Thursday, November 09, 2006

جريمه في حق الموضه ..جريمه في حق الذوق العام

جريمه في حق الموضه

جريمه في حق المجتمع
جريمه في حق الذوق العام

انا في هالبوست مو قصدي اتطنز على الناس
او على بعض المجريمين
لألألأ

انا اهني اتكلم عن مشكله ازليه عجيبه

قبل ايام السبعينات و الثمانينات كان اللبس

يأتي من مصممين
يعني ما يتدخل فيه احد
الحين الي صاير الكل قصب مسوي نفسه مصمم

يا ناس التخصص شي حلو

ياناس المسخره الي تصير جريمه
والله جريمه


يعني الحين في مكان العمل

قامو البنات يلبسون لبس جريمه في حق الرياييل

اشذمبه الريال يشوف جذي من الصبح


عشان افصل المهزله
لازم اقيمها من عده نواحي

فئه المتحجبات

خواتي لازم تقتنعون في الحقيقه المره انكم متحجبات
ليش اتناضلون قصب في انكم تتطفلون على لبس السفور

اختي انتي متحجبه

يعني لبسي لبس محتشم !!
ليش متحجبه و لابسه بنطلون ضيج و بدي و قصير

هالمكوه ليش طالعه

الرقبه ليش طالعه

ليش تلبسين بلوزه نص جم و تحتها بدي جم طويل
مووووو قصب هالبلوزه

من قالج تلبسين 30 لون مرا وحده

بدي قميص
تنوره قصيره و تحتها جينز
6 قطع !!! للدوام

شي متعب


فئه العباءه


يا بنات ترا العبايه الغرض منها الستر

متى ماكانت ضيجه و مخصره انتفى عامل الستر

انتو تلبسون العبات ليش؟؟
عشان التوفير

مالكم خلق كل يوم بدله

اذا مالكم خلق و عشان ما تبون تخسرون كل يوم بدله
مو مشكلتنا اداوموون في عبايه تسحب مترين وراج
خامه الطريج

و ليش الالوان الفاقعه
و ليشششششش الدانتيل

و ليششششششش الموديلات الي عافسه الدنيا

الرجاء احترام عيون الناس
و احترام الذوق العام

يعني دينه لابسه عبايه !!
كلها فصوص
ضيجه
مخصره
مكياج اوفر !!

فئه السفور

ليش ما صار هناك تخصص
لو سمحتي
البنطلون الضيج
و البدي الجابنيز
و الليجنج الابيض الي يشف كل ريولج

ليشششششش

صاروا يلبسون الترينينج في الدوامات ليشششششش!!

و هابين في النفانيف القصيره الي كت و تلبس تحتها بلوزه و ما تصلح لان
الكرش يخرع
و الزند افظع
و اخر شي مو مال دوام

اختي حبيبتي

النفنوف هذا يبيله خصر

اللبس القصد منه ستر عيوب الجسم
ليشششششششش

تلبسيييييين شي يطلع زغاديد الزمن

ليششششششش الثقه


من ويييييييين الثقه تكفون علموني من وين !!؟

كلمه اخيره

الي كل قصابه
عفوا الي كل مو راضيه بحكم القدر

و قصب تلبس الحزام الموضه الي يتك على الجبد

الحزاام الي ينلبس في المعده
له شروووووط

و شروط قاسيه للبسسسسس

بس اشوف الكل يلبسه

بنات الحمايل الكرام
لا ترتكبون جريمه في حق الموضه
و لا جريمه في حق الشباب الي حاطينا مطنزه

و عندي سؤال
من وين شارين المنظره الي تخفي العيوب ؟؟

45 comments:

Charisma said...

هههههههههههههههههههههههههههه
ههههههههههههههههههههههههههههههه
هههههههههههههههههههههههههههههه
موتينى ضحك فطيييييييييييييييم
لووووووووووووووووووووووووووووول
لا حول الله ولا قوة الا بالله

يقولج الثقه اساس الجماعه
مقطعتهم الثقه

هاااو افطيم نسيتى سالفة كيفى كيفى احب هالوسع
لول
البنت سمنتها مسكينه من فوق ولابسه جاكييت امفزره لو تحرك ايدها بينشق
قتلها يا حبيبتى اكو منه مقاس اكبر جان خذيتاى
جان تقولى كيفى انا احب هالوسع
لوول تقولى وسع مستوعبه فطومه
يعنى الود ودها اضيج من جذى
لوول

مساكين
فى ناس هبال وفى ناس هذا حد ذوقهم

مو عن شى بس انا البس لبس موريح مو لبس يعذبنى وتاكنى مانى معبره اتحرك
يا ساتر

واى الدوام الدوام فطوم مراى دوامنا وشوفى
كل الفئات موجوده الحين عندنا
والله قمنا نستاثم فيهم


عاد امس انا داشه عليكم اتحلطم على حزام بو جبد لووووووووووووول
متى البسه :(

Charisma said...

الثقه اساس الجمال

PearL said...

بدعتي

:):)

صح صح صح

معاج حق

بكل شي

خصوصا فئة المتحجبات
ليش الضيج والقصير !!!!!
ولا الحين هابين يبلسون كاب فوقه شيلة
ليش يا يمه

!!

q8-diver said...

الموضوع يخص الحريم
لكن بما أني متأذي من اللي مطّر أشوفه من هالهيلق كل يوم برد على الموضوع

- أكثر شي يقثني و يلوع جبدي لي رحت أي مطعم و إلا وحده يمي
مو عارفه تقعد كلدقيقه متعدله على الكرسي و تعدل البلوزه

الأخت لابسه بلوزه قصيره و((( طالع شغلها كله من ورا ))) !!!!


- ولا وحده لابسه بلوزه طالع ثلاث أرباع صدرها لدرجة أن مبين (( حد البكيني )) اللي كانت تتشمس فيه الصيف اللي طاف !!!!!

Cr8ivia said...

LOL
la la sij mit the7ek 3ala ur post u gave me a good break (:

كلهم بكوووم و اللي متحجبه او ومطلعه رقبتها جنه حجاب المصاروة !!
و اللي مطلعه اذانها مشنتحه لنا و الترجيه لي جتفها !
شهالحجاب؟؟
شحقه متحجبييييييين !! رحموا الحجاب والله حرام مو حجاب هذا

طبعا اللي تنورة قصيره و تحتها بنطلون يبيلهم تسطر
و اللي كرشتها تقولين حامل بتوم و لابسة بدي مصفط لنا الكرشة 16 الف صفطه
واي يامن يعطيني ربع ثقتهم!

المشكله مو بس مأذين عمارهم .. يجرحون عيونا بهالمناظر !

اشوة ان 85% من اللي وياي رياييل و البنات سنعين ما اشوف هالمناظر بالدوام
بس برا حدث و لا حرج

والله لو يسوون لنا لبس نفس الرياييل و دشداشة و غتره و عقال و و نقتنع كلنا فيه و شزينه ابرك لنا

Q8LoVeR said...

التفصع فنون
التصنقح له اشكال ومليون لون
مرض (شوفوني) متفشي في ارجاء المجتمع
وكل هذه المخلوقات الي ذكرتيها محاميتنا
يبيلها (بفباف) خاص تصفهم وترشهم كلهم

لانهم يخربون الذوق ويصدعون الراس
واللون الي يلبسونه جنه لون الحرس الجمهوري مكتوت عليه ماي

الميك اب هاوش ماكله الحمره اكل

ودك تكمل الاكل الي بيدك تيك تطلب منك ملف من الحارج الي حاشك وعوار البطن الي ياك لما شفتها عبالها انت معجب
فماعليه بفباف حل والعصايه مالت الذبان هم تمام

uTMoST said...

اشكرج وااااااااييد
اتصدقين اللي ايحر اكثر شي المتحجبات . تدرين ليش؟ لأن اللحين كلمن عذره شفتو ان المتحجبات صاروا اردي ؟ و صج مايشجعون ان غير المتحجبه اتحجب
زليون بدي و زليون لون جنه الستايل و الذوق مايي إألا 3 الوان مو اقل

و ترى السنعين انا ماشوفهم يطلعون ارقابهم بس المشكله في التصرصر و الجم اللي شوي اطول من ال 3 ارباع
و القمصان القصار جداً جداً بس يعني بنطلون شوي وسيع !

طبعاً انا اتكلم عن فئتي عشان ما اظلم احد ;P
و الله يستر علينا كلنا
سوري على الطواله :)

snowflake said...

لووووووووووووووووول صاجه
لوووووووووووول بموت من الضحك

ساعات إيني شعور ودي أوديهم السوق و أتسوق عنهمو أقولهم شيلبسون و شمايلبسون يحررووووون
يربي ماكو منظره بالبيت؟
لا واللي تلبسلج بدي ضيييييج و الكرشه ناطه... الله يلوع جبودهم شهالمنظر!!!

لا و على طاري المتحجبات بعد يايج الشتا قريب يالله من فضلك
البنطلون 3/4 و بوت طويييل يعني ريولهم ما تبين!!!
و التنوره قصيره مع الحجاب و بوت طول..
أفهم ليش الحجاب بعد!!

بعد في نقطة ما تطرقتيلها ؟؟
حجاب بو ترجيه
لازم يشترون تراجي طواال و يطلعون من الحجاب على جنب واحد

المفروض الحكومة توزع مناظر حاله حال الكهربا و الماي
حفاظا على الصوره العامة للبلد

The Simper said...

LOOOOOOOOOOOOOL.. hehehehehe.. 3ad ams i was out with a friend o kina bas 6naza 3ala el loooya eli kanat jidaaami wala.. ma7ib at6anaz.. bas shasaweee hehehehe

all the clothes were saying to us.. PLZZZZZZZZZZ SAY SOMETHING ABOUT US! hehehehe ;)

one question.. is the breast belt the same as the regular waist belt? or ako shay gheer bil desing? ;) ams shift wa7da labsita eb nis jisim ha! madri laaaaaaaaaaaaaish!!! hehehe

Яeema said...

cardigan
و ما أدراك ما
cardigan


هذا مصممينه عشان يبين حفرة الخصر

بس منو إللي طايحين فيه طيحه؟

ربعنا
يا إختي والله مالج موديل لابسته
الخصر مو غصب بتطلعونه!!!


للرجال إللي ما يعرفونه دور عليه بقوقل
هههههههههههههه


أضم صوتي لجميع المعلقين بالجرائم المرتكبه بحق الموضه



طبعا بالسوق نمايم
و في الدوام و من الساعه 7 الصبح نمونه ناثيه


و نماين إللي يلبسون من المعارض هذيله بكوم



أنا ما أواطن أشوف وحدة متينه و خفسة السر طالعة!!!!!؛

وييييييييييييييييع إشتبين إنتي!؛

ضعفي و إنشاء الله إتمشين ببكيني


و الله العظيم ليه خذيت إجازه تخف ذنوبي

واااااااي ما أقدر



أكو نوه من الأقطان إللي لضعيفه يادووووب تلبسه

لييش؟؟

لأن ما يضب الجسم مو مثل الجينز ، فتلاقين كا ما منها يهز و إهيا تمشي !!!؛


و إللي اللي ورا إشكبرها و لابسه تنورة كلووووش

و كل ما منها يسحب وراها


يعني ما أدري علي كثر القز بالكويت أتعب شويه علي لبسي بدال الترزز بهالقهاوي و المطاعم

أتمشي و أدور إللي يناسبني


واااااي ضحكتيني

lawyer said...

كيتي

اهم شيييييييييييي احب هالوسع
ضيج بينششششششج

هالوسع!!


عيل المخصر اشلون قايل !

خضر حمر




بيرل
مووووووو مني مبدعه

من الي الهوايل الظيم الي اشوفها

موديلات
انزين دامج ما تحبين الحجاب ليش تتحجبين و تلبسين طاقيه مدري اشلون صايره و تقول كبوووووووس!!




دايفر
اخذ راحتك من حقك
لانهم عمووووووو عيونكم هالبنات في امناظر المخله للاداب بهالي يلبسووووونه

ايييييييي
يا دايفر
كريم كلارنس غالي
و المايووه لابيرلا غالي

و طاقه درب شرم الشيخ
و قاطه على التذكره و الفندق
التشمس و خط الصدر و التاان
مكلفها فوق الالف دينااار

لازم تورييييييين الناس

lawyer said...

cra8via

يامعوده اشوه ما تلوع جبدج من المناظر من صباح الله خير

عمىىىىىىىىىىىىىىى بعين هالكروش الي تفشششششل

انا اشوفها استحي
ماودي ريال يطالعها
اخاف يحسبنا كلنا جذي!!




كويت لوفر
لوووووووووووول

اهم شي عبالها انك متنح
و انت منصصصصصصدم
هاههاهااهاهاهاهاهاهاههاه

واي الله لا يحطني في هالموقف



UTMOST
ايييييييي والله صاجه

اشفيها التنوره الجينز المرتبه و القميص
و الملفع البسيييط
اشفييييه الالوان الفاتحه

النزاااااكه حلوه
ليش التهووووول
ليششششششششش

NewMe said...

لووووووووووووووول
هذيل يحتاجون فاشن بوليس
يوقفهم عند حدهم
لاني متينه اعترف في ملابس ما تليق علينا
واذا حدج خاطرج فيها
لها مكانها بس اكيد مو الدوام
اما الفئات السالفة الذكر وبالذات
اصحاب التقليعات اليديده والمنافسة العتيده
والهجوم الكاسح على صاحبات
البدل اللي من ٦ قطع وطالع
فهذيل حدث ولا حرج
انا اقول لابد من تشكيل هيئة لضبط التجاوزات
في التنسيق العشوائي للالبسه ليست ذات العلاقة
والالوان التي تضر النظر وتؤدي الى قصور او اعاقة
ارحمونا من هالخلاقين واللي ايعافيكم

بس فطيم
ترى ما أظن عندهم مناظر خير شر
لاني استبعد انهم شافو روحهم قبل لا يطلعون من البيت
يا حلوج ويا حلو مواضيعج
دومي بحب
تحياتي

nachla said...

dear i dont know why but u remind me of samantha - sex and the city-
يا حلوة شنقول اذا انتقدنا قالولنا انتو مو حجبات ودعو الخلق للخالق ،والله حياة الفهد يوم ترقص في عرس بومبارك ويا دراعتها الزري احلا الف مرة من عوار الراس اللي قاعد نشوفه ونستحمله كل يوم

وتكفا شسالفة الهيلاهوب البايخ من تحت النفنوف يبا عيب ما يصلح
انتو مو عالرن واي

صج لي قالو عتيج الصوف ولا يديد البريسم وياهويله تهولي قالت ماني مبجية

بنت الشامية said...

إختي العزيزة واصلي دعوة ولا تتنازلين عنها ونضم اصواتنا كلنا انا وزوجي وعيالي معاك ما ادري شنو صار في الناس انعمت عيونها وتخيطت حلوجها ما حد يتكلم ويقول حق بنته او اخته او مرته سنعي اهدومك او غيري اللي لبسته او وسعي من ضيق اهدومك او غطي صدرك
اعتقد تقوم القيامه اذا تجراء وتكلم احد...............عورتنا عيونا وقلوبنا...............وبعد نسيت اذكر ك لا تنسين المكياج خليهم يخففون الالون في ويوهم شنها لوحات رسمها فنان فاشل

White Wings said...

كأن أيام الثمانينات، الألون فظيعة والتهويل عنوان الفترة
بس ميخالف، زين حق الضحك
:)

Mamloo7a Q8ia said...

والله لوعوا جبودنا بهالثقه الزايده انا اليوم طالعه مع صديقتي بس قاعده واستغفر ربي على النماين اللي تمر جدامي
ياهويله تهولي باللبس والمكياج والتسريحه كاملين والكامل ربي ونسبة التصرصر والفساخه زايده والمحجبات اللي مو قادرين يتقبلون حجابهم حاطين لهم مكياج تقولين متنكرين من كثر الكميات والبلوزه للاسف ما تغطي ولا تستر والله يستر علينا وعليكم بستره ويهدي المهولين بعمرهم

lawyer said...

snow
لوووووووووول

يا معوده لا نوديهم السووووق

محنا مكلفين في الناس
على الاقل خيلبسون الي في الفاترينه

يخلون احد يساعدهم
يحشمووووووون الجسم شوي




simper

لااااااا سمبر هذا غير و هذا غير
حزان الجبد غير
و حزام الخصر غير
بسسسسسسس
بناتنا يالله من فظلك
كل شي يقزرون فيه



ريما
لووووووووووووووووووووول

واي مت ضحك
على نماين الدوام و السوق

انا فجيت عيني هذاك اليوم من الساعه 7 في ستاربكس الكنيسه البنااااات

اهوال و احوال

lawyer said...

newme
لووووووووووول من وين مطلعتها فاشن بوليس!

لوووووووووول

ارحمونا من الخلاقيييين

اي والله صاجه

اتهقين يعني عندهم ثقه كلوديا شيفر
الي تقول انا ماشوف عمري بالمنظره

هههههههههههه


nachla
حياج الله نورتي
ههههههههههه

الكل يشبهني في سمانثا
حبيبتي هذي
مربيه الاجيال الفاضله

ايييييييي والله
يا هويله تهولي
البلوه انهم مو مقتنعين

يا حلااااااااااات حياه الفهد
طبيعيه


هناااااااااااااك فرق ما بين الخلاجين
و التهول و البساطه




بنت الشاميه
يختي شسوووووووي

منااظر مقززه من الصبح
في اللليل
الششششششعر باف و تسريحه رايحه السوق و مكياج كامل

انا الي اعرفه الي يروح السوق يلبس شي مريح
بدون مكياج
عشان بسرعه بسرعه يقيس هدوم
و ما يوصخ الملابس

و اذا رايحين السوق حق القهاوي و السينما
احترم الذوق العام
والله العظيم انا امس في القهوه
و وحده متحجبه لابسه تنوره
مستره
و لبسها سنع

طافت من جدامي التنوره لو ويست صروالها مبين
!!

صروالها قطن و شكلها سنعه فقلت اتليقف و اقولها
لما صرت يمها قلت لها لو سمحتي
الاندر وير طالع من ورا
بصوت واطي و محد حس عشان ما احرجها
عطتني نظره
ههههههههههههههههههه


قلت انا شمنطقني

lawyer said...

وايت وينج
الوان فظيعه
بسسسسس مستره
كانت البنت تلبس بدلات طقم
من العثمان و بنت العشرين

و محلات بدلات كامله
ماكو بديات و خلاقييييييين




مملوحه
امييييييييين
يا رب
يختج صارت طلعتنا اثام
انا و رفيجاتي
انتصدد و انسوووولف عن اشياء ثانيه
بس مرات شي غصب عنج

sOulvOice said...

لوير مرة كنت بالشامية مول ودشت ذيج المصرقعه امطلعة قذيلةو لابسه توب ودلاغ اصفر وبرمودة بيضة



خلي كل التعوق اللي فوووق بس شخباااااري القذلة


يا امي شغل شلءءء لحد يقص عليج,,المتحجبة اعتقد لازم تلتزم بإطار الشكل العام للحجاب يعني للامانة انا احب الضيج بس اللي مايلفت مادري اذا فهمتي قصدي بس اكو بنات من تقعد من النوم راسها والف سيف تلبس الشي الفلاني حتى لو مايلووقلها

الشيلة الحمرة والفوشية وكسارالعيون نووو

عرووسة الموولد نوووو



السفور ماعليهم ضوابط كثر المتحجبات بس مثلا مو ضروري انشووف خطوط الريجيم




ونصيحة عامة المخصر واظهار المفاتن للاوزان من 57 ونازل رجاءاااا




شي ثاني


من قال الحواجب الجاينيز يصلحون للكل؟؟

الويه قنجةةةة والحاجب طاير


ينيةةةةةة



مشكلة بناتناالركضة ورى الفاشن والتقليد الاعمى حتى لو مايلووقلهم



الا في شغله امحيرتني الحين اللي ماعندها ذوق ولبسها يهد اهلها هم ماعندهم ذووق؟؟ رفيجاتها؟؟ صاحبها ولا ريلها هم ماكوو ذووق ماينصحونهم

EndishMendish!! said...

LooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooL!!!!!
YESLAM BO2EK is all what i can say :P!
finally a7ad tekalam.. ana kela agool 9ayreen el qwaityaat bs yabeen eyfantegooon ,, ya mama el tefenteg '3aar 3an el HALAGA!!
shy mo 6abeee3i ! mafrooth ely ma t3arf just stick to simple o ely motaa3arf 3aleeeh ! al-waaan o ga9aaat o m2saaaat wallah !

arwa said...

ههههههههههههههههههههه
من جد جريمه ويستحقون العقاب عليها بعد
ههههههههههههههههههه
الله يسعدك

kuwaitia said...

ههههههههههه ضحكتينى والله بس صح كلامج مادري من وين ياييبين هالثقه الي امطلعتى الكرش زولا الزنزد اتلوع الجبد واللبس كلش مو لايق يعنى والله عيب يفشلون بصراحه :)))

موضوع ممتاز

snowflake said...
This comment has been removed by a blog administrator.
snowflake said...

ياحسرتنا تصدقين اليوم رحت المارينا
و مروا علي كل النماين اللي في بوستج +اللي بالتعليقات

تصدقين من كثر مت نشوف هالأشكال قام يصير وجودهم شي عادي و ما قامت تطير بوهتي من الصدمه

ياحسرتناااا عيوننا تلوثت و قامت ما تميز

يا لهويييييي
@@

و هم في ظاهرة يديده...
حجاب بو قببه
الله يسلمج أكيد مروا عليج
يقولون يحطون داخل الحجاب قوطي روب أو شباصه أم ورده عوده مات أول
و يقولون بعد لها معاني إذا القبه من فوق يعني متزوجه و إذا نازله يعني مو متزوجه أو العكس والله مادري..

والله هذاك اليوم شفت وحده الظاهر ما لقت قوطي روب جان تخمط كوشية من قنفة الصاله الظاهر و تحطها على راسها
أو يمكن بعد مو كوشية .. أعتقد مخده

qalm-jaf said...

ياصاجه وياصاجه ماصدقتي صاجه
هههههههههههههه
فى وحده بالدوام تلبس حجاب وتراجي كبار اشلون مدرى اظاهر امسويه فتحه بالحجاب
(:
فى محاميه كانت لبسه برموده خلصت معاملتها وراحت زميلاتي قالولي هذي ماتستحي قلتلهم ليش ؟؟
ماشفت شنو لبسه؟
قلت بلى برموده عادى اشفيها
قالو لا مو برموده (( بيجامه))؟
هههههههههههههههه
تخيلى رايحه الدوام فى بيجامه على شكل برموده
قلتلهم حراااااام مسكينه يمكن تأخرت على الجلسه وبسرعه بسرعه اصبغت وجها وجت ونست انها لابسه بيجامه
(:
---------
المشكه ليست هنا المشكله ان المرأه الكويتيه تتريق الصبح صمونة ((مرق))؟ وعليها دقوس

طائر بلا وطن said...

^
^

و فوقها طحينة

Q8LoVeR said...

^
ولا تنسى الكتشب مع شوي مو وايد شوي ميونيز عشان لايخرب التيست

وياجماعه الشاذي بعين امه غزال

وعلى طاري القبب الي فوق الراس هذي معناها انا شعري طويل
ولنا تشوف الصجيه كشه مو مشطته ومقصوص غلط

طائر بلا وطن said...

^
^

صار تشريب

Diver said...

صح السانج
صح السانج
صح السانج
صح السانج
صح السانج
صح السانج
صح السانج

lawyer said...

soulvoice
هههههههههههههههه

هذولا الاشكال اسميهم انطونيلا

احمر اصفير تركواز
يعدين تقولج شريتي فوج ماجازين !!

اموووووت ابرك

هههههههههههههههههه

اي بليييييييز فوق ال 57 لا يعتقدون انهم عارضاااااات

و يتفصخوووووووون




اندش مندش
لووووووووووول

هناك خط فاصل رفيع المدى
غزييييير المعاني
ما بين
الهلاقه و الفنتق

يااااااااا زين كاري براد شوووو اذا تفنتقدت مو بناتنا




اروى
امين و يسعدج يا رب دنيا و اخره

lawyer said...

كويتيه
مشكوووووره عمري

والله مو مني مطلعه هالموضوع من المآسي الي اخدشت انظارنا



سنو
وي
وي
وي
وي
ياحسرررررررره قلبي

التلوث حاششششج
لألألألألألألألأ بلييييز

غسيل عيون ظروري

اييييييي
بنت خالتي تقول جدامها في حمام المارينا
فجت وحده ملفعها
و شات قوطي الروب عدلته
و تقوووووووولي يا فطيم شعرها خفيف نتفه
و الي يشوووووف القوطي عباله كبتها!!

lawyer said...

قلم جاف +طائر بلا وطن + كويت لوفر

ههههههههههههههههههههههه

لمييييييت عليكم بنات الحاره كلهم
عشاااااان يشوفون بام عينهم
اشلوووووووون الشباب يتطنزووووووون

و مسوينا مسخره
يضحكون علينا




هههههههههههههههههههه

فقاره هالبنات مهولين في عمرهم عبالهم الشباااااااااب مستانسين عليهم

و لكن ظهر الحق

مسخره مسخره
تهزززززززززززززأت البنات
ههههههههههههههههه



واي مت ضحك على التشريبه
مو لايق ستايل و تترق بطاط و فلافل

lawyer said...

دايفر

تسلممممممممم :)))))

sologa-bologa said...

موضوع نسائي
مو من حقي اعلق عليه

:p

اللي البنات قاموا يتحجبون علشان الموضة مو الستر

نون النساء said...

فطووم

@@

هاذي غسلة شراااع عدددددله
ههههههههههههههههههههه

كل الفئات ما اسلمو من النقد

بس والله صااجة صاااااجه


هي عباية
هي متحجبة
هي سفور

احترموا شي اسمه الذوووق العااام
كرشتج ناطة شبرين جدامج

غير الكرشة اللي ورى
اشماااااااله الضيق

ربنا موسعها عليكوووو انتو تضيئووها ليييييه

على بوو إنه كشخخخخخخخه
ماقول غير مااالت
انزين

Purplecious said...

Hiii sara7a mawthooo3ich 3ajeeeb o estamta3 bel ta3leqat waaay met min ethe7ik 3alehm.. astaghfr alah alahoma la tablenaaaaa el7amdelah wel sheker..

7bebty 7abait a3zimich 3ala efteta7 blogy ;p

7ayach alah o mabrook 3alech elja'eza feztay bel markaz 6 hehehehe..

tweety said...

لووووووووووووووول

بدعتي زين اتسوين فيهم والله

ياناس ترى اللبس الهدف منه اظهار من يلبسه بشكل جميل مو التركيز على اللبس نفسه على حساب اللابس , اتضحكون الاوادم عليكم في ناس الجينز مو حلو عليهم يلوق لهم الكلاسيك أكثر في ناس لأ الكاجوال أكثر يعني شوفي شيب الجسم على العمر على المكان اللي رايحتله بعدين لبسي
البساطة انتهت ماتشوفين وحدة لابسة تنورة وبلوزة ناعمة أبدا لازم عشرين شغلة اللي مشققه واللي تسحب واللي مدندلة , والا شنو بالله تنورة تحتها بنطلون ! والا شيلة لافتها جنها عمامة !! والا الكبة بقمة الراس

اتصدقين يا لوير لأني ما احب هالسوالف
يقولون رفيجاتي لبسج يعطيج مظهر أكبر من عمرج
ياربي مااعرف ما تعودت على التهلق لازم يكون اللبس متناسق مو ترقع على بو الناس جذي بلبسون !!

انا بسوي جمعية حقوق الالوان لأن مايجوز تنلبس الوان مو متناسقة تضر عيوننا

اما سالفة العباة اللي تسحب مترين عجيبة حاجزة الشارع الاخت

the tooth.fairy said...

LOOOL

يبيلي update

ابي اشوف

كلامج صحيح 100% والناس اللي قاموا يعيبون المشكلة يقلدون

احلى شي ان آنا بعيدة عن الموضة مارجع الا مرتين بالسنة لمدة اسبوعين ثلاثة بالكثير

ف يكون عندي
lag بالتماشي مع الموضة

ومع حالتي يصلح الكلاسيك

:P

بس سؤالي .. الكل يعيب عالكل
هل هذا معناته ان اهوا خالي من العيوب اللي تتعلق بالموضة؟

يعني هل تعتقدين ان الناس مايعلقون على لبسج مثلا؟

لوووووووول مادري ليش احب اسأل اسألة اتطفر

بس لأنه وايد من رفيجاتي يعيبون على "ضحايا الموضة" واللي تعيب اهيا ضحية بدون ما تدري ..

barrak said...

الموضى صارت فوضه

albandry said...

ووواااييي فطيم مشكورة على هالبوست الفلة

المشكلة بالكويت
انه كل وحدة تبي تتفنتق
وكل فنتق عبالها حلو بعينها
اذا اهوا لون فاقع قالتلج انا اول من بيلبسه وبتشوفين

واذا متحجبة حطت وردة بحجابها وقالت انا اول من بيلبسه وبتشوفين شلون كلمن بيقلدني
وحجاب المصاروة حدث ولا حرج عنه وعن فناتقه

والسفور عاد زادو سفورا حتى المحلات تغيرت هدومها


اناوحدة ماحب سالفة نص جم وينلبس تحته بودي ضيج جم طويل
واللا لابسة تنورة فوق بنطلون ضيج او ستين الف بلوزة وجاكيته مربوطة عالخصر تغطي المكوة
يا هكا ياهكا



وانتي يالجبي جبي والمتروسة والمتينة
يا تضعفين وتلبسين مثل ماتبين ياتلبسين شي يستر سمنتج وزنودج ومكوتج وديودج منظر والله مو حلو لو تحطين نفسج مكان الناس اللي يطالعونج


وسلامتج فطومة
مرس يا ألبي

نون النساء said...

انا اتبع فئة العبايات
صج اني أدور على الموديلات الحلوة فيها
بس عاد تكون مقبولة للعين والذوق العام
بس سالفه ضيجة هاذي

ما أقدر عليها لوووووووووووول
فششله
الوحده اتصير لابسه من غير هدوم
عاد صج واخزيااه

neelaah said...

صرااااااااااااااااحه

بدعتي


المشكله انه الناس ما تلبس اللي يشبهها

تلبس اللي يشبهه غيرها

علشان جذي الكويتيات صاروا كلهم يتشابهون

على قوله طاش

كلهم طقتن وحده

نفس التسريحه نفس الصبغه نفس المكياج نفس اللبس نفس الخلقه

نادر ما تلاقين احد يشبهه روحه

Krakatoa said...

انا اسمع كلامكم بس ماني فاهم شي من هالمصطلحات اللي تفضلو بعض الخوات فيهم

صحيح اني متزوج بس ام العيال ما تسولفلي عن هالحركات ولا انا اسألها شنو هالموديل او شنو اخر التقليعات

فأنا في هالموضوع

so oblivious