Tuesday, March 27, 2007

لانه يحبها ..


افتح باب الغرفه
ادخل
الاقيه قاعد على نفس القعده الي خليته عليها من ساعتين
سلمت
مارد علي السلام
حطيت اغراضي ..
رتبت الغرفه ...
نظفت الطفايه
شلت قواطي الرد بول و السفن
حطيت الادويه عند راسه
شفت الساعه ..
باقي ساعه على اخر طلب من الروم سيرفس
اسأله اذا يبي شي قبل لا ينتهي دوام الروم سيرفس
هو: مابي شي
انا : انت لي الحين زعلان ؟؟
هو : لألأ سكري الموضوع..
ارد اكمل ترتيب باجي الغرفه و الفراش
انا : ماراح تحاجيني ؟؟
هو: دشي سبحي
انا : انشاء الله
اعرف هذي اللهجه و هذي النبره .. لي الحين وايد زعلان
اخذ شاور
اطلع
ياخذ مني حقه
لم اكف عن ترديد كلمه احبك
و اهو بدون رده فعل ..
قبل لا يقوم امسك ايده ابوسها
يسحبها
يدش يسبح
وبعدها اناقشه
لي الحين زعلان
انت تدري انا احبك
ماكو شي بحياتي وياك يشفعلي
هو: يصير انام بهدوء اليوم و بدون مناقشه
اخذ الفوطه و ادش الحمام
ابكي ابكي
حتى الانهيار
يحس فيني
اطيح في الحمام
مع البخار و اختناق البجي
يدخل بكل هدوء
يسحبني
و انا منهاره
و ابجي
احبك
سامحني
سامحني
قولي مسامحني
اروح الفراش
يسكر الليتات
((عادتا اهو يخلي الابجوره مفتوحه و طول الليل اتهاوش وياه عليها ))
هالمرا سوا كل الي انا ابيه
عشان ما يعطيني مجال اتناقش وياه في شي
اعطيه ظهري
يسمع
صوت بكائي
يحس فيني
ينسدح
يحاول ينام
ما يقدر
يعدل قعدته
يدخن
ويشرب ماي و يرد ينسدح
و انا مازلت
ابكي بحرقه
ما يقدر ينام
و لا يقدر يسامحني
و ماني قادره اسامح نفسي
و لاني قادره ارتاح من غير ما يرضى عني
في اخر الليل و مع الفجر
ينام
و انا
انام
اقوم قبله
ادخل اغسل
و اخذ شاور
افرش اسناني
يدش علي
يستخدم الحمام
اغسل ويهي
يغسل ايده
يسحب فرشته
اعطيه المعجون
ابوس بطنه
اطالعه
اتحلى عليه
اطلع من الحمام
ياخذ الجريده من عند الباب
انا : اطلب ريوق و الا ننزل
هو: ننزل..دقي عليهم اييون ينظفون الغرفه الحين
نبدل و ننزل
و بعد الريوق
نصعد
المه في الممر
يحضني في ايد وحده
يحطني تحت ذراعه
اطير فرح
ندخل الغرفه
و انا اقوله
امووووووت عليك
هو : ادري
عشان جذي دايما اسامحج
عشان ادري انج تحبيني
هكذا هو دايما
و انا ما اقصر في عواطفي
ادعوكم من كل قلبي
اذا لكم حبيب
عزيز
زعلان
لا يطوف اليوم
من غير ما تسامحونه
تذكروا حسنه وحده
لحظه حلوه
تغفر

30 comments:

Cr8ivia said...

:X
i commented already
ya galbi wa3alaya 3alaik

Яeema said...

كثر الدق يفج للحام

نظرات الكبراء في عينه
ما أدري

تغللي و إلا يكسر شوكتها

راح ينسي الموقف
و لن تنساه هي

أخمد الحريق
و لم يطفئ الجمرة

بوستج لقيت فيه فلسفه
حياة من الطرفين

خلاني أفكر كثير

Reflections said...

I have a Question..

How can he does his right, while he's angry or mad at her?!!.. i mean this thing has to be done with feelings and emotions.. not emotionsLESS!

cosimfree911 said...

walaah masha3er walaa a7laaa yareat kel albanaat ey3amloan reyayelhom chethee ooo eydal3oonhom oo akeed lazem alwa7ed b3d yehtam bely ey7ebhaa

alaah eydeam alma7abaa oo eynawlech elly fee balch inshalaa :)

Purplecious said...

صباحج الخير

واااااااااي
لووووووووير

مشاءالله عليج سردج و لا أروع
عاد كنت كل يوم أقول يالله متى لوير تنزل قصة

Purplecious says: Think positive
Snowflake says: Like attracts like
;Pp~

انزين سؤال؟
ليش تبوس بطنه؟
هل هي قصيرة مثلا و هو طويل فبطنه يصير على مستوى وييها؟
ههههههه

Breeze said...

في أثناء قراءتي إستوقفني شيء ما !!

شلون يقدر ياخذ حقه على قولتج و إهوا زعلان و شايل عليّ ؟؟؟؟

أليس هذا الحق تحكمه النفسية و المزاج ؟

شلوووون يقدر ؟؟؟

lawyer said...

كراتيفيا

حيااااااااتي انتي
كل عام و انتبي بخير

و كل سنه و انتي طيبه

اي والله يا قلبي وعليا عليييييييييك





ريما
حبيبتي انتي
اخجلتي تواضعنا
في العاده انا دايما الي اتعلم منج
في كل شي

فعلا اكيد
ماراح تنساه

الصدوع الكثيره
تؤدي في النهايه الي الكسر




رفلاكشن

هذا سؤااااال يجاوبج عليه ريال




كوزيمفري
اكييييييد
دايما الي يحبون بعض يهتموت ببعض
و يسعون ان ما يزعلون بعض

التسامح شي مهم
محد معصوم من الخطأ
صح

امين واجمعين يا رب:)




بربل و سنو فليك :))

تبوس بطنه عشان يغار و يضحك
بدال هالزعل
تبي تسعى انها تشوف ابتسامته





بريز

حياتي شخبارج
ياخذ يما ياخذ
الزوج دايما يفصل هالشي


بس هم سؤال يجاوب عليه ريال.

Almas said...

رائع يا لوير

بسإلج قصة حقيقية وإلا خيال؟

قصة حلوة .. تمتاز بالإحساس الراقي

تعجبني واقعيتج .. حتى إذا كانت القصص خيالية
عندما أقرأها أحس كأنها واقع

تجيدين فن التصور أثناء الحديث

حسيت بهذا البوست
بمشاعر فياضة .. واحساس رقيق
ونفس طيبة .. حنونة

يعطيج العافية

خوووووش بوست

lawyer said...

الماس
اهلا اهلا
حياااااج الله

والله خيال
والله خياااااال

و كل ما اكتبه من قصص من وحي خيال

بس لازم يصير شي يعطيني دافع اكتب

لكن القصه برمتها خيااااااااال


اشكرج على كلامج الحلو

المحفز بصراحه

اشكرج من كل قلبي

nEo said...

الرجل يرضى بسرعة عندما تخضع المرأة لزعله

{ 13 } said...

هو: دشي سبحي ...
ياخذ حقه مني
؟؟؟؟؟؟
زين بعد ماحط لها فلوس على الطاولة ..لوووووووووووول

lawyer said...

neo

فعلا كلامك صح

الرجل الطيب و اي رجل يحب زوجته اكيد بيخضع لمسامحتها

:)

(روح) said...

لأنه يحبها؟
يعذبها؟
لأنه يحبها هانت عليه أسئلتها وشعور الضياع اللي تحس فيه؟
لأنه يحبها هانت عليه وهي تترجاه شفيه خاطرها تبرد قلبها عليه؟
لأنه يحبها ماقدرت تهز شعرة براسه الا يوم طاحت بدورة المياه؟
وتوه يفكر يطلعها؟
طيب..
مامسح على شعرها؟
مو لازم يتنازل عن غروره بس يقولها خلاص عالأقل!
خلاص دموع!
خلاص هموم مو هم مسافرين؟

"كم شكيته للبكا والأنين..
كم بكيته من حزني الدفين..

آآآآه يالمكان اللي ساكنينه
وآه يالحزن اللي محتوينه..
كيف خلي عاف حضني
عاف من بالروح مشترينه"..

لوير اعذريني طولت ادري
تأثرت بزياده أدري
بس الا العواطف
والمشاكل مااحبها تاخذ حيز كبير
وتألم قلبي...

اهم شي الخاطرة..كله منج :)

مري بعد يومين تكون اكتملت بالبلوق..

انتبهي لحالك وكفاية هموم
عاوزين نعيش :)

sologa-bologa said...

دائما العفو
عند المقدرة

نقطة ثانية
أكررها وأقول مليون مرة

كاتبة سيناريو من الدرجة الأولى

وما شد انتباهي إلا
قواطي الرد بول والسفن آب


كلن بقلبه
:))

ودمتم بحب وود

اجار الدين كشمش said...

غلبت اصالح في روحي عشان ماترضى عليه تحط له هالاغنيه وتحقره......الرياييل مايبيلهم الا الحقااار..........الحقران يقطع المصران .

عــــــابره said...

ماشالله عليج لوير

تكتبين قصص حلوه لدرجه انهم توقعها صج

استمري :)

magnoonah said...

ما شاء الله مثل كل مره اسلوبج يشد الي يقرا

ابي اعرف ليش هم جذي وهالقسوه هذي ما تلين عندهم وما تغيرها العشره
ليش احنا الي نسامح ونتنازل في كل مره ونطلب المغفره وهم اذا غلطوا نسكت عنهم
مو الخب انه نمون مثل بعضولا احيانا احسن من بعض

هذا الحب مذلة وبجي واستصغار للنفس؟؟
يعطيج العافيه

تحياتي

جنون إحساس said...

كلام يدلدغ المشاعر
:)
ممتع على بعض المر اللي بين الحروف
ومهما كان هذي حياة طبيعيه
محرومين منها وايد

وأعتقد إن هالتصرف الرجالي الأحمق مرات
يجرح المره واهما مالهم إلا بياخذون حاجتهم
شنو يعني زعلان وبعدين تعالي
--

المسأله مسألة مشاعر قبل أن تكون حاجه
جذيه المره بتحس انها بس موجوده لهذي الرغبة
بالنسبة لي هذا ألم وجرح مشاعر
المره تحتاج للإتصال الحسي قبل الجسدي
عكس الريال تماماً

طبعاً مو كل الرياييل جذيه بس نادراً
اللي من هالنوع

وتسلم الأيادي

Sentir said...

زعل الليل يمحيه الصباح

Very nicely done, a story is more than a story when it's done like a poem, very beautiful.

Some here asked how can he take his right when he is mad at her. Psychologist etc. say that for men it's more mechanical/physical and for women emotional/sentimental. It's hard for the other side to imagine that, but when they do, maybe less problems will happen!

The girl in the story seems to realize that, and that's maybe why he forgave her.

Again, nicely done!

Alather said...

لانه يحبها يقسو عليها

بعد فترة بتلقى نفسها ملت القسوة

عقب يصير ما يهمها

قسى ولا ما قسى

خلاص شيفيد

نفرت منه

Hard To Get..! said...

i liked this one


but ..wondering how come sex becomes just a roteeeeeen...!!
كبريائه وغضبه منعوه من الكلام معاها ومن انه يسامحها بس مامنعوه من شهوته

عجيب..!

كانت لي وقفة طويلة على الموقف يوم تبوس بطنة..بصعوبة تخيلته

بس حلو انهم فالنهاية رضوا على بعض..
عقب ماذلها طبعا هههه مايسوا عليها

بانتظار المزيد

BlogLess said...

وكأنج تسردين بالضبط ما حصل لي شخصيا قبل سنتين بالضبط

نفس السيناريو
ذات الحبكة
وبعض ما جاء في الحوار

لن أنسى الغلطة اللي ارتكبتها
جرحته يومها
لكنه سامحني
وغاب بعدها

هيجتي جروح ملتئمة

ربي يسامحج

:(

MANAF said...

بما انها السالفه من وحي الخيال

فلا تعليق

ولكن اظنكي طلبتي من البعض

بأن يسألو الرجال عن طلب الجنس

حتى في وقت الزعل او الغضب

فها الشيء غير صحيح الا في

مجتمع الحيوانات مكرّم قدركم

واقصد الأثنين

................

وياريت علمتينه

شمسويه اللي زعلان عليها

هالكثر !! ناسيه الاوتي امبطل

والا مضيعه بوكها

والا نايمه مع احد السوّاح

lawyer said...

روح

تبين الصج استمتعت بالخاطره وايد

انشاء الله بمر و بشوف

تعليقج اكثر من روعه




سلوجا
انشاءالله اذا بكتب

راح اكتب
روايه
بس سيناريو
يبيله تخصص
مو انااا

لكن صج صج صج
حسيت انك مقدرني
ترا تعبانه على الريد بول انا

:)
الله يهداه في اليوم الواحد يشرب 3

هههههه
تبي اكمل السيناريو

اخاف اقعد اهني اسعه اكتب بوست ثاني




اجار الدين

اهي الغلطانه اشلون تحقره
الي ذابحته اشلون تحقره




ماي سولد
الله يسلمج و يحييج يا رب
انشاء الله :)

kazmawy said...

اذا كان هذا خيا لفتراه فعلا ابداع
هذة الواقعة تتكر كل يوم بين المحبين
مشكلة الريال اذا زعل مايرضى بسرعة..
والبنت اذا زعلت تراضيها بكلمة حلوة او ابتسامة او وردة جميلة..
اجمل مافى الرجل والمرأة اختلاف طبايعهم
لوير..صعب اصدق ان هذة خيال..لكن دام تقولين خيال فانا مصدقج..لكن جد خيال بارع:)

lawyer said...

مجنونه

حياج الله اختي

فعلا تعليقج استوقفني
ليش احنا نسامح و اهما لألأ
و كل مرا احنا
فعلا

لكن في هذي القصه
هي من ارتكبت الجريمه

و هي الي مزعلته و تهاوشت وياه
و طلعت و ارجعت

لقته بعد ساعتين
مجروح في مكانه




جنون احساس
فعلا المسأله مسأله مشاعر
اي والله

و مرات الرجل ما يفكر الي في نفسه
و لا يفكر فيها

لكن في هالقصه
لانها اهي الغلطانه

و لان اهو متنرفز منها
و من الي سوته

فطلب منها هالشي
و هي دون مناقشه
بسرعه وافقت
كنوع من تأنيب الضمير
او يمكن يكون سبب للغفران

Mohammad Al-Yousifi said...

اللي يحب يتنازل و يسامح

للعن ابو الحب

Brave Heart said...

والله صايرة كاتبه درجه اولى
يا لوير
لكنى اكتبيلنى فصص اتفرح واتضحك
ملينا من المشاكل والعتاب والعناد
رانى بستنى بوست جديد يفرفش ويضحك
ويزيد الامل فى قلوبنا

(روح) said...

غاليتي لوير..

تفضلي..
http://ashlaa-roo7.blogspot.com/2007/03/blog-post_30.html
عذراً عالتأخير

اشووووفج على خير :)

lawyer said...

se sentir

اشكرك جدا على التوضيح
و اشكرك انك فهمتني انا اول

و باجي الحريم الي مو فاهمين هالشغله

يمكن تسألني اشلون مو فاهمته و انتي كاتبه عنه

الي افهمه شي واحد
ان الي يحب
يبي الي جدامه بكل حالاته و لحظاته

:)



الاثير
القسوه مع الايام تتحول الي مشاعر بليده
لا تحس و لا تتأثر
يامااااا و ياماااااا تغيرنااااا
و انقلب حالنا
بعد القسوه

سأليني انا
اكثر انسانه في هالدنيا تغيرت و السبه القسوه

انا يمكن اوصل لمرحله انتقام
و يمكن خطر الانتقام ما يأثر الا علي انا
بسسسسسس هم اسعى حق هالشي




hard to get
حياج الله نورتي

عاودي الزياره

باست بطنه
لانها واقفه جدامه
تفرش اسنانها
لفت عليه
نزلت راسها
باسته
و اضحكت

تبي اشويه يشيل التكشيره من ويها



بلوجلس
اقولج شي
انا مصدومه
انا الي تعبت نفسيا من قريت الكومنت مالج

ما تخيلت لهدرجه

عورني قلبي لما قلتي راح

لأان كل شي راح
و بيروح
بعد الجرح

و خصوصا لما المرا يكون لسانها قاسي
تقول شغلات تفجج جروح سنين





الخاطر
كانت معايرته
ان راعي ماضي دفين
و احمد ربك انا راضيه فيك

و عايريته في كل شي بحياته حاول ينساااه وياها





كظماوي
الله و يشهد الله فوقي
ان ما صارلي هالشي
و لا احد قالي اياه

لكن الي صار ان مرا حبيبي زعل علي
و بجيت
تالي فتحت الاب توب و كتبت هالقصه
من وحي
خيااااالي

والله وحي خيالي
لا من شاف و لا من دري

لما رضا علي
قلت له حبيبي شوف شنو كتبت لما زعلت علي

قالي عيل كلا بزعل عليج عشان تبدعين

للاسف يا كظماوي هالكلام من زمان

و من يومه ما عرفت اكتب شي من قلبي
ووقف خيالي
ووقف كل شي وياه

مو لاني احبه
و لكن لانه هو سبب الهامي
فيه شي يحرك قلبي
و نبضي و خيالي

يحركني انا كلي

راح الله يرحم ايامه




مطقوق
ماتشوفني قلت لك احب عمري ابرك



بريف هارت
انشا ءالله
بس البوست السابق كان مضضضضضضحك))





روح
يا من ابدعت روحها فهمست كلام يهز الروح

صفنت وايد
وايد
ماشاء الله عليييييييج

هذا صج الابداع
و هذي صج الموهبه

الله يبااااااارك لك يا رب

احتاج فعلا كلماتك
لتسلو بها نفسي

و اداوي بها جرحي


ابدعتي
الله يسعد ايامج