Thursday, June 15, 2006

attaged by lyal

tagged by layal
افتح أقرب كتاب إليك، على الصّفحة 18، السّطر 4
الله يهداج يا ليال سؤال صعب تدرين ليش لاني انا قاعده في الصاله و ماكو يمي كتب فرحت لغرفتي و يبت اول كتاب طاحت عليه عيني
و كان على فراشي هذا الكتاب
للامل اجنحه يحط بها في الروح فيغني بلا كلمات و لا يتوقف عن العزف و الغناء
باستثناء صوت الكومبيوتر، أيّ صوتٍ تسمع؟
صوت امي تتكلم بالتلفون مع مرت اخوي تاخذ منها مقادير كيكه التفاح
و المذيعه في التلفزيون بقناه العربيه
و ازعاج تصفير الكاسكو
شفتي الهدوء الي انا فيييييييييه
...متى خرجت من المنزل للمرّة الأخيرة؟ ماذا كنت تفعل؟؟
امس بالليل
كنت رايحه اعتصام قناه نبيها تحالف
و كانت طلعه جدا ممتعه في الويك اند
بالضبط حسيت في خيبه امل لما تكون هذي طلعاتنا في الويك اند لهذي الدرجه
تغيرت الكويت
أيّ موقعٍ كنت تتصفّح؟
بلوج ساحه الصفاه و موقع
net-a- porter
قمه التناقض
ههههههههههههههه
للجانب اليمين في عقلي طلبات و الجانب اليسار في عقلي احكام
...متى آخر مرّة ضحكت؟ضحكت من الاعماق؟؟
اتصدقين قعدت افكر وايد
بس ما ذكرت
انا بطبعي كريكره اضحك وايد بس ضحك من الاعماق و من القلب و شغل دمووع
ما اذكر بسسسسسسسسسسس اكيد كان مع ريما او ناديا انزحا
ايييييييييييييييييه ذكرت ذكرت
مع ناديا بس السبب امتنع عنه لان الموضوع ما ينقال
...ماذا فوق جدران الغرفة حيث تجلس؟
ديكوور السقف و فتحات السنترال
...هل لاحظت شيئاً غريباً مؤخّراً؟
بلدي تغير
شعبي تغير
كل افكارنا تغيرت
ما رأيك في هذا الاختبار؟
بسيط ممتع لو كان في وقت مختلف كان راح يكون متعه
لكن الجد يغلب عليه
لاحساس غريب في داخلي
ما آخر فيلم شاهدته؟
walk in the line
عجيييييييييييب
ممتع
يونسسسسسس
اموت على الريال الي يستذبح على وحده
شي شي
صدقت نفسي انا
إذا أصبحت فاحش الثّراء، فماذا تشتري؟
كل شي بخاطري
بس بشرط يكون معاي ناس ممتعين
لان اي مكان من غير صحبه ممتعه يكون ظيييييييييم
...أخبرني شيئاً أجهله عنك.؟؟؟؟
انسانه اخاف من المجهول
...إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟
كل ما فكرت في شي يطلع يا سياسي
او احد المعاصي
فتغير اجتماعي يكون سياسي
او متعلق ب الدين و المعاصي
تغيير شغلات وايد بس مدري من وين ابدي
اغير بعض الاقدار بس ما ودي اتكلم فيها
لان اؤمن في حكمه الله في كل شي
جورج بوش؟
ابي جم بير بتروول منك
لو كان وليدك الأوّل صبيّاً، فماذا تسمّينه؟؟؟؟م
محمد او فهد
محمد لان ابوي سماني فاطمه على بنت الرسول صلى الله عليه و سلم فدائما يسموني ام محمد من صغري
فهد لان اهوووووووووووو حبيبي و اخووووووووووي و اغلى شي عندي في هالدنيا
تفكّر يوماً في العيش بالخارج؟
وايد وايد وايد
و جربت ادرس برا
و لما رجعت الكويت لاعت جبدي
انا ما احب اعيش بين مجتمع متناقض مثل مجتمعنا
كل شي عيب و مو عيب
كل شي فشله و مو فشله
الحلال حرام و الحرام حلال
تناقض تناقض
و اتذكر مقوله شارل ديجول الشهيره
لا العداوه تدوم و لا المحبه تدوم ما يدوم هو المصالح
ماذا تتصوّر أن يقول لك الله عندما تقف بين يديه؟
الله يسامحج على هالسؤال
شي يتعبني نفسيا
انا عند حسن ظن عبدي بي
شكرا لج لياااااااااااااااااااااااااال

12 comments:

mishal said...

على اي قناة اللقاء هذا

:)

ماعندي شي بس حبيت اقول مساء الخير

Яeema said...

mishal!
مساء الخير بس حق رفيجتي!؛
و أنا داخل البلوق عندي تتهاوش

إنزييين مسني بالخير بعدين تهاوش
هاهاهاهاها

و بعدين مو أنا سبب إنك عرفت البلوق !؛
لازم إتسير علينا كل يوم و إتصير من ربعنا

حياك الله في أي مكان

ما جاوبتنا؟؟
شنو الشي إللي إطلبة منك رفيجك و نزلت بسرعة و سكرت الباب علي الشغالة

دير بالك محنا إمخلين الموضوع يعدي علي خير

Яeema said...

lawyer

أنا بعد ضحكت علي الموضوع إللي ما ينقال

هاهاهاهاهاها

إذا الوالدة سوت الكيكة الله يعافيج عزميني آكل الكيكة و أشرب القهوة عندكم
تدرين صيف و ماكو شغل

mishal said...
This comment has been removed by a blog administrator.
mishal said...

هههههههههههههه

هلا ريما
مساء النور والسرور واللؤلؤ المنثور
شدعوه
والله قاعد اقرأ في بلوقج من دخلت النت
كنت قاعد اشوف المواضيع اللي طافتني

وبعدين فطوومه
يقولون انها صاكه بنت ببطل عشان جذي نخاف منها
اما انتي يقولون طيبه واللي يتهاوش معاج ماينطق

********
الله واكبر عليكم
مانسيتوا

بغيب شهر عشان هالسالفه تضيع

lawyer said...

هههههههههههههههههههههههه
هههههههههههههههه

مشعل موتني من الضحك
مساك ربي بالنور

لألألألألألأ من قال نسينا

ولييييييين اشدراك اني اطق البنات .؟؟
لا تطلع علي اشاعات بليز لاني احتاج هاليومين سمعه طيبه للزواج

كلش مو ناقصه
خبرك طالعه علي اشاعه مو طيبه
اني مهاوشجيه
ووحيده امي و ابوي يعني دلوعه
و ملسونه و وايد مواصفات اتنحش العمي عني


بسسسسسسسسسسس الله كريم
فلا تفتن على احد بيني و بينك سر


ريمااا

حياتي انتي
افا عليج عوافي
سوينا الكيكه اليوم بنوديها حق بيت ييرانا
كل الناس يفرحون في النقصه
الا امي يضيق خلها لانها لازم ترد شي وايد حلو
فلازم تفنتق شغلات
تكششششششششخ فيها عند الييران

PearL said...
This comment has been removed by a blog administrator.
PearL said...

هاي لوير
شلونج

ترى مافهمت ولا شي من البوست

lawyer said...

بيرل

حبيبتي
هذي مجموعه من الاسأله
تحتاج اجوبه

الاسأله مو مني الاسأله من الاخت ليال
عشان انا اجاوب عليها

يعني اتاج من ليال
تكون مختارتني انا و مجموعه من الناس
ان يحطون الاسأله في بلوجاتهم و يجابون عليها

3ateeja said...

قاعده اقرى السؤال واجاوبه بيني وبين نفسي
تالي اقرى جوابج
كان جوابي نفس جوابج يوم تقولين فتحات السنترال
هههههههههههههههه

qalm-jaf said...

لوير فى سؤال نسيتي تجابين عليه
س / متــى آخر مره (زوعتي) بغرفة النوم؟؟؟
ههههههههههههه
السموحه مو قصدر اضايقج بس لازم تجاوبين
(:
--------------
كل عام وانت تضحكين ومستانسه بمناسبة عيدك البلوقي
(:

layal said...

مشكوره لوير علي الاجوبه وعساج علي القوه