Sunday, November 19, 2006

السعاده ..الراحه..احلى شي في هالدنيا



راحه البال تنشرا في الملايين
كلمه دايما نسمعها من اهلنا او الكبار
من فقدوا هذا الشعور نتيجه انشغالهم باعمالهم
و الحياه و الامور اليوميه
في الفتره انشغلت وايد
تعبت نفسيا لان ماعندي وقت اقعد مع نفسي
دوام
التزامات اجتماعيه
استقبالات
طلعات
وناسه
مواعده فلانه و فلانه
و ووايد ناس اعتذرت منهم
يخليني احس بالضغوط
عرفت اني انا انسانه ما اقدر اطلع جم يوم را بعض
صج اتعب نفسيا
مو سالفه كسلانه
لألأ السالفه كل انسان بحاجه الى الراحه
مرات يكون التنفيس عن النفس بالراحه
مو بالطلعه و الوناسه
خصوصا هالايام نقول بنطلع عشان نغير جو
نتنكد و انرد
بوستي هذا ابوح في لنفسي
ان متعتي في داري
في فراشي
في بيتي
في بجاماتي
اليوم كنسلت كل المواعيد
رجعت البيت
حطيت راسي و نمت
قمت المغرب
احتاج انسدح في الصاله
اشرب قهوتي
اتابع الفريه
اكتب بوست
اعلق
استمتع معاكم
صج راحه كبيره
و سعاده
انا سعيده معاكم
و فيكم
عطوا نفسكم راحه
من ضغوط الحياه
و مشاغلها
لان صج مرات وايد
يكون الاستجمام و الترفيه عن النفس
مو بطلعه و لكن في قعده مع النفس
احتاج سبا

احتاج ريلاكس
لكن الي اهم من هذا
اني سعيده
بالراحه
الله يريحكم
و يسعدكم دوم يارب

18 comments:

Cr8ivia said...

hehe true
3asach dooom merta7at ilbal

welcome back (:

Charisma said...

صدقتى يا لوير
مرات تحتاجين تقعدين بهدوء
ولابسه اللبس الى تحبينه
بجامه ولا تريننق
مريحه حدج وبالج مرتاح
تستمتعين بالشى الى تحبينه
فعلا كسره حلوه

الا بقول

جنه البوست اليوم طالع ويها
:)))

عسى دوم مرتاحه يا لوير

nachla said...

i loved ur post
هذا حلم حياتي ، مرات اتذكر ايام العزوبية بحسرة والم الحمدلله العيال حلوين والزواج حلو بس من زمان ما ارتحت حلمي انام على كيفي واشوف اللي ابيه على كيفي
my dear ur life is a fairy tale enjoy it

kuwaite said...

مصارحة النفس والصدق معها

وعدم النفاق

من اسباب الراحة النفسية

:)

Purplecious said...

ولكم باك لوير ولهنا عليج :*

اي والله يا حلو قعدة البيت أنا نفسج ما اعرف اطلع يومين ورا بعض و حتى بنفس اليوم لو يحصللي طلعة واحدة بس يكون وايد أحسن.. القاعدة انه الواحد ايهيع ببيته و يريح باله وعيونه ولا يشوف هالمناظرالتي تشمئز منها النفوس ;p
و اذا حب يطلع و يغير جو ما فيها شي التغيير حلو :)

الله يسعدج دوووم يا رب مثل ما اسعدتينا بهالبوست الحلو.. واحنا بعد سعيدين فيج و معاج:)

The Simper said...

راحة العااااافية انشالله
تستاهلين
و اهم من هذا انج لازم تكررين هالريلاكس بين فترة والثانية

:)

sOulvOice said...

حوتة اصلية طلعتي




انا لما اقول كلامج هذا يقولولي معقدة

حلات الطلعة مزاج وبفترة معينه اما كل يووم ف شي ممل ويفقدها قيمتها



الله يديم علي الجميع راحة البال قولو امين

violinist_q8 said...

دوم مرتاحين ان شاءالله

راحة البال اهي تفاهم بين الشخص

وذاته

انا راحتي فعلا لما اكون بروحي

او لما اخلص من مسؤولية أو التزام

بععدها الجهاز مغلق

وبانتظار شقى اليوم الي وراه

PearL said...

انشالله دوم يارب

3ateeja said...

enshallah
بس شلون تقعدين قعدة راحه تدرين ان وراها تعب؟؟

Яeema said...

أأأأأأأأأأأأأأأخخخخخخخخخخخخخ


كل ما أقول بطخ هالمرة إيلي شي إللي ما أحسب إحسابه


ساعات الحوسه بالبيجامه طول النهار لها طعم و نكهه خاصه

الله يسعدج دووووم قولي أميييييييين


---------------
nachla

joiun the club sweety

and it is a fairy tale!

i want to live it 1 day every month

albandry said...

يعل ايامج كلها راحة ووناسة
يارب يافطووم
وروحي السبا اشوراج
راحة جسمج تعطيج راحة بال

وعليج بالف الف عافية

طائر بلا وطن said...

بهذه صدقتي يا لوير

من الصبح و انا افكر اشكثر الحياة العصرية
متعبة .. صرنا آلات والله

نستنزف نفسنا و وقتنا و تفكيرنا
و مو ملحقين

عساها دوم هالراحة
:)

Diver said...

ان شاء الله دوم مستانسة
الصراحة اغلب كلامج صحيح الواحد يقعد بلبيت ينام في الصالة يشغل دي في دي عن الحيوانات او الحشرات يشوف نصا و ينام الباجي و ييج الاخ محمد يسالج الف سؤىل عن الحيوانات و الحشرات الي بالفلم بعدين تييكك ام محمد تغطيك بجرجف و يخلونك و يروحون و تسمع صوت محمد من بعيد وين بابا سليب(هني قصدي نايم مو يروح بالج مكان ثاني) وتنام لين اييك الحبيب طاير و يطب عليك يخليك تفز جنك مقروص و تقولهم الواحد مايرتاح في البيت بس بعد ما تحضن محمد تحس بكل الراحة

7osen said...

فعلا

احيانا الجلوس مع النفس والاشياء التي نحبها
يصبح متعه ما بعدها متعه

انشاءالله دووووم
مستمتعه

snowflake said...

والله راحة البال ما تنعااااف
أحلى شي بالدنيا
عساج دوم مرتاحه يا لوير

شوقتيني على السبا
....صج أحتاج

إي والله صاجه أحيانا قعدة البيت حلوة
خصوصا بالويك إند

WELCOME BAAAAAAAAAAAAAACK

kuwaitia said...

عساج دوم مرتاحه انشالله وصج راحة البال ماتتعوض

lawyer said...

بعد عمري كلكم كلكم ياربي دووووووووووووووووم انا وياكم و كل المسلمين مرتاحين
سامحوني ما رديت عليكم واحد واحد مشتطه بقولكم سالفه ابوووووووووووووووووووي