Sunday, August 31, 2008

مبارك عليكم الشهر



بمناسبه الشهر الفضيل اعاده الله علينا و عليكم بالخير و الصحه و العافيه
و عسى الله يغفرلنا و يرحمنا و يباركلنا في وقت هذا الشهر ..
و يعينا على نفسنا و على الطاعه..
في هذا الشهر راح تكون بوستاتي عباره عن جدول متابعه
لاعمال رمضانيه و اقتراحات لكم لاماكن و اوقات العباده
و صله الرحم و انشاء الله اقدر اقدم لكم مقترحات مفيده

**************


هني فقره انشالت لان بتكون حش !!
فقلت يا معلم علم نفسك
فطيم انتي مامنج فايده ابد

***************

اليوم الاول :
يبدا بالسحور
قال رسول الله صلى الله عليه وسلم تسحروا فان بالسحور بركه
و اهم شي لا تنسون النيه في انكم تنوون هذا الشي ..النيه تكون بالقلب وليس بالنطق يعني ..
عيش مشخول و روب
تمر
ماي
او سحور مصرين فول و شاي و روب
انا احب الروب ترا فلازم ادخله في كل شي
بس سحوري انا عباره عن توست جبن و لبن بارد و بعدها تمر ..
اهم شي في اليوم الاول لمدمنين القهوه و الشاي لا تنسون تاخذون حبيتين بندول على السحور .. عشان صداع اول يوم ..

قبل صلاه الفجر
قراءه شوي من القران
او تسبيح
او استغفار
صلاه ركعتين
بعدها صلاه الفجر ..
اذكار بعد الصلاه
بالنسبه لربات البيوت او الي في اجازة يقدرون يقرون قران الفير
و يابختهم
والي مثل حلاتي انا بروح انام يالا الحق اناملي ساعتين قبل الدوام

يوم عمل
الي يقدر يقرا شي مفيد في الدوام
او الي ما يقدر يتابع عمله و يخلص فيه
لا تنسون الابتسامه صدقه
و هذا شهر عباده و طاعه
مو شهر اعصاب و تكشر
لا يقص عليكم الشيطان
..
صلاه الظهر ..
ما اعتقد في احد يقدر يمشي العصر قبل الفطور في هالحر
بس عندي اقتراحات
الافنيو
او المولات البارده ..
الي في منطقه العاصمه عندكم الافنيو
المارينا
المهلب فوق
الي في فحيحيل مالكم الا المنشر والكوت
اهم نصيحه لا ادشون مركز سلطان او جميعه وانتو يواعه

اهم شي اهم شي
الصلاه في وقتها
القران
الاستغفار
والتسبيح
حطو في الاي بود قران لصوت مقرأ تحبونه
للبنات الي مثلي انا العصاري اعجل في المطبخ
و ارتب الطاوله
و اسوي العصاير
و كل شي
الله يعيده علينا وعليكم
لا تنسون دعاء الصايم مستجاب
ولا تنسون تدعون وانتو على الفطور
وادعولي

الفطور
خلوه خفيف
عشان تعبرون على التراويح
وعقبه صله الارحام و الدواوين
وقبل النوم حاسبو نفسكم
و شوفو شنو سويتاو و شنو لازم تسون
ولا تنسون احتاج اقتراحاتكم ..

اهم شي النيه
النيه
النيه

وعسى الله يتقبل منا و منكم صالح الاعمال يارب
ويعيده علينا و عليكم بالف خير ..
وعسى الله يجعلنا من عتقاء هذا الشهر الفضيل
لا تنسون صوم الجوارج
وصفاء النيه
التسامح..
مساعده الفقراء
والاحسان اليهم
************
رساله : حق كل الناس الي منعتني الظروف
او مشاغل الحياه من التواصل وياهم
اقولهم سامحوني على القصور
و يبقى دعائي لكم بالقلب
*******
اللهم اسألك بأسمك الفتاح ان تفتح علينا يارب
***************
هذا موقع لكل المسلمين في العالم
فيه مواعيد الصلاه و الامساك و الفطور و فيه عنوان جميع المراكز
الاسلاميه القريبه في كل انحاء العالم
و تقدرون تحطون رقم تلفونكم و توصلكم مسج من الموقع
بوقت كل صلاه
عشان تبلغكم و تذكركم
هذا يصلح حق الي برا الكويت
لان مو كل من بشوف الوقت على طول و تدرون مواقيت الصلاه تتغير
يوم بيوم
اتمنى اقدر افيدكم اكثر
***
*****
تحديث
توني كنت قاعد اقرا بوست لاحدى الخوات
و الا ادش بلوق الغاليه
الزين وكاتبه عن والده فسكره
ام سليمان
اسجد لربي سبحانه وتعالى
الذي قال في كتابه و اذا مرضت فهو يشفين
ام سليمان اوعدج من اليوم و رايح
اني ماراح اوقف دعائي لج
وبدعي ربي في صلاتي و سجودي ان يردج بين احبابج
ربي سبحانه رحيم
كريم
عزيز له حكمه ما يعلم فيها الا هو
له بلاء لا يعرف الميزان و المكيال
فبلائه يرفع صاحبه دراجات العلى من الجنه
ام سليمان اوقفااااااي
بقوتج راح يوقفون الي حوالينج
ولا تيطيحين
ورااج ناس عيونهم تبي رضاج لو مره
ام سليمان يمكن لا اعرفج ولا تعرفيني
بس ادعيلي
لاني انا محتاجه دعائج اكثر منج
ام سليمان الله يباركلج في الي يحبونج
شوفي رحمه سبحان سخرلج عبيده كلهم
ارجوكم قراء مدونتي الافاضل
لا تنسون ام سليمان بدعائكم
هي مريضه في بلد الغربه
ماتبي منا شي
و لكن حقها علينا كمسلمين واخوان
ان ندعيلها من كل قلبنا بالشفاء
وانشاء الله بتردين بالسلامه
و بلتقي وياج
اليوم انتي
وباجر ماندري منو الي محتاج الدعاء
صبر جميل و الله المستعان
رددي دايما حق اي احد اييج
اعلم من الله مالاتعلمون

42 comments:

shakshaka said...

embarak 3laich elshahar wit3oooodena enshallla kil sina bil 9i7a wil 3afia yarab ;*

mantovani said...

علينا و عليج

و مشكورة على النصايح القيمة هذي

و اتمنى لج رمضان سعيد

و مبارك

مانتوفاني

nEo said...

مبارك عليك الشهر

nanonano said...

علينا و عليج

mo3ath said...

علينا وعليج

وكل عام وانتي بخير

تسلم ايدج على هالبوست ماقصرتي والله

Mohammad Al-Yousifi said...

مبارك عليج الشهر

Reflections said...

مبارك عليج الشهر

والله يتقبل منا و منكم صالح الأعمال

الزين said...

مبارك عليج الشهر فطيم

وينعاد عليج بالعفو والعافية

7osen said...

مبارك عليج الشهر

وكل عام وانتي بخير

Anonymous said...

ما قصرتي على هالنصايح الطيبة

بس بغيا اسالج

متاكدة الفطور خفايف؟؟


لوير؟؟؟

علينا

Najmah said...

يزاج الله خير لوير
كله بميزانج يارب
:*
ومبارك عليج الشهر

guevara said...

مشكوره ما قصرتي
بس بعرف ليش برمضان الكل مكشر وتقولين لا يقص عليكم الشيطان مع انه الشياطين تنربط برمضان؟؟
بس الواحد لازم يشد حيله برمضان عشان يصوم







صج نسيت انا مو وياكم :)))

ضـاد said...

مبارك عليج الشهر


:)

Unknown said...

فطيم اكثر شى يغثني برمضان يقولون لي لا تكثر على الفطور مااااااااااااا اقدر ودي والله ودي
بس الاكل بهالفترة من السنة يصير عزيز
انا سحور اتسحر خفايف بس الفطور ما اقدر
لازم من بستان وردة

او بالاصح من كل قنجة ماعون

صحتين

نصيحة لمدمنين القهوة مو بس بندول قبل الامساك
مق قهوة او نسكافيه من غير حليب

الراس فل الفل
تجربة مدمن قهوة
وينعاد عليكم بالخير والصحة

حسام بن ضرار said...

مبارك عليكم الشهر و كل عام و انتم بخير

darkness said...

مبارك عليج الشهر و عسى الله يعينج على الطاعه و يثبتج على الحق و يتقبل منج صالح الاعمال

Anonymous said...

مبارك عليكم الشهر
:)

Super Woman said...

نصيحه لوجه الله

لا تتبخرين الصبح
:)

اتوقع انتي تدرين ليش

ويزاج الله خير

بوست يشووووووق
مثل صاحبته



ذكر فإن الذكرى تنفع المؤمنين
صدق الله العظيم

وانتي ما قصرتي
ذكرتينا بالاكو والماكو


مبارك عليج الشهر
:*

enter-q8 said...


مبارك عليك الشهر و كل عام و انت بخير

THE BOSS said...

علينا و عليج وتقبل الله منا ومنك صالح الأعمال
وعطني ولعه

Purplecious said...

علينا و عليج

:)

اجار الدين كشمش said...

مبارك عليييج الشهر

لاااتنسيني من دعائج

ما اوصيييج

انا محتاج الدعاء

انا وصلت البارحه

فمالله

tweety said...

لوير مبارك عليج الشهر وعساج من العايدين

والله جنج تنفعين حق برنامج برمضان ! أحسن من هالنماين اللي مادري من وين يايبينهم ماغير صراخ وتخرع بالعالم

Amphibious said...

علينا وعليج وعساج من عواده

AseeL said...

الله يشافي ام سليمان ويرجعها بالسلامة يا رب

قلبج طيب فطووم
.....................
مسوية لنا خوش جدول

انا لو ادش المطبخ تييني زفة من الست الشيف بتاعتنا
اذكر اخر مرة لي كانت بالثانوية ...
طلعت من عندها مطرودة
لوول

Unknown said...

mshkora 3la eln9ay7enshalla nswe 3la kl ely glte 0 nbt3d 3n el'akl kthr ma ngdr hehe,
allah yshfeha enshalla 0 yshfe jme3 mrtha elmoslmen.. mbark 3lech elshhr =)

صبا said...

مبارك عليك الشهر ,, وتقبل الله طاعتنا وخالص أعمالنا

وعسي الله يقومها بالسلامه يارب

ويردها لاهلها واحبابها يا رحمن يارحيم

الله يرحم حالها يارب

kuwaitawy said...

مبارك عليج الشهر

وعساج من عواده :)

As YoU LiKE said...

مبارك عليج الشهر

والله يشافي ام سليمان وجميع المرضى ..

Fskra said...

3zizty: dmo3e o dmo3 omy ma wgft.. o do3a2 omy lich ma wgf mn awal ma gret laha eli entay ktbteeeh laha ..

ma a3rf shloon a3br lich eb s3adty o 7uby lich O eb nfs el wgt ashkr rby el r7maan eli sa5r ahl elq8 o elmsleen leldo3a2 7g omy el ghaliyaa

ma raa7 ansaa lich klamch o
do3a2ech laha

O ra7 athel ad3elich fe kil sjdaa ..

alah yb3d 3nch el shar o ydeem
3lich el 97aa o y7fth lich kil ghali 3ndch ...

klmt el shkr ma tofeech 7gch eb klamch el 6yb o glbch el 9afy ..

tshrft eb qera2ty le klmatch .. o tshrft eni akon mn a9dqa2ech fe el blog..

sam7eni ma 3ndi arabic keyboard..

e5tch
Fskra ;***

a7bch

bhr.qadsaweya said...

مبارك عليج الشهر
وعساج من العايدين السعيدين
الله يشافي كل مريض بهالشهر يا رب
ويرد ام سليمان الديره قبل مايخلص ارمضان وتكون بألف صحة و عافية
يعطيج العافية

عــــــابره said...

ينعاد عليج بالصحه والعافيه ..

حتى المدونات برمضان نكهه غيرررررر

والله حلو ..

حتى لوير عندها برامج رمضانيه غير
الله يلحقنا على فعل الخير ومحبته ...

والله تسولفين كانج معانا عادات اهل الخليج وحده

روب وعيش وماي او لبن .. ضروري سحور بارد ويشبع

عسى الله يديم نعمته

ومتااابعه ان شاء الله بقوه

مع اول اطلاله رمضان صباحكم صيام مقبول

والله يشفيها ويعافيها ام سليمان على اني ماعرفت قصتها

:)

Diver said...

مبارك عليج الشهر و ان شاء الله الله يتممه عليج بالطاعه

lawyer said...

شكشكه

حيااااااااااااااااج الله يا الغاليه

علينا و علييييييييج حبيبتي





مانتوفاني
انت مشكوووووووور على كلامك الطيب تعوده بصحه و سلاااااامه




نيو
عليناااااااااا و علييييييك يارب






نانونانو

تسلميييييييييين حبيتي :*****





معااااااااذ
وانتي بصحه و سلااااامه

انت الي ما قصرتي على كلامك الطيب







مطقوق
علينا و عليييييييييك

سلامي للاسره الكريمه






رفرف

هلاااااااااااا حياتي علينا و عليج
مييييييييين يارب امييييييييين







زيوووونا

مشكووووووووووورة حياااااتي
وعليييييييج يالغاليه باتم الصحه و العافيه






حسين
وانت بصحه و سلاااااامه






حسااااااااافتج يا كويت

اناااااااا انصصصصصصصح
بس لي الحين ماااااااا ادري اقولك اليوم بعد الفطور
بسسسسسسسس ترا ها يمكن اليوم مو خفايف هههههههههههههه

لاني ما تسحرت عدل

ههههههههههههههههههه


بديت اعذار من الحين








نجمه
علييييييينا و علييييييييج يا حياتي :***************






زرادشت
في شيااااااااااطين الانس

في ناس اهم شيااطين بالارض

محد مكشششششر برمضان انشاء الله هالسنه غيررررررر







ضاد
عليناااااا و علييييييييج






مشاري
اي لا تكثر نقنق

اكل من كل شوي

المهم الصصصصصحه و العافيه اكل يبااااااا اكل بس اهم لا تفووووول حق التراويييييح


يعوده عليك باتم الصحه و العافيه








حسام بن ضرار
علينا و عليييييييييك تعودونه يارب بصحه و سلامه







داركنس
ياهلاااااااااااا

علينا و عليج
اميييييييييييين مشكوووووووووورة




حموووودي
علينا و علييييييييييك الله يحفظك

lawyer said...

شلالاااااااااات

لا بعد قلبي ما اتبخر الصبح البخوووووور يفطططططر

مشكووووورة حيااااااااتي :**


عسى بس ربي يتقبل مناااااااا انشاء الله







حاكي عقالي
ووووووووووووانت بصحه و سلاااااامه
الله يتقبل منا و منك الطاعاااااات يارب






ذا بووووس
مشكووووووووووور
علينا و عليك


اي وووووووولعه الناس صياااااااام !!

الله يعينه هالصبي الي ماعنده شغله غير الولعه

هههههههههه







بربل

مشكووووووووووووووورة حبيبتي :*******







اجار الدين
حمدلله على سلااااامتك

حفظك الله
علينا و عليييييييييييييك و اناش ءالله بتم ادعيييييييييييلك دايمااااااا لا تخاف مو بس في رمضاااااان


الله يباااااااارك لك و يفتحها علييييييييييك






تويتي
حيااااااااااااااااا الله الغاليييييييييه


علينا و عليييييييييج

ميسسسسسسد يو :**



شفتاي بصراحه ابي احد يكوووووون راعي لبرنامجي الرمضاني ههههههههه

اصلح هاا ؟






47

الله يسسسسسسسسسسسلمك و يحفظك و يتقبل منااااااا ومنك انشاء الله






اسيييييييل

امييييييييييين حبيبتي


بقولج سر
ترااااااااا انا ابوي لي يومج ما يدري ان اشب الجووووله

كل يوم يدش على في المطبخ يزف الطباخ يقوووووله لا تخليهاااا تشب الجوله

هاااااااو اشلون اطبخ !!


و لا يبيني اقصص اي شي في سجييييييييين حاده


حبيبي ابووووووووووووووووي والله

من الصبح يقولي خلج بالمطبخ الداخلي سواي كيكه سواي سلطه لا تطلعين برا عند الجوووووول و الدهن !!!!!



للعلم فقط ادري انه عمري بصير 30
و اتعامل معامله وحده ب 3 ابتدائي هههههههههه







مولان
:***********

علينا و عليج صالح الاعمال يا حياتي

هذاااااااا اقل شي اقدر اسوي في هذا الشهر
البمااااااارك الي خله خير و كريم








صبا
علينا و علييييييييج صالح الاعمال


امييييييييييييين حبيبتي
مشكووووووووووووووورة

lawyer said...

كويتاوي

عليناااااااااااا و عليك صالح الاعمال
انشاءالله





از يو لايك
علينا و علييييييييييك مشكووووووووور لا تنسى ام سليمان و جميع المسلمين بصلاتك






فسكره
مبارك عليج الشهر انتي و الوالده يا رب

قعدت ساعه اقرا الكومنت و انا محتاره شنو ارد

دموعكم غاليه
يابخت المسلمين اذا اجتمعوا على خير

اناالي تشرفت فيكم و في دعاااااء الوالده الكريم

الله يخليهاااااااا لج يارب و تقوووووم بالسلاااااامه و ترد بيتهاااااااا و يبلغهااااااا في عيالج انشاء الله


في اول يوم رمضاااان انضاف هذي السنه دعااااء جديد في حياتي و هو الدعااااء بالخير والعافيه و الصحه لكم


حبيبتي انا جد ما سويييييييييت شي


انا الي كلي شرف في قرائتج
و انشاء الله نشووووووووووفكم قريب في الكويت
انشاء الله يارب



:**********





قدساويه


علينااااااااااا و عليج حبيبتي

مشكوووووووووووورة على دعاااائج الطيب ما قصرررتاي






عابره
حبيبتي تقبل الله طااااااااااعتج و ينعاد عليج بالصحه و العافيه و السلاااااامه يارب


اي والله كل شي له طاااااابع غير في رمضان


اي الخليجييييييييين احنا كلنا نفس الاطباااع تقريبااااا


ياحلوووووووو كلامج :))))))))






دايفر
عليمااااااااا و عليييييييييك ياااااااااااارب

mowa6en said...

يا سلام .. بوست رمضاني بامتياز
أنا أنصح بقراءة أو سماع شي من الإعجاز في هذه الأيام .. تأثيرها وايد عجيب


شكرا على هذا البوست الجميل
ومبارك عليج الشهر

Brilliant said...

مبارك عليكم الشهر
و كل عام و أنتم بخير

أرق التحايا
عبدالله

:)

U-Turn said...

يعطييج العافيه وفي ميزان حسناتج يا رب

ومبارك علييج الشهر
وعساج من عواده
والله يتقبل قيامج وصيامج وصالح أعمالج يا رب :]

david santos said...

Great!!!
Congratulations.

lawyer said...

موااااطن
علينا و عليييييك

احب اسمع عن الاعجاز العلمي

بس ياريت تقولناااا منو نسمع؟؟





بريليانت
حيااااااك الله عبدالله

علينا و عليك

وانت بصحه و سلامه





يوتيرن
ياهلااااااااا
و انتي بصحه و سلامه
تعودينه يارب بالخير انشاء الله

ماقصرتي

lawyer said...

دافيد

اشعرفك كويتي؟