Wednesday, May 31, 2006

انا وعبدالمجيد

مرات الواحد يمشي في طريجه لا له و لا عليه
فجأه يفتح الاف ام تطلع اغنيه اتأجج المشاعر
و هذا الي صار فيني امس
تهاوشت ويا عبدالمجيد هوشه مو طبيعيه
صرخت عليه صراخ لين قلت يا ستار
هوشه عنيفه
دمووووع
بجي
بس كلش ترا البجي في الشارع عشان اغنيه موقف بايخ
خصوصا اذا تطور الموقف و احتجتي كلنكس و كان قوطي الكلنكس المفقووص في الكشن الي ورا
و بغيت اسوي حادث لاني ما اطول
و عيزت اتمقط
يالله بالزور
طلته
ويييييييييييه عمى صج القصر شين
و انا امسح الباجي من الدموع
اي باااااااااااجي
انا لي الحين ما قلت لكم اشصار اصلا
فتحت الاف ام على المارينا
و الا اغنيه صدقني مالت عبدالمجيد الي انا اصلا هابه فيها هاليومين
عبدالمجيد : صدقني ماهي في صالح قلبك الفرقا ..صدقني انك بتتعب لو تفارقني..جرب و ابعد و انا الي بنتظر و ببقى عشان لا قلت لك كلمه تصدقني
انا : اي صدقني ما هي في صالح قلبك الفرقا
بسسسسسسسسسسسس مو بكيف ابوي شسوي مو بكيفي رقعت التلفون في ويهه
اهووووووووووووو جليل حيا ما يستحي
ما يبين في عينه
لا لا لا مووووووووووووكفوو
ميخالف اتعب
بالطقاق
ميخالف ابعد هم بالطقاق
كلشي يهوووووووووون بس البقاء لكرامتي
خو عبدالمجيد هم انت ما يهون عليك الي صار فيني
و لا يهون عليك اللي سوااااااا فيني
مالك امل عبدالمجيد لا تساحلني في اغنيه
عبدالمجيد:ان رحت يعني انا بالله و ايش بلقى؟؟ اقلها يعني من قسوتك بتعتقني
انا : اي ووووووووووالله من قسوتك بتعتقني
محسووووووووووووووووووب علي ماراح القى شي و لا بيضيع شي
عبدالمجيد : لا تحسبني بذوق المر بك و بشقى و الا دموعي على شانك بتسبقني
انا : لا مسكيييييييييييييييييييييييييييييييييييييييييين استرييييييييييييييييييح في المقر بس استريح
مدري ليش
لا لا لا لا لا عبدالمجيد فج عني شوي
عبدالمجيد : ادري بتيجيني و عينك بالشقا غرقى و بتحاول قد ما تقدر ترجعني
انا : التفت على عبدالمجيد و اقوله هذا اهوووووووووو مو انا
اهو الي بيجيني و اعيونه غرقا
لااااااااااهي وايد ادري بس مو ناسي
اهو الي فاقدني مو انا
لان ماكان موجود وايد كثري
انا الي 24 ساعه كنت موجوده
عبدالمجيد : الله يسهل لقلبك سكه الفرقا .. و انا على قولتك ربي يوفقني
انا : ارد على عبدالمجيد و اقوله
صدقني ماهي في صالح قلبك الفرقا ..صدقني انك بتتعب لو تفارقني
.... و اخذ الكلينكس
و امسح دموعي
بعد هوشتي و تحلطمي على الاغنيه
و بعد ما شلع قلبي عبدالمجيد
الله يسامحه
اهداء لكم الاغنيه للمرا الثانيه
بس هذي كانت قصتي مع هالاغنيه و هوشتي ويا عبدالمجيد
شعووووووور بايخ ان الواحد طالع و مستانس و اتنكد عليه اغنيه
تشلع القلب

22 comments:

Яeema said...

لو أنا وياج بالسيارة جان سكرت الرادو و حطيتلج إليسا و إنروح إنقز و إنتحرش بالمقار الإنتخابية

والله ما أرضي دمعتج تنزل حتي علي إغنية!!؛؛

أقول
هذا الصيف و الإنتخابات و ما أدراك ما الصيف

واهيييي

حر و دموع؟؟!!؛

ليشش يعني!!؛
لا حبيبتي إندورة يمعات و كوت بو سته

( بيني و بينج
الأغنية إتبجي

و إنتي قلبج مو قلب حمامة كلش

الصبر مالي أنا إلا الصبر

Яeema said...

أسهل-هالك
ما بإتشي مرتاحة معاك
و لا مرتحالك

خايفة إنني أبعد عن هواك
مالي و مالك

و سيبهالك

EsTeKaNa said...

وي وي
الله يسامحك يا عبدالمجيد
ما سويت خير ببنيتنا
!!
تدرين مرات الوحدة يكون طاري في بالها شي ولا مشتهيه تبجي
اي حجوة تأثر
اي اغنيه تعفس
اي موقف يذكر
لانه القلب ببساطة تعبان وعنده استعداد يتأثر بكل شي حوله
بس تتفاهمين ويا روحج وتكونين بوضع عادي
وتهدين وتسمعين الاغنيه
بتحسينها اغنيه عاديه
وجذابه بعد:pP~

ومرة ثانيه حطي الكلنكس بحظنج ولا التمغط والتحطلم على الطول الفارع
:))

Al-fala7 said...

جان قلتي له اغنية عبدالمجيد

من باعنا بعناه لو كان غالي ؟

مو احسن؟

3ateeja said...

سكنهم مساكنهم
حتى عبدالمجيد تكامشتي معاه
بس تصدقين ما تخيلتج قصيره كلش
مادري ليش في بالي انج طويله
وتلبسين ملفع اسود ملوت بيت العبايه الشرقيه اللي شطوله
وتلبسين الوان غامجه
ادري طقيت الرصيف بس يوم قلتيلي قصيره ..صفنت شوي
يالله ما عليه
بعدالمجيد ولا بالغريب
وغني حق عبدالمجيد اغنايه غنها من زمان ..قولي له من باعنا بعنااااااااه لو كاااااااان غالي
حيل الله اقوى ما بقى فيني حيل
تذكرينها
:)

Diver said...

عبدالمجيد من احلى الأصوات بس من اليوم عدوي اللدود
خلاج انتي تبجين الله لا يسامحة
من جانب اخر العقل الي يحافظ على الكرامة هلاايام عقل ما اقدر اقول الا انه يحترم
الله يوفقج

على فكرة هاذي رسالة لج و حق ريما ترى انا كل يوم ادش مدوناتكم و علق اذا ما زرتوني كل يوم راح ازعل عليكم و بطل ازوركم و علق عندكم

layal said...

عاد يسوى عليج
صرت ما اشغل المسجل والسبب هذي السالفه
اشله اعور قلبي ؟؟
اقول استروا علي ما واجهتوا
وخلوا الطبق مستور
:-)

Charisma said...

والله هالمجيد مبهذلنا ومحطم قلوبنا انزين بقولكم ما تبون انتحاطط ونييبه سمره بس عوود ومجيد واحنا حواليه انوووح ههههههههه بس كل ما قل العدد نستمتع اكثر يختج يشلع القلب كاااااااالب يعرف يختار أغانيه على الوتر الحساس علطول يضرب هههههه بس فكرو بسالفت الحطه ههههههه

Charisma said...
This comment has been removed by a blog administrator.
NOUF said...

لوير
ترى كلش مو ناقصه اناااااا
اول ماسمعت الاغنيه الدمعه مادري من وين اطمرت
بس هذي الدنيا شي ينفرظ عليج غصب
و شي يروح عنج هم غصب
مو صح جني قمت اخوره كاعلعاده
اتصدقين
حطي في بالج شي ترى عمر الفرح والحزن مايستمر طول العمر
هم قمت اخوره صايره كلش مو كووول
بس والله هم غصبن علي :(

NaDiA AnZa7a said...

لووووووووووووووووول
اهم شي اتمغط
شللي حادج.. واي شلعتي قلبي من الضحك
مرة ثانية قبل لا تببجين تأكدي ان قوطي الكلينيكس يمج
:)))
ولاتخلين دمعتج تنزل لغير الله
محد يسوى في هالدنيا ان نبجي عليه صدقيني

واي عتيجة انتي فظيعه
هههههه
موتيني من الضحك لما قلتيلها حتى عبدالمجيد تكامشتي وياه
ههه
ماشالله عليج ماطوفين

mishari said...

افا عليج فطيييييم تبجين على اغنية :)

انا اقولج حطى ميامى بس بالبيت رجااااااااءا وما نبى الناس تشوف فضايح
وطامرى على كيفج ودمبكة
:)

lawyer said...

ريما
حيااااااااااااااااااااااااتي انتي واي احبج اموت عليج
اي سكتي حدا فطيسسسس مو بس حر

اي حياج خوووو انتي دااله المكان
طق و جابل
ايييييييي بس قلبي هذا شسوي فيه
بسرعه انسى
حداااااااا مو قلب حمامه
يا عل الحمام ...فوق راس الخلان
هههههههههه




استكاانه
اييييييييييي والله ما سوا خير شفتييييييييييه يا استكانه كلش ما سوا خير
اييييييي صاجه صح كلامج
هذا اهو التحليل السليم

ههههههههههه لا لا لا من اليوم و رايح الكلنكس جداااااام


الفلاح
ايييييييي والله احسن
لا خلاص الحين لقيت اغنيه اتونس اكثر
اتبعك و يضيع العمر

عتيجه

عتيجه اي بليز كل ما ادشين قولي سكنهم مساكنهم
و اقري على البلووج
ههههههههههههه
اييييييييييييي والله مابقى فيني حيل



دايفر
حيااااااااااااااااااااااااااتي انت
محد حاس فيني و امأزرني الا انت والله
يلوومووووووووووووني ليش اموت عليك
وبعدين تعال
قوولي انا وحده مسويه اعتصام ماراح اعلق عندي الا لما تدش المسنجر
ولهاااااااااااااانه على نصايحك


ليااااااال
سكتي سكتي
كلش ما يسوىىى
اتقص ويهي جدام الهل و خلقه
مدري اشووله هالعوار
اييييييييييي سرج في بير
هههههههههههه



كيتي
بما اني نيديه
فاستحرم جدا ادفع دينار لمطرب
بس اذا على احسابكم انا اي و ارقص لي الصبح بعد


نوف
هلا بالطششششششش و الرش
انتي تغطين وايد ليش.؟؟

اي صااااااجه والله هذي الدنيا
كلامج درر مو خواره و لا شي بس انتي عيوز كلا تتحلطمين

ندوويا

هههههههههههههههه
ههههههههههههههه
اي والله صاجه المفروض الواحد ما تنزل دمعته الا لله
اي سكتي عتيجه كلا مبدعه
توووووووووونس



مسيو مشاري
ايييييييييييي شفت على قوله ريما قلب حمامه
انا احط ميامي بس بشرررررررررررط ؟؟
ارقص في اوكسجين مو مكان ثاني
ههههههههههههههههههه
اي ماكو فضايح كلهم اخواني في الله

PearL said...

عاد تصدقين لوير
امس صارت فيني هالحالة
وانا اسمع اغنية الجسمي فقدتك
:):)


اهوه بجي اهوه ضيقة خلق
المهم صار اللي صار
وما تنلامين
هذا عبدالمجيد

lawyer said...

بيرل
شفتواااااااااااا يا ناسسسسس
شووفوووووووووووووو شهدوو مو بس انا
حياتي انتي بعد روحي والله

اي اغنيه فقدتك يا اعز الناس
احبها
الله يصبر قلوبنا على هالرياييل يا رب
و يصبر قلبنا على هالدنيا


نسيت اقولج
حياج الله نورتي
خذتني الشطه يا ختي

R7eeq said...

امبيه شلله حادج تسمعين نكد وانتي طالعه مستانسه ؟؟؟


حطي نانسي \اليسا\ هيفا الهبله ,,

وضحكي واستانسي,,

ولا خربيها وحطي اجنبي لول



ماكو شي يستاهل النكد ,,

كل شي مقسوم ,,, :))



....

mishari said...

لالالالالالا كلشى ولا اكسجين شناوية
هالنادى كل شى تشوفين فيه
ريايل مو ريايل واشكال اللهم كافى
اقول خلج بالبيت وصكى الدار وخلى الدريشة مفتوحة وانتى مالج شغل :)))

Lord Bin Sleet said...

لوير
الا اللحين ماعقلتي عن الرومانسية
:~)
عادي ترى كل اغنية لها ذكرى وكل ذكرى لها موقف وكل موقف له تأثير اما ايجابي واما سلبي...

اللي بوصل له
وسعي صدرك
لورد بن سليت

Яeema said...

أنا مع رحيق

شريط إليسا من أول ما نزل بالسوق ما إنشال من السيارة

و أنتقلت العدوة ليه سارتج إذا بركب وياج ، ما قتلج مالج إلا إليسا

هذولا يعرفون إشلون يعيشون

هاهاهاهاها

ما همهم إلا النيو لووك و آخر كريم تان و آخر موبايل

ههههههه

lawyer said...

رحييييييييق
ههههههههههههههههه اي والله هيفا الهبله
اي انا كلا احط اليسا بس مدري شي الي سلطني على الاف ام

على قولتج ضحكي و استانسي اخر العمر مووت

مشمش طري مبلول
ويييييييييييييييييييع اصحك الدار و ابطل الدريشه من زين المنظر داري تطل على ملحق سايق بيت جيرانا و حمام السااااايق
تعال بس شووفه ويا وزاره وييييييع

آآآآآآآآآآآآآل افتح الدريشه آآآآآآآآل

لورد بن سليت
هلا هلا بالطشششششششششش و الرش وماي الورد المنرش
يا حلات كلامك والله يوسع الصدر
محد مأأأأأأأأزرني في محنتي الا انت حيااااااااتي والله
بس تعال عسى ماشر ما اشوفك هاليومين
بسسسسسسسسسسسسسسسك من البورصه و المشاريع بسسسسسسسسسسسسك
جابلني شوي



ريما
يا انتي يا ام انيو لوووووووك

انا ضد النيو لوك
كل ما اقعد في الصالون 10 ساعات و اسوي نيو لوك
تالي البس حجابي ارد البيت من الحر مخترب كل النيو لوك
خليني على الحنه ابرك

kazmawy said...

عاد تبجين علشان اغنية
صج البنات صعبين
:)
عيل لو شايفة هوشة والا مناحة بعزا شتسوين..!!
بعدين عبد المجيد يبجى ..كلش منتهى وفاج حده...
يمعودة الحمدلله ماصار لج حادث بس علشانه...جان كرهتيه طول عمرج..
والله يعينج

kila ma6goog said...

عبد المجيد متزوج و بيتهم بالقرطبة أو السرة