Sunday, September 23, 2007

قتلني..لما قالي .. ما احسك عشتي انوستك !!


خلوني اعطيكم نبذه مختصره عن الشخص الي بتكلم عنه
او الشخص الي جرحني .. مدري ليش قويه جرحني بس المهم خلوني اقولكم منو هذا
لما كنت ادرس في مصر ويا رفيجاتي كنا تقريبا اقل شي 3 او 4 مرات في الاسبوع نروح صالون محمد الصغير
و هذا اللبناني الي يتعاملون وياه رفيجاتي وايد وايد بروفشنال
وايد كيوت
و خفيف دم و جنتل بطريقه غير طبيعيه
و من الناس الي اقدره بصراحه لانه شغله عجيب
و بما انهم يتنقلون من فرع لي فرع فكان عندنا رقمه
و مرا في شامبوات كنت ابيها فخذيت انا تلفونه و صار بينا مسجات و مسنجربس مكين من سنين بلوك
على الرغم من اني اانا مو زبونته
الا انه يقدرني وايد
و دايما يقولي انتي بالذات ما احسج خليجيه كلش

المهم هذالمره لما رحت مصر
و كنت قاعده انطر كامليا الي تسوي شعري
شفته
رحب فيني حيييييل و طار فيني و شخبارج و سلام حار و اشلون ما قلتيلي انج بتين و من هالحجي
قالي تعالي تعالي انا مشتهي حدي اسويلج شعرج
و اصبغلج اياه
و كلا اقولج بسويلج نيو لوك

قلت له لألأ مشكور انا ماخذه موعد مع كامليا

المهم اعترض علي اني دايما محبكتها
و اني مو مرنه مثل رفيجاتي
و بلا بلا بلا بلا و من هالحجي
فجأه بدون مقدمات قالي هالجمله
ما احسك ابدا عشتي انوستك !!!! ((انوثتج
طبعا هالكلمه جنها طراق على ويهي
نعم !! شنووووووو
ابتسمت و قلت له يالله يت كامليا خلنا نشوفك عاد
باي
و دشيت داخل في غرفه الحريم و انا قلبي يغلي على هالكلمه !!
مت قهر
انت من وين تعرفني عشان تقولي هالكلمه !!
شنو مفهوم هالحجوه
ادري بتقولون فطيم لا تشرهين على لبناني و بلا بلا بلا
بس صج شغله تحر تقهر
و خصوصا اذا يت من ريال !!
و ريال عارفني من سنين
ما عشت انوثتي عشان ما تفصخت !؟؟
ما عشت انوثتي عشان ما رضيت انت تسويلي شعري و الا عشان لما قالي (( ايييييييييي لكي كيفوووووو حبيبك ))
زفيته قلت له انت تدري لي الحين ما تزوجت

ما عندي حبيب!!

طبعا لاني ما ابي اجرئه علي و لا احب اسولف وياه وايد ليش اقص له قصه حياتي
اسكر كل شي في ويهاا !!
مو معناته اذا بنت ما تقول او ما تتكلم او ساكته يعني هي مجرده من الاحساس و الانوثه
مو معناته اني اشتغل بين الف ريال و طبيعه عملي تتطلب مني اني اكون جد و رسميه و لا عمرهم شافوني دلوعه و متسكعه
و ميك اب و جذي يعني انا مجرده من الانوثه!!

من قال لازم اكون مبتذله عشان اكون انثى!!
اوكيه خلونا انتكلم في شكل عام
وايد بنات سنعات (( لا تخافون مو انا ))
وايد محترمين و سيريس
و جد و ما يحطون ميك اب و صج ما يحبون فكره انهم يفتنون الرياييل
ليش انقول عنهم مجردين من الانوثه
شنو الانوثه؟؟؟ صج و الله

ترا مرات الرياييل يجرحون انوثه المرأه في كلمه ما يقصدونها
و مرات وايد ننجرح من تصرفات تخدش انوثتنا و ما انتكلم

مو معناتها انا احنا مجردين منها!

بس يا اخي ان جان انوثتي ما تنثبت الا لما اصير على هوا عوير و زوير لا والله ما ابيها
شغله تحر

و حدها قاهرتني
والله يمكن تقولون ابالغ
بس والله حارتني
ترا المرأه الطبيعيه ما تحتاج تثبت انوثتها عند مليون ريال
المرأه تحتاج يكون عندها رجل واحد بس يشوف انوثتها
و بالطقاق لو رياييل العالم كله ما حسو فيها
لكن البلوه صج
اذا كان اهو الواحد هذا ما يحس في انوثتها و متجاهلها
اهني مسكينه تبدي تلفت نظر رياييل خلق الله كلهم
لسد حاجتها و تعويض النقص الي فيها
بس هل الرييياييل يفهمون ؟؟

29 comments:

Oryx said...

9a7 elsanich!

Shather said...

3adel 3adel

wa na6aqat lawyera :P

PearL said...

احح
الكلمة تعور

حتى لو من شخص مو مهم
حتى لو من شخص ما تعرفينه بس الكلمة تعور

يعني قول كل اللي تبي تقوله عن المراة بس لا تجرح انوثتها او تتعدى على هالخط
لانه خط احمر


الانوثة عمرها ما كانت بلبس ولا مكياج ولا دلع ولا ملاقة

بس خلييه يولي

الكل يعرف لوير شنو

Fahad Al Askr said...

ردها بسيط، لا حبيب ألبي عشت أنوثتي طول بعرف، وسكري الموضوع ليش تغتاظين وتحرين عمرج، عادي كلمة ورد غطاها

bo9ali7 said...

"
ترا المرأه الطبيعيه ما تحتاج تثبت انوثتها عند مليون ريال المرأه تحتاج يكون عندها رجل واحد بس يشوف انوثتها و بالطقاق لو رياييل العالم كله ما حسو فيها لكن البلوه صجاذا كان اهو الواحد هذا ما يحس في انوثتها و متجاهلها اهني مسكينه تبدي تلفت نظر رياييل خلق الله كلهملسد حاجتها و تعويض النقص الي فيها بس هل الرييياييل يفهمون ؟؟
"



ياسلام عليج
عيني عليج بارد
الله ينور عليج
ولازم نحط تحت كلمة "طبيعية" الف خط
شوفي كل اللي اقدر اقوله مالج شغل فيه ترى وايد ناس تتكلم وما تثمن كلامها

عثماني said...

مساج الله بالخير اخيتي لوير

الكلام اللي قلتيه ياليت يفهمونة البنات قبل الرياييل

البنات عندنا و للاسف مسرع ما ينجرفون مع هالكلام..و تلقينها علشان كلمة تافهه مثل اللي انقالت لج تقلب حياتها و تندثر

بوست ممتع و قيم كالعادة لوير

Mohammad Al-Yousifi said...

جان قلتيله والله جان زين تعطيني شوي من انوثتك

لوول:)

انت عشت رجولتك عشان تعايرني بانوثتي ؟

2 u ALL said...

كلامك عين الحقيقه ..!! المرأه لاتحتاج أن تثبت أنوثتها للرجال جمعياً ..!! وأنما فقط لرجل واحد ..!! وأن كنت أخالفك الرأي في أن تثبت المرأه أنوثتها..!! فهي أنثى بالخلقه ولا تحتاج الى هذا الأثبات أطلاقاً ..!! ولابد لها أن تظهر على طبيعتها الأنثويه الجميله التي خلقها الله عليها ..!! وأن تتشكل وتتصور بأشكالها وبصورها المختلفه ..!!ألا أذا أردت أن تخالف طبيعتها البشريه كأنثى..!!؟

والسؤال المهم هل هناك مقياس محدد للأنوثه ..؟؟ أو هل هناك نمط أو شكل واحد للأنوثه ..؟؟

صبعاً لا ....!! فلايوجد مقياس محدد للأنوثه ولاشكل واحد أو نمط واحد لها ..!!

lawyer said...

Oryx

حياج الله اختي
بقولج شي بس لا تضحكين اول شي قعدت ساعتين ابي اعرف شنو صورتج يالله استوعبت انها ورده !

العتب على النظر و الا الكبر شين و الا عشان انا صايمه

مدري والله :)))

صح بدنج بعد قلبي:)




شاذر
لاحظتااااااااااااي اشكثر بقلبي حجي
هااااااااا
ههههههههههههههههه اهم شي قمتوا تعرفولي خلاص




بيرل
اي والله اتعووووووووور

تسلمين لي بعد رووووووووووووحي

بردتي قلبي
سسسسسسسسسسكتي تعالي شوفي كشرتي من اهني لي هني
بسسسسسسسسرعه ينقص علي والله

بكلمه اطخ






فهد

ادري والله المفروض ما ارد و جذي بس والله حرني
شسوي قهرني مو بيدي يعني

اي عاد انشاء الله اذا صار لي موقف مني مناك وقت ثاني بحاول
امسك نفسي و ما ازعل او انحرج

بس خلك واقعي اهي تجرح صح؟؟؟





بوصالح


تسلم والله
ربي يحفظك
ادددددددددددددددري وايد ناس ما تثمن لا حجيها و لا فعلها

بس عارف انا منصدمه لان طول عمره ذرب و جذي
و لا عمره تعدا حدودا و لا شي

مو واحد عادي تقول خبل و ما تشره عليه

والله فرحتني
:)





عثماني
سااااااااك الله بالنور و السرور

صح كلامك بس الحمدلله
يمكن انا تنجرف دمعتي بس ما تنجرف فعلي

يكفي اقول حسبي الله و نعم الوكيل

و يكفي اقول حق عمري هاو فطيييييييم هذا بهز ثقتج في عمرج ما عليج منه

اهوووووو يقول هالحجي عشاااااان يستفزج اذا استفزج و اثبتي له في الفعل وصل لي اللي يبيه


الحمدلله انا فاهمه هالشي


دوووووووووووووووووم مستمتع يا رب

:)






مطقوووووووق
اااااااااااااااااااي

اييييييييييييييييييي

اييييييييييييييييييي والله صاااااااااااااااااج

واااااااااااااااااي والله برررررررررررردت قلبي

اسسسسسسسسسسسكت من قريت كومنتك و انا دشيت ايميلي القديم و شلت البلوك منه

بس ابييييييييييييه يدش


حدك شيشتني علييييييييييييييييييييييه

ههههههههههههههههههههههه

ايييييييييييييييييييي من حلات وياههااااااااااا مالت عليه

حاف حواجبه

عمى بعينه

اصبر اصبر
ان ما وريييييييييييتك فيه






2 يو ال
فعلا كلامك انت عين الصواب

يمكن صح مو بحاجه لاثبات الانوثه
و لكن احاااااااس بهذي الانوثه ان صح التعبير

و كل امرأه و لها طريقتها في التعبير

و كل انسانه لها رجل تعرف ماذا يريد و ماذا تريد هي

حتى يكتمل السكن الي ذكر في القران

تسلم والله على التعليق الاكثر من رائع

Shaima'a Alkandari said...

حدها الكلمه قويه وتحز بالخاطر اكيد

وقعها كلش موشي

خصوصا لي كان هالشخص انسان لج معرفه ولو بسيطه فيه

اى والله انتى بتمين انثى لو شنو

موشرط الشكل الخارجي والمظهر الاهم والانوثه تكون بالجوهر

avocat said...

and who's he to judge u !! goleeelaa roo7 moot ;p

بنت الشاميه said...

لا لا لا لا ...موهاذى لوير اللى اعرفها

وسكتيله....؟؟؟؟

لا مو معقوله.....ليش ما رديتى عليه

الحين انا اندقيت منه مع ويهه


يعنى شلون نعيش انوثتنا...؟؟؟؟

ياقردى ....ما ادرى انا عشتها والا

الى الحين...؟؟؟؟

لوووووووووووول

lawyer said...

شيماء
اي فعلاااااا كلمه تحز بالخاطر وايد

خصوصا اذا الريال يقولها عشان يوصل حق الي يبي

سواء هدف تجاري مثل الخبل هذا الي يبي يسوي شعري قصب طيب

سليييييييييييحط سلحطه






ام مدعااااااب

حي الله النشميه وخيتي

وشعلوووووومج

ماعليه توني شايفه نمر بن عدوان و متأثره حدي حدي

سسسسسسسسسسسسسسسسسكتي


لحقوووووووووووووووو علي

هذا نمر بن عدوان خلاني اكره الرياييل كلهم استاااااااااااااثم فيني



يا زييييييييييييين لونه
يا زيييييييييين طوله

يا زييييييييييييين خشمه سنه سيف

و عيووووووووووووووووونه


اللهم اتمم علي صياااااام رمضان
و الا هالادمي استااااااثم فيني حدااااااا

lawyer said...

بنت الشااااااميه

وااااااااااااااي يا زييييييين هالطله بعد روووووووووووحي رووووووحج

واي الله لا يحرمني منج

ووووووووووووووالله ولهت عليج

ايييييييييييي مو انا ما بغيت اسكت

بسسسسسسسسسس اهم طرمني

فجأه

قالي هالحجوه

و اندقرررررررررررررت


بسسسسسسسسسس عبالج بسكتله


اصلا مطقوق حدا شيشني

و هذاني قاعده في المسنجر منططططططقه من الصبح

ناطرته بسسسسسسسس في امه خير يدشششششش


ان ما شرشرحته اهووووووووووو و الا خلفووووووووووووووووووووه



شسوي هذا الي قدرت


عمى بعينه الله يزول عدوه

اجار الدين كشمش said...

انا تراوالي

ان البنت تتعرض لكثير
من كلمات الغزل والتقرب
والي درجة التحرش ؟
والتحرش انواعه كثيره وكل

هل المحاولات البنت ماااره عليها
حتى الامهات يتعرضون للقطات والتحرش ؟

والا اشلون يتعارفون ويتزوجون
ويلعبون ويزوقون

يبقى ان الطريقه وقحه
ولا فيها ذرابه ولم يقدر
من هي التي امامه
؟؟ معاج حق ان تزعلين

ولكن هو متعلم ان غيرج

ترد عليه

كاااااك ك ك ك انت ما تعرفنيش
عيدل..؟
دنا ارقص بلد بحااالو

واتقفي وتعطيه ظهرها وتمشي وكعبها
يقضض رخام اللوبي

اخذيها بروح رياضيه
كل البنات يتعرضون
للشين والزين

tweety said...

انتي سألتي وجاوبتي بنفس الوقت بعض الرياييل وبعض الحريم بعد ما يفهمون ويعتقدون أن الانوثة دلع ماصخ وسخافة وناس عبالهم الدلع تفصخ ومسخرة مثل وبعض المينن عندهم الانوثة عمليات تجميل ونفخ وشفط مثل ما يعتقدون ان الرجولة شوارب! الحمدالله والشكر

مالج شغل بحد خليج على اللي انتي
مقتنعة فيه
لووووووووووول على رد كله مطقوووق إبداع صراحة

f7ee7eely said...

I have a question?

abee el lebnane gal "ana meshtehe 7addee asaweelech sha3rech"?

hatha chennah mishari el ballam moo za3rooor lebnane lol

ma77esek 3eshte unoostek 3ala gooltah methel elle etgoool 7ag refeejat'ha laish mates'hereen weyana eb party -- "laish moo 3aysha bildenya"?

aw ellee etgool 7ag refeejat'ha enty ma3endech boyfriend -- enty 7addech mo3aqadah oo mo 3ayshah 7ayatech

wa haluma jarrah --

I think he was just trying to provoke you to hmmmm become emotional and lay out your laundry or to become defensive and prove to his sorry ass that u r feminie by either revealing more of yourself physically and or emotionally.

f7ee7eely said...

the guy simply struck a chord with the lack of femininity remark --

enty ash6ar mn keddah ya bet:)

elmushkelah enna ma3nde 3araby wella chan 3abbart ebmaknoonaty 3adel :P

f7ee7eely said...

3ala 6aree elreyayeel hal ayam wayed akoo men ellee galaw 3anhum

" ew rajjal teshoofah jesem we eydain we3youn ew lawla el sha3ar matafregah 3an khawatah"

chenny ta7ama9t eshwaya heheheeh

Diver said...

يفهمون لا تخافين يفهموووووووووووووووون

sologa-bologa said...

حلاته يتقصع جدامي ويقول لي
ما أحس انك عشت رجولتك

اعتقد ان راح يكون رد واحد
ماكو غيره
وما أقول إلا
.
.
.

اللهم اعتقد اني صائم
:p

|:| DUBAI |:| said...

كان قلتي انوثتي كلها أنت سارقنها خخخ

مثل ما حليمة بولند سارقة انوثتنا : )

الزين said...

وه

وه

وه

ما عاش ولا كان اللي يتهمج بهالحجي

وينقطع لسانه وينقط حق القطاوة يم زبالة بيتكم ياكلونه

عاد تاخذين على حجى واحد مثل هذا

لو فيه خير ماصارت لقمة عيشه على شعور الحريم

خل يولي

بعد هذا تسمينه زلمه وتسمحين له يجرح انوثتج

خلى الأنوثه له حبيبتي

:******

كل هالبوسات على راسج اللي سوته كامليا

واهو قطيه بحر

Fai$aL *_^ said...

لو يطييح بيدي اربطلجياه من خشمه وريلوه وسحبه بوسط الفريج اخلي اليهال يلعبون بحسبته لوووول

لانه الي سواه ماهي رجوله بتاتا يقول جذي كلمه بحقج


يا جبل ما يهزك رييح

لا يهمج ولا يأثر فيج

ترى من حر ما فيه يقول جذي

ولا شرايج انتي ؟

وبعدين انا بفهم وين راحت ثقتج بنفسج خبري فييج قويييييييييييه




اي ادري انج قويه بس شكلج نسيتي :)

نفس ما قلت لج لا تهتمين .. اهو لا راح ولا يه اقصاه حلاق احم اي و نحيس ولئيم

ويكفي انج عرفتيه عل حقيقته الميهود :)

احلا التحايا لاحلى بنوته

^ فاااااتوو ^

عــــــابره said...

اهلين لويير

تدري انا لي فتره مادخلت البلوقز وانقطعت عنها
ورجعت قعدت يمكن حدود الساعه بس اقرا الي فاتني من مواضيعج من سفرتج الى سويسرا الى هذا الي حر قلبج
واستانست حيييييييييل

الله يونس قلبج .. وهذا الي حر قلبج

كلام مطفوق عجبني ..

نشوفج على خير حبوبه

lawyer said...

اجار الدين
يااااااااااهلا و غلا

والله من اشوووووووووووووووووووووفك استااااااااااانس :)

اي والله نعيش و نشووووووف
:))




تويتي
هههههههههههههههههههه
اي والله و ربي صاجه

شششششششفتي

هههههههههههه مطقوق بددددددددددع

حدا طيب خاطري





فحيحيلي

10 مرات اكتب اسمك و اغلط فيه
ههههههههههههههه

اول شي حياك الله و نووووووووووورت و مشكووووووووووور وايد وايد وايد على الكومنت الحلو
و الاحلى من الكومنت
انه فيه جووووووود بوينت
و انت وايد بردت قلبي في انك شرحت الحاله بششششششششششكل جدا واضح



ترا ابيع كيبورد عربي بدينار تبي؟؟

انت ويييييييينك فيه اعلمك اشلون تعرب

:)







دايفر

اشوووووووووووواااااااا زين

زييييييييييييييييييييييين

:)




سلوقا

تكفا تكفاااااااااا و الي يرحم والديك فناااااااقر فناااااقر




دبي

كااااااااااااااااااااااااااك

كااااااااااااااااااااااااااك

كااااااااااااااااااااااااك

لوووووووووووووووووووووول

لووووووووووووووووووووووووووووول

من وين اتيبين هالقطات
ههههههههههههههههههههههههه

والله اكتبلج الحين و انا دمووووووووووووع





زوزوتا
حبيييييييييييييبه قلبي انتي

بعد روووووووووووووووووووحي والله

عاد انا ما يطيب خاطري الا في سمجه

هههههههههههههههههههههههههههه

(( نوع يديد من الطراره ))


افششششششششششششششششششششل





انجل

تسسسسسسسسسسسسسلم تسسسسسسسسسسسسسسسلم

بعد قلبي والله

الله يووووووووووونسك
دوووووووووووووووووم

عاد الحين معنوياتي مرتفعه

بن عدوااااااااان كاهو بداا
ونااااااااااااااااسه


برب تؤجل باجي التعليقات لما يخلص مسلسل العشق و الغراااااااااام

حبيبي بو عقااااااااااااااب

lawyer said...

ماي سووووووووووولد بعد روحي

ما بقى الا انت ما رديت عليج

و بسرعه بروووووووح اشووووووووف بن عدوان


شخباااااااااااااارج حبي

حيااااااااااااااااااتي انتي

ويييييييييييييييينج

والله هذاك اليوم بيني و بين نفسي اسأل عننننننننننننج
لا تبطييييييييييييييييين

Deema said...

walla 9ajja, bas ilmafro'9 ma yijri7ich halkalam li2anna uhwa uhwa shayif ilunootha ily feech bs widda yistifizich 3alshan tsaween radat fi3il yabeeha, o ilreyayeel ma ygoolon shay ma yaq9idona..

Anonymous said...

اسلوبك عحيب وكتاباتك روعه