Sunday, January 07, 2007

غمزه و عظ البرطم ..


غمزه و عظ البرطم

حركه كويتيه جدا راقيه تستخدمها غالبا امهاتنا و يداتنا او الحريم عموما لتنبيهنا !!
و عدم مقاطعه المتكلم او عدم تصحيح المعلومات .. او التنبيه على عدم اللقافه
هذي الحركه ما اواطنها ...
الي خلاني اكتب بوست ... موقفين صارولي امس

الموقف الاول في استقبال حجاج ..

ادخل انا و امي للاستقبال ..بعد شوي تعرفني وحده على صديقه لامي قديمه
الصديقه : يا حلوها منو هذي !؟؟
صاحبه الاستقبال : هذي فطومه بنت بلا بلا بلا بلا ...
الصديقه : بصوت خافت مسموووووووووووووووووووووووووع تسأل رفيجه امي جم عمرها !!؟؟
صاحبه الاستقبال : 25 !!!!!!!!!
اساسر امي : بعد شهر بصير 28 !!
تعلن امي اطلاق صاروخ الغمزه و عظه طرف البرطم !!!

الموقف الثاني امس

انا في الصاله انبه امي بان يطلعون كل اغراض غرفه التبديل عشان بيي الصباغ العصر يشوف الدار و اطلب منها تعامل على كبت كبير لان كبتي بينبط من الخلاجين و كانت موجوده مرت اخوي (جنتنا)

انا : يمااااا طلعو الاغراض و دقي على النجار يسويلي هذا بطن جنه ...
امي : تطلق صاروخ النغزه و عظ البرطم ..
انا : اعفس حواجبي اشفيج ؟؟
امي : اتأشر بوجود مرت اخوي ...
انا : هووووووو اشفيج ..
و لما تروح مرت اخوي تغسل ايدها
امي اتبهني في كلمه بطن جنه !!
اي اشدراني مو انتو تسمون الكبت الكبير بطن جنه !!!! كلمه كويتيه دارجه ما اقصد عنها اقصد عن الكبت !!
و يا كثر ما كانت تستخدم يدتي الله يرحمها
النغزه و هالحركه
و امي بعد ....
شنو مواقف تصيرلكم تخلي امهاتكم تطلق صاروخ الغمزه ؟؟

30 comments:

shakshaka said...

la 3ayal ana refejat yadetee 3endahaaa estekhdamat okhraaa lil ghamza wo 3athat el bir6im:P etgoooolich dawrooolkum refeja 3ndaha okhoooo m9alyyyy wo msamy woooo lagelnalahaa eeh mawjod el okhoo bes shloon y3nee bengolah ta3al 7ibnaa etgolich laaaaaaaaa sh3arafkum entaw sawooooola ;) y3nee ghemzaw wo 3ethaw el ber6im ...

Ya garadat 7athy yom eni baghmiz wo ba3ith el bir6im 7ag wa7id 3shan a6ay7aa LOL telgaina eshaiwer aslan LOOOOL

mosan mosan said...

Hello there? How was your new year ? I hope all is well

Krakatoa said...

زين ما افرصتج ( اقرصتج)

بعد

==

لا انا الوالده الله يطول بعمرها من يصير شي غلط او اقول شي شي غلط

إتبزر عيونها انا هني اخق..ادري ان هببت شي جايد

هالحجي على ايام الشباب شبابها ( مع انها بعيوني بتظل شباب)

بس الحين لا طخت..الله يجدينا وياها ويعطيها طول العمر والصحة والعافية

lawyer said...

shakshaka

LOOOOOOOOOOOOL

لا لا لا عجيبه رفيجه يدتج

الله يخليها يارب

neelaah said...

انا الوالده ما تغمز
بس
تبقق عيونها
توسع الخزة
و انا اتدوده

Kwaitiyya said...

لوووول لوير ! نفس يدتي
يدتي كانت تقرصنا على أيدنا

وأمي تبقق العيون وتعظ برطمها السفلي مع الخزه

أخر مره أمس بإستقبال وحده من أهلنا رايحه الحج
يتني وحده من رفيجات أمي الكبار وقالتلي هااااااااااااو أنتي بنت فلانه؟؟ قتلها اييه!! قالت وااااي ياحلوج جم عمرج! .. فجأه أمي نطت عمرها 25 ! قتلها لا لا يما صرت 27 ! جــــــان تعطيني الخزة وتعظظ البرطم

طبعا أول ما طلعنا من باب بيتهم وتطيح فيني زف
ليه البيت واهيا تزفني
ووقت العشا زفتني
وقالت حق ابوي طبعا
لويه لويه وااي اشدعوه يعني مو عيب ياربي هذا عمري بعد انا شكو !!! هذا تخلف العقول بالديره الحبيبه والمجتمع المريض

vincent said...

الوالده ما نفس الحركة بعد و يدتي تطق إيدها على ريلها :P
الواحد هني يخق عاد اخذي ما يبقى كلمة مو موجوده بالقاموس hehe

albandry said...

لووووووووووول
انا مع كركوت زين ماقرصت فخذج واللا زندج

امج تيبيكال كويتية\

:)
امي وخالاتي يرفعون حواجبهم ويصيرون8 هيهيهيههييه

kila ma6goog said...

lool

انا اكثر هوشاتي مع أمي لمن تفشلني جدام الناس

يعني ندش نسلم و أقعد تقوم اهي تقولي قوم سلّم على عمتك أو بوس راس مادري منو

العداد الاعصاب يشتغل هني

sologa-bologa said...

أقولها صج مو مجاملة
أسلوب في كتابة السيناريو والحوار
وايد ممتع
بس العيب الوحيد
إن السيناريو مكتوب باللهجة الكويتية المحلية

حلاة السيناريو ينكتب بالعربي
والحوار بالكويتي

أعتقد الموضوع يصير أحلى


جد جد جد

ليش مايكون في مشروع لكتابة مسلسل
؟؟

3ateeja said...

انا امي خلصوا براطمها من كثر ما عضضتهم الحين يا الدور على براطمي انا اللي اعضضها ....
اي والله انا اللي اعضض البراطم وخليني اقولج آخر المواقف لتعضض البراطم
سويت مقلب بمرت خالي رقم 2 ومسويه مقالب بخالاتي وحريم خوالي ...عاد باليمعه كانت مرت خالي ف رقم 1 قاعده جان تقول خالتي ويييييي عتوج عيل قولي فلان-مرت خالي رقم 2-شقالت ...اشوه رقم 1 ما انتبهت جان اعضض على براطمي ههههههه عاد ذيج افهمت
.....
ابوي محد يعرف الترمومتر ماله غيري انا وامي ...فتلاقين الاسره تخوره ..وبما ان امي خلصت براطمها فتلاقيني انا اشتغل بدالها
وعلى طاري بطن جنه ..عادي ترى تنقال هالحجوه جدام الجنه مافيها شي ...لأن امج ايضا جنه واختج اذا كانت قاعدومتيوزه جنه ...عادي ...

Charisma said...

لووووووووووووووووول
زووغاااا
انا امج اموت عليها دشت قلبى من شفتها
هههههههه

عندج وعندنا خيير

امى تخز ونعرف ان بس جب ونسكت ولا انغير الموضوع

يدتى تقرص لوووووووووول
كلا تقول احط القرصه ابفخذج
:)))

يا حلوهم والله
الله لا يحرمنا منهم

اما بطن جنه هههههههههه
عسى بس ما ازعلت الجنه
ههههههههههه

PearL said...

انا امي كل انواع الحركات تسويها
جربت الخزة
جربت عظ البرطم
جربت الغمزة

:)

بكل الحالات وبمواضيع احسها ما تحتاج
:)

بنت الشامية said...

لوير
انا امي ما تعض براطمها بس تخزنا خز
يوم كنا صغار لما يونا ضيوف اول ما يقعد الضيف يشتغل الخز يعني قدموا الشاي اوالماي او العصير ومايحط الضيف الاستكانةاو الكوب العصير لازم خلال ثواني نشيله ونصب مره ثانية ونقدم معاه المقسوم من كيك او كبه او سمبوسك او اي شئ يعني لازم عينا علي الضيف
طبعا ما نستانس مع ضيوفنا ولا نسولف معاهم وخصوصا اذا كان معاهم بناتهم واذ قلن لامي يعطيها طولت العمر ليش تخزينه احنا نعرف كل شئ وبنسويه علي اكمل وجه
تضحك امي وتقول اخاف تفشون حلوجكم وتنسون الاوادم وبعدين انا ما خزيت وايد تتوهمون
طبعا نموت من الضحك ونقول لها بنصورك مرة ثانية
طبعا زمنا ماكو فلبنيات وهنود يقدمون للضيوف لان الضيف لازم ينحشم ويخدمه اهل البيت
اسفه طولت عليكم
والحين انا ازد من افي في الخز وعض البراطم

Purplecious said...

لوووووووووووول يا لوير

شقوووول شاخلي

هههههه

وايد اشياء بس اكثر شي اذا اشتطيييييت وانا اسولف

تلاقيني مستاااانسه و منطلقه شحليلي

خصوصا لما اسولف عن عمري و عن الاكل والكاوكاو اللي امووووووت عليه و الدونتس و الخرابيط و الرجيم هههههه

تعطيني ذيييييج الغمزه و عضه على البرطم و انا اندقررررر

عقب اسأله شفيج يما انا شقلت؟؟!؟

تقولي لا تقولين جذي عن عمرج لا ينضلوووونج

هههههه

اقولها اييييي خل ينضلوني جوووود اضعف ههههههه

Alather said...

ليش يقولون عنه بطن جنه ؟

Яeema said...

إتصدقين ما أذكر

هههههههههههه

عموما أنا إذا مقاعد حريم ما أندمج وايد بسوالفهم أحب إني أسمع


عندي أبوي يخز علي الجنب

و بس إهيا الضربه القاضيه غير المباشرة

lawyer said...

mosan


thanks 4 asking :)
walla tmaaaaam kil shay Ok
u2 baby :**




krakatoa
ههههههههههههه لا ما تقرص امي
قبل كانت تحذف الشحاطه بس مو قرصه
هههههههههه
اي الخزه هذي في البيت خصوصا اذا هببت في السوالف جدام ابوي




نيله
هههههههههههههه يا حلوها الله يخليها لج يا رب
اسم الله عليها




كويتيه !!!

انتي مثلي صارلج الموقف امسسسسسس
ابييييييييييييييه اشفيهم امهاتنا يزورون في اعمارنا


ابشرج اليوم بعد عطتني خزه جهنميه
لاني ما داومت و يايني مال الوال بيبر حق غرفتي

و قالتلي حراااام كل هالخسااااير على هالغرفه !! يمكن تتزوجين و تروحين !!

انتي لاحظي ان اللبناني موجود اوكيه

جان اقولها زواج ماني متزوجه للابد
حبيبي الي اموت عليه انتحر في الفالنتاين !!و انا مخلصه له العمر كله
هههههههههههههههههههههه

بغت تمووت
ياربييييييييييي

خزه عظه زفه شخله كل الانواع





vincent
ههههههههههههههههه

الله يطول في عمرهم
اما من ناحيه الافاظ القاموسيه

احم احم
اقولها يما عيب
تقووووووول انطمي طمج الله
ابغله اشكبرج

lawyer said...

البندري
اناااااا ساعات اسوي مثل امج ارفه الحواااااجب

هههههههههههههههه



كله مطقوووووووق


اتصدق ماني مستوعبه انك عصبي ؟؟




سلوجا
ماعرف اكتب حوار في العربي
احس حصصه نحوووووووو

ترا ماواطن العربي
بس اتصدق وايد احب الشعر الفصحى
بسسسسسسس مو لايق علي




عتيجه

هههههههههههههههههههه
اهم شي انتقلت بالوراثه عندج

يا انتي يا اللي فاهمه الوالد





كيتي
تحبيييييييييييييييييين
امي ؟؟
هاااااااااااااا

تبينها
اسلفج اياااهاااااا

ماعندي مانع

Mudhaf said...

هاهاهاها
عبالي بس امي عليها هالحركات
نظره امي هذي تاريخ و تراث و يا مكثر ما تندرنا فيها و حللناها و ناقشناها في اوقات الصبا و الشباب
فلورست بفتح مجله كويتيه 70% منها لهجه كويتيه و بعينج نائب رئيس التحرير
موافقه؟

lawyer said...

بيرل
لااااااااا اهم يزفووون وايد صايرين
و كل الحوال عندهم احنا غلط !!


بنت الشاميه

احنا لي الحين في بيتنا الخدم ما يضيفون
يعني كل شي علي انااا

انا اصب انا احط الخدم بس يغسلون الاستكانات و الفناجين




بربل
ابيييييييييييييه
امج مثل امييييييي
ههههههههههههههههه





الاثير
والله مدري بس يسموووووونه جذي كلمه كويتيه قديمه





ريما
ايييييييي الابهات يا حلوهم عاد ما يخزون الا شي جايد





مضف
موافقه
متى اوقع العقد؟؟

Mudhaf said...

i am not kidding miss florist ;)

lawyer said...

مضف
و من قالك انا اضحك؟ او قاعده اتغشمر
انا من صجي يالله جوووووووووو

انا وياك

Breeze said...

ما أقوول إلا يا حلو أمج .. عسى الله يخليها لكم يارب ... :))))

هيهيههيهي و بدّعتي ببطن الجنة .. لووووووول

:P`p ~
عاد عسى جنتكم حلييييوه ؟؟ وما طنقرت على غير سنع ؟
:P

layal said...

من كثر ما جفت هل نظرات والغمزات
حرمت اتكلم جدام الناس بسالفه
اسكت احسن
وخلني اخور وانجب مع الربع

violinist_q8 said...

انا ما اتكلم وايد

بس اذا بقول اي شي ما اهتم لاحد
اللي بقلبي اقوله لحسيته صح :))

lawyer said...

صباحكم عسل

brezee

لا الحمدلله جنتنا سنعه و ما تزعل انا مسكينه كلا اطفرها و هم ما تزعل
لا انا ازعل منها و لا اهي تزعل مني

حتى لو بقولها شي خاص اقولها اعتبريني مو حماه اعتبريني اخت

و الحمدلله اهي دايما تشكرني اذا فطنتها في شي اهي مو على بالها

بيني و بينج المفروض داخل البيوت ماكو زعل لان كلنا في النهايه نحب بعض



ليال
قمت اسويها وايد ما اتكلم اسكت احسن
بس هذاك اليوم من فتره بسيطه انعزمت على يمعه لصديقات امي
و قمت اخورا وايد
و سولفت سوالف ابداع عن السفر
و امي منبهره

مو مصدقه انا بنتها و الا انا منو
اخر شي جدام الناس قالت ترا انا اول مرا اسمع هالسوالف

هههههههههههه

انا من نوعيه البنات الي امهاتهم مبتلشين فيهم



violinst
زين تسوي المهم انت مرتاح :)

barrak said...

الوالده الله يحفظها مايدور عندها موضوع الغمز وعظ البرطم
ماعندها غير القرصه وبس

charisma said...

nice post

Desert Fragrance said...

هاي لوير

تدرين انا يوم اميه تسوي هالحركة..احس بحرارة في جسمي من القهر ماتحمل
واقولها عيني عينك حق شو تغمزين بعينج عادي شو فيها وارد اقول اللي قلته
لاني ماحب حد يسكتني او يقاطعني او يشككني بكلامي
اكررره شي في حيااااااااااتي
والحين ماقامت تسويلي الحركة هههه شفتي كيف

جربيها ولا بتشوفين لا عظة ولا غمزة