:
ميز تواليت
الكبت :كرتون
طاسه : مقراف
هههههههههه
تعالي تغدينا يوم عندي وذوقي الشبزي والدولمه اللي مافي مثلها
والله ابتسمت وتشققت
شنو معناة وزيت العشا
بصراحه انتي هالايام متألقه
وبوستج يحببنا زياده باهلنا اهل الزبير
what will be
هههههههههههه
قومو دا نلعب سله يا سويداني
هااااااااااو و انا ادري عنج عشاااااان اقولج
بعدين تعالى يماااااااا
انتوووووووو متى طلعتو من زيوووورخ
ههههههههههههه
سالفه قلب
هههههههههههههههههه
مت ضحك مت مت عليج من الضحك
واي دمووع انا اصبصب دمووع
قاعده اتخيلج اشلون مشتطه
ههههههههههههههه
اي بلييييييييييييز
عزميني عزميني
احتاااااااااااااااج
ناس حنونييييييييييييين مثل يدتي
براك
وزيت العشاااااا
(( خشيت له عشا ))
خلني اقولك سالفه
مرا من المرات وحده زبيريه اتصيرلنا
عطت اخوي جيس و قالت له
وزه وزه
التفت اخوي وراه
!!
قال وزه اشيااب الوزه داخل !!
مت ضحك
قلت له يعني خششششششششششششه
ههههههههههههههههه
wo la9ertay ga3da eb mag3ad wo wa7da ba3la 9ot'ha etgooooool laaaa elaaaaaaaaaaaaaah ela allaaaaaaaaaaaaah 3erfay enech we9altay zozo city:P
شكشكه
هههههههههههههههههههههه
نعم نعم احسنتي احسنتي
;)
سكتي ما قلت لج بدت التلفونات تتوافد علي تلفون و را تلفون تعليق على البوست
ولاااااااااااااج فطيم اشهااااذي
يالله عاد مافيها مزح هاذي
هههههههههههههههه
mentay sahla ya f6aaaim:P wagaftay lawadem 3la reel wa7da walla:P
هااااو
وشذييي بعد
بدينئ نتعدئ على أهلنئ
هاااا
الدولمة والشبزي والتمممن
الله يسلمهههن
وفيقة ونجيبة وصبيحة
والله يطول بعمر شيبانئ
توفيق وبو عبدالكريم وبوعبدالرزاق
وبو فؤاد
ديري بالج ترا هذئ رسالئ تحذيرية
من حملة راية العالم الجليل
الشيخ الشنقيطي
ملاحظة:الكلام يقرأ ممطوطا أي بمط الحرف الأخير
ودمتم بمحبئ وسلامئ
عزيزتي لوير.......بداية ليش يسمونج فطيم ؟؟؟ اذا كان هذا اسمج فلا تسمحين لاى احد يقلبه !! واذا كان لابد ينادونج فطومه .. هذا اسم بنتى الحبيبه . . . .المهم خلينا من سالفة الاسماء وعلمينا بالتفصيل شنو اخبار الولده والوالد ( الله يحفضهم) مع بوست الزباره الله يخليج علمينا شنوصار وياهم عسى ماخانقوج عليه ! ! وانا احملج سلام كبير لهم وتبلغينهم ان بوست بنتهم اكتسح ساحة المدونات , نحن بانتضار ردك
salaam lawyer
awal shy alaah yer7am yadetch inshalaa
walaa 3ad makoo a6yab menhom alzobaraa
ethaa 9ej 7aremhom chethee eydaleloon alrayaal laa wlaa shofealy wa7daa ezbayreyaa bs 5alaa9 mabee 3'arhom ;)
bs 3ala shar6 et7eb al7ar :P oo lamaa al7ean baraad traa bs 9ara7aa gomt ashagel al AC mal alsayaraa al7ean bs al bait lamaa al7ean ok ;) oo hmm radat omee etgool 3an altakeaf bacher badeg 3al 3'anem
صبااااااااحكم فل
شكشكه
لا لااااااااا كلش ما وقفتهم على ريل وحده قولي ليش لان طول عمرهم امخليني امجع شعري من تطفرهم
من اسوي شي قالولي يالقصيميه
يا النسره
ومن اغلط يقولون لي
بنطبق عليج الحد البريداوي
عرفتي شغل التطفر
هههههههههههه
سلوجا
ههههههههههههههههههه
واي انا دمووووووع دمووع ضحك
ابي اسكت ماني قادره
ابييييييييه من الصبح اهستر
لا تنسى بعد رفيقه
و فضييييييييله
ههههههههههههههههه
واي بموت بس لا تضحكني
و انت تشرح باسهاب في مط المصطلحات
عندك خبر ان انا اكثر وحده اجيد اللكنه الزبيريه من رفيجاتي الزبيرياااااات
جيييييييييييل خواره
مافيهم من عبق التاريخ
شتاء 2007
حبيبتي انتي ربعي يدلعووني
شسوي الرياييل ما يمشي وياهم فطومه و اللذي منه مدري اتصدقين ما لاحظت
ههههههههههههه
لا حبيبتي شكووووووو يخانقوني عليه
امي مو زبيريه و لا ابوي زبيري
حبيبتي شتاء
من قالج اهلي ابوي او امي يقرون بوستي
والله ما ادري ما اناقشهم في المواضيع المطروحه كلش
هذي مساحتي مدونتي اانا
و امي كلش ما يهمها و شنو يعني بلوج و تعالي فهمي
نووووووووو
ما اظن انها مهتمه
وبعدين لا تخجليني ترا بلوجي و مدونتي كلش مو مكتشح والله
يمكن عشان انتي تحبيني
فتشوفين جذي
بس صدقيني الوضع جدا عادي مع الغير
الله يسلمج
كوزي
انا ما افككككككككككككككر
مجرد تفكير
ادبس كويتيه في واحد يحب الحر
اخليهم يدعووووووووووووووووووووووون علي
واااااااااااي انا السنترال على السبعين و اموت حر
و انت لي الحين ما فجيت التكيييييييييف
يا رررررررررررررربي
لها الجنه اميمتك
مت من الضحك عليه
ياحليج يالوير مطلعه على احوال الطقس كلها
خخخخخخخخخخخخ
يبتيها ريت
بس الدولمه ما اتكون مع شكر
تكون حامضه
Post a Comment