Monday, March 12, 2007

قمت اخورا !! و الا انا فيني شي مدري !!


بسم الله بسم الله بسم الله

بقول لكم عن شي غريب وايد
يصير فيني هاليومين
القراده ماني عارفه اشلون اشرحه
بس بشرح و انتو فهموني
اخذوني على قد عقلي

انام بالليل
نوم متقطع جدا اقوم الساعه 1 او الساعه 3 الفير
الاقي مسج من شخص معين
قبل لا اصحصح اتخيل نفسي اني قريت المسج
و المسج مثلا من فجر (( تقولي فيه خنروح الصبح ستاربكس))
اصحصح الاقي فعلا مسج من فجر بس تتكلم عن موضوع ثاني
القراده و الطامه
اني ارد عليها اقولها (( اوكيه الساعه 7 و نص الوعد هناك ))
تدق علي فجر مخترعه
وين الوعد على شنو
اراجع المسج الصجي الي في موبايلي الاقي مسج عن سفر مثلا و انا راده عن طلعه

لو الشي صار مره اقول ميخالف
لو مرتين ميخالف
الي قاعد يصير وياي
ان الظاهر النومه العميقه متجزأه لاني اقوم بمرحلتين
مدري اشلون اشرح لكم
بس الزبده
اني اقوم الاقي مسج من ناس ارد عليهم بموضوع معين غير الي كلموني عنه
نتيجه الاوعي الي انا فيه
بس اشلون يصير مدري
يعني امس واصلتني 3 مسجات
و كأني حلمت او لما قمت القومه الي في المرحله الاولى
لقيت مسج من
شيخه
فجر
دلال
لما استوعبت و الا فعلا
شيخه
فجر
دلال
دازين مسجات
بسسسسسسسس مو نفس الي انا قاريتهم لما كنت بين نايمه و صاحيه

الي امس هببته مو اني رديت على المسج و انا نايمه

اني رديت على التلفون
و قلت حجي يفشل
و رقعت السماعه
قمت الصبح قبل لا اروح الدوام
قالي اخوي امس ليش تزفيني داق عليج اقولج فجي الباب امي مو حاطه المفتاح
تزفين
قلت له متى !!
قالي امس داق بالليل تقولين لي
نعم انا نايمه
اكو احد يدق هالحزه انت صج مزعج ورقعتي التلفون في ويهي!!
ما صدقته
شفت الريسيف كول و الا فعلااااااا داق الساعه 2 !!!!!!!!
يا حسرررررررره قلبي مرحله خطره
ارد على المسجات
ارد على التلفونات
اخوره في الحجي
شاللي انا فيه
المهم الزبده ارجع للموضوع المهم
الي فوق
شنو الحاله الي انا فيها و تفسيرها العلمي !!!

و ليش انا احس نفسي اقوم نص و نص تالي اقوم اصحصح

29 comments:

shakshaka said...

etsadgeeen sayra fene cham marra! ana 3indi hal 7arakat ele agom nis elailll arid 3al msgat warja3 anam wo arid ghala6! haw shfeena virus? wo 6ab3an ghair il missed call wil msgat ako msgat ele bes info y3nee ena tara bacher 6al3atna at 11 tsadgeen ansa awa3id a7ad thany wa6la3 wansa msg hal fqayraa! la laa virus

charisma said...

وى وى وى وى
لالالالالا ديرى بالج انت اتودين نفسج بداهيا يا لوير من هالسالفه
ههههههههههه
والى يسلمج حبيبتى انتى
سكرى تلفونج بالليل ابرك لج ولا هاللويه وهالعفسه
ههههههههههههه

بس تفسيرى ان هذا عقلج الباطن

بس نصيحه لوير سكرى موبايلج احسن لج اذا انت جذى لا تنعفسين وتعفسين خلق الله معاج
لوول يا حسرتى عليج بس

Unknown said...

3adi it happens all the time

Charisma

even if she turns of the mbl , she will turn it on unconscious while asleep

plus what suwalf does lawyer has?

سالفة قلب said...
This comment has been removed by the author.
سالفة قلب said...

مادري شقولج

بس بطرش لج مسج تالي الليل

وبشوف ردج وعلى اساسه اقرر تشخيص حالتج

بس هم ديري بالج وقفلي باب غرفتج وعطي المفتاح امج

lawyer said...

شكشكه

يا حسرتنا هذا من الدبرشن

والله مو مني

بااااكل حبوب انا
برووح بووت بشوفلي صرفه بعمري






كاريزما
يا حسرررررررررره قلبي

هالمرا عدت و ما خرته حق اخوي النوبه الثانيه

مدري شنوووووووو بهبب

انا الي ذابحني

بعرف الي يصير فيني هذا شنووووووو

و شنو سبته !!
شكلي بزرط حبوووووووووب مهدئات

والله عاد امس شاربه كامومايل
بالليل !!


ادري سوالفي فيهااااا رقاب اتطاير ههههههههه




موسان
1- ليش اتصير و شنو تفسيرها؟؟
2- قصدك لوير شنو ما عندها من سوااااااالف

بلاوي متلتله بعيد عنك
ههههههههههههههه

lawyer said...

سالفه قلب
هههههههههههههه

تخيلي عاد اقفل على روحي !

اي اطرشين لي مسج

تقولين لين فطومه اشلونج ارد عليج

اي والله خوش اكله لذيذه !!!

SAJA.S said...

يماااا خوفتيني .. روحي اقري على نفسج
ههههههههههههههههههههههه

lawyer said...

سمااااااااايل

ههههههههههههههههه

واي لا تخرعيني ابروحي من الصبح و انا ما بقى وحده ما قلت لها عن الحاله الي فيني

و ميته خووووووف
بس الكل يقولي ضغوط

و يبيلج ريلاكس و من هالحجي

يعني دقي علي الساعه 2 بالليل ترد عليج فاطمه الثانيه

الي قاعده مو نايمه

تالي اقوم انا
ههههههههههههههههههه

sologa-bologa said...

لا عادي

هالحالة تصير وايد
بس الفرق

إني ما أرد على المسجات حزة حاضر

أول ما أقعد أرد على راحتي

لكن غالبا أكشت ما أرد

ودمتم

ReD Lady™ said...

looooooooooool ..
كنت امر بنفس الحالة قبل ومالقيت حل الا اني احط جهازي سايلنت او اخليه بعيد عني .. لانه يتني فترة ارد على العالم واجاوب على اللي يبونه من غير ما ادري كانت فترة صعبه علي لووول .. الله يعينج اذا كانت الحالة دائمة

MANAF said...

اخاف من التكييف للحين الوالد مو راضي

يشغله !! الكونتر ااكشن مال المخ ما

قام يجمّع


نصيحه صج حاولي تاخذين موعد في مركز

الرازي للأستشارات النفسيه والله راح

ترتاحين يمكن صج وايد قاعده تفكرين

بأشياء قبل النوم وترى موقاعد اتغشمر

صج روحي وبحاول اطلع لج رقم المركز

أحلام سعيده

KQ8 said...

يمكن في مرلحة من نومج تقومين من غير ما تحسين انج قمتي وبحركة لا ارادية تبطلين المسجات وتشوفين وتردين تنامين ..وتدخل الاسامي في عقلج الباطن

وبالتالي الى احلامج وتتشكل بشي ثاني..الخ

تقومين الصبح وانتي حاسة انج حلمانه بينما الحقيقه انج اشفتيهم من غير ماتدرين

KQ8 said...

وبعدين نقطه اخرى اللي يدش البيت خلاص يسكر جهازخ اذا بينام ولا بيرح مثل الصلاة يعني شدعوة بترد عليهم او بتردين عليهم وانتي بسابع نومه

DiLLi O MiLLi said...

.
.
.
آشتاااااتً آشتوووووت !!!!ء

طفي موبايلج يا معوده ليييييشش هالعذاااب !!!؟؟؟


ذكرتيني بشبااااصة بعض النااااس
.

بنت الكويت said...

حاله صعبة هههه
الحل انج تسكرين الموبايل وايد احسن
ولا تشيلين اي تلفون بليل

PearL said...

صارت فيني


لوووول

ارد على مكالمات وانا نايمة

و المصيبة الاكبر ان مرات انا كنت اتصل

بس لما استوعبت السالفة قمت احط التلفون بعيد عندي
:):)

سالفة انج تحلمين بمسجات واصلتج
اتوقع انج تقعدين من النوم وتشوفين المسجات بس ما تكونين مصحصحة
يعني للحين في حلم وخيال

وعلى اللي بخاطرج تسوينه تردين عليه بالمسج

يمكن هذاك اليوم كان بخاطرج تروحين ستاربكس :)

عــــــابره said...

مافي الا تسكرين الموبايل

او


انج تحطين سايلت

حالتج حيل خطيره تردين على ناس وانتي ماتردين باجر يتصل عليج واحد تسولفين معه وتقولين له الاولي والتالي

شكله انتي بوعيج لما تكلمين وبعدين تقولين له الي بالعقل الباطن حقج

علشان تنامين مرتاحه

وماتشوفين شر حبوبه :)

Dana__23 said...

أبيه إنتي نفس إلي قاعد يصيرلي من فتره والله @@ !! إذا لقيتي الحل قوليلي ؟؟

أبيه شسالفتنا ;p

cosimfree911 said...

loool shefty shey9eer bel wa7ed meen alga3daa ta7at altakeaf :P

laa bs walaa 7alty wayed ar7am meench anaa ma naam bs mag3ad azef alnaas bellail ;)
bs traa shy 3ady elly ga3daa etsaweynaa lat7atean ahm shy latredean 3alaa almasegaat wenty naymaa 3ashan lat5orenaaa oo nafs alshy 3ala almokalmaat

lawyer said...

صباحكم ورد و فل
مدري ليش اموت على الورد و الفل بالذات

خلوني اقولكم شغله

ساعدوني ربعي مشكورين في اني اعرف شنو حالتي بالضبط

و كل من عطاني نصيحه
بخصوصها

مشكورين ربعي الله لا يحرمني منكم


الخطوه الاولى

mental relaxation

الخطوه الثانيه

بروح انشاء الله

sleeping clinic

و الخطوه الثالثه

ترينير يوجاا

انشاء الله من هالويك اند راح ابدي في اليوجا


وكلمت دكتور امس
شرحتله حالتي

قالي نفس الكلام الي قاله لي اخونا كاركاتو


عموما خلوني ارد على الكومنت الحين



سلوجا
اييييييي انا لو ما كنت ارد جان ما خفت على عمري
بسسسسسس القراده

الطياره الي فيني و انا نايمه




جيز كيك

هلا عمري اشلونج
اييييييي انا كل يوم اشرب بالليل كامومايل
ما استغى عنه
قالولي اجرب الي في جالري 2000 وايد حلو


Red lady

انا فعلا احط تلفوني سايلت
مستحيل انام و اهو يرن

بس حالتي صعبه فعلا




الخاطر
لااااااا انا فاجه التكييف من زمان الحمدلله

وين هذا مركز الرازي

انا كنت اراجع دكتور نفسي
و يحطيني حبوب انتي ديبرشن

بس احتاج اني اخذ بريك من وايد شغلات موشوشه مخي




كراكوتا تفاجأت في كلامك لان الدكتور قالي تحليلك بالضبط
فعلا و قعد ساعه يفهمني عن الوعي و الا وعي

و قلت له رفيجتي انصحتني في سليب كلينك

قالي بيعطيني اسماء سليب كلينك في اوربا عشان انشاء الله اذا سافرت امرهم



انا في البيت ما اسكر جهازي
بس بالليل احطه سايلنت




دلي و ملي
هلا فييييييج

امس بالليل طفيته و خليته بعيد عني

lawyer said...

بنت الكويت

امس الحمدلله طفيته
بس لي الحين نومي مو منتظم

يمكن عشان مغيره الفراش ؟؟

له علاقه اتهقين؟




بيرل
فعلا كلامج صح
الي في بالي افكر فيه

يكون في عقلي الباطن
سكرت موبايلي

بش شكلها العله فيني مو في الموبايلات


ماي سولد
اي سكرته امس
بس انا طول عمري تلفوني سايلنت بالليل

لكن امس شربت عسل و ماي دافي

مشكلتي في النوم
عندي موعد مع دكتور بيعطيني منوم انشاء الله



دانه 23

الحل المبدئي

تشربين كامومايل بالليل
و بعدها قلاص ماي دافي و عليه قفشه عسل

تسكرين جهازج

تراجعين دكتور

تروحين صيدليه بوت تاخذين حبوب يساعدون على النوم و الاسترخاء




كوزي
تخيييييييييل مسجات
احد يرد و يطقطق مسجات و اهوووووو فاخ !!!

يالله الله كريم ما عليناااااا

بنسوي هاليوجاااا و انتسنع انشاء الله

طائر بلا وطن said...

هههههههههههه

لا لا لا ديري بالج والله

ترى جدا أنا مؤيد للي قال طفي الموبايل
الخوف اللاوعي يورطج و يخليج تقولين أمور
خاصة للشخص غير المناسب

أقول هالكلام لأن عندي صديق العن و العن

و هو نايم يكر الأولي و التالي

و ممكن تاحذين و تعطين وياه بعد

مجربه أيام المخيم

ههههههههههه

أمه طاحت أكثر من مرة على خصوصيات
و السبة السانه المفلوت و هو نايم

lawyer said...

طائر بلا وطن

اهل اهلا فيك شخبارك

وييييييييييي
ياحسرتي
تخيل و انا اخورا على راس امي

يا الفششششششششله


برستيجي

برستيجي

يطيييييييييييييييييييح

يما الله لا يبليني يا رب

يارب كافي علي الي فيني

Almas said...

محتاجة فترة استرخاء هذا حلج الوحيد

ريحي وريلاااااااااكس

بالنسبة للبوست الفوقاني أدور خانة الكومنت مالقيتها

عموما نبارك لصديقتج .. نتمنالها حياة سعيدة انشالله

الله يوفقها وويوفقج ويوفق الجميع آمين با رب العالمين

barrak said...

مالج الا مروان المطوع

اجار الدين كشمش said...

موووووو داق...............حقريه لا تريينه بعقلج الباطن مالت عليه سلييييمه اتصكه المنه عليه يحاجيييج ثقلي.....واشوفين........................................................................................................................................................................................................................................................................................................................................................أ ليوم بيدق بيقول هذا فضحني لوووووووووووووول وها وها وها ده اسمو مزاح وفيه شويت رماح ......................اي منهو...؟؟ انا اشدراني منهو ....اخاف تساليني عطيتج الجواب مقدم.

What Will Be , Will Be .. said...

هاهاهاهاهاهاااااااي الصراحع حالتج تنم على انج تدورين في حلقه مفرغه وشخصيتج بيزنطيه هاهاهاهاي

جنون إحساس said...

أبيه
كلنا نخورة عيل

آنا أفز من نومي لأني أشوف موبايلي يشب أبطل أبجورتي ولا ماكو شي
لا مسج ولا أحد داق

أرد أنام
هم أشوفه يشب ويطفي

--
الظاهر والله أعلم هذا مع مرض الموسم
انفلونزا الشبكات

=)