Monday, May 01, 2006

بكاء ام

على انغام اغنيه سألتك حبيبي لوين رايحين
تدندن
سألتك حبيبي لوين رايحين خلينا خلينا تسبقنا السنين
.......

شوفي يا حجه مريم يا ام الخير قبل اي شي و قبل كل شي لازم تعرفين اني انا و زوجي كنا زملاء في الجامعه
مو نفس التخصص بس نلتقى في مواد مشتركه

طبعا ام الخير ما افهمت شي .. قامت بنتها و ترجمتلها
..
زوجي بوضاري اكبر مني بثلاث سنوات بس تعرفت عليه في اول سنه من خلال نظراتنا
في الجامعه ... اه يا حلوها من ايام كنا نكتفى في العين و النظر و كانت عيونا توصل كل الي فينا من غير ما انتكلم
كنت دايم ادن دن في الجامعه اغنيه امشي و قلبي حزن امشي
... كان حزني و همي هو
لاني كنت اعتقد مجرد الاعجاب في رجل هو الحب
و فعلا مرا من المرات ابوي كان ياخذني من الجامعه
انصدم انه لاحقني لي البيت
بعدها بفتره بسيطه
تقدملي و تزوجت و انجبت ضاري و انا في الجامعه
كانت من احلى ايام حياتي
عشت مع سالم حيات وايد هايده و حلوه
مشاكل عاديه بين اي زوجين
لكن ماكان هناك شي يذكر
اتحسين ان ممكن يهدم هذا البيت
سالم اصلا يموت علي
و انا ادري الحين اهو وايد فاقدني
اصلا محد يعرفله و يفهمه كثري
الزوجه اليديده يجاملها و راح يجاملها وايد يبي يثبت لذاته و يبي يثبت لي اكثر ان اهو يقدر يستغني عني

يقدر بس ما يرتاح
المرأه تعرف زوجها
تفهمه اكثر من نفسه
بدليل ان وايد مرات يقولي فيها انتي فاهمتني صح اكثر من نفسي
خليني اقولكم سالفه صارت بشهر العسل
كنا في مصر بالتحديد في هيلتون النيل
كنت انا وقتها مولعه بشي اسمه افلام اسود و ابيض و شاديه و كمال الشناوي
كان يوديني كل مكان يمكن اشوف فيه مطرب او ممثل و كنت اصور مع اي مصري ظنا مني ان فنان او مشهور
حتى طبال الفرقه الموسييقيه اصور معاه

وداني لتسجيلات كيلو بترا و اخذلي صندوق عبدالحليم كامل و ام كلثوم و اخذلي كل اغاني الافلام
كنت كل يوم اسمع معاه اغنيه و انا في حضنه
بس ماكان يسمع معاي الا ام كلثوم و عبدالحليم
كان يغنيلي كل اغنيه
ادري تعتقدون اني غبيه لو اظن مجرد ان الواحد لما يغني لزوجته يعني يحبها ولكن انا الي ابي اوصله لج يا حجه اني موجوده معاه في كل ذكرى حلوه
معاه في شغله وشبابه انا ناظلت معاه الي وصل الي اهو وصله
انا ام اعياله
انا 22 سنه من حياته ما ينساها
يشوفني في بنتي و في اعياله
يشوفني في المنظره كل يوم لما يشوف وجهه لاني لازمته 22 سنه
فماصار يفرق بين عيوني و عينه لان شاف عيني اكثر من 22 سنه

غباء جدا ان حيزبونه تعتقد انها بتاخذ مكاني
... يقاطع الاسترسال في الذكريات
رنه تلفون البيت

ترد عليه الحجه مريم
تجيب و تسكر الخط بعد ما تاخذ الاخبار

ترجع مرا ثانيه تقعد جبالي ..
يمر زوجها في هالوقت
تقوله ان اختي و زوجها و اخوي وزوجته و اعيلهم باجر واصلين الظهر فلازم يحضرون بيوتهم
بستانا او حديقتنا عياره عن 4 بيوت صغيره مجابلين الاراضي و الحدايق و عند السور السكن الخاص في الحراس و ام الخير و اعيلها و الربع كلهم

يالله اشكثر احتااااااااج اختي
ولهانه عليها وايد
ترد علي ام الخير: ان انشاءالله باذن واحد احد راح تكون الظهر موجوده
وراح اتدلع عليها و انام في حضنها العصر كله
ام الخير الله يخليييييييج باجر نبي غدا شي محترم و راهي عشان اليهال و الخدم و ازواجهم
ماشاء الله

تنط ام الخير الي موقادره تصبر
يالله ام ضاري كملي
اسألها وين وصلنا؟؟
اي عاد اقوووولج ان قصتي بدت معاه من وزع ابوي الاملاك
و صار يعطينا فلوس و بمبالغ كبيره
صرت انا احاول اعرف اشلون استثمرها و كنت اتعلم اشلون استثمر و اشلون افكر في اني اشتري بيت و اشوي شوي شريتلي عماره
ساعدني فيها ابوي كثير
زوجي اهني حس باني مستقله عنه ماديا
مع اني والله ابد ما كنت احسسه في هالشي بدليل
اني كنت اصرف على الولاد اكثر من اني اصرف على نفسي
ماعمري حسسته اني احسن منه
بس صار عنده اهو احساس بالنقص
صار يعبر عن هالشغلات في ان يخلق مشكله من لاشي
صار اهو الي يبعد عني
صار يتعرف على ستات من طبقات اقل منه بوايد عشان يحس انه اهو احسن منها
صار يبي وحده مبهوره في صيته او منصبه
بيني و بينكم انا تعودت عليه فماصرت اغذيه من هذي الناحيه صارت الحياه روتينيه ما اقدر امثل اني فخوره في شي و انا ماعندي احساس في هذا الفخر
انا فعلا فخوره في اسرتي
في تفوق ابنائي
قبل اربع سنوات
كانت الخيانه الاولى
انصدمت انهرت انهيار غير طبيعي
حسيت ان كل شي في الكون انمسح و تحطم جدام عيني
سنين عمري ضاعت اعيالي راحوا
خيانه
سالم يخون
انا حشره في نظر نفسي و اصغر من الصغيره لما عرفت ان الي يخوني معاها صغيره و ياهل و وحده ولا شي
البلوه هذا مو ستايله
بس ليشششششش يسوي جذي!!
طبعا اهني انا بعد ما تحطمت انا
حطمت الباقي من حياته و ناضلت و سويت المستحيل عشان الحشره هذي تطلع من بيتي و في السرعه الممكنه

لكن يا ام الخير مجرد ان يكون زوجج في بيتج و فراشج و انتي عارفه ان عينه يوم من الايم طالعت برا تكرهينه كل مرا تذكرين فيها عذابج
تتقطعين في كل مرا تذكرين ان ايده امسكت غير ايدج
تموتين في اليوم الواحد الف مرا لما تدرين ان زوجج في فراشج الحين مو عشان اهو يحبج
لألألألألألألألأ
عشان انتي سحبتيه و سويتي المستحيل عشان يكون موجود
بس من يقول هذا نجاح
يكفي اني من داخلي ادري اني خسرته
..

اخذ نفس عميق عشان اكمل
اخذلي قطعه مناقيس زعتر حاره
الزعتر يتناثر في كل مكان
الشاي بالنعناع تطغى ريحته على كل شي موجود عندي بالطاوله
احاول اخفي دمعه يمكن انزلت بالغلط
عبره موجوده من زمان من باقي ليله امس
تقولي ام الخير اكلي الحين و كملي بعدين
اخلص اكلي
اخر ساعه من العصر
اسـتأذن منهم
اني اروح غرفتي
ارفع ايدي لربي
اسأله ان يحفظ اعيالي
يارب يا جامع الناس الي يوم لا ريب فيه اجمعني مع اعيالي في بيت واحد
يا رب
اللهي اشتد الضر و فقد الصبر و انت المستعان

الهي يا من لا تراه العيون و لا تخالطه الظنون و لا يصفه الواصفون و لا تأخذه سنه و لا نوم اجعل لي من امري فرجا
يا غياث المستغيثين يا ارحم الراحمين

اللهي
يا من لا يشغله شي عن شي يا من احاط علمه بما ذرأ و برأ و انت عالم بخفيات الامور و محصي وساوس الصدور و انت بالمنزل الاعلى و علمك محيط بالمنزل الادنى تعاليت علوا كبيرا
يا مغيث اغثني و اكشف ضري
فقد نفد صبري

يا اللهي انه قد تيقن قلبي ان لا اله الا انت
و اني لا اهلك و انت معي
يا رجائي فارحمني بقدرتك علي
يا عظيما يرجي لكل عظيم
يا عليم يا حليم
و انت بحاجتي عليم
و على خلاصي قدير و هو عليك يسير
فامنن علي بقضائها
يا اكرم الاكرمين
و يا اجود الاجودين يا ر العالمين

انهار في مكاني من البجي
اصرخ على الخدامه اتييب ولدي فهد
اضمه حخيل في صدري ابجي علييييييه
و اضمه اكثر
الم فيه كل اعيالي
الم فيه ضاري و خالد و سعود و حنين و ضرار
يارب انت قلت و قولك الحق
المال و البنون زينه الحياه الدنيا
يارب اعيالي عندي اغلى من كل مالي
يارب اجمعني فيهم
يارب
يارب بلغهم بري يارب

بكاء لا يحس فيه الا المحروم
بكاء لا تعرفه الا الام

يتبع

22 comments:

Lord Bin Sleet said...

لوير
هذي قصص حقيقية وليست من نسج الخيال!
وصلي لها هالكلمة على لساني:
"ربك ماينسى"

تحياتي
لورد بن سليت

Яeema said...

بدون مجاملة و إتعرفيني عدل

عيييني عليج باردة

اللي عاجبني هالتفاصيل الدقيقة اللي إتخلي الواحد صج يندمح

+

يذكر ربه مع هالأدعية الجميلة

الله يوقج يارب
و يبعد عنج كل ضر

i love it !

waitting for your 3rd sms

lawyer said...

لورد
ربي ما يسنى خلقه اي والله انك صاج
بس تعال قولي ماشاء الله متى قريت و علقت
شكلك كنت قاعد اتشيش فوق على البنر صح؟؟
و انا اقول كل يوم ادخل البلوج الاقي الحوشه و الفناجين و غير الورق المنثر
هههههههههههههه

حياك اخوي


ريما

انشاء الله حياتي
ادري عمري انتي ما تجامليني
و شنو الي مخليني اموووووووووووت عليج غير القنابل و القذايف الي تفجر علي
احبج
و انشاء الله قريب بتشوفين المسج

اليوسف said...
This comment has been removed by a blog administrator.
~ se3loah ~ said...

LOL!!
صادووووه

اللهم لا شماته
اخاف تصير لي هالحركه
:\

lawyer said...

اختي سعلوه
ترا ما فهمت؟؟

The Doctor !i.. said...

صلى الله على سيدنا محمد القائل :( آية المنافق ثلاث ... ) عليه أفضل الصلاة والسلام فقد ذكر ضمن هذه الثلاث الآيات " إذا وعد أخلف " عليه لقد تم بحمد الله إنهاء المسابقة بكل خير ولله الحمد بل أضف / أضيفي على ذلك أنها انتهت بكل ودّ وتواصل فيما بين المدونين عليه أحببت تنفيذ الوعد الذي قطع عليك / عليكي ألا وهو وضع بانر إعلاني للفائز هذا إن كنت / كنتي الخاسر / الخاسرة لا سمح الله ... العفو فأنا لا أقصد بقولي بأنك / بأنكي لن تفي بالوعد حشاك / حاشكي ألف مرة لكني أخذت بعموم القول فذكر فإن الذكرى تنفع المؤمنين وللذهاب للمدونة اضغط هنا

BaLqEeS said...

احس ان الدنيا كلها انطبقت على راسي
الله يعينج يا ام ضاري... الله لا يراوينا ان شاء الله
تسلسلج للاحداث مررره حلو. اتمنى لج التوفيق و ناطرين الباجي

layal said...

اختي لوير
قصصك عجيبه واشعر انها نابعه كلها من ناس حولك او قضايا تمر عليك -الله يعينك- لكن في قصه الصراحه
من قريتها وهي دايم علي بالي ما اكذب عليك-وكنت بعلق عليها بس شفتها قديمه في مدونتك وقلت خلاص ما راح اعلق لكن شفت نفسي لازم اخبرك انها مستني بطريقتها بأسلوبها احداثها ونهيتها وان كانت بسيطه لكنها مؤثرة للغايه -ضياع لولو

Anonymous said...

كان حطيتى القران كله لهدرجة شط مخك وماعرفتى شنو تكتبين وشكلك كنتى تبين تنهين القصة لكن توهقتى وكتبتى اى كلام

cosimfree911 said...

walaa wayed 7elwaa alge9aa oo na6rean albaajee lat6awlean 3alinaaa ;)
have great day

3ateeja said...

يا بعد جبدي يا ام ضاري

فارس هوى الكويت said...

ماشاءالله عليج
ابداع في سرد وصياغة الأحداث
عيني عليج بارده
والله يحفظج من شر حوادث الدنيا
استمري ..

تحياتي لج وعساج على القوه :)

نون النساء said...

الله ياخذه هالسالم

صج رياييل ما يملى عينهم غير التراب



مت من القهر أنا



يا حياتي هالمريه اكسرت خاطري


:(

Яeema said...

i am back with a new look

EsTeKaNa said...

ابي مناقيش زعتر
:pP~

الله يهديج يا لوير
ضيقتي خلقي وانتي ادرا بالحاله الكسيفه
مع الدراسه :(
،يعني 22 سنه وعقبها يخون
ماكو فايدة
حب يوم
شهر
سنه
دهر
مالهم امان
:))
بس نقدر نقول هذا استثناء مو قاعده
اكيد في اللي يقدر العمر والعشره
وهل جزاء الاحسان الا الاحسان؟
انا متأكده وواثقه برحمه رب العالمين فيها

غريب said...

شي عجيب وايد عجبني الموضوع وني نعرف النهايه

NaDiA AnZa7a said...

وااااااي بموت من القهر عليها
الله يسامحهم هالرياييل كله امعورين قلبنا..بس تبين الصج فطوم مادري ليش حسيت نفسي ام الخير اللي بالقصة الظاهر من كثر ما اندمجت
قصتج وايد قريبة من قصة وحدة اعرفها

بالله لا تبطين علينا بالجزء الاخير واللي يعافيج

Dr. Saleh said...
This comment has been removed by a blog administrator.
Dr. Saleh said...

الجزء الثالث إن شاء الله يكون فرايحي

كفانا حزن وهم وغم

a7La eNG said...

لالالالالالالالالالالالالالالالالا

اسمحي لي .. ما في احداث هالبارت كلش

بس اني نضيت صرت
well done .. waitting for the backed potatoooooooo ;D

قمت احلم فيها .. شاغله بالي رحميني وراي امتحاااان يوم السبت

انا ابي عيالها يشيلوون شلايلهم و يجابلون امهم ماله معنى قاعدين عند ام الشر و الشريريييييييييين

وااي كل ما اذكر انها طاقة الولد يا مالها الطقاااااااق اللي يطقق فيها لين ما تحس

احتر زوود

...

كسرت خاطرج والا ازيييد
;PpppPPPpp

yalaa plzz lawyer welly esalmich .. a39abee ma tet7amal hal '6aime elly ehyaa feeh .. '3air eny lay el7een ma e3traft 7ag nafsee enha true story a'7af a9eer maree'6aa !

tara etha be6aitay e6ee7 3alay w a6laa3 chathbaa jedamhaa hehehehe

arwa said...

الظاهر اني تأخرت كثيييير
بس السبب الاختبارات
عموماً لن يضيف تعليقي الكثير
لأنه وبكل بساطه
أنتِ رائعه
.
.
تحياتي
أروى