Wednesday, November 28, 2007

اسكندريه رايح جاي







في اخر زياره لي لمصر
كنت مقررة اروح اسكندريه يوم واحد

قبلها في يوم من الليل قلت حق السواق ان يكون عندنا الساعه 8 الصبح

طبعا فطيم يالله من فضلك من الساعه 6 الصبح فازعه مغسله مبدله و اهي
تسوي روحها ما تسمعني و انا اعتشل في الدار

ورفيجتي تحن من الساعه 7 تبينا انتريق من له خلق ياكل من صباح الله خير
يادوبك حطييييت قهوتي و جابلت النيل

رفيجتي طايحتله اتحشي تسوي سندويشات حق الطريج!!!

طبعا انا الساعه 7 و نص مالكم امل اناقش او اداحر
انا مخليتها ساكته عنها

يوم خلصت قلت لها :حطو سله خبز ثانيه ييبيها حشيلنا بعد

تبون الصج شكلها ماكان عندها مانع

ركبت فوق سويت مطارة قهوة عربيه اهم شي
ومطارة شاي
و حب
و كاكاو
و قظبنا الدرب

السواق محمد صغير في السن
مطيوووووور و كله يتشيحط على راسي
و كلا مسوي فيها ريال
و سياااقته جنه داش رالي

تخيلو معاي الساعه 8 و نص الصبح الاخ دايس و يشفط
و انا قاطه راسي مالي خلق اتهاوش وياه
و الي وياي بس اتنغز فيني زفيييه و زفيييييه
السالفه مو راكبه
حاط لنا مشاري العفاسي ويشفط!!

رفيجتي : بطووط بطووط قوليلووووه بشويش
انا : خليه خليه جدامنا 3 ساعات يالله نوصل بس بعد نص ساعه اذا ماسنع سياقته بفصخ نعالي و بصفقه
نطرنا شوي
و سفلت فيه

و الاخ موديله مسوي نفسه مظبطني في الاشرطه
اول شي حطلي فيروز
و تالي تامر حسني
و بعدها والله مذكر اشحط

المهم الاخ محمد ماد بوزة طوول الدرب
ليش يا محمد علامك!!!!
الاخ محمد طالع من بريك اب شنيع و كانت عنده ذكريات مع حبيبته في اسكندريه
و ماوده يروح مرا ثانيه عشان ما يسترجع ذكرياته!!

والله خوش بكيفك امك انا !!
وصلنا سكندريه ريحنا عند ربعنا
ماقصروا عزمونا على الفيش ماركت هناك كان غدا روعه
عقب الغدا ردينا وياهم الفندق صلينا
و بما انهم طول الغدا بس يتواعدون في تكسير راس بعض في الهند
فردينا عشان يلعبون هند
وبما اني مالي في الجنجفه كلش

فخليتهم و نزلت اظبط المزاج
في خوش قهوة تحت
نزلت طلبتي جويها (شاي) و راس شيشه سنع
و قعدت بريحاتي اطالع الي رايح و الي راد

و الي حواليني كلهم غراميات و عشق و غرام
و كان الغروب مو طبيعي مع نسمه هوا بارده

اطالع هناك و الا هذا جنه محمد السايق!!
بس لأ طبعا اكيد مو اهو هذا ويا وحده
و اهو طول الطريج صك راسي في هاللي هدته و تزوجت و مايحب اسكندريه
لألأ اكيد مو اهو
لألأ اهوو !!!

المهم خلصت رديت
و طلعنا
وعلى الساعه 10 رديت القاهره
ركبت السيارة
من اول خمس دقايق رفيجتي شخريها يصفر

و انا اقول عسى ماا محمد يبووووووقني يقطني في الصحرا
و عيني على السايق طول الوقت اشوفه لا يغط لا يسوي شي
اطالع ويها و الا الويهه متغير مسفهل
و قام يحطلي اغاني ورده
و فايزة احمد
و شوي شوي ام كلثوم

قلت لألأ اشوة
و يحاجي عمرة و يبتسم
ووصلنا على خير

من باجر و الا الاخ محمد كاشخ و حالته حاله
و طول باجي الايام هالسايق عين في الشارع و عين في المسجات

قبل لا اسافر قالي انه حب وحده تعرف عليها بسكندريه!!
مامدااااااااااااك

المهم توة من شوي
الاخ مخلي رفيجتي تدق علي
يبي يكلمني
سألتها اشيبي!؟؟ قالت مش عارفه عايزك

دقيت عليه : هاااااا محمد ازايك اشعندك؟؟
محمد: كل سنه و حضرتك طيبه يا استازة ..انا بس كنت عايزك تنورينا و تشرفينا على كتب الكتاب في العيد الكبير انشاء الله يا ريت تنوريناااااا
العانس النسرة : هاو محمد من بتاخذ!! انشاء الله هذي مالت اسكندريه (( انتييييييييييييي شكووووووووو))
محمد : ااه و انشاء الله حعمل يوم حنه و يوم كتب كتاب
العانس النسرة: امداااااااك عرفتهاااااااا

بعدين استوعبت و باركت له
المهم سكرت الخط
و حسيييييييييت نفسي صج عانس نسرة
انتي شكووووو

اكتشفت ان السالفه ان العوانس مو مخلوقات قشرة و لكن تصير فيهم رده فعل نتيجه صدمه اخبارزواج هههههه

طبعا ضحكت على عمري ضحك بطريقه مو طبيعيه

حسيت نفسي حيزبووووووونه

حسيت عمري بعد 10 سنين راح اكون هوبلس كيس
هههههههه دقيت على رفيجتي و قلت لها الي صار
ماتت ضحك
و اتعاااااااااااااايرني خلتني اطيح من الضحك
تقووووووولي راح عليج!!!!
ماكان موجود بس ماندري انه بيظبط في هالسرعه
واي موقف يضحك

فهذي مواصفات العانس عشان بس ما تضيعون :
1- من تشوف كابلز تطالع منو الاحلى المرا او الريال
2- تردد وايد كلمه ((مافيها زورد مرته))
3- تمشي و تقول الشرع حلل اربع
4- تمشي و تردد كلمه الرسول((ص)) داعي للجياكر فالحمدلله انا حلوة
5- اقووول بعد و الا انطق؟؟





16 comments:

D.K.N.Y said...

لدي موضوع في مدونتي واتمنى مشاركتكم

Fahad Al Askr said...

يوم إن عينج على السايق، ليش ما صارحتيه بحبج

كا طيرك لفى على عش ثاني

شنو المعسل؟

تخيلته سلوم، وقلاص تشاي، وقاعد ورا الكاونتر، عندج الحساب، وفوقج صورة الريس

AseeL said...
This comment has been removed by the author.
نون النساء said...

كملي كملي
خليني اطلع الفروقات السبعه بيني وبينج
ههههههههههههههههههههههههههههه

Kwaitiyya said...

لوووول كملي بعد ! وااااي دمعت أنا

أمدااااك عرفتها لوووووووووووووووول !

ياربي الله يرزقج باللي يبيه قلبج ياربي

lawyer said...

صباااااااااحكم
ورد

اليوووووووم الجو قاتل
و انا قايمه من النوم سعيده حدي
ليششششششش مدري

حتى الشاور اليوم غير

يييييييييييت الدوام شربت قهوتي طقيتها فرة عندكم



Dkny
شششششكرا حياك

بنررررررررررك بروحه قصه
الله يسامحك


فهد العسسسسسسكر

صباااااااااحك عسل

مستااااانسه اليوم حدي مدري اشفيني

دشيت قريت كومنتك مت ضضضضضضضضحك

حسييييييت نفسي فكهات صججج


لألألألأ تخييييييييييييل اخر شي عيني على السايق

ههههههههههههههه

لووووووووووووول

كان المفروض اصارحهه

قطييييييييييييعه
هههههههههههههههه

المعسل كان عنب فرنسي
ما اظن انه عنب فرنسي بسسسسس اسمه جذي


شوووووف حاطه صوووورة القوري الي يشوووووق مو كلاس صح و مترووس نعنااااااع

و مزززززززج يا امززززززج

ترا القهوة سنعه

بسسسسسسسسس كان بخاطري العب طاوله
;)



نون النساااء

صبااااااااااحج اششششطه

ههههههههههههههههههه
هههههههههههههههه

اكمل بدون زعل؟؟

هههههههههههه والله شكلي بتفلللللعع من البنات

بس لا تخافيييين انا كبيرهم الذين علمهم

اناااااااا زعييييييمه العنس و البايرات في الكويت

lawyer said...

كويتيه

ههههههههههههههههههه

انا ميته ضحك على روحي

تقولي رفيجتي يعني انا لو اموت ما اكتب بوووووووست اقول حق الناس شنو مهببه

انتي ليشششششششششششش فاضحتنا ههههههههههههه


يختي ما اعبر اسسسسسسسسكت

يعني انتي لاحظي اني بطرق باب 29 بعد 3 شهور

اذا صررررررررررت 40 شغبر بعمري هههههههههههههههههههههه

اخاف امنع الاختلاط في البيت؟؟

و اخلي اخزاني يترهبنوووووون
و اسكن امي بدار و ابوي بداااااار

ههههههههههههههههههههههه

شي شي

سدرة العشـــاق said...

loool

عجيب البوست .... يوم ان فيج حب و عشق و غرام قزرتي بالدريول طقطقي فيه لين الله يفرجها

بس كملي الفروقات و اللي يسلم عمرج خنشوف نفس اللي عندي لووول أنا كنت إلا شوي بس الله ستر :)

bo_sale7 said...

شكله فندق قاعود او فندق جدة الحديث :)

lawyer said...

سدرة العشااق

يووووووووووووووووولي

ههههههههههههههههههههه


اسم الله علينا
مع احترامي للناس كلهااااااا

بسسسسسسسسسسسسس مو لي هالدرجه
هههههههههههههه



بوصالح

لألألألأ ههههههههههههه ماريوووووت
الي تحت في قهوة تريانون

تخيييييييييييييييييييل اقعد في هالفنادق الي قلت عليها
!!!!!!!!!!!

f7ee7eely said...

sheeesha??

Afa I am very disappointed

MANAF said...

يا حلوها مصر :)

اتصدقين ذكرتيني بأول تعليق كان لي عندج

كنت انا منزّل بوست عن شرم الشيخ

سميته رحله مع الربع

ووحده من زميلاتي قالت لي مناف بعطيك الرابط مال بنيه كاتبه نفس موضوعك

:)

اهني اول مره ادش عندج

يا حلو الذكريات

الحسافه اني لما مسحت بلوقي المره اللي طافت راح البوست من ضمن الاشياء اللي راحت .. يا حسافه



:(

احلى شي بالمصريين مسجاتهم

يكتبونها بالمصري

هنعمل حاجه تكسر الدنيا

لاحظي حرف الهاء بالموضوع

مو حاء مادري ليش!!

:)


ولهت على مصر كله بسبتج



_____________________

والله قاعد اكتب لج هالكومنت وقاعد اسمع هالاغنيه

شوفي المزاج

اهداء

http://www.6rb.com/images/Mc.gif

|:| DUBAI |:| said...

LOOOOOOOOOOOOOOOOOOOOOOOOOOOOOOOL

صدق انه تحفة !

شفتي الحب كيف عندهم؟

على طول !!

مب نحن 10 سنين يكونون نفسهم

و 10 سنين يشوف البنت تصلح له و لا لا !

و يقولون نحن في عصر السرعة؟!

Selezya said...

لوووووووول
اهم شي المواصفات
لوول كلناا جذي
على طول نطالع واكثر شي نقول المره مافيها زود
لوول

lawyer said...

فحيحيلي

اسم الله عليك :))


منااااااف
ااااااااه يا مناف اه

الله يسامحك كومنتك هذا قريته امس
و ذكرتني في ايامي

وذكرتني في قهوة نجيب محفوظ
و لما يغنوووووووون اغاني الطرب و السلطنه الموطبيعيه




دبي
هلااااااااا بالطش و الرش

كاااااااااك
اي والله صاجه و يقولون عصر السرعه

مااااااااااالت


سيلزيا

هذا و انتي مو عانسسسسس

لي صار عمرج 30
اسمالله عليج
و انتي مو متزوجه
بتصييييييييير فيج نظرات و تقيييم غير طبيعيه
ههههههههههههههه

Unknown said...

اسكندريه يا اسكندريه
احب اشوفك في المغربيه
قالتها داليدا وهي صاجه يوم قالتها
عاد انا منحاز حييييييل للاسكندريه مسميني ربعي الاسكندرانيه الكويتي الاسكندراني
يا حلاتها
من تولعي فيها خذيتلي شقه هناك وبالسنه ثلاث او اربع مرات ازورها
يا جماعه لاتطوفكم بس لما تروحولها لا تركبون مع محمد السايق لوووووووول
عدل يا اللوير ؟؟!!
في مواصلات افضل مثل القطار او السوبر جت (باص مكيف)
واحلى شئ لما تاجر سياره مع ربعك وتاخذونها كناها رحله من القاهره للاسكندريه واهم شئ تعرف الاماكن السياحيه فيها واللي يبي يعرف اكثر انا حاضر ترى اخوكم مرجع في الاسكندريه :)
ياللوير انصحج بانج تروحين مره ثانيه للاسكندريه بس ظبطيلج برنامج سياحي ولايطوفج الساحل الشمالي والقرى اللي فيه خاصه مارينا بورت رووووعه
وفي قرى وايد على الساحل الشمالي مستواها عالي
في النهايه احييكم وسلام خاص للوير واقولها ترى المعسل الاسكندراني لا يعلى عليه بس التدخين ضار بالصحه - ديري بالج على نفسج والله يحفظج