Tuesday, November 28, 2006

يسعد صباحك .. يا حبيبي
هذا انت كل ما ضاقتبي الدنيا تغيب ...
وكل ما ضاقتبك الدنيا تجيني
هذا انت ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح

عبدالرحمن بن مساعد


مع قهوه الصبح
مع هالجو الحلو

مع اغاني فيروز
و طرب راشد الماجد

ضحكات
ابتسمات
صداقات

يعطيك شعور بالراحه
بصراحه الجو الحلو
المنعش
يخلي كل شي في الدنيا حلو
يخلي نفوسنا احلا
كل شي يكون بعيني حلو
لو مو حلو
مع قهوه الصبح
و البخور
افكار غريبه اتيني
ليش افكار النهار تختلف عن الليل

مع قهوه الصبح
شنو اتفكر فيه ؟؟
سؤال اطرحه اهني
هل انا الوحيده الي اندمج مع قهوتي
و اتيني افكار اسافر معاها
و من يخلص فنجاني ارد اهبط على ارض الواقع ...

ماهي الافكار الي اتيكم مع قهوه الصبح؟؟


26 comments:

Diver said...

ماكو افكار
لان
ماكو قهوة
و لا جاي
و لا اكل
انا ما اكل الصبح

انطر لين و يهي ينسمت شوي بعدين اقدر افكر
الشي الوحيد الي اقدر عليه الصبح لاني مضطر اني اسوق السيارة بس

Charisma said...

هذا انت ان كساك الهم صرت أوفى حبيب
وان نساك الهم تتباهى بـ أنيني

:(

وينى وين الخيال بقهوتى الصباحيه
انا يا زميلى يقرق على راسى من الصبح
وانا انصت واهز براسى اى اى اى لا اى اى زين اتسوى صاج صاج
وانا بقلبى ياااربىىىىىىىىىىىى اللباح عليه الله

اصبحنا واصبح الملك لله ربى اشرح لى صدرىىىىىىىىىىى

والله متنحه جدام النت اقرى هالبلوقات عل وعسى القى بلوق فيه شى يفتح النفس من الصبح

يا طايره عند ريمه او ريمه عندى نشرب القهوه مع بعض ونسولف

يا مقى بيدى اهذر معاج

هذى قهوتى الصباحيه
الله لا يخلينى بس
:))
عمرىىى وحياتى بالدوام ما قعدت بروحى ارتشف القهوه الصباحيه بخلوه وصفاء

امنيت حياتى
هههههههههههه

بوست عجيييب ويشرح الصدر

The Simper said...

وصباااااحج بعد
خوش بوست ب هالصباح
وخوش جو
معا كبوتشينوتي اللي بيدي

انا افكاري زينة الصبح
بس من اقرا ايميلات الدوام الافكار اتصير لويه،، و بوست لوير يرجع ايعدل الافكار و شغل الدوام يخربها مرة ثانية

;)

nice post

بنت الشامية said...

يسعدلي هالصباح انا ماترودني افكار الصبح مع القهوه بس احس احساس جميل وبهدوء وسلام لان البيت يكون هادي ولا ازعاج لا هذا ينادي وتلفون يدق ولا اي لبحه من صباح الله بس انا في البيت
صدقني انه احساس غير اقوم منه بنشاط وحيويه ما ادري لاني انا شرابت قهوه واقيم القهوهعدل او اني فاضيه ما عندي سالفه

Reflections said...

صباح الخير يا كويت

Bon Journooo Lawyeritaaa, 3ala Wazin Senyorita :P

والله أنا لا اشرب قهوة ولا شاي فما أحس الاحساس الي تحسينة للأسف، حااااولت أقلد الناس و أشربها بس ما قدرت، يختج مرررررررة و انا احب الحلو!

بس الغريب فالموضوع اني أعشق ريحة القهوة التركية!! أصلا تصحصحني ريحتها!! هههههههههه

الصبح بالدوام: ادارتي قمة الهدوء كلمن على مكتبه يكككككررف
أما القسم الي يمنا يـــــــــــــــــيوك يا صيحتهم مستجلللله!!
شي مو طبيعي يصوكون الراس يالله صباح خير!

وانا قاعدة بزاويتي كافة خيري شري ، ،
أكرف و احوس بالبلوقز،
MSN with SnowFlake and Purple .
و بس انتحلطم على على أي حدث يصير بالدوام و يا ويلها الي تشوف بوست يديد عند ريما و لوير و كتي و ما تقول لنا! تروح فيها LOL

طولت عليج

يالله Back to Work! :I

lawyer said...

diver

Laaaaaaazzy

kasool 7adik ;)

يعني مثلا ما تفكر تروح جمعيه مني مناك تشتهي شي

ماتطلب ريوق ؟؟

اشلون تقضي وقتك بدون شاي قهوه ريوق

مدري مدري ...

;)





كيتي يا بعد روحي انتي

اذينااااااج
خو انا من الصبح لبحه

و حنه

و مو بس دوامج

انتي بالنسبه لنا المستشار الفني
لجميع شؤنا الحياتيه
يعني ما اقدر اخطط شي ماقولج
ما البح
ماقدر ماقدر
ههههههههههه

لا لا لا تخيلي تخيلي انتي رومانسيه ام الهدوء

lawyer said...

the simper
:)

good morning :))

اي احلا شي الامرييكانو او الكابتشينو لما تكون سبيشل من الصبح اتصحصح

الحمدلله اهم شي افكارك زينه

ذهنك صافي

مرتاح
هذا اهم شي

لا لا لا مو بس ايميلات الدوام تقث

في مرات ناس من الصبح يطرشون ايميلات يبلحون فيها
;)

تدري اليوم شنو طرى على بالي من الصبح
سيلين ديون مادري ليش!!

اي خلك مع البلوقات اشرح قلبك

lawyer said...

بنت الشاميه

قولي امين الله يديمها عليج صحه و عافيه و هدوء يارب

مرتاحه و مستمتعه يا رب

الحمدلله مفتكه من لبحه الدوامات و فزعه الدوام

الله يريحج دنيا و اخره

المرا في بيتها ملكه

لا بالعكس كو لانج فاضيه بس السالفه يا ربي مزااااج
والله مزاااج
لا شميت هالقهوه

شي ثاني


يسعد صباحج مرا ثانيه :)



رفلاكشن
انتي من الناس الي ماشاء الله جسمج مافيه كافين
مرتاحه لا شاي و لا قهوه

لا انا من انا صغيره مدمنه الاثنين
شاي و قهوه

و التركيه هذي في بيتنا

و الصبح امريكانو

الضحاوي
شويهه

و هذا حالي

سلمي على سنو و بربل
:)
قوليلهم صباحكم سكر

kuwaite said...

نفاق

صباحا مع قهوة ينشط الدورة الدموعية بالمخ ويوسع الخيال

:)

Charisma said...

لويررررررررررر
وين اقدر اطلع هالرومانسيه الى فينى
خليها مكبوته لين اموت
الله كريم
:((


لبحتج يا لوير عسل على قلبى

3eShTaw said...

9aba7 el khair.
3ad ana tawni khalsa men gahwat el 9abaa7 :)
Dayman dayman lama ashrab gahwete el 9eb7 beldawam a6ale3 barra el dereshah wagool ana shalla 7adni adawem eb hal chla7a oo ashoof hal 3ahat men 9eba7 allah khair. oo takhethne afkaree leb3eeeed oo atmana eni akoon eb ejaza oo aroo7 ashrab gahwetee eb marina oo jabel el ba7ar ma3a hal barad.
oo taqreban every day ana oo 9adeqte el 3azezah Snow entejabal oo neshrab gahwatna yemee3 wenta7asaf leish e7na bel maktab mo gam engez :)

7osen said...

انا معاج سبع الاف بالاميه

مع قهوة الصباح والجو المنعش

انا الصراحه دائما احس بلحظتها
اني بعالم ثاني
احس كل ذره بعقلي سارحه مع عالم الوجود
وتساءلات مالا نهايه،، وجوه واصوات غريبه وحبيبه
لا وبعد احيانا احس اني راح اكتشف حقيقه محد سبقني لها ،، حقيقه تغير وجه التاريخ

لكن بلحظه ثانيه بس تخلص القهوه ارجع لارض الواقع واكتشف اني كنت بعالم الخيال

قهوه الصباح لحظه لا تعوض

عجيييب تسألج

lawyer said...

كيتي بعد عمري انتي

الله لا يحرمني

احلى بوسه لج
:))




عشتو
يابعد روحي روووووووووحج

حبيبه قلبي انتي

اييييييي كلنا نفس الاحساس
نفس الشعور

اقولج سرحان
امنيات
رغبات
ابتسامات
هروب من الواقع
مع الفنجان

قهوه
بسمه
ضحكه

واحد ينرفز
ثاني يقث

بس لحظات ممتعه
اتحليها القهوه

و الصحبه

الله لا يخليكم من بعض
و يديمها عليكم متعه

اذا لكم نيه ريوق في المارينا على البحر
انا وياكم لو سمحتوا
;)


حسين

وااااااااي الحمدلله لقيت احد يفهمني
والله عاد توني كنت مع قاضي يصيرلي
اسولف وياه
قلت له عن وجهه نظري

دايما اذا شفته هالقاضي
اقوله عن بوستاتي
و دايما يسألني شنو جديدج
قلت له عن القهوه


قالي انا مستحيل اقدر ادش الجلسه
من غير قهوتي

و مع الجريده
فعلا
نسافر
في سواد القهوه
و نعود ببياض القلب

Kwaitiyya said...

انا متعتي بقهوة الصباح
على قولتهم أرتشف قهوة الصباح على أنغام أم كلثوم اللي بالمكتب اللي يمي

وعلى الجو الحلو ,ابطل الدريشه وأجابل الجو
وعلى سوالف زميلي اللي كلها سياسة ودواوين وشوي ملاقه بس الواحد يسكت ويستمتع بالقهوة

ومرات أشرب قهوتي وأجابل النت أفتر بين البلوقات والمنتديات والجرايد الالكترونية وشصار ماصار بهالديره

بس أحلى شربة قهوة لما تحطين جدامج صور مناظر خلابه وجبال وأنهار وشلالات وسنو ومطر و سمعي فيروز وااااااااي عذاب

سوري على الإطالة

barrak said...

بالنسبة لي موعد قهوتي بالدوام الساعه 2 ظهرا
ارتشفها وانا ساكت لاتفكير لاكلام لاسلام سكوت موحش

mosan mosan said...

I'll take mine medium on the rocks

Purplecious said...

واااااااااااي حسااااااافة توني أشوف البوست :(((

اليوم حده لويه بالدوام ما مداني اتهننى بقهوتي اليوووووووووم هففف استغفرالله

انا اموووووووووووت على القهوة بجميع انواعها ادمااااااااان

اليوم لما مريت اخذ قهوتي و قاعده انطر الطلب بروحي على الطاوله قاعدة و أتخيله (حبيبي المجهول) قاعد يشرب قهوته و يقرا جريدتهو يدخن سجارته في الرمن البعيد الهادي ههههههههه

ذكرني هالموقف بأغنية ماجدة الرومي "مع جريدة" .ا

أخرج من معطفه الجريدة وعلبة الثقاب و دون ان يلاحظ اقترابي .. ذوب في الفنجان قطعتين و في دمي ذوب وردتين اااااااااااه


جان زين دايم الجو جذي حلو .. الحمدالله

بوست راااااااااااائع

lawyer said...

kuwatya

اي فعلا متعه ما بعدها متعه

خليني اقولج شغله انا وايد اموت على كاكاو جودايفا الدارك

و مرا اشتريه اذا رحت الفنار

بس ولد خالتي حبيب قلبي

كل يوم يتهاوش وياي

فيروح يشتريلي علبه كاكاو
يساحلني فيها

مرا من المرات
زعلت عليه

بعد عمري

طلع من دوامه في الاحمدي

راح الفنار شرالي كاكاو
ياني الدوام يابلي اياه

تالي رد الاحمدي

فلحظات القهوه و الكاكاو ابد ما انساها

متعه ما بعدها متعه





براك
الله يعطيك الصحه و العافيه
عساك على القوه
بسسسسسسسسسس
وايد متأخره قهوتك




mosan
منور

وااااااااو حدك مزاج

و مزاجك متعوب عليه

اهديك هذي الصوره
جابلها و انت تشرب قهوتك

http://www.hhresort.org/tour/rocks-01.jpg


مرا ثانيه
نورت :))




بربل
يعطيييج العافيه
اييييييي انا بعد
حتى العربيه اموت عليها

على فكره العربيه اتهضم اكثر
يقولون عشان الهيل فيها
زايد

وااااااي وناسه يا حلوج

اتفكرين في حبيبج
رومانسيه

اقولج سر
انا افكاري في الصبح
ليش مافيها شي من الرومانسيه

كلها ماديه
هههههههه

سفر
هدوم
جناط
طلعات

وناسه

ياربي لازم اسنع عمري حق الرومانسيه

بربل
حدج راقيه

mosan mosan said...

EEE walla mat3oob 3alayh ,, I try

sarah said...

مرحبا لوير
تبين الصج هم احنا جونا حلو ورايق
وصج ريحة البخور الصبح ويا القهوة
والجو حلو
:)
تغير النفسية حده
اما الافكار بالنسبة لي كلها افكار حلوة وطموح
واكون عاطفية حدي
:)

Яeema said...

طبعا قهوتي لها مووود خاص

أحضنها بعيني
و ألمها بإيدي
عشان توصل متروسه حب و حنان حق حلجي

ههههههههه
هههههههههههه

لحد يكلمني قبل القهوة
حدي ما أنصحه

ههههههههه


أحلا قهوه الصج الصج مو مالت الصبح

مالت الساعة 11 باليل
إللي أحس إني طالعة من مووود الإنسانه الطيبه إلي موود الإنسانه المتمرة


شوفي بوستاتي ملوت الصبح غير
و إللي تالي اليل غييييييييييييير

هههههههه

cozy said...

Wow I'm morning person too ,akon active and creative o sa7 etyeenee afkar washta6 ma3aha elyoom mathalan esa3a 5:15 Am za3alt seeyaseean wekhtabait broo7ee LOL o bema anee morning person o ghramee el seb7 met'aked enee ra7 akheth wa7da 3aksee fa ams takhayalt enee wana bel sala aroo7 aga3edha wa6aferha to enjoy hal jaw el hadee ma3ay heheheh .wallah kalamech 3adel fee khayal ghareeb eyey o yarait eyeenee mood akteb eb hal wagt .....

tweety said...

اذا الجو حلو وانا رايقة
على طول اتيني رغبة اروح عالبحر على الساعة 9 اتمشى بالسيارة وانا اسمع اغنية حلوة بعدين اتريق في مطعم
واحيانا تراودني لاحظي المصطلحات اللي كاتبتها لوول اي المهم اتراودني فكرة الحب واقرر اني خلاص بحب لووول

اما لو الجو ظيم وانا مستعسرة فاول ش افكر فيه ليش ما اطلع من دوامي وافتك

lawyer said...

mosan
join it ;)

sarra

الحمدلله يا رب دائما جذي افكارج ايجابيا
و ماشاء الله

الله يديمه عليكم جو حلوو
:))



ريما

انتي عاد لج قصه ثانيه مع المزاج و القهوه

انتي متفاهمه مع القهوه

و اعتقد انتي انسانه القهوه تحبج اكثر مما انتي تحبينها

اقولج ليش بعدين

هههههههههههههه



ودي احد يشوفج في الصبح
قبل لا تشربين القهوه

هههههههههه
ياساتر


كوزي
اتصدق استغرب وايد من الرياييل الي يفكرون مثل تفكيرك
و يحاتون
و خيالهم واسع

انا احس انت انسان وايد منظم
و تحب التخطيط
حياتك وايد مريحه





تويتي
يا حلوج موتني من الضحك

اي اي اتراودني

اشفيها اتراودني
جنها البخت
هههههههههههههههه

قولي امييييييين
تحبين و تنحبين
و ربي يسعدج
بسسسسسسسسسسسس

خلاص ما مليتووووو من الوحده

snowflake said...

قام تطوفني المواضيييييع :(((

أنا عن نفسي مدمنه قهوة على الحد
إذا ما شربت ذيج القهوة السوووودة
على قولت أمي كحل مو قهوة
أصدع طوووووول اليوم

بس قهوتي خالية من الأفكار لأن دوامي بعييييييييد تقريبا 20 إلى 30 دقيقة
من البيت فأفضي أفكاري بالطريج و أوصل المكتب وانا ذهني صااااافي

pop_cornaaa said...

مممم والله انا مع قهوة الصبح أكوون بالدواام ولازم قهوه أو نسكافيه
والعملاء اللى عندى مايخلونى أسرحح وأفكررررر
:)))