Thursday, September 04, 2008

جست انفايت

تحديث
قريبا
بعد جم بوست راح يكون بلوقي بس انفايت
فالي يبي اضيفه يدزلي ايميل بالايميل الي يبي الاضافه عليه
اروح اكمل الحلوو و ارد اقولكم قصتي بالمطبخ العجيب !!
اليوم العصر نزلت هالبوست و دشيت المطبخ
طبعا في ارتباط عجيب بيني و بين المطبخ في رمضان
حمدلله و الشكر
لاااااا حرام تذكرت بعد في السفر اييني مزاج الطباخ
و التسنع !!
عادي فطيم كلا تتسلط
تدرون متى بديت اطبخ مين ديش؟؟
قولو ماشاء الله مو اطيحوني من حيلي بعد !!
هههههههههههه
من 3 ابتدائي
اي والله
مو بيض عيون و جذي لا هذا خرابيط
اول طبخه سويتها بحياتي ما انساها كنت في العطله
الطويله بروح رابعه ابتدائي
سويت صينيه دياي و بطاط و طماط و جزر
و اذكر بعد لي الحين اشلووووون كل شي
و كانت الاكله حدها لذيذه تدرون ليش؟؟
لاني حطيت شكر بدال الملح!!!
اول غلط مطبخي هههههههه
اي والله كنت ياااااهل حدي
و عنونه
ما اطووول الجووله بس احط سحاره و اووقف عليها
بيييييييييه تذكرون السحاحير
لوووووووول
الله يرحمها يدتي الي تولت تعليمي و ادخالي للمطبخ من انا ياهل
و السبب ان كنت 24 ساعه احوس تحتها
مع ان كان في بنات في العايله من طقتي
بس انا على قولتها ابرد الجبد!!
وايد مدحت روووووووحي اليوم !
المهم الله يرحمها يدتي اهي الي اكتشفت هالموهبه و نمتها
على قولتهااا فيج نفس يدتج
عن ام ابوي الله يرحمهاااا
ياااااااااااااابعد قلبي يااااااااااايدتي
اتصدقوووووووووووووووووون محد كان متفخني الا اهي !!
يااااااااااروحي اذا سويتلها شااااااي
تخيلاااااااو شاي تقولي حتى شايج غير
اكيد لا غير و لا شي
بس الحب الحب
لذا الشييييييييييفه لوووووووير
عفوا الشيف لوير بدش وياكم المطبخ
راح ابدا معاكم تدرون بشنو؟؟
الحلقه الاولى
الشاي و القهوه
النوع الاول
لازم تعرفون ان الشاي لا على نوعيه الشاي
ولا على شي
على القياااااااس
الي يظبط القياس يصير فنان
الشاي اسويه بعده طرق
النوع الاول
شاي ربيع فله
مع شاي توينينج ايرل جراي
زعفران
اتيبون المطاره العاديه
و تغسلون مقدار قفشتين من شاي ربيع فله و تحطونهم بالمطاره
و تحطون قفشه شاي تونينج اي جراي هم الفله
بس بدون غسيل
و تحطون عليهم شوي زعفران
لان الزعفران الوايد راح يزيد المروره
طبعا بدون ما تشخلونهم ولا شي
و تخلونه ربع ساعه يتخدر و كل خمس دقايق تحركون المطاره
و بالهنا و الشفاا
**************
النوع الثاني من الشاي
شاي المنيس هم فله
تغسلونه و تطبخونه مع الماي المغلي
و تضيفون عليه
عود حبق ناشف
تلاقونه في كورنر عسل الشفاء في الجمعيه
جبق جاهز ناشف
الحبق تخلونه اخر شي
دقيقه و ينشششخل الشاي و يظاف بالمطاره
بدون زعفران
***********
النوع الثالث
القهوه العربيه
لاني من عشاقها
تشترون من الجمعيه بن قهوه عربيه شقره
جاهزة
و تحمسونه بالفرن
مجرد اتحطونه في ماعون تيفال
و تحركونه
و تكونون شابين الفرن الي فوق بس
الشوايه يعني
و تقلبون
و تراعون ان لا يحترق
بس يشووقر
و بعدين تطحنونه في مكينه القهوه
القياس
كل 3 قفاش كبار بن
عليها قفشه صغيره هيل
و بالمطحنه تنطحن
و طريقه الطبخ انا طريقتي غير
ما احب اطبخ الزعفران و لا الهيل
فمجرد احط 3 كواب ماي مغلي عليها فنيالين قهوه
و يطبخون 10 دقايق على نارد هايده حيل
و تحطون قفشه الهيل و الزعفران بالمطاره
ملاحظه : في ناس تحط عود مسمار بالمطاره
يعطي نكهه
انا ما احب المسمار
يخليها حاره على المعده
و عليكم بالعافيه
ادري بتقولون اشفيها لوير خرفت تعلمنا شاي و قهوه!!
بس صج حبيت ابدي فيهم والمرا اليايه بعلمكم
شي ثاني
تصبحون على خير
صوموا تصحوا

28 comments:

Mohammad Al-Yousifi said...

أبي

SHAHAD said...

أكيد أبي

Lollipop said...

Me 2 abii

الزين said...

شنو قاعدة تسوين بالمطبخ

شدعوة

هذا واحنا يران

تنقصي لي شوية يا حافظ

بس حطي بالج اذا بلح الشام مو تحرقينا
مالنا خلق يطلع يشبه براطم اللي بالي بالج

سكنهم بمساكنهم

واللهم اني سااائمة مثل ما قالت حليماااا


:))

فطيم سوي لي انفايت بليز
تعرفين ايميلي طبعا

صبا said...

اكيد ,,,,,

guevara said...

ما ابي وشكرا

Najmah said...

يالله علمييني الي سويتيه
ابي اسوي
نااااطرتج

:))

ايميلي
najmah-88@hotmail.com

why me said...

وانا ابي بعد

Eva said...

Wyahom
Evaspirit@hotmail.com : )

Anonymous said...

me to

mimi said...

add me please

msam83@gmail.com

kuwaitawy said...

وانا بعد

بدزلج الايميل بالايميل :)

Gee™ said...

ghadeer.86@gmail.com

enter-q8 said...

خو تعرفين ايميلي

لا و ربي اشن عليك حملة
و اطلع حرة المسلسلات الرمضانية
خصوصا مسلسل الملاقة البارونات

Anonymous said...

وانا بعد وياهم :)

عنصر وطني said...

انا ابي طريقة القيمات

اذا عندج عطيني اسويها
انا بره الكويت وابي اسويها
والله المستعان تضبط او لا

محـــــارة said...

لوير حبيبتي شهالتدلع بعد اكيد نبي نقرالج ضيفيني مادري شلون

وطريقتج بالقهوه نفسنا خو فينا عرج رياضي :)

وأنتي نفس حالاتي برمضان الحمد لله أحب ادش مطبخ ونفس حالتي أحب الوجبات الدسمه سوالف حلو ماحلو مو زود.. دوريني عند الموالح

وحلو منج أي شيء شاي قهوه لو صبت ماي بقلاس راضين

Amphibious said...

i'll send u the email
and i'll make some tea:)

قلب طفله said...

اكيد اكيد ابي :)

ما شاء الله عليج سنعه بالمطبخ

عساج تحوسين بمطبخج في بيت ريلج

يا لوير يا بنت امج و ابوج

تسلمين وايد ع القهوه و الجاي الفله

لاني الصج الصج ما اعرف اسويهم :S

بجربها و اونس اميمتي باجر

و بتدعي لج :))

Purplecious said...

و انا بعد وياكم

لوير

الله يهداج

شلووووووون جذي تعلمين الناس وصفاتج السرية؟؟

اذا خايفه انهم يضيعون او تنسينهم كتبيهم بورقه و لا دفتر و خشيهم عشان بعدين عقب عمر طويل احفادج يطيحون عليهم و بجذي تتوارثه الاجيال

لازم اعلمج شوي النحاسة

ههههههههههههههه

U-Turn said...

وانا بعد ابي

ما نقدر ما نتابع مدونتج :]

ويعطييج العافيه على هالقوه

وتسلم اييدج

الصراحه عيني علييج بارده
انا حدي توست وجبن :p

lulu said...

انا بعد فطووم معاكم:)

Kuwait said...

شكووو انفايت ؟؟
لازم سبب مقنع وتطرحين الإقتراح بجلسه سريه للتداول وبعدها يتم التصويت ;p
انا قهوه ماعرف اسوي لو تشرحين من اليوم لما باجر كلا فاشله :\
ودام انتي اتعرفين خلاص عليج القهوه وعلي الحلو ;p

mantovani said...

ضيفيني

بس علميني شلون ادش

لاني ما اعرف ادش مدونات انفايت

بست ريجاردز

مانتوفاني

frortdrum said...

thank you i'll pass

Tekana said...

يا سلااااام على الجاي المزعفر...حلو كل شي يكون بروفيشنال حتى الجاي والقهوه...تسلم الايادي

انا بعد وياهم ضيفيني بلييييز :)

lawyer said...

انشااااااااااء الله

كل الي طلبووووووووووو انفايت
راح اسوييييييييييييلكم



Faطma said...
me to


فاطمه
دزيلي ايميل على ايميلج
لان مو طالع عندي ان عندج بروفايل








كش ملك
احد موصييييييييييييييييييك علي !!
من اول يوم رمضان وانا اسوي في هاللقيمات ولا تضبط

بس بعطيك طريقه وحده تقول تضبط
بسسسسسسسس مو على مسؤليتي


ههههههه





بربل

بسسسسسسس خلاص السالفه لا فيها عيال و لا احفااااااااااااااد
هههههههههههه فاتبررررررع في العلم الي عندي
هههههههههههههههههههههه

اقصاه شاي






مانتوفاني
انشاء الله بعلمك

3bady said...

نايس .. بس ما اشرب لا جاي ولا قهوه

اتعرفين اتسوين مجبوس ؟ :P