Monday, June 02, 2008

سالفتي ويا الشايب


عطفا على كومنت العزيز اجار الدين كشمش
واحسنهم طبعا الي تصيد الجاكبورت ابو 85سنه
مايمديها تملج عليه..وتعشيه تشريب كلنكس الاامفنقش !!!1وتربح البليون
===
خلوني اقولكم سر من اسرار حياتي
مرا من المرات كنت مسافره حلو..
وفي شايب في الاوتيل خزااااااااااااز
يعل قلبي بالخزززز
اذا صار العصاري
ياا قعد في االلوبي كشخ في البدله و الصبغ تارس شعره بطريقه قاتله
ويحط قلاس الواين و يجابل الباند الي في اللوبي
و بروحه عايش جوو
يصفق لهم و يهيم فيهم
وهذا الشايب خليجي
محد يعرفه ولا يدري عنه بس مسوي حق نفسه ديكور
يمه لبناني سكيورتي او شي جذي و مسكين هاللبناني مايتحجى
بس مجابل موبايله
وانا كل يوم من اروح او ارد و هذا يخزز على ما اوصل الاسنسير يالله مسكين يمديه يبتسم
من كثر ما اهو شااااايب و ظيييييم استيعاب المخ عنده جدا بطئ ههههه

يوم من الايام و اذ بي اتيني عرة الخبال
و اقول فطيييييم ممممم سولفاي ويا الشايب
جذي من نويت اسولف ماشفته يومها
شفته عقب يومين ههههههه (( حتى الشايب الله فكه من شري ))
سويت نفسي ابي شي من الكونسرج و على ما يطلعه لي استأذنت و قعدت

بعد قلبي الشااااايب ابتسسسسسسسم بس ربع ساعه على ماستوعب وقالي تفضلي
انتو لاحظو السيناريو هاا !!
مدري اشلون بديت سولفت وياه سألته يمكن اذا سعودي او كويتي شي جذي
ماذكر والله بس شوووفو الشيبه مو هين !!
يقولي انا في الاول يوم كنت اشم العوود في السيب ظنيت انك اماراتيه
بعدين يوم شفتك انتي عرفت كويتيه !!
فمدري اشلون ياب الطاري ان احنا يا الخليجين وين مانروح لازم البخور و الطيب و الجاي والقهوة و زعفرانه ويانا و من هالحجي .. انصدمت انه اصلا الفندق مفضين له جزء من مطبخهم يعني طباخ الشايب وياااااه !!
لاحظو مستوى الحديث بلعه و مطابخ
المهم قالي انه غدااه جريششششش !! ففطييييييييييييييييم انصدمت و سوت فيها بو العريف
واي ونااااسه يريش .. ذكرتني برمضان احنا ناكله برمضان يااااااااااحلو الهريس و اليريش الاماراتي (( قاعد اجاريه في السوالف ))
ياريتني ماقلت يا حلات الهريس الاماراتي !!
صك راسي ساعتين لا لا يغرك هو مووووو على الاماراتي او السعودي او الايراني
هوووو على سنه المحصول و الارض في الامارات ارض عذرا !! بعد عشر سنين تتعب الارض و ماعاد يصير المحصول كويس !!
و اذا تبين الجريش ما على جريش القصيم
ولييييين فجيت على روحي بيبان مسدده
و استلمني تحقيق !! انتي من بنته و اش يقربون لك الي في المنطقه الفلانيه و اش يقربون لك حقين التمور و ايش يقربووووون لك بلا بلا بلا
وانتي يايه بروحج و الا وياج احد و ليش ما وياج احد ووين صديقاتج
ووين تسفطين سيارتج بالليل .. ليش تودينها الباركينج و ترجعين لحالج الساعه 1 ياااااااربي ... من خمس دقايق كلمتك ليش صرت علي ابو صج!!!
ما خلصناااااااااااااااااااا الا بطلعه الرووووووح
دقيت على رفيجتي اهستر ضحك وااااي لقافتي لقافتي
قعدت ويا شاااااايب في اللوبي سوالفه جريش و قرصان و ارض عذرا و المزارع واااااااااي صج ملقوفه انااااااا
ياحليله صديقي الشايب من باجر كل يوم طاقين علي الباب يا يايبين لي تمر
يا معمول و اذا رحت بتريق يناديني تعالي تريقي ويااااااااي
ماقمت انزل الريوووووق
ههههههههههه
مشكله البنت الملقوفه الي فضولها قاتلها تبي تعرف كل شي
من يومها تبت حرمت اسلم على احد

15 comments:

Mohammad Al-Yousifi said...

عقبال اللي في بالي يروح يقعد باللوبي هناك

:)

Lonsome said...

إن اللقابة أعيت من يداويها

AseeL said...

اش لج بجلاح الخلَج لَج لااا وهم شايب بعد؟

شوفيلج واحد اشقر حمر احسن

5roofa said...

لووووووووووول وناااسه عيل امبي انا اخاف منهم الصراحه و مرة نزلت مع اختي ما بغينا الا عمرناا احسهم رعب مو مال سوالف

بس ونستيني هالسنه شكلي بجرأة و اذا قالوو ليش بقولهم فطوم قالت لوول

اقطها براسج لوول

تسلمين على خفت الدم

salamz dear...

Anonymous said...

مو انتي بروحج الفضولية

كل بنات حواء جذي :)

the tooth.fairy said...

hahaha

wanasa, bil3aks laish ta7assaftai?

a7eb il moghamarat.

Plus,if you haven't done that chan ma sar 3ndich qusa etgoleelena eyaha

Bss shayeb faransi wayed awnas oo a7la. I have a story with a 73 year old french na7at oo yakteb she3er. a7san mn yereeesh ;p

soul said...

أحياناً أقول خاطري أصير اجتماعية ..وأخف شوي ..بس الحمدالله انه شي فالخاطر بس ..ياشين اللقافة..

Anonymous said...

السعودين ذبحيهم على كابتشينو و قعدة باللوبي


وثاني مرة عن اليراعة ترى ذيلة ماهم هينين ومشاكلهم وبلاويهم ما تخلص

تينا سوالفهم لا سافرنا نسمع عنهم بلاوي ولا يغرج كبر سنة

الزين said...

اذا قلت لك انتي بايعتها
بتقولين متى شريتها

يا بنية شلج بالشياب

هذولي خطورتهم اكثر من الشباب
وطموحهم العن

يبون يلحقون قبل يا يفنقشون

يسوى عليج بالله

حسافة عليج فطيم

Diver said...

حتى الشياب
الله يسامحج

lawyer said...

صبحكم الله بالخير

راسي بينفجر من النوم

شربت تب قهوة و لا فاد !!


مطقووق
اااااااااي انشاء الله قريبااااا
لو عندي نص فلوسه شريت اوتيل و قعدت فيه



لونسم
اهلا اهلا حياااج الله

شفتي اشلون ما اعبر




اسيييييل

هههههههههههههههه مو سالفه جلحه و شايب بس فضووووول بعرف شنوووو هذااا المخلوق الغريب المرتز





خروفا
ههههههههههههههه ما انصحج السالفه محتااجه ووووحده يرعه خلقه





محسد
حياااك الله

اي اي نوو بس بنات حواء و في الكويت بالذات طاقين الشرف و لا يعترفون بفضوووولهن

عرفت ابووووووووي
:))))




تووث فيري

هاااااااااااي لوفلي اشلوونج ؟؟
لوووونج تايم

انتي جنج اتكلمين عن شاايب فريداا
الي في فيلم فريداا ههههههه

حدا يريش ووايد عليه

هههههههههههههههه



سول
ههههههههههههههههههه هذي لقاااااافه ممتعه
فيها استفااااااده

لووووو ماكلمته جان دريتااااااي عن موضوع الاراضي العذرااااء

;)




حسافتج يا كويت
قريت كابيتشينو طحت بالقاع من الضحك
لووووووووووووووول

وااي اقوولك اسبوووووع على ما يرسل مسج للمخ يبتسسسسم

مافييييييييه حيييييييل

ادزة يطيح
ساعتين يمشي لي الاسنسير

انا الي قاتلني الثقه

اتصدق عاد والله احب العيايز الشياااب و كلا اسسووولف ويااااااهم

لازم اكتب لكم عن سالفه العياييز الي سووني مطراش في الريوووووق

هههههههههههههه و حجزيلنااااا طاوله
ايووووون قبل لا يسكر المطعم بخمس دقايق و جابلينا

لحظه لحظه جني كاتبه فيهم بوست



بباااااك ترا ساعه ادور بوست العيايز مالقيته

بعدين ادورة عدل ههههههه


زيوووووووون

واااااااااي ترا ما سويت شي
مجررررررررررررد سلمت على الشاااايب

سويتهااااااا قصه
اجر اجر اصلا

حرااااااام قاعد برووحه محد يدري عنه
مسكييييييييييييين

:ppP




دايفر

اي ادخال السرور في نفس مسلم

Mother Courage said...

LOOOOOOOL

يا حلوك

اجار الدين كشمش said...

حسسسسسسسسسسسسسسسسافه

مااااااعرفتي له!!!1

هالنماين ...تمره ما يضرها اللاحوووووس

كل ما تدووووسين أبطنه

علاباله...قرب انه يصيدج

حسسافه بناتنا ...ذابحهم الخووووف

لانهم عندهم نظره دونيه لبناتنا

لكن الي في بالي حق اشكالهم مااااينقال

حسسسسسسسسسافه

لانه صيد سهل وثمين

فمالله

lawyer said...

مذر

هاااي شلووووووونج

انتي احلى ;)

اجااااااااار الدين
ههههههههههههههههههه

وااااااااااي حرام عليك هذاااا مسكين اهفه يطيييييييح

وبعدين لا تحش في صديقي مطرششششششششلي معمووووووول تمر

تبي الضضضضضضضضحك

باند
ميوزك
واين
سيجار

و مسبااااح في الايد
ههههههههههههه

єĽ маѕан said...

LOOOOOOOOOOOOL

bel3axx a7san lach etkawneen lach rabe3 w 9adagat :P !