Sunday, May 07, 2006

لا يطول غيابك



لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدار ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى
خالد الفيصل

9 comments:

lulu said...

صح السانج:p

كلمات حلوه وادش القلب يعطيج العافيه قلبى

NaDiA AnZa7a said...
This comment has been removed by a blog administrator.
NaDiA AnZa7a said...

إحترقت الشوق والشوق احترقني
مـن غـدا كـلٍ عن الثاني غريب
لـلشقا حظي مشي فيني وسبقني
آه يـاظلم الـهوى وظلم النصيب
السهر من عشقتك غصب عشقني
يـاعـنـيد يـابـعيد يـاقـريب
سـال مـن عيني قصيدولانطقني
والـسواد الـلي تـوشحني كئيب
صـرت لـه كـلي وعيا ماعتقني
وان تـفزعت بـنهارك مـايجيب
أنـت وينك يالسروق اللي سرقني
رد لـي لـو راحـتي ودي أطيب
الـزمان اللي على دروبك رشقني
كـني الـديمه على القاع الجديب
يـوم جـيت أتـذكره لاماصدقني

BaLqEeS said...

يا طول صبري من الهجران يا خلي
تعيزتهم بالصبر..والصبر ما طيقه
و صبري عليك طال
كلها اغاني للصبر
مشكوره وايد ..امتعتينا بشعر خالد الفيصل

Dr. Saleh said...

قصيده رائعه وإهداء جميل جعلنا نعيش ولو للحظات جو من الحزن والرومانسيه
فراق وهجرالأحبه صعب والله يعين من عاناه

مارخصك لا والله حتى ان تناسيت
القلب مايقوى على فراق خله
خذها عهد لوغبت لو رحت وابطيت
غلاك لا يمكن خفوقي يمله

ويعطيك العافيه

Яeema said...

allaaaaaaaaaah 3alich

إختيار موفق لدايم السيف

ساعات أستغرب إشلون الواحد يعبر بسلاسة و قوة في الوصف

sugar free.. said...

woOW what a wordS ..
اختيار موفق للكلمات والاهداء .. عسى قدر اللي هديتيه هالاهداء لان اهداء حلو مررررررررره .. so etha ma gddar fa 7safa to كونيوو
لوول

lawyer said...

لولو
هاي عمري وين هالغيبه


ناديه
كلماتج تعور القلب
الله عليج على هالكلام
ترا مو بس انا الي عجبني
هههههههههه



بلقيس
حياج عمري اهم شي انج استمتعي

د.صالح

اشكرك وايد
الله يعافيك


ريما
ادري فيج اتموتين عليه


سكر فري

من ذوقج عمري
احم احم
ما اقدر احش فيه اهني
يقرا
هههههههههه
اخاف اقولج انزف
و اخاف امدح يموج علي
هههههههههه

الحيطان لها ودان
هههههههههههههه

ما اقدر اغشش اكثر

فوضى أفكاري said...

اتينن هالكلمات
صج رحناا بجوو ثاني