Monday, January 29, 2007

المدير الملقوف


شنو يعني لما المدير يسأل موظفه ليش ماخذه مرضيه عسى ما شر؟؟

خصوصا اذا المرضيه يوم او يومين و تالي الموظفه اداوم بعدها طبيعي ؟؟

شنو يعني يدق المدير الساعه 8 الصبح على المو بايل يسأل وينج !!

او يخلي السكرتيره تتصل و تطلب السكرتيره تحويل المكالمه له

تبون الصراحه قله ادب

لان طالما الموظفه ما داومت يمكن ظرف

خصوصا اذا متزوجه ..عيب

انا صارلي موقف

عندي مدير وايد قليل ادب و يناشب

دقت زميلتي قالتلي فاطمه بليز قوليله(( حق المدير )) ابي اجازه شهر انا حامل

و منسدحه على ظهري..و اعاني منالنزيف..

دشيت عليه.... بوفلان هذي اجازه فلانه ...تعبانه و حامل..

دش معاي في جدال ان كل حريمنا يحملون ..

قلت له البنت تعاني من نزييييييييييييف

الموقف الثاني
والله اهو وايد يبط جدبي ووقح

و كل بنت تدش عليه ساعه يحقق وياها على الطبيه
قمت انا دشيت عليه

سألني عسى ماشر اشفيج طبيه ..؟؟

انا : مريضه ..

هو : سلامتج .. اشفيج مريضه ..؟؟
انا : ظرووف
هو : شنو ظروفج
بعد ما فار دمي ..رديت عليه .......(( الدوره

من يومها بطل يسأل اي بنت ليش ماخذه مرضيه ...
عندكم مدير قثيث يسأل عن كل شي؟؟

28 comments:

فركاش said...

أول شي صباح الخير
لوير ردك وايد كان قوي ;p
الله يعينك على (مديرووو) القثيث
أنا الحمدالله ما اعاني من هل مشكلة لأن مديري هو جدي :)

lawyer said...

فركاش

صباحك ورد

شسوي لازم احط له حد
و اهوو وايد متمادي من سكوتنا

الف مرا اقوله ظروف
ما يفهم

اقولك شي اهو يفتح ادراجناا
من ورانا ينبششششش

تخيل شنوووووو قمت احط الغام في الدرج عشان اول ما يفتح يستحي
و يسكر

nachla said...

اف اف اف
ذكرتيني بمديري
كريييييييه جدا في مرة من المرات منع الموبايلات وتصدقين كان يخلي واحد من رجال الامن يشيك على الجناط ملوتنا
تصدقين عاد ينوني ان احد يلمس جنطتي
تدرين شنو سويت
سوريييييي للكل
بس حطيت فوطة نسائية في الجنطة
الريال اول ما فتحها يفتش لون ويها تغير
ومن يومها كل موظات القسم يدعون لييي :)

nachla said...

موظات =موظفات

بدلية

lawyer said...

نجله
ههههههههههههههههه
هههههههههههههههههه

ايا وستها بالدرج
ياكل تبن يفج جنطتي


رفيجتي مسؤلهاااا
ازعجبه رنه موبايلها
قام رد على التلفون

و الا ريلها لعن ابو خيره
ياااااااااااااااله الدوام تهاوش ويااااااه

nachla said...

lol

تدرين لو ريلي يسويها وايي الدوام حق مديري
راح تصير حرب عالمية بيني وبينه
شكو ما عندي لسان

عموما ان كيدنا لعظيم
وصدقيني من يومها بطل يفتح جناط

ولو مرة راد على تلفوني شان كسرت التلفون على راسه

LOL

lawyer said...

نجله
المعاريس اليدد دايما يستعرضةن عضالتهم

بعد الزواج بعش سنوات لو يدق زوجها و يرد عليه المدير

اكيد الزوج بقوله تكفااااا قعدها اضافي لي العشر باليل فكني منها

Krakatoa said...

اول شي بسكم دلع من هالمرضيات يوزو من هالمصاخه


ثاني شي

من المعروف ان المرضية ليس من حق اي
مدير او مسؤول منعها بل يوقع عليها وهو يضحك...لكن وعلما يبدوا ان مديركم يبي يتميلح عليكم الظاهر عنده مراهقة متاخره..


سمعي هاذي نصيحة ذهبية

اذا المدير رفض يوقع المرضية خلي وياج سهود انه رفضها وروحي الشؤون القانونية..راح يملطشونه لج اذا هم فاهمين في القانون

lawyer said...

كاركاتو السالفه
مو في المرضيه


السالفه في التحقيق الي بعدها

وينج و ليش ماخذتهاااا

و اشحقه

و ما حقه

nEo said...

المدير المتسلط يكون احد اثنين

اما انه ذو شخصية ضعيفة سابقا و كان يعاني من مديره و تحمل القهر و حس انه صار مدير بعد جهد و عناء فا ليش ما اللي تحتي هاليهال يندقرون مثلي بحجة انهم ادعل ,, و ما يدري انه اهو الدعلة العود

او انه عنده مره نسره مأذيته بالبيت و ايي يطلع الحرة بالموظفين

90%
من المدراء هذا حالهم صدقوني

قمة الراحة عند تطبيق نظام مثل البصمة في الدوام

صج انه ماكو تزرق خلاص بس ترتاح من موضوع التأخير و المرضيا كل شي محسوبلك ببصمة ابهامك !

Яeema said...

إيييي ضيقة خلق

يصير أطب بالمدير؟

علي حضر

ههههههه

lawyer said...

neo

فعلا كلامك صصصصصصح

خصوصا ان مديرنا كل خميس و يمعه في المارينا مووووول

يشيل جياس مرته

و يدر العربانات

لووووووووول




ريماااااااااااااا

طبي و انا اوخيتج

السعلوه ما تقرااا بوستي
هههههههههههههههههههه



طبي و ياويله احد يقرب يمج

Purplecious said...

لوووووووووووووووووووول

فطوووووووووم

بدعتي زين تسوين فيه

الله لا يسلط علينا قولي امييين

صج قلة ادب و قلة حيا

هذا اكيد عنده مره؟؟

بشييييه بشييييه

Krakatoa said...

هم ارد واقول ان المدير هذا ماله حق قانونيا يسألج ليش تبين مرضية او انه يحقق معاج


بطلي مخيخج معاي وفهمي شقاعد اقول اذا كرر هالسوات روحي الشؤون القانونية وخل يكون معاج شهود

كااابيش

Broke said...

Min 9ejjech ?!

هذا مديري

بالضبط مديري

بس الفرق انه بعد ما عرف اني لازم آخذ إجازة ..يوم واحد .. كل شهر .. استحى على دمه ..و ما قام يسأل ..

:P

Reflections said...

لا عيل انا مسؤولي الأولي فيه لقافة ما صـــــــــــــــــــارت

من اقول له باسأذن!! الا سألني وين رايحة؟؟ و شعندج؟؟
ياه!! شتبــــــــــــــــي!!! انت شكو

و انا كله ادقره.. اقول عندي ظرف طارئ، عاد اشوه يندقر و ينجعم هههههه

Dr. Saleh said...

اللع يعينك على هالمدير الوقح
موظفة ومريضة شقحة الأسئلة
وقع وتحمد لها بالسلامة
وثانيا عشان إتريحين نفسك إخذي إجازة مرضية من أي مستشفى خاص بدون الرجوع إلي ورقة المرضية التي تتطلب توقيع مسئولك
ومصيبة بعض المسئولين من الرجال عدم معرفته بالآلام التي تعانيها المرأة في فترة الحمل والدورة الشهرية وحتى معاناتها حين مرض إحدى أفراد الأسرة
بينما الرجل رايح في سابع نومه
ثانيا الشغل ماشي ماشي سواء حضرت الموظفة أو لو تحضر، حضرت حضرتك أو لم تحضر فلن يتوقف العمل

ريما نبي نسمع رأيك في مديرك

shakshaka said...

lawyerrrr walllaa mkalfa 3la 3umrichh! golelaa barta7 mn wayhek? wo b3dein ent shakooo way 7arnee.. ana mashtighil wala ako mudeer bes feeh jam3a wo wa7da mn ele edarsona 3ella kel maghebt galatlee kaa gedartay tamshen 3la ryolich wainich ams haw entay shakoo geltlahaa ya3ni ya akoon 3la frash el moot ya may9eer?

el9ara7a lazem e9eeer fe la'e7at qawanen 3la hal mudaraa heheh ena yet2adeboon wo bala hal as2ela ohma sh7aaaaaarhum!

Mudhaf said...

مالقاله اللي يعرفله
حسب خبرتي بالمدرا و تغييرهم اعترف ان مدرا الجنس الناعم احسن بمليون مره من اصحاب الشنبات

nour alwjod said...

لووووول

الله يسعدج
ضحكني جوابج على مدير الدعلة .. أكيد اشتغل بالواسطة .. عدل ؟

charisma said...

وااى لا اذكرينى فى مسئولى عمت عينه
احناا غبى الله يسلمج
غباء على استعباط على قثيييث

سمعاى هالسالفه !

نايمه بسابع نومه امبيته النيه بروح الدوام متأخر
بداوم 11

ولا من الساعه 8 الصبح الا الموبايل يرررنع وحده من البنات الى معاى بالقسم

الووو كريزما سورى على ازعاجج بس بوفلان يمى يبييج ضرورى

انا نعممممممممممم

لالالالالالالالالالالالالالا لا تعطينه التلفون شلون اكلمه وانا بغرقت نومى صوتى رايح فيها عييب جذى

انا عبالى انت تبين شى خل يولى
قالت بس اهوه يمى الحين
قتلها قوليله بالطبيب

وترنى وطارت نومتى
شيبىىىىىىىىىى
اى انطر لما اداوم


غير ليش مرضيه
اقوله تعبانه !
يقولى تعبانه ليش اشفيج !!


غير وينج مو على المكتب !!

لازم اقول بالحماام يعنى ؟

لا مينون رسمى الى عندى

بلاوى بعيد عنج

Q80-Chill Girl said...
This comment has been removed by a blog administrator.
Q80-Chill Girl said...

@@

من صجك مديركم جذيه اهبل؟

بس تدرين لو اكون بموقفج و انسئل عن سبب مرظيتي بحرجه و اقوله انا ادري ان سبب سؤالك انك اتحاتيني و تخاف علي بس يكفيني توقيعك على المرظيه انه يبين لي اشكثر حظرتك مهتم و عن المرض لا فال شر عنك لاتحاتي و لا تعور راسك فيه انا الحين بخير و الحمدلله و راده للشغل اكو شي مستعجل و تعطل بسبة المرظيه انا حاظره

غيره! لو يغسل ايده بجاااااز مايحصل مني

اتبع اسلوب الاحراج مع هالاشكال بس بحذر شديييييييييد لانه لو اهو طويل لسان ما اضمن شيقول ببع مسار ثاني

بس احب الاحراج باني ادري ان نية الشخص زينه (حتى لو ماكان هالشي صحيح) بس احتاجه يسمح لي اني مابي اقول

بس صج صج الله يعينج و الحمد لله الفففففففففف مره على مسؤوليني يا حلوهم ولو ان فيهم واحد طيب بس مايدري وين الله قاطه

(المشكله ان التعليق الاولي بيوصلج بالايميل بس على الاقل بدلياتي و الحجي اللي مادري من وين طلع عندج انتي بس لوول، السر زين) و شكرااااا

Q80-Chill Girl said...

السر=الستر

حتى و انا مرقعه التعليق قطيت بدليه

kila ma6goog said...

عجيبة

نون النساء said...

لووووووول

مرة سألني ليش كا جدامي مافيج شي


جان أقولة

قاعده ألعب



يعني شقولك

شسمووونه


عااد اهو يا ثوور
يا يتثيييور علينا

لازم انبطها بويهه عشان يتفشلون شوي

2 u ALL said...

هذا لا يطلق عليه لقب " مدير" ...!!! لأن علم الاداره بعيد كل البعد عن هذه التصرفات ...!!! وأقول الله يعينك عليه


بس "لوير" منتي هينه

^0^
-

بنت الديــــره said...

انا بحكم تنقلي من دووام لدوام اول كنت اداريه في مدرسه كلها رجال الله لايوريج الصراحه المدير كان جدا مؤدب بس المشكله كانت بالمدرسين قمه الوقاحه قلبوا مكتبي كووفي موناقص الا الشيشه
لدرجه مدير المدرسه يقوولي طلعي قبل نهايه الدوام بنص ساعه لانج تثيرين فتنه هههههههههه
والطامه الكبرى لما انتقلت للتدريس كان عندي ولد حرج اقووله ياحبيبي انا حامل وتعبانه لاتاذيني ثاني يوم ولي الامر يقوولي مبرووك ياابله فلانه على الحمال هههه وقح ومضحك في نفس الوقت
الصراحه اكو رجال جدا سخيفين لا وغير اولياء الامور يقول لولده روح لابله فلانه قولها هذا رقم ابوي اذا في استفسار تدق علي هههههههه ماادري صار اخصائي اجتماعي وانا مادري
الوضع مضحك جدا رغم سخافته
موضووعج جدا جميل وواقعي انا شخصيا اواجه مثل هالاشياء بشكل شبه يومي
تحياتي لج