Wednesday, June 04, 2008

قدر طفل

اطلع من الجامعه بعد يوم طويل و صيف حار لي البيت
كل يوم امر على هالاشاره في طريجي الساعه 5 العصر في عز حر الصيف درجه الحراره 48
يمر علي كل يوم هذا الولد الي عمره لم يتجاوز الخمس سنين
اعطيه مرا المقسوم و مرا اشتري منه عطر .. اطالعه و اتحمد ربي الف مرا ان قدري ماكان قدر هذا الطفل ..الف الحمدلله لك يارب اني لا بدون و لا اهلي قطوني بالشارع ابيع زجاجات عطر و لا امي و ابوي متكلين علي في رزقهم.. كل يوم هالحزة اغلق من اشوفه


و يوم من الايام و انا طالع من الجامعه ويا ربعي .. ايني يركض هذا الولد يبيع لي العطر
يأشرله رفيجي رووح رووح مانبي .. رفيجي نزره بطريقه عصرت قلبي بس سكت ماعلقت ..


يوم من الايام و انا مار مالقيته
يوم .. يومين .. ثلاث .. فقدته !؟

بعد اسبوع شفته .. فتحت الدريشه : ياني يركض
انا: شسمك ؟
هو: علي
انا: علي وين بيتكم
هو: الكوريات
انا : شنووو !!
هو : الجهراا الجهرا
انا: انزين وينك الاسبوع الي فات ؟
هو : امي مريضه !

وتقطعنا الاشاره الخضرا
احرك

و في الليل يروح علي بيتهم
يعطي امه جزء من المبلغ و يحتفظ في جزء منه
تزجره امه بان يعطيها المبلغ كامل
و يعطيها المبلغ كامل و هو محبط لانه لم يدخر جزء منه لنفسه
حياه صعبه
علي ليس كباقي الاطفال .. ولا مثل عيالنا على الاقل
لا عنده سينما و لا عنده طلعه في الويك اند
ماعنده ام و لا اب و لا حياه مثل باجي البشر

يسأل علي امه : يمه ابوي متى يجي ؟؟

تقوله روح انت بس نام و بعدين تعرف متى ابوك بجي ..
تتأكد ام علي من نوم ابنها وتتنهد من يوم عمل شاق و مشاكل اسريه
وفقر و ظلم و جور هذا الزمن ...

هي :ايييييييه يا علي تبي تعرف ابوك متى بجي!؟
ابوك ماراح يجي !! ولا انت شايفه
ووتذكر ام علي قصتها ... او مأساتها
يعتصر قلبها على الظلم و تعلم ان الظلم ظلمات يوم القيامه

بجيك يووم يا عبدالله بجيك يوم ياعبدالله انت و مرتك و عيالك

ويرجع شريط الذكريات بام علي ...
كانت شابه عمرها 19 سنه .... سعوديه الجنسيه .. تكبرها اختها الي عمرها 20 سنه
و تصغرها اختهاا رفعه بسنتين يعني 17 سنه ....

هن ثلاث خوات .. الجازي و رفعه و حسنه...ابوهم متوفي
ولي امرهم خالهم و هو يشتغل مندوب عند احد اثرياء البلد
يعرض عليه الزواج على زوجته و يظل الخال يلح في موضوع زواج عمه (معزبه)
على احدى بنات اخته...

الخال: والله تاخذ احلاهن بعباتها..
يقولبها المعزب في مخه .. و بعد التوكل على الله و الاستخاره
يدق على رفيجه عبدالله.. ليستأجر منه شقه في احد عماراته الي بالفروانيه
و يقوله عن نيته بالزواج من ثانيه ... وعلى قولته تغيير بس بالحلال
و انت مثلك عارف انا ما ارضى الا بالحلال...

يعطي المعزب .. مندوبه مبلغ من المال لتأثيث الشقه من سوق اليمعه...
و لتجهيز العروس بنت اخته .. و لما قربت المده .. بدا المعزب بالتردد على مثل هالخطوة
ويدق على صديقه عبدالله.. يحن عليه ليخطو الخطوة معه يرفض صديقه عبدالله و بشده ...

وبعد العزم و التوكل على الله يتزوج بوأنس من الجازي خارج الكويت

و بعد فتر تبدأ مشاكل بوعبدالله ويا ام عبدالله فيقرر ان يتزوج عليها مثل ما سوا رفيجه ابو انس
" هذولا الحريم ما يكسر راسهم الا حريم مثلهم"
وفعلا يتزوج بوعبدالله من حسنه و ياخذ شقه يم شقه بو انس في نفس الدور بعمارته
و بو جاسم صديقهم يتزوج الاخت الصغيره ...ولكن ما يطول وياها اسبوع و ينفصل عنها..

بوعبدالله كاتب اسلامي معروف شخصيه اسلاميه معروفه جدا
يخوض الانتخابات سنه ورا سنه بدعم من جماعته الاسلاميه..
شخصيه متحدثه .. مرموقه له من البرستيج العائلي الشي العجيب..
ثري جدا .. له من الاولاد 8 .. حياته يملئها التناقضات .. اعياله فري و اهو اسلامي..
يقضي الصيف في بيته في الريف الاوربي و اهو اسلامي !..
يكافح جميع انواع التمدن .. يحارب الاختلاط في كتاباته و طرحه
و ابنائه مدارس خاصه و ابنته تدرس برا.. باختصار كل شي حرام على الناس و حلال على اهله ..

يتزوج من ام علي في زواج سريع في البحرين.. ولا يوافق بتصديق العقد لان الزواج سري
يتسلى فيها اول الايام .. يروح وياها دبي .. و يرجع الكويت يطلع وياها بالخش و الدس
.. يروح اماكن مايروحونها اهله .. وبعد شهرين تحمل ام علي و تكون الطامه الكبرى !!
صحى بوعبدالله من السكره ..
و توهق في ان ام علي حامل !
وتبدي المشاكل
يتبع

25 comments:

الزين said...

يارك الله يا علي

قصة تعصر القلب

ودايما الضحية الأولاد

قاتل الله الفقر

:(

Anonymous said...

لا يكون الاشاره اللي مجابل الدائري الرابع وتصير قرطبة على يمينج

اذا هذي اللي تقصدينها حاولت اصور الياهل جم مرة وما مداني واهو بعد يحاول يبتعد

شي يقطع القلب .. اللي بسن هذا الياهل قاعد في بيتهم حدر التكييف يلعب والا في النادي يمارس هوايته


من الرياييل من يختزل المرأة بالفراش بس ... وتفكيره ما يتعدى سره من فوق
اعتذر عن العبارة بس جذي واقعنا

7osen said...

هذي الحياة أقدار

واحد ينولد ويلقى كل شي
وواحد مايلقى أي شي

قلتيها إنتي أقدار

ناطرين

Najmah said...

توني قبل شوي

وانا رادة من الكلية

وبالسيارة مطوله على المكيف حده

شفت الولد اللي يبيع عند الاشارة
وخدوده مولعه من الحرارة

والله دمعت عيني وقلبي تقطع

يوم وصلت له فتحت الاشارة

الله يكون بعونهم :(

وناطرين

Najmah said...

محسسسد

هذي الاشارة اللي انا كنت واقفه عندها

Nachla said...

لوووووير خالد العبدالجليل شيصير لج؟
لووول
ناطرين التكملة

5roofa said...

كرررررررررررررررررهته
وااي حرر قلبيييي

اهو شخصيه حقيقه؟؟؟ امبي لانه انا كول الوقت و انا اقول الله ياخذك لوول

وتصدقين انا لمة اخذ من اليهال ما اخذ منه العطر بس اعطي فلوسها و اقوله انه يبيعه على ثاني

عشان يكون له زيادة فلووس عن الي الفروض يحصله

الله يعينهم و يساعدهم يارب

ناطرين التكملة

salamz sweetee...

mezYan said...

denya gashra ;(
na6reen iltakmila

enter-q8 said...

شوفي اهي وحده من الثنيتيين يا اني اعرفك علشان لما اشوفك بالشارع ادعمك
و افتك من حنتي و تحسفي عليك بانك ما تتجرئيين و تكتتبين قصصك و خواطرك

ياانك تكسريين فيني و تاخذين هالخطوة بكل جراءه

ترى سيارتي اجار ما تعور

Mother Courage said...

يا ويلهم من الله


=(

قلب طفله said...

لا حول و لا قوة الا بالله

للاسف واقع يعور القلب

بعمر الزهور و يتحملون ضيم الدنيا

و غلط الاباء و الامهات

بنتظار التكمله :(

Anonymous said...

انا ما احب جذي


احب تحطين اسمة وتعلج فية الاوادم عشان يعرفونة ويعرف ان اللة حق

هذا سفلة ومشي علينا اسلامي


انا لو منج افضحة هذا ماهو كشف عورة واسرار المسلم هذا درس له وخير لابنة وزروجته
أما ان نقول السالفة جذي ونقول يا حرام وبس


لا لازم يكون فية تحريك ولو بالتهديد


على الاقل احد يدق يقولة واللة إن مامشيتلهم مصروف لنفضحك


وإذا كنت عامل حسابك ومضبط شغلك

اسمنى طبقنا مقولة العيار اللي مايصيب يدوش

دوّش اللة مخة


علي مالة ظهر

وما فينا خير إذا ما صرنا ظهرة



احتريييت واللة


عطيني رقمة او على الاقل خل نحاول نساعد على وامة


أنا منصجي


ترى عصبت

Noor said...

:(

لاحول ولا قوة إلا بالله

كل ماسمعت سالفة جذي اكرهه الريايل زياده

وهم لام ليش تسكت اطالب بحقوقها هم اهي لها دور بهالشي هذا مستقبل ولدها

:(

NewMe said...

الطيوبة لوير
قصصك دائما تتميز بواقعيتها
ومباشرتها وعفويتها
لهذا غالبا ما ترتدي مدونتك
رونقا من الصدق
أحبه وأشتاقه
قصة تتكرر كل يوم
وكثيرون كهذا الطفل
يولدون في بطن الهم
ويموتون فيه
تعليقي بالنسبة
للزواج السريع في البحرين
فهي ظاهرة في ازدياد
ولكن لم البحرين!؟
هل يخاف الرجال نساؤهم
أم مجتمعهم
أم أنها
حالة الفصام المتأصلة في الرجل الشرقي
حين يبحث عن الخيانة بعيدا جدا
حتى تظل صورته في المجتمع ساطعة بهية
البحرينين أيضا
يبحث عن الزواج الثاني أو الخيانة
أبعد ما يمكن
إذا كان الرجل غير سعيد مع زوجته
لماذا لا يملك الجرأة على أن ينفصل عنها
لماذا يصبح أنانيا
ولا يرى إلا نفسه
لدرجة أن يرمي فلذة كبده
ذات الخمس أعوام في الشارع
أين مرؤة الرجل العربي التي نسمع عنها
شهامته
كرمه
شجاعته
إقدامه
هل كانت تلك أساطير الأولين؟
متابعة للقصة فلا تتأخري
دومي بحب
تحياتي

فريج سعود said...

بوعبدالله منافق

MANAF said...

ليش جذي تسوين

فاطمه


:(


خربتي علي وناستي


الله يسامحج

sologa-bologa said...

وانكحوا ما طاب لكم من النساء
مثنى وثلاث ورباع
وبس

بدون على أن تعدلوا

Slai7e6 said...

il'3ala6 3la il ahal elly rameen banathom eb ar5as thiman.
floos et'3ayer enfoos

9ahba'a said...

قدر طفل كما ذكرت
بالانتظار

Fahad Al Askr said...

.
.
.


هفي بإيدك، ترى ما حدا بيفيدك

شعار حملة ترشيد بالعراق

The Simper said...

that is the life we see here..

the paradoxes of kuwait..

lawyer said...

الزين

من يضحك اخيرا يضحك كثيرا

له الله


محسد
كلامك عين العقل
ولا تعتذر لشي تدري ان كلش مو لوير الي موديلها ديكورات في الحجي

انا اقول اردى

حسين

انشاء الله بتكمل قريبا


نجمه
هالقصه للاسف تتكرر وايد

الله ياخذ عيال الحرام



نجله
انشاء الله :**



خروفا
للاسف اكو وايد
وااااااااااايد رياييل لاعبين في حسبه بنات


جزء منهم يلقطونهم بالحرام و جزء بالحلال




مزيان
حياااااااااج الله اختي

ثانكيو

سوووووون انشاء الله




حاكي عقالي
وووووووووووووالله لو تشوووووووووف البوعرام الي اسووووووووها
جاااااااااااان قلت لي انتي بصخره تنحذفين

انا اسووووووووووووق و مو ماسكه السكان اططططلع ايدي من برا امسسسسك السياره لا اتطييييييييييييح و اتفجج علي
لوووووووووووووووووووووول


اشكررررررررررررك والله على كلامك الطيب



ماذوووووور

يسسسسسسسسس

والله وراهم بسرررررررعه


قلب طفله

حيااااااااااااااج الله

وجووووووووووودج يشرح القلب


للااااااسف ابوه مليونير و اهو يبيييييع عطورات

حسافتج يا كويت
هذي احدى القصص من تاليفي مووووووووووو قصه س من النااااااااااس

:))))))))))

ادري والله من صجك




نور
لا تحترين
يمهل و لا يهمل




الغاليه جدااااااااااا لقلبي
نيو مي
العزيزه الي طووووووولت علينا بعد الطنطل

اشلووووووووونك قبل اي شي و كل شي

مكاااااااااااااااانج اشكبره

احبج :*

وايد ناس للاسف تهرب من الناس ولكن وين تروح من ربهاااااااا وين

طل يطل الرياااااااييل من زينهم عاد
ما يفكرووووووووووووون الا في الخيااااااااس
و اذا شبعووووووووو قطو المرا مثل ما يقطون الكاندوم بالزباله


و يغربلووووووون عيالهم

حرااااااام والله



فريج سعود
شويه عليهالكلمه

Anonymous said...

اشوة

وانا اشتطيييت

lawyer said...

مناف

حيااااااااااااك الله منووووووووووور

من طووووووووووول الغيبااااااااات

سوووووووري والله سوووووري مو قصدي انكد عليكم

بس كلا تقولون لي ملينا من الحب

حبيت اشوف نفسي اقدر اكتب في الدراما مثل الحب ؟
والا انا مينونه حب و بس


سلووووقاا

ميخالف تزوج عشر
بسسسسسس اعدل و صير ريال جدام الناس و اعترف فيهاااااااا صح



سليييييييحط
حي الله سليحط هذي كلمتي المفضله لوول

البنت محتاجه الشرهه على الجششششع الي مايخاف من ربه لعب في بنت اصغر من بنااااته




صهبااااء
مروووووورك ينفث رائحه ابداااااااااع عجيبه

لا اعلم فهل انا احبك بزياده ام انتي تستحقيييييييييييييييين هذا القدر

:*****

صج تنحبين

احب كل جنونج



فهد
الااااااااااااك شووووووو يابا
هسسسسسسنه من جاااااااب طاري بوجعبر



سمسم

يسسسسسسسسسسس ذااااااااتست

yoyo said...

دنيا كل واحد ونصيبه
حلو وللامام