الله سبحانه و تعالي ينصر عبده
الي يتوكل على الله يلاقي ربي سبحانه مسخرله كل شي من غير ما يحس
و المظلوم له حوبه
و اغلب الناس الي تسيئ لانسان او اتهينه و يسامحهم او انه يقول حسبي الله و نعم الوكيل
ربي صج ينصره و ياخذ بحقه
حتى لو ماكان حزتها
حتى لو تأخر الشي
من سنين يمكن ست او سبع
المهم تعرفت على شخص و بصراحه ماكنت ابي ارتبط فيه مو عشان الحب
ولكن عشان ظروفنا الاجتماعيه لانه مو كويتي
فدايما اقوله انت اصلا مو مستقر
تبي اتشحططني انا وياك !
شسوي اروح جده او الرياض و مرات الطائف انت ماالك مككان معين على حسب شغلك
نهايتنا كانت في هذا الحوار
كان اهو جد
و انا سخيفه اتغشمر
قلت له : مممممممم يمكن اذا عنست و صار عمري 30 اخذك بعد شسوي العوض و لا القطيعه!
هوبصراخ: ايششششش قااااال ايشششششششش!! استناااااااااكي لي 30 !!! بعييييييد عنك قسم بالله بكره لا صار عمرك 30
تدوري جززززززززمتي تمسحينها ما تلاقينها!!!
انتهى الحوار
قطعت كل شي
ورحت
و صار بين فتره وفتره
كل 8 شهور
سنه
يدق
ما ارد عليه
ولكن مرتين قدر يحصلني لانه يطلع CALL
ويكون حزتها موصاحي
فاسكره في ويهه
المهم ما اطول عليكم
من فتره قريبه جدا
اتفاجا في امي تكلمني عنهم
الفرصه الي انا ناطرتها من سنين!!!
انا يمكن مو حقوده
يمكن مو سيئه بس الكلمه بقلبي
ولما كان يرد يدق بين فتره و فتره مايشفى غليلي
ولكن الفرصه الحين يت
طبعا امي ماتدري عن شي ابدا
رفعت السماعه عليه و كان هذا الحوار الي قلته بدون اي تفكير و نتيجه حرتي و رده فعل مشاعر محتره
انا : الووو هااااااي فلااااان شلووووونك ( بنبره وايد سعيده و طايره فيه)
هو: ياهلااااا ياهلاااااااا بالزين كله ياحبي له هالصوت شخبارك
انا : وااااااي فلان شالمفاجأه
هوحدا متشقق و طاير يضحك!!!
انا : اقووووووول فلان عندك جوااتي وايد وصصصخه تبيني امسحهم لك!
هو: ايش!!!
انا: اقووووووووولك عندك جززززززم كثيره وصخه تبغااااني انظفهم لك
ابشرك ترا انا ترقيت قمت امسح طاولات !!
و صار شد و جذي و سكرت التلفون
و قعدت افكر بالموضوع
الي من وين طلعلي عقب هالسنين !!
سبحان ربي من ست اوسبع سنين قط علي هذا الادمي هالحجوة
و كان يظن اني انا ابيه عقب
ردلي قبل لا اكمل الثلاثين حسب التاريخ الهجري
عشان ارد عليه و يسمع مني كلمتين ما هقى يوم بيسمعهم
عباله عقب الي قلته برد اسبه او اغلط و لكن انا سمعته كلام خليته يحتقر نفسه
على الحجي الي قاله
و اذا عقب ست سنين ما نساني انا جددت اقامه ذكرياتي عنده حتى لو بخرف و يفقد الذاكره
بس عمره ماراح ينسى كلامي الي قلته له عن الغلط و الاحترام و الناس و عن ربي سبحانه اذا رفع
و اذا اخذ بثار احد
الي خلاني اقول هالحجي
اذا في انسان جارح انسان بكلمه
خيتحلل منه
ترا الحوبه يمكن تذبح
مسج
انت محللني صح؟؟
لاني مرات وايد اخوره عليك بالحجي
بلييييز مابي عقب سنين يصير فيني شي احس انه حوبتك
32 comments:
لول
منو البطل الحين؟
بثينة
أنا دلوقتي بقيت أنترناثونال
:)
مطقووووووق
انا قايلت لك السالفه صح؟؟
ماكو بطل السالفه تبط الجبد
تحر
حلم جميييل
الحياه تجارب
هذي العولمه يمه
@@
عمت عينه
صج قهرني
حسبي الله و نعم الوكيل
المهم انج بردتي قلبج بالنهايه
:)
سلاااام حمدالله على السلامه والله ضاق خلقي لمه شفت المره الي فاتت
و خفت انه يعني منتي راده
منوره بالرده
و امبي زين تسوين في واااي اكره هالكلمات
تخيلي عندي رفيجتي كانت تحب و مسكينه تمرمرت معاه وايد علما اهلها وافقو و انا على عماتي كنت اساعدهم و خليت امي تكلم امها
و اخر شي لمه ينكتب النصيب انصدم انه ادق علي و يقولها قوليلها اي اذا كانت حاجتك عند الجلب قوله يا سيدي
وانتي بكرامه
تخيليييييييييييي
قهرنييييييييييييييي
واااي و ادور الايام و والله و اشوفها معا و اهو متحرول يخرع شكله و حايشه السكر استغفر الله اللهم لا شماته
بس اهو يشوف نفسه على الناس و يقط حجي علبو ما يتثمن و بعدين يبي الوضع يمشي
انزين اسالج لوير شلون يعني والله تي عرات اقول امبي بس خلاص بسامحه و احلله بس كل ما اذكر السالفه ارد احتر مره ثانيه
لوول تهقين لاني شريره؟
salamz sweetee....
المسج عجبني (:
المفروض ان العلاقات الانسانية أرتب من جذي!!
وبعدين الرياييل ما مفروض يقطون عقالهم ولا يمدون لسانهم ويكونون أرقى من هالكرتون!!
هذا ليش قليل الادب وسفيه؟
والا يعاني ما عنده صابون ينظف جواتيه؟
شالرياييل السكّة.. من وين هالموديلات تطلع؟
لوير نصيحة...
لا طفتي الثلاثين ضحي فيه لله.. لا تاخذينه...
وقلنا لج لو تبطلين من الكراتين انتي بخير... المنتج المحلي أحسن!
salfa mukarrarah -- I heard similar stories -- the essence of the story is way past settling scores!!
enshallah ey6eg babkum wa7ed yestahlech sooner rather then later!!
لوير
انتي على الاقل كان وقح .. يعني لج عذر
لكن المشكلة بالي كله ذوق ورقي ومازال يشوفج الاجمل والارقى والمرأة الوحيدة بالعالم رغم كل هالسنين ورغم كل الي صار
شلون نحلل روحنا من روحنا ومن غلطنا
الحوبــــة تبطـــي بس مــا تخطـــي
:)
what goes around comes around
حلاة الثوب رقعته منه و فيه
زين سويتى
el ameer khalid el faisal gal:
كل يعود لاصل جده ومرباه
راعي الشرف يشرف والانذال يهبون
الفرع من عوده شرابه ومسقاه
والحنظلة مرة ولو تشرب مزون
الطيـب كايد والمناعير تقواه
والهون هين تدفع النفس وتهون
ناس على كسب المراجل مضراه
وناس على كسب الفشيلة يضرون
o salamtich :)
Karma! *insert evil laugh*
والله مادري شقول بس جنة اللي سويته صح ,,وحلات الثوب رقعته منه وفيــــــــه و احنا لو عندنا اهل بالسعودية بس
still
ترى صعبـــــــــه وايد
قلتيها لوير
سبحاااااااااااااااااااااااان الله
تدور الايام
والحوبه تبطي بس ما تخطي
الحييييييييييين عسى بردت جبدج وطاب خاطرج
لاني بقولج حجوه
بس اخاف اخااااف
تحذفيني باللاب توب وانتي تقرين
لووووول
وانا اقرى البوست
لما وصلت لي الجمله اللي قطيتيها عليه وقفت
مع انج قلتي انج قلتيها ضحك وهذي اكيد كانت نيتج
بس الانسان لوير عليه من اللي يسمعه باذونه مو بمقاصد الناس
المهم وقفت قبل لا اقرى رده عليج
انصدمت وعور قلبي لاني قاعدة اتخيل انسان شاري انسانه ويطلبها تكون شريكه حياته
بس اترد عليه
اتقوله راح اخذك اذا كنت اخر رجل بالعالم
وانته العوض اللي اصبر نفسي فيه بس مو تارس عيني
والله هذا اللي حسيته لوير من الجمله
بللللللييز لا تكرهيني
بس مو يمكن اللي قاله كانت رده فعل حق كرامته اللي انجرحت وخانه التعبير
وتدرين لما الريال تنجرح كرامته شيصير فيه
صح
؟
طبعا مو قاعدة ابرر
بس ما ادري هذا اللي حسيته وكتبته
عاد جان بايدج شيئ بتحذفيني فيه
امري لله
بس موووووووو تعوريني
هههههه
الدنيا دوارة
وكما تدين تدان
ويقولون ليش اتعنسون !؟
أنا أشوف العنوسة أكثر تهذيبا ولطفا من مثل هذا النوع من أشباه الرجال يعني إذا مافي إلا هالأشكال فالعنوسة تاج على رئوس العازبات لا تراه إلا المقرودات والمتورطات بأزواج أزواج الأحذية أهم منهم
الحمدلله
ديري بالج على نفسج
:)
مع احترامي الكبير لك اولا
ودي ازنطه
دواره يادنيا دواره
YOU GO GUURL ;]
شوفي فطيم
انا هالايام ..ماني بالع الريايل
ولا بعض النساء
الواحد ما يصير يرتبط مدى الحياة مع شخص الي الابد
والعالم كله يحارب الاحتكار بجميع اشكاله والزواج احد اشكاله
الصارخه
الحل كما يطبقه الاوربيون هالايام
عقد ...زواج رسمي
ولكن الاتفاق بين الاثنين
على مده 5سنوات قابله للتجديد
اذا تلاقة الروحان يجدد واذا
تنافرت كل في طريقه
باحسان
مااايصير الانسان/الانسانه يعيش
محتكر مدى الحياة مع شخص دعله وحنان وشكاك وبخيل ووووو...وكذلك
المراه بها عيوب بعد الزواج انتم ادرى بها مني
الحل العقد
ادري ما يعجب بعض الناس
لكن كيفهم .. العقد ااااتي لا ريب
فمالله
لوير عسى غيبتج على خييييير
طولتي علينا
:(
بعد اذنج
ممكن ارد على
اجار الدين كشمش
ترى الزواج مو ارتباط ابدي
امساك بمعروف او تسريح باحسان
هذا اساس عقد الزواج بالدين
يعني اكتشفت البطيخة ماصخة وما تنبلع مومجبور تستمر
وهم احنا عندنا الخلع
هههههههه
كلامج حده قوي
صج الدنيا دواره
بس خوش حجي
وتدور عليه الدوائر انشالله
ما الومك والله سالفه تحر ;)
مبروك على الانتصار العظيم
: )
صباح الورد
اسمحيلي فطوم ابتسامة ابتسامة عررريض بعد هالبوست مو لشيء إلا
أفتخار فيج .. أنتي مو حقوده لكن حبيتي من قلب وبصدق وانجرحت من شخص ماتمنيت بيوم تكون الأذيه منه .. هالقلب الي منحتيه فقد عقله باللحظه وتكلم بشيء الزمن رده لعالمه وللقلب الي تندم أنه ما صانه
هذا مو حقد لاااا هذا حب نظيف تمنيتي ينصان ويتقدر بس كان بنظره حتى لو بوقت لعبه لعب فيها واستنتج عقب زمن أنه هالقلب بيته الي ضيعه
ربي يسعدج وينولج من تحبينه ويستاهلج أخيتي
ترى لا تزعلين مني حبي تحليل فانكوفر صحيح يمكن ردة فعل لكلمة أنت أخر واحد ارتبط فيه وبعج ما افلس راح أخذك
وطبعا قويه على اي ريال تنقال فيه خاصه لما يكون حاسه نفسه أفضل من أنه يوصل لمرحلة عطف منج .. يمكن هالشيء خلاه يقول الحجي الي قاله
على العموم الأكيد أن فيه حب وحب كبير بينكم أخطأ من أخطأ يبقى الظروف ماخدمتكم وعسى ربي يكتب الي فيه الخير مع بعضكم أو كل واحد بحياة مختلفه
wainch ? mn `3air shar ?
اقولج الصج ومن غير مجامله بس لا تزعلين
كلكم غلطانين
اهو وانتي
عشان اكون صريحه :)
بس عاد اذا تبيني اكون صوبج خلاص احسسسن يستاهل :p
سلااااااااام كلكم
سووووووووووري بطييييييت ما رديت بس ظرف والله الي شغلني
مشكوووووووووووووورين على التعليق
شنووووووووو هذا ليش كل شي صاير في الكويت غالي
Post a Comment