Wednesday, November 21, 2007

بوست غير قابل للقراءه لاي شخص بياخذ الموضوع جد و بينتقد


اسم الله علينا احنا يا الكويتين كل شغلنا غير
حتى انفصام الشخصيه عندنا غير
مواقف و تصرفات ما تصير في اي بلد لانها بس عند الكويتين

الشخصيه الاولى
نورة بنت عمرها 25 سنه
تدرس في دار القرآن
حبوبه و سمحه
رجعت من الحج تحجبت
و لبست عبات
في يوم قررت تطلع ويا رفيجتها بعد ما تخلص محاضراتها يالله من فضلك
مرتها رفيجتها
نورة: الو حصه وينج ؟
حصه : كاني بدش الضاحيه
نورة : يالله انا ناطرتج برة
تركب نورة السيارة تسلم
و تطلب من رفيجتها تسكر الاغاني
لان الاغاني حرام و اهي من بعد الحج الحمدلله التزمت
ما صارت تسمع اغاني
تنصدم حصه من نورة و تسكر السيدي
يرن تلفون نورة
نورة : هلا حبيبي
حصه تطلع عيونها
لما تسكر نورة التلفون تسألها حصه باستغراب
هذا منو !!! انتي لي الحين ويا فهد
والله عشنا و شفنا اغااااااااااني حرام
رفيج مو حرام!!!
فعلا وين اكو بنات في العالم يحرمون الاغاني و يسون فيهااااا حرام
بس يكلموون شباب!!
عندنا في الكويت بس
يالله من فضلك


الشخصيه الثانيه
تماظر و سعيده و مرزوقه
رفيجات يتيمعون كل سبت الصبح يتريقون في جوني الصالحيه
يقلدون سكس اند سيتي
ثلاثتهم متزوجات
طول يمعتهم يوم السبت و اهم تف و سب في الريياييل و بيتهم و ان الرياييل جلاب
و كلهم حوش و كلهم مو كفو و احنا بنات حمايل طالعين من بيوت ابهاتنا مو من بارات
رايايل هالوقت انانيين و مزاجيين و لا يعجبهم العجب و كل الي نسويه عشانهم ما ايووزلهم الله ياخذهم و يفكنا منهم يموتون على الرخصيه يموتون على امهات الفلوس يبوووووون البيتشز
ما يبون الحلال ..
تماظر : ويعه تويعه يقووووولي بتزوج عليج
مرزوقه : اي ما يبون السنعه الي تقوم في البيت و الريل و العيال
سعيده : اي يبووووووون الي تمص فلوسهم
تماظر : ايييييه الاخ يبيني 24 ساعه جاهزة حقه اسم الله علي ما يهمني هالشي
مرزوقه : اي والله احنا سنعات
يخلصون يقومون
كل وحده تركب سيارتها

تماظرتدق على رفيجها يشيل التيلفون
تماظر: موااااااااااااااه موااااااااااه احبك
هو : هاها هاها ها
تماظر : احبك
هو : وينج
تماظر : احبك
هو: تعالي تعالي .....
اي بلد فيها انفصام بالشخصيه مثل الكويت
سنعه عند الريل و الزوج و بيتش عند الرفيج؟


سعيده ترد البيت بسرعه
الريل طالع
تشبك مسنجر
و تعيش حياتها
اي بلد فيها المتزوجه مدمنه سايبر سكس و ريلها بالدار يشكي منها
و في النهايه اسم الله علينا سنعات

مرزوقه ترد بيتهااااا تساحل ريلها
تتودد له و علاقتها زينه مع ريلها بس مع الخيل يا شقرة
كلا تذم في ريلها عشان تخاف من العين و محد يحط العين على ريلها


الشخصيه الاخيرة
ناصر ريال يعاني من انفصام شخصيه عجيب
مينن مرته .. حاط دوبه دوبها في الكويت
من يطلع يجيك على لسبها على شعرها على حجابها على عطرها
لا تلبسين
لا تتمكيجين
لا يشوفونج ربعي !!
و من يسافر وياها يبدون المشاكل
امشي وياي الديسكو
بالليل قطي حجابج لا تفشلينا
امشي الكازينو
بوسيني في المطعم
شربي وياي
عشان تدشين المود مثلي
و المرا منقلب راسها
ماتدري من تسمع
ريلها الي في الكويت
و الي الفاصخ الي برا الكويت

هذا كلا بصوب و اذا تهاوشو عايرها
انتي اصلا لوووو سنعه ما سمعتاي كلامي !!
بس انتاي تبين جذي !!

مواقف و شخصيات ما تصير الا في الكويت
مواقف و شخصيات كاركتريه ما تعني ان اعممها على احد
او انه بالضرورة احد فيكم مرت عليه هالاشكال

29 comments:

f7ee7eely said...

هذا واحد من الربع يقوللي ليشش ماتصلي ؟؟

عقب ماخلص صلاته ويدق عليه مندوب عنده من أحد الجنسيات العربيه بخصوص معامله في البلديه المهم صاحبي اللي يحثني على الصلاة قال حق المندوب يرشي مفتش البلديه عشان إيخلص المعامله ..... قلتله الحين إنت الي تقوللي صل وإلتزم ماردتك ديانتك عن الرشوة وهي حرام.

مابي أقولج سالفة صاحبنا اللي إيخللي كاسه على الطاوله ويصلي وبعدين يرد يديها


وسواااااااااااااااااااااااااااالف وايده ماتخلص

عاش الدين

gogo said...

<< اهئ اهئ

كتبت تليق اشطوله وراح << عليميه :( اهئ

المهم صباح الخير

لوير انا متابعتج من زمااااااااااااااااان واحب اسلوبج العفوي وطريقتج ..

بس هالبوست زعلني :( << طقي راسج بالطوفه


لاجد انا عارفه انه نيتج زينه وقصدج الاصلاح << الاصلاح متعوب عليها :$

بس ليش خصيتي الكويتيين !! الظاهره هذي منتشره بكل مكان مو بالكويت بس ! الله يهداكم انا ملاحظه انه دايما عيال الكويت اذا بيتكلمون عن ديرتهم مايذكرون الا المساويء وانا مو قصدي عنج كلامي بشكل عام وانا ما اشكك بوطنيتكم بالعكس بس يمكن تكونون غافلين عن هالشي .. وشوي الالفاظ كانت قويه بيتـ طووووط :$ كان ممكن توصلين وجهة نظرج من غيرها ع العموم انتي عسل وانا احبج واحب كل شي تكتبينه وانا معاج بهالتناقضات عسى الله يهدينا يارب


جاووو

f7ee7eely said...

مرزوقه ترد بيتهااااا تساحل ريلها
تتودد له و علاقتها زينه مع ريلها بس مع الخيل يا شقرة
كلا تذم في ريلها عشان تخاف من العين و محد يحط العين على ريلها


LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL

gogo said...

اي اي صح عندي تعليق بعد << مستانسه كل شوي طاله وكاتبه تعليق :p


عندي وجهة نظر .. احم احم ...

اللي هي انه التناقضات مو سلبيه ميه بالميه .. لانه الواحد مو معقوله يكون كله شررررر قصدي طبعا بموقف نوره .. صح تصرفها انه تكلم واحد غلط وحرام بس الواحد مايعميها مره وحده فهمتي ئصدي ؛)

اما مرزوقه وشلتها << غاسله ايدي منهم لوووووول وهذا ويا مرته بعد طاح من عيني :p

الزين said...

اييييه يا فطيم

الله امر بالستر

واللي نشوفه مو شويه

خليها على الله

Kwaitiyya said...

معاج بكل حرف كبتبتيه يا لوير


واللله يا لوير شوف عيني
وحده الله يستر عليها .. كتجبة ودينه وصلاة وصيام وحتى الحج راحت
تخيلي دايما تتكلم بالدين وهذا حرام وهذا مايجوز وحافظة الايات والاحاديث ومادري شنو .. لاااااا وتسوي دروس دينية كل اسبوع ببيتهم ... عاد سمعي
وإلا أثاريها البنت لج عليها
وخايرته بالعميق
سافرت بالخش والدس تسوي عملية إجهاض واللي خبري خبرج وردت الديره لا من درى ولا من سمع

ياللللله تسترنا بسترك ياربي ولا تعاجبنا

جنة الحواس said...

لوير .. بقول شي بس لا تزعلين مني

أنا عارفة انه هالنماذج موجودة .. بس مو بكثرة

و انتي حرة .. تكتبين اللي تبينه
بس ساعات وايد تشهرين بالكويتيين

أكثر من المسلسلات اللي ننتقدها 24

و هالشي يحز بخاطري شخصياً

بالنهاية الأمر متروك لج

بس حبيت أعبر عن رايي و أنا اقرا

Talal said...

قد يكون وقد لايكون

الله يعين والله يهدي عبيده ويستر عليهم


والتنشئة الاسلامية الصالحة

والتربية الطاهرة اهي اللي ناقصة هذي النوعية فقط


تستحي من الناس وماتستحي من ربها

Organic Kuwait said...

I know wa7da lamma kanat meteena 3abaya o kel shay 7aram o 3aib o el aghani 7aram o batzawwaj khe6bat ahal.. o lamma eth3efat 2 kilos ( walla mo akthar she still needs to loose 90 kilos at least! ) gamat et7o6 pink eye shadow o ga66at el 3abaya o tet3arraf 3ala guys online o she MEETS THEM BARRA!!
Marra ayam el jam3a kan fee wa7da wayed wayed em’athyatni ehya 6ayba bas kella 3endaha something to say about hdoomi laish ma talbeseeen tananeer 6weela?? Ana wa7da 6weela o mo met7ajba etha lebast tannoora 6weela shloon beyseer shakli? Kella etyeeblee kotayyebaat 3an el lebs o madree shino o menssadmaaaa enna 3endi friends guys weyay bel madresa mathalan o 3endaha enna ghala6 atzawwaj wa7ed a3rfa le’anni ba6ee7 min 3aina lool el muhem hal ebnayya safart umha 3umra chan etdeg 3lay etgooli bamurrech emshay ne6la3 engezz.. musta7eel ansa el manthar lamma 6ala3t min baab baitna legait-ha em3alya song Miami min 6aggat “3ashaw 3ashaw” o ga3da et6eg erguba ejbaal baitna ! el muhem hathee awal marra arkab ma3aha .. ekhtara3t min el kalemaat el waskha wel sabbb elli etsebba kel el sayyarat bel share3 ma khallat a7ad ma sabbeta enta ya ** wakher 3an 6reeji entay yal *** soogay 3adel .. la3at chabdeee baghait amoot akrah hal yoowm lay daraja enni at-thakkera 3adel o al7een yemken sarlah akthar min 10 years hehehehehehhe
3endi ba3ad salfa bas ma adree etha its related hehehe marra kenna 6al3een ana o rayli o refeeja o murta el muhem fa el ebnayay kanat 7aamil o eshrebat pepsi o nadat el waiter e6lebat minna refill chan rayli eygool 7ag rayelha enna that’s not healthy for a pregnant women and that u should stop her chan eyrid 3laih “laaa la etkhaaaf ma akhalleeeha et7o6 ice” musta7eel ansa hal mawqef hehehe…
Bas to be fair the last two of ur sowalef don’t seem realistic or at least don’t seem like they r from Kuwait. Bas el salfa el oola I think its very common..

tasty_as_berry said...

للأسف اللي قلتيه فيه من الصحة في ناس وايد يعتقدون أن أهم غير عن الناس ..

أن أهم عندهم السيطرة الكاملة على نفسهم وأن اهم من داخل زينين مهما قاموا بأفعال معينة

على الرغم من هاذي الافعال مرفوضة !!

ويعتقدون أن حلال عليهم حرام على غيرهم ..

وأن أهم دام ما قصروا في حق الشخص حتى لو كان نفاق ما يهم المهم ماشية حياتهم وجميع الأطراف سعيدة ..

وهاذي حياة معفنة طبعا :/

نوعا ما يعتقدون انهم اشخاص خاليين من العيوب .. ودايما ما يلاقون التقدير .. يتناسون اغلاطهم وعيوبهم .. ويعتقدون انهم دايما يقومون بعملهم على اكمل وجه..

ودايما يقارنون أفعالهم بالشي الأخطر على الرغم من أن ما يقومون به هو مشين ..

يعني تلقينها تقول يمعوده على الأقل آنا ما سويت جذي وإلا جذي ..!!

وهي بالواقع شعره وتسوي وممكن تكون سوت وخلصت لكن هذا مجرد تبرير

جميعنا يقع في الخطأ لكن الأجمل عدم المكابرة به

تحياتي لج ،،،

عَذبة said...

مثل ماالاخلاق ماهي قصرا على الكويت..


انحرافها موبس في الكويت

..
والله يافطوم بكل مكان

حلم جميل بوطن أفضل said...

في الكويت؟؟؟

مرزوقه و بخيته؟؟

Mohammad Al-Yousifi said...

بوست قوي

ربما تكون بيئتنا بالاساس متناقظة

MANAF said...

يا كثر آثامنا

كل شي صار غلط

وكل غلط نتسابق عليه

فينا عطش

طريج الغلط الوانه تبهرنا

نبي نعوض نقصنا

نتعلق بحبل ضعيف

ندوّر احد يحس فينا

واذا قصرو معانا اللي نتريا منهم الاهتمام

تبدى عيوننا تدور على اي قريب ممكن يعوضنا

اتمنى اني وصلت شي بداخلي

مع التنهيده

:(

SHAHAD said...

لوير .. الناس أنواع وأجناس
كل واحد مسؤول بتصرفات أمام رب العالمين
.
.
آنا اللي يبط جبدي اللي ينصح ومسوي نفسه فيلسوف زمانه وهو غارق بالآثام !! يعني علم نفسك يا معلم
.
.
تدرين سالفة مرزوقة وشلتها
ذكرتني بمسلسل أجنبي ديسبرت هاوس وايف ههههه
الله يعين
.
.
بوست قوي بصراحة
طول عمرج قوية وهذا اللي يميزج :)

The Simper said...

hahaha.. shagool sha7chi.. lomeeemity!!

this stuff.. can be found every where..

where ever u go in the world... u find good stuff and bad stuff..

again. there is no PERFECTNESS in life!

not even CLOSE TO PERFECTNESS


one more thing:

notice that WE always talk about the few BAD INSTANCES

we tend to FOCUS on the bad seeds

this is normal every where..

why??

cause NORMALITY is focusing on ABNORMALITY!

enjoy life...

violinist_q8 said...

شنو مصبرهم على ازواجهم لو حياتهم جحيم ؟ عيال ؟ وتكلم واحد غير زوجها وتعيش حالة حب ثانيه ؟ جذي بتضيع زوجها وبتضيع عيالها .. خايفه من اسم مطلقه ؟ معناته عقده نفسيه وخل تتحمل كل دقيقه مع زوجها .

والثانيه تطيع زوجها وتروح معاه ديسكو ؟ مافيها خير اصلا اذا ماعدلته وهم السؤال من شنو خايفه طلاق ؟ تطيعه بشي يفيده مابي اتكلم بالدين لكن بالعقل !

انا اشوف ان الريايل اللي ذكرتيهم مايستاهلون العشره ... والزبده زوجاتهم مخربينهم اكثر

ابي سبب مقنع يخليهم يكملون زواجهم ؟

وماكو غير سبب واحد ... عقدة بمجتمع يحب المظاهر

AseeL said...

تماظر و سعيده و مرزوقه.. اكيد كويتيات؟.. اساميهم عجبة!

عادي اكو منهم وايد لا تعورين راسج.. حتى في التدوين ترى.. تلاقين العجايب

عالية said...

صاااااااااجة وصح لساانج

عالية said...

صاااااااااجة وصح لساانج

باب النجار مخلع

نون النساء said...

coz they are sick ..

SolaimaN said...

لا لا لا لا ،،،،،

@@

احنا عندنا جذيه بالكويت ؟؟؟؟

ماااااااااااااااااني مصدق ابد

الظليمه شينه يا فطومه

P:

اما ناصر هذا يحليله ،،، صج تحفه

حلاة الريال سبورت جذيه ;) ،، ليش التخلف؟؟

lawyer said...

فحيحيلي

والله العيب في الناس المريضه
الدييييييييييين بري منهم

اشحقاااااااا ما تصلي
ههههههههههههههه

يالله يالله قوم صل
كل ما يأذن بقولك قوم صل ههههههههههههههه

نشبه

تعليقك الثاني
اعجبتك مرزوووقه هااااا
عياااااااااار يالله عقبال ما ام اعيالك تتقلقسلك
ام شوووووووور انها بتقلقس
كززززز يوووووووو ار طخممممممه

هههههههههههههههه
(طخمه في اللهجه القصيميه يعني زوووووووغه حدك بوووووووومب )


جوجو
يه يه يه اسفرت و نورت و اتسهلت و امطرت
حيااااااااااج الله نورتي


حدي ضحكت على الاصلاح

تبين الصج اصدمج كلش ما همني الاصلاح
كل واحد عليه من عمره
بسسسسسسس الي يهمني ليش الناس جذي

و ابي اكتب عن التناقض
عبالج انا كامله

انا كلي كتله تناقض
بس انا عمري ما ادعي المثاليه

عرفتاااااي عمري








الزين
ايييييييييي والله الي نشووووفه مو شويه
صااااااااااجه بعد قلبي



كويتيه
للاسف هذولا يتسترووووووووووون بعبايه الالتزام و الدين
و اهم منافقييييييييييين

لا حول ولا قوه الا بالله
اشكال مريظه





بروك
بعد قلبي
ترا توني انتبه من كلامج اني اردى من فجر السعيد
كرهت روحي
بس هذااااااااااا الصج شسوي




طلال
امييييييييييين يا رب يسمع منك ربي

ترا يمكن تلاقي تنشأتهم صحيحه
و اهلهم سنعين
و تربيتهم زينه
بسسسسسسسس ابن ادم اهو العيب منه

يعني انا بعد قلبي تنشأتني وايد زينه بسسسسسسسسسسس انا عيااااااااااره

لي متى الاهل بربووووووووون عرفت




اوني
واااااااااااااي يدااااااااااااااد

لو انا وحده تسوي جذي
انفجر
بس انتي ليش ما ترين عليها

حياااااااااااااااااااج
الله منوووووووووووووووووره

الله يخليج ممكن طلب خارج عن الموضوع


قنعي اوفي تسوي وياي يوجا؟


بيري

حبيبتي
فعلااااااااااااا حطيتاي ايدج على الجرح
يطبطبون عمرهم في انهم يقصون على نفسهم و يقولون
احنا احسسسسسسسسسسسن من غيرنا




عذبه
ادري بس مالي حق اتكلم عن غيري
انا كويتيه
:*



حلم جميييييييل
نسييييييييت سعييييييييده
هههههههههههههههههه




مطقوق
فعلا كلناااااااااااا نحمل تناقض
مافينا كامل

sologa-bologa said...

يقولون بكل بلد معلم حضاري
بالكويت هذا المعلم اللي عندنا

التناقض وانفصام الشخصية

ضحكتيني على اسامي
مرزوقة وسعيدة..متأكدة انهم كانوا بالصالحية
:)

S-Q8 said...

بوست جريء بس عجبني!
والله التناقض هذا موجود بكل مكان بس العرب موجد عندهم بزود.
لو كل واحد حاسب نفسه قبل لا يحاسب الناس كانت الدنيا بخير.. بس حبايبنا ماخذينها هوايا
الله يصلح الحال
يعطيك العافية على هالبوست

PearL said...

رايي من رايج

بالكويت كل واحد يشوف نفسه منزه عن الخطأ
ويطلع كل الاغلاط والعيوب بغيره
واهوه بنفسه يسويها

بس الكويتي بعد جبدي ما يغلط
حتى لو كان الغلط راكبه من راسه لي ريوله

عثماني said...

خوووووووش كركترات لوير

و هذا واقع ما ننكرة..للاسف

lawyer said...

منااااااف

اي والله وصلت و شقت الصدر
و تعبتني

صااااااج مناف والله صاااااااج

على فكره فيك شي وايد ينحب بس هل اهو صفه 24 ساعه ملازمه لك

ضميرك وايد صاحي 24 ساعه
مو متعبك؟؟




شهد
بعد روحي
ايييييييييييييييي والله صااااجه

كلنا اغلاط من فوق لي تحت

بس هذا احنا و هذا اغلاطنا
ما اصير الام تريزا و انا هند رستم صح






سمبر
يه يه يه
اليووووووووووم راضي علينا
خووووووووووووووش تعليق يبرد القلب

اي نو افري وير
بس الكويتين مسوين نفسهم مثاليين سمبر صح

واااااي ياسمبر ياحبي لك بس لو تخف الفلسفه
:)



فيولنست
صصصصصصصصصصح كلامك
بس القراده تتهم ريلها في الخيانه
او تتحلطم عليه انه خواااااااان

الله لا يبلينا
ما يندرا بااااااااااااجر لي تزوجت انا اشبصير!




اسيل
ههههههههههههههههههههه

سكتي متعوب عليهم هالاسامي
ههههههههههههههه
طول السفر و انا انادي الجرسونات و الهاوس كيبينج كلا تماااااااااااظر

مدري اشفيني على الاسم
هههههههههههه



عاليه
صاااااااااااااااجه :)




نون
الحمدللله يا ربي على النعمه :))




سليمان
وااااااااااااااااااي
حدك زووووووووقه

عرفت الي مت مت مت ضضضضضضضضحك

وووووووووووووووووووختي على هالريال
تحلييييييييييت عليك على كلمه موووووووودرن

متعووووووووووووب عليها يا باشااااااااا




سلوجا
هههههههههههههههه ليش على الاسامي مال يوم البحار؟؟





نعنانه
نووووووووووورتي
امين يارب و يصلحنااااااا

يعافييييييج حبي و لا تبطين حمدلله على السلامه



بيرل
لا اسسسسسسسسسسسسسسم الله عليه الكويتي ما يغلط
و كل ماقلتي حجوة قال شوفي عمرج

او هذا حق من حقووووووووقي




عثماني
اهلا فيييييييييييك

اعجبوووووووك النماييييييين ها
ههههههههههههههههه

للاسف محد يقدر ينكره

f7ee7eely said...

LAWYER????????

طخمه؟ آنا قلت يمكن تقصد لخمه بس غلطت بالطباعه ههههه

صراحه أهل القصيم ماخلللللوا شي

وبعدين نصيحه هامه لاتتفخيني وايد ترى تتوسع عندي الغدد الليمفاوبه وأشوف نفسي هههههههه

وثانكيوو فيري مش على الكومنت الحللو حده (الحلو حده :على قولة النيو جنرايشن ههههه)

قولي آمين ؟

عسى الله يحفظ زولج لعيون ترجيه :)