Thursday, May 11, 2006

دقيقه حداد على روح الدستور



دستور دولة الكويت
مادة 6

نظام الحكم في دولة الكويت ديمقراطي ، السيادة فيه للامة مصدر السلطات جميعا ، وتكون ممارسة السيادة على الوجه المبين بهذا الدستور .
مادة 50
يقوم النظام على اساس فصل السلطات مع تعاونها وفقا لاحكام الدستور ولا يجوز لاي سلطة منها النزول عن كل او بعض اختصاصها المنصوص عليه في هذا الدستور .

مادة 51
السلطة التشريعية يتولاها الامير ومجلس الامة وفقا للدستور .
مادة 80
يتالف مجلس الامة من خمسين عضوا ينتخبون بطريق الانتخاب العام السري المباشر ، وفقا للاحكام التي يبينها قانون الانتخاب .
ويعتبر الوزراء غير المنتخبين بمجلس الامة اعضاء في هذا المجلس بحكم وظائفهم .

مادة 81
تحدد الدوائر الانتخابية بقانون .

مادة 108
عضو مجلس الامة يمثل الامة باسرها ويرعى المصلحة العامة ، ولا سلطان لاي هيئة عليه في عمله بالمجلس او لجانه
.

بعد ما عرضت عليكم بعض من نصوص الدستور الكويتي
الي كفل لنا جميع الحقوق و الحريات و الاهم منها ديمقراطيه الرأي
و لكن تعالو انشوف اشقاعد يصير في الكويت من بلبله
مدري هل مصلحه الكويت هي مصلحتهم
او انهم يعتقدون ان الكويت عباره عن مصالحهم فقط!!
الكويت اكبر من هذا كله
للاسف صار الكل يبي يغير الدستور و لا يحترمه
انا اعتقد ان الدستور صار عندهم ارخص من ورق المحارم الي في التواليت
كل من ياخذ منه على قد حاجته
يخلص اموره
و يرميه
لا تزعلون
بس في ناس اعفست الحسبه كلها
اعفست البلد وياها

فكرا اشويه و خلونا نعبر عن راينا
الكويت لو ماصارت خمسه
ترا احنا نبيها خمسه
احنا الكويتين
يا ناس نبيها خمسه
اما الدخيلين على الكويت
الي ما يعرفون عن الكويت غير الجواز و الجنسيه اليديد
و القروض و الحكوميه
ترا هذول مو كويتين
الي يبونها مليون دائره
لمصلحتهم و تخليص معاملاتهم
ترا هذول مو كويتين

الكويتي الصح ولد الديره ولد هذا البلد ابا عن جد تربى على الارض الطاهره
يبيها خمسه
اما عوير وزوير و المنكسر و الي مافيه خير
الي توا ياي من عشيرج و مغسل سياايير الشيوخ
و يحسبونه علينا كويتي
ما يبيها خمسه

فكروا صح

اذا تبونها خمسه

26 comments:

Яeema said...

عدل كلامج و هم أنا مع الخمسة

nice post go for it!

نبي الإصلاح
نبي الديرة نظيفة

نبي عهد جديد

و نبيها خمسة

و خمسة حق اللي ما يبي الخمسة
:p

Horseshoe said...

وليش يبيها خمس ؟ عشان سواد عيونا؟
يبي مصلحتة ويمشي .. ويمكن عندهم جنسية ثانية .. يا كثر هل بدو الي عندهم جنسية كوتية وسعودية وإذا سألتم لش قالولك عشان الواحد يضمن مستقبله
بالله شتقولهم هذيل .. ماكو ولاء ماكو بطيخ
هذيله
مثل الي ياكل ومش إيده بالطوفة

إحنا لنا الله

شاهين الجنوب said...
This comment has been removed by a blog administrator.
شاهين الجنوب said...

البدو موكويتين بنظرك و العجم مو كويتين بنظرك والا الكويتين بس انتوا وامثالك شكلك مع الخيل ياشقرة ولا انتى فاهمة شى
ما فى نواب بدو وحضر يطالبون بالخمسة وعشرين وقلتى شفت الناس كتبت خل اكتب معاهم ولا انتى فاهمة حاجة
يا كويتية

Dr. Saleh said...

Dear lawyer

you supported five election districts without explaining why it is better for the future of Kuwait. Can you please explain the advantages and disadavtages her.

وبما أن توزيع الدوائر بقانون فمن الممكن أن تصر الحكومة وبموافقة مجلس الأمة على توزيعة معينة للدوائر لخدمة طائفة أو قبيلة أو مصالح معينة

أما هجومك على على الناس الذين يخالفونك الرأي والتوجه فليس له مبرر وهذا يخالف منطق الديمقراطية الذي تحدثتي عنه في بدابة الموضوع، ودعينا نمارس الديمقراطية الصحيحة في إقرار عدد الدوائر دون تسفيه رأي الآخرين وإتهامهم بالخيانة و إنعدام الوطنية

أنا لست من مؤيدي التوزيعة الحالية لأنها تخدم مصالح تكتلات حزبية وطائفية
أو قبلية أو عائلية معينة

ما أتطلع له هو أن يتم توزيع الدوائر بشكل يراعى فيه مصلحة الكويت والشعب وأن تراعى فيه العدالة والمساواة. وأن يضع الناخب والمرشح مصلحة الكويت وشعبه نصب عينيه

وإذا كنتي من متابعي موضوع الدوائر فالرجاء إفادتنا بمحاسن وعيوب كل مقترح للدوائر، وأيهما أفضل ولماذا، وكيف ستكون توزيعة المناطق، وكيف ستعالج هذه الدوائر مسألة التوسع العمراني والزيادة السكانية في المستقبل

أدري
طولت عليك لكن نريد الإستفادة من معلوماتك لمتابعتك للموضوع وناطر الرد

lawyer said...

ريما

اي والله نبيها خمسه

هورس
كلنا لنا الله بس يا ريت يفهمونا صح

شاهين
حياك الله اخوي
اشكرك جزيل الشكر على كلامك الطيب
من طيب اصلك يا كويتي

اخوي الدكتور صالح
اجابتي عليك تحتاج بوست يديد
هههههههه

اكيد انا مع الديمقراطيه
ولك حريه الراي في الي تقوله
و من قالكم ان اسفه اي شخص ينتقدني
و من قالك انا ضد البدو !!
انا ضد اي شخص ما يبي الاصلاح
و ما يبي الكويت تكوت بلد صح

و بالنسبه لسؤالك في اني افيدك
اعتقد اكيد انت تقرا جرايد و متابع للاخبار و الاوضاح السياسيه في البلد و انت مو ناطر لوير عشان تعلمك صح!؟؟


بس هم راح افيدك انشاء الله

http://www.kuwait5.org/index.htm
ادخل هذا الموقع و راح تلاقي
كل الاجابات على اسألتك

شاهين الجنوب said...

انتى تسفهين راى الناس وعندك انك انت الصح وهالشى ما يجوز احترمى راى الاخرين وشوفى النواب الاخرين اللى يدافعون عن الخمسة وعشرين دائرة هذول مو كويتين
نعم انا كويتى وبدوى وافتخر باصلى انى بدوى وقانون الدوائر الجديد ظلمنا كبدو انا شنو ذنبى لما تصير التقسيمة لاصحاب الفلوس والمناصب واحنا مالنا رب البدو يبيعون اصواتهم وتجرى ضمنهم انتخابات فرعية تحت حكم القبيلة علشان نطلع الافضل بنظرنا
وانتو يوم تبيعون اصوات على جمال العمر ووليد العصيمى والخرافى هذا مو تخاذل
تلقين ابوج والا اخوج بايع صوته لواحد من هالنواب

نون النساء said...

555555555555555555555
555555555555555555555
555555555555555555555
555555555555555555555
555555555555555555555

.
.
.

وهم بعد خمسة


:)

Dr. Saleh said...

محاميتنا العزيزة

ما زلت أود أن تجاوبي تساؤلاتي البسيطه

كما إني لم أذكر البدو في طرحي لأننا كلنا أبناء هذا الوطن سواء كنا بدو، حضر، عجم، سنه أو شيعة وكلنا يجب أن يضع مصلحة الكويت أولا، كما يجب ألا أن نطعن بولاء ووطنية أي شخص أو فئة فقط لمخالفتهم لنا بالرأي والتوجه

------------
ترا احنا نبيها خمسه
احنا الكويتين
يا ناس نبيها خمسه
اما الدخيلين على الكويت
الي ما يعرفون عن الكويت غير الجواز و الجنسيه اليديد
و القروض و الحكوميه
ترا هذول مو كويتين
الي يبونها مليون دائره
لمصلحتهم و تخليص معاملاتهم
ترا هذول مو كويتين"
------------------

وهذا ما ذكرتيه في مقالك وهذا ما تطرقت إليه بتعقيبي وانا على ثقة من محبتك لهذا الوطن وأبنائه في طرحك لموضوع الدوائر، ولكن لا أوافقك بتجريح الآخرين

أما بخصوص متابعتي لموضوع الدوائر فأنا لست من متابعيه، ولكن أود لو نأخذ القليل من وقتك بأن تجيبي تساؤلاتنا

وعلى فكرة أنا مع تقليص ومن مؤيدي الدوائر الخمس إذا وضع بعين الإعتبار مبدأ العدالة والمساواة في التوزيع، وأن لا يتم توزيع الدوائر لتفرز لنا كما الوضع الحالي القبلية والطائفية وأعضاء المصالح التجارية، إنما نتطلع إلي توزيع يفرز وعن طريق الإنتخاب الأفضل والأفضل فقط لخدمة هذا الوطن دون خدمة مصالحه ومصالح المقربين إليه

وللمعلومة فقط عشيرج هي إحدى مناطق الكويت

وناطر ليش أفضل

Dr. Saleh said...

الأخ شاهين الجنوب
من يبيع صوته فقد باع نفسه ووطنه
الصوت أمانة ونحن مسائلين عنه يوم القيامة حين نعطيه لمن لا يستحقه

الفرعيات لا تفرز الأفضل في معظم الأحيان، وإنما تفرز من هو أكثر أبناء عمومة وإن كان سيئا

التمثيل القبلي أو الطائفي الذي تفرزه الدوائر الحاليه سيئ حين تكون أنت من أحد الأقليات الغير محسوبة على هذا الفرز الطائفي أو القبلي
ولك ان تتخيل حين يعمل العضو لمصالحه ومصالح قبيلته وطائفته والمقربين منه واضعا مصالحهم فوق مصلحة الكويت ومصلحة الجميع

طائر بلا وطن said...

صباح الخير
:)

لوير يشهد الله انج اخت عزيزة و يشهد الله
اني بعد حاولت اني اتجنب و ما ادش اعلق
بس شسوي الكلام يقرقع و بدك تتحملينا


الدعوة للدوائر الخمس في بدايتها و اذا
كنا فعلا نبيها خمس فأوجب علينا نلم وما
نفرق .. أوجب انا ندور شنو اللي ممكن
يجمعنا اطياف و الوان مختلفةعشان تقدر الناس توصل صوتها صح .. اوجب
ان نفهم ليش خمس و ليش مو عشر او عشرين

كل هذا اولى من انا نتناحر و كل واحد يشوف
الثاني شنو مسوي بدل ما يفهم قضيته صح و يخدمها صح

و فوق هذا الاختلاف واقع و احترام وجهات
النظر واجب .. مو شرط مثل ما وصفتيهم

لوير .. حدث العاقل بما لا يعقل فإن صدقك
فلا عقل له .. مو؟

في شيوخ مع الخمسة و عشرين
تجار معروفين بالبلد و روس كبيرة
من غير ذكر اسماء

هذولي بعد من عشيرج؟

لو قلتي السالفة سالفة مصالح يمكن اتقبل
بس لأن هذا من هناك وذاك من هني
اسمحي لي يا لوير هذا كلام ساقط
ولا يستند على منطق

:
:

لوير .. احنا ننسى بسرعة

تذكرين سنة تسعين .. تذكرين اللي انأسرو
و استشهدو .. ما كان فيهم البدوي و الحضري
و العيمي .. السني و الشيعي

اللي يرخص روحه عشان ديرته هذا بعد ما يحبها؟
في أغلى من الروح يا لوير؟

:
:

لوير .. مو من حق اي احد ان يشكك بوطنية
الناس بهالطريقة .. انتي مو داشة بقلب كل
واحد

و اذا كان فيه كم واحد .. فليش التعميم؟

لوير .. أنا آسف .. الموضوع خذا منحى
ثاني .. بس ادري انك اخت و ماراح تزعلين

سلام
:)

lawyer said...

شاهين الجنوب
اذا سمحت لا تغلط على ابوي او اخوي
لانهم شرفاء مو مثل بعض الناس الي يحجزون جناسيهم في السيارات و يوم الانتخابات يقبط كاش و يروح يصيف برا

خلافك معاي انا مو مع اهلي
فلوسمحت احترم عقولنا

lawyer said...

طائر بلاوطن
انتو فهمتوا انتي متحامله على فئه معينه
المشكله ان موضوعي كان عن شي و التعليقات يت على ثاني

انت اخر واحد ازعل منه
شغله ثانيه انا مع الخمس
و قلت لك ما علي من الباجي

انا مو ضد العيمي او البدو او ضد اي احد
اذا البدوي يبي الاصلاح انا معاه و اذا الشيعي يبي الاصلاح هم انا معاه و اذا الشيوخ يبون الاصلاح هم انا معاهم
انا مع الي يبي مصلحه الكويت

انا ما قلت هذا كويتي او هذا مو كويتي
انا تكلمت عن الخمسه

cargo said...
This comment has been removed by a blog administrator.
Dr. Saleh said...

الأخ شاهين الجنوب

ذكرت في تعقيبك أن النائب جمال العمر و وليد العصيمي والخرافي قد قاموا بشراء أصوات الناخبين، فهل لديك الدليل على ذلك أو هل شاهدت إحدى عمليات البيع. وكمواطن غيور لماذا لم تقم برفع الأمر للقضاء. ما أود أن أقوله هنا أنه لا يجوز أن نتهم الناس بالشراء أو البيع بدون دليل

وعلى فكره وليد العصيمي عضو قبلي محسوب على قبيلة عتيبه

أما السيد
cargo
نقول إكبر بتفكيرك وخللك عن بذاءة الكلام

qalm-jaf said...

Horse Shoe

الله يعطيك العافيه حبيبي

اللى عنده جنسيتين هذا مافيه خير صحيح بس لو عنده امريكيه او اى جنسيه من اوروبا اتمنى بعد مايختلف الوضع؟؟؟
انت قلت البدو عندهم جنسيتين زين اللى ماتو فى موكب الامير قبل الغزو ايام انت ماكنت بالروضه حبيبي
هذولا بعد عندهم جنسيتين
هذولا بدون بس محسوبين على البدو واللى ضحى بنفسه على شان الامير بعد مايحب الكويت
روح حبيبي ألعب مع الحصن مالتك احسن
احنا اللى لنا الله وانت خلك مع الحصن مالتك واجد احسن

تحياتى لك
واحترمك لان بشر ومن بنى ادم وانسان بس ومااحترم وجهة نظرك اللى تحث على التفرقه والطبقيه
على فكره أشلون سيجار
سلملى عليه
(:
.
.
لــــــــــوير

أحنا محتاجين قبل الخمسه
ثقافه انسانيه
واحترام بعض
تصدقين بعد ماقريت موضوعك رحت طلعت الجنسيه وقرت اللى مكتوب فيها
ان الحكــــــومه الكويتــــــيه تثبـــــت أن حــــــامل هـــذه الشــــــهاده كويــــتي الجنسيـــــــه
.
.
.
لو كنت شيعى
انا كويت
ولو كنت سني
انا كويتي
ولو كنت حضرى
انا كويت
ولو كنت بدوي
انا كويتي
لو كنت مسيحي
انا كويتي
ولو كنت ملحد
انا كويتي
ولوكنت من عشيرج
انا كويتي
.
.
بعد هذا كله مايهمنى
احد من عامة الشعب يقول انت مو كويتي
.
.
الديمقراطيه
احترام الراى الاخر
انت ماحترمتى الناس والاوادم اشون راح تحترمين رايهم
انت اتهمتي ناس بانهم مو كويتيين؟؟؟
ليش؟؟؟
هذى مو ديمقراطيه
هذى طبقيه او دكتاتوريه
.
.
.
لذا
أرجو ان تمسح الجزء الذي تتهم فيه ان الكويتي مو كويتي
.
.
بعد ماتمسح نعلق
وانت حره اكيد
.
.
.
تبقين انت أخت عزيزه وغاليه يالوير
وتحبين الكويت
وابقا انا وربعى الجرابيع فى المناطق الخارجيه ايضا نحب الكويت
(:

أكاديمي said...

تحياتي لج

ياليت تصير خمس

المصيبة أن الحكومة وبعض الشيوخ يقاتلون من أجل إبقاءالوضع
على ماهو عليه
وكذلك يدفعون بإتجاه إفساد المجلس

والله حرام وقهر اللي قاعد يصير

إذا كان رب البيت للدف ضاربا"
............................

ويبقى الأمل بإذن الله

Horseshoe said...
This comment has been removed by a blog administrator.
Horseshoe said...

qalm-jaf

qalm-jaf سيجار:وعليكم السلام والرحمة
يا هلا ..
-----------------

اما بالنسبة للجنسة لو من مدغشقر ما يختلف الوضع .. هذا قانون ديرتك لايسمح بأزدواجية الجنسية يمشي علي وعليك وعلى كل واحد عاد نفسه أكويتي

لأن اي واحد يبي جنسية ثانيه ما عنده ولاء .. بالعقل ليش ياخذ جنسية ثانيه شنو الي قاصرك عشان تاخذ الجنسة الثانيه؟
من تنولد قاعد بمشون لك خمسين
تدرس أبلاش
وتعالج أبلاش واحسن المستفيات
في لندن وأمريكا قاعد يدزونكم
وإذا تحتاج إعانه يعطونك
تتزوج تاخذ 4000
قرض تبني بيتك .. يقولولك تفضل
ساكن بأجار تستاهل بدل حتى لو انك ساكن في بيت ابوك
أرخص ماي و كهرباعندنا ماتبي تدفع سقطو عنك 2000

وأترك عنك االبدون لأن هذا بروحه موضوع ثاني .. وكذلك الحصن "لأن إذا انت حاطهم بالموضوع عشان تستهزأ .. هذا دليل على أن عقلك كبير من يوم كنت انا بالروضة"

نقطة:(الواحد ماوده يذكر اشياء خاصة لاكن عشان توضح الصورة)
واحد من الأهل خذه الجنسية الأمريكية
سقطت عن الكويتيه وهذا الشي الواحد مايفتخر فيه لأنه مافي خير حق ديرته
وبالنسبة لي انا ما أعتبرة أكويتي مع انه واحد ما الأهل وعلى عيني وراسي
لاكن مو محسوب على الكويت

انا احترمك كأنسان وأحترم وجهت نظرك
لاكن اني اتفق معاك او ما اتفق هذا شي راجعلي

وشاكرلك
-----------------------------
*معلومة : سيجار هو حصان معروف في سباقات الخيول

شاهين الجنوب said...

اللى حاب اقوله ان مو انا الوحيد اللى اتفق بالراى فى طريقة كتابتك انت انسانة تعيش الطبقية واللى يتكلم بهالطريقة اهو اللى عمره ما شاف الخير مع احترامى لك اولاد الاصول والعروق الطيبة اللى يعرجون حق قبايل بالاخير يحترمون الغير وما يطالعون الناس من نظرة فوقية
يا حبيبتى انصحك واخذى النصيحة من بدوى خليك على كتابات الحب ولا تكتبين بشى انتى ما تفهمين فيه لان هالمرة اللى جاج ما يكفيك فى ناس غلطت عليكى وانصحك انك تمسحين كلام كارجو اذا ما كنت فاهمة المعنى
وتبينها خمسة ماشى اخذيها خمسة بس انتى بهالاسلوب انسانة مهمشة مالك اى دور لانك مبين انك سطحية الراى وما تفهمى اى شئ فى السياسة

lawyer said...

احترم راي كل واحد فيكم
ماراح امسح تعليق احد
حتى لو كان فيه غلط علي

اما اذا كان الغلط على شخصكم الكريم فاكيد ماراح ارضى على احد اهني و راح امسح


اما انا عن نفسي فاتقبل كلام الكل و الجميع


للاسف يا اخوي قلم جاف ليش تعتقد اني انا ضد فئه معينه
انا ضد اي كويتي بالاسم
بس اي كويتي شريف انا معاه و انا قلت لك من قبل و قلت لكم من قبل
انا مع اي فئه و شخص طالما اجتمعنا في حب الكويت
مثلا مسلم البراك اهو من الناس الي مع الخمس دوائر
و اهو محسوب على البدو صح
و انا معاه
لا تعتقد يا اخوي او لا تعتقدون يا اخواني اني ضد ناس معينين
انا ضد اي شخص ما يحب مصلحه الكويت


اخوي قلم جاف
يمكن انت من الناس الي فاهم قصدي و انت اتعرف اني مو ضد فئه معينه
و لا ضد قبيله معينه

qalm-jaf said...

Horse Shoe

.
.
.
هههههههه
مساك الله بالخير
تعجبنى وانت معصب
(:

انا متفق معاك بكل شي تقدمه للدوله لنا
عزيزي الوطن مو فلوس الوطن
شيء اكبر من جذى واعلى وارقى
.
.
.
لا تسأل ماذا قدم الوطن لك
ولكن اسأل نفسك ماذا قدمة
للوطـــــــــــن
.
.
.
هذا الاهم وهذا المفروض ندرسه انفسنا وعيالنا
الوطن يعنى تعاول واحترام جميع فئات المجتمع ونعلمه اعياله
مانعلمهم نكره بعض
نعلمهم البساطه ومانعلمهم الطبقيه
.
.
.
عزيز اتفق معاك ان اللى عنده جنسيتيتن من البدو ماعنده ولاء وووو
وحرامي
اوكيه ومايحب الكويت

زين
الشيخ على خليفه الصباح
وزير النفط سابقا
هذا مو حرامى
هذا ممكن نقول عنه يحب الوطن
.
.
قبازرد
بعد من اسمه اكيد بدوى على بطنه
بدوى قح
(:
كويتي ميه بالميه بس محسوب على العيم واخونا الشيعه
وبعد هذا يحب الوطن وقضية الناقلات
.
.
.
احمد الفهد واخونه
فى قضية نسيت اسمها هلبرتو يمكن او اعتبرهابدليه
(:


وغيرهم الكثير
من الشيوخ
والبدو
والشيعه
والسنه
والحضر
وعيال بطنها
والمناطق الداخليه
والمناطق الخاريجه
بس ترى كلهم
كويتيــــــــــن
.

.

انا ما ادافع عن احد من الحراميه السابقيين انا اخذت من كل فئه حرامي


يعنى الشيخ الخليفه مايمثل جميع الاسره الحاكمه الكريمه يمثل نفسه
.
.
وقبازد مايمثل الشيعه والعيم الشرفاء يمثل نفسه
.
.
البدوى الحرامي ابو جنسيتين مايمثل جميع البدو الشرفاء
يمثل نفسه
.
.
.
بس منو من اللى طافو يحب الكويت وعنده ولاء لها؟؟؟؟
أترك الاجابه لك
(:
.
.
اذا انت زعلان اني قلت عليك يوم انت بالروضه
انا آسف وحقك علي
ليش تزعل
الصغير بيكبر
(:
وانا كنت بعد صغير يوم يتعرض الامير الوالد الراحل لمحاولة اغتيال كنت بالابتدائيه وأمور أكتييير
(:

على فكره اذا لاسمح الله تم القبض على من امن الدوله أبيك تجينى على سيجار وتنقذنى وراح ازوجك مسؤولتى بالدوام
(:
لا تزل اتغشمر معاك
.
.
اذا تكره فئه بالمجتمع كيفك
بس اتمنى ماتربى عيالك بالمستقبل على انهم يكرهون هذى الفئه
.
.
.
انا ماعندى جنسيتين عندي جنسيه وحده وافتخر فيها واحبها
.
.
.

اخوك
قلم جاف

qalm-jaf said...

لوير
انت ماتكرهين احد وتحبين الكويت كلها
بس اللى مايبي الخمس دوائر يصير مايحب الكويت مو منطق حتى لو انه غلطان
والدوائر الخمسه صح وهو خطأ
.
.
.
اللى ما احبه صج التقسيمه
يعنى هذا كويتي بدوى
وهذى كويتى حضرى
وهذا كويتى سنى
وهذا كويتى شيعى
وهذا كويتى عيمي
وهذا كويتى ولد بطنها
قولى كويتى وبس
كويتي وبس
من غير تقسيمه
.
.
.
واذا انت زعلانه انا اسف وحقج على واوعدج اني
البس شمــــــاغ برتقالى انا وطائر
ونقول نبيها خمســـــــه
(:

.
لا تزعلين ياام ادموع اربع ابربع احنا نتناقش مانتهاوش
صح
(:

lawyer said...

قلم جاف
ههههههههههههههههههه
و ان اشدراك ادموعي اربع اربع
لا تفشلني جدام الناس
هالحجي مو اهني ما يهاوشون اهني
ههههههههههههههه

تبقى عزيز و غالي افا عليك
يالله خلاص انت و طائر مرووني خلونا نرووح نوقف من الحين نعتصم عند مجلس الامه

qalm-jaf said...

لوير
سهرتنا الليله خلوها قمارى عند مجلس الامه
(:

معقوله راح ينامون عند مجلس الامه
الله يعطيكم العافيه
حلوه العزيمه والاراده عند مجموعة
نبيـــــــــها
خمســـــــــه
عن جد حلوه

NET Storm said...

Horse Shoe
حبيبي حنااا بدو ونفتخر وعندنا عشر جنسيات الان اصولنا ثابته
مو نفسك الله العالم انت منوين جاي وبعدين وطنيتنا وانتمان للبد هاذا اقو من اي انتما اخر سوا كان قبلي طافي حزبي وبعدين خمسه خمس ميه مايهم مادام فيه نتما للبلد مراح يثر وبعدين قلي ناب او وزير بدوي سرق الديره ماسرق الديره وصخه وخرب القيم الاسلاميه ولعوايد غير الحضر الي جاين من ايران والله العالم منوين بعد بعدين فيه احد يعرف اخته على شخص ثاني , يدخل الرياجين عند اهله داخل , يخلي اخته تلبس لو وطلع الاندر وير , تركب سياره سبورت كشف غيركم ياحثاله يلي ماعندكم غيره على شرفكم ماعندكم حيا ماترعرفون معن كلمت عيب ناس نفسكم ونفس مواصفاتكم هل ياترى تبي مصلحت الوطن تقلون كلامي تهجم اقولكم هاذي الصراحه ونتو الي غلطتم وبعدين الكويت شني عباره عن 45% بدو من الجنوب ونجد 45% بدو من الشمال 7% ايارنين وصاخه 2%جاليت عربيه 1% هنود ولله يشهد شكثر حبي للكويت
وبعدين لا تمسحين مشاركتي تدرين ليش لانه صحيحه وذ تبين تمسحين مسحي مشاركت الحمار الي فوق