Wednesday, September 26, 2007

حمدلله و الشكر ..مرض مرض


يالله يا ربي لك الف حمد و شكر
يالله يا ربي لا تعاجبناا
حمدلله و الشكر في فئه من حريم المجتمع و بنات المجتمع الكويتي
فيهم مرض اسمه الخوف من الحسد
لو كبتهم احترقت قالوا عين !!
تعليم
وثقافه و مراكز
و مخهم فاضي
و ناس جهله
ما عندهم قصه الا الناس حاسدينهم و الناس صاكينهم في عين و الناس محرولينهم

انا اؤمن في الحسد لانه مذكور في القران
لكن مو اعيش في وهم
ان امه محمد كلها ما عندهم لا شغله و لا مشغله
الا تحسدهم!!!
مساكين عايشين في وهم متعبين نفسهم

عيل شخباااااااري الي يغبوون انهم مسافرين
و بصراحه هذا طبع حق ناس قراب مني
كلا لا تقولون حق احد!!
عيل شهر كامل ادق على وحده كله نايمه
اسافر الاقيها
خووووووو يا بقر نتسووووون و تسولفووووووون
و مع الايام ينسون جذبتهم و يفتنون على عمرهم!!

و اذا كلمتيها قالت مريضه
و ان سولفتاي عن سفره و الا محل انقرت و قالت ايييييي شفته تونا رايحين دبي مارين عليه!!
هااااااااااااااو ما حلاتج مريضه شهر بالفراش !!

22 comments:

PearL said...

7amdillah o el shker

:)

tweety said...

صج ناس امرضى وانا اعاني منهم صراحة لا وفي موضة أنها تقعد تسولف عن روحها بالعكس يعني اتشكى من ريلها ومن عيالها ومن حياتها طول ماهي قاعدة عشان محد يظن انها مستانسة ويحسدها !

Anonymous said...

بنات حواء
عجائب
مبين البوست مكتوب بدم يفور
هدي بالج
ماكو شي يستاهل

AseeL said...
This comment has been removed by the author.
AseeL said...

lawyer:
الحسد فعلا مذكور في القرآن وموجود.. وما يعرفه عدل الا اللي حاشه وتأذى منه لوير

بس مثل ما قلتي ما نقط كل خمالنا على الحسد ونخليه شماعة

tweety:
واخيرا ظهرت على الشاشة؟
لا تلومينهم.. زين يسوون الحسد اقشر ترى يوقف حظ البني ادم ويودي القبر

Mohammad Al-Yousifi said...

مشكل مشكل

f7ee7eely said...

hmmmmmmmmm ok !!

I attribute this to the following:

its either the person who is being secretive about their every move out of fear of being jinxed is suffering from a severe case of narcissism and think that he or she is the IT and the whole world revolves around them " ooo enna elnas ma3ndehum 7achwa ella hum".

or they just want the easy way out which is by blaming every mishap they encounter to 7assad so that they would lead a guilt free life and not blame themselves for the very mistakes they make.

Mustafa Şenalp said...

very nice a blog.:)

جنة الحواس said...

يااا كثرهم
ملوعين كبدنا و كبدك يا لوير

التخشش صار بكل شي

حتى الدراسة .. في ناس يدرسون ماجستير من ورا ربعهم ... خوفاً من العين

و خلي السفر .. أنا ما يحروني الا على سالفة الحمل .. خاصة اذا توأم

كأنهم أول و آخر ناس يحملون بتوم

جنون إحساس said...

استغفر الله جنج تتحجين عن عمتو
آنا طبعي أجاريهم لين أوصل لهم فكرة على منو هالحجي


الحمدلله الذي عافانا

enter-q8 said...

حجية خلنا نكون واقعيين
اولا الحسد مذكور
ثانيا
و هو الاهم

ترى صج الديرة متروسه حسد
و هذي ماركة مسجله خليجيا انها بالكويت
بس عاد و انا اخوك
سوالف الحريم اللي فيها زياده
عاد مش قوي كده يعني

عندي واحد من الربع

تيوزلك سالفته

صاحبنا فتح محل متخصص بشغلات معينة و محدوده بالكويت

قاعدين نسولف بالديوانية
عن الاسعار
و واحد من الربع اشترى بهالسعر و الثاني اشترى بهالسعر والاخر بيطلبها من بره
و اشوفه الله خير عيونه تبحلق مني و مناك و اهم يقولون الاسعار و انا اعرفه الله خير الدينار يقوله تكفى خلني اطلع من مخباتك اشوف ايد احد ثاني
المهم
والا واحد ثاني من الربع يقول في محل جديد بس يمكن مش و لابد مو درجة اولي اللي عنده لأن اسعاره زوينه بس يمكن مو اكيد
والا ينط صاحبنا شنو مو اكيد اصليه بس انتم تبون اللي يصكم بالعالي علشان تقولون ان بضاعته زينه
كان اصرخ عليه وانا اعرف سوالفه
قلت له يالدثوي
ليش ماتقول انك مبطل محل وان هذا محلك
عرفتي اللي كاته تب ماي بارد عليه
كان يضحك ضحكته الصفرا
ويقول واستعينوا على اموركم بالكتمان

تفضلوا


اي اثنين من الربع احلفوا انهم ما يشترون من عنده و ينفعون اي احد لا و يوصون الناس على اي محل ما عادا محله

قلعته

Purplecious said...

كلامج صحيييييييييييح يا وضحه

ترى أكو أذكااااااار تحصن الواحد من الحسد باذن الله

لالاالالالالا لوير
المشكله يغبووووووون بس اهما لا يمكن يخفى شي عنهم

اياني و ايج تحاولين أو تفكيريييييين تغبين عنهم

شغل حلال عليهم حرام عليج عرفتي

ما أقول الا

يا ويلتي ويلاتااااااااااه بسسسسس


و بعدين لوير اكو شغله ثانيه
أنا اعرف وحده تغبي بس مو عشان الحسد لالالالالالالالال

عشان التقليييييييييييد

مسكينه كل ما شرت شي و لا حطت شي مسسسسسسسرع ما قلدوها

ان شرت بدله قلدوها
ان شرت جنطه لالالالالا هي مو أحسن منا نبي نفسها
تلفون يديد
نفسها
حتى صبغة الشعر و القصه يروحون ينسخونها نسسسسسسسسسخ
طبق الاصل

مرض مرض الحمدالله و الشكر

The Simper said...

قل اعوذ برب الفلق
من شر ما خلق

salamaaat ;)

Expatriate said...

آآآآآآآآآآآآآآآآآآآآآآآآآآآآه

صااجة يا لوير .. مو بس عند الحريم.. حتى عند الرياييل .. كل ما صار شي .. قالوا عين ..

كل ما شغلة اختربت .. عين
عين
عين

على شنو يصكونك بعينك ؟
مرض نفسي و
over obsession

اذكر كانت فيه حلقة او محاضرة قبل جم سنة حق نبيل العوضي عن هالموضوع
مبالغة الناس في استخدام عذر العين والحسد في حوادث حياتهم حتى البسيطة والتافهه منها

قلاص طاح على الارض وانكسر .. عين ؟
يبا قلاص وطاح قدر الله ينكسر
مو كل شي عين

بردتي جبدي

الزين said...

يارب لا تبلينا

هالنماين منهم وايد

وتعالي انتى خشى عنهم ولا تعلمينهم

شوفي البوز وين يوصل

ويتهمونج انج انتى تخافين من الحسد

ايه كيفي اخاف

شتبون

احد يطالبنى شي

وانا شكلي وايد مشتطه

:*

يالله في امان الله

esTeKaNa said...

تصدقين لوير انا عندي قناعه اذا انتي ذاكره ربج وما تخلين معوذاتج بكل ليله ما فيها شي تسولفين عن نفسج وحياتج
الله الحافظ
!!
رغم هذا وايد ناس يمسكوني وينصحوني من صجهم لا تتكلمين عن دراستج
لا تتكلمين عن اهلج
لا تتكلمين عن سفرتج وراحتج
لا تتكلمين ولا تتكلمين
يعني معقوله الناس بس تبي تتغطبنا وتحسدنا؟
استخفو وقعدو حمدلله والشكر
:)

عــــــابره said...

اهلين لوير ..

هذي ثاني مره اكتب تعليق . وكتبت تعليق شكبره بعد ماخلصت علق مت من القهر


المهم شخبارج ان شاء الله بخير ..

العين حق و الواجب التحصن منها
بس مو لدرجه انه يصير فينا هوس الخوف من العين مثل هذول الي تتكلمين عنهم

وهم واااااااااايد .. ويحسسونج بتصرفاتهم انج وحده مو شايفه خير او انج تحسدينهم على الي هم فيه

اشدعوااااااااااا .. كلنا شايفين خير
صج العين حق بس في شي اسمه قضاء وقدر
والله يكافينا الشر

مشكورة

vancouver said...

وضححححححة
.
.
.

يا وضحاااااااااااا

وش اعلووووومج يا بنت العم

:))))

اول شيء مبااااااااارك عليج الباجي من الشهر

ادري متاخرة حدي بس والله انشغلت حيييييييييل

عاد انتي قلبج قلب سمجة وبسرعة تسامحيييييين

--------

اي اييييييي
وااااااايد مارين علي هالاشكال
كله عبالهم محسوووودين
وكله من النقص اللي فيهم
___


عيل وحده جليلة حيا
زايرة اوادم تتحمد لهم بالسلامة
خاااامة عيالها وخدامتها
ورايحة بيتهم
صاحبة البيت اتفااااجأت
مسكينة
يمعة حريم خامة عيالج شكووو
المهم
الياهل تكرفس وطااااح
باااعلى حسها
تقول
عيييييييييييين ماصلت عالنبي
عقب شوي
بنتها تناااااقز
جان هم اتطييييييح
تخيلي باعلى صووووتها
وتسمع الاوادم
عين عين لا..لا مومعقولة اثنيناتهم يطيحون بنفس اليوووووووووم
وقامت التعوذ وتسوي حركات مااااصخة
.
.

قلبيييييييييي ويهج
ومن قالج تييبينهم اصلا
عييييييييييب

وجان زين يشوقون
عاد
استقفر الله
شتقولين بهالاواااادم
؟؟؟


وياما مروا علينا نمااااين

-----

خليهم يولون
على بالهم الناس فاااااضية
وماعندهم شيء بحياتهم غير انه يطيحونله حسد فيهم
!!!



______

بالنسبة حق صبي محمد الصغير
...
اللبناني


عمىىىىىىىى بعينه
.
.

بشريييييينا اذا
صادفتيه بالمسنجر
؛)
عاد لا تخيبين ظننا
وظن ابو عقاب فيج
ههههههه

lazzy said...

who`s care !!

gelteha amraaaaath

lawyer said...

بيرل

اي والله :**

تويتي

اي موديلات هالحريم

الذيب

يبين مشتطه؟؟




اسيل
اي والله صاجه ما يصير حتى على اذا خدامه مرضت قالو انظلوها ليش امس هريسنا زين!!!





مطقوق

هيييييييي والله




فحيحيلي

بالظببببببببببببببببببببط

يقطووووووووووووووون كل اغلاطهم و بلاويهم على ابونااااا عين

يعطوووووووون عذر لكن بلوه في حياتهم

(( خفف الانجليزي شوي علي ناديت الطباخ و الخدامه يترجمووووووووووولي ))

مو تصدق
ههههههههههههههههه


مصطفى
ثانكس :)




برووووووووووك

ايييييييييي هاو من صجج ما يقولون الماستر
لانهم يحسبون بس اهم الي عندهم

ما يدرون بنت خدامتنا دكتوراه عندها


كل من شبعان الحين




جنون

اي كل من يقول

بسسسسسسسسسسسس انا اتحجى عن كل بيت كويتي فيه هالعله




حاكي !

حتى الريااااااااااااااااااايل
عندكم هالنموووووووووووونه

بعد بعد !!




بربل
من صصصصصصصصصصصصصصصجج
فييييييييييييييج خير اتخشين

اصلا يسووووووون تحريات من وراج و يقولونج كلام ما قلتييييييه عشان يطيحونج بالسااااااانج

و حتى الخدم يفتحون وياهم تحقيق




سمبر

سااااااااااانكيو




اكسبا
توني ادري عقب هالبووووووووست
انكم يا الرياييل لايعه جبدكم من هالشغله مثلنا !!!!!!



زوزو

ايييييييييييي لا ما يصير تخشيييييييييين خراب

تطلعييييييييييييين غموووووووض غمووووووض




استكانه
احنا مسلمين
عيل ويييييييييييين التوكل على الله

صح



ما سولد
حبيبتي
انتي

واااااااااااي شعور يحر اذا مبرده عمرج في هذااااااك التعليق
و يعلق

اعرف الشعور





فانكوووووووووووووفر

لاحظاااااااااااااااااااي
ان خلص رمضااااااااااااان

هاااااااااااااااا

هذا اليوووووووووومين الي بتغطيييييييين فيه

بسسسسس يالله هم ما نقدر نزعل

يعطيييييييييج العافيه
اهم شي مبيضه ويهناااااا؟؟؟


و هذي الي تقولين عليها ام العيييييين

صفقي عيالها بالطفايه


صج الشاذي بعين امه نعال



ليزي

اناحدي كير و احتر

:)

lawyer said...

فانكوووووووفر

عمى بعينه ما دش سسسسسسسسكتي

حتى لو ما دش بجذب و بقول جدام بوعقاب انه دش و بردت حرتي فيه

شسسسسسسسسسسسسوي ههههههههههههههههههه


بوعقاب ماد البوز
يقوووووووووووول هالمقطن عاجبج

;)

Mother Courage said...

معاي وحدة بالدوام طالبه قهوة من سكند كب... وحدة مرت قالتلها الله قهوة سكند كب؟ عليك بالعافية و مشت ..البنت شوي قامت ترجف ..شوي والا اتنهوص من ظهرها شوي فزي و روحي حق اللي توه مكلمتها ... فلانة ذكري ربك ظهري قام يعورني!!! .. هذيك ما سكتت.. قالت لها ترى اقصاها قهوة بدينار مو بألف!!! ... يعني زين
يجيبون الحكي لنفسهم؟
الله لا يبلانا