Monday, November 19, 2007

الرومانس له وقته ما يصلح في بيتنا و لا بروحي






انا وين و الرومانسيه وين!!

كلش انا مو مالت ريلاكس

هالايام قاعده اتبع طريقه التدليل العجيبه لنفسي

بس مو كل شي نقراه يصلح لنا

المهم الزبدة
قلت احسن شي بعد عناء يوم طويل في العمل و شاق مثل امس مداومه 3 ساعات

قمت المغرب من النوم

طرشت الساايق
حولي اييب لي جم ورده

ترست البانيوو
و حطيت الببلز
و حطيت الشمووع
ترس الحمام

نثرت ورد
على ما سويت كل هذا انهد حيلي !!

طبعا بيني و بين نفسي
مو مقتنعه
ضيقه خلق الحمام
شنو ريلاكس

يالله المهم فطيم قعدي

قعدنا
التلفت يمين و يسا ر وبعدين وين الريلاكس

اقول حق نفسي
لألأ يبيلج ميوزك!!

اصرخ باعلى صوتي
انادي اخوي
عطني البلاير
قالي لألأ لألأ
مو زين

ايونج الينانوة !!

شنهوو ينانوة
بروحي مو ناقصه تخرع

عيل بقوم اييب كتابي
ييبت كتاابي
قريت

تدمر كتابي ماي!!

لا حوول
لحظه اييب كلنكس امشه !!

و بقومتي
و الااا اشوف ظلي في الطوفه
ليششششششششش حاطه شموع
بس انا في بالي اليناانوة
صررررررررررخه وحده لي باب الحمام

انادي اخوي
ينانوة ينانوة

هو : طلعي
انا : فووطه نسيت فوطتي
ييب البرنص
ييب اي شي

بسرعه بسرعه

صراخ
طلعت معصبه
ههههههههههههههههههههه
اتحلطم
على اليوم الي فكرت اسوي فيه باث
كلش شعور مو حلو تسوينة في البيت


كلش مو شعور ريلاكس

انزين قعدنا و بعدين
اعصابي انتلفت
لا يتدمر كتابي ماي
لا ايووني ينانوة

هاو هذي حاله !!

و كل شوي يرن التلفون او مسج
و اصرخ يبلي التلفون

الحين انا قاعدة عشان ريلاكس
و الا عشاان شنو بالظبط!!

كلش ما تصلحلي الرومانسيه

مو لي ياربي مو قصب!!!

ملاحظة:
فانكووووووفر حاولت البق عمري بس ما قدرت كلش ما نفعت
قلت بسوي شي حلو تعويض يعني صاارت عفسه الله يلعنها من ساعه يوم فكرت اسوي
ريلاكس و رومانس و بلا بلا بلا بلا

خساير ماي على الفاضي 10 ساعات اترس بانيو

دقيقتين قعدنا

ما يسوا الورد ما يسوي الفوم باث

و الببلز



وين الارشاد عني !!














27 comments:

جنة الحواس said...

ترى السالفة ممكن تضبط بس انتي اسم الله عليج شكلج لوية


غير جذي اختاري الوقت اللي الناس تكون فيه نايمة ..يعني يا الظهر يا بالليل .. و قطعي كل أجهزة اتصالج بالعالم الخارجي >>> بس تبين الصج .. بالكويت ماكو على مساج بانيان تري اللي برويال حياة ... تنسين الدنيا و ما فيها هناك و أحلى شي عندهم الخصوصية التامة اللي مو متوفرة بالمنتجعات الثانية

http://www.royalehayat.com/

الزين said...

لووووووووووووووووووول

ذبحتينى ضحك

قاعده اكركر بالمكتب

وعيونى دموع دموع

وقصة الينانوة مو طبيعية

:*

على نفسها جنت براقش said...

الله يقطع ابليسك قاعدة اضحك بالمكتب و اتبوسم جنى مينونه مجابلة الشاشة
لووووووووول

الجريحة said...
This comment has been removed by the author.
الجريحة said...

ضحكتيني ,صاجة حماماتنا مو مالت لا رومانس ولا ريلاكس.
تبين شئ آنا امجربته لا يطوفك اسبا مال رويال حياة عندهم مادري جم نوع من المساجات والله اتعيشين ابعالم آخر أصلا عقب المساج ما ودك ترجعين البيت
بس قعدي تخيلي عقب ما اتخلصين من المساج واتقعدك بالكرسي واتقدملك التفاح والبرتقال المقطع ,حتي التقطع مالهم ذرب :) والشاي مالهم وانتي في قمة الريلاكس,اب هذي اللحظة تذكريني
وقولي حق نفسك شنو ودك فيه!!!!
كونك رومانسية واتحبين الرومانس راح اتحسين بنفس الشعور الي آنا حسيتة :))

بس لا يطوفك حجزي ألحين وقولي أبي مساج ريلاكس واختاري سوفت مساج
وهذا الرقم حق الحجز 5360000

ترا والله مو دعاية ولا مال أبوي :)))

حلم جميل بوطن أفضل said...

أهم ما في الموضوع ان السائق هو اللي يايب الورد !

قمة الرومانسية
:)

Najmah said...

لووووووووول

ضحكتيني ضحك

اهم شي الينانوة :*

حسافة على الورد =>

violinist_q8 said...

ليش ماخذه الرومانس شكل ؟ :) ماتنحس الا براحه داخلية

PearL said...

لووول يا لوير

الحظ عوي ياقلبي

تصدقين يالوير
مرات احس ان الرومانسية ماتبينا
كل ما نحاول نسوي شي رومانسي يصير فيلم رعب



لوول ذكرتيني بسالفة اقولج ياها بعدين

the tooth.fairy said...

Yah yah yah, hatha 7ammamech bil soora? ;p


ee oo i agree il salfa tathbu6, bss entai shada a3sabech ! ;p


sha'3lai music hdoo2, 7e6i yamich glas "3a9eer tefa7" ;p oo latyeebeen shay feeh tafkeer (mamnoo3 il kotob banwa3ha) oo youfathal il moseeqa elli bedon kalam, oo 3 sham3at kafi,

oo as broke said, saweeh ebwagt il bait mafeeh dabcha oo haila


oo etha fi wa7ed 7elo, ham mayemna3 :P


I forgot to add, fine chocolate pieces are a must, oo close your eyes and relaaaaaax

Fahad Al Askr said...

أم اأنت مش أد الريلاكس

بتتركلس ليه

عشتوا الريلاكس، شدعوة البيت بلوزان وإلا الحديقة على الليك بجنيف

lawyer said...

صبااااااااحكم ورد

شنو الحل العنيف لمشكله النوم الازليه الي عندي ما اعبر اقوم الصبح لو انامم الساعه وحده او 9 كلا نفس الشي!!!


بروك

بيتنا اصلا مافيه احد الا انا و اخوي
ماكو حس و لا لويه اللويه اني انا انسانه تعسرت

على رويال حياه ادري جربي اليوجا هناك عجيبه

حتى الجم راقي




الزين
هههههههههه بعد قلبي
اي هاو من شفت ظلي

قمت اطقطق
هههههههههههه

انتي قاعد تضحكين على ماوراء الكواليس الي قلت لج عنه هههههههههههههه

;)
عن العيارة برستيجي لو سمحتاي هههههههه




براقش
عباااااااااالي قاعده في الرويال سويت الي في ريتز
مو بيتنا




الجريحه
حبيبتي انتي

عارفه شعووووووووووووررج ادري ما تسوين دعايه
هاااااااااو انا ما بقى احد ما قلت له عنه

جربي اليوجا هناك

انتي بس سواااااي بدي كير و منكير و بتدعيلي




حلم جميل
ههههههههههههههههه
يعني الحين الناس لما تطلب ورد من المحلاااااات منو اييبهم ؟؟



نجمه
اي والله حسافه على الورد

ههههههههههههههههه
حسافه على الماي و اللويه

اصلا من كثر ما انا متحسفه عليه

بغيييييييييت اييب كنابل اغسلهم في البانيو دام مرة وحده تارسته
هههههههه




فيولنست
بالظبببببببببببببببببط
قلتها

انت فاهمني





بيرل
لووووووووووووووول
صاجه فيلم رعب

ههههههههههههه انشاء الله بذكرج
الا هالسوالف ما انساها هههههههههه





توث فيري

لوووووووووووووووول
لووووووووووول

شوفاااااااااي
انا مؤدبه
ماااااااااااااقلت شي
بس انتي اتحرضيني على الفسسسسسسسسسسق و الفساااااااااااااد
هههههههههههههههههههه

1- ميوزك بحمام بيتنا يطلع ينانويه
اشمعنا في الفنادق انشغل الموسيقى في الحمام ما نخاف؟؟
ليش السماعه فوق البانيو في الفندق و في البيت فجأه خفت

2- قلاص عصير! حراااااااااااااام نعمه الله ما يصير اندخلها الحمااااااااااام

هههههههههههههه


oo etha fi wa7ed 7elo, ham mayemna3 :P

لوووووووووووول
كل القصه في هذا
انا هذا الي ناطرته و عسرني الظاهر

لألألألألأ احتاج اسوي فوم باث بس مو في البيت

بدورلي سفرررررررررره عشان اسويها ههههههه



فهد العسكر
لوووووووول
مش عارفه يا اخويا انا بجييب الكلام لنفسي كدا ليه

أولت اجرب اهووووووو بانيو يفون و لاحد يموت

اشفيه اشفيييييييه اشفييييييه بيتنا اشفييييييييييييييييه

واي ذكرتني على سالفه لوزان و الليك :/

مسويه مساااااااج في لوزان بالاس اخر سفره
مابغيت اطلع
تعسرت ابي اسكن في السويت و اوودي رفيجتي مونترو تقعد تستريح هناك و اجابلي سويسري يرد رووووووووحي

بس مشكله اللغه ما تساعد
اهو يرطن فرنسي و انا كويتي

جنه السالفه ما تسوا يعني
هههههههههههههههههههه


و انا حتى لو كشخت في سويت مطاره القهوة و الجاي وياي

و اهم شي التمر و القروظات

فيعني فشله هم دافعه السويت و هم لايعه جبده مني هالسويسري هههههههههههههه

7osen said...

ههههههههههههه


هذا صج ولا مسلسل كوميدي

ههههه

والله ضحكتيني

Glass Fabric said...

looooool tha7akteeeni walla :D 9ij e7na mo mal haswalef kafi 3alaina 9aboon raggi :p hehe bas a7eyye fech el ebdaaa3 keep going ;)

bo_sale7 said...

العناصر الاساسية للريلاكس توفرت بس نقصج عنصر مهم يساعد على الارتخاء وتعديل المزاج ..هذي غلطتج :)

Anonymous said...

لوووووووووووول
ظحكتيني
:)

f7ee7eely said...

bubble is trouble -

hardluck

a trip to any spa would cause you less hassle

f7ee7eely said...

ashwa elle makan fee hairdryer yammech wella chan re7ty chafee

MANAF said...

اللي احبه فيج بجد

انج تحملين شي مميز صعب الاقيه عند غيرج

واضحه - شفافه - تحملين مشاعر ما فيها لا خبث ولا زيف - كل شي بخاطرج قاعده توصلينه بطريقه محببه للكل

حتى بالاشياء اللي تحتاج لرقيب

قاعدين نتقبلها منج لانه الكل عارف انتي منو ونيتج الصافيه

_________________

هذا رايي فيج

ونعيما

:)

اجار الدين كشمش said...

>>>> الرومانس له وقته ما يصلح في

بيتنا ولا بروحي <<<<


ولاااااااااااااااااا
بالكويت

Ra-1 said...
This comment has been removed by the author.
Ra-1 said...

LOL!
عشان تصيرين
relaxed
لازم الناس يدلعونج مو انتي تدلعين روحج p:
ماكو على جلسة مساج لمدة ساعة مكان حلو وهادي وشموع :)

lawyer said...

حسين

للاسسسسسسسسسف هذا صج
انا كلي على بعضي فيلم بروحي

جلاس فابيرك
حياج الله نورتي

و من قالج اني ما اغسل في صابون رقي :pPPP



بوصالح
قاااااااااااااااااال
بوووووووووووووووصااااااااااااااااااااالح
و بوووووووووووووووووصالح
صااااااااااااااادق

ايييييييييييييييه
اييييييييييييييييييه

فاهمني فاهمني
اويلااااااااه بس
نعم نعم

اي من ناحيه غلطتي غلطتي

غبيه اتحصلي فرص وايد اذا سافرت
بسسسسسسسسسس فجأه اييني بو الطوووع
و استشرف على عمري

يا شيني
مو ويه نعمه




حمووووووودي
دوم يارب تضحك

عجبني بوستك عن اعيال الاسرة الحاكمه
اي بامبرزهم غير



فحيحيلي
هذاااااااااا الي بصير

اسم الله علي استشواااااااااار
صصصصصصصصصصعقه كهربائيه بتفجر فيني




منااااااااااف
والله بقولك الصج ماني مستحيه يوووووووم قريت كلمه مشاعر

واضحه - شفافه - تحملين مشاعر ما فيها لا خبث ولا زيف
قمت قريت البوست مرا ثانيه
و قلت الله يونسسسسسسسسسسسك

ونااااااااسه حسيت عمري شي شي


الله يسلمك
ياربي كلامك يرد الرووووووووووووح



اجار الدين
ايييييييييييييييييي
والله انك صاااااااااج

هذا اهوووووووووووو

lawyer said...

را-1
هلا و غلاااااااا فيج

شخبااااااااارج

اييييييي ايييييييييييي صح صاجه المفروض احد يدللني ويسويلي جذي

خلاص مي جووووو انشاء الله

بس عاد حلاته واحد يسويلي سبرايسسسسسسس
يعزمني على سويييييييييت
مجهززززززلي الشموع
ماكو ريال رومانسي جذي ؟؟؟؟

Ra-1 said...

حجزيلج بالهلتون
honymoon package
الغرفة عجيبة شموع وورد وكاكاو وكل شي
بس عاد ماكو ريال :p
LOL

عَذبة said...

موضوع الاسترخاء في ماء
بالنسبة لي يمكن ماراح يتحقق حتى لو كنت وسط بحر شفاف و عمقه متر في
شاطئ بجزيرة منعزله
دائما العقل عندي مستفز ومفتح عيونه
يمكن في سمكة قرش يمكن في حيوان غريب ,,,
و اذا انا في بانيو فـ اكيد في جراثيم
اكيد في فطريات
ويتسلقني الوسواس منو متحمم قبلي
وييييع
!!
و اظل متوترة الى ان انحاش من اي لحظة استرخاء
تعيسة صح؟
اذكر مرة تحديت نفسي و وسواسي
الفندق جديد والجناح اللي نزلنا فيه اول مرة احد يسكنه ..
ولاننا في اللو سيسزن بالشتا يعني فالغرف مؤكد ان مافي أحد دخلها قبلنا
الحمام ملكي
والشباك بانوراميك
الفيو يتسع للافق كله حمام السباحة بره يمتد ليتصل بأقدام جبال قممها تغطيها ثلوج .....
وانا وحيدة بلا قلق(وانتي افهمي عاد)
والسفرة هدفها كسر الممنوع و المحظور وتحدي الخوف
:)
فكان الاسترخاء في بانيو أول مخاوفي اللي بقهرها
خطفت رجلي على المحل اللي باللوبي
شوية شموع
وقنينة ...
..
..
ديتول حجم متوسط!!
وزعت الشموع
وجهزت الموسيقى و الكتاب
و الملح
والزيوت
والببلز
وفتحت الشباك البارد حتى اضاعف استمتاعي بالماء الساخن
ودلقت زجاجة الديتول
Just in case
;)
..
وفتحت الماء فوقه
وانتظرت تروح آثار المطهر
..
..وانتظرت
والريحه تفوح
وانتظرت
و المكان مازال يعبق برائحة المطهرات كجناح في مستشفى
:(

3 ايام الاجازة
ورائحة الجناح كله ديتول
وانا انام مقموته و استخدم حمام .. غرفة صديقتي...
!
.
شكرا فطوم
الحين حسيت اني طبيعية تقريبا
يمكن تختلف اسبابنا
بس بالنهاية
كلنا عندنا نفس الحلم
:)

lawyer said...

را-1

ونااااااااااسه والله خوش فكره في الكويت
انا سويتها مرة في فندق كمبسكي المطار مال ميونخ من ظيقه الخلق

لان اهلي مخليني ارووووووووح من العصر الفندق و طيارتي باجر الفير
من ظيقه الخلق خليتهم يسونهاااا لي

شي شي عشت يومي والله بس ايامها كنت اتابع مسلسل في ام بي سي و انا في الحمام اسمع مو ميووزك

ههههههههههه


عذبه
وااااااااااااااي والله انتي مثلي
اخترعت اصلا
على سالفه الديتول انا مثللللللللج
اصلا لازم اغسله في ديتوووووووووول

ههههههههههههههههههه
وبعطين احط هذا البخاخ ديتول بعض
اعقم المكان اخليه غرفه عملياااااااااات

اي اي والله صاجه حدي اعرف الشعوووووووووووووور

بعد روحي

اناالظاهر يبيلي حبوووووووووب مهدئه او شي مني مناك تالي اسسسسسسسسترخي