Wednesday, January 03, 2007

منتجع بري ..راقي

مخيم
sahara Joy
تحت رعايه شركه الاتصالات المتنقله
جليعه - طريق 240
استمتع بيومك مع عائلتك - الافتتاح بتاريخ 31-12-2006
لمزيد من المعلومات و للحجز و الاستفسار زورو الموقع
او
الاتصال على الارقام التاليه
6606797- 2543437
--------------------
مشروووووع جدا ممتاز و اكثر من رائع
يا ربي ملينا من المجمعات و المطاعم
نبي تغيير
نبي شي ممتع
ودي وايد اروح مرات البر بس ما عندي استعدادات
ابي شي سنع على مستوى
راقي
و جاهز
فلما سمعت عن هذا المشروع و سألت رفيجاتي الي زاروه
وايد وايد امدحوه
خلوني اقولكم شغله اعجبتني
انه هذا المنتجع البري
يفتح من الصبح لي الساعه 12
و فيه مطاعم و خيام
و لعب للاطفال
يعني تاخذون عيالكم و تروحون و تحجزون خيمه و تقعدون فيها
و تستمتعون
بصراحه المكان جدا راقي و عائلي فالي وده اعياله يروح مكان سنع
و ما يخاف عليهم
خيزور هذا المنتجع البري
و اتمنى لكم اجازه سعيده

8 comments:

magnoonah said...

بصراحه فكره وايد حلوه بس وين تحصلين الفاضي الي يروح وياج اصلا كل ما اقول لاحد خلنا نروح البر الجو روعه ويستاهل قالج والدوام واشغالنا فاضين احنا ما في حل لا تحاولين قاعدين في البيت يعني قاعدين

albandry said...

خوش فكرة
يلله مابقى يطلع شي يسوى ابهالديرة
هيلق*هيلق
عسى عسى والله

انا عندي المنفى وخيمتنا ودوتنا وخطارنا
مالاداعي نروح المخيم
جوزو مابيحبش الاختلاط بالناس
عجب
:)

Warda said...

khooosh fekraaa walaaaa :)

bs il site malhom ma feta7 ma3ayyy

aham shay enkom istanastaw ihnak oo 3alaikom bil 3afia :)

Krakatoa said...

السيرفر مال موقعهم مضروب

عموما البر ترى يبيله شوي خشونه وتمشق وعباله مايصير تروحين بر كشخه لازم تحوشج شوية هلاقة علشان تحسين بطعمه

:)

tweety said...

لوير نبي معلومات أكثر ولا عليج أمر
خاصة أن السايت ما فتحش

ToFFeY said...

والله خوووش فكره يبيله بصراحه

3ateeja said...

جممممممممم
اهم شي؟

nachla said...

ولهت عليك وعلى بوستاتك

اكره البر واحب الحضارة
بهالبرد اروح مخيم واحاتي دخلة الحمام
والله ما كثر الا المولات واماكن القز عندنا
بس ماكو مكان عائلي صج يستانسون فيه اليهال بدون مانحاتي فلان مرض وفلان محسس من الجو

ويعطيك العافية