Thursday, January 24, 2008

الدنيا دوارة


الله سبحانه و تعالي ينصر عبده

الي يتوكل على الله يلاقي ربي سبحانه مسخرله كل شي من غير ما يحس
و المظلوم له حوبه
و اغلب الناس الي تسيئ لانسان او اتهينه و يسامحهم او انه يقول حسبي الله و نعم الوكيل
ربي صج ينصره و ياخذ بحقه
حتى لو ماكان حزتها
حتى لو تأخر الشي

من سنين يمكن ست او سبع
المهم تعرفت على شخص و بصراحه ماكنت ابي ارتبط فيه مو عشان الحب
ولكن عشان ظروفنا الاجتماعيه لانه مو كويتي
فدايما اقوله انت اصلا مو مستقر
تبي اتشحططني انا وياك !
شسوي اروح جده او الرياض و مرات الطائف انت ماالك مككان معين على حسب شغلك

نهايتنا كانت في هذا الحوار
كان اهو جد
و انا سخيفه اتغشمر
قلت له : مممممممم يمكن اذا عنست و صار عمري 30 اخذك بعد شسوي العوض و لا القطيعه!

هوبصراخ: ايششششش قااااال ايشششششششش!! استناااااااااكي لي 30 !!! بعييييييد عنك قسم بالله بكره لا صار عمرك 30
تدوري جززززززززمتي تمسحينها ما تلاقينها!!!

انتهى الحوار
قطعت كل شي
ورحت
و صار بين فتره وفتره
كل 8 شهور
سنه
يدق
ما ارد عليه
ولكن مرتين قدر يحصلني لانه يطلع CALL
ويكون حزتها موصاحي
فاسكره في ويهه

المهم ما اطول عليكم
من فتره قريبه جدا
اتفاجا في امي تكلمني عنهم
الفرصه الي انا ناطرتها من سنين!!!
انا يمكن مو حقوده
يمكن مو سيئه بس الكلمه بقلبي
ولما كان يرد يدق بين فتره و فتره مايشفى غليلي
ولكن الفرصه الحين يت
طبعا امي ماتدري عن شي ابدا

رفعت السماعه عليه و كان هذا الحوار الي قلته بدون اي تفكير و نتيجه حرتي و رده فعل مشاعر محتره

انا : الووو هااااااي فلااااان شلووووونك ( بنبره وايد سعيده و طايره فيه)
هو: ياهلااااا ياهلاااااااا بالزين كله ياحبي له هالصوت شخبارك
انا : وااااااي فلان شالمفاجأه
هوحدا متشقق و طاير يضحك!!!
انا : اقووووووول فلان عندك جوااتي وايد وصصصخه تبيني امسحهم لك!
هو: ايش!!!
انا: اقووووووووولك عندك جززززززم كثيره وصخه تبغااااني انظفهم لك
ابشرك ترا انا ترقيت قمت امسح طاولات !!
و صار شد و جذي و سكرت التلفون
و قعدت افكر بالموضوع
الي من وين طلعلي عقب هالسنين !!
سبحان ربي من ست اوسبع سنين قط علي هذا الادمي هالحجوة
و كان يظن اني انا ابيه عقب
ردلي قبل لا اكمل الثلاثين حسب التاريخ الهجري
عشان ارد عليه و يسمع مني كلمتين ما هقى يوم بيسمعهم
عباله عقب الي قلته برد اسبه او اغلط و لكن انا سمعته كلام خليته يحتقر نفسه
على الحجي الي قاله

و اذا عقب ست سنين ما نساني انا جددت اقامه ذكرياتي عنده حتى لو بخرف و يفقد الذاكره
بس عمره ماراح ينسى كلامي الي قلته له عن الغلط و الاحترام و الناس و عن ربي سبحانه اذا رفع
و اذا اخذ بثار احد
الي خلاني اقول هالحجي
اذا في انسان جارح انسان بكلمه
خيتحلل منه
ترا الحوبه يمكن تذبح

مسج
انت محللني صح؟؟
لاني مرات وايد اخوره عليك بالحجي
بلييييز مابي عقب سنين يصير فيني شي احس انه حوبتك

32 comments:

Mohammad Al-Yousifi said...

لول

منو البطل الحين؟

حلم جميل بوطن أفضل said...

بثينة

أنا دلوقتي بقيت أنترناثونال

:)

lawyer said...

مطقووووووق

انا قايلت لك السالفه صح؟؟

ماكو بطل السالفه تبط الجبد
تحر



حلم جميييل

الحياه تجارب


هذي العولمه يمه

darkness said...

@@

عمت عينه

صج قهرني

حسبي الله و نعم الوكيل

المهم انج بردتي قلبج بالنهايه

:)

5roofa said...

سلاااام حمدالله على السلامه والله ضاق خلقي لمه شفت المره الي فاتت

و خفت انه يعني منتي راده

منوره بالرده

و امبي زين تسوين في واااي اكره هالكلمات

تخيلي عندي رفيجتي كانت تحب و مسكينه تمرمرت معاه وايد علما اهلها وافقو و انا على عماتي كنت اساعدهم و خليت امي تكلم امها

و اخر شي لمه ينكتب النصيب انصدم انه ادق علي و يقولها قوليلها اي اذا كانت حاجتك عند الجلب قوله يا سيدي
وانتي بكرامه

تخيليييييييييييي

قهرنييييييييييييييي

واااي و ادور الايام و والله و اشوفها معا و اهو متحرول يخرع شكله و حايشه السكر استغفر الله اللهم لا شماته

بس اهو يشوف نفسه على الناس و يقط حجي علبو ما يتثمن و بعدين يبي الوضع يمشي

انزين اسالج لوير شلون يعني والله تي عرات اقول امبي بس خلاص بسامحه و احلله بس كل ما اذكر السالفه ارد احتر مره ثانيه

لوول تهقين لاني شريره؟

salamz sweetee....

J Daily said...

المسج عجبني (:

AseeL said...

المفروض ان العلاقات الانسانية أرتب من جذي!!

وبعدين الرياييل ما مفروض يقطون عقالهم ولا يمدون لسانهم ويكونون أرقى من هالكرتون!!

هذا ليش قليل الادب وسفيه؟

والا يعاني ما عنده صابون ينظف جواتيه؟

شالرياييل السكّة.. من وين هالموديلات تطلع؟

لوير نصيحة...

لا طفتي الثلاثين ضحي فيه لله.. لا تاخذينه...

وقلنا لج لو تبطلين من الكراتين انتي بخير... المنتج المحلي أحسن!

f7ee7eely said...

salfa mukarrarah -- I heard similar stories -- the essence of the story is way past settling scores!!

enshallah ey6eg babkum wa7ed yestahlech sooner rather then later!!

haifa said...

لوير

انتي على الاقل كان وقح .. يعني لج عذر

لكن المشكلة بالي كله ذوق ورقي ومازال يشوفج الاجمل والارقى والمرأة الوحيدة بالعالم رغم كل هالسنين ورغم كل الي صار

شلون نحلل روحنا من روحنا ومن غلطنا

سدرة العشـــاق said...

الحوبــــة تبطـــي بس مــا تخطـــي

:)

PearL said...

what goes around comes around

على نفسها جنت براقش said...

حلاة الثوب رقعته منه و فيه
زين سويتى

The Simper said...

el ameer khalid el faisal gal:

كل يعود لاصل جده ومرباه
راعي الشرف يشرف والانذال يهبون

الفرع من عوده شرابه ومسقاه
والحنظلة مرة ولو تشرب مزون

الطيـب كايد والمناعير تقواه
والهون هين تدفع النفس وتهون

ناس على كسب المراجل مضراه
وناس على كسب الفشيلة يضرون

o salamtich :)

Amethyst said...

Karma! *insert evil laugh*

`~MnO YeNSa! ~` said...

والله مادري شقول بس جنة اللي سويته صح ,,وحلات الثوب رقعته منه وفيــــــــه و احنا لو عندنا اهل بالسعودية بس
still
ترى صعبـــــــــه وايد

vancouver said...

قلتيها لوير
سبحاااااااااااااااااااااااان الله

تدور الايام
والحوبه تبطي بس ما تخطي
الحييييييييييين عسى بردت جبدج وطاب خاطرج
لاني بقولج حجوه
بس اخاف اخااااف
تحذفيني باللاب توب وانتي تقرين
لووووول

وانا اقرى البوست
لما وصلت لي الجمله اللي قطيتيها عليه وقفت
مع انج قلتي انج قلتيها ضحك وهذي اكيد كانت نيتج
بس الانسان لوير عليه من اللي يسمعه باذونه مو بمقاصد الناس
المهم وقفت قبل لا اقرى رده عليج
انصدمت وعور قلبي لاني قاعدة اتخيل انسان شاري انسانه ويطلبها تكون شريكه حياته
بس اترد عليه
اتقوله راح اخذك اذا كنت اخر رجل بالعالم
وانته العوض اللي اصبر نفسي فيه بس مو تارس عيني
والله هذا اللي حسيته لوير من الجمله
بللللللييز لا تكرهيني
بس مو يمكن اللي قاله كانت رده فعل حق كرامته اللي انجرحت وخانه التعبير
وتدرين لما الريال تنجرح كرامته شيصير فيه
صح
؟
طبعا مو قاعدة ابرر
بس ما ادري هذا اللي حسيته وكتبته
عاد جان بايدج شيئ بتحذفيني فيه
امري لله
بس موووووووو تعوريني
هههههه

فتى الجبل said...

الدنيا دوارة
وكما تدين تدان

tweety said...

ويقولون ليش اتعنسون !؟

أنا أشوف العنوسة أكثر تهذيبا ولطفا من مثل هذا النوع من أشباه الرجال يعني إذا مافي إلا هالأشكال فالعنوسة تاج على رئوس العازبات لا تراه إلا المقرودات والمتورطات بأزواج أزواج الأحذية أهم منهم

qesat_5ayal said...

الحمدلله


ديري بالج على نفسج
:)

Barrak said...

مع احترامي الكبير لك اولا


ودي ازنطه

دواره يادنيا دواره

Anonymous said...

YOU GO GUURL ;]

اجار الدين كشمش said...

شوفي فطيم

انا هالايام ..ماني بالع الريايل

ولا بعض النساء

الواحد ما يصير يرتبط مدى الحياة مع شخص الي الابد

والعالم كله يحارب الاحتكار بجميع اشكاله والزواج احد اشكاله
الصارخه

الحل كما يطبقه الاوربيون هالايام

عقد ...زواج رسمي

ولكن الاتفاق بين الاثنين
على مده 5سنوات قابله للتجديد

اذا تلاقة الروحان يجدد واذا
تنافرت كل في طريقه
باحسان

مااايصير الانسان/الانسانه يعيش

محتكر مدى الحياة مع شخص دعله وحنان وشكاك وبخيل ووووو...وكذلك

المراه بها عيوب بعد الزواج انتم ادرى بها مني

الحل العقد
ادري ما يعجب بعض الناس
لكن كيفهم .. العقد ااااتي لا ريب
فمالله

vancouver said...

لوير عسى غيبتج على خييييير
طولتي علينا
:(


بعد اذنج
ممكن ارد على
اجار الدين كشمش

ترى الزواج مو ارتباط ابدي
امساك بمعروف او تسريح باحسان
هذا اساس عقد الزواج بالدين

يعني اكتشفت البطيخة ماصخة وما تنبلع مومجبور تستمر
وهم احنا عندنا الخلع
هههههههه

Shaima'a Alkandari said...

كلامج حده قوي

صج الدنيا دواره

بس خوش حجي

نور عيونك said...

وتدور عليه الدوائر انشالله
ما الومك والله سالفه تحر ;)

|:| DUBAI |:| said...

مبروك على الانتصار العظيم

: )

zajel said...

صباح الورد

محـــــارة said...

اسمحيلي فطوم ابتسامة ابتسامة عررريض بعد هالبوست مو لشيء إلا

أفتخار فيج .. أنتي مو حقوده لكن حبيتي من قلب وبصدق وانجرحت من شخص ماتمنيت بيوم تكون الأذيه منه .. هالقلب الي منحتيه فقد عقله باللحظه وتكلم بشيء الزمن رده لعالمه وللقلب الي تندم أنه ما صانه

هذا مو حقد لاااا هذا حب نظيف تمنيتي ينصان ويتقدر بس كان بنظره حتى لو بوقت لعبه لعب فيها واستنتج عقب زمن أنه هالقلب بيته الي ضيعه

ربي يسعدج وينولج من تحبينه ويستاهلج أخيتي

محـــــارة said...

ترى لا تزعلين مني حبي تحليل فانكوفر صحيح يمكن ردة فعل لكلمة أنت أخر واحد ارتبط فيه وبعج ما افلس راح أخذك

وطبعا قويه على اي ريال تنقال فيه خاصه لما يكون حاسه نفسه أفضل من أنه يوصل لمرحلة عطف منج .. يمكن هالشيء خلاه يقول الحجي الي قاله

على العموم الأكيد أن فيه حب وحب كبير بينكم أخطأ من أخطأ يبقى الظروف ماخدمتكم وعسى ربي يكتب الي فيه الخير مع بعضكم أو كل واحد بحياة مختلفه

`~MnO YeNSa! ~` said...

wainch ? mn `3air shar ?

Selezya said...

اقولج الصج ومن غير مجامله بس لا تزعلين

كلكم غلطانين
اهو وانتي
عشان اكون صريحه :)
بس عاد اذا تبيني اكون صوبج خلاص احسسسن يستاهل :p

lawyer said...

سلااااااااام كلكم
سووووووووووري بطييييييت ما رديت بس ظرف والله الي شغلني

مشكوووووووووووووورين على التعليق


شنووووووووو هذا ليش كل شي صاير في الكويت غالي