Wednesday, November 29, 2006

احتاج انام ..حرام؟؟


بليز بليز بليز
احتاج انام هالويك اند الصبح
بليز يما لا تعزمين احد على الريوق و انا الي ينعفس ويك اندي
بليز يبا لا تصرخ على الخدم من الفير
و انا الي يخترب ويك اندي
مو شرط تروح سوق السمج من الفير و يخترب ويك اندي على سمجه !!
بليز اخوي مو ذمبي بييك مدرس الساعه 9 و امي تصرخ عليك من السبع عشان المدرس و انا يخترب ويك اندي
هل اطلب شي مستحيل
اني انام بسلام و بهدوء
قلت حق ابوي ابي اروح هيلتون المنقف اخذ غرفه ليلتين
و كأني ارتكبت جريمه !!
ممكن اتهني في الويك اند
ممكن
افخ من غير صراخ
ممكن؟؟
ليش يخمون الصالات في الفاكيوم يوم الخميس ليش؟؟
وااااااااااااااي ذبحتكم حنه
تصبحون على خير
بروح انام
و بقولكم باجر اشلون فزعت من الفير
و شنو السبب
ملاحظه: الي طباخنا الداثر لا تحمس بصل من الفير
و انا اموت من الريحه
الي سواقنا لا تهذر ويا بنت الكلب فلبينيه بييت يرانا هالهبله الي تتكعكع من صبح الله خير
و انا ابتلش
الي خدامتنا لا تتصلين في اهلج يوم الخميس و تشلين فريجنا في صراخج على ابونا مكالمه !!
و اتمنى لكم ويك اند ممتع

16 comments:

سالفة قلب said...

نومة العافيه

بعد عمري والله

طحنتي عمري

مالج الا سدادة الاذن

وبنادول نايت

Charisma said...

فطوووم
تعالى عندى غرفه فاضيه
بيتج ومكانج

شهالحاااله
وااااااااااااااااى
الله يعييينج

Яeema said...

loooooooooooooooooooooool
looooooooooooooooooooooooooool

مرة بنام عندج
معسكر تدريبي

ههههههههههه

تذكرين كل خميس أقولج تطلعلي سوالف ما أدري من وين


و إللي فجه ما يتريق يبي ريوق من برة الساعة 9


إكلوا أي شي !!!؛


أما ريحت الحمسه!!!!؛
واااي لو بخور ما دش بخشومنا جذيييي


و إلا إللي إتطل في ويهي يما أبي ليققن

بروح أِتري مالي إنشق

The Simper said...

noooom el 3awaafi. bas min mita el noooma will be? and for how long? cham sa3a tabeen? :P

albandry said...

وووووووووااااااااااااااااااييييييييي



فطوومممممة يا كلبة
معانة كل بيت هذي
الفاكيوم يقهروووننننيييي فيها حدهم وعناد يحلى الخمام عند راس الدار


!!!!!!!!!!!!!!!!!!!



لوووووووووووووووول ثانية عالجمسة
المشكلة تصير 2 ويقولج الاكل ما خلص
انزين يالدثوي اتحمس من 7 اشماله؟؟؟؟

البيت كله يصبغ ليالمغرب
ستين الف معمول وبخورة وحتى ياوي وما ترووح الريحة

حمدي ربج ماكويهال جان زادت لستة الازعاجات ليالدبل
ياحافظ

صادجة ممن متى مانمت ذيك النومة مالت اول اللي لي 12 1 2
وييييييييييييييييي
ايام زمان كنت مسيت اصلا ازاي حتى!!!

يللة عساج اتهنيين واحلام سعيدة

q8-diver said...

الحمدلله متعود كل ويك اند أكون بالشاليه
يعني نهائياً ما انام بالبيت نهاية الأسبوع
قمة الأستمتاع بالنومة و الشعور بالراحه !!

خاصة أيام الصيف دق المكيف حده و سكر الشتر و أوصي الجماعه اللي يبي شي من الدار ياخذه لأن الباب راح ينقفل
وسلملي على نومة البيت اللي تييب الكوابيس !!! و ترفع الضغط !!!!
:)

هالأسبوع الوضع مختلف مضطر انام بالبيت فالله يعيني !!!!
:(

:(

violinist_q8 said...

الحمدلله على كل حال

انا ما انام واذا نمت افز على هالشغلات الحمدلله . .

بس عادي اتم مونايم 3 ايام بدون سبب
هذا الي يقهر

على فكره ايام الجامعه اذا قعدوني ربعي بالويك اند مبجر

ما اداوم يومين تعويض :P

تقدرين تعتبرينها نصيحه تخريبيه شوي
:))

good-night
&
good-morning

MuLaN said...

namy foog elsa67 lol =D ..allah y3eeench!

Cr8ivia said...

لول اللهم لك الحمد حمدا كثيرا !

الناس تقوم و تطلع و ترد و تقعد و طبول و حاله و انا ما اقوم
ماقوم الا اذا احد تنيحس كلش و دش علي الدار و حاجاني يعني متعمد و ايزي احاجيه او ازف و ارد انام بكل بساطه و لله الحمد
*طبعا ما عدا حالات مستعصيه تمر علي احيانا*

فيسووون اللي يسوون ماكو مشكله اذا فيني النوم والله ماحس و لا لي شغل
على قولة ابوي عندي دقمه سليب و دقمه ويك اب خربانه :P
مره الخدامه بمصر يابت السكيورتي يكسر باب الشقه من كثر ما كسرته طق ويا الجرس و انا نايمه مو حاسه لول
و مره العماره فيها حريجه العمارة كلها فضت و طفوا الحريجه تالي انا قمت ماحسيت!
طبعا غير الطيارة اللي من صغري من اركب لين نوصل ان شاء الله 12 ساعه نايمه
ههه طبعا لكل قاعده شواذ يحوشني ارق احيانا و تعسر يعني

يبيلي اعاديج شوي

3ateeja said...

الفال لي ان شا الله

Nescafé said...

ههههه.. نتمى لج نومه هنيه بدون اي ازعاج

الحين بس حسيت ان الوضع اللي عندنا طبيعي :")

سالفة قلب said...

بشري؟؟؟؟

انا فازعه من الصبح وذكرتج

انا فزعتي غير

طيوبه توقف على راسي

وتقوللي ابي اسوي بيتزا

وراميس تحت بالصاله موبايله يرنع

وعمال كمدراي

يجلون الرخام

:)

اذا قررتي تروحين الهلتون عطيني خبر

باخذ الدار اللي يمج

lawyer said...

سالفه قلب

قريت كومنتج الاول و قريت الثاني مت ضحك
بعد روووووحي

لا بروح انا برووح

مابذني ماي

اي تكفين حياج الله وياي في الدار الي يمي نفتح سويتات على بعض و نبسط




كيتي

حياتي انتي طوووووووووول عمرج كريمه
مو غريب عليييييييج

اصييله يا كيتي





ريما

ههههههههههههههههههههه
اي والله لو بخور ما دش جذي


اما اسم الله عليها حنه بنتج

لا المشكله اتيج و كأنها فيها شي خطير

اتضهوووووول



سمبر

نومه هاديه لي الساعه 10 الصبح

lawyer said...

البندري

اشوااااااااا مو بس خدمنا يحمسوووون

عما بعييييييييييييينهم على هالحمااس


على فكره مرا قمت من النوم قطعت واير المخمه و رديت نمت





كويت

عسى ماشر ليش ما نمت في الشاليه؟؟

يابختك

احنا بعد البنات نحتاج شاليه بروحنا

مكااااان نرتاح فيه





violinst
ههههههههههههههههه

اها موديلك اتسكب المحاضرات

مرافعات و الا مدني؟؟




مولان
السسسسطح السواق و الصبي و الطباج




كراتيفيا

الله يتمم عليييييييييييج

يارب

يارب
و يديمها عليج نعمه



مرا في مصر صار ياري و يارتي طرش
ما يسمعون

و اذا الصبح يتريقون يكون باريني
عشان انا بريحاتي
يكسرون علي الباب

اقوووووم على طمرا وحده عبالي يوم القيامه
الاقي المراا تكلمني في لغه الاشاره تعالي اكلي فول

lawyer said...

عتيجه

امييييييييييين با رب
:))))



نسكافيه

لا بيييييييييييكم جدا جدا جدا طبيعي

LiFe DRaMa said...

:)
لا فعلا سمات البيت الكويتي هذي

الله يكون بالعون

lawyer

البوست ابداع و تقريبا كل شي قلتيه ينطبق .. مم

Regards