Sunday, June 22, 2008

انت نعمة تستحق الشكر ..



هي في المطبخ تحوس
و هو مجابل الاب توب و التيفي
هي: حبيبي تبي كووفي؟
هو: نوو
تفتح الفريز..تطلع ايس كريم شيز كيك هاجن دااز
هي: تبي ايس كريم؟؟
هو : يس بيبي..تراميسوو
اسحب قفاش من السله
واعطيه الايسكريم
اقعد جباله ..اقط روحي على السوفا
اهو يتصفح موقع
وانا بقلبي حجي ..
بس مابي اقطعه..
افكر اسرح .. اكل ايس كريم
وفي عز اندمااجي في الاكل افكر بصوت عالي
واقوله..
فرح انخطبت..
هو: لاااا زين .. الف مبروك
هي : اتصدق انا مو فرحانه وايد..
ارد اكل ايس كريم و افكر
وهو يطالعني يبي يعرف مني سبب اني موفرحانه..
اي مو فرحانه بس لا تستغرب
لما رفيجتي طول عمرناا نحلم بقصه حب و عندها واحد تحبه
تموت عليه .. خمس سنين قصه حب مستميته..
ايفن لو كان اهو سرسري.. او مو زين .. بس تحبه
كنا كلنا على امل ان حبهم ينختم في زواج..
بس اهي اصبرت وايد
ووافقت الحين على هذا الي متقدم لها..
طبعا اهي تعرفت عليه 3 شهور قبل لا يعلنون الخطبه
بس صدقني اي نوو اهي مو طايره مثل لو كان هذاك الي خاطبهاا..
هو: ماتدرين شنو الخيره يمكن هذا احسن لها بوايد من هذاك..
هي: ادري والله ادري..
احط الايس كريم
اقوم قباله اكلمه اشتط شوي..
شووف انا بقولك شي
خلنا من كلام العقل والتفلسف و الخيره و المنطق..
اناااا انااااا كبنت اوكيييييه لما احب واحد و اتعرف على واحد
الشخص الي يكهربني .. الي امووت عليه
حزتهااا ما اسوي اختبار سنع او اخلاق مااكو واحد عشان يدش قلبي
يعبي ابلكييشن.. عشان اوافق عليه.. الحب اذا دش و طق القلب.. يكوون في مقدمات ان هذا الانسان زين..او منااسب بعدين هذا الانسان احبه..
مع الوقت يطلع سرسري
يطلع جذاب .. يطلع واات ايفر
بس احبه.. ابييه باللي فيه.. ابييه في عيوبه
اعيش وياه طوول عمري و انا يوم مرتاحه و يووم مو مرتااحه بس
راحتي يووم و انا طايره بالحب تسوي الدنيا ..
الكلمه الحلوة تسوى كنوز الدنيا
اذا تزوجت فرح ريال ماتحبه بس عقليا زين و ارتاحت له و مناسب ..
يبقى دايما في خاطرها هذاك او بقلبها فراغ ما يلمليه شي
و تبدى اهني عيونها تزوغ هناك
و عيونها تدمع على اغنيه حب .. و مع الوقت و المشاكل و الروتين
تصير حياتها .. بارده
بس اوكيه يتم في اخلاق و احترام و كل شي.. بس مافي السبارك
مافيه الروح الي تعشق
يووم لما اييها مزااج تعيش كحبيبه و تطير بالحب ماتقدر تسويها ويا ريلها
لان مو حلمها ..
بقولك شي.. احنا البنات اغلبنا اغلبنا من احنا مراهقات او احناا يهال..
نرسم لنا حلم صغير.. يكبر الحلم ويانا كل ما كبرنا.. ونسعي اشكثر عشان انحققه
تسأل اي بنت فينا ليش مو فرحانه في الي خذيته تقولك لان مو حلمي..
تسألها بقلبج واحد تقولك لأ
بس مو حلمي.. مو الي متوقعته..
مو كل حلم صح.. ادري
بس يبقى حلمي...
اتعب من كثر ما اشتطيت في السالفه..
اقط روحي على السوفا..
التفت ..
هي: الف الحمدلله انك انت ريلي.. واني خذيتك..
لو ماخذيتك راح اعيش طول العمر وانت بخاطري..
يضحك على عفويه كلماتي..
يقوم ..هو: اي والله الحمدلله خذيتج جان طالع براسج نخله !
هي تكفخه و اهووو ماشي ..يرد الايس كريم..
هو: حبيبتي ..تدرين اشكثر انتي غاليه و احسن مراا بالدنيا و اشكثر انا احبج
هي تقول بقلبها .. انشاء الله مايقووولي طبخاي
انشاء الله ما يقوووووولي طبخااي!!
هي : اي اي اي؟؟؟
هو: انا بروووووح انام شوي .. بليز مابي اسمع حس واحد فيكم
و ياريت يااااريت تصيرين خووش مرا و تاخذينهم و تروحين وياهم البوووول
هي : الحيييييييييين انت مواعدهم بتوديهم و انا بروووووح الصالون
عندي موعد !!
هو يسااحل : الله يخليييييج لهم يلا تكفين انتي وديهم!!؟؟
هي : برووووووح الصالون .. اخذ عيالك انت .. اي نييييييييد ماي سبيس!!
يسوي حركات تكسر خاطري ...
اقوله اوكيه ...
اخذ اليهال و اطلع النادي ..
طول الوقت سرحانه بالكلام الي قلته له..
و خطبه فرح..
و حياتي ..
وضع صديقاتي و اوضاعنا..
يمكن حياتي مافيها شي كامل .. و كلها امور روتينيه عاديه
بس لما افكر في نهايه اليوم .. ان حبيبي اهو زوجي .. صديقي..
امي و ابوي و اهلي و كل هالدنيا .. احمد ربي الف مرا لوجوده بحياتي..
ادش الجيم..
اراقب اليهال..
اسحب موبايلي.. ادزله مسج..
انت نعمة تستحق الشكر..
انت بحياتي كل شي و احلى شي
عطيتني شبابك
اسمك
عيال منك نورو دنيتي
كل لحظات حلوة معاك
و بسببك..
و كل فرحه منك ..
انت فعلا نعمة تستحق الشكر..

19 comments:

Blog 3amty said...

عسى ربي يتمم عليج :)

Anonymous said...
This comment has been removed by the author.
Anonymous said...

الله لوير..
بوستج هذا حبيته، حسيته..

تصدقين..؟
الانسان ما يحس بالنعمة اللي في يدينه إلا إذا راحت منه، شي حلو إنج حاسة بالنعمة هذي واهي بين ايدج !

الله لا يغير عليكم (إذا كان الكلام اللي فوق واقع تعيشينه) وإذا كان مجرد خيال الله يرزقج باللي تحلمين فيه قولي آمين :)

Mok said...

وجودح نعمه
:)

5roofa said...

@@

لوير القصه خيال؟؟؟

:/

صح خيال مو؟؟؟

salamz sis...

2cool2care said...

ما ادري شقول

هل اقول انتي تقصين على نفسج

او

اقول محد يتقبل اللي عنده

الحب قبل الزواج او بعد الزواج

انا بنظري المهم شلون ارضي زوجتي او اهي ترضيني

او شلون افهمها وهي تفهمني

او شلون احترمها وهي تحترمني

او
او
او

كل هذا ماله دخل بالحب قبل الزواج او بعده من وجهة نظري


الله يرزقج بولد الحلال اللي يامعوده مايهدج وروح الدوانية (: هالمشكلة وايد امأزمتني مع بنات الكويت الله يعينهم على رياييلهم

والله يرزقني بوحده ما تروح الدياويين بعد
:)

Lonsome said...

الحب الحقيقي حب بعد الزواج و ما قبل الزواج هو اضغاث احلام لا اكثر

اهتمامك بالتفاصيل و ادق جميلها هو ما يضفي هاله من العفوية الصادقة و التميز على كتاباتك

Najmah said...

لوووير انا اقول

اهيا اللي بالفعل نعمة تستحق الشكر
:)

|:| DUBAI |:| said...

لووير

: )

مبتسمة

متفائلة

بهالبوست

!!

Anonymous said...

في الصميم

قلبتي المواجع والله

~FaHaD iN MiND~ said...

postch 9a7 100% o ana m3aach 100%

etha athneena y7ebon ba3th 7aram ma ya5thon b3th ! o law katheetay '3airaah betem il fara'3 elii ohwa khalah kbeer bgulbch o ma tadren shlon btsakren baba o tenseena ! specially etha kan 3eshrat 3umer bainkom !!


bs tadren ham ye3temed 3al rayel or 3al mara .. ymken yegdron y'3ayron hal nathariya


bs 3ala goltch etha ay a7ad katha eli yabeh fa ehya ne3ma tosta7aq il shker :)

Sn3a said...

اي لوير
صعب تكونين مثل الياهل
اللي ماسكه ورقه بيضه
وترسم عليها كل شي تبيه
وكل شي عندها
وتييلها بنت نحيسه
تخمط الورقه والالوان
وتكملهم بطريقه بشعه ماتبينها
بس ترضين
لان الورقه
والرسمه
والحلم
مو نصيبج

وعليج تدورين واحد يناسب اهلج
لان اللي يناسبج مو بيدج


نايس بوست
ربي يحفظ كل 2 يحبون بعض ويخليهم لبعض

lawyer said...

بلوق عمتي

ثانكيو
اميييييييين يارب

:))

ليدي رين

حبيبتي والله انا بعد حبيت تعليقج ..



فعلا كبيره لابد نوقف في نص يوم متعب نطالع الي عندنا و نقول الف الحمدلله


انا قايمه و قاعده احمد ربي و عسى
بس الحق في الحمد

:**



موك
تعليقك بعد نعمه :))




خروفا
القصه صج
صارت صج
و كل كلمه فيها صج
و كل مسج و سوفا و ايس كريم و كل شي صج

حتى ازعاج اليهال صج





توكول
يا هلا يا هلااااا

عسى الله يفرح قلبك و يرزقك بخير مما تتمنى قووووول امين


يازيها من دعوة

ثانكيو





لونسوووم
اشكرج على رفع معنويااااااتي والله




ننننننننننجمه
حبيييييييييييييبتي حبيييييييتج

موديلي الي لميييييييتج اصلا
هههههههههههههه

ثانكيووووووووووووووووو

حبي






دبي
الي توه راد من دبي قصبن عليييه يتفائل من احلى اللحظات فيها

;))

يس انا دايما متفائله




محسد
سووووووووري
ماقصدت اقلب الموااجع



ابتسم:)





فهد ان مايند
طبعااااااا لابد هالشي يعمتد على الاثنين
عشاااان جذي انا قلت البعض ...

حسيتج فاهمتني وايد





سنعه
رسمتي القصخ بخيالج
بمثل وايد حلووو

مدري ليش حسيت الرسمه و الحلم انتي قاعده توصفين نفسج

بس ميخالف لازم الواحد قبل لا يحرج نفسه مع اهله لازم يختاار شخص يناااسبهم

انا عن نفسي مستحيل ادخل علاقه فيها اي شبهاات من اي ناحيه

و الي اختااااااااره لازم يكون ريااااال يرفع راس اهلي
عشاااانهم
و عشاني

ولا احطه اهو في موقف محرج
من حق حتى الريال ان اهلي يكونون فخورين فيه


تعليقج عجبني وايد

امييييييين يارب يخلي كل اثنين لبعض

enter-q8 said...

اي و الله الله يعطيه العافية
بوسي ايدك بطن و ظهر
انا لو المره تقعد تسولف معاي و انا مشغول
بخزها
ما سكتت
بخزها مره ثانية
ما سكتت
بحذفها بالاب توب
علشان ينكسر و يخرب و اذا تحلطمت بقولها
يا عمري انا متعمد
علشان ما يصير عندي لاب توب و انشغل عنك

5roofa said...

صج؟؟

فيج القصه؟؟

لا يعني البنت الي خمس سنين هذي هم صج؟؟؟

امبي تره انا في حالت صدمة ذهنيه

لووووول
اهم شي اني صدمه ذهنيه

---

شلون مهند انا من اخر نرفزة لمة بيعطيها الورد هذاك عابدين طايح تدلدغ فيها صكيته و حلفت ما اشوفه بعد

في تطورات تسوه ارد اتابعه لوول

؟

salamz sis...

Anonymous said...

تدرين

أعرف واحد رفيجي حييييييييل مر بقصة حب لمدة 4 او 5 سنين ما اذكر
المهم كنا كلة نعيب علية ليش لا بغينا نسافر اذانا كلة قاضب التلفون ولا رحنا نلعب كرة او البحر ما يلعب معانا ولا يطلع البحر بعد كل هذا واحلى ايام حياتة ضاعت بالسوالف والتلفونات والحب بحلوة وبمرة تزوجها

وكان اول واحد يتزوج بالدوانية
اتصدقين بعد 3 اشهر انشوفة يتشكة وبعد ست اشهر صار اول واحد ايي الدوانية واخر واحد يطلع وبعد سنة ونص طلقها

السبب
يقول صاحبنا اني كنت عمي كنت ابي احب وانحب ابي اعيش قصة حب اتوجها بالزواج ولكن ماكان يشوف عيوبها إلى أن طغت عيوبها على حبهم وحتى باللحظات الحميمة ما يستمتع فيها ليش يتذكر عيوبها وقرقتها وطلباتها وحنتها وطبعها الاقشر


تم سنتين وعقبها اتزوج زواج تقليدي
واليوم يقول زوجتي تعرف عيوبي ومتفهمتها لان عيوبي عند زوجتي تشوفها اقل من عاديه بينما عيوبي عند حبيبتي تشوفها جايدة

وهي عيوبها مقبولة بالنسبة لي وراضي فيها


المراد التفتي حواليج وشوفي اقرب الناس لج من صديقاتج بتعدين عيوبها اكثر من مزاياها ولكنج تحبينها

لو اتى العيب قبل الحب اهون من ان ياتي العيب بعد الحب الحب لة مد وجزر اما العيب فلة حدود

الحب يذوب بشكلة التقليدي بعد اشهر العسل الاولى ويصبح شكلة بتضحيات ولا يمحي الشكل التقليدي طبعا ولكن يصبح قليل

ومثل ما قال محمد عبده

لذة الحب بالشي القليل


هذي مشكلة البنات
وصاحبي يقول اتصدق زوجتي اللي انا مرتاح معاها وبينهم عيال وصار لهم سنتين تقريبا ليلحين تقولة حياتي كاملة واحمد ربي انك زوجي ولكن يا ريتني حبيتك قبل لا اخذك

تصدقين اهو انصدم وقال انا اشهد انة البنكة اكبر من مخ الحريم



بطلوا تشوفون افلامرومانسية يننتونا هذيلة يبون فلوس بس واحنا تطيح فوق راسنا



وبالنهاية من اول صرخة لج في هذي الدنيا ساعة ولادتج بأواخر السبعينات وربي كاتب نصيبج بحب ولا من غير حب




ويا حلو العقل والتفكير قبل الزواج صدقيني من بغى شي ترك شي

بعتقادي الشخصي يا حب وزواج مثل الرقية يا حمرة يا بيضة وماصخة

يا زواج فية عقل وتفكير واعيش طول عمري ناجح في حياتي الزوجية


وبس عورتني اصابعي وانا اكتب

lawyer said...

خروفا

واي بليييييز مابي انقث في الدواام

انا من يووم عزيمه العشا الداثره مالتهم و حركاتهم الارعه و سالفه اللسن و التراي

ماقمت اتابع

صرت اجابل شي ثاني ابرررررررك

ليش اننننننقث!؟؟



حسافتج يا كويت

قريت تعليقك اكثر من مرا لروعته بس
و شي ثاني
سووووووري ان اصابعك عورتك
حسييييييتك اخر شي تقولي
بس خلاص انتي ما ينفع وياج الحجي

:))


خلني اقولك شي
كلامك عين العقل و المنطق

ولكن اي مشاكل يقع فيها اي اثنين ماهو عيب في الحب ولكن عيب فيهم

انا دايماا بتجارب الاخرين و اغلاطهم
الا في هالمواضيع ...

مو عشان شي
بس فعلا مثل ما قلت
ما ينجح هني
يمكن ما ينجح هني

و هذا نصيب

لكن اهني نقول ان هل العيب في الحب ؟؟

يعني مثلا عندك امهاتنا و ابهاتنا
جيل الي تزوج في السبعيناات

اغلبهم عن حب و في الجامعه
اهلي مثلا و خالاتي و خوالي و بلا بلا و امهات رفيجاتي كلهم

الف الحمدلله علاقات اسريه مستقره

انبنت على قصص حب

طبعا اول غير و الحين غير.. ليش؟؟

لان العيب في الاشخااص

اتمنى ان البوينت الي بوصله لك وصل...





بعتقادي الشخصي يا حب وزواج مثل الرقية يا حمرة يا بيضة وماصخة

يا زواج فية عقل وتفكير واعيش طول عمري ناجح في حياتي الزوجية



فرضا نقيت على العقل
فلان الفلاني

يقولون سنع
اخلاق
بلا بلا بلا

و تزوجته
هم بيكون مثل الرقيه
لان الناس لهم بالظاهر ...

و انا عندي نظريه الي تعرفوش احسن من الي ماتعرفووش...

شكلي الي انا وايد هذرت مو انت ....

كيفك تحملني مسويه رجيم من ساعه و نص بس

lawyer said...

حاااااااااكي عقالي

سااااااااااااااااامحني اسمك سقط سهوا من التعليقاااااات


اشوووووووة اني انتبهت

لووووووووووووووووووووول

لووووووووووووووووووول

يمه يمه يمه منك

تخررررررررررررررررررع

اشدعوة ياحافظ
اشمشغووووووووووووووول فيه الا تكسر الاب تووب !!

enter-q8 said...

لا ديري بالك
ادز عليك مسلم البراك
ويقولك العقال لايسقط انما يتعلق مع الغترة
:)